JEREMIA

1 Ano ke mafoko a ga Jeremia* morwa Hilekia, mongwe wa baperesiti ba kwa Anathothe+ mo lefatsheng la ga Benjamine. 2 Jehofa o ne a bua le Jeremia mo motlheng wa ga Josia+ morwa Amone,+ kgosi ya Juda, ka ngwaga wa bo13 wa puso ya gagwe. 3 Gape o ne a bua le ene mo motlheng wa ga Jehoiakime+ morwa Josia, kgosi ya Juda, go fitlha kwa bowelong jwa ngwaga wa bo11 wa puso ya ga Sedekia+ morwa Josia, kgosi ya Juda, go fitlha Jerusalema e isiwa botshwarwa mo kgweding ya botlhano.+

4 Jehofa o ne a nthaya a re:

Ke go dirile moporofeti mo ditšhabeng.”

 6 Mme ke ne ka re: “Ijoo, Morena Molaodimogolo Jehofa!

Ga ke itse go bua,+ ka gonne ke mosimanyana* fela.”+

 7 Go tswa foo, Jehofa o ne a nthaya a re:

“O se ka wa re, ‘Ke mosimanyana fela.’

9 Foo Jehofa o ne a otlolola seatla a bo a kgoma molomo wa me.+ Mme Jehofa o ne a nthaya a re: “Ke tsentse mafoko a me mo molomong wa gago.+ 10 Bona, mo letsatsing leno ke go tlhomile gore o nne le taolo mo ditšhabeng le mo magosing, gore o kumole o bo o dige, o senye o bo o rutlolole le gore o age o bo o jale.”+

11 Gape Jehofa o ne a nthaya a re: “O bona eng, Jeremia?” Ka jalo ke ne ka re: “Ke bona kala ya setlhare sa thamane.”*

12 Jehofa o ne a nthaya a re: “O bone sentle, ka gonne ke ntshitse matlho dinameng ka ga se ke se buileng gore ke se diragatse.”

13 Jehofa o ne a mpotsa jaana lekgetlo la bobedi: “O bona eng?” Ka jalo ke ne ka re: “Ke bona pitsa* e e belang,* mme molomo wa yone o lebile kwa borwa o furaletse* bokone.” 14 Go tswa foo, Jehofa o ne a nthaya a re:

2 Jehofa o ne a nthaya a re: 2 “Tsamaya mme o bolelele Jerusalema mafoko ano, ‘Seno ke se Jehofa a se buang:

 3 Iseraele e ne e le boitshepo mo go Jehofa,+ mabutswapele a thobo ya gagwe.”’

‘Batho bape fela ba ba mo senyang ba ne ba tla bonwa molato.

Ba ne ba tla welwa ke masetlapelo,’ go bua Jehofa.”+

 5 Seno ke se Jehofa a se buang:

 8 Baperesiti ga ba a botsa go re, ‘Jehofa o kae?’+

10 ‘Mme kgabaganyetsang kwa ditlhaketlhakeng* tsa Bakitime+ mme lo bone.

11 A setšhaba se kile sa emisetsa medimo ya sone ka medimo ya maaka?

Mme batho ba me ba emiseditse kgalalelo ya me ka selo se se se nang mosola.+

14 ‘A Iseraele ke motlhanka kgotsa lekgoba le le tsholetsweng mo ntlong ya mong wa lone?

Jaanong ke ka ntlha yang fa a gapilwe?

Di dirile naga ya gagwe selo sa go akabalelwa.

Metse ya gagwe e fisitswe, mo e leng gore ga go na monni.

16 Batho ba Nofe*+ le Tapanese+ ba tla gapa lefatshe la gago.*

23 O ka bua jang wa re, ‘Ga ke a iteswafatsa.

Ga ke a sala Bobaale morago’?

Leba tsela ya gago mo mokgatšheng.

Akanya ka se o se dirileng.

Ke mang yo o ka e thibang fa e eletsa go kopana le e tonanyana?

Ga go ope yo o tla itapisang ka go e batla.

Ba tla e bona mo pakeng* ya yone.

Mme wena o ne wa re, ‘Ga go na mosola!+

27 Ba raya setlhare ba re, ‘O rre,’+

E bile ba raya leje ba re, ‘O ne wa mpelega.’

Mme ba nnaya mekwatla ya bone e seng difatlhego tsa bone.+

28 Jaanong e kae medimo ya gago e o e itiretseng?+

29 ‘Ke ka ntlha yang fa lo nnela go lwa le nna?

Ke ka ntlha yang fa lotlhe lo ntlhanogetse?’+ go bua Jehofa.

30 Ke iteetse bomorwaalona lefela.+

31 Lona batho ba me, akanyang ka lefoko la ga Jehofa.

Ke ka ntlha yang fa batho bano ba me ba rile, ‘Re tsamayatsamaya ka kgololesego.

Ga re kitla re tlhola re tla kwa go wena’?+

Mme batho ba me bone ga ba bolo go ntebala.+

33 Wena mosadi, ruri o setswerere mo tseleng ya gago ya go batla lorato!

O ikatisitse mo ditseleng tsa bosula.+

35 Mme wa re, ‘Ga ke na molato.

Eleruri bogale jwa gagwe ga bo tlhole bo le mo go nna.’

36 Ke ka ntlha yang fa o sa tshwenngwe ke tsela e e fetofetogang e o tshelang ka yone?

3 Batho ba botsa jaana: “Fa monna a ka koba mosadi wa gagwe mme mosadi yoo a bo a tsamaya a mo tlogela a nyalwa ke monna yo mongwe, a monna yoo o tshwanetse go boela kwa go ene gape?”

A lefatshe leo ga le a kgotlelwa?+

 2 “Tsholeletsa matlho a gago kwa dithoteng tse di sa tlhogang sepe mme o bone.

Ke fa kae fa o sa betelelwang teng?

6 Mo motlheng wa ga kgosi Josia,+ Jehofa o ne a nthaya a re: “‘A o bone se Iseraele yo o sa ikanyegeng a se dirileng? O ile kwa godimo ga thaba nngwe le nngwe e e kwa godimo, le ka fa tlase ga setlhare sengwe le sengwe se segolo gore a dire boaka.+ 7 Tota le morago ga gore a dire dilo tseno tsotlhe, ke ne ke nna ke mo raya ke re a boele kwa go nna,+ le fa go ntse jalo ga a ka a boa; mme Juda o ne a nna a lebile mogolowe wa leferefere.+ 8 E rile ke bona seo, ka neela Iseraele yo o sa ikanyegeng lekwalo la tlhalo+ mme ka mo tsamaisa ka ntlha ya boaka jwa gagwe.+ Mme monnawe wa leferefere e bong Juda ga a ka a boifa; le ene o ne a tsamaya a ya go dira boaka.+ 9 O ne a tsaya boaka jwa gagwe e le selo se se sa reng sepe, e bile o ne a nna a kgotlela lefatshe a bo a dira boaka le maje le ditlhare.+ 10 Le fa gone monnawe wa leferefere e bong Juda a sena go bona dilo tseno tsotlhe, ga a ka a boela mo go nna ka pelo yotlhe, fa e se ka boitimokanyi fela,’ go bua Jehofa.”

11 Go tswa foo, Jehofa o ne a nthaya a re: “Iseraele yo o sa ikanyegeng o itshupile a siame go feta Juda wa leferefere.+ 12 Tsamaya, mme o bolele mafoko ano kwa bokone:+

“‘“Boa wena Iseraele wa motlhanogi,” go bua Jehofa.’+ ‘“Ga nkitla ke lo galefela,*+ ka gonne ke a ikanyega,” go bua Jehofa.’ ‘“Ga nkitla ke nna ke kgopisegile ka bosakhutleng. 13 Lemogang molato wa lona, ka gonne lo tlhanogetse Jehofa, Modimo wa lona. Lo tswelela lo tlhakanela dikobo le batswakwa* ka fa tlase ga setlhare sengwe le sengwe se segolo, mme ga lo reetse lentswe la me,” go bua Jehofa.’”

14 “Boang, lona barwa ba ba tlhanogileng,” go bua Jehofa. “Gonne ke mong wa lona* wa mmatota; mme ke tla lo tsaya, a le mongwe go tswa mo motseng le ba babedi go tswa mo lelapeng, ke bo ke lo tlisa mo Siona.+ 15 Ke tla lo naya badisa ba ba dirang go dumalana le thato ya me,*+ mme ba tla lo fepa ka kitso le temogo. 16 Lo tla nna bantsi e bile lo tla ata mo lefatsheng mo metlheng eo,” go bua Jehofa.+ “Ga lo kitla lo tlhola lo re, ‘Letlole la kgolagano ya ga Jehofa!’ Ga le kitla le tla mo pelong, e bile ga lo kitla lo le gakologelwa kgotsa lo le tlhologelelwa, e bile letlole leo ga le kitla le tlhola le dirwa gape. 17 Ka nako eo, lo tla bitsa Jerusalema setulo sa bogosi sa ga Jehofa;+ mme ditšhaba tsotlhe di tla phuthelwa kwa leineng la ga Jehofa kwa Jerusalema,+ mme ga lo kitla lo tlhola lo latelela pelo ya lona e e bosula ka botlhogoethata.”

18 “Mo metlheng eo, batho ba Juda le batho ba Iseraele ba tla tsamaya mmogo ba bapile,+ mme ba tla tswa mmogo mo lefatsheng la bokone ba bo ba tsena mo lefatsheng le ke le neileng borraalonamogolo e le boswa.+ 19 Mme ke ne ka ithaya ka re, ‘Ruri ke lo tsentse mo go bomorwaake ka bo ka lo naya lefatshe le le eletsegang, boswa jo bontle thata mo ditšhabeng!’*+ Gape ke ne ka ithaya ka re lo tla goela kwa go nna lo re, ‘Rre!’ e bile ke ne ka ithaya ka re ga lo kitla lo fapoga lo tlogela go ntshala morago. 20 ‘Fela jaaka mosadi a tlogela monna* wa gagwe ka boferefere, le lona Baiseraele lo ntiretse ka boferefere,’+ go bua Jehofa.”

22 “Boang, lona barwa ba ba tlhanogileng.

Ke tla lo fodisa mme ga lo kitla lo ntlhanogela.”+

23 Re ne re itsietsa fa re ne re tsosa modumo mo dithoteng le mo dithabeng.+

Ruri poloko ya Iseraele e mo go Jehofa, Modimo wa rona.+

3 Gonne seno ke se Jehofa a se bolelelang banna ba Juda le Jerusalema:

 5 Bolelang seo mo Juda lo bo lo se itsise mo Jerusalema.

Goang lo bo lo letse lonaka go ralala naga eo.+

 6 Tsholeletsang sesupo* ntlheng ya Siona.

Batlang fa lo ka iphitlhang gone mme lo se ka lwa ema fela,”

Gonne ke tlisa masetlapelo go tswa kwa bokone,+ e leng tshenyo e kgolo.

O dule mo lefelong la gagwe gore a dire lefatshe la gago selo se se tshosang.

Metse ya gago e tla nna marope, e se na banni.+

 8 Ka jalo, aparang letsela la kgetsi.+

10 Foo ke ne ka re: “Ijoo, Morena Molaodimogolo Jehofa! Ruri o tsieditse batho bano+ le Jerusalema fela thata ka go bua o re, ‘Lo tla nna le kagiso,’+ mme gone tšhaka e beilwe mo memetsong ya rona.”

11 Ka nako eo batho bano le Jerusalema ba tla bolelelwa jaana:

12 Phefo e e maatla e tswa mo mafelong ano ka taelo ya me.

Jaanong ke tla itsise dikatlholo tse ke ba atlholang ka tsone.

Dipitse tsa gagwe di bofefo go feta bontsu.+

Ruri re latlhegile, ka gonne re sentswe!

14 Tlosa bosula jo bo mo pelong ya gago gore e sale e le phepa, wena Jerusalema, gore o tle o bolokwe.+

O tla nna o akanya dikakanyo tse di bosula go fitlha leng?

18 “Ditsela tsa gago le ditiro tsa gago di tla boela mo go wena.+

19 Ke tshwenyegile,* ke tshwenyegile!

Ke tlhabiwa ke setlhabi se se botlhoko mo pelong.*

Pelo ya me e iteela ka bonako.

Ke barwa ba ba dimatla, ba ba se nang tlhaloganyo.

23 Ke ne ka leba lefatshe, mme bonang! le ne le le lolea e bile le kgakgabetse.+

Ke ne ka leba kwa magodimong, mme lesedi la one le ne le sa tlhole le le teng.+

30 E re ka jaanong o kgakgabetse, o tla dira eng?

O bua a ntse a otlolola diatla a re:+

“Ruri ke latlhegile, ka gonne ke lapisitswe ke batho ba ba batlang go mpolaya!”

5 Tsamayang mo mebileng ya Jerusalema.

Lebang mo tikologong mme lo ele tlhoko.

 2 Tota le fa ba ka re: “Re ikana ka Jehofa Modimo yo o tshelang!”

Ba tla bo ba sa ntse ba ikanela se e seng boammaaruri.+

 3 Ao tlhe Jehofa, a matlho a gago ga a batle batho ba ba ikanyegang?+

O ba iteile, mme seo ga se a ka sa ba dira sepe.*

O batlile o ba fedisa botlhe, mme ba ne ba gana go amogela kotlhao.+

 4 Le fa go ntse jalo, ke ne ka ipolelela jaana: “Eleruri bano e tshwanetse ya bo e le batho ba maemo a a kwa tlase.

Mongwe le mongwe yo o tswang mo metseng eo o a gagoganngwa.

 7 Nka go itshwarela jang?

 9 Jehofa a re, “A ga ke a tshwanela go ba bona molato ka ntlha ya dilo tseno?

A ga ke a tshwanela go ipusolosetsa mo setšhabeng se se ntseng jaana?”+

A ba diragalelwe ke dilo tseno!”

14 Ka jalo, seno ke se Jehofa, Modimo wa masomosomo, a se buang:

15 Jehofa a re, “Jaanong ke lo tlisetsa setšhaba se se tswang kgakala, lona Baiseraele.+

Ke setšhaba se se sa bolong go nna teng.

17 Ba tla kometsa thobo ya gago le senkgwe sa gago.+

Ba tla senya bomorwao le bomorwadio.

Ba tla fedisa matsomane a gago le metlhape ya gago.

Ba tla senya ditlhare tsa gago tsa morara le tsa mofeige.

Ba tla senya metse ya gago e e sireletsegileng e o e ikanyang ba dirisa tšhaka.”

18 Jehofa a re, “Mme gone, le mo metlheng eo ga nkitla ke lo fedisa gotlhelele.+ 19 Mme fa ba botsa ba re, ‘Ke ka ntlha yang fa Jehofa, Modimo wa rona a re dirile dilo tseno tsotlhe?’ o ba reye o re, ‘Fela jaaka lo ntlogetse gore lo direle modimo o sele mo lefatsheng la lona, ka tsela e e tshwanang lo tla direla batswakwa mo lefatsheng le e seng la lona.’”+

21 “Utlwang seno lona batho ba ba dieleele e bile ba se na tlhaloganyo:*+

24 Mme ga ba bue jaana mo pelong ya bone:

26 Gonne mo bathong ba me go na le batho ba ba bosula.

Ba nna ba tlhodumela fela jaaka batshwaradinonyane ba ba bataletseng.

Ba baya serai se se bolayang.

Ba tshwara batho.

Ke gone ka moo ba nang le maatla e bile ba humile.

29 Jehofa a re, “A ga ke a tshwanela go ba bona molato ka ntlha ya dilo tseno?

A ga ke a tshwanela go ipusolosetsa mo setšhabeng se se ntseng jaana?

30 Go diragetse sengwe se se akabatsang le se se tshosang mo lefatsheng:

Mme ke sone se batho ba me ba se ratang.+

Mme gone, lo tla dira eng fa bokhutlo bo tla?”

6 Lona bomorwa Benjamine, batlang botshabelo kgakala le Jerusalema.

Gonne matlhotlhapelo a tla a tswa kwa bokone, e leng masetlapelo a magolo.+

 2 Morwadia Siona o tshwantshetsa mosadi yo montle le yo o nenekediwang.+

 3 Badisa ba tla tla le metlhape ya bone.

 4 “Ipaakanyetseng go tlhabana* le ene!

Emang, mme a re mo tlhaseleng ka sethoboloko!”

 6 Gonne seno ke se Jehofa wa masomosomo a se buang:

“Remang dikgong mme lo dire thotana go dikologa Jerusalema, e lo tla e dirisang fa lo e tlhasela.+

 9 Seno ke se Jehofa wa masomosomo a se buang:

“Baba ba Modimo ba tla tsaya masalela a Iseraele jaaka e kete ba kgetla morara* wa bofelo mo setlhareng.

Ba tla ba tsaya botlhe fela jaaka mongwe a ka kgetla morara mo ditlhareng tsa morara.”

10 “Ke tla bua le mang ke bo ke mo tlhagisa?

Ke mang yo o tla reetsang?

Ditsebe tsa bone di thibane,* ka jalo ga ba kgone go tlhwaya tsebe.+

Gonne ke tla otlololela banni ba lefatshe leno seatla sa me,” go bua Jehofa.

Mme gone go se na kagiso.+

15 A dilo tse di makgapha tse ba di dirileng di ba tlhabisa ditlhong?

Ga ba tlhabiwe ke ditlhong gotlhelele!

Tota e bile ga ba itse gore go tlontlololwa go ntse jang!+

Ka jalo, ba tla wela mo gare ga ba ba oleng.

Ba tla kgopiwa fa ke ba atlhola,” go bua Jehofa.

16 Seno ke se Jehofa a se buang:

“Emang mo makopanelong a ditsela mme lo bone.

Le fa go ntse jalo, ba re: “Ga re kitla re tsamaya mo go yone.”+

Le fa go ntse jalo, bone ba ne ba re: “Ga re kitla re tlhwaya tsebe.”+

18 “Ka jalo, utlwang lona ditšhaba!

19 Reetsa, wena lefatshe!

21 Ka jalo, seno ke se Jehofa a se buang:

22 Seno ke se Jehofa a se buang:

23 Ba tla tshwara bora le lerumo le le konopiwang.

Ba setlhogo e bile ga ba kitla ba utlwela ope botlhoko.

Ba tlhomagana go ya ka thulaganyo ya tlhabano jaaka monna wa ntwa a tla go tlhabana le wena, wena morwadia Siona.”

24 Re utlwile pego ka setšhaba seo.

29 Meuba* e shele.

Go tswa lloto mo molelong wa yone.

7 Leno ke lefoko le le neng la tla kwa go Jeremia le tswa kwa go Jehofa, le re: 2 “Ema mo kgorong ya ntlo ya ga Jehofa mme o bolele molaetsa ono teng, o re, ‘Utlwang lefoko la ga Jehofa, lona lotlhe batho ba Juda ba lo tsenang mo dikgorong tseno go tla go obama fa pele ga ga Jehofa. 3 Seno ke se Jehofa wa masomosomo, Modimo wa Iseraele, a se buang: “Fetolang ditsela tsa lona le ditiro tsa lona, mme ke tla lo letla gore lo tswelele lo nna mo lefelong leno.+ 4 Lo se ka lwa ikanya mafoko a tsietso mme lwa re, ‘Eno ke* tempele ya ga Jehofa, tempele ya ga Jehofa, tempele ya ga Jehofa!’+ 5 Gonne fa e le gore ruri lo tla fetola ditsela tsa lona le ditiro tsa lona; fa e le gore ruri lo tla diragatsa tshiamiso fa gare ga motho le moagelani wa gagwe;+ 6 fa e le gore ga lo kitla lo gatelela batswakwa, dikhutsana* le batlholagadi;+ fa e le gore ga lo kitla lo tsholola madi a a se nang molato mo lefelong leno; e bile fa e le gore ga lo kitla lo sala medimo e mengwe morago lo ikutlwisa botlhoko;+ 7 foo ke tla lo letla gore lo tswelele lo nna mo lefelong leno, mo lefatsheng le ke neng ka le naya borraalonamogolo ka bosakhutleng.”’”*

8 “Le fa go ntse jalo, lo ikanya mafoko a tsietso,+ mme seo ga se kitla se lo tswela mosola gotlhelele. 9 A lo ka utswa,+ lwa bolaya, lwa dira boaka, lwa ikana ka maaka,+ lwa ntshetsa Baale ditlhabelo*+ lwa bo lwa sala medimo e lo neng lo sa e itse morago, 10 mme lo bo lo tla go ema fa pele ga me mo ntlong eno e e bidiwang ka leina la me lo bo lo re, ‘Re tla bolokwa,’ lo ntse lo dira dilo tseno tsotlhe tse di makgapha? 11 A ntlo eno e e bidiwang ka leina la me e fetogile logaga lwa dinokwane mo matlhong a lona?+ Ke bone se lo se dirang,” go bua Jehofa.

12 “‘Le fa go ntse jalo, jaanong tsamayang mme lo ye kwa lefelong la me kwa Shilo,+ kwa ke neng ke dirile gore leina la me le nne gone la ntlha,+ mme lo bone se ke se dirileng lefelo leo ka ntlha ya bosula jwa batho ba me ba Iseraele.+ 13 Mme lo ne lwa tswelela lo dira dilo tseno tsotlhe,’ go bua Jehofa, ‘tota le fa ke ne ke bua le lona gangwe le gape,* ga lo a ka lwa reetsa.+ Ke ne ka nna ka lo bitsa, mme ga lo a ka lwa araba.+ 14 Fela jaaka ke dirile kwa Shilo, ke tla dira se se tshwanang ka ntlo eno e e bidiwang ka leina la me,+ e lo e ikantseng,+ le ka lefelo leno le ke neng ka le naya lona le borraalonamogolo.+ 15 Ke tla lo tlosa fa pele ga me, fela jaaka ke ne ka tlosa bomorwarraalona botlhe, e leng ditlogolwana tsotlhe tsa ga Eferaime.’+

16 “Mme wena, o se ka wa rapelela batho bano. O se ka wa goela kwa go nna kgotsa wa nthapela kgotsa wa nkopa mo boemong jwa bone,+ ka gonne ga nkitla ke go reetsa.+ 17 A ga o bone se ba se dirang mo metseng ya Juda le mo mebileng ya Jerusalema? 18 Barwa ba rwalela dikgong, borre ba gotsa molelo, mme basadi ba duba tlhama gore ba dire dikuku tsa setlhabelo se se ntshediwang Kgosigadi ya Legodimo,*+ e bile ba tshelela medimo e sele ditlhabelo tsa senô gore ba nkgopise.+ 19 Jehofa a re, ‘A mme gone ba utlwisa nna botlhoko?* A ga se bone ba ba ikutlwisang botlhoko, gore ba tlhabiwe ke ditlhong?’+ 20 Ka jalo, Morena Molaodimogolo Jehofa a re, ‘Bogale jwa me le tšhakgalo ya me di tla tshololelwa mo lefelong leno,+ mo bathong le mo diphologolong, mo ditlhareng tsa naga le mo maungong a tshimo; bo tla tuka mme ga bo kitla bo tingwa.’+

21 “Seno ke se Jehofa wa masomosomo, Modimo wa Iseraele, a se buang: ‘Tswelelang, tlhakanyang ditlhabelo tsa lona tse di fisiwang di feletse le ditlhabelo tse dingwe tsa lona, mme lo je nama.+ 22 Gonne mo letsatsing la fa ke ne ke ntsha borraalonamogolo kwa lefatsheng la Egepeto, ga ke a ka ka bua le bone kgotsa ka ba laela sepe ka ditlhabelo tse di fisiwang di feletse le ditlhabelo tse dingwe.+ 23 Mme gone, ke ne ka ba naya taelo eno: “Ikobeleng lentswe la me, mme ke tla nna Modimo wa lona, mme lona lo tla nna batho ba me.+ Lo tshwanetse go tsamaya mo ditseleng tsotlhe tse ke di lo laelang, gore dilo di lo tsamaele sentle.”’+ 24 Le fa go ntse jalo, ga ba a ka ba reetsa e bile ga ba a ka ba tlhwaya tsebe;+ go na le moo ba ne ba tsamaya go dumalana le dikakanyo* tsa bone, ba latela dipelo tsa bone tse di bosula ka botlhogoethata,+ mme go na le gore ba tokafale ba ne ba nna maswe le go feta, 25 go simolola ka letsatsi le borraalonamogolo ba neng ba tswa kwa lefatsheng la Egepeto ka lone go fitlha mo letsatsing leno.+ Ka jalo, ke ne ka nna ka romela batlhanka ba me botlhe kwa go lona, e leng baporofeti, ke ba roma letsatsi le letsatsi, gangwe le gape.*+ 26 Mme ba ne ba gana go ntheetsa, e bile ga ba a ka ba ntlhwaela tsebe.+ Go na le moo, ba ne ba le tlhogoethata,* e bile ba ne ba dira bosula go feta borraabonemogolo!

27 “O tla ba bolelela mafoko ano otlhe,+ mme ga ba kitla ba go reetsa; o tla ba bitsa, mme ga ba kitla ba go araba. 28 O tla ba raya o re, ‘Seno ke setšhaba se se neng se sa ikobele lentswe la ga Jehofa, Modimo wa sone, e bile se ganne go amogela kotlhao. Boikanyegi bo nyeletse, tota e bile ga ba bo umake.’*+

29 “Kgaola moriri wa gago o o moleele* o bo o o latlha, mme o tlhabeletse pina ya khutsafalo mo dithoteng tse di sa tlhogang sepe, ka gonne Jehofa o ganne batho bano ba ba mo shakgaditseng e bile o tla ba latlha. 30 Jehofa a re, ‘Gonne batho ba Juda ba dirile se se bosula mo matlhong a me. Ba beile medingwana ya bone e e ferosang sebete mo ntlong e e bidiwang ka leina la me, gore ba e leswafatse.+ 31 Ba agile mafelo a a kwa godimo a a boitshepo a Tofethe, e e mo Mokgatšheng wa ga Morwa Hinoma,*+ gore ba tle ba fise bomorwaabone le bomorwadiabone mo molelong,+ e leng sengwe se ke neng ke sa se laela e bile ke sa se akanya.’+

32 “Jehofa a re, ‘Ka jalo, metlha e etla ya fa lefelo leno le tla bo le sa tlhole le bidiwa Tofethe kgotsa Mokgatšha wa ga Morwa Hinoma,* mme le tla bidiwa Mokgatšha wa Polao. Ba tla fitlha baswi mo Tofethe go fitlha go sa tlhole go na le lefelo lepe le le setseng.+ 33 Mme ditopo tsa batho bano di tla jewa ke dinonyane tsa magodimo le diphologolo tsa lefatshe, go se na ope yo o di lelekang.+ 34 Ke tla fedisa modumo wa boitumelo le modumo wa go ipela, lentswe la monyadi le lentswe la monyadiwa+ mo metseng ya Juda le mo mebileng ya Jerusalema, ka gonne lefatshe leno le tla dirwa marope fela.’”+

8 Jehofa a re, “Ka nako eo, marapo a dikgosi tsa Juda, marapo a dikgosana tsa yone, marapo a baperesiti, marapo a baporofeti le marapo a banni ba Jerusalema a tla ntshiwa mo mabitleng a bone. 2 A tla alwa fa pele ga letsatsi le ngwedi le masomosomo otlhe a legodimo a ba neng ba a rata, a ba neng ba a direla, a ba neng ba a latela, a ba neng ba a senka ba bo ba a ikobela.+ Ga a kitla a phuthiwa, e bile ga a kitla a fitlhwa. A tla nna jaaka motshotelo mo mmung.”+

3 Jehofa wa masomosomo a re, “Mme masalela a a falotseng a lelapa leno le le bosula a tla tlhopha loso go na le botshelo kwa mafelong a ke ba phatlalaletsang kwa go one.

