Tunaonyesha Upendo kwa Kuunga Mkono Nidhamu Inayotoka kwa Yehova

Kutenga na ushirika hulinda kutaniko na kuwatia nidhamu wakosaji wasiotubu. (1Ko 5:6, 11) Tunaonyesha upendo tunapounga mkono nidhamu hiyo kutoka kwa Yehova. Hilo linawezekanaje ikiwa kutenga na ushirika huwaumiza wote wanaohusika kutia ndani watu wa karibu wa ukoo na pia halmashauri ya hukumu?

Zaidi ya yote, upendo wetu unatuchochea kuhakikisha jina la Yehova linaendelea kuheshimiwa na viwango vyake vya utakatifu vinadumishwa. (1Pe 1:14-16) Pia tunaonyesha kwamba tunampenda yule aliyetengwa na ushirika. Nidhamu kama hiyo ingawa ni yenye kuumiza inaweza ‘kutokeza amani na uadilifu.’ (Ebr 12:5, 6, 11) Tunaposhirikiana na mtu aliyetengwa na ushirika au aliyejitenga, tunamzuia mtu huyo kufaidika na nidhamu ya Yehova. Kumbuka, Yehova huwatia nidhamu watu wake “kwa kiwango kinachofaa.” (Yer 30:11) Tunaendelea kutumaini kwamba mtu huyo atamrudia Baba yetu mwenye rehema. Kwa sasa tunaendelea kuunga mkono njia ya Yehova ya kutoa nidhamu na kufanya yote tunayoweza ili kudumisha uhusiano wetu pamoja na Yehova ukiwa imara.​—Isa 1:16-18; 55:7.

TAZAMENI VIDEO YENYE KICHWA DUMISHA USHIKAMANIFU UKIWA NA MOYO IMARA KISHA MJIBU MASWALI YAFUATAYO:

• 

  Wazazi Wakristo huhisi maumivu kadiri gani mtoto wao anapomwacha Yehova?

• 

  Kutaniko linaweza kuwaungaje mkono washiriki wa familia ambao ni waaminifu?

• 

  Ni simulizi gani la Biblia linaloonyesha kwamba kuwa mshikamanifu kwa Yehova ni muhimu kuliko kuwa mshikamanifu kwa watu wa familia?

• 

  Tunaweza kuonyeshaje kwamba sisi ni washikamanifu kwa Yehova kuliko tulivyo washikamanifu kwa watu wa familia?