Tumia Tovuti ya jw.org/sw Katika Huduma

Tovuti yetu ni njia bora inayotusaidia kueneza habari njema “mpaka sehemu ya mbali zaidi ya dunia.” (Mdo. 1:8) Watu wengi hawaifahamu Tovuti ya jw.org/sw. Wanaijua baada tu ya kupata mwongozo kutoka kwa mhubiri.

Mwangalizi mmoja anayesafiri ameipakua na kuhifadhi kwenye simu yake video yenye kichwa Kwa Nini Ujifunze Biblia?, naye huionyesha kila anapopata fursa. Kwa mfano, anapohubiri nyumba kwa nyumba, yeye husema: “Ninawatembelea watu kwa muda mfupi ili kuwasaidia kupata majibu ya maswali matatu muhimu: Kwa nini ulimwengu una matatizo mengi sana? Mungu atayaondoaje? Na tunawezaje kukabiliana nayo kwa sasa? Video hii fupi inazungumzia maswali hayo.” Kisha, anamwonyesha mwenye nyumba video hiyo na kutazama itikio lake. Video hiyo inawavutia watu sana hivi kwamba wengi wao huitazama kwa makini kutoka mwanzo hadi mwisho. Kisha mwangalizi huyo husema: “Kama ulivyosikia, unaweza kutumia mtandao kuomba kujifunza Biblia. Kwa sababu nipo hapa, ninaweza kutumia muda mfupi kukuonyesha jinsi funzo hilo linavyofanywa.” Mwenye nyumba akikubali, anamwonyesha jinsi ya kujifunza kwa kutumia broshua Habari Njema. Ikiwa mwenye nyumba hana nafasi, anafanya mipango ya kufanya hivyo katika ziara inayofuata. Anapopumzika kwenye mkahawa, anaanzisha mazungumzo ya kirafiki na mtu aliyeketi kando yake halafu anatumia utangulizi kama huo. Je, unatumia Tovuti ya jw.org/sw katika huduma?