Tukomalishe Ufundi Wetu wa Kuhubiri—Kupendezwa na Musikilizaji

Sababu Gani Ni Lazima Kufanya Hivyo: Yesu alipendezwa na watu wakiwa mutu mumoja mumoja, na alihangaikia kila mumoja wao kwa upendo. Kwa mufano, siku moja inawezekana alitambua kwamba mwanaume fulani kiziwi alikuwa na wasiwasi ao haya mbele ya watu wengi, kwa hiyo, alimuponyesha mahali penye hapakuwa na watu. (Mk. 7:31-35) Yesu alionyesha kwamba aliwahangaikia wanafunzi wake; alitambua uwezo wao na hakuwafundisha mambo mengi sana. (Yoh. 16:12) Hata akiwa mbinguni, Yesu anaendelea kupendezwa na watu. (2 Tim. 4:17) Sisi wafuasi wa Kristo, tunapaswa kumuiga. (1 Pet. 2:21; 1 Yoh. 3:16, 18) Pia, tutapata matokeo mazuri katika mahubiri ikiwa tunapendezwa na musikilizaji wetu na ikiwa tunahangaikia hali, mapendezi, na matatizo yake. Atakuwa tayari kutusikiliza ikiwa anatambua kwamba hatukumutembelea tu ili kumutolea ujumbe fulani ao vichapo, lakini, tunapendezwa naye kabisa.

Namna ya Kufanya:

Ujitayarishe muzuri. Uwe mwenye kutulia, mwenye sura ya furaha, na mwenye urafiki.
Uwe mutazamaji muzuri. Kuna mambo ambayo yanaonyesha kwamba musikilizaji wako ana watoto, ni mulimaji, ana wanyama fulani, ao iko katika dini fulani? Inaweza kuwa muzuri upatanishe utangulizi wako na hali yake.
Umuulize maoni yake, umusikilize kwa uangalifu na usimukatize bila sababu. Umuangalie wakati anajibu ili kuonyesha kwa unamufuata muzuri. Umushukuru kwa majibu yake, na ikiwezekana umupongeze kutoka moyoni. Uepuke kubishana naye.
Ujiambatanishe na hali. Ikiwa ni lazima, ambatanisha mazungumuzo yako na mambo yanayomuhangaisha musikilizaji.Ni rahisi kufanya hivyo, kwa sababu tayari trakte, broshua, na magazeti yetu yanazungumuzia habari mbalimbali. Ikiw umemutembelea wakati usiofaa, kwa mufano, wakati ana kazi nyingi, tambua jambo hilo na ufupishe mazungumuzo.

Tumikisha Shauri Hili Katika Mwezi:

Fanya vipindi vya mazoezi wakati wa ibada ya familia ao katika mahubiri ya nyumba kwa nyumba pamoja na ndugu ao dada unayehubiri naye kuhusu namna munaweza kuambatanisha mazungumuzo na jambo ambalo musikilizaji anasema.
Wakati wa mukutano kwa ajili ya mahubiri, ndugu anayeongoza anaweza kuzungumuzia ao kuonyesha njia mbalimbali za kuonyesha kwamba tunapendezwa na watu.