Neno la Mungu Lina Nguvu
1. Mukusanyiko wa pekee wa siku moja wa mwaka wa utumishi wa 2014 una kichwa gani?
1 Tofauti na vitabu vya wanadamu ambao hawakamilike, Biblia ina nguvu ya kutubadili, kufanya mawazo yetu na mwenendo wetu vipatane na mapenzi ya Mungu. Neno la Mungu ni lenye nguvu kadiri gani? Namna gani tunaweza kutumia kikamili nguvu ya Neno la Mungu katika maisha yetu? Namna gani tunaweza kutumia vizuri zaidi nguvu ya Neno la Mungu ili kuwasaidia wengine? Tuko hakika kwamba sisi wote tutajengwa kiroho wakati maulizo hayo yatajibiwa kwenye mukusanyiko wa pekee wa siku moja wa mwaka wa utumishi wa 2014. Kichwa cha mukusanyiko huo ni “Neno la Mungu Lina Nguvu;” kinategemea andiko la Waebrania 4:12.
2. Tutatafuta majibu kwa maulizo gani?
2 Tafuta Majibu kwa Maulizo: Utakapofuata programu ya mukusanyiko huo, andika majibu kwa maulizo yanayofuata.
• Sababu gani tunapaswa kutumainia Neno la Yehova? (Zab. 29:4)
• Tunaweza kufanya nini ili tujionee ao tuonje nguvu ya Neno la Mungu katika maisha yetu? (Zab. 34:8)
• Namna gani unaweza kutumia nguvu ya Neno la Mungu katika mahubiri? (2 Tim. 3:16, 17)
• Namna gani tunaweza kuepuka nguvu za udanganyifu za ulimwengu wa Shetani? (1 Yoh. 5:19)
• Vijana, munaweza kufanya nini ili mupate matokeo mazuri katika utumishi wenu? (Yer. 17:7)
• Namna gani tunaweza kuendelea kuwa na nguvu hata tunapokuwa zaifu? (2 Kor. 12:10)
• Tunaweza kufanya nini ili tuendelee kufanya mabadiliko, hata ikiwa tumekua na tabia mbaya kwa muda murefu? (Efe. 4:23)
3. Zaidi ya kufuata programu, namna gani tunaweza kufaidika na mukusanyiko wa pekee wa siku moja?
3 Tutafaidika sana tutakapofuata programu hii ya maana! Pia, kama inavyokuwa wakati wa mukusanyiko wa muzunguko na mukusanyiko wa wilaya, wakati wa mukusanyiko wa pekee tutapata nafasi ya kupanuka na kukutana na ndugu na dada zetu wa makutaniko mengine. (Zab. 133:1-3; 2 Kor. 6:11-13) Kwa hiyo, tumia nafasi hiyo ili kujiunga na marafiki wako, na kutafuta marafiki wengine. Ikiwa kuna musemaji mugeni kwenye mukusanyiko wenu wa pekee, kwa mufano mwangalizi wa wilaya ao ndugu kutoka kwenye Beteli, je, unaweza kumukaribisha pamoja na bibi yake? Kwa kweli, tuna sababu nzuri za kungojea kwa hamu mukusanyiko wa pekee unaokuja!