Kuboresha Ustadi Wetu Katika Huduma​—Kumfikia Kila Mtu Katika Eneo Letu

KWA NINI NI MUHIMU: Zekaria alitabiri kwamba watu kutoka lugha zote za mataifa wangesikiliza habari njema. (Zek 8:23) Lakini ni nani atakayewafundisha? (Ro 10:13-15) Tuna pendeleo na daraka la kuwahubiria watu wote katika eneo letu habari njema.—od 84 ¶10-11.

JINSI YA KUFANYA HIVYO:

• Tayarisha. Je, unakutana na watu wanaozungumza lugha nyingine? Unaweza kutumia programu ya JW Lugha kujifunza utangulizi rahisi. Au ukitumia kifaa chako cha mkononi, unaweza kumwonyesha mtu jinsi anavyoweza kupata habari zaidi katika lugha yake kwenye jw.org

• Uwe macho. Unapohubiri nyumba kwa nyumba, usipuuze nafasi zozote za kuwatolea ushahidi wapita-njia au watu wanaosubiri ndani ya magari. Ikiwa unashiriki mahubiri ya hadharani, kumbuka kwamba lengo lako ni kutoa ushahidi

• Uwe mwenye bidii. Jitahidi kuendelea kuwafikia wale ambao huwakuti nyumbani. Jitahidi kuzungumza na mtu katika kila nyumba, labda kwa kwenda muda tofauti au siku tofauti katika juma. Huenda ukahitaji kuwasiliana na wenye nyumba fulani kwa kuwaandikia barua, kuwapigia simu, au kuwahubiria barabarani

• Fuatilia upendezi. Rudi haraka iwezekanavyo kufuatilia upendezi wowote uliopatikana. Ikiwa mtu anazungumza lugha nyingine, tafuta mhubiri anayezungumza lugha yake ili amsaidie. Unapaswa kuendelea kumtembelea mtu huyo mpaka atakapotembelewa na wahubiri wanaozungumza lugha yake. —od 94 ¶39-40

TAZAMENI VIDEO KUHUBIRI KATIKA “SEHEMU YA MBALI ZAIDI YA DUNIA,” KISHA MZUNGUMZIE MASWALI YAFUATAYO:

• 

  Ndugu na dada walifanya matayarisho gani ili kuwafikia watu katika eneo la mbali? (1Ko 9:22, 23)

• 

  Ni vipingamizi gani ambavyo walikabiliana navyo?

• 

  Walipata baraka zipi?

• Unaweza kufanya jitihada zipi kuwafikia watu wengi zaidi katika eneo lenu?