Thamini Uhusiano Wako na Yehova

Mashahidi wa Yehova wana pendeleo la pekee. Tukiwa Wakristo waliojiweka wakfu na kubatizwa, tunaendelea kusitawisha uhusiano wa kibinafsi na wa karibu pamoja na Bwana Mwenye Enzi Kuu Yehova. Ametuvuta kwake kupitia Mwana wake. (Yoh 6:44) Anasikiliza sala zetu.​—Zb 34:15.

Tunaweza kulindaje uhusiano wetu wenye thamani pamoja na Mungu? Tunapaswa kuepuka dhambi ambazo Waisraeli walifanya. Muda mfupi baada ya kuweka agano pamoja na Yehova, walitengeneza ndama wa dhahabu na kutumbukia katika ibada ya sanamu. (Kut 32:7, 8; 1Ko 10:7, 11, 14) Tunaweza kujiuliza: ‘Mimi hutendaje ninaposhawishiwa? Je, matendo yangu yanaonyesha kwamba ninathamini uhusiano wangu na Yehova?’ Upendo wenye kina kwa Baba yetu wa mbinguni utatusaidia tukimbie mambo anayochukia.​—Zb 97:10.

TAZAMENI VIDEO YENYE KICHWA LINDA UHUSIANO WAKO PAMOJA NA YEHOVA (KOL 3:5), KISHA MJIBU MASWALI YAFUATAYO:

• Pupa ni nini?

• Kwa nini tunapaswa kuepuka pupa na ibada ya sanamu?

• Kuna uhusiano gani kati ya uzinzi na ibada ya sanamu?

• Kwa nini hasa wale walio na majukumu ya kitheokrasi wanapaswa kujali mahitaji ya wenzi wao wa ndoa?