Tutolee Magazeti Kwa Wakati Wowote
1 Tunazo sababu nzuri za kuthamini Mnara wa Mlinzi na Amkeni! Ni magazeti gani mengine ulimwenguni yaliyo yenye kuvutia? Mwezi huu, ni yenyewe tutatolea hasa hasa; mambo yaliyomo ya namba za Oktoba ni ya maana sana. Kwa kawaida, tunaangusha sehemu kubwa ya magazeti yetu katika utendaji wa nyumba kwa nyumba, lakini tunajitayarisha ili kuyatolea pia kwa wakati wowote mwingine wenye kufaa.
2 Pamoja na “Mnara wa Mlinzi” wa Oktoba 1, tuamshe kupendezwa kwa ajili ya makala “Ulimwengu Usio na Vita—Lini?,” kwa kusema:
◼ “Watu wengi wanajiuliza kwa nini, ijapokuwa jitihada za wanadamu, inaonekana haiwezekani kusimamisha ulimwengu usio na vita. Unafikiri nini juu ya maneno yanayosemwa kwenye ukurasa wa 5 wa Mnara wa Mlinzi wa Oktoba 1? [Tusome sentensi ya kwanza ya kila moja ya mafungu mawili ya kwanza chini ya kichwa kidogo “Dini—Kizuizi Kikubwa,” na tungoje jibu lake.] Bila shaka, hilo halimaanishi kwamba kutakuwa sikuzote vita. Tazama ahadi hii ya Mungu inayopatikana katika Isaya 9:6, 7.” Tusome andiko hilo ama katika Biblia ama kama linavyotajwa katika Mnara wa Mlinzi. Tuseme kwa ufupi kwamba Mnara wa Mlinzi unajulisha kwamba Ufalme wa Yehova ndilo tumaini pekee kwa kusimamisha ulimwengu wa amani, na tumtie msikilizaji moyo kusoma makala.
3 Ili kutolea “Amkeni!” ya Oktoba 22, tungeweza kusema:
◼ “Unafikiri nini juu ya ulizo hili, kwenye ukurasa wa kwanza wa gazeti hili: ‘Kwa Nini Maisha Ni Mafupi Mno?’ [Tungoje jibu.] Makala haya mfululizo yanafasiria yale wanasayansi na wengine wanayosema juu ya kuzeeka, kisha yanakazia juu ya yale Muumba ameahidi, uhai wa milele. Ningependa kukuachia gazeti hili, ikiwa unafikiri kwamba utalisoma.”
4 Ikiwa tunakuta watu wanaopenda kuzungumza juu ya dini, kwa nini tusizungumzie kirefu juu ya makala ya “Mnara wa Mlinzi” wa Oktoba 15? Labda itapata itikio?
◼ “Ningependa kujua maoni yako juu ya ulizo hili: Je! inawezekana kumpenda Mungu na kumwogopa wakati huohuo?” Tungoje jibu, na kisha tusome habari katika makala “Kwa Nini Umhofu Mungu wa Kweli Sasa?” (Muh. 12:13) Tutumie mojawapo ya vielezi (mifano) vya ukurasa 427 wa kitabu Kutoa Sababu, na tutolee gazeti ikiwa tunatambua kupendezwa fulani.
5 Katika nyumba kwa nyumba, hatupiti kando ya duka ndogo-ndogo na nyumba ndogo za bidhaa. Wale wanaohubiri kwa ukawaida katika maduka wanasema kwamba utendaji huo ni yenye kupendeza na wenye matokeo. Tujaribu utoaji mwepesi kama huu tunapotolea “Amkeni!” ya Oktoba 8:
◼ “Tunajua kwamba watu kama wewe, ambao wako katika shughuli za kibiashara, wanapenda kujua kile kinachowasumbua majirani zao. Ni kwa sababu hiyo nipo hakika kwamba makala haya yatakupendeza.” Kisha tueleze kwa ufupi wazo moja la makala “Familia za Mzazi Mmoja—Zaweza Kufanikiwa kwa Kadiri Gani?”
6 Ikiwa mtu tunayekuta ni mwenye shughuli kweli kweli, tungeweza kumwonyesha magazeti na kusema:
◼ “Ninafikiri kwamba leo haukutazamia kupokea ziara, ni kwa hiyo nitasema kwa ufupi. Ningependa kukupa nafasi ya kusoma kitu fulani cha lazima.” Tutokeze makala fulani iliyochaguliwa, na tutolee magazeti.
7 Tuchukue maandishi ya nyumba kwa nyumba kwa ufundi, na turudi kumuona kila mtu aliyekubali kitacho. Ikiwa tunavumbua kupendezwa kwa kweli kweli wakati wa ziara ya kurudia, tutolee uandikisho kwenye gazeti moja au kwa yote mawili. Tuwe tayari na wepesi kutolea magazeti yetu kwa wakati wowote unaofaa.