Tutumie jw.org Katika Mahubiri

Adresi yetu ya Internete ni chombo kizuri ambacho kinatusaidia kutangaza habari njema ‘mupaka sehemu ya mbali zaidi ya dunia.’ (Mdo 1:8) Ni vigumu kwa wasikilizaji wengi kupata wao wenyewe jw.org. Lakini, wanaweza kujua adresi hiyo ikiwa tu muhubiri fulani anawasaidia.

Mwangalizi mumoja mwenye kusafiri alichukua kwenye Internete video Sababu Gani Ujifunze Biblia? Ameitia katika telefone yake na anaionyesha kila mara wakati nafasi inajitokeza. Kwa mufano, wakati anahubiri nyumba kwa nyumba, anasema hivi: “Ninawatembelea watu kwa dakika chache ili kuwasaidia wapate majibu ya maulizo matatu ya maana: Sababu gani kuna mateso? Namna gani Mungu atamaliza mateso hayo? Na kwa kungojea, namna gani tunaweza kupambana na mateso leo? Video hii fupi inajibia maulizo hayo.” Kisha, anamuonyesha mara moja video hiyo na anachunga. Video hiyo ni yenye kuvutia sana na watu wengi wanapenda kuiangalia mupaka mwisho. Kisha mwangalizi huyo anaongeza hivi: “Unatoka kusikia kwamba unaweza kuomba funzo la Biblia kupitia Internete. Lakini kwa kuwa niko hapa, ninaweza kukuonyesha kwa muda mufupi namna ya kufanya funzo hilo.” Kama mwenye nyumba anaitika, anatumia broshua Habari Njema ili kumuonyesha namna ya kufanya funzo la Biblia. Kama mwenye nyumba hana wakati, anachukua mipango ili kufanya hivyo wakati atamurudilia tena. Wakati anaenda kula kwenye restora, anamwambia mutu ambaye anaikala pembeni yake maneno kama hayo kisha kuzungumuza naye kidogo. Unatumia jw.org katika mahubiri?