4 Mme o ba reye o re, ‘Seno ke se Jehofa a se buang:

“A ba tla wa ba bo ba sa tsoge gape?

Fa a le mongwe a ka boela morago, a yo mongwe le ene ga a kitla a boela morago?

 5 Ke ka ntlha yang fa batho bano, ba Jerusalema, ba nna ba sa ikanyege mo go nna?

 6 Ke ne ka tlhwaya tsebe mme ka tswelela ke reeditse, le fa go ntse jalo, tsela e ba neng ba bua ka yone e ne e sa siama.

Go ne go se na motho ope yo o ikwatlhaelang bosula jwa gagwe kgotsa yo o ipotsang a re, ‘Ke dirile eng?’+

Mongwe le mongwe o nna a boela mo ditseleng tse bontsi bo tsamayang mo go tsone, jaaka pitse e tabogela kwa tlhabanong.

Mme batho ba me bone ga ba tlhaloganye nako e nna Jehofa ke tla ba atlholang ka yone.”’+

 8 ‘Go tla jang gore lo re: “Re botlhale, e bile re na le molao* wa ga Jehofa”?

Gonne boammaaruri ke gore pene e e gabang e e buang maaka+ ya bakwadi* e diriseditswe maaka fela.

 9 Ba ba botlhale ba tlhabisitswe ditlhong.+

Ba tshogile mme ba tla tshwarwa.

Mme gone go se na kagiso.+

12 A dilo tse di makgapha tse ba di dirileng di ba tlhabisa ditlhong?

Ga ba tlhabiwe ke ditlhong gotlhelele!

Tota e bile ga ba itse gore go tlontlololwa go ntse jang!+

Ka jalo, ba tla wela mo gare ga ba ba oleng.

Ba tla kgopiwa fa ke ba atlhola,’+ go bua Jehofa.

13 ‘Fa ke ba phutha, ke tla ba fedisa,’ go bua Jehofa.

‘Go tla bo go se na morara* o o setseng mo setlhareng sa morara, le difeige mo setlhareng sa mofeige, e bile matlhare a tsone a tla swaba.

Mme se ke neng ke ba file sone se tla ba latlhegela.’”

14 “Ke ka ntlha yang fa re ntse fano?

A re phuthegeng mme re tsene mo metseng e e sireletsegileng+ mme re swele kwa go yone.

16 Go utlwala modumo wa dipitse tsa gagwe o o tswang ka dinko go tswa kwa Dana.

“A Jehofa ga a mo Siona?

Kgotsa a kgosi ya gagwe ga e yo mo go ene?”

Ke wetswe ke letshogo le legolo.

22 A ga go na balema* mo Gileade?+

Kgotsa a ga go na mofodisi* teng?+

Ke ka ntlha yang fa morwadia batho ba gaetsho a ise a fodisiwe?+

 2 E kete nkabo ke na le lefelo le batsamai ba lalang mo go lone kwa nageng!

Ba rutile maleme a bone go bua maaka.+

Ba itsenya letsapa ka go dira dilo tse di sa siamang.

 6 Wena o tshela mo bathong ba ba tsietsang.

Ka ntlha ya tsietso ya bone ba ganne go nkitse,” go bua Jehofa.

 7 Ka jalo, seno ke se Jehofa wa masomosomo a se buang:

 8 Loleme lwa bone lo lo buang tsietso ke motswi o o bolayang setlhogo.

 9 Jehofa a re, “A ga ke a tshwanela go ba bona molato ka ntlha ya dilo tseno?

A ga ke a tshwanela go ipusolosetsa mo setšhabeng se se ntseng jaana?+

Dinonyane tsa legodimo le dibatana di tshabile; di ile.+

12 Ke mang yo o botlhale yo o ka tlhaloganyang gore ke ka ntlha yang fa dilo tseno di direga?

Jehofa o boleletse mang dilo tseno, gore a di bolelele ba bangwe?

Ke ka ntlha yang fa lefatshe le nyeletse?

13 Jehofa o ne a araba jaana: “Ke ka ntlha ya gore ba ganne molao* wa me o ke ba o neileng, le ka ntlha ya gore ga ba a ka ba o ikobela e bile ga ba a ka ba utlwa lentswe la me. 14 Go na le moo, ba ne ba sala dipelo tsa bone morago ka botlhogoethata,+ e bile ba ne ba sala ditshwantsho tsa ga Baale morago, fela jaaka borraabone ba ne ba ba rutile.+ 15 Ka jalo, Jehofa wa masomosomo, Modimo wa Iseraele, a re, ‘Jaanong ke dira gore batho bano ba je longana, e bile ke tla dira gore ba nwe metsi a a nang le botlhole.+ 16 Ke tla ba gasamisetsa kwa ditšhabeng tse bone le borraabone ba iseng ba ke ba di itse,+ e bile ke tla romela tšhaka kwa morago ga bone go fitlha ke ba fedisa.’+

19 Gonne go utlwilwe modumo ono wa pina ya khutsafalo go tswa kwa Siona:+

“Ruri re gateletswe!

Ruri re tlhabilwe ke ditlhong thata!

Gonne re ntshitswe mo nageng ya rona, e bile ba thubile magae a rona.”+

20 Lona basadi, utlwang lentswe la ga Jehofa.

E kete tsebe ya lona e ka amogela lefoko la gagwe.

22 Ba reye o re, ‘Seno ke se Jehofa a se buang:

23 Seno ke se Jehofa a se buang:

24 “Mme a yo o ikgantshang a ikgantshe ka dilo tseno:

25 “Metlha e etla,” go bua Jehofa, “mme ke tla otlhaya mongwe le mongwe yo o rupileng mme tota a ise a rupe,+ 26 e leng Egepeto+ le Juda+ le Edoma+ le Baamone+ le Moabe+ le batho botlhe ba moriri wa bone o kgaotsweng mo matlhakoreng a tlhogo ba ba nnang kwa nageng;+ gonne ditšhaba tsotlhe ga di a rupa, mme Baiseraele botlhe ga ba a rupa mo pelong.”+

10 Lona Baiseraele, utlwang tlhagiso e Jehofa a lo e neileng. 2 Seno ke se Jehofa a se buang:

 3 Gonne mekgwa ya ditšhaba ga e na mosola.*

 4 Ba o kgabisa ka selefera le gauta.+

Ba bo ba o kokotela ka hamore* le dipekere gore o se ka wa wa.+

 6 Ga go na ope yo o tshwanang le wena Jehofa.+

O mogolo, e bile leina la gago le legolo gape le maatla.

 8 Botlhe fela ga ba akanye e bile ke dimatla.+

Kaelo e e tswang mo setlhareng ga e na mosola* gotlhelele.+

Ba apara diaparo tse di dirilweng ka tlhale e e botala jwa loapi le wulu e phepole.

Tsotlhe di dirilwe ke badiri ba ba ditswerere.

10 Mme Jehofa ke ene Modimo wa boammaaruri.

Ke Modimo yo o tshelang+ e bile ke Kgosi e e sa khutleng.+

11 * Lo ba reye lo re:

14 Motho mongwe le mongwe o dira dilo tsa go sa akanye le tsa go tlhoka kitso.

15 Ga di na mosola,* ke tiro e e tshwanelwang ke go sotlwa.+

Fa letsatsi la katlholo le tla, di tla nyelela.

Leina la gagwe ke Jehofa wa masomosomo.+

18 Gonne seno ke se Jehofa a se buang:

19 Ruri go latlhega nna ka ntlha ya go robega* ga me!+

Ntho ya me ga e fole.

Mme ke ne ka re: “Eleruri seno ke bolwetse jwa me, ke tshwanetse go bo itshokela.

20 Tente ya me e sentswe, e bile megala ya tente ya me e kgaotswe ka bogare.+

Bomorwaake ba ntlogetse, mme ga ba tlhole ba le teng.+

Ga go na ope yo o setseng yo o ka phuthololang tente ya me kgotsa yo o ka tsholetsang matsela a tente ya me.

22 Reetsang! Pego e tlile!

23 Ke itse sentle, tlhe Jehofa gore motho ga a na taolo ya go kaela tsela ya gagwe.

Tota e bile motho ga a kgone go kaela botshelo jwa gagwe.+

11 Leno ke lefoko le le neng la tla kwa go Jeremia le tswa kwa go Jehofa le re: 2 “Utlwang mafoko a kgolagano eno!

“A bolelele* batho ba Juda le banni ba Jerusalema 3 mme o ba reye o re, ‘Seno ke se Jehofa, Modimo wa Iseraele a se buang: “Go hutsegile motho yo o sa ikobeleng mafoko a kgolagano eno,+ 4 a ke neng ka a laela borraalonamogolo ka letsatsi la fa ke ne ke ba ntsha kwa lefatsheng la Egepeto,+ ke ba ntsha mo molelong o mogolo o o nyerolosang tshipi,+ ke re, ‘Ikobeleng lentswe la me, lo bo lo dire dilo tsotlhe tse ke di lo laelang; mme lo tla nna batho ba me mme nna ke tla nna Modimo wa lona,+ 5 gore ke tle ke diragatse maikano a ke neng ka a ikanela borraalonamogolo, a gore ke tla ba naya lefatshe le le elelang mashi le tswina ya dinotshe,+ jaaka go ntse mo letsatsing leno.’”’”

Mme ke ne ka araba ka re: “Amen,* Jehofa.”

6 Go tswa foo, Jehofa o ne a nthaya a re: “Bolela mafoko ano otlhe mo metseng ya Juda le mo mebileng ya Jerusalema: ‘Utlwang mafoko a kgolagano eno, mme lo a ikobele. 7 Gonne ke ne ka tlhagisa borraalonamogolo ke tiisitse mo letsatsing la fa ke ne ke ba ntsha kwa lefatsheng la Egepeto go tla go fitlha mo letsatsing leno, ke ba tlhagisa gangwe le gape* ke re: “Ikobeleng lentswe la me.”+ 8 Mme ga ba a ka ba reetsa e bile ga ba a ka ba tlhwaya tsebe; go na le moo, mongwe le mongwe wa bone o ne a sala pelo ya gagwe e e bosula morago ka botlhogoethata.+ Ka jalo, ke ne ka tlisa mafoko otlhe a kgolagano eno kwa go bone a ke neng ke ba laetse gore ba a ikobele mme ba ne ba gana go dira jalo.’”

9 Foo Jehofa o ne a nthaya a re: “Batho ba Juda le banni ba Jerusalema ba logile leano la boferefere. 10 Ba boetse kwa melatong e borraabonemogolo ba neng ba e dira bogologolo, ba ba neng ba gana go ikobela mafoko a me.+ Le bone ba setse medimo e mengwe morago e bile ba e diretse.+ Batho ba Iseraele le ba Juda ba tlogetse kgolagano ya me e ke neng ka e dira le borraabonemogolo.+ 11 Ka jalo, Jehofa a re, ‘Jaanong ke ba tlisetsa masetlapelo+ a ba ka se kgoneng go a falola. Fa ba goela kwa go nna ba kopa thuso, ga nkitla ke ba reetsa.+ 12 Foo banni ba metse ya Juda le ba Jerusalema ba tla ya kwa medimong e ba e ntshetsang ditlhabelo* ba ya go kopa thuso,+ mme ga e kitla e ba boloka fa ba lebane le masetlapelo. 13 Gonne medimo ya gago e setse e le mentsi jaaka metse ya gago, wena Juda, e bile o tlhometse selo se se tlhabisang ditlhong* dibeso tse dintsi jaaka mebila e e mo Jerusalema, dibeso tse go ntshediwang Baale ditlhabelo mo go tsone.’+

14 “Mme wena,* o se ka wa rapelela batho bano. O se ka wa goela kwa go nna mo boemong jwa bone kgotsa wa ba rapelela,+ ka gonne ke tla bo ke sa reetsa fa ba goela kwa go nna ba lebane le masetlapelo.

Fa o welwa ke masetlapelo, a ba tla a faposa ka ditlhabelo tsa diphologolo?

A o tla itumela ka nako eo?

17 “Jehofa wa masomosomo, yo e leng Mojadi wa gago,+ o boletse gore masetlapelo a tla go wela ka ntlha ya bosula jo bo dirilweng ke setšhaba sa Iseraele le setšhaba sa Juda, ba ba mo kgopisitseng ka go ntshetsa Baale ditlhabelo.”+

19 Ke ne ke tshwana le kwanyana e e bonolo e e isiwang tlhabong.

Ke ne ke sa itse gore ba ne ba ntogela leano ba re:+

21 Ka jalo, seno ke se Jehofa a se buang ka batho ba Anathothe+ ba ba batlang go go bolaya le ba ba reng: “O se ka wa porofeta ka leina la ga Jehofa,+ go seng jalo re tla go bolaya”; 22 ka jalo seno ke se Jehofa wa masomosomo a se buang: “Jaanong ke tlile go ba otlhaya. Makawana a tla bolawa ka tšhaka,+ mme bomorwaabone le bomorwadiabone ba tla bolawa ke leuba.+ 23 Tota e bile ga go kitla go nna le ope wa bone yo o salang, ka gonne ke tla tlisetsa batho ba Anathothe+ masetlapelo mo ngwageng o ke tla ba otlhayang ka one.”

 2 O ba jadile, e bile ba medile medi.

Ba godile e bile ba tlhagisitse maungo.

Ba nna ba bua ka wena, le fa go ntse jalo, mo dipelong* tsa bone ga ba go kgathalele.+

Gonne ba rile: “Ga a bone se se tla re diragalelang.”

Ba go tlhabetse mokgosi.

 7 “Ke tlogetse ntlo ya me;+ ke latlhile boswa jwa me.+

Ke tsentse moratiwa wa me yo ke mo ratang thata mo seatleng sa baba ba gagwe.+

 8 Mo go nna, ene yo e leng boswa jwa me o tshwana le tau mo sekgweng.

O nkurutletse.

Ka jalo, ke simolotse go mo tlhoa.

Ba dirile gore karolo ya me e e eletsegang e nne naga e e kgakgabetseng.

11 E fetogile marope.

Ga go na ope* yo o nang le kagiso.

13 Ba jadile korong, mme ba ne ba roba mmitlwa.+

Ba dirile ka natla, mme ga go a ba tswela mosola ope.

14 Seno ke se Jehofa a se buang: “Baagelani ba me botlhe ba ba bosula, ba ba kgomang boswa jo ke neng ka bo naya batho ba me ba Iseraele,+ ke ba kumola mo lefatsheng la bone,+ e bile ke tla kumola setšhaba sa Juda mo go bone. 15 Mme gone, fa ke sena go ba kumola, gape ke tla ba utlwela botlhoko ke bo ke busetsa mongwe le mongwe wa bone kwa go se e leng boswa jwa gagwe le kwa nageng ya gagwe.”

16 “Mme fa ba ka ithuta ditsela tsa batho ba me le go ikana ka leina la me ba re, ‘Re ikana ka Jehofa Modimo yo o tshelang!’ jaaka ba ile ba ruta batho ba me go ikana ka Baale, foo ba tla newa lefelo mo bathong ba me. 17 Mme fa ba gana go ikoba, ke tla kumola setšhaba seo, ke se kumola ke bo ke se senya,” go bua Jehofa.+

13 Jehofa o ne a nthaya a re: “Tsamaya mme o ithekele lebanta la letsela le le boleta o bo o ipofa ka lone mo lothekeng, mme o se ka wa le tsenya mo metsing.” 2 Ka jalo, ke ne ka ithekela lebanta fela jaaka Jehofa a ne a buile ke bo ke ipofa ka lone. 3 Mme Jehofa o ne a bua le nna lekgetlo la bobedi a re: 4 “Tsaya lebanta le o neng wa le reka, le o ipofileng ka lone mme o ye kwa Euferatese, o bo o le fitlha teng mo phatlheng e e mo lefikeng.” 5 Ka jalo, ke ne ka tsamaya mme ka le fitlha gaufi le Euferatese, fela jaaka Jehofa a ne a ntaetse.

6 Mme morago ga malatsi a le mantsi Jehofa o ne a nthaya a re: “Ema, ya kwa Euferatese mme o ye go tsaya lebanta le ke neng ke go laetse gore o le fitlhe teng.” 7 Ka jalo, ke ne ka ya kwa Euferatese mme ka epolola lebanta mo lefelong le ke neng ke le fitlhile mo go lone, mme ke ne ka lemoga gore lebanta le ne le senyegile; le ne le se na mosola gotlhelele.

8 Go tswa foo, Jehofa o ne a nthaya a re: 9 “Seno ke se Jehofa a se buang: ‘Ke tla fedisa boikgogomoso jwa Juda le boikgogomoso jo bogolo jwa Jerusalema ka tsela e e tshwanang.+ 10 Batho bano ba ba bosula ba ba ganang go ikobela mafoko a me,+ ba ka botlhogoethata ba salang dipelo tsa bone morago,+ le ba ba salang medimo e mengwe morago, ba e direla e bile ba e ikobela, ba tla nna fela jaaka lebanta leno le le se nang mosola.’ 11 Jehofa a re, ‘Gonne fela jaaka lebanta le ngaparela lotheka lwa motho, ka tsela e e tshwanang ke dirile gore batho botlhe ba Iseraele le batho botlhe ba Juda ba nngaparele, gore ba tle ba nne setšhaba sa me,+ kgalalelo ya me,+ pako ya me le sengwe se se ka ntlisetsang tlotlo. Le fa go ntse jalo, ga ba a ka ba inkobela.’+

12 “Mme gape o ba bolelele molaetsa ono o re, ‘Seno ke se Jehofa, Modimo wa Iseraele a se buang: “Nkgo nngwe le nngwe e kgolo e tshwanetse go tladiwa ka beine.”’ Mme ba tla go araba ba re, ‘A ga re itse gore nkgo nngwe le nngwe e kgolo e tshwanetse go tladiwa ka beine?’ 13 Foo o ba reye o re, ‘Seno ke se Jehofa a se buang: “Jaanong ke tlaletsa banni botlhe ba lefatshe leno beine go fitlha ba tagwa,+ mmogo le dikgosi tse di nnang mo setulong sa ga Dafide sa bogosi, baperesiti le baporofeti le banni botlhe ba Jerusalema. 14 Mme ke tla thubaganya mongwe mo go yo mongwe, borre le barwa ka tsela e e tshwanang,” go bua Jehofa.+ “Ga nkitla ke ba tlhomogela pelo kgotsa ke ba rekegela kgotsa ke ba utlwela botlhoko; ga go na sepe se se tla nthibelang go ba senya.”’+

15 Utlwang mme lo tlhwaye tsebe.

Lo se ka lwa nna mabela, ka gonne Jehofa o buile.

19 Metse ya borwa e tswetswe,* mme ga go na ope yo o ka e bulang.

Batho botlhe ba Juda ba isitswe botshwarwa, ba isitswe botshwarwa botlhe fela.+

20 Tsholetsa matlho a gago mme o bone ba ba tswang kwa bokone.+

Letsomane le o neng o le neilwe le kae, e leng dinku tsa gago tse dintle?+

A ga o kitla o nna le ditlhabi tsa pelegi tse di tshwanang le tsa mosadi yo o belegang?+

22 Mme fa o buela mo pelong o re, ‘Goreng ke diragaletswe ke dilo tseno?’+

Ke ka ntlha ya molato wa gago o mogolo go bo mosese wa gago o gagogile kwa tlase+

Le direthe tsa gago di utlwile botlhoko.

23 A Mokushe* a ka fetola letlalo la gagwe, kgotsa a lengau le ka fetola marontho a lone?+

24 Ka jalo, ke tla ba gasamisa jaaka lotlhaka lo lo phepheulwang ke phefo ya sekaka.+

Ruri go latlhega wena, Jerusalema!

O tla tswelela o itshekologile ka lobaka lo lo kae?”+

14 Seno ke se Jehofa a neng a se bolelela Jeremia ka leuba:+

 2 Juda o hutsafetse,+ mme dikgoro tsa gagwe di tlhokomologilwe.

 3 Mme beng ba bone ba roma batlhanka* ba bone go ya go ga metsi.

Ba ya kwa didibeng,* mme ba fitlhela go se na metsi.

Ba boa ka dinkgo di se na sepe.

 6 Ditonki tsa naga di eme mo dithoteng tse di sa tlhogang sepe.

O se ka wa re latlha.

10 Seno ke se Jehofa a se buang ka batho bano: “Ba rata go kgarakgatshega;+ ga ba a thiba dinao tsa bone.+ Ka jalo, Jehofa ga a ba itumelele.+ Jaanong o tla gakologelwa molato wa bone a bo a ba otlhaela maleo a bone.”+

11 Go tswa foo, Jehofa o ne a nthaya a re: “O se ka wa rapelela gore batho bano ba diragalelwe ke dilo tse di molemo.+ 12 Fa ba itima dijo, ga ke reetse dikopo tse ba di dirang ka tlhoafalo,+ e bile fa ba ntsha ditlhabelo tse di fisiwang di feletse le ditlhabelo tsa dijo tsa ditlhaka, ga ke di itumelele,+ ka gonne ke tla ba fedisa ka tšhaka, ka leuba le ka bolwetse jwa leroborobo.”+

13 Foo ke ne ka re: “Ijoo, Morena Molaodimogolo Jehofa! Mme gone baporofeti ba ba raya ba re, ‘Ga lo kitla lo bona tšhaka, e bile ga lo kitla lo tlelwa ke leuba, mme Modimo o tla lo naya kagiso ya boammaaruri mo lefelong leno.’”+

14 Go tswa foo, Jehofa o ne a nthaya a re: “Baporofeti ba porofeta maaka ka leina la me.+ Ga ke a ba roma, ga ke a ba laela sepe e bile ga ke a bua le bone sepe.+ Ba lo porofetela ponatshegelo ya maaka le boitseanape jo bo se nang mosola le tsietso ya pelo ya bone.+ 15 Ka jalo, seno ke se Jehofa a se buang: ‘Fa e le baporofeti ba ba porofetang ka leina la me mme gone ke sa ba roma, le ba ba reng ga go kitla go tla tšhaka kgotsa leuba mo lefatsheng leno, baporofeti bao ba tla fedisiwa ka tšhaka le leuba.+ 16 Mme batho ba ba ba porofetelang ba tla latlhelwa kwa ntle mo mebileng ya Jerusalema ka ntlha ya leuba le tšhaka, go se na ope yo o ba fitlhang:+ bone, basadi ba bone, bomorwaabone kgotsa bomorwadiabone, ka gonne ke tla ba tshololela masetlapelo a a ba tshwanelang.’+

Gonne baporofeti le baperesiti ba ile go kgarakgatshega kwa lefatsheng le ba sa le itseng.’”+

19 A o latlhile Juda gotlhelele, kgotsa a o tlhoile Siona?+

Ke ka ntlha yang fa o re iteile mo re sa kgoneng go fola?+

Gakologelwa kgolagano e o e dirileng le rona mme o se ka wa e tlola.+

A ga se wena fela yo o ka dirang seo, wena Jehofa, Modimo wa rona?+

15 Go tswa foo, Jehofa o ne a nthaya a re: “Tota le fa Moshe le Samuele ba ne ba eme fa pele ga me,+ ke ne nka se tlhomogele batho bano pelo. Ba ntshe fa pele ga me! A ba tsamaye! 2 Mme fa ba ka go botsa gore ba tla diragalelwa ke eng, o ba reye o re, ‘Seno ke se Jehofa a se buang:

3 “Jehofa a re, ‘Mme ke tla ba romelela masetlapelo a le manê,*+ e leng tšhaka gore e ba bolaye, dintša gore di ba gogagoge, dinonyane tsa magodimo le dibatana tsa lefatshe gore di ba je di bo di ba senye.+ 4 Ke tla dira gore magosi otlhe a lefatshe a tshoge fa a bona se se ba diragaletseng+ ka ntlha ya se Manase morwa Hesekia, kgosi ya Juda, a se dirileng mo Jerusalema.+

 6 Jehofa a re, ‘O ntatlhile.+

O nna o mphularela.*+

Ka jalo, ke tla go otlololela seatla sa me ke bo ke go senya.+

Ke lapisitswe ke go go utlwela botlhoko.*

 7 Mme ke tla ba olosa ka foroko mo dikgorong tsa naga ya bone.

Ke tla ba amoga bana.+

 8 Batlholagadi ba bone ba tla nna bantsi fa pele ga me go feta motlhaba* wa mawatle.

Ke tla ba tlisetsa mosenyi go le motshegare, gore a senye bommê le makawana.

Ke tla ba tlisetsa khuduego le letshogo ka tshoganyetso.

Mpusolosetse mo babogising ba me.+

O se ka wa nna pelotelele le bone mme wa letla gore ke nyelele.*

Itse gore ke rwele kgobo eno ka ntlha ya gago.+

17 Ga ke a nna le batho ba ba dirang metlae ke bo ke itumela.+

18 Ke ka ntlha yang fa setlhabi sa me se sa fole le ntho ya me e sa alafesege?

E gana go fola.

