Shule ya Huduma ya Kitheokrasi ya 2001

¹ Kuna sababu za Kimaandiko za kutosha ambazo zinapaswa kutuchochea tushiriki kikamili zaidi iwezekanavyo katika Shule ya Huduma ya Kitheokrasi.—Mez. 15:23; Mt. 28:19, 20; Mdo. 15:32; 1 Tim. 4:12, 13; 2 Tim. 2:2; 1 Pet. 3:15.

² Kwa muda mrefu, programu ya usomaji wa Biblia wa kila juma imekuwa sehemu kubwa ya shule hiyo. Hiyo ni sawa na kusoma ukurasa mmoja hivi wa Biblia kila siku. Kuanzia mwaka huu, usomaji wa Biblia unatolewa pia kuwa mgawo kwa ajili ya juma la kujikumbusha kwa kuandika. Usomaji wa Biblia wa ziada, ambao ulipangwa kwa ajili ya ile miaka mitatu iliyopita, umemalizika. Lakini ikiwa unataka kusoma sehemu kubwa zaidi ya Biblia kuliko ile inayopangwa kwenye programu, unaweza kufanya programu yako mwenyewe ya usomaji.

³ Mgawo Na. 2 unazoeza akina ndugu kwa ajili ya “kusoma [Neno la Mungu] mbele ya watu wote.” (1 Tim. 4:13) Wakati unapokuwa na mgawo wa usomaji, jizoeze huo kwa sauti kubwa tena na tena. Unaweza kutumia rekodi za Biblia za kaseti za kusikiliza za Sosaiti ili kuboresha matamshi yako, ubadilifu wako wa sauti, na pande nyinginezo za usomaji mzuri.

⁴ Migawo Na. 3 na Na. 4 ni yenye msingi juu ya kitabu Kutoa Sababu, ambacho kilitayarishwa ili kutumiwa katika huduma ya shambani. Ikiwa habari iliyotolewa kuwa mgawo ni nyingi kupita ile unayoweza kuchunguza katika wakati ulioamuriwa, chagua tu yale yatakayokuwa yenye kutumika zaidi kwa ajili ya eneo la kutaniko lenu. Kikao chochote ambacho kinafaa kwa ajili ya eneo lenu kinaweza kutumiwa.

⁵ Fanya jitihada yote yenye kupatana na akili nzuri ili kutimiza migawo yako katika shule. Chukua wakati wa kujitayarisha vizuri, na useme kutoka moyoni mwako. Utakuwa chanzo cha kitia-moyo kwa kutaniko, nawe utajifaidi mwenyewe kwa kushiriki kwa moyo wote katika Shule ya Huduma ya Kitheokrasi mnamo mwaka wa 2001.