Jaribu Utangulizi Usio Mgumu — Watchtower

Jaribu Utangulizi Usio Mgumu

Kuonyesha kupendezwa na watu kwa unyofu, kutatuchochea tujaribu kutambua mahitaji yao, na kuwaonyesha jinsi Ufalme utakavyomaliza kabisa matatizo wanayopambana nayo. (Flp. 2:4) Utangulizi usio mgumu ambao wahubiri wengi wanaona kuwa una matokeo, ni kualika mwenye nyumba atoe maelezo kuhusu picha zenye kuonyesha maisha katika Paradiso ndani ya vichapo vyetu, kama vile inavyoonyeshwa kwenye safu ya mkono wa kuume wa ukurasa huu. Unaweza kufanya hivyo ukitumia moja ya matangulizi yafuatayo:

◼ “Je, unafikiri tutaona wakati wowote familia ya kibinadamu ikifurahia aina ya hali zinazopatikana kwenye picha hii?”

◼ “Sisi wote tungependa watoto wetu wawe na uwezo wa kufurahia aina ya ulimwengu unaopatikana kwenye picha hii. Unafikiri ni nini linatakiwa ili kufanya hilo liwezekane?”

◼ “Hii ni picha ya jinsi dunia itakavyokuwa wakati mapenzi ya Mungu yatatendeka duniani kama ilivyo mbinguni. Je, unatambua jambo fulani kwenye picha ambalo ni tofauti na maisha ya leo?”

◼ “Je, ungependa kuishi katika hali zinazoonyeshwa kwenye picha hii? [Acha mtu ajibu.] Je, unafikiri kwamba hilo litatokea muda wa maisha yetu?”

Sikiliza kwa makini jibu la mtu, na kwa upole tafuta kujua maoni yake kwa kutumia ulizo moja au maulizo mawili ya ziada. Ikiwa wamoja wanajibu kwamba hawangependa kuishi chini ya hali hizo zinazopatikana kwenye picha au kwamba hawaamini kwamba jambo kama hilo linawezekana, usikate maneno haraka kwamba hawapendezwi. Kwa busara uliza kwa nini wanafikiri hivyo. Maelezo yao yanaweza kufunua hangaiko lao la kindani kuhusu yale yanayoonekana kuwa matatizo yasiyomalizika ambayo wanadamu wanapambana nayo.—Ezek. 9:4.

Kwa kuwa unaelewa mahangaiko ya mwenye nyumba, fanya utoaji wako ulingane nayo. Kazia sehemu ya ujumbe wa Ufalme ambayo inahusu zaidi moja kwa moja mahitaji yake. Umwonyeshe andiko moja au maandiko mawili yanayohusiana na jambo linalomhangaisha. (Ona mapendekezo kwenye safu ya mkono wa kuume.) Mwache yeye mwenyewe ajionee lile ambalo Neno la Mungu linasema. Akionyesha kupendezwa, umtolee kichapo na fanya mpango ili kumtembelea tena. Endelea kukuza kupendezwa kwake zaidi kwenye ziara ya kwanza.

[Kisanduku Kwenye Ukurasa wa 6]

Mifano ya Picha Zenye Kuonyesha Maisha Katika Paradiso

Kitabu Création: Ukurasa 237, 243, 251

Kitabu Mwalimu: Ukurasa 251-254

Kitabu Ujuzi: Ukurasa 4-5, 188, 189

Broshua Anataka: Ukurasa 11, 13

Kitabu Amani ya Kweli: Ukurasa 98

Kitabu Mwabudu Mungu: Ukurasa 92-93

[Kisanduku Kwenye Ukurasa wa 6]

Mambo Yanayohangaisha Watu

Jeuri, uhalifu

Zaburi 37:10, 11;