19 Ka jalo, seno ke se Jehofa a se buang:

20 “Ke go dirile lobota lwa kopore lo lo sireletsegileng mo bathong bano.+

16 Jehofa o ne a bua le nna gape a re: 2 “O se ka wa nyala, e bile o se ka wa nna le bana ba basimane le ba basetsana mo lefelong leno. 3 Gonne seno ke se Jehofa a se buang ka ga bana ba basimane le ba basetsana ba ba tsholelwang fano, le ka ga bommaabone ba ba ba belegang le ka ga borraabone ba ba dirang gore ba tsholwe mo lefatsheng leno: 4 ‘Ba tla bolawa ke malwetse a a kotsi,+ mme ga go kitla go nna le ope yo o ba hutsafalelang kgotsa yo o ba fitlhang; ba tla nna jaaka motshotelo mo godimo ga mmu.+ Ba tla bolawa ka tšhaka e bile ba tla bolawa ke leuba,+ mme ditopo tsa bone di tla jewa ke dinonyane tsa magodimo le dibatana tsa lefatshe.’

 6 Ba bagolo mmogo le ba babotlana ba tla swela mo lefatsheng leno.

9 “Gonne seno ke se Jehofa wa masomosomo, Modimo wa Iseraele, a se buang: ‘Jaanong ke tla fedisa modumo wa boitumelo le wa go ipela, lentswe la monyadi le lentswe la monyadiwa mo lefelong leno, mo motlheng wa lona le fa pele ga matlho a lona.’+

10 “Fa o bolelela batho bano mafoko ano otlhe ba tla go botsa ba re, ‘Ke ka ntlha yang fa Jehofa a buile gore o tla re tlisetsa masetlapelo ano a magolo? Re diretse Jehofa, Modimo wa rona molato ofe le boleo bofe?’+ 11 O ba arabe o re, ‘Jehofa a re, “Ke ka gonne borraalonamogolo ba ne ba ntlogela,+ mme ba tswelela ba sala medimo e mengwe morago e bile ba e direla le go e ikobela.+ Mme ba ne ba ntlogela, e bile ga ba a ka ba ikobela molao wa me.+ 12 Mme lona lo dirile bosula jo bogolo thata go feta borraalonamogolo,+ e bile mongwe le mongwe wa lona o sala pelo ya gagwe e e bosula morago ka botlhogoethata go na le go inkobela.+ 13 Ka jalo, ke tla lo ntsha mo lefatsheng leno ke lo latlhela kwa lefatsheng le lona kgotsa borraalonamogolo lo iseng lo ke lo le itse,+ mme fa lo le koo, lo tla tshwanelwa ke go direla medimo e mengwe bosigo le motshegare,+ ka gonne ga nkitla ke lo utlwela botlhoko.”’

14 “Jehofa a re, ‘Le fa go ntse jalo, metlha e etla, e ba se kitlang ba tlhola ba re: “Re ikana ka Jehofa Modimo yo o tshelang, yo o neng a ntsha batho ba Iseraele kwa lefatsheng la Egepeto!”+ 15 mme ba tla re: “Re ikana ka Jehofa Modimo yo o tshelang, yo o neng a ntsha batho ba Iseraele kwa lefatsheng la bokone le kwa mafatsheng otlhe a a neng a ba phatlalaleditse kwa go one!” mme ke tla ba busetsa mo lefatsheng la bone, le ke neng ka le naya borraabonemogolo.’+

17 Gonne matlho a me a bona sengwe le sengwe se ba se dirang.*

17 “Boleo jwa Juda bo kwadilwe ka pene e e gabang ya tshipi.

 4 O tla latlhegelwa ke boswa jo ke neng ke go bo neile, e leng selo se o se itirileng.+

Bo tla tuka ka bosakhutleng.”

 5 Seno ke se Jehofa a se buang:

 6 O tla tshwana le setlhare se se emeng se le nosi mo sekakeng.

 9 Pelo e boferefere* go gaisa sengwe le sengwe e bile e gagamalela se e se batlang.*+

Ke mang yo o ka e itseng?

14 Mphodise tlhe Jehofa, mme ke tla fola.

15 Go na le ba ba nthayang ba re:

“Lefoko la ga Jehofa le kae?+

Tsweetswee, a le diragale!”

17 O se ka wa ntshosa.

O botshabelo jwa me mo letsatsing la matshwenyego.

19 Jehofa o ne a nthaya a re: “Tsamaya, mme o eme mo kgorong e kgolo* e dikgosi tsa Juda di tsenang ka yone le e di tswang ka yone, le mo dikgorong tsotlhe tsa Jerusalema.+ 20 O ba reye o re, ‘Utlwang lefoko la ga Jehofa, lona dikgosi tsa Juda, batho botlhe ba Juda le banni botlhe ba Jerusalema, ba lo tsenang ka dikgoro tseno. 21 Seno ke se Jehofa a se buang: “Ikeleng tlhoko, mme lo se ka lwa rwala morwalo ope ka letsatsi la Sabata kgotsa lwa tsena ka one mo dikgorong tsa Jerusalema.+ 22 Ga lo a tshwanela go ntsha morwalo ope mo magaeng a lona ka letsatsi la Sabata; e bile ga lo a tshwanela go dira tiro epe.+ Bolokang letsatsi la Sabata le le boitshepo, fela jaaka ke ne ka laela borraalonamogolo.+ 23 Mme ga ba a ka ba reetsa kgotsa ba tlhwaya tsebe, mme ka botlhogoethata ba ne ba gana* go ikoba le go amogela kotlhao.”’+

24 “‘“Le fa go ntse jalo, fa lo inkobela ka botlalo,” go bua Jehofa, “mme lo sa tsene ka morwalo ope mo dikgorong tsa motse ono ka letsatsi la Sabata, e bile lo boloka letsatsi la Sabata le le boitshepo ka go se dire tiro epe ka lone,+ 25 foo dikgosi le dikgosana tse di nnang mo setulong sa bogosi sa ga Dafide+ le tsone di tla tsena ka dikgoro tsa motse ono, di palame kara le dipitse, tsone le dikgosana tsa tsone, batho ba Juda le banni ba Jerusalema;+ mme motse ono o tla nniwa ka bosakhutleng. 26 Mme batho ba tla tla ba tswa kwa metseng ya Juda, kwa mafelong a a dikologileng Jerusalema, kwa lefatsheng la Benjamine,+ kwa nageng e e kwa tlase,+ kwa kgaolong e e dithaba le kwa Negebe,* ba tlisitse ditlhabelo tse di fisiwang di feletse,+ ditlhabelo tse dingwe,+ ditlhabelo tsa dijo tsa ditlhaka,+ borekhu jo bo nkgang monate* le ditlhabelo tsa go leboga mo ntlong ya ga Jehofa.+

27 “‘“Mme fa lo sa inkobele, lo sa boloke letsatsi la Sabata le le boitshepo e bile lo rwala merwalo lo bo lo tsena ka yone mo dikgorong tsa Jerusalema ka letsatsi la Sabata, ke tla tshuba dikgoro tsa gagwe ka molelo, mme ruri o tla laila ditora tsa Jerusalema+ tse di sireletsegileng mme ga o kitla o tingwa.”’”+

18 Leno ke lefoko le le neng la tla mo go Jeremia le tswa kwa go Jehofa: 2 “Ema mme o ye kwa ntlong ya mmopi wa letsopa,+ fa o le koo ke tla dira gore o utlwe mafoko a me.”

3 Ka jalo, ke ne ka ya kwa ntlong ya mmopi wa letsopa, mme ka mo fitlhela a bopa letsopa. 4 Mme sejana se mmopi wa letsopa a neng a se bopa se ne sa senyega fa a ntse a se bopa. Ka jalo, mmopi wa letsopa o ne a se bopa gape a se dira sejana se sengwe, fela jaaka a ne a bona go tshwanela.*

5 Go tswa foo, Jehofa o ne a nthaya a re: 6 “‘A ga ke kgone go lo dira fela jaaka mmopi yono wa letsopa a dirile, lona Baiseraele?’ go bua Jehofa. ‘Fela jaaka letsopa le ntse mo seatleng sa mmopi wa letsopa, le lona lo ntse jalo mo seatleng sa me, lona Baiseraele.+ 7 Nako le nako fa ke re ke tla kumola, ke tla diga le go senya setšhaba kgotsa bogosi bongwe,+ 8 mme setšhaba seo se bo se tlogela bosula jwa sone jo ke buileng gore ke tla se atlholela jone, le nna ke tla fetola mogopolo ka* masetlapelo a ke neng ke ikaeletse go a tlisetsa setšhaba seo.+ 9 Le fa go ntse jalo, nako le nako fa ke re ke tla aga ke bo ke jala setšhaba kgotsa bogosi bongwe, 10 mme setšhaba seo se dira se se bosula mo matlhong a me e bile se sa ikobele lentswe la me, le nna ke tla fetola mogopolo ka* molemo o ke neng ke ikaeletse go se o direla.’

11 “Tsweetswee, jaanong bolelela batho ba Juda le banni ba Jerusalema o re, ‘Seno ke se Jehofa a se buang: “Bonang, ke lo baakanyetsa* masetlapelo e bile ke lo logela leano. Tsweetswee, tlogelang ditsela tsa lona tse di bosula, mme lo fetole ditsela tsa lona le ditiro tsa lona.”’”+

12 Le fa go ntse jalo, ba ne ba re: “Ga go na mosola!+ Gonne re tla sala dikakanyo tsa rona morago, e bile mongwe le mongwe wa rona o tla dira dilo go dumalana le pelo ya gagwe e e kgwaraletseng e e bosula.”+

13 Ka jalo, seno ke se Jehofa a se buang:

“Tsweetswee, botsang mo ditšhabeng.

Ke mang yo o utlwileng sengwe se se tshwanang le seno?

Kgarebane ya Iseraele e dirile selo se se maswe thata.+

14 A kapoko ya Lebanona e tla gakologa mo mafikeng a a mo mekgokoloseng ya gagwe?

Kgotsa a metsi a a tsiditsana a a elelang a tswa kgakala a tla kgala?

15 Le fa go ntse jalo, batho ba me ba ntebetse.+

Mongwe le mongwe yo o fetang fa go yone o tla e tlhoma matlho a tshogile a bo a tshikinya tlhogo.+

17 Ke tla ba gasamisa fa pele ga mmaba jaaka phefo ya botlhaba.

Ke tla ba tlogela mo letsatsing la fa ba lebane le matlhotlhapelo.”+

18 Mme ba ne ba re: “Tlang, a re logeleng Jeremia leano la boferefere,+ ka gonne molao* ga o kitla o nyelela mo baperesiting ba rona le kgakololo ga e kitla e nyelela mo bathong ba ba botlhale le lefoko ga le kitla le nyelela mo baporofeting. Tlang, a re mo latofatseng* mme re se ka ra tlhwaela tsebe se a se buang.”

20 A molemo o tshwanetse go duelelwa ka bosula?

Gonne ba nkepetse khuti.+

E kete basadi ba bone ba ka swelwa ke bana le banna.+

19 Seno ke se Jehofa a neng a se bua: “Tsamaya mme o ye go ithekela nkgwana ya letsopa kwa mmoping wa letsopa.+ Tsaya bagolwane bangwe mo bathong le bagolwane bangwe mo baperesiting, 2 mme o ye kwa Mokgatšheng wa ga Morwa Hinoma,+ kwa Kgorong ya Dikgapetla Tsa Letsopa. Mme fa o le koo o bolele mafoko a ke go bolelelang one. 3 O bue o re, ‘Utlwang lefoko la ga Jehofa, lona dikgosi tsa Juda le lona banni ba Jerusalema. Seno ke se Jehofa wa masomosomo, Modimo wa Iseraele, a se buang:

“‘“Ke tlisetsa lefelo leno masetlapelo, mme ope fela yo o utlwang ka one, ditsebe tsa gagwe di tla baba. 4 Ke tla dira seno ka gonne ba ntlogetse+ mme ba dirile gore ke se ka ka lemoga lefelo leno.+ Ba ntshetsa medimo e mengwe ditlhabelo, medimo e bone le borraabonemogolo le dikgosi tsa Juda ba iseng ba ko ba e itse, e bile ba tladitse lefelo leno ka madi a batho ba ba se nang molato.+ 5 Ba agile mafelo a a kwa godimo a a boitshepo a ga Baale gore ba tle ba fise bomorwaabone mo molelong ba ntshetsa Baale+ ditlhabelo tse di fisiwang di feletse, e leng sengwe se ke neng ke sa se laela, ke sa bua ka sone, e bile ke sa se akanya.”’+

6 “‘Jehofa a re: “Ka jalo, metlha e etla ya fa lefelo leno le tla bo le sa tlhole le bidiwa Tofethe kgotsa Mokgatšha wa ga Morwa Hinoma, mme le tla bidiwa Mokgatšha wa Polao.+ 7 Ke tla kgoreletsa maikaelelo a Juda le Jerusalema mo lefelong leno, mme ke tla dira gore baba ba bone ba ba bolaye ka tšhaka le gore ba bolaye ba ba batlang go ba bolaya. Mme ke tla dira gore ditopo tsa bone di jewe ke dinonyane tsa magodimo le dibatana tsa lefatshe.+ 8 Ke tla dira gore motse ono e nne selo se se tshosang le selo se se lelediwang molodi. Mongwe le mongwe yo o fetang fa go one o tla o tlhoma matlho a tshogile a bo a letsa molodi ka ntlha ya dipetso tsotlhe tse di wetseng motse ono.+ 9 Ke tla dira gore ba je nama ya bomorwaabone le ya bomorwadiabone, mme mongwe le mongwe o tla ja nama ya motho yo mongwe ka gonne ba tla bo ba le mo kgatelelong le mo matshwenyegong a a bakiwang ke baba ba bone le ba ba batlang go ba bolaya.”’+

10 “Go tswa foo, o thubaganye nkgwana eo fa pele ga matlho a batho ba ba tsamayang le wena, 11 o bo o ba raya o re, ‘Seno ke se Jehofa wa masomosomo a se buang: “Ke tla thubaganya batho bano le motse ono, jaaka mmopi wa letsopa a thuba sejana mo se ka se tlholeng se baakanngwa; mme ba tla fitlha baswi mo Tofethe go fitlha go sa tlhole go na le lefelo lepe le le setseng.” ’+

12 “Jehofa a re, ‘Ke tla dira fela jalo ka lefelo leno le banni ba lone, gore motse ono o nne jaaka Tofethe. 13 Mme matlo a Jerusalema le matlo a dikgosi tsa Juda a tla itshekologa fela jaaka lefelo leno la Tofethe,+ e leng matlo otlhe a ba neng ba ntshetsa ditlhabelo mo marulelong a one, ba di ntshetsa lesomosomo lotlhe la magodimo+ le a ba neng ba tshelela medimo e mengwe ditlhabelo tsa senô mo go one.’”+

14 Fa Jeremia a boa kwa Tofethe kwa Jehofa a neng a mo romile teng gore a ye go porofeta, o ne a ema mo lolwapeng lwa ntlo ya ga Jehofa a bo a raya batho botlhe a re: 15 “Jehofa wa masomosomo, Modimo wa Iseraele, a re, ‘Jaanong ke tlisetsa motse ono le metsana yotlhe ya one masetlapelo otlhe a ke buileng gore ke tla a tlisa, ka gonne ka botlhogoethata ba ganne go* ikobela mafoko a me.’”+

20 Jaanong Pashure morwa Imere, yo e leng moperesiti, yo gape e neng e le molaodi yo mogolo mo ntlong ya ga Jehofa, o ne a reeditse fa Jeremia a porofeta dilo tseno. 2 Go tswa foo, Pashure o ne a itaya moporofeti Jeremia a bo a mo tsenya mo dikoteng tsa go golega*+ tse di neng di le kwa Kgorong e e Kwa Godimo ya Benjamine, e e neng e le mo ntlong ya ga Jehofa. 3 Le fa go ntse jalo, mo letsatsing le le latelang fa Pashure a ntsha Jeremia mo dikoteng tsa go golega, Jeremia o ne a mo raya a re:

“Jehofa ga a kitla a tlhola a go bitsa Pashure, mme o tla go bitsa Letshogo Gotlhe Fela.+ 4 Seno ke se Jehofa a se buang: ‘Ke tla dira gore wena le ditsala tsotlhe tsa gago lo boife ka ntlha ya se se tla go diragalelang, mme baba ba bone ba tla ba bolaya ka tšhaka o ntse o lebile;+ ke tla tsenya batho botlhe ba Juda mo seatleng sa kgosi ya Babelona, mme o tla ba isa botshwarwa kwa Babelona a bo a ba kgemetha ka tšhaka.+ 5 Dikhumo tsotlhe tsa motse ono, dithoto tsotlhe tsa one, dilo tsotlhe tsa one tse di tlhwatlhwakgolo le matlotlo otlhe a dikgosi tsa Juda, ke tla di tsenya mo seatleng sa baba ba bone.+ Mme ba tla di gapa ba bo ba di tsaya ba di isa kwa Babelona.+ 6 Mme wena Pashure, le botlhe ba ba mo lelapeng la gago, lo tla isiwa botshwarwa. Lo tla isiwa kwa Babelona e bile lo tla swela teng, mme wena le ditsala tsotlhe tsa gago lo tla fitlhelwa teng, ka gonne o ba porofetetse maaka.’”+

 7 O ntsieditse Jehofa, mme ke ne ka tsietsega.

O ne wa dirisa nonofo ya gago kgatlhanong le nna, mme wa fenya.+

Gonne ke ne ka tlhapadiwa le go sotliwa letsatsi lotlhe ka ntlha ya lefoko la ga Jehofa.+

Ba re, “Mo latofatseng; a re mo latofatseng!”

Motho mongwe le mongwe yo o neng a itira e kete o na le kagiso le nna o ne a letetse gore ke dire sengwe se se phoso,+ a re:

11 Le fa go ntse jalo, Jehofa o ne a na le nna jaaka motlhabani yo o maatla.+

Ke gone ka moo ba ba mpogisang ba tla kgopiwang e bile ba se kitla ba fenya.+

Ba tla tlhabiwa ke ditlhong thata, ka gonne ga ba kitla ba atlega.

Ba tla tlontlologa ka bosakhutleng mme seo ga se kitla se lebalwa.+

13 Opelelang Jehofa! Bakang Jehofa!

Gonne o golotse mohumanegi mo seatleng sa badirabosula.

14 A go hutsege letsatsi le ke tshotsweng ka lone!

E kete letsatsi le mmê a mpelegeng ka lone le ka se segofale!+

15 A go hutsege monna yo o neng a tlisetsa rre dikgang tse di molemo, a re:

“O tsholetswe ngwana wa mosimane!”

A dira gore a itumele thata.

16 E kete monna yoo a ka tshwana le metse e Jehofa a neng a e senya a bo a sa ikwatlhaye.

E kete a ka utlwa selelo mo mosong le mokgosi wa tlhagiso motshegare.

21 Jeremia o ne a amogela lefoko leno le le tswang kwa go Jehofa fa Kgosi Sedekia+ a ne a roma Pashure+ morwa Malekija le Sefania+ morwa Maaseia, yo e leng moperesiti, kwa go ene a mo kopa a re: 2 “Tsweetswee re boletse mo go Jehofa, ka gonne Kgosi Nebukadenesare* wa Babelona o batla go tlhabana le rona.+ Gongwe Jehofa o tla re direla kgakgamatso jaaka mo nakong e e fetileng, gore a se ka a re tlhasela.”+

3 Jeremia o ne a ba raya a re: “Lo reye Sedekia lo re, 4 ‘Seno ke se Jehofa, Modimo wa Iseraele a se buang: “Jaanong ke dira gore dibetsa tsa ntwa tse di mo diatleng tsa lona di lwe le lona, tse lo tlhabanang le kgosi ya Babelona+ ka tsone le Bakaladia ba ba kwa ntle ga lobota ba ba lo dikologileng. Mme ke tla phuthela dibetsa tsa ntwa mo gare ga motse ono. 5 Mme ke tla tlhabana le lona+ ka seatla se se otlologileng le ka lebogo le le nonofileng, ke galefile, ke shakgetse e bile ke gaketse thata.+ 6 Ke tla kgemetha banni ba motse ono, motho mmogo le phologolo. Ba tla bolawa ke bolwetse jwa leroborobo jo bogolo.”’+

7 “‘Jehofa a re, “Mme morago ga moo, Kgosi Sedekia wa Juda le batlhanka ba gagwe le batho ba motse ono, ba ba sa bolawang ke bolwetse jwa leroborobo, tšhaka le leuba, ke tla ba tsenya mo seatleng sa ga Kgosi Nebukadenesare* wa Babelona. Ke tla ba tsenya mo seatleng sa baba ba bone le mo seatleng sa ba ba batlang go ba bolaya.+ O tla ba kgemetha ka tšhaka. Ga a kitla a ba rekegela, kgotsa a ba tlhomogela pelo le fa e le go ba utlwela botlhoko.”’+

8 “Mme o reye batho bano o re, ‘Seno ke se Jehofa a se buang: “Bonang, ke baya tsela ya botshelo le tsela ya loso fa pele ga lona. 9 Ba ba salang mo motseng ono ba tla bolawa ke tšhaka, ke leuba le ke bolwetse jwa leroborobo. Mme yo o tswelang kwa ntle ga motse a bo a ineela mo Bakaladieng ba ba lo dikologileng o tla tswelela a tshela, mme botshelo jwa gagwe bo tla bolokwa.”’*+

10 “‘Jehofa a re, “Ke latlhile motse ono mme ke tla o tlisetsa masetlapelo,+ e seng molemo. O tla tsenngwa mo seatleng sa kgosi ya Babelona,+ mme e tla o fisa ka molelo.”+

11 “‘O reye ba ntlo ya kgosi ya Juda o re: Utlwang lefoko la ga Jehofa. 12 Lona ba ntlo ya ga Dafide, seno ke se Jehofa a se buang:

‘Fa e le lona ba lo reng: “Ke mang yo o tla fologang a tla go re lwantsha?

E bile ke mang yo o tla tlhaselang dikago tsa rona?”

22 Seno ke se Jehofa a se buang: “Ya kwa ntlong ya kgosi* ya Juda, mme o bolele molaetsa ono. 2 O bue o re, ‘Utlwa lefoko la ga Jehofa, wena kgosi ya Juda yo o nnang mo setulong sa bogosi sa ga Dafide, wena le batlhanka ba gago le batho ba gago ba ba tsenang ka dikgoro tseno. 3 Seno ke se Jehofa a se buang: “Diragatsang tshiamiso le tshiamo. Gololang yo o thukuthiwang mo seatleng sa motsietsi. Lo se ka lwa bogisa motswakwa ope, e bile lo se ka lwa utlwisa botlhoko khutsana* kgotsa motlholagadi.+ Lo se ka lwa bolaela motho ope yo o se nang molato mo lefelong leno.+ 4 Gonne fa lo ka tlhomamisa gore lo ikobela lefoko leno, foo dikgosi tse di nnang mo setulong sa bogosi sa ga Dafide+ di tla tsena ka dikgoro tsa ntlo eno, di palame dikara le dipitse, tsone le batlhanka ba tsone le batho ba tsone.”’+

5 “Jehofa a re, ‘Mme fa lo ka se ikobele mafoko ano, ke ikana ka nna gore ntlo eno e tla fetoga marope.’+

6 “Gonne seno ke se Jehofa a se buang ka ga ntlo ya kgosi ya Juda:

8 “‘Ditšhaba di le dintsi di tla feta fa motseng ono di bo di raana di re: “Ke ka ntlha yang fa Jehofa a dirile motse ono o mogolo jaana?”+ 9 Mme batho ba bangwe ba tla araba ba re: “Ke ka ntlha ya gore ba ne ba tlogela kgolagano ya ga Jehofa, Modimo wa bone ba bo ba ikobela medimo e mengwe le go e direla.”’+

11 “Gonne seno ke se Jehofa a se buang ka ga Shalume*+ morwa Josia, kgosi ya Juda yo o busang mo boemong jwa ga rraagwe e bong Josia,+ yo o duleng mo lefelong leno: ‘Ga a kitla a tlhola a boela fano. 12 Gonne o tla swela kwa lefelong le ba mo isitseng botshwarwa kwa go lone, mme ga a kitla a tlhola a bona lefatshe leno gape.’+

15 A o tla tswelela o busa ka gonne o dirisa masedara a mantsi go feta ba bangwe?

16 O ne a tlhomamisa gore yo o bogisiwang le mohumanegi ba direlwa tshiamiso fa ba atlholwa.

Mo e leng gore dilo di ne di tsamaya sentle.

‘A ga a dira seo ka gonne a nkitse?’ go bua Jehofa.

“Ao, morwarre! Ijoo morwadiarre!”

Ga ba kitla ba mo hutsafalela ba re:

“Ijoo, mong wa rona! Ijoo, seriti sa gagwe se ole!”

21 Ke ne ka bua le wena fa o ne o ikutlwa o sireletsegile.

Mme o ne wa re, ‘Ga nkitla ke go ikobela.’+

Ka nako eo o tla tlhabiwa ke ditlhong o bo o tlontlologa ka ntlha ya masetlapelo otlhe a a tla go welang.

24 “Jehofa a re, ‘Ke ikana ka nna, tota le fa wena Konia*+ morwa Jehoiakime,+ kgosi ya Juda, o ne o le palamonwana e e tshwayang mo seatleng sa me sa moja, ke ne ke tla go somola teng koo! 25 Ka jalo, ke tla go tsenya mo seatleng sa ba ba batlang go go bolaya, mo seatleng sa ba o ba tshabang, mo seatleng sa ga Kgosi Nebukadenesare* wa Babelona le mo seatleng sa Bakaladia.+ 26 Mme wena le mmago yo o go belegeng ke tla lo latlhela kwa nageng e nngwe e lo sa tsholelwang kwa go yone, mme lo tla swela teng. 27 Mme ga lo kitla lo boela kwa nageng e lo eletsang go boela kwa go yone.+

29 Wena lefatshe,* lefatshe, lefatshe, utlwa lefoko la ga Jehofa.

30 Seno ke se Jehofa a se buang:

23 Jehofa a re, “Ruri ke tla atlhola badisa ba ba bolayang le ba ba gasamisang dinku tsa mafulo a me!”+

2 Ka jalo, seno ke se Jehofa, Modimo wa Iseraele a se buang ka badisa ba ba disang batho ba gaetsho: “Lo gasamisitse dinku tsa me; lo ne lwa nna lwa di phatlalatsa, e bile ga lo a ka lwa di tlhomogela pelo.”+

“Jaanong ga ke na go lo tlhomogela pelo ka ntlha ya ditiro tsa lona tse di bosula,” go bua Jehofa.

3 “Go tswa foo, ke tla phutha mmogo masalela a dinku tsa me go tswa kwa dinageng tsotlhe tse ke a phatlalaleditseng kwa go tsone,+ mme ke tla di busetsa kwa mafulong a tsone,+ mme di tla ata di bo di nna dintsi.+ 4 Ke tla di batlela badisa ba ba tla di disang sentle.+ Ga di kitla di tlhola di boifa, kgotsa di tshoga, e bile ga go kitla go nna le epe e e timelang,” go bua Jehofa.

5 Jehofa a re, “Bonang! Metlha e etla, ya fa ke tla tlhomela Dafide letlhogela*+ le le siameng. Mme kgosi e tla busa+ e bo e dira ka temogo e bile e tla diragatsa tshiamiso le tshiamo mo lefatsheng.+ 6 Mo motlheng wa gagwe Juda o tla bolokwa,+ le Iseraele o tla nna ka polokesego.+ Mme leno ke leina le a tla bidiwang ka lone: Jehofa ke Tshiamo ya Rona.”+

7 Jehofa a re, “Le fa go ntse jalo, metlha e etla, e ba se kitlang ba tlhola ba re, ‘Re ikana ka Jehofa Modimo yo o tshelang, yo o neng a ntsha batho ba Iseraele kwa lefatsheng la Egepeto!’+ 8 mme ba tla re, ‘Re ikana ka Jehofa Modimo yo o tshelang, yo o neng a ntsha a bo a busa ditlogolwana tsa batho ba Iseraele go tswa kwa lefatsheng la bokone le go tswa kwa mafatsheng otlhe a a neng a ba phatlalaleditse kwa go one,’ mme ba tla nna mo lefatsheng la bone.”+

9 Ono ke molaetsa o o yang kwa baporofeting:

Pelo ya me e phatlogile.

Marapo a me otlhe a a roroma.

Tsela e ba tshelang ka yone e bosula, e bile ba dirisa maatla a bone ka tsela e e sa siamang.

11 “Moporofeti mmogo le moperesiti ba leswafetse.*+

Tota le mo ntlong ya me ke fitlhetse bosula jwa bone,”+ go bua Jehofa.

13 “Mme ke bone selo se se ferosang sebete mo baporofeting ba Samarea.+

14 Mme ke bone dilo tse di maswe thata mo baporofeting ba Jerusalema.

15 Ka jalo, seno ke se Jehofa wa masomosomo a buang gore se tla diragalela baporofeti:

Gonne botlhanogi bo anametse mo lefatsheng lotlhe bo tswa mo baporofeting ba Jerusalema.”

16 Seno ke se Jehofa wa masomosomo a se buang:

“Lo se ka lwa reetsa mafoko a baporofeti ba ba lo porofetelang.+

Ba a lo tsietsa.*

Ke mang yo o neng a reetsa lefoko la gagwe ka tlhoafalo gore a tle a le utlwe?

Lo tla tlhaloganya seno sentle go ela kwa bokhutlong jwa metlha.

21 Ga ke a ka ka roma baporofeti, le fa go ntse jalo ba ne ba taboga.

Ga ke a ka ka ba bolelela sepe, le fa go ntse jalo ba ne ba porofeta.+

23 Jehofa a re, “A ke Modimo yo o gaufi fela, mme gape a ga ke Modimo yo o kgakala?”

24 “Kgotsa a go na le motho ope yo o ka iphitlhang mo lefelong le le fitlhegileng kwa nka se kang ka mmona gone?”+ go bua Jehofa.

“A ga ke a tlatsa magodimo le lefatshe?”+ go bua Jehofa.

25 “Ke utlwile baporofeti ba ba porofetang maaka ka leina la me ba re, ‘Ke lorile! Ke lorile!’+ 26 Baporofeti ba tla tswelela ba porofeta maaka ka lobaka lo lo kae? Ke baporofeti ba ba porofetang dilo tse di tsietsang tse di tswang mo dipelong tsa bone.+ 27 Ba batla go lebatsa batho ba me leina la me ka ditoro tsa bone tse ba di bolelelanang, fela jaaka borraabone ba ile ba lebala leina la me ka ntlha ya ga Baale.+ 28 A moporofeti yo o nang le toro a bolele toro, mme yo o nang le lefoko la me o tshwanetse go bua lefoko la me ka boammaaruri.”

“Lotlhaka le dijo tsa ditlhaka di tshwana ka eng?” go bua Jehofa.

29 “A lefoko la me ga le tshwane le molelo,+ e bile a ga le tshwane le hamore* e e thubaganyang lefika?”+ go bua Jehofa.

30 “Ka jalo, ke kgatlhanong le baporofeti ba ba buang se ke sa se buang, gore ba bolelele batho se bone ba se batlang,”+ go bua Jehofa.

31 “Jaanong ke tla otlhaya baporofeti ba ba dirisang loleme lwa bone go bua ba re, ‘Modimo a re!’” go bua Jehofa.+

32 “Ke kgatlhanong le baporofeti ba ba buang ditoro tsa maaka ba bo ba dira gore batho ba me ba fapoge ka ntlha ya maaka a bone le boikgogomoso jwa bone,”+ go bua Jehofa.

“Mme ga ke a ba roma e bile ga ke a ba laela sepe. Ka jalo, ga ba kitla ba tswela batho bano mosola gotlhelele,”+ go bua Jehofa.

33 “Mme fa batho bano kgotsa moporofeti kgotsa moperesiti ba go raya ba re, ‘Molaetsa ono wa ga Jehofa ke morwalo!’* o ba reye o re, ‘“Ke lona morwalo! Mme ke tla lo latlha,”+ go bua Jehofa.’ 34 Mme moporofeti ope, moperesiti ope kgotsa motho ope yo o reng, ‘Molaetsa wa ga Jehofa ke morwalo!’ ke tla mo otlhaya le ba lelapa la gagwe. 35 Mongwe le mongwe wa lona o raya motho yo mongwe le morwarraagwe a re, ‘Jehofa o arabile jang? E bile ke eng se Jehofa a se buileng?’ 36 Le fa go ntse jalo, lo se ka lwa tlhola lo re molaetsa wa ga Jehofa ke morwalo, ka gonne lefoko la mongwe le mongwe wa lona ke lone morwalo, e bile lo fetotse mafoko a Modimo yo o tshelang, e bong Jehofa wa masomosomo, Modimo wa rona.

37 “O tla botsa moporofeti o re, ‘Jehofa o go arabile jang? E bile ke eng se Jehofa a se buileng? 38 Mme fa lo tswelela lo re, “Molaetsa wa ga Jehofa ke morwalo!” seno ke se Jehofa a se buang: “E re ka lo rile, ‘Lefoko leno la ga Jehofa ke morwalo,’ fa ke sena go lo raya ke re, ‘Ga lo a tshwanela go bua lo re: “Molaetsa wa ga Jehofa ke morwalo!”’ 39 jaanong ke tla lo tsholetsa ke bo ke lo latlhela kgakala le nna, lona mmogo le motse o ke neng ka o naya lona le borraalonamogolo. 40 Mme ke tla lo tlisetsa matlhabisaditlhong a a nnelang ruri e bile lo tla tlontlologa ka bosakhutleng mme seo ga se kitla se lebalwa.”’”+

24 Go tswa foo, Jehofa o ne a mpontsha dimmanki tse pedi tsa difeige di beilwe fa pele ga tempele ya ga Jehofa, fa Kgosi Nebukadenesare* wa Babelona a sena go tsaya Jekonia*+ morwa Jehoiakime,+ kgosi ya Juda, mmogo le dikgosana tsa Juda, badiri ba ba ditswerere le badirakatshipi* a bo a ba isa botshwarwa; o ne a ba tsaya mo Jerusalema mme a ba isa kwa Babelona.+ 2 Mmanki o mongwe o ne o na le difeige tse di siameng, tse di tshwanang le difeige tsa mabutswapele, mme mmanki o mongwe o ne o na le difeige tse di sa siamang gotlhelele, di sa siama mo di neng di ka se ka tsa jewa.

3 Foo Jehofa o ne a mpotsa jaana: “Jeremia, o bona eng?” Ka jalo, ke ne ka re: “Difeige; difeige tse di siameng di siame thata, mme tse di sa siamang tsone, ga di a siama gotlhelele mo e leng gore di ka se jewe.”+

4 Go tswa foo, Jehofa o ne a nthaya a re: 5 “Jehofa, Modimo wa Iseraele a re, ‘Fela jaaka difeige tseno tse di siameng, ke tla leba batshwarwa ba Juda ba ke ba ntshitseng mo lefelong leno ke ba isa kwa lefatsheng la Bakaladia, ba le molemo. 6 Ke tla nna ke ba tlhomile matlho ka gonne ba siame, mme ke tla ba busetsa mo lefatsheng leno.+ Ke tla ba aga, mme ga ke nkitla ke ba rutlolola; ke tla ba jala, mme ga nkitla ke ba kumola.+ 7 Ke tla dira gore ba eletse go nkitse sentle, ba itse gore ke nna Jehofa.+ Ba tla nna batho ba me, mme nna ke tla nna Modimo wa bone,+ ka gonne ba tla boela mo go nna ka pelo yotlhe.+

8 “‘Mme seno ke se Jehofa a se buang ka difeige tse di sa siamang mo di ka se kang tsa jewa:+ “Eo ke tsela e ke tla lebang Kgosi Sedekia+ wa Juda, dikgosana tsa gagwe, masalela a Jerusalema a a setseng mo lefatsheng leno le ba ba nnang mo lefatsheng la Egepeto ka yone.+ 9 Ke tla dira gore magosi otlhe a lefatshe a tshoge fa a bona masetlapelo a ke ba tlisetsang one.+ Batho ba tla ba kgoba; ba tla bua ka bone e le sekao sa batho ba ba wetsweng ke masetlapelo; batho ba tla ba sotla e bile ba tla hutsiwa+ gongwe le gongwe kwa ke ba phatlalaletsang gone.+ 10 Mme ke tla letla gore ba bolawe ke tšhaka,+ ke leuba le bolwetse jwa leroborobo+ go fitlha ba nyelela mo lefatsheng le ke le neileng bone le borraabonemogolo.”’”

25 Lefoko le le ka ga batho botlhe ba Juda le ne la tla mo go Jeremia mo ngwageng wa bonê wa puso ya ga Jehoiakime+ morwa Josia, kgosi ya Juda, mme e le ngwaga wa ntlha wa ga Kgosi Nebukadenesare* wa Babelona. 2 Seno ke se moporofeti Jeremia a neng a se bua ka* batho botlhe ba Juda le banni botlhe ba Jerusalema:

3 “Go simolola ka ngwaga wa bo13 wa puso ya ga Josia+ morwa Amone, kgosi ya Juda, go fitlha gompieno, mo dingwageng tseno tse 23, Jehofa o ne a bua le nna, mme ke ne ke nna ke bua le lona gangwe le gape,* mme lo ne lo sa reetse.+ 4 Mme Jehofa o ne a roma batlhanka botlhe ba gagwe kwa go lona, e leng baporofeti, a ba roma gangwe le gape,* mme lo ne lo sa reetse e bile lo sa tlhwaye tsebe gore lo utlwe.+ 5 Ba ne ba tle ba re, ‘Tsweetswee, a mongwe le mongwe wa lona a tlogele ditsela tsa gagwe tse di bosula le ditiro tsa gagwe tse di bosula,+ mme lo tla nna lobaka lo loleele mo lefatsheng le Jehofa a sa bolong go le lo naya, lona le borraalonamogolo. 6 Lo se ka lwa sala medimo e mengwe morago, lwa e direla lwa bo lwa e ikobela, mme lwa nkgopisa ka tiro ya diatla tsa lona; go seng jalo ke tla lo tlisetsa masetlapelo.’

7 “Jehofa a re, ‘Le fa go ntse jalo, lo ne lwa se ka lwa ntheetsa. Go na le moo, lo ne lwa nkgopisa ka tiro ya diatla tsa lona, mme lwa itlisetsa masetlapelo.’+

8 “Ka jalo, Jehofa wa masomosomo a re, ‘“Ka gonne lo ne lo sa ikobele mafoko a me, 9 ke laela gore go bidiwe malapa otlhe a bokone,”+ go bua Jehofa, “ke laela gore go bidiwe Kgosi Nebukaderesare* wa Babelona, yo e leng motlhanka wa me,+ mme ke tla dira gore ba tlhasele lefatshe leno,+ banni ba lone le ditšhaba tseno tsotlhe tse di ba dikologileng.+ Ke tla ba senya ke bo ke dira gore ba nne selo se se tshosang le sengwe se se lelediwang molodi le se se kgakgabetseng. 10 Ke tla fedisa modumo wa boitumelo le modumo wa go ipela mo go bone,+ lentswe la monyadi+ le lentswe la monyadiwa, modumo wa lelwala le lesedi la lobone. 11 Mme lefatshe leno lotlhe le tla fetoga marope fela le selo se se tshosang, mme ditšhaba tseno di tla tshwanelwa ke go direla kgosi ya Babelona dingwaga di le 70.”’+

12 “Jehofa a re, ‘Le fa go ntse jalo, fa dingwaga tse 70 di sena go wela+ ke tla sekisetsa* kgosi ya Babelona le setšhaba seo molato wa bone,+ mme ke tla dira gore lefatshe la Bakaladia le kgakgabale ka bosakhutleng.+ 13 Ke tla diragatsa mafoko a me otlhe a ke a buileng ka lefatshe leo, sotlhe se se kwadilweng mo bukeng eno se Jeremia a neng a se porofeta ka ditšhaba tsotlhe. 14 Gonne ditšhaba di le dintsi le dikgosi tse dikgolo+ di tla ba dira makgoba,+ mme ke tla ba duela go ya ka ditiro tsa bone le go ya ka se ba se dirileng ka diatla tsa bone.’”+

15 Gonne Jehofa, Modimo wa Iseraele o ne a nthaya a re: “Tsaya senwelo seno sa beine se se tshwantshetsang bogale jwa me mo seatleng sa me, mme o dire gore ditšhaba tsotlhe tse ke go romang kwa go tsone di se nwe. 16 Mme ba tla nwa, ba tla thetheekela ba bo ba itshwara jaaka ditsenwa ka ntlha ya tšhaka e ke e romelang mo go bone.”+

17 Ka jalo, ke ne ka tsaya senwelo mo seatleng sa ga Jehofa ke bo ke dira gore ditšhaba tsotlhe tse Jehofa a neng a nthomile kwa go tsone di se nwe:+ 18 go simolola ka Jerusalema le metse ya Juda,+ dikgosi le dikgosana tsa gagwe. Ke ne ka dira jalo gore di tle di nne marope, e leng selo se se tshosang, selo se se lelediwang molodi le phutso,+ jaaka go ntse mo letsatsing leno; 19 go bo go latela Faro kgosi ya Egepeto le batlhanka ba gagwe, dikgosana tsa gagwe le batho botlhe ba gagwe,+ 20 le batho botlhe ba ditso tse di farologaneng ba ba nnang le bone; dikgosi tsotlhe tsa lefatshe la Use; dikgosi tsotlhe tsa lefatshe la Bafilisitia,+ Ashekelona,+ Gasa, Ekerone le ba ba setseng kwa Ashedoda; 21 Edoma,+ Moabe+ le Baamone;+ 22 dikgosi tsotlhe tsa Ture, dikgosi tsotlhe tsa Sidona+ le dikgosi tsa setlhaketlhake se se mo lewatleng; 23 Dedane,+ Tema, Buse le batho botlhe ba meriri ya bone e kgaotsweng mo matlhakoreng a tlhogo;+ 24 dikgosi tsotlhe tsa Baarabia+ le dikgosi tsotlhe tsa batho ba ditso tse di farologaneng ba ba agileng mo nageng; 25 dikgosi tsotlhe tsa Simeri, dikgosi tsotlhe tsa Elama+ le dikgosi tsotlhe tsa Bameda;+ 26 le dikgosi tsotlhe tsa kwa bokone tse di gaufi le tse di kgakala, ka go latelana, le magosi a mangwe otlhe a a mo lefatsheng; mme kgosi ya Sheshake*+ e tla nna yone ya bofelo go se nwa.

27 “Mme o ba reye o re, ‘Seno ke se Jehofa wa masomosomo, Modimo wa Iseraele, a se buang: “Nwang, lo tagwe mme lo kgwe lo bo lo we mo lo ka se kang lwa kgona go tsoga+ ka ntlha ya tšhaka e ke e romelang mo go lona.”’ 28 Mme fa ba gana go tsaya senwelo mo seatleng sa gago gore ba se nwe, o ba reye o re, ‘Seno ke se Jehofa wa masomosomo a se buang: “Lo tshwanetse go se nwa! 29 Gonne fa e le gore ke tlisa masetlapelo pele mo motseng o leina la me le leng mo go one,+ a lona ga lo a tshwanelwa go otlhaiwa?”’+

“‘Le lona lo tshwanetse go otlhaiwa, ka gonne ke tlisetsa banni botlhe ba lefatshe tšhaka,’ go bua Jehofa wa masomosomo.

O tla kurutlela mo lefelong la gagwe le le mo lefatsheng.

O tla atlhola batho botlhe* ka boene.+

Mme ba ba bosula o tla ba bolaya ka tšhaka,’ go bua Jehofa.

32 Seno ke se Jehofa wa masomosomo a se buang:

33 “‘Mme ba Jehofa a ba bolaileng mo letsatsing leo ba tla bo ba rapaletse fa fatshe go tloga kwa ntlheng e nngwe ya lefatshe go fitlha kwa ntlheng e nngwe ya lefatshe. Ga ba kitla ba hutsafalelwa, ga ba kitla ba phuthwa kgotsa ba fitlhwa. Ba tla nna jaaka motshotelo mo godimo ga mmu.’

34 Bokolelang lona badisa, lo bo lo goe!

26 Kwa tshimologong ya puso ya ga Jehoiakime+ morwa Josia, kgosi ya Juda, lefoko leno le ne la tla le tswa kwa go Jehofa: 2 “Jehofa a re, ‘Ema mo lolwapeng lwa ntlo ya ga Jehofa mme o bue ka* batho botlhe ba metse ya Juda ba ba tlang mo ntlong ya ga Jehofa ba tla go mo obamela.* Ba bolelele sengwe le sengwe se ke se go laelang; o se ka wa tlogela sepe. 3 Gongwe ba tla reetsa mme mongwe le mongwe a tlogele tsela ya gagwe e e bosula, mme ke tla fetola mogopolo ka* masetlapelo a ke neng ke ikaeletse go ba a tlisetsa ka ntlha ya ditiro tsa bone tse di bosula.+ 4 O ba reye o re: “Jehofa a re, ‘Fa lo sa ntheetse ka go sa ikobele molao* o ke lo o nayang, 5 e bile lo sa reetse mafoko a batlhanka ba me e bong baporofeti, ba ke ba romang kwa go lona gangwe le gape,*+ 6 foo ke tla dira gore ntlo eno e tshwane le Shilo,+ e bile ke tla dira gore motse ono o nne selo sa go hutsiwa mo ditšhabeng tsotlhe tsa lefatshe.’”’”+

7 Mme baperesiti le baporofeti le batho botlhe ba ne ba utlwa Jeremia a bua mafoko ano mo ntlong ya ga Jehofa.+ 8 Ka jalo, fa Jeremia a sena go bua sotlhe se Jehofa a neng a mo laetse gore a se bolelele batho botlhe, foo baperesiti le baporofeti le batho botlhe ba ne ba mo tshwara ba bo ba re: “O tshwanelwa ke go swa. 9 Ke ka ntlha yang fa o porofetile ka leina la ga Jehofa o re, ‘Ntlo eno e tla tshwana le Shilo, e bile motse ono o tla kgakgabala o bo o sala o se na monni ope’?” Mme batho botlhe ba ne ba kokoanela Jeremia mo ntlong ya ga Jehofa.

10 Fa dikgosana tsa Juda di utlwa mafoko ano, di ne tsa tswa kwa ntlong ya kgosi* mme tsa tla kwa ntlong ya ga Jehofa di bo di nna fa kgorong e ntšha ya ntlo ya ga Jehofa.+ 11 Baperesiti le baporofeti ba ne ba raya dikgosana le batho botlhe ba re: “Monna yono o tshwanetse go atlholelwa loso,+ ka gonne o porofetile gore motse ono o tla tlelwa ke masetlapelo fela jaaka lo ikutlwetse.”+

12 Foo Jeremia o ne a raya dikgosana tsotlhe le batho botlhe a re: “Jehofa ke ene yo o neng a nthomile gore ke bolele molaetsa wa katlholo o lo o utlwileng mo ntlong eno le mo motseng ono.+ 13 Jaanong fetolang ditsela tsa lona le ditiro tsa lona lo bo lo ikobele lentswe la ga Jehofa, Modimo wa lona, mme Jehofa o tla fetola mogopolo ka* masetlapelo a a neng a buile gore o tla lo a tlisetsa.+ 14 Mme nna, ke mo seatleng sa lona. Ntireng sepe fela se lo bonang se le molemo e bile se siame. 15 Mme gone, itseng gore fa lo mpolaya, lona le motse ono le banni ba one lo tla nna le molato wa go bolaya motho yo o se nang molato, ka gonne tota Jehofa ke ene a nthomileng mo go lona gore ke bue mafoko ano otlhe lo reeditse.”

16 Foo dikgosana le batho botlhe ba ne ba raya baperesiti le baporofeti ba re: “Monna yono ga a tshwanela go atlholelwa loso, ka gonne o buile le rona mo leineng la ga Jehofa, Modimo wa rona.”

17 Mo godimo ga moo, bangwe ba bagolwane ba lefatshe leo ba ne ba ema mme ba simolola go raya batho botlhe ba ba phuthegileng ba re: 18 “Mika+ wa kwa Moreshethe o ne a porofeta mo motlheng wa ga Kgosi Hesekia+ wa Juda, mme o ne a raya batho botlhe ba Juda a re, ‘Seno ke se Jehofa wa masomosomo a se buang:

19 “A Kgosi Hesekia wa Juda le batho botlhe ba Juda ba ne ba mmolaya? A ga a ka a boifa Jehofa mme a kopa Jehofa gore a ba utlwele botlhoko,* mo e leng gore Jehofa o ne a fetola mogopolo ka* masetlapelo a a neng a buile gore o tla ba a tlisetsa?+ Ka jalo, re tloga re ipakela masetlapelo a magolo.

20 “Mme go ne go na le monna yo mongwe a porofeta mo leineng la ga Jehofa, Urija morwa Shemaia, a tswa kwa Kiriathe-jearime,+ yo o neng a porofeta a bua mafoko a a tshwanang le a ga Jeremia a re motse ono le lefatshe leno di tla tlelwa ke masetlapelo. 21 Kgosi Jehoiakime+ le batlhabani botlhe ba gagwe ba ba maatla le dikgosana tsotlhe ba ne ba utlwa mafoko a gagwe, mme kgosi e ne ya batla go mmolaya.+ Fa Urija a utlwa seo, o ne a boifa mme a tshabela kwa Egepeto. 22 Foo Kgosi Jehoiakime o ne a roma Elenathane+ morwa Akabore le banna ba bangwe kwa Egepeto. 23 Ba ne ba tsaya Urija kwa Egepeto mme ba mo tlisa mo go Kgosi Jehoiakime, yo o neng a mo kgemetha ka tšhaka+ a bo a latlhela setopo sa gagwe mo mabitleng a batho fela.”

24 Mme Ahikame+ morwa Shafane+ o ne a ema Jeremia nôkeng, mo e leng gore o ne a se ka a tsenngwa mo seatleng sa batho gore ba mmolaye.+

27 Kwa tshimologong ya puso ya ga Jehoiakime morwa Josia, kgosi ya Juda, lefoko leno le ne la tla kwa go Jeremia le tswa kwa go Jehofa: 2 “Jehofa o ntheile a re, ‘Itirele dikgole le dijokwe, o bo o di baya mo molaleng wa gago. 3 Go tswa foo, o di neye barongwa ba ba tlang mo Jerusalema kwa go Kgosi Sedekia wa Juda, mme ba di ise kwa kgosing ya Edoma,+ kwa kgosing ya Moabe,+ kwa kgosing ya Baamone,+ kwa kgosing ya Ture+ le kwa kgosing ya Sidona.+ 4 Ba laele gore ba bolelele dikgosi tsa bone jaana:

“‘“Jehofa wa masomosomo, Modimo wa Iseraele a re; lo reye dikgosi tsa lona lo re, 5 ‘Ke nna yo o dirileng lefatshe, batho le diphologolo tse di mo lefatsheng ka maatla a me a magolo le ka lebogo la me le le otlologileng; mme dilo tseno tsotlhe ke di neile ope fela yo ke mo ratang.*+ 6 Mme jaanong ke neile motlhanka wa me e bong Kgosi Nebukadenesare+ wa Babelona mafatshe ano otlhe; tota ke mo neile le diphologolo tsa naga gore di mo direle. 7 Ditšhaba tsotlhe di tla direla ene le morwawe le setlogolwana sa gagwe sa mosimane go fitlha ka nako ya fa bogosi jwa gagwe bo fela,+ fa ditšhaba di le dintsi le dikgosi tse dikgolo di tla bo di mo dira motlhanka wa tsone.’+

8 “‘“Jehofa a re, ‘Fa bogosi bope kgotsa setšhaba sepe se gana go direla Kgosi Nebukadenesare wa Babelona e bile se gana go ikobela kgosi ya Babelona, ke tla otlhaya setšhaba seo ka tšhaka,+ ka leuba le ka bolwetse jwa leroborobo, go fitlha ke ba fedisa ka seatla sa gagwe.’

9 “‘“‘Ka jalo, lo se ka lwa reetsa baporofeti ba lona, baitseanape ba lona, batho ba lona ba ba lorang, batho ba lona ba ba dirang maselamose le baloi ba lona, ba ba lo rayang ba re: “Ga lo kitla lo direla kgosi ya Babelona.” 10 Gonne ba lo porofetela maaka, gore lo tle lo isiwe kgakala le naga ya lona mme ke tla lo phatlalatsa e bile ke tla lo nyeletsa.

11 “‘“Jehofa a re, ‘Le fa go ntse jalo, setšhaba se se ikobelang kgosi ya Babelona se bo se e direla, ke tla se lesa gore se tswelele se le* mo lefatsheng la sone gore se le leme se bo se nne mo go lone.’”’”

12 Kgosi Sedekia+ wa Juda le ene ke mmoleletse se se tshwanang ke re: “Ikobeleng kgosi ya Babelona, lo e direle le batho ba yone mme lo tla tswelela lo tshela.+ 13 Ke ka ntlha yang fa wena le batho ba gago lo tshwanetse go bolawa ke tšhaka,+ ke leuba+ le ke bolwetse jwa leroborobo,+ jaaka Jehofa a buile gore seo ke se se tla diragalelang setšhaba se se se kitlang se direla kgosi ya Babelona? 14 Lo se ka lwa reetsa mafoko a baporofeti ba ba lo rayang ba re, ‘Ga lo kitla lo direla kgosi ya Babelona,’+ ka gonne ba lo porofetela maaka.+

15 “Jehofa a re, ‘Gonne ga ke a ba roma, le fa go ntse jalo, ba porofeta maaka ka leina la me, mme ka ntlha ya seo ke tla lo phatlalatsa, mme lo tla nyelela, lona le baporofeti ba ba lo porofetelang.’”+

16 Mme ke ne ka raya baporofeti le batho bano botlhe ka re: “Jehofa a re, ‘Lo se ka lwa reetsa mafoko a baporofeti ba lona ba ba lo porofetelang ba re: “Dilwana tsa ntlo ya ga Jehofa di tla busiwa ka bonako go tswa kwa Babelona!”+ gonne ba lo porofetela maaka.+ 17 Lo se ka lwa ba reetsa. Direlang kgosi ya Babelona mme lo tla tswelela lo tshela.+ Ke ka ntlha yang fa motse ono o tshwanetse go nna marope? 18 Mme fa e le gore ke baporofeti e bile fa e le gore lefoko la ga Jehofa le mo go bone, tsweetswee, a ba rapele Jehofa wa masomosomo gore dilwana tse di setseng mo ntlong ya ga Jehofa, mo ntlong* ya kgosi ya Juda le mo Jerusalema di se ka tsa isiwa kwa Babelona.’

19 “Gonne Jehofa wa masomosomo o bua jaana ka ga dipilara,+ Lewatle,*+ dikolotsana+ le dilwana tse di setseng, tse di tlogetsweng mo motseng ono, 20 tse Kgosi Nebukadenesare wa Babelona a neng a sa di tsaya fa a ne a tsaya Jekonia morwa Jehoiakime, kgosi ya Juda kwa Jerusalema a mo isa botshwarwa kwa Babelona, mmogo le batlotlegi botlhe ba Juda le Jerusalema;+ 21 seno ke se Jehofa wa masomosomo, Modimo wa Iseraele, a se buang ka ga dilwana tse di tlogetsweng mo ntlong ya ga Jehofa, mo ntlong* ya kgosi ya Juda le mo Jerusalema: 22 ‘“Di tla isiwa kwa Babelona+ mme di tla tswelela di le koo go fitlha ka letsatsi le ke tla di gopolang ka lone. Go tswa foo, ke tla di tsaya ke bo ke di busetsa mo lefelong leno,” go bua Jehofa.’ ”+

28 Mo go one ngwaga oo, kwa tshimologong ya puso ya ga Kgosi Sedekia+ wa Juda, mo ngwageng wa bonê, mo kgweding ya botlhano, moporofeti Hanania morwa Asure yo o tswang kwa Gibeone+ o ne a mpolelela jaana mo ntlong ya ga Jehofa fa pele ga baperesiti le batho botlhe: 2 “Jehofa wa masomosomo, Modimo wa Iseraele a re, ‘Ke tla robaganya jokwe ya kgosi ya Babelona.+ 3 Mo dingwageng tse pedi,* ke tla busetsa dilwana tsotlhe tsa ntlo ya ga Jehofa mo lefelong leno tse Kgosi Nebukadenesare wa Babelona a neng a di tsaya mo lefelong leno a bo a di isa kwa Babelona.’ ”+ 4 “ ‘E bile ke tla busetsa Jekonia+ morwa Jehoiakime,+ kgosi ya Juda, le batho botlhe ba Juda ba ba isitsweng botshwarwa kwa Babelona mo lefelong leno,+ ka gonne ke tla robaganya jokwe ya kgosi ya Babelona,’ go bua Jehofa.”

5 Go tswa foo, moporofeti Jeremia o ne a bua le moporofeti Hanania fa pele ga baperesiti le batho botlhe ba ba neng ba eme mo ntlong ya ga Jehofa. 6 Moporofeti Jeremia o ne a re: “Amen!* E kete Jehofa a ka dira seno! E kete Jehofa a ka diragatsa mafoko a o a porofetileng ka go busetsa dilwana tsa ntlo ya ga Jehofa mo lefelong leno mmogo le batho botlhe ba ba isitsweng botshwarwa kwa Babelona! 7 Le fa go ntse jalo, tsweetswee, utlwa molaetsa ono o ke o bolelelang wena le batho bano botlhe. 8 Baporofeti ba ba neng ba le teng pele ga me le pele ga gago bogologolo ba ne ba tle ba porofete se se tla diragalelang dinaga tse dintsi le magosi a magolo, ba porofeta ka ntwa, masetlapelo le bolwetse jwa leroborobo. 9 Fa moporofeti a porofeta kagiso mme lefoko la gagwe le bo le diragala, foo go tla itsege gore eleruri Jehofa o romile moporofeti yoo.”

10 Ka yone nako eo, moporofeti Hanania o ne a tsaya jokwe mo molaleng wa ga moporofeti Jeremia a bo a e robaganya.+ 11 Go tswa foo, Hanania o ne a bua jaana fa pele ga batho botlhe: “Jehofa a re, ‘Ke tla robaganya jokwe ya ga Kgosi Nebukadenesare wa Babelona jalo mo molaleng wa ditšhaba tsotlhe mo dingwageng tse pedi.’”+ Mme moporofeti Jeremia o ne a tsamaya.

12 Fa moporofeti Hanania a sena go robaganya jokwe mo molaleng wa ga moporofeti Jeremia, Jehofa o ne a bolelela Jeremia molaetsa ono: 13 “Tsamaya mme o reye Hanania o re, ‘Seno ke se Jehofa a se buang: “O robagantse dijokwe tsa logong,+ mme mo boemong jwa tsone o tla dira dijokwe tsa tshipi.” 14 Gonne seno ke se Jehofa wa masomosomo, Modimo wa Iseraele, a se buang: “Ke tla baya jokwe ya tshipi mo molaleng wa ditšhaba tseno tsotlhe, gore di direle Kgosi Nebukadenesare wa Babelona, mme di tshwanetse go mo direla.+ Tota e bile ke tla mo naya le diphologolo tsa naga.”’”+

15 Foo moporofeti Jeremia o ne a raya moporofeti Hanania+ a re: “Tsweetswee, Hanania reetsa! Jehofa ga a go roma, mme wena o dirile gore batho bano ba ikanye maaka.+ 16 Ka jalo, Jehofa a re, ‘Ke tlile go go bolaya. Mo ngwageng ono o tlile go swa, ka gonne o tlhotlheleditse batho gore ba tlhanogele Jehofa.’”+

17 Ka jalo, moporofeti Hanania o ne a swa mo ngwageng oo, mo kgweding ya bosupa.

29 Ano ke mafoko a lekwalo le moporofeti Jeremia a neng a le romela go tswa kwa Jerusalema le ya kwa bagolwaneng botlhe ba ba nang le batho ba ba isitsweng botshwarwa, kwa baperesiting, kwa baporofeting le kwa bathong botlhe, ba Nebukadenesare a neng a ba tsere kwa Jerusalema a bo a ba isa botshwarwa kwa Babelona, 2 fa Kgosi Jekonia,+ mohumagadi,+ badiredibagolo ba ntlo ya kgosi, dikgosana tsa Juda le Jerusalema, le badiri ba ba ditswerere le badirakatshipi* ba sena go tswa mo Jerusalema.+ 3 Lekwalo leo o ne a le naya Elasa morwa Shafane+ le Gemaria morwa Hilekia, ba Kgosi Sedekia+ wa Juda a neng a ba romile kwa Babelona kwa go Kgosi Nebukadenesare wa Babelona. Le ne le re:

4 “Jehofa wa masomosomo, Modimo wa Iseraele o raya batho botlhe ba ba isitsweng botshwarwa, ba ke dirileng gore ba ye botshwarwa kwa Babelona ba tswa kwa Jerusalema, a re 5 ‘Agang matlo mme lo nne mo go one. Jalang ditshingwana mme lo je maungo a tsone. 6 Nyalang mme lo nne le bana ba basimane le ba basetsana; nyadisang bomorwaalona le bomorwadialona, gore le bone ba tle ba nne le bana ba basimane le ba basetsana. Nnang bantsi koo, mme lo se ka lwa fokotsega. 7 Lekang go tshela ka kagiso mo motseng o ke dirileng gore lo ye botshwarwa kwa go one, e bile lo o rapelele kwa go Jehofa, ka gonne fa motse oo o le mo kagisong le lona lo tla nna le kagiso.+ 8 Gonne seno ke se Jehofa wa masomosomo, Modimo wa Iseraele, a se buang: “Lo se ka lwa letla baporofeti ba lona le baitseanape ba lona ba lo tsietsa,+ e bile lo se ka lwa reetsa ditoro tse ba di lorang. 9 Gonne ‘ba lo porofetela maaka ka leina la me. Ga ke a ba roma,’+ go bua Jehofa.”’”

10 “Gonne Jehofa a re, ‘Fa dingwaga tse 70 di sena go wela lo le kwa Babelona, ke tla lo gopola,+ mme ke tla diragatsa tsholofetso ya me ka go lo busetsa mo lefelong leno.’+

11 “‘Ke itse sentle se ke lo se batlelang, ke batla go lo naya kagiso e seng masetlapelo,+ e bile ke batla go lo naya bokamoso le tsholofelo,’ go bua Jehofa.+ 12 ‘Mme lo tla mpitsa lo bo lo tla go nthapela, mme ke tla lo reetsa.’+

13 “‘Lo tla mpatla lo bo lo mpona,+ ka gonne lo tla bo lo mpatla ka pelo yotlhe.+ 14 Mme ke tla dira gore lo mpone,’+ go bua Jehofa. ‘E bile ke tla phutha batshwarwa ba lona ke bo ke lo phutha mmogo go tswa kwa ditšhabeng tsotlhe le kwa mafelong otlhe a ke neng ke lo phatlalaleditse kwa go one,’+ go bua Jehofa. ‘Mme ke tla lo busetsa mo lefelong le ke neng ke dirile gore lo tswe mo go lone lo ye botshwarwa.’+

15 “Le fa go ntse jalo, lo rile, ‘Jehofa o dirile gore re nne le baporofeti mo Babelona.’

16 “Gonne Jehofa o raya kgosi e e ntseng mo setulong sa bogosi sa ga Dafide+ le batho botlhe ba ba nnang mo motseng ono, bomorwarraalona ba ba sa yang botshwarwa le lona a re, 17 ‘Seno ke se Jehofa wa masomosomo a se buang: “Jaanong ke ba romelela tšhaka, leuba le bolwetse jwa leroborobo,+ mme ke tla ba dira gore ba tshwane le difeige tse di bodileng,* tse di sa siamang gotlhelele mo di ka se kang tsa jewa.”’+

18 “‘Ke tla ba latelela ka tšhaka,+ ka leuba le ka bolwetse jwa leroborobo, mme ke tla dira gore magosi otlhe a lefatshe a tshoge fa a bona se se ba diragaletseng,+ e bile ke tla dira gore ba hutsiwe, ba gakgamalelwe le go lelediwa molodi,+ le go kgobiwa mo ditšhabeng tsotlhe tse ke ba phatlalaletsang kwa go tsone,+ 19 ka gonne ga ba a reetsa mafoko a me a ke neng ka a ba bolelela ke dirisa batlhanka ba me e bong baporofeti, ke ba roma gangwe le gape,’* go bua Jehofa.+

“‘Mme ga lo a reetsa,’+ go bua Jehofa.

20 “Ka jalo, utlwang se Jehofa a se buang, lona lotlhe ba lo isitsweng botshwarwa, ba ke lo ntshitseng kwa Jerusalema mme ka lo isa kwa Babelona. 21 Seno ke se Jehofa wa masomosomo, Modimo wa Iseraele, a buang gore se tla diragalela Ahabe morwa Kolaia le Sedekia morwa Maaseia, ba ba lo porofetelang maaka ka leina la me,+ ‘Jaanong ke ba tsenya mo seatleng sa ga Kgosi Nebukadenesare* wa Babelona, mme o tla ba bolaya fa pele ga matlho a lona. 22 Mme se se ba diragalelang se tla fetoga phutso e e buiwang ke batshwarwa ba Juda ba ba kwa Babelona, ba re: “E kete Jehofa a ka go dira fela jaaka Sedekia le Ahabe, ba kgosi ya Babelona e neng ya ba besa mo molelong!” 23 ka gonne ba dirile matlhabisaditlhong mo Iseraele,+ ba dira boaka le basadi ba baagelani ba bone e bile ba bua mafoko a maaka a ke sa ba a laelang ba dirisa leina la me.+

“‘“Ke Nna ke itseng e bile ke mosupi,”+ go bua Jehofa.’”

24 “Mme o reye Shemaia+ wa kwa Nehelame o re, 25 ‘Seno ke se Jehofa wa masomosomo, Modimo wa Iseraele, a se buang: “E re ka o rometse makwalo ka leina la gago kwa bathong botlhe ba ba mo Jerusalema, kwa go moperesiti Sefania+ morwa Maaseia, le kwa baperesiting botlhe, o re, 26 ‘Jehofa o go dirile moperesiti mo boemong jwa ga moperesiti Jehoiada gore o nne molebedi mo ntlong ya ga Jehofa, gore o tshware motho ope fela yo o tsenwang yo o itirang moporofeti o bo o mo tsenya mo dikoteng tsa go golega le mo segolegong sa thamo le mabogo;*+ 27 jaanong, ke ka ntlha yang fa o sa kgalemela Jeremia wa kwa Anathothe,+ yo o itirang moporofeti wa lona?+ 28 Gonne o ile a romela molaetsa kwa go rona kwa Babelona, a re: “Lo tla nna kwa botshwarwa lobaka lo loleele! Agang matlo mme lo nne mo go one. Jalang ditshingwana mme lo je maungo a tsone,+ . . .”’”’”

29 Fa moperesiti Sefania+ a ntse a balela moporofeti Jeremia lekwalo leno, 30 Jehofa o ne a raya Jeremia a re: 31 “Romela molaetsa kwa bathong botlhe ba ba isitsweng botshwarwa, o re, ‘Seno ke se Jehofa a se buang ka ga Shemaia wa kwa Nehelame: “E re ka Shemaia a lo porofetetse, mme gone ke sa mo roma, e bile a lekile go dira gore lo ikanye maaka,+ 32 ke gone ka moo Jehofa a reng, ‘Jaanong ke otlhaya Shemaia wa kwa Nehelame le ditlogolwana tsa gagwe. Ga go na motho ope wa lelapa la gagwe yo o tla falolang mo bathong bano, e bile ga a kitla a bona dilo tse di molemo tse ke tla di direlang batho ba me,’ go bua Jehofa, ‘ka gonne o tlhotlheleditse batho gore ba tlhanogele Jehofa.’”’”

30 Leno ke lefoko le le neng la tla mo go Jeremia le tswa kwa go Jehofa: 2 “Jehofa, Modimo wa Iseraele a re, ‘Kwala mafoko otlhe a ke a buang le wena mo bukeng. 3 Gonne “metlha e etla,” go bua Jehofa, “e ke tla phuthang batho ba me ba ba isitsweng botshwarwa ka yone, ba Iseraele le ba Juda,”+ go bua Jehofa, “mme ke tla ba busetsa kwa lefatsheng le ke neng ka le naya borraabonemogolo, mme ba tla nna mo go lone gape.”’”+

4 Ano ke mafoko a Jehofa a neng a a bua le Iseraele le Juda.

 5 Seno ke se Jehofa a se buang:

 6 Tsweetswee, botsang gore a monna o kgona go belega.

Ke ka ntlha yang fa difatlhego tsotlhe di setlhafetse?

 7 Ijoo! Ruri letsatsi leo ke le le boifisang!*+

Le fa go ntse jalo, o tla gololwa mo go lone.”

8 “Mme mo letsatsing leo,” go bua Jehofa wa masomosomo, “ke tla robaganya jokwe mo molaleng wa gago, e bile ke tla kgaola dikgole* tse o bofilweng ka tsone sebedi; mme batswakwa ga ba kitla ba tlhola ba mo* dira motlhanka wa bone. 9 Ba tla direla Jehofa, Modimo wa bone le Dafide kgosi ya bone, yo ke tla mo ba tlhomelang.”+

11 “Gonne ke na le wena, gore ke go boloke,” go bua Jehofa.

12 Gonne seno ke se Jehofa a se buang:

“Go robega ga gago ga go na kalafi.+

Ntho ya gago ga e fole.

Ga o ka ke wa bona kalafi epe.

14 Botlhe ba ba go ratang thata ba go lebetse.+

Ga ba tlhole ba go batla.

15 Ke ka ntlha yang fa o goa ka gonne o robegile?

Setlhabi sa gago ga se alafesege!

Ke go dirile jalo

Ka ntlha ya molato wa gago o mogolo le maleo a gago a mantsi.+

‘Siona, yo go se nang ope yo o mmatlang.’ ”+

18 Seno ke se Jehofa a se buang:

19 Mme ba tla ntsha ditebogo e bile go tla utlwala modumo wa setshego.+

Ke tla otlhaya botlhe ba ba mo gatelelang.+

Ke tla dira gore a atamele, mme o tla nkatamela.”

“Gonne kwantle ga gagwe, ke mang yo o ka lekang* go nkatamela?” go bua Jehofa.

22 “Lo tla nna batho ba me,+ mme nna ke tla nna Modimo wa lona.”+

Lo tla tlhaloganya seno go ela kwa bokhutlong jwa metlha.+

31 Jehofa a re, “Ka nako eo, ke tla nna Modimo wa malapa otlhe a Iseraele, mme bone ba tla nna batho ba me.”+

 2 Seno ke se Jehofa a se buang:

 3 Jehofa o ne a iponatsa mo go nna a le kgakala a bo a re:

“Ke go ratile ka lorato lo lo nnelang ruri.

Ke gone ka moo ke neng ka go gogela kwa go nna ka lorato lo lo sa kgaotseng.*+

 4 Ke sa ntse ke tla go aga sesha mme o tla agega.+

 6 Gonne letsatsi le tla goroga, la fa balebeledi mo dithabeng tsa Eferaime ba tla tlhaeletsa ba re:

‘Emang, a re tlhatlogeleng kwa Siona, kwa go Jehofa, Modimo wa rona.’”+

 7 Gonne seno ke se Jehofa a se buang:

“Goelang kwa go Jakobe ka boitumelo.

Goang ka boipelo ka gonne lo okametse ditšhaba.+

 8 Ke ba busa go tswa kwa lefatsheng la bokone.+

Ke tla ba phutha mmogo go tswa kwa dikarolong tse di kgakala thata tsa lefatshe.+

Ba tla boela fano e le phuthego e kgolo.+

 9 Ba tla tla ba lela.+

Ke tla ba busetsa fano fa ba kopa gore ke ba amogele.

Gonne ke Rraagwe Iseraele, mme Eferaime ke leitibolo la me.”+

“Ene yo o gasamisitseng Iseraele, o tla boa a mo phutha mmogo.

O tla mo tlhokomela fela jaaka modisa a tlhokomela letsomane la gagwe.+

Ke tla dira gore khutsafalo ya bone e fetoge boitumelo.+

Ke tla ba gomotsa ke bo ke dira gore ba itumele mo boemong jwa go hutsafala.+

15 “Seno ke se Jehofa a se buang:

‘Go utlwala lentswe kwa Rama,+ selelo sa khutsafalo le go lela mo go botlhoko:

Ragele o lelela bomorwawe.*+

16 Seno ke se Jehofa a se buang:

‘Ba tla boa ba tswa kwa lefatsheng la mmaba.’+

17 ‘E bile go na le tsholofelo ka bokamoso jwa gago,’+ go bua Jehofa.

‘Bomorwao ba tla boela kwa nageng ya bone.’”+

20 “A Eferaime ga se morwa yo o botlhokwa mo go nna, ngwana yo ke mo ratang thata?+

Gonne le fa gone ke mo kgalemela gangwe le gape, ke sa ntse ke mo gopola.

Ke gone ka moo ke fuduegang maikutlo* ka ntlha ya gagwe.+

Mme eleruri ke tla mo tlhomogela pelo,” go bua Jehofa.+

Tlhoma matlho a gago mo tseleng e kgolo, tsela e o tshwanetseng go tsamaya mo go yone.+

Boa, wena kgarebane ya Iseraele, boela kwa metseng eno ya gago.

22 O tla okaoka ka lobaka lo lo kae, wena morwadi yo o sa ikanyegeng?

Gonne Jehofa o bopile sengwe se sesha mo lefatsheng:

Mosadi o tla latelela monna ka tlhoafalo.”

23 Seno ke se Jehofa wa masomosomo, Modimo wa Iseraele, a se buang: “Gape ba tla bua lefoko leno mo nageng ya Juda le mo metseng ya yone fa ke phutha batshwarwa ba bone: ‘E kete Jehofa a ka go segofatsa, wena lefelo la tshiamo,+ wena thaba e e boitshepo.’+ 24 Mme batho ba Juda le ba metse yotlhe ya yone ba tla nna mmogo mo go lone, balemirui le ba ba disang matsomane.+ 25 Gonne ke tla lapolosa yo o lapileng, e bile ke tla nonotsha mongwe le mongwe yo o bokoa.”+

26 Foo ke ne ka thanya ke bo ke bula matlho, mme ke ne ke robetse monate tota.

27 Jehofa a re, “Metlha e etla ya fa ke tla jala peo* ya motho le peo ya leruo mo setšhabeng sa Iseraele le mo setšhabeng sa Juda.”+

28 “Mme fela jaaka ke ne ke ba lebeletse gore ke ba kumole, ke ba rutlolole, ke ba dige, ke ba senye ke bo ke ba utlwise botlhoko,+ ka tsela e e tshwanang ke tla nna ke ba lebeletse gore ke ba age ke bo ke ba jale,”+ go bua Jehofa. 29 “Mo metlheng eo ga ba kitla ba tlhola ba re, ‘Borre ba ne ba ja morara o o botšarara, mme meno a barwa a ne a nna bosisi.’*+ 30 Mme ka nako eo, mongwe le mongwe o tla swela phoso ya gagwe. Ope fela yo o jang morara o o botšarara, meno a gagwe ke one a a tla nnang bosisi.”

31 “Metlha e etla,” go bua Jehofa, “e mo go yone ke tla dirang kgolagano e ntšha le batho ba Iseraele le batho ba Juda.+ 32 Ga e kitla e tshwana le kgolagano e ke neng ka e dira le borraabonemogolo mo letsatsing la fa ke ne ke ba ntsha kwa lefatsheng la Egepeto,+ ‘kgolagano ya me e ba neng ba e tlogela,+ le fa gone e ne e le nna fela mong* wa bone,’ go bua Jehofa.”

33 “Gonne eno ke kgolagano e ke tla e dirang le batho ba Iseraele morago ga metlha eo,” go bua Jehofa. “Ke tla tsenya molao wa me mo go bone,+ e bile ke tla o kwala mo dipelong tsa bone.+ Ke tla nna Modimo wa bone, mme bone ba tla nna batho ba me.”+

34 “Mme mongwe le mongwe ga a kitla a tlhola a ruta moagelani wa gagwe e bile mongwe le mongwe ga a kitla a tlhola a ruta morwarraagwe, a re, ‘Itse Jehofa!’+ ka gonne botlhe ba tla nkitse, go simolola ka yo monnye go fitlha ka yo mogolo,”+ go bua Jehofa. “Gonne ke tla ba itshwarela molato wa bone, e bile ga nkitla ke tlhola ke gakologelwa boleo jwa bone.”+

37 Seno ke se Jehofa a se buang: “‘Fela jaaka magodimo a ka se ka a lekanngwa le metheo ya lefatshe e ka se ka ya sekasekiwa, ga nkitla ke gana ditlogolwana tsa Iseraele ka ntlha ya sotlhe se ba se dirileng,’ go bua Jehofa.”+

38 “Bonang! Metlha e etla,” go bua Jehofa, “e mo go yone Jehofa a tla agelwang motse+ go simologa kwa Toreng ya Hananele+ go ya kwa Kgorong ya Sekhutlo.+ 39 Mme mogala o o lekanyang+ o tla tlhamalalela kwa thoteng ya Garebe, mme o tla fapogela kwa ntlheng ya Goa. 40 E bile mokgatšha otlhe* wa ditoto le wa melora,* le masimo otlhe go ya go fitlha kwa Mokgatšheng wa Kiderone,+ go ya go fitlha kwa khoneng ya Kgoro ya Dipitse+ go ela kwa botlhaba, o tla nna sengwe se se boitshepo mo go Jehofa.+ Ga o kitla o tlhola o kumolwa kgotsa o digwa.”

32 Jehofa o ne a bua le Jeremia mo ngwageng wa bo10 wa puso ya ga Kgosi Sedekia wa Juda, e leng ngwaga wa bo18 wa puso ya ga Nebukadenesare.*+ 2 Ka nako eo, masole a kgosi ya Babelona a ne a kampa go dikologa Jerusalema, mme moporofeti Jeremia o ne a tswaletswe mo Lolwapeng Lwa Badisa+ lo lo mo ntlong* ya kgosi ya Juda. 3 Gonne Kgosi Sedekia wa Juda o ne a mo tswaletse,+ a re, “Ke ka ntlha yang fa o porofeta jaana? Wa re, ‘Seno ke se Jehofa a se buang: “Ke tla tsenya motse ono mo seatleng sa kgosi ya Babelona, mme e tla o gapa,+ 4 e bile Kgosi Sedekia wa Juda ga a kitla a falola Bakaladia, ka gonne ruri o tla tsenngwa mo seatleng sa kgosi ya Babelona, mme o tla bua le ene ba lebane difatlhego.”’+ 5 ‘E tla isa Sedekia kwa Babelona, mme o tla tswelela a le koo go fitlha ke bona gore ke dira eng ka ene,’ go bua Jehofa. ‘Le fa gone lo tswelela lo lwa le Bakaladia, ga lo kitla lo atlega.’”+

6 Jeremia o ne a re: “Jehofa o buile le nna a re, 7 ‘Hanamele morwa Shalume rangwanaago o tla tla kwa go wena a bo a re: “Ithekele tshimo ya me e e kwa Anathothe,+ ka gonne ke wena wa ntlha yo o nang le tshwanelo ya go e rekolola.”’”+

8 Hanamele morwa rangwane o ne a tla kwa go nna ke le mo Lolwapeng Lwa Badisa, fela jaaka Jehofa a ne a buile, mme o ne a nthaya a re: “Tsweetswee, reka tshimo ya me e e kwa Anathothe, kwa lefatsheng la ga Benjamine, ka gonne o na le tshwanelo ya gore e nne ya gago le ya go e rekolola. E ithekele.” Foo ke ne ka lemoga gore e ne e le lefoko la ga Jehofa.

9 Ka jalo, ke ne ka reka tshimo kwa Anathothe mo go Hanamele morwa rangwane. Ke ne ka lekanya madi+ ke bo ke mo a naya, dishekele* di le supa le dishekele tsa selefera di le lesome. 10 Go tswa foo, ke ne ka kwala seno mo setlankaneng,+ ka se kana,* ka bitsa basupi+ ke bo ke lekanya madi mo dikaleng. 11 Ke ne ka tsaya setlankana sa theko, se se neng se kannwe go ya ka ditaelo le dilo tse di tlhokegang go ya ka molao, mmogo le se se neng se sa kanwa, 12 mme ke ne ka naya Baruke+ morwa Neria+ morwa Maseia setlankana sa theko fa pele ga ga Hanamele morwa rangwane, basupi ba ba kwadileng mo setlankaneng sa theko, le fa pele ga Bajuda botlhe ba ba neng ba ntse mo Lolwapeng Lwa Badisa.+

13 Jaanong ke ne ka laela Baruke jaana ba ntse ba le teng: 14 “Jehofa wa masomosomo, Modimo wa Iseraele, a re, ‘Tsaya ditlankana tseno, setlankana seno sa theko se se kannweng le setlankana se sengwe se se sa kanwang, mme o di tsenye mo nkgong, gore di tle di nne lobaka lo loleele.’ 15 Gonne Jehofa wa masomosomo, Modimo wa Iseraele, a re, ‘Matlo le masimo le masimo a morara* a tla rekwa gape mo lefatsheng leno.’”+

16 Go tswa foo, fa ke sena go naya Baruke morwa Neria setlankana sa theko ke ne ka rapela Jehofa, ka re: 17 “Ao, Morena Molaodimogolo Jehofa! O dirile magodimo le lefatshe ka maatla a gago a magolo+ le ka lebogo la gago le le otlologileng. Ga go na sepe se se ka go palelang, 18 Wena yo o ratang diketekete ka lorato lo lo sa kgaotseng, le fa go ntse jalo, o otlhaela barwa molato wa borraabone,*+ Modimo wa boammaaruri, yo mogolo le yo o maatla, yo leina la gagwe e leng Jehofa wa masomosomo. 19 O na le maikaelelo* a magolo e bile ditiro tsa gago di dikgolo,+ wena yo matlho a gago a bonang ditsela tsotlhe tsa batho,+ gore o duele mongwe le mongwe go ya ka ditsela tsa gagwe le go ya ka se a se dirang.+ 20 O ne wa dira ditshupo le dikgakgamatso kwa lefatsheng la Egepeto, tse di itsegeng go tla go fitlha mo letsatsing leno, mme ka ntlha ya seo o itiretse leina mo Iseraele le mo bathong,+ jaaka go ntse gompieno. 21 Mme o ne wa ntsha batho ba gago ba Iseraele kwa lefatsheng la Egepeto ka ditshupo, ka dikgakgamatso, ka seatla se se nonofileng, ka lebogo le le otlologileng le ka ditiro tse di boifisang.+

22 “Fa nako e ntse e tsamaya, o ne wa ba naya lefatshe leno le o neng o ikanne gore o tla le naya borraabonemogolo,+ lefatshe le le elelang mashi le tswina ya dinotshe.+ 23 Mme ba ne ba tla mo go lone ba bo ba le rua, le fa go ntse jalo ga ba a ka ba ikobela lentswe la gago kgotsa ba tsamaya mo molaong wa gago. Ga ba a ka ba dira sepe se o neng o ba laetse gore ba se dire, mo o neng wa dira gore ba welwe ke masetlapelo ano otlhe.+ 24 Batho ba dirile dithotana go dikologa motse gore ba o tlhasele,+ mme ka ntlha ya tšhaka,+ leuba le bolwetse jwa leroborobo,+ motse ono o tla tsenngwa mo diatleng tsa Bakaladia ba ba tlhabanang le one; sotlhe se o se buileng se diragetse, fela jaaka o bona. 25 Mme wena Morena Molaodimogolo Jehofa, o ntheile wa re, ‘Ithekele tshimo ka madi mme o bitse basupi,’ le fa gone motse ono o tlile go tsenngwa mo seatleng sa Bakaladia.”

26 Foo Jehofa o ne a raya Jeremia a re: 27 “Ke nna Jehofa, Modimo wa batho botlhe.* A go na le sengwe se se ka mpalelang? 28 Ka jalo, Jehofa a re, ‘Ke tsenya motse ono mo seatleng sa Bakaladia le mo seatleng sa ga Kgosi Nebukadenesare* wa Babelona, mme o tla o gapa.+ 29 Mme Bakaladia ba ba tlhabanang le motse ono ba tla tla ba bo ba tshuba motse ono ka molelo, mme ba tla o fisa+ mmogo le matlo a batho ba neng ba ntshetsa Baale ditlhabelo mo marulelong a one le a ba neng ba tshelela medimo e mengwe ditlhabelo tsa senô mo go one gore ba nkgopise.’+

30 “‘Gonne batho ba Iseraele le ba Juda ba dirile se se bosula fela mo matlhong a me, go tloga bosheng jwa bone go ya pele;+ batho ba Iseraele ba nna ba nkgopisa ka dilo tse ba di dirang,’ go bua Jehofa. 31 ‘Gonne motse ono e ntse e le selo se se nkgopisang le se se nkgalefisang,+ go tloga ka letsatsi le ba o agileng ka lone go fitlha mo letsatsing leno, ke gone ka moo ke tshwanetseng go o tlosa fa pele ga sefatlhego sa me,+ 32 ka ntlha ya bosula jotlhe jo batho ba Iseraele le ba Juda ba bo dirileng gore ba nkgopise: bone, dikgosi tsa bone,+ dikgosana tsa bone,+ baperesiti ba bone, baporofeti ba bone+ le batho ba Juda le banni ba Jerusalema. 33 Ba ne ba nna ba mphularela;*+ le fa gone ke ne ke leka go ba ruta gangwe le gape,* go ne go se na ope wa bone yo o reetsang gore a amogele kotlhao.+ 34 Ba ne ba baya medingwana ya bone e e ferosang sebete mo ntlong e leina la me le leng mo go yone, gore ba e leswafatse.+ 35 Mo godimo ga moo, ba ne ba dira gore Juda a leofe ka go aga mafelo a a kwa godimo a a boitshepo a ga Baale mo Mokgatšheng wa ga Morwa Hinoma,*+ gore ba tle ba fise bomorwaabone le bomorwadiabone mo molelong ba ntshetsa Moleke+ ditlhabelo, e leng sengwe se ke neng ke sa se ba laela,+ e bile ke ise nke ke akanye go dira selo se se ntseng jalo se se makgapha.’

36 “Ka jalo, seno ke se Jehofa, Modimo wa Iseraele a se buang ka motse ono o lo reng o tla tsenngwa mo seatleng sa kgosi ya Babelona ka tšhaka, ka leuba le ka bolwetse jwa leroborobo, 37 ‘Ke tla ba phutha mmogo ke ba ntsha kwa dinageng tsotlhe tse ke neng ke ba phatlalaleditse kwa go tsone ke galefile, ke shakgetse e bile ke gaketse thata,+ mme ke tla ba busetsa mo lefelong leno ke bo ke dira gore ba nne ka polokesego.+ 38 Ba tla nna batho ba me, mme nna ke tla nna Modimo wa bone.+ 39 Ke tla ba naya pelo e le nngwe+ le tsela e le nngwe gore ba tle ba mpoife ka metlha, gore bone le bana ba bone ba solegelwe molemo.+ 40 E bile ke tla dira kgolagano le bone e e nnelang ruri,+ ya gore ga nkitla ke tlogela go ba direla molemo;+ mme ke tla dira gore dipelo tsa bone di mpoife, gore ba se ka ba ntlogela.+ 41 Ke tla itumelela go ba direla molemo,+ e bile ke tla dira gore ba nnele ruri mo lefatsheng leno,+ ke dira jalo ka pelo ya me yotlhe le ka moya wa me otlhe.’”

42 “Gonne Jehofa a re, ‘Fela jaaka ke tliseditse batho bano masetlapelo ano otlhe a magolo, ka tsela e e tshwanang ke tla ba tlisetsa dilo tsotlhe tse di molemo tse ke ba solofetsang tsone.+ 43 Mme masimo a tla rekwa gape mo lefatsheng leno,+ le fa gone lona lo re: “Ke lefatshe le le kgakgabetseng le le se nang motho le phologolo, e bile le tsentswe mo seatleng sa Bakaladia.”’

44 “‘Masimo a tla rekwa ka madi, go tla kwalwa mo ditlankaneng di bo di kanwa, e bile go tla bidiwa basupi mo lefatsheng la ga Benjamine,+ mo mafelong a a dikologileng Jerusalema, mo metseng ya Juda,+ mo metseng ya kgaolo e e dithaba, mo metseng ya naga e e kwa tlase+ le mo metseng e e kwa borwa, ka gonne ke tla busa batshwarwa ba bone,’+ go bua Jehofa.”

33 Jehofa o ne a bua le Jeremia lekgetlo la bobedi fa a ne a sa ntse a tswaletswe mo Lolwapeng Lwa Badisa+ a re: 2 “Jehofa Modiri wa lefatshe, Jehofa yo o le bopileng a bo a le tiisa thata; yo leina la gagwe e leng Jehofa a re, 3 ‘Mpitse, mme ke tla go araba e bile ke tla go bolelela dilo tse dikgolo le tse di sa tlhaloganyesegeng tse o sa di itseng.’”+

4 “Gonne seno ke se Jehofa, Modimo wa Iseraele a se buang ka matlo a motse ono le matlo a dikgosi tsa Juda a a digilweng ka ntlha ya dithotana tse di dirilweng go o dikologa le ka ntlha ya tšhaka,+ 5 le ka batho ba ba tlang go lwa le Bakaladia ba bo ba tlatsa mafelo ano ka ditopo tsa batho ba ke ba kgemethileng ke galefile e bile ke shakgetse, ba bosula jwa bone bo dirileng gore ke fitlhele motse ono sefatlhego sa me: 6 ‘Jaanong ke dira gore motse ono o nne le botsogo jo bo molemo le boitekanelo,+ mme ke tla fodisa batho ba teng ke bo ke ba naya letlotlo la kagiso le boammaaruri.+ 7 Mme ke tla busa batho ba Juda le ba Iseraele ba ba neng ba isitswe botshwarwa,+ e bile ke tla ba nonotsha fela jaaka ke ne ke dirile kwa tshimologong.+ 8 Ke tla ba itshekisa ke tlosa molato otlhe wa maleo a ba a ntiretseng,+ e bile ke tla ba itshwarela molato otlhe wa maleo a bone le dilo tse di bosula tse ba di ntiretseng.+ 9 Mme motse ono o tla nna kgalalelo ya me, boitumelo jwa me, pako ya me le bontle jwa me fa pele ga ditšhaba tsotlhe tsa lefatshe tse di tla utlwang dilo tsotlhe tse di molemo tse ke ba diretseng tsone.+ Mme di tla boifa e bile di tla roroma+ ka ntlha ya dilo tsotlhe tse di molemo tse ke tla ba direlang tsone le kagiso e ke tla ba nayang yone.’”+

10 “Seno ke se Jehofa a se buang: ‘Mo lefelong leno le lo tla reng ke naga e e kgakgabetseng, e e se nang motho kgotsa leruo, mo metseng ya Juda le mo mebileng ya Jerusalema e e kgakgabetseng, e e se nang motho kgotsa monni kgotsa leruo, go tla utlwiwa gape 11 modumo wa boitumelo le modumo wa go ipela,+ lentswe la monyadi le lentswe la monyadiwa, lentswe la ba ba reng: “Ntshetsang Jehofa wa masomosomo ditebogo, ka gonne Jehofa o molemo;+ lorato lwa gagwe lo lo sa kgaotseng lo nnela ruri!”’+

“‘Ba tla tlisa ditlhabelo tsa go leboga mo ntlong ya ga Jehofa,+ ka gonne ke tla busa batho ba lefatshe leno ba ba neng ba isitswe botshwarwa, fela jaaka kwa tshimologong,’ go bua Jehofa.”

12 “Seno ke se Jehofa wa masomosomo a se buang: ‘Mo nageng eno e e kgakgabetseng, e e se nang motho kgotsa leruo, le mo metseng yotlhe ya yone, go tla boa go nna le mafulo a badisa ba bothisang matsomane mo go one.’+

13 “‘Matsomane a tla boa a feta gape ka fa tlase ga diatla tsa yo o a balang mo metseng ya kgaolo e e dithaba, mo metseng ya naga e e kwa tlase, mo metseng e e kwa borwa, mo lefatsheng la ga Benjamine, mo mafelong a a dikologileng Jerusalema+ le mo metseng ya Juda,’+ go bua Jehofa.”

14 “‘Metlha e etla,’ go bua Jehofa, ‘ya fa ke tla diragatsa tsholofetso e e molemo e ke e solofeditseng setšhaba sa Iseraele le setšhaba sa Juda.+ 15 Mo metlheng eo le ka nako eo ke tla tlhogisetsa Dafide letlhogela* le le siameng,+ mme o tla diragatsa tshiamiso le tshiamo mo lefatsheng.+ 16 Mo metlheng eo, Juda o tla bolokwa+ e bile Jerusalema o tla nna ka polokesego.+ Mme leno ke leina le o tla bidiwang ka lone: Jehofa ke Tshiamo ya Rona.’”+

17 “Gonne seno ke se Jehofa a se buang: ‘Ka metlha go tla nna go na le monna yo o tswang mo losikeng lwa ga Dafide yo o tla nnang mo setulong sa bogosi sa Iseraele,+ 18 e bile mo baperesiting ba Balefi, ka metlha go tla nna go na le monna yo o emang fa pele ga me gore a ntshe ditlhabelo tse di fisiwang di feletse, a fise ditlhabelo tsa dijo tsa ditlhaka le gore a ntshe ditlhabelo tse dingwe.’”

19 Mme Jehofa o ne a bua le Jeremia gape a re: 20 “Jehofa a re, ‘Fa lo ka kgona go fedisa kgolagano e ke e dirileng le motshegare le kgolagano e ke e dirileng le bosigo, mme lwa thibela motshegare le bosigo gore di se ka tsa nna gone ka nako e e tshwanetseng,+ 21 ke gone nka kgonang go fedisa kgolagano ya me le motlhanka wa me e bong Dafide,+ gore a se ka a nna le morwa yo o busang e le kgosi mo setulong sa gagwe sa bogosi,+ le kgolagano e ke e dirileng le baperesiti ba Balefi, ba e leng badiredi ba me.+ 22 Fela jaaka masomosomo a magodimo a ka se ka a balwa le motlhaba* wa lewatle o ka se ka wa lekanngwa, ka tsela e e tshwanang ke tla ntsifatsa ditlogolwana* tsa motlhanka wa me e bong Dafide le Balefi ba ba ntirelang.’”

23 Mme Jehofa o ne a bua le Jeremia gape a re: 24 “A ga o ise o utlwe se batho bano ba se buang ba re, ‘Jehofa o tla latlha malapa a mabedi a a neng a a tlhophile’? Mme ga ba tlotle batho ba me, e bile ga ba tlhole ba ba tsaya e le setšhaba.

25 “Seno ke se Jehofa a se buang: ‘Fela jaaka kgolagano e ke e dirileng le motshegare le bosigo e sa fetoge,+ le melao ya legodimo le lefatshe e sa fetoge,+ 26 ka tsela e e tshwanang lefoko la me ga le fetoge la gore ga nkitla ke latlha losika lwa ga Jakobe le lwa motlhanka wa me e bong Dafide, mme ke tla tlhopha babusi mo losikeng lwa gagwe ba ba tla busang ditlogolwana* tsa ga Aborahame, Isake le Jakobe. Gonne ke tla phutha batho ba bone ba ba neng ba isitswe botshwarwa+ ke bo ke ba tlhomogela pelo.’”+

34 Seno ke se Jehofa a neng a se bolelela Jeremia, fa Kgosi Nebukadenesare* wa Babelona le masole otlhe a gagwe le magosi otlhe a lefatshe a a a laolang le ditšhaba tsotlhe ba ne ba tlhabana le Jerusalema le metse yotlhe ya gagwe:+

2 “Jehofa, Modimo wa Iseraele a re, ‘Tsamaya, o bue le Kgosi Sedekia+ wa Juda, mme o mo reye o re: “Jehofa a re, ‘Jaanong ke tsenya motse ono mo seatleng sa kgosi ya Babelona, mme e tla o fisa ka molelo.+ 3 Mme ga o kitla o falola mo seatleng sa gagwe, ka gonne ruri o tla tshwarwa o bo o isiwa kwa go ene.+ Mme o tla bona Kgosi ya Babelona lo lebane difatlhego, e bile e tla bua le wena ka sebele, mme o tla isiwa kwa Babelona.’+ 4 Le fa go ntse jalo, wena Kgosi Sedekia wa Juda, utlwa lentswe la ga Jehofa, ‘Seno ke se Jehofa a se buang ka wena: “Ga o kitla o bolawa ka tšhaka. 5 O tla swa ka kagiso,+ e bile ba tla go fisetsa ditswaiso ka phitlho ya gago jaaka ba ile ba direla borrago, e leng dikgosi tsa pele tse di nnileng teng pele ga gago, mme ba tla go hutsafalela ba re, ‘Ijoo, mong wa me!’ ka gonne ‘Ke nna ke buileng lefoko leno,’ go bua Jehofa.”’”’”

6 Go tswa foo, moporofeti Jeremia o ne a bolelela Kgosi Sedekia wa Juda mafoko ano otlhe mo Jerusalema, 7 fa masole a kgosi ya Babelona a ne a tlhabana le Jerusalema le metse yotlhe ya Juda e e neng e setse,+ a tlhabana le Lakishe+ le Aseka;+ gonne e ne e le yone fela metse e e sireletsegileng ya Juda e e neng e setse.

8 Lefoko le ne la tla mo go Jeremia le tswa kwa go Jehofa fa Kgosi Sedekia a sena go dira kgolagano le batho botlhe mo Jerusalema ya gore go gololwe makgoba.+ 9 Mongwe le mongwe o ne a tshwanetse go golola makgoba a gagwe a Bahebera, motlhanka le lelata, gore go se nne le ope yo o tswelelang a dirile Mojuda ka ene lekgoba. 10 Ka jalo, dikgosana tsotlhe le batho botlhe ba ne ba ikobela seo. Ba ne ba dumalana le kgolagano eo ya gore mongwe le mongwe a golole batlhanka ba gagwe le malata a gagwe, mme a se ka a tlhola a ba dira makgoba. Ba ne ba ikoba mme ba ba lesa gore ba tsamaye. 11 Le fa go ntse jalo, moragonyana ba ne ba busa batlhanka le malata a ba neng ba a golotse, mme ba ne ba ba pateletsa go nna makgoba gape. 12 Ka jalo, lefoko la ga Jehofa le ne la tla mo go Jeremia le tswa kwa go Jehofa le re:

13 “Jehofa, Modimo wa Iseraele a re, ‘Ke ne ka dira kgolagano le borraalonamogolo+ mo letsatsing la fa ke ne ke ba ntsha kwa lefatsheng la Egepeto, ke ba ntsha kwa ba neng ba le makgoba gone,*+ ke re: 14 “Fa dingwaga tse supa di wela, mongwe le mongwe wa lona a golole morwarraagwe wa Mohebera yo a neng a mo rekile le yo a mo diretseng dingwaga di le thataro; o tshwanetse go mo golola.”+ Le fa go ntse jalo, borraalonamogolo ga ba a ka ba ntheetsa kgotsa ba ntlhwaela tsebe. 15 Mme bosheng jaana* lo ne lwa sokologa mme lwa dira se se siameng mo matlhong a me ka go bolela gore mongwe ka lona a gololwe, e bile lo ne lwa dira kgolagano fa pele ga me mo ntlong e leina la me le leng mo go yone. 16 Go tswa foo, lo ne lwa tlhanoga mme lwa tlontlolola leina la me+ ka go busa batlhanka ba lona le malata a lona a lo neng lo a golotse gore a ye gongwe le gongwe kwa a neng a batla go ya teng, mme lo ne lwa ba pateletsa go nna makgoba gape.’

17 “Ka jalo, seno ke se Jehofa a se buang: ‘Ga lo a ka lwa inkobela ka kgang ya gore lo golole makgoba, mongwe le mongwe a golole morwarraagwe le mongwe ka ene.+ Jaanong ke tla lo naya kgololesego,’ go bua Jehofa, ‘kgololesego ya go lo romelela tšhaka, bolwetse jwa leroborobo le leuba,+ mme ke tla dira gore magosi otlhe a lefatshe a tshoge fa a bona se se lo diragaletseng.+ 18 Seno ke se se tla diragalelang batho ba ba tlogelang kgolagano ya me, ba ba sa diragatseng mafoko a kgolagano e ba neng ba e dira fa pele ga me fa ba ne ba sega namane ka bogare ba bo ba feta fa gare ga dikarolo tsa yone tse pedi,+ 19 e leng, dikgosana tsa Juda, dikgosana tsa Jerusalema, badiredibagolo ba ntlo ya kgosi, baperesiti le batho botlhe ba lefatshe leno ba ba neng ba feta fa gare ga dikarolo tseo tse pedi tsa namane: 20 Ke tla ba tsenya mo seatleng sa baba ba bone le sa ba ba batlang go ba bolaya, mme ditopo tsa bone di tla jewa ke dinonyane tsa magodimo le dibatana tsa lefatshe.+ 21 Mme ke tla tsenya Kgosi Sedekia wa Juda le dikgosana tsa gagwe mo seatleng sa baba ba bone le mo seatleng sa ba ba batlang go ba bolaya le mo seatleng sa masole a kgosi ya Babelona,+ ba ba tsamayang ba tlogela go tlhabana le lona.’+

22 “‘Ke tla ntsha taelo,’ go bua Jehofa, ‘mme ke tla ba busetsa mo motseng ono, mme ba tla tlhabana le one, ba tla o gapa ba bo ba o fisa;+ mme ke tla dira gore metse ya Juda e kgakgabale, e sale e se na monni.’”+

35 Seno ke se Jehofa a neng a se bolelela Jeremia mo motlheng wa ga Jehoiakime+ morwa Josia, kgosi ya Juda: 2 “Ya kwa ntlong ya Barekabe,+ mme o bue le bone o bo o ba tlisa mo ntlong ya ga Jehofa, mo go nngwe ya diphaposi tsa bojelo;* go tswa foo, o ba neye beine gore ba nwe.”

3 Ka jalo, ke ne ka tsaya Jaasania morwa Jeremia morwa Habasinia, bomorwarraagwe, bomorwawe botlhe le botlhe ba kgotla ya Barekabe 4 ka tsamaya le bone kwa ntlong ya ga Jehofa. Ke ne ka ba tsenya mo phaposing ya bojelo ya bomorwa Hanane morwa Igedalia, monna wa Modimo wa boammaaruri, e e neng e le gaufi le phaposi ya bojelo ya dikgosana e e neng e le kwa godimo ga phaposi ya bojelo ya ga Maaseia morwa Shalume molebedi wa kgoro. 5 Go tswa foo, ke ne ka baya dikopi le diphafana* tse di tletseng beine fa pele ga banna ba kgotla ya Barekabe mme ka ba raya ka re: “Nwang beine.”

6 Mme ba ne ba nthaya ba re: “Ga re kitla re nwa beine, ka gonne rraaronamogolo e bong Jehonadabe*+ morwa Rekabe, o ne a re laela a re, ‘Lona le bomorwaalona ga lo a tshwanela go nwa beine le ka motlha. 7 E bile ga lo a tshwanela go aga ntlo, go jala peo kgotsa go lema kgotsa go nna le tshimo ya mofine. Go na le moo, lo tshwanetse go nna mo ditenteng ka metlha, gore lo tle lo tshele lobaka lo loleele mo lefatsheng le lo nnang mo go lone lo le batswakwa.’ 8 Ka jalo, re nna re ikobela lentswe la ga rraaronamogolo e bong Jehonadabe morwa Rekabe mo go sengwe le sengwe se a se re laetseng ka go sa nwe beine epe le ka motlha: rona, basadi ba rona, bomorwaarona le bomorwadiarona. 9 E bile ga re age matlo gore re nne mo go one, ga re na masimo a mofine kgotsa masimo kgotsa peo. 10 Re tswelela re nna mo ditenteng e bile re ikobela sotlhe se rraaronamogolo e bong Jehonadabe* a se re laetseng. 11 Mme fa Kgosi Nebukadenesare* wa Babelona a ne a tla go tlhasela naga eno,+ re ne ra re, ‘Tlang, a re yeng kwa Jerusalema gore re falole masole a Bakaladia le a Basiria,’ mme jaanong re nna mo Jerusalema.”

12 Mme Jehofa o ne a raya Jeremia a re: 13 “Jehofa wa masomosomo, Modimo wa Iseraele, a re, ‘Tsamaya mme o reye batho ba Juda le banni ba Jerusalema o re: “A ga ke a ka ka nna ke lo kgothaletsa go ikobela mafoko a me?”+ go bua Jehofa. 14 “Jehonadabe morwa Rekabe o ne a laela ditlogolwana tsa gagwe gore di se ka tsa nwa beine, mme ba ne ba diragatsa mafoko a gagwe ka go sa e nwe go fitlha mo letsatsing leno, ka go dira jalo ba ikobela taelo ya ga rraabonemogolo.+ Le fa go ntse jalo, ke buile le lona gangwe le gape,* mme ga lo a ka lwa inkobela.+ 15 E bile ke ne ke nna ke roma batlhanka ba me botlhe kwa go lona, e bong baporofeti, ke ba roma gangwe le gape*+ ke re, ‘Tsweetswee, a mongwe le mongwe wa lona a boe mo ditseleng tsa gagwe tse di bosula,+ mme a dire se se siameng! Lo se ka lwa sala medimo e mengwe morago mme lwa e direla. Foo lo tla tswelela lo nna mo lefatsheng le ke neng ka le naya lona le borraalonamogolo.’+ Le fa go ntse jalo, ga lo a ka lwa ntlhwaela tsebe kgotsa lwa ntheetsa. 16 Ditlogolwana tsa ga Jehonadabe morwa Rekabe di diragaditse taelo e rraabonemogolo a neng a ba laetse yone,+ mme batho bano bone ga ba a ntheetsa.”’”

17 “Ka jalo, seno ke se Jehofa, Modimo wa masomosomo, Modimo wa Iseraele, a se buang: ‘Jaanong ke tlisetsa Juda le banni botlhe ba Jerusalema masetlapelo otlhe a ke neng ka ba tlhagisa gore ke tla ba a tlisetsa,+ ka gonne ke buile le bone mme ga ba a ka ba ntheetsa, e bile ke ne ka nna ka ba bitsa mme ga ba a ka ba araba.’”+

18 Mme Jeremia o ne a raya ba kgotla ya Barekabe a re: “Jehofa wa masomosomo, Modimo wa Iseraele, a re, ‘E re ka lo ikobetse taelo ya ga rraalonamogolo e bong Jehonadabe e bile lo tswelela lo boloka ditaelo tsotlhe tsa gagwe, lo dira sotlhe se a se lo laetseng, 19 seno ke se Jehofa wa masomosomo, Modimo wa Iseraele, a se buang: “Ka metlha go tla nna go na le setlogolwana sa ga Jehonadabe* morwa Rekabe se se direlang fa pele ga me.”’”

36 Mo ngwageng wa bonê wa puso ya ga Jehoiakime+ morwa Josia, kgosi ya Juda, Jehofa o ne a raya Jeremia a re: 2 “Tsaya momeno* mme o kwale mafoko otlhe a ke go boleletseng gore a tla diragalela Iseraele le Juda+ le ditšhaba tsotlhe,+ go tloga mo letsatsing la ntlha le ke neng ka bua le wena ka lone mo motlheng wa ga Josia go tla go fitlha mo letsatsing leno.+ 3 Gongwe fa batho ba Juda ba utlwa ka masetlapelo otlhe a ke ikaeletseng go ba a tlisetsa, ba ka tlogela ditsela tsa bone tse di bosula, gore ke tle ke ba itshwarele molato wa bone le boleo jwa bone.”+

4 Go tswa foo, Jeremia o ne a bitsa Baruke+ morwa Neria a bo a mmolelela mafoko otlhe a Jehofa a neng a a mmoleletse, mme Baruke o ne a a kwala mo momenong.*+ 5 Foo Jeremia o ne a laela Baruke, a re: “Ke tswaletswe e bile ga ke kgone go ya kwa ntlong ya ga Jehofa. 6 Ka jalo, ke wena o tshwanetseng go ya teng o bo o balela mafoko a ga Jehofa kwa godimo, a ke neng ka go bolelela one mme wa a kwala mo momenong. O a bale mo letsatsing la go itima dijo batho ba ba kwa ntlong ya ga Jehofa ba reeditse; ka go dira jalo o tla kgona go a balela batho botlhe ba Juda ba ba tlang fano ba tswa kwa metseng ya bone. 7 Gongwe kopo ya bone ya gore ba utlwelwe botlhoko e tla goroga kwa go Jehofa, mme mongwe le mongwe o tla tlogela ditsela tsa gagwe tse di bosula, ka gonne bogale le tšhakgalo tse Jehofa a rileng o tla di ba tlisetsa di dikgolo.”

8 Ka jalo, Baruke morwa Neria o ne a dira sotlhe se moporofeti Jeremia a neng a se mo laetse; o ne a ya kwa ntlong ya ga Jehofa mme a balela kwa godimo mafoko a ga Jehofa a a mo momenong.*+

9 Jaanong mo ngwageng wa botlhano wa puso ya ga Jehoiakime+ morwa Josia, kgosi ya Juda, mo kgweding ya borobongwe, batho botlhe mo Jerusalema le batho botlhe ba ba neng ba tla mo Jerusalema ba tswa kwa metseng ya Juda ba ne ba simolola go itima dijo fa pele ga ga Jehofa.+ 10 Foo Baruke o ne a balela mafoko a ga Jeremia kwa godimo a a mo momenong* kwa ntlong ya ga Jehofa, mo ntlwaneng* ya ga Gemaria+ morwa Shafane+ wa mokwalolodi,* mo lolwapeng lo lo fa godimo, kwa kgorong e ntšha ya ntlo ya ga Jehofa,+ batho botlhe ba mo reeditse.

11 Fa Mikaia morwa Gemaria morwa Shafane a utlwa mafoko otlhe a ga Jehofa a a mo momenong,* 12 o ne a ya kwa ntlong ya kgosi,* kwa ntlwaneng ya mokwaledi. Dikgosana* tseno tsotlhe di ne di ntse koo: Elishama+ wa mokwaledi, Delaia morwa Shemaia, Elenathane+ morwa Akabore,+ Gemaria morwa Shafane, Sedekia morwa Hanania le dikgosana tse dingwe tsotlhe. 13 Mikaia o ne a ba bolelela mafoko otlhe a a neng a a utlwile fa Baruke a ne a bala momeno* batho botlhe ba reeditse.

14 Go tswa foo, dikgosana tsotlhe di ne tsa roma Jehudi morwa Nethania morwa Shelamia morwa Kushi kwa go Baruke di re: “Tla kwano mme o tle le momeno o o neng o o bala batho botlhe ba reeditse.” Baruke morwa Neria o ne a tsaya momeno mme a ya kwa go bone. 15 Ba ne ba mo raya ba re: “Tsweetswee, nna fa fatshe mme o o balele kwa godimo re reeditse.” Ka jalo, Baruke o ne a ba o balela.

16 Jaanong fela fa ba utlwa mafoko ao otlhe, ba ne ba lebana ba tshogile, mme ba raya Baruke ba re: “Ruri re tshwanetse go bolelela kgosi mafoko ano otlhe.” 17 Ba ne ba botsa Baruke, ba re: “Tsweetswee, re bolelele gore o kwadile mafoko ano otlhe jang. A o ne a go a bolelela o bo o a kwala?” 18 Baruke o ne a ba araba a re: “O ne a mpolelela mafoko ano otlhe ke bo ke a kwala ka enke mo momenong* ono.” 19 Dikgosana di ne tsa raya Baruke tsa re: “Tsamayang lo ye go iphitlha, wena le Jeremia, mme lo se ka lwa bolelela ope gore lo kwa kae.”+

20 Go tswa foo, dikgosana di ne tsa ya kwa kgosing, kwa lolwapeng, mme di ne tsa baya momeno mo ntlwaneng ya ga Elishama wa mokwaledi, mme di ne tsa bolelela kgosi sotlhe se di neng di se utlwile.

21 Ka jalo, kgosi e ne ya roma Jehudi+ gore a ye go tla le momeno, mme o ne a ya go o tsaya kwa ntlwaneng ya ga Elishama wa mokwaledi. Jehudi o ne a simolola go o bala kgosi e reeditse mmogo le dikgosana tsotlhe tse di neng di eme gaufi le kgosi. 22 Kgosi e ne e ntse mo ntlong ya mariga, mo kgweding ya borobongwe,* e ora molelo mo leiswaneng fa pele ga gagwe. 23 Fa Jehudi a sena go bala dikholomo di le tharo kgotsa di le nnê, kgosi e ne e tla e sega karolo eo ka thipa ya mokwaledi e bo e e latlhela mo molelong o o neng o tuka mo leiswaneng, go fitlha momeno otlhe o jewa ke molelo o o neng o le mo leiswaneng. 24 Ga ba a ka ba boifa; kgosi kgotsa batlhanka ba yone botlhe ba ba neng ba utlwa mafoko ano otlhe ga ba a ka ba gagolaka diaparo tsa bone. 25 Le fa gone Elenathane,+ Delaia+ le Gemaria+ ba ile ba rapela kgosi gore e se ka ya fisa momeno, e ne ya se ka ya ba reetsa. 26 Mo godimo ga moo, kgosi e ne ya laela Jerameele morwa kgosi, Seraia morwa Asariele le Shelemia morwa Abedeele gore ba tshware Baruke mokwaledi le moporofeti Jeremia, le fa go ntse jalo, Jehofa o ne a nna a ba fitlhile.+

27 Fa kgosi e sena go fisa momeno o o nang le mafoko a Baruke a neng a a kwadile a a boleletswe ke Jeremia, Jehofa o ne a bua le Jeremia gape+ a re: 28 “Tsaya momeno o mongwe, mme o kwale mafoko otlhe a a tshwanang le a a neng a le mo momenong wa ntlha, o Kgosi Jehoiakime wa Juda a o fisitseng.+ 29 Mme o bue le Kgosi Jehoiakime wa Juda o re, ‘Seno ke se Jehofa a se buang: “O fisitse momeno ono o bo o re, ‘Ke ka ntlha yang fa o kwadile mo go one, o re: “Ruri kgosi ya Babelona e tla tla, e tla senya lefatshe leno e bo e dira gore le sale le se na motho le fa e le phologolo”?’+ 30 Ka jalo, seno ke se Jehofa a buang gore se tla diragalela Kgosi Jehoiakime wa Juda: ‘Ga a kitla a nna le setlogolwana sepe se se tla nnang mo setulong sa bogosi sa ga Dafide,+ e bile setopo sa gagwe se tla tlogelwa fela mo mogoteng motshegare le mo serameng bosigo.+ 31 Ene le ditlogolwana* tsa gagwe le batlhanka ba gagwe ke tla ba otlhaela molato wa bone, e bile bone le banni ba Jerusalema le batho ba Juda ke tla ba tlisetsa masetlapelo otlhe a ke buileng gore ke tla ba a tlisetsa,+ le fa go ntse jalo, ga ba a ka ba reetsa.’”’”+

32 Foo Jeremia o ne a tsaya momeno o mongwe a bo a o naya Baruke morwa Neria, mokwaledi,+ mme o ne a kwala mafoko otlhe a Jeremia a mmolelelang one, a a neng a le mo momenong* o Kgosi Jehoiakime wa Juda a o fisitseng mo molelong.+ Mme go ne ga tsenngwa mafoko a mangwe a mantsi a a tshwanang le ao.

37 Mme Kgosi Sedekia+ morwa Josia o ne a simolola go busa mo boemong jwa ga Konia*+ morwa Jehoiakime, ka gonne Kgosi Nebukadenesare* wa Babelona o ne a mo tlhomile gore a nne kgosi mo lefatsheng la Juda.+ 2 Le fa go ntse jalo, ene le batlhanka ba gagwe le batho ba lefatshe leo ga ba a ka ba reetsa mafoko a Jehofa a neng a a buile a dirisa moporofeti Jeremia.

3 Kgosi Sedekia o ne a roma Jehukale+ morwa Shelemia le Sefania+ morwa Maaseia moperesiti kwa go moporofeti Jeremia a re: “Tsweetswee, rapela Jehofa, Modimo wa rona, mo boemong jwa rona.” 4 Jeremia o ne a sa ntse a kgona go tsamaya ka kgololesego mo bathong, ka gonne ba ne ba ise ba mo tsenye mo kgolegelong.+ 5 Jaanong masole a ga Faro a ne a dule kwa Egepeto,+ mme Bakaladia ba ba neng ba dikologile Jerusalema ba ne ba utlwa pego ka ga bone. Ka jalo, ba ne ba tlogela go tlhasela Jerusalema.+ 6 Go tswa foo, Jehofa o ne a raya moporofeti Jeremia a re: 7 “Jehofa, Modimo wa Iseraele a re, ‘Lo reye kgosi ya Juda, e e lo romileng go tla go mpotsa, lo re: “Masole a ga Faro a a tlang go go thusa a tla tshwanelwa ke go boela kwa lefatsheng la one, kwa Egepeto.+ 8 Mme Bakaladia ba tla boa ba bo ba tlhabana le motse ono, ba tla o gapa ba bo ba o fisa ka molelo.”+ 9 Jehofa a re, “Lo se ka lwa itsietsa ka go ithaya lo re, ‘Ruri Bakaladia ba tla tlogela go tlhabana le rona,’ ka gonne ga ba kitla ba tsamaya. 10 Tota le fa lo ne lo ka kgemetha masole otlhe a Bakaladia a a tlhabanang le lona go bo go sala fela banna ba ba gobetseng mo go bone, le bone ba ne ba tla ema mo ditenteng tsa bone ba bo ba fisa motse ono ka molelo.”’”+

11 Fa masole a Bakaladia a sena go tlogela go tlhasela Jerusalema ka ntlha ya masole a ga Faro,+ 12 Jeremia o ne a tswa mo Jerusalema a re o ya kwa lefatsheng la Benjamine+ a ya go amogela kabelo ya gagwe teng kwa bathong ba gagabo. 13 Mme fa a fitlha kwa Kgorong ya Benjamine, mookamedi wa balebedi, yo leina la gagwe e neng e le Irija morwa Shelemia morwa Hanania, o ne a tshwara moporofeti Jeremia a bo a re: “O ngwegela kwa Bakaladieng!” 14 Jeremia o ne a re: “Ga se boammaaruri! Ga ke ngwegele kwa Bakaladieng.” Le fa go ntse jalo, o ne a se ka a mo reetsa. Ka jalo, Irija o ne a tshwara Jeremia mme a mo isa kwa dikgosaneng. 15 Dikgosana di ne tsa galefela Jeremia,+ mme di ne tsa mo itaya di bo di mo golega*+ mo ntlong ya ga Jehonathane wa mokwaledi, e e neng e dirilwe kgolegelo. 16 Jeremia o ne a tsenngwa mo kgolegelong e e kwa tengteng,* mo diphaposing tse di kwa tlase ga ntlo, mme o ne a tswelela a le koo malatsi a le mantsi.

17 Go tswa foo, Kgosi Sedekia o ne a laela gore a ye go tsewa, mme kgosi e ne ya mmotsa dipotso mo sephiring mo ntlong ya yone.*+ E ne ya mmotsa jaana: “A ga go na lefoko lepe le le tswang kwa go Jehofa?” Jeremia o ne a re, “Le teng!” mme o ne a tswelela a re: “O tlile go tsenngwa mo seatleng sa kgosi ya Babelona!”+

18 Gape Jeremia o ne a raya Kgosi Sedekia a re: “Ke lo diretse boleo bofe, wena le batlhanka ba gago le batho bano botlhe, go bo lo ntsentse mo kgolegelong? 19 Jaanong ba kae baporofeti ba lona ba ba neng ba lo porofetela ba re, ‘Kgosi ya Babelona ga e kitla e lo tlhasela e bile ga e kitla e tlhasela lefatshe leno’?+ 20 Tsweetswee, jaanong reetsa tlhe morena wa me kgosi. Tsweetswee, reetsa kopo ya me ya gore o nkutlwele botlhoko. O se ka wa mpusetsa kwa ntlong ya ga Jehonathane+ wa mokwaledi, go seng jalo ke tla swela teng.”+ 21 Ka jalo, Kgosi Sedekia o ne a laela gore Jeremia a tsenngwe mo kgolegelong mo Lolwapeng Lwa Badisa,+ mme o ne a newa senkgwe se se kgolokwe letsatsi le letsatsi se se tswang kwa mmileng wa babesi ba senkgwe+ go fitlha senkgwe sotlhe se fela mo motseng.+ Mme Jeremia o ne a tswelela a le mo Lolwapeng Lwa Badisa.

38 Jaanong Shefatia morwa Matane, Gedalia morwa Pashure, Jukale+ morwa Shelemia le Pashure+ morwa Malekija ba ne ba utlwa mafoko a Jeremia a neng a a bua le batho botlhe, a re: 2 “Jehofa a re, ‘Motho yo o tswelelang a le mo motseng ono o tla bolawa ke tšhaka, ke leuba le bolwetse jwa leroborobo.+ Mme yo o ineelang mo* Bakaladieng o tla tswelela a tshela e bile botshelo* jwa gagwe bo tla bolokwa a bo a tshela.’+ 3 Jehofa a re, ‘Eleruri motse ono o tla tsenngwa mo seatleng sa masole a kgosi ya Babelona, mme kgosi eo e tla o gapa.’”+

4 Dikgosana di ne tsa raya kgosi tsa re: “Tsweetswee, laela gore monna yono a bolawe,+ ka gonne o dira gore masole a a setseng mo motseng ono a kgobege marapo,* mmogo le batho botlhe, ka go ba bolelela mafoko a a ntseng jalo. Gonne monna yono ga a batlele batho bano kagiso, mme o ba batlela masetlapelo.” 5 Kgosi Sedekia o ne a ba araba a re: “O mo diatleng tsa lona, ka gonne kgosi ga e ka ke ya dira sepe go lo thibela.”

6 Ka jalo, ba ne ba tsaya Jeremia ba bo ba mo latlhela mo khuting ya go bolokela metsi* ya ga Malekija morwa kgosi, e e neng e le mo Lolwapeng Lwa Badisa.+ Ba ne ba folosetsa Jeremia kwa tlase ka megala. Go ne go se na metsi mo khuting eo, e le seretse fela, mme Jeremia o ne a simolola go nwela mo seretseng.

7 Ebede-meleke+ wa Moethiopia, yo e leng modiredimogolo* mo ntlong ya kgosi,* o ne a utlwa gore ba ne ba tsentse Jeremia mo khuting ya go bolokela metsi. Jaanong kgosi e ne e ntse mo Kgorong ya Benjamine,+ 8 ka jalo Ebede-meleke o ne a tswa mo ntlong ya kgosi* mme a bua le kgosi, a re: 9 “Ao tlhe morena wa me kgosi, se banna bano ba se dirileng moporofeti Jeremia se bosula tota! Ba mo latlhetse mo khuting ya go bolokela metsi, mme o tla swela teng ka ntlha ya leuba, ka gonne ga go tlhole go na le senkgwe mo motseng.”+

10 Go tswa foo, kgosi e ne ya laela Ebede-meleke wa Moethiopia e re: “Tsaya banna ba le 30 fano o tsamaye le bone, mme lo ye go ntsha moporofeti Jeremia mo khuting pele a swa.” 11 Ka jalo, Ebede-meleke o ne a tsaya banna bao mme ba ya kwa ntlong ya kgosi* kwa lefelong le le ka fa tlase ga bobolokelamatlotlo,+ mme ba ne ba tsaya dikatana tse di onetseng le matsela a a onetseng ba bo ba a folosetsa kwa go Jeremia mo khuting ka megala. 12 Go tswa foo, Ebede-meleke wa Moethiopia o ne a raya Jeremia a re: “Tsweetswee, tsenya dikatana le matsela mo magwafeng a gago o bo o tsenya megala.” Jeremia o ne a dira jalo, 13 mme ba ne ba goga Jeremia ka megala ba bo ba mo ntsha mo khuting. Mme Jeremia o ne a tswelela a le mo Lolwapeng Lwa Badisa.+

14 Kgosi Sedekia o ne a laela gore moporofeti Jeremia a ye go bidiwa a tle kwa go ene kwa kgorong ya boraro, e e mo ntlong ya ga Jehofa, mme kgosi e ne ya raya Jeremia ya re: “Go na le sengwe se ke se kopang mo go wena. O se ka wa mphitlhela sepe.” 15 Foo Jeremia o ne a raya Sedekia a re: “Fa nka go bolelela, ruri o tlile go mpolaya. Le fa nka go gakolola, ga o kitla o ntheetsa.” 16 Ka jalo, Kgosi Sedekia o ne a ikanela Jeremia mo sephiring a re: “Ke ikana ka Jehofa Modimo yo o tshelang, yo o re fileng botshelo jono, ga nkitla ke go bolaya, e bile ga nkitla ke go tsenya mo seatleng sa banna bano ba ba batlang go go bolaya.”

17 Go tswa foo, Jeremia o ne a raya Sedekia a re: “Jehofa, Modimo wa masomosomo, Modimo wa Iseraele, a re, ‘Fa o ka ineela mo* dikgosaneng tsa kgosi ya Babelona, ga o kitla o bolawa, e bile motse ono ga o kitla o fisiwa ka molelo, mme wena le ba lelapa* la gago ga lo kitla lo bolawa.+ 18 Le fa go ntse jalo, fa o ka se ka wa ineela mo* dikgosaneng tsa kgosi ya Babelona, motse ono o tla tsenngwa mo seatleng sa Bakaladia, mme ba tla o fisa ka molelo,+ mme wena ga o kitla o falola mo seatleng sa bone.’”+

Ba dirile gore lonao lwa gago lo nwelelele mo seretseng.

Jaanong ba boetse morago ba tshabile.’

23 Ba tla ntshetsa basadi ba gago botlhe le bomorwao kwa Bakaladieng, mme ga o kitla o falola mo seatleng sa bone, mme kgosi ya Babelona e tla go tshwara,+ e bile motse ono o tla fisiwa ka molelo ka ntlha ya gago.”+

24 Foo Sedekia o ne a raya Jeremia a re: “O se ka wa bolelela ope dilo tseno, gore o se ka wa swa. 25 Mme fa dikgosana di ka utlwa gore ke ne ke bua le wena di bo di tla kwa go wena di go raya di re, ‘Tsweetswee, re bolelele se o se boleletseng kgosi. O se ka wa re fitlhela sepe, mme ga re kitla re go bolaya.+ Kgosi e go reile ya reng?’ 26 o ba reye o re, ‘Ke ne ke kopa kgosi gore e nkutlwele botlhoko, gore e se ka ya mpusetsa kwa ntlong ya ga Jehonathane ka ya go swela teng.’”+

27 Fa nako e ntse e tsamaya, dikgosana tsotlhe di ne tsa tla kwa go Jeremia mme tsa mmotsa dipotso. O ne a di bolelela sengwe le sengwe se kgosi e neng e mo laetse gore a se bue. Ka jalo, ga di a ka tsa tswelela di bua le ene, ka gonne go ne go se na ope yo o utlwileng puisano ya bone. 28 Jeremia o ne a tswelela a le mo Lolwapeng Lwa Badisa go fitlha ka letsatsi le Jerusalema e neng ya gapiwa ka lone;+ o ne a sa ntse a le koo fa Jerusalema e gapiwa.+

39 Mo ngwageng wa borobongwe wa puso ya ga Kgosi Sedekia wa Juda, mo kgweding ya bolesome, Kgosi Nebukadenesare* wa Babelona le masole otlhe a gagwe ba ne ba tla mo Jerusalema ba bo ba kampa go e dikologa.+

2 Mo ngwageng wa bo11 wa puso ya ga Sedekia, mo kgweding ya bonê, mo letsatsing la borobongwe la kgwedi eo, ba ne ba thuba lobota lwa motse ba bo ba tsena.+ 3 Mme dikgosana tsotlhe tsa kgosi ya Babelona di ne tsa tsena di bo di nna fa Kgorong E e Fa Gare,+ Dikgosana tseno e ne e le Neregale-sharesere yo e leng Samagare, Nebo-Saresekime yo e leng Rabesarise,* Neregale-sharesere yo e leng Rabemage* le dikgosana tse dingwe tsotlhe tsa kgosi ya Babelona.

4 Fa Kgosi Sedekia wa Juda le masole otlhe ba ba bona, ba ne ba tshaba,+ ba tswa mo motseng go le bosigo ka tsela ya tshingwana ya kgosi, ba tswa ka kgoro e e fa gare ga dipota tse pedi, mme ba ne ba tsamaya ka tsela e e yang kwa Araba.+ 5 Mme masole a Bakaladia a ne a ba lelekisa, mme ba ne ba fitlhela Sedekia kwa sekakeng sa Jeriko.+ Ba ne ba mo tshwara ba bo ba mo isa kwa go Kgosi Nebukadenesare* wa Babelona kwa Ribela+ mo lefatsheng la Hamathe,+ kwa a neng a mo atlhola gone. 6 Kgosi ya Babelona e ne ya laela gore bomorwa Sedekia ba bolawe kwa Ribela a ntse a lebile, e bile kgosi ya Babelona e ne ya laela gore batlotlegi botlhe ba Juda ba bolawe.+ 7 Go tswa foo, o ne a gonya Sedekia matlho, a bo a mmofa ka dikeetane tsa kopore gore a mo ise kwa Babelona.+

8 Morago ga moo, Bakaladia ba ne ba fisa ntlo ya kgosi* le matlo a batho ka molelo,+ e bile ba ne ba diga dipota tsa Jerusalema.+ 9 Nebusaradane+ molaodi wa bafemedi o ne a tsaya batho botlhe ba ba neng ba setse mo motseng, ba ba neng ba ngwegetse kwa go ene ba tswa mo motseng le ope fela yo o neng a setse, a ba isa botshwarwa kwa Babelona.

10 Mme Nebusaradane molaodi wa bafemedi o ne a tlogela bangwe ba batho ba ba humanegileng thata, ba ba neng ba se na sepe gotlhelele mo lefatsheng la Juda. Mo letsatsing leo, gape o ne a ba naya masimo a morara* le masimo gore ba bereke mo go one.*+

11 Jaanong Kgosi Nebukadenesare* wa Babelona o ne a naya Nebusaradane molaodi wa bafemedi ditaelo tseno tse di amanang le Jeremia: 12 “Mo tseye mme o mo tlhokomele; o se ka wa mo utlwisa botlhoko, e bile o mo neye sepe fela se a se go kopang.”+

13 Ka jalo, Nebusaradane molaodi wa bafemedi, Nebushasebane yo e leng Rabesarise,* Neregale-sharesere yo e leng Rabemage* le banna botlhe ba bagolo ba kgosi ya Babelona ba ne ba roma banna 14 gore ba ye go ntsha Jeremia kwa Lolwapeng Lwa Badisa+ mme ba mo neele Gedalia+ morwa Ahikame+ morwa Shafane+ gore a mo ise kwa ntlong ya gagwe. Ka jalo, o ne a nna le batho.

15 Fa Jeremia a ne a sa ntse a tswaletswe mo Lolwapeng Lwa Badisa,+ Jehofa o ne a mo raya a re: 16 “Tsamaya mme o reye Ebede-meleke+ wa Moethiopia o re, ‘Seno ke se Jehofa wa masomosomo, Modimo wa Iseraele, a se buang: “Jaanong ke diragatsa mafoko a me mo motseng ono ka go o tlisetsa masetlapelo, e seng molemo, mme mo letsatsing leo o tla bona seo se direga.”’

17 “‘Le fa go ntse jalo, ke tla go golola mo letsatsing leo,’ go bua Jehofa, ‘mme ga o kitla o tsenngwa mo seatleng sa banna ba o ba tshabang.’

18 “‘Gonne eleruri ke tla go falotsa, mme ga o kitla o bolawa ka tšhaka. Botshelo* jwa gago bo tla bolokwa,+ ka gonne o ne wa ntshepa,’+ go bua Jehofa.”

40 Lefoko le ne la tla mo go Jeremia le tswa kwa go Jehofa fa Nebusaradane+ molaodi wa bafemedi a sena go mo golola kwa Rama.+ O ne a mo isitse koo a bofilwe ka dikeetane mo diatleng, mme o ne a na le batho botlhe ba Jerusalema le ba Juda ba ba neng ba isiwa botshwarwa kwa Babelona. 2 Go tswa foo, molaodi wa bafemedi o ne a tsaya Jeremia mme a mo raya a re: “Jehofa, Modimo wa gago o ne a bolelela pele gore o tla tlisetsa lefelo leno masetlapelo ano, 3 mme Jehofa o a tlisitse fela jaaka a ne a buile, ka gonne lo leofetse Jehofa e bile ga lo a ka lwa ikobela lentswe la gagwe. Ke gone ka moo seno se lo diragaletseng.+ 4 Jaanong, gompieno ke go golola mo dikeetaneng tse di mo diatleng tsa gago. Fa o bona go le molemo gore o ye le nna kwa Babelona, a re tsamaye, mme ke tla go tlhokomela. Le fa go ntse jalo, fa o sa batle go tsamaya le nna kwa Babelona, o se ka wa tsamaya. Lefatshe lotlhe ke la gago. Ya gongwe le gongwe fela kwa o batlang go ya teng.”+

5 Fa Jeremia a sa ntse a ipotsa gore a a tsamaye, Nebusaradane o ne a re: “Boela kwa go Gedalia+ morwa Ahikame+ morwa Shafane,+ yo kgosi ya Babelona e mo tlhomileng gore a okamele metse ya Juda, mme o nne le ene le batho ba bangwe; kgotsa ya gongwe le gongwe kwa o batlang go ya teng.”

Go tswa foo, molaodi wa bafemedi o ne a mo naya dijo le mpho a bo a mo lesa a tsamaya. 6 Ka jalo, Jeremia o ne a ya kwa go Gedalia morwa Ahikame kwa Misepa+ a bo a nna le ene le batho ba bangwe ba ba neng ba tlogetswe mo lefatsheng leo.

7 Fa nako e ntse e tsamaya, balaodi botlhe ba masole ba ba neng ba le mo nageng le masole a bone ba ne ba utlwa gore kgosi ya Babelona e ne e tlhomile Gedalia morwa Ahikame gore a okamele lefatshe leo, le gore o ne a mo tlhomile gore a okamele banna, basadi le bana ba ba tswang mo bathong ba ba humanegileng ba lefatshe leo ba ba neng ba sa isiwa botshwarwa kwa Babelona.+ 8 Ka jalo, ba ne ba ya kwa go Gedalia kwa Misepa.+ Balaodi bao e ne e le Ishemaele+ morwa Nethania, Johanane+ le Jonathane bomorwa Karea, Seraia morwa Tanehumethe, bomorwa Efai wa Monetofa le Jesania+ morwa wa Momaakathe, mmogo le masole a bone. 9 Gedalia morwa Ahikame morwa Shafane o ne a ikanela balaodi bao le masole a bone a re: “Lo se ka lwa boifa go direla Bakaladia. Nnang mo lefatsheng leno mme lo direle kgosi ya Babelona, mme dilo di tla lo tsamaela sentle.+ 10 Mme nna, ke tla nna mo Misepa gore ke nne moemedi wa lona fa pele ga* Bakaladia ba ba tlang mo go rona. Le fa go ntse jalo, lo tshwanetse go phutha morara* o o dirang beine, maungo le leokwane mme lo di tsenye mo dinkgong tsa lona lo bo lo nna mo metseng e lo e gapileng.”+

11 Mme Bajuda botlhe ba ba neng ba le kwa Moabe, Amone le kwa Edoma, mmogo le ba ba neng ba le kwa dinageng tse dingwe tsotlhe, le bone ba ne ba utlwa gore kgosi ya Babelona e ne e letlile gore masalela a nne kwa Juda, le gore e ne e tlhomile Gedalia morwa Ahikame morwa Shafane gore a ba okamele. 12 Ka jalo, Bajuda botlhe ba ne ba simolola go boa kwa mafelong otlhe a ba neng ba phatlalaleditswe kwa go one, mme ba ne ba tla mo nageng ya Juda kwa go Gedalia kwa Misepa. Mme ba ne ba phutha maungo a le mantsi thata ba bo ba dira beine e ntsi.

13 Johanane morwa Karea le balaodi botlhe ba masole ba ba neng ba le mo nageng ba ne ba tla kwa go Gedalia kwa Misepa. 14 Ba ne ba mo raya ba re: “A ga o itse gore Baalise, kgosi ya Baamone+ o romile Ishemaele morwa Nethania gore a go bolaye?”+ Le fa go ntse jalo, Gedalia morwa Ahikame ga a ka a ba dumela.

15 Foo Johanane morwa Karea o ne a bolelela Gedalia mo sephiring kwa Misepa a re: “Ke batla go tsamaya, mme ke ye go bolaya Ishemaele morwa Nethania, mme ga go na ope yo o tla itseng ka gone. Ke ka ntlha yang fa a tshwanetse go go bolaya, le gone ke ka ntlha yang fa batho botlhe ba Juda ba ba phuthegetseng mo go wena ba tshwanetse go gasamisiwa mme ke ka ntlha yang fa masalela a Juda a tshwanetse go nyelela?” 16 Mme Gedalia+ morwa Ahikame o ne a raya Johanane morwa Karea a re: “O se ka wa dira jalo, ka gonne se o se buang ka Ishemaele ke maaka.”

41 Mo kgweding ya bosupa, Ishemaele+ morwa Nethania morwa Elishama, yo e neng e le wa losika lwa segosi e bile e le mongwe wa banna ba bagolo ba kgosi, o ne a tla le banna ba bangwe ba le lesome kwa go Gedalia morwa Ahikame kwa Misepa.+ Fa ba ntse ba ja dijo mmogo kwa Misepa, 2 Ishemaele morwa Nethania le banna ba le lesome ba ba neng ba na le ene ba ne ba ya go kgemetha Gedalia morwa Ahikame morwa Shafane ka tšhaka. Ka jalo, o ne a bolaya motho yo kgosi ya Babelona e neng e mo tlhomile gore a okamele lefatshe leo. 3 Gape Ishemaele o ne a kgemetha Bajuda botlhe ba ba neng ba na le Gedalia kwa Misepa, mmogo le masole a Bakaladia a a neng a le koo.

4 Mo letsatsing la bobedi Gedalia a sena go bolawa, pele ga motho ope a itse ka gone, 5 go ne ga tla banna ba le 80 ba tswa kwa Shekema,+ kwa Shilo+ le kwa Samarea.+ Ba ne ba ipeotse ditedu, ba gagogantse diaparo tsa bone, ba itshegakile,+ mme ba ne ba tshotse ditlhabelo tsa dijo tsa ditlhaka le borekhu jo bo nkgang monate*+ ba di tlisa mo ntlong ya ga Jehofa. 6 Ka jalo, Ishemaele morwa Nethania o ne a tswa kwa Misepa a ya go ba kgatlhantsha, a tsamaya a ntse a lela. Fa a kopana le bone o ne a ba raya a re: “Tlang kwa go Gedalia morwa Ahikame.” 7 Mme fa ba goroga mo motseng, Ishemaele morwa Nethania le banna ba ba neng ba na le ene ba ne ba ba bolaya mme ba ba latlhela mo khuting ya go bolokela metsi.*

8 Le fa go ntse jalo, go ne go na le banna ba le lesome mo go bone ba ba neng ba raya Ishemaele ba re: “O se ka wa re bolaya, ka gonne re na le mabolokelo a re fitlhileng korong, barele,* leokwane le tswina ya dinotshe mo go one mo tshimong.” Ka jalo, ga a ka a ba bolaya, bone le bomorwarraabone. 9 Jaanong Ishemaele o ne a latlhela ditopo tsotlhe tsa banna ba a neng a ba bolaile mo khuting e kgolo ya go bolokela metsi, e Kgosi Asa a neng a e epile ka ntlha ya ga Kgosi Baasha wa Iseraele.+ Eno ke yone khuti e Ishemaele morwa Nethania a neng a e tlatsa ka batho ba ba bolailweng.

10 Ishemaele o ne a isa batho botlhe ba ba neng ba le kwa Misepa+ botshwarwa, go akaretsa bomorwadia kgosi le batho botlhe ba ba neng ba tlogetswe kwa Misepa, ba Nebusaradane molaodi wa bafemedi a neng a ba neile Gedalia+ morwa Ahikame gore a ba tlhokomele. Ishemaele morwa Nethania o ne a ba isa botshwarwa a bo a tsamaya a kgabaganyetsa kwa Baamoneng.+

11 Fa Johanane+ morwa Karea le balaodi botlhe ba masole ba ba neng ba na le ene ba utlwa ka bosula jotlhe jo Ishemaele morwa Nethania a neng a bo dirile, 12 ba ne ba tsaya banna botlhe ba bo ba ya go tlhabana le Ishemaele morwa Nethania, mme ba ne ba mo fitlhela a le gaufi le metsi a mantsi* kwa Gibeone.

13 Batho botlhe ba ba neng ba na le Ishemaele ba ne ba itumela fa ba bona Johanane morwa Karea le balaodi botlhe ba masole ba ba neng ba na le ene. 14 Foo batho botlhe ba Ishemaele a neng a ba tsere kwa Misepa+ a ba isitse botshwarwa ba ne ba boa mme ba tsamaya le Johanane morwa Karea. 15 Le fa go ntse jalo, Ishemaele morwa Nethania le banna ba le robedi mo go ba ba neng ba na le ene ba ne ba tshaba fa go Johanane mme ba ya kwa Baamoneng.

16 Johanane morwa Karea le balaodi botlhe ba masole ba ba neng ba na le ene ba ne ba tsamaya le batho botlhe ba ba tswang kwa Misepa, ba ba neng ba ba golotse mo go Ishemaele morwa Nethania fa a sena go bolaya Gedalia+ morwa Ahikame. Ba ne ba tsaya banna, masole, basadi, bana le badiredibagolo ba ntlo ya kgosi kwa Gibeone. 17 Ka jalo, ba ne ba tsamaya mme ba nna mo lefelong le batsamai ba lalang mo go lone la Kimahame gaufi le Bethelehema,+ ka boikaelelo jwa gore ba ye kwa Egepeto+ 18 ka ntlha ya Bakaladia. Ba ne ba ba boifa, ka gonne Ishemaele morwa Nethania o ne a bolaile Gedalia morwa Ahikame, yo kgosi ya Babelona e neng e mo tlhomile gore a okamele lefatshe leo.+

42 Go tswa foo, balaodi botlhe ba masole le Johanane+ morwa Karea, Jesania morwa Hoshaia le batho botlhe, go simolola ka yo monnye go fitlha ka yo mogolo, ba ne ba atamela 2 mme ba raya moporofeti Jeremia ba re: “Tsweetswee, utlwa kopo ya rona ya gore re utlwelwe botlhoko, mme o rapele Jehofa, Modimo wa gago mo boemong jwa rona, o rapelele masalela ano otlhe, ka gonne re setse re le mmalwa fela,+ jaaka o bona. 3 E kete Jehofa, Modimo wa gago a ka re bolelela tsela e re tshwanetseng go tsamaya ka yone le se re tshwanetseng go se dira.”

4 Moporofeti Jeremia o ne a ba raya a re: “Ke lo utlwile, e bile ke tla rapela Jehofa, Modimo wa lona go ya ka kopo ya lona; mme lefoko lengwe le lengwe le Jehofa a lo arabang ka lone, ke tla le lo bolelela. Ga nkitla ke lo fitlhela lefoko lepe.”

5 Ba ne ba raya Jeremia ba re: “E kete Jehofa a ka nna mosupi yo o buang boammaaruri le yo o ikanyegang, e bile e kete a ka re otlhaya fa re ka se ka ra dira se o se buang se Jehofa, Modimo wa gago a re laelang sone. 6 Re tla ikobela lentswe la ga Jehofa, Modimo wa rona yo re go romang kwa go ene, le fa re ka tswa re le rata kgotsa re sa le rate, gore dilo di tle di re tsamaele sentle ka gonne re tla bo re ikobela lentswe la ga Jehofa, Modimo wa rona.”

7 Morago ga malatsi a le lesome Jehofa o ne a bua le Jeremia. 8 Ka jalo, o ne a bitsa Johanane morwa Karea le balaodi botlhe ba masole ba ba neng ba na le ene le batho botlhe, go simolola ka yo monnye go fitlha ka yo mogolo.+ 9 O ne a ba raya a re: “Jehofa, Modimo wa Iseraele, yo lo nthomileng kwa go ene gore ke lo rapelele gore a lo utlwele botlhoko a re: 10 ‘Fa e le gore eleruri lo tla tswelela lo nna mo lefatsheng leno, foo ke tla lo aga mme ga nkitla ke lo rutlolola, ke tla lo jala mme ga nkitla ke lo kumola, ka gonne ke tla ikwatlhaela* masetlapelo a ke lo a baketseng.+ 11 Lo se ka lwa tshosiwa ke kgosi ya Babelona, e lo e boifang.’+

“‘Lo se ka lwa tshoga ka ntlha ya gagwe,’ go bua Jehofa, ‘ka gonne ke na le lona, gore ke lo boloke le gore ke lo golole mo seatleng sa gagwe. 12 Ke tla lo utlwela botlhoko,+ mme kgosi eo e tla lo utlwela botlhoko e bo e lo busetsa kwa lefatsheng la lona.

13 “‘Mme fa lo re, “Nnyaa, ga re kitla re tswelela re nna mo lefatsheng leno!” mme lo sa ikobele lentswe la ga Jehofa, Modimo wa lona 14 ka go bua lo re, “Nnyaa, re tla ya kwa lefatsheng la Egepeto,+ kwa re se kitlang re bona ntwa gone kgotsa re utlwa modumo wa lonaka kgotsa re tlhoka senkgwe; ke gone kwa re tla nnang gone,” 15 ka jalo, utlwang lefoko la ga Jehofa, lona masalela a Juda. Seno ke se Jehofa wa masomosomo, Modimo wa Iseraele, a se buang: “Fa e le gore lo ikemiseditse go ya kwa Egepeto mme lo bo lo tsamaya lo ya go aga teng,* 16 foo yone tšhaka e lo e boifang e tla lo latelela teng kwa lefatsheng la Egepeto, e bile lone leuba le lo le boifang le tla lo latelela teng kwa Egepeto, mme lo tla swela teng koo.+ 17 Mme banna botlhe ba ba ikemiseditseng go ya kwa Egepeto gore ba ye go nna teng ba tla bolawa ke tšhaka, ke leuba le ke bolwetse jwa leroborobo. Ga go na ope wa bone yo o tla falolang kgotsa yo o tla tshabelang masetlapelo a ke tla ba a tlisetsang.”’

18 “Gonne seno ke se Jehofa wa masomosomo, Modimo wa Iseraele, a se buang: ‘Fela jaaka ke ile ka tshololela bogale jwa me le tšhakgalo ya me mo banning ba Jerusalema,+ ka tsela e e tshwanang ke tla tshololela tšhakgalo ya me mo go lona fa lo ka ya kwa Egepeto, mme lo tla nna phutso, selo se se tshosang le kgobo,+ mme ga lo kitla lo tlhola lo bona lefelo leno gape.’

19 “Jehofa o buile le lona, lona masalela a Juda. Lo se ka lwa ya kwa Egepeto. Lo se ka lwa lebala gore ke ne ka lo tlhagisa ka seo gompieno 20 gore molato wa lona o tla dira gore lo latlhegelwe ke matshelo* a lona. Gonne lo ne lwa nthoma kwa go Jehofa, Modimo wa lona lo re, ‘Rapela Jehofa, Modimo wa rona mo boemong jwa rona, o bo o re bolelela sengwe le sengwe se Jehofa, Modimo wa rona a se buang mme re tla se dira.’+ 21 E bile ke ne ka lo bolelela gompieno, le fa go ntse jalo, ga lo kitla lo ikobela lentswe la ga Jehofa, Modimo wa lona e bile ga lo kitla lo dira sepe se a nthomileng gore ke se lo bolelele.+ 22 Ka jalo, itseng gore ruri lo tla bolawa ke tšhaka, ke leuba le ke bolwetse jwa leroborobo kwa lefelong le lo batlang go ya go nna kwa go lone.”+

43 Fa Jeremia a sena go bolelela batho botlhe mafoko ano otlhe a a tswang kwa go Jehofa, Modimo wa bone, e leng lefoko lengwe le lengwe le Jehofa, Modimo wa bone a neng a mo romile gore a le ba bolelele, 2 Asaria morwa Hoshaia, Johanane+ morwa Karea le banna botlhe ba ba ikgodisang ba ne ba raya Jeremia ba re: “O bua maaka! Jehofa, Modimo wa rona ga a go roma gore o re reye o re, ‘Lo se ka lwa ya kwa Egepeto lwa ya go nna teng.’ 3 Mme Baruke+ morwa Neria ke ene a go tlhotlheletsang gore o bue ka tsela eo gore o re tsenye mo seatleng sa Bakaladia, gore ba re bolaye kgotsa ba re ise botshwarwa kwa Babelona.”+

4 Ka jalo, Johanane morwa Karea le balaodi botlhe ba masole le batho botlhe ba ne ba se ka ba ikobela lentswe la ga Jehofa la gore ba tswelele ba nna mo lefatsheng la Juda. 5 Go na le moo, Johanane morwa Karea le balaodi botlhe ba masole ba ne ba tsamaya le masalela otlhe a Juda a a neng a boile a tlile go nna mo lefatsheng la Juda a tswa kwa ditšhabeng tsotlhe tse a neng a phatlalaletse kwa go tsone.+ 6 Ba ne ba tsaya banna, basadi, bana, bomorwadia kgosi le mongwe le mongwe yo Nebusaradane+ molaodi wa bafemedi a neng a mo tlogetse le Gedalia+ morwa Ahikame+ morwa Shafane,+ mmogo le moporofeti Jeremia le Baruke morwa Neria. 7 Mme ba ne ba ya kwa lefatsheng la Egepeto, ka gonne ba ne ba se ka ba ikobela lentswe la ga Jehofa, mme ba ile ba bo ba ya go fitlha kwa Tapanese.+

8 Foo Jehofa o ne a bua le Jeremia fa a le kwa Tapanese a re: 9 “Tsaya maje a magolo, mme o a fitlhe mo seretseng mo setupung se se dirilweng ka ditena fa kgorong ya ntlo ya ga Faro kwa Tapanese, banna ba Bajuda ba ntse ba go lebile. 10 Go tswa foo, o ba reye o re, ‘Seno ke se Jehofa wa masomosomo, Modimo wa Iseraele, a se buang: “Jaanong ke laela gore go bidiwe Nebukadenesare* kgosi ya Babelona, yo e leng motlhanka wa me,+ mme ke tla baya setulo sa gagwe sa bogosi mo godimo ga maje ano a ke a fitlhileng, e bile o tla tsharololela tente ya gagwe ya segosi mo godimo ga one.+ 11 Mme o tla tla a bo a tlhasela lefatshe la Egepeto.+ Bangwe ba lona ba tla bolawa ke bolwetse jo bo kotsi, bangwe ba lona ba tla isiwa botshwarwa, e bile bangwe ba lona ba tla bolawa ka tšhaka.+ 12 Ke tla tshuba matlo* a medimo ya Egepeto ka molelo,+ mme ene o tla a fisa a bo a isa medimo eo botshwarwa. O tla ithathelela ka lefatshe la Egepeto fela jaaka modisa a ithathelela ka seaparo sa gagwe, mme o tla tswa koo ka kagiso.* 13 Mme o tla thubaganya dipilara* tsa Bethe-shemeshe* tse di kwa lefatsheng la Egepeto, e bile o tla tshuba matlo* a medimo ya Egepeto ka molelo.”’”

44 Lefoko leno le ne la tla mo go Jeremia le ya kwa Bajudeng botlhe ba ba nnang mo lefatsheng la Egepeto,+ ba ba nnang kwa Migedole,+ kwa Tapanese,+ kwa Nofe*+ le kwa lefatsheng la Patherose:+ 2 “Jehofa wa masomosomo, Modimo wa Iseraele, a re, ‘Lo bone masetlapelo otlhe a ke a tliseditseng Jerusalema+ le metse yotlhe ya Juda, mme gompieno e setse e le marope fela, ga e na monni.+ 3 Ke dirile seno ka ntlha ya dilo tse di bosula tse ba neng ba di dira gore ba nkgopise ka go tsamaya ba ya go ntshetsa medimo e mengwe e ba iseng ba ko ba e itse ditlhabelo+ ba bo ba e direla, e lona kgotsa borraalonamogolo lo iseng lo ke lo e itse.+ 4 Ke ne ka nna ka roma batlhanka ba me botlhe kwa go lona, e bong baporofeti, ke ba roma gangwe le gape,* ke re: “Tsweetswee, lo se ka lwa dira selo seno se se makgapha se ke se tlhoileng.”+ 5 Le fa go ntse jalo, ga ba a ka ba reetsa kgotsa ba tlhwaya tsebe gore ba tlogele bosula jwa bone mme ba kgaotse go ntshetsa medimo e mengwe ditlhabelo.+ 6 Ka jalo, ke ne ka tsholola tšhakgalo ya me le bogale jwa me mme tsa tuka mo metseng ya Juda le mo mebileng ya Jerusalema, mme di ne tsa fetoga marope le naga e e kgakgabetseng, jaaka di ntse mo letsatsing leno.’+

7 “Mme jaanong Jehofa wa masomosomo, Modimo wa Iseraele, a re, ‘Goreng lo ipakela masetlapelo a magolo gore banna le basadi botlhe, bana le masea ba nyelele mo Juda, lo sale lo se na masalela ape? 8 Goreng lo nkgopisa ka ditiro tsa diatla tsa lona ka go ntshetsa medimo e mengwe ditlhabelo mo lefatsheng la Egepeto le lo ileng go nna kwa go lone? Lo tla nyelela lo bo lo nna selo sa go hutsiwa le kgobo mo ditšhabeng tsotlhe tsa lefatshe.+ 9 A lo lebetse ditiro tse di bosula tsa borraalonamogolo le ditiro tse di bosula tsa dikgosi tsa Juda+ le ditiro tse di bosula tsa basadi ba bone,+ mmogo le ditiro tsa lona tse di bosula le ditiro tsa basadi ba lona tse di bosula,+ tse di dirilweng mo lefatsheng la Juda le mo mebileng ya Jerusalema? 10 Go tla go fitlha mo letsatsing leno ga ba a ka ba ikokobetsa,* ga ba a ka ba mpoifa,+ e bile ga ba a ka ba tsamaya mo molaong wa me le mo ditaelong tsa me tse ke di neileng lona le borraalonamogolo.’+

11 “Ka jalo, Jehofa wa masomosomo, Modimo wa Iseraele, a re, ‘Jaanong ke ikemiseditse go lo tlisetsa masetlapelo, gore ke fedise batho botlhe ba Juda. 12 Mme ke tla tsaya masalela a Juda a a neng a ikemiseditse go ya kwa lefatsheng la Egepeto go ya go nna gone, mme botlhe ba tla swela kwa lefatsheng la Egepeto.+ Ba tla bolawa ka tšhaka e bile ba tla fedisiwa ke leuba; go simolola ka yo monnye go fitlha ka mogolo, ba tla bolawa ke tšhaka le leuba. Mme ba tla nna phutso, selo se se tshosang le kgobo.+ 13 Ke tla otlhaya ba ba nnang kwa lefatsheng la Egepeto, fela jaaka ke ne ka otlhaya Jerusalema ka tšhaka, ka leuba le ka bolwetse jwa leroborobo.+ 14 Mme masalela a Juda a a neng a ya go nna kwa lefatsheng la Egepeto ga a kitla a tshaba kgotsa a falola gore a boele kwa lefatsheng la Juda. Ba tla eletsa go boela teng le go nna teng, le fa go ntse jalo, ga ba kitla ba boa, kwantle ga bafalodi ba le mmalwa fela.’”

15 Banna botlhe ba ba neng ba itse gore basadi ba bone ba ne ba ntse ba ntshetsa medimo e mengwe ditlhabelo le basadi botlhe ba ba neng ba eme foo, ba e neng e le setlhopha se segolo, le batho botlhe ba ba neng ba nna mo lefatsheng la Egepeto,+ kwa Patherose,+ ba ne ba araba Jeremia ba re: 16 “Ga re kitla re reetsa lefoko le o re boleletseng lone mo leineng la ga Jehofa. 17 Go na le moo, re tla diragatsa lefoko lengwe le lengwe le le duleng mo melomong ya rona, gore re fisetse Kgosigadi ya Legodimo* ditlhabelo re bo re mo tshelele ditlhabelo tsa senô,+ fela jaaka rona, borraaronamogolo, dikgosi tsa rona le dikgosana tsa rona ba ne ba dira mo metseng ya Juda le mo mebileng ya Jerusalema fa re ne re kgotsofadiwa ke senkgwe e bile re tshela sentle, fa re ne re sa tlelwe ke masetlapelo ape gotlhelele. 18 Fa e sa le re tlogela go fisetsa Kgosigadi ya Legodimo* ditlhabelo le go mo tshelela ditlhabelo tsa senô, re tlhoka sengwe le sengwe e bile re fedisiwa ke tšhaka le leuba.”

19 Basadi ba ne ba oketsa ka go re: “Banna ba rona ba ne ba re letla gore re fisetse Kgosigadi ya Legodimo* ditlhabelo e bile re mo tshelele ditlhabelo tsa senô, gape re mo direle dikuku tsa setlhabelo tse di bopegileng jaaka ene.”

20 Foo Jeremia o ne a raya batho botlhe, banna le basadi ba bone le batho botlhe ba ba neng ba bua le ene a re: 21 “Ditlhabelo tse lona, borraalonamogolo, dikgosi tsa lona, dikgosana tsa lona le batho ba lefatshe leno lo neng lwa di ntsha mo metseng ya Juda le mo mebileng ya Jerusalema,+ Jehofa o ne a di gakologelwa mme di ne tsa tla mo pelong ya gagwe. 22 La bofelo Jehofa o ne a sa tlhole a kgona go itshokela ditiro tsa lona tse di bosula le dilo tse di makgapha tse lo neng lo di dirile, mme lefatshe la lona le ne la fetoga lefelo le le kgakgabetseng, selo se se tshosang le phutso, le ne la sala le se na monni, jaaka le ntse gompieno.+ 23 E re ka lo ile lwa ntsha ditlhabelo tseno e bile lo ile lwa leofela Jehofa ka go sa ikobele lentswe la ga Jehofa le ka go sa latele molao wa gagwe, ditaelo tsa gagwe le dikgakololo tsa gagwe, ke gone ka moo lo wetsweng ke masetlapelo ano, jaