Video Mpya! Jinsi ya Kuitumia

¹ Jumatatu jioni, Oktoba 8, 1990 familia za Betheli ya United States na Kanada ziliiona, na zikasisimuliwa na mataraja ya utumizi wayo. Wenzi wawili wa ndoa wa Betheli waliiita “moja ya mambo yenye kutia moyo na kuleta shangwe zaidi waliyopata kuona.” Baada ya kutazama video hiyo mpya ya dakika 55 yenye kichwa Jehovah’s Witnesses—The Organization Behind The Name, tunahisi kwamba nyinyi pia mtatiwa moyo na toleo hilo bora, lenye habari nyingi.

² Video hiyo inaonyesha tengenezo la watu wa Yehova waliojitoa wakitimiza amri ya Yesu ya kuhubiri habari njema za Ufalme duniani pote. (Mt. 24:14) Ingawa utendaji katika Betheli ya Brooklyn na Watchtower Farms unaonyeshwa, sehemu kubwa ya kazi ya ulimwenguni pote ya Mashahidi wa Yehova inaonyeshwa. Karibuni, wale walioagiza video hiyo kupitia kundi watapokea nakala zao za kibinafsi. Mtaona kwamba haki zote za kunukuu kifaa hicho zimehifadhiwa na hakipaswi kutolewa nakala nyingine.

³ Baada ya kutazama programu, bila shaka utaanza kufikiri juu ya wengine ambao utaweza kushiriki nao. Lakini ni akina nani hasa? Imeundwa hasa kuonyesha mafunzo ya Biblia nyumbani ikiwa wanafanya maendeleo mazuri. Tunapendekeza kwamba uitazame pamoja na mwanafunzi, kwa sababu itatoa msingi wa mazungumzo pamoja naye wakati ujao. Ikiwa inaazimwa, video hiyo yaweza kupewa kwa mwanafunzi huyo ili aionyeshe kwa wengine, au aweza kupata nakala yake mwenyewe.

⁴ Je! una watu wa ukoo wasioamini? Kwa nini usipange waweze kuiona? Hilo laweza kudhibitika kuwa kile hasa kinachohitajika kuchochea mazungumzo kuhusu tengenezo na itikadi zetu. Programu hiyo yapasa kufaidi vijana hasa. Kama tokeo la kuona vijana wengi wakijitoa wenyewe kuendeleza masilahi ya Ufalme, huenda wakatiwa moyo kufuatia utumishi wa wakati wote pia.

⁵ Tuna uhakika kwamba video hii mpya itaongeza uthamini wa watu wengi zaidi kwa tengenezo la Yehova na yale inayotimiza ulimwenguni pote.