Tukomalishe Ufundi Wetu wa Kuhubiri—Kushinda Vizuia-Mazungumuzo

Sababu Gani Ni Lazima Kufanya Hivyo: Wazia unajua kwamba musiba fulani wa asili unakaribia. Watu watakufa ikiwa hawakimbie. Unaenda kwa jirani ili kumujulisha, lakini anakukatiza, na anasema ana kazi mingi. Bila shaka, hautavunjika moyo, utajikaza tu umusadikishe! Watu wengi katika eneo hawatusikilize, hawatambue kwamba ujumbe ambao tunawaletea unaweza kuokoa uzima wao. Pengine tunawatembelea wakati wana kazi mingi. (Mt. 24:37-39) Ao wamedanganywa na habari za uongo juu yetu. (Mt. 11:18, 19) Kwa hiyo, wanaweza kuwaza kama sisi pia tuko sawa na dini ambazo zimetokeza matunda mabaya. (2 Pet. 2:1, 2) Ikiwa musikilizaji hapendezwe, tusivunjike moyo mara moja.

Namna ya Kufanya:

Mbele ya kuhubiri nyumba kwa nyumba, ni muzuri uchukue wakati wa kufikiria vizuia-mazungumuzo vinavyoweza kutokea, na ujue namna utavishinda.
Ikiwa musikilizaji anatokeza kizuia-mazungumuzo, kwa upole, jaribu kuendeleza mazungumuzo. Pengine unaweza kufanya hivyo kwa kumushukuru. Kwa mufano, akisema nina dini yangu, unaweza kumujibu: “Nilitazamia kukutana na watu walio na dini yao kama wewe.” Wakati fulani kuelewa mawazo na hali za musikilizaji kunaweza kukupatia nafasi ya kutoa ushahidi. Kwa mufano, akisema hana wakati, unaweza kusema: “Ninaelewa. Lakini mbele ya kuondoka nilipenda kukuachia kichapo hiki.” Jambo lingine la kufanya ikiwa musikilizaji anasema hapendezwe, ni kumuuliza ulizo. Unaweza kumuuliza: “Haupendezwe na Biblia, ao haupendezwe na mambo ya dini?”
Tumia akili nzuri. Kumbuka kwamba Yehova hawalazimishe watu kumusikiliza. (Kum. 30:19) Kila mutu atatoa hesabu mbele ya Yehova. (Gal. 6:5) Ikiwa musikilizaji wako anapinga kabisa, ni muzuri zaidi kuondoka. Tukiheshimu mawazo yake, anaweza kuwa tayari kuwakaribisha wahubiri wengine watakaomutembelea.—1 Pet. 3:15.

Tumikisha Shauri Hili Katika Mwezi:

Ikiwa musikilizaji anatokeza kizuia-mazungumuzo, kisha kuachana naye, zungumuza na muhubiri mwenzako kuhusu namna mungeshinda kizuia-mazungumuzo hicho kwa njia nzuri zaidi.