Njoo, Uwe Mfuasi Wangu​—Unahitaji Kufanya Nini?

9:62

Ili mkulima anayetumia plau alime mstari ulionyooka, hapaswi kukengeushwa na mambo yaliyo nyuma yake. Vivyo hivyo, Mkristo hapaswi kujiruhusu akengeushwe na mambo aliyoacha nyuma katika ulimwengu.—Flp 3:13.

Tunapokabili hali ngumu, ni rahisi kuanza kutamani siku za zamani, labda jinsi hali zilivyokuwa kabla ya kupata kweli. Tunapofanya hivyo, mara nyingi tunatia chumvi kwamba tulikuwa na shangwe nyingi zaidi huku tukipunguza uzito wa matatizo tuliyokabili. Hivyo ndivyo Waisraeli walivyofanya walipotoka Misri. (Hes 11:5, 6) Tukitafakari sana kuhusu mambo hayo, huenda tukashawishiwa kurudia maisha yetu ya zamani. Lingekuwa jambo bora zaidi kuhesabu baraka tunazopata sasa na kukazia fikira shangwe tutakazopata wakati ujao chini ya Ufalme!—2Ko 4:16-18.