Tukomalishe Ufundi Wetu wa Kuhubiri​​—Kuanzisha Mazungumuzo Yenye Itatutolea Nafasi ya Kuhubiri

Yesu alifikia kuhubiria mwanamuke Musamaria wakati nafasi ilijitokeza kwa sababu alianzisha kwanza mazungumuzo naye. Namna gani tunaweza kukomalisha ufundi wetu wa kuhubiri kwa kuanzisha mazungumuzo na watu wenye hatujue?

• Zungumuza kwa njia ya kirafiki na watu. Hata kama alikuwa mwenye kuchoka, Yesu alianzisha mazungumuzo kwa kuomba tu maji ya kunywa. Kwa hiyo, unaweza kuanza kwa kumusalimia mutu kwa shauku, na kisha unaweza kuongeza jambo fulani juu ya hali ya hewa, ao jambo lingine lenye watu wanazungumuzia sana mu eneo lenu. Usisahau kama, jambo la kwanza ni kutafuta tu kuanzisha mazungumuzo; kwa hiyo zungumuzia jambo lolote lenye linaweza kumupendeza musikilizaji. Kama hapendezwe, usihangaike. Jaribu tena habari ingine. Umuombe Yehova akupatie ujasiri.​—Ne 2:4; Mdo 4:29.

• Ukuwe muangalifu ili kutumia kila nafasi yenye inajitokeza ili kuhubiri habari njema, lakini usikuwe haraka. Acha mazungumuzo iendelee kwa njia ya kawaida. Ukitafuta kukaza mambo, musikilizaji anaweza kujisikia mubaya na anaweza kukatisha mazungumuzo. Usivunjike moyo kama mazungumuzo inakatika mbele upate nafasi ya kuhubiri. Kama unaogopa kuanzisha mazungumuzo, fanya mazoezi ya kuzungumuza na watu bila mupango wa kuwahubiria. [Muangalie video 1 na kuizungumuzia.]

• Ujaribu kutokeza nafasi ya kuhubiri kwa kutaja jambo fulani juu ya imani yako, jambo lenye linaweza kumuchochea musikilizaji atafute kujua habari zaidi. Yesu alisema mambo yenye ilimuchochea mwanamuke Musamaria aulize maulizo. Kwa hiyo, wakati Yesu alikuwa anajibia maulizo yake, alikuwa ameanza kumuhubiria habari njema. [Muangalie video 2 na kuizungumuzia, kisha muangalie video 3 na kuizungumuzia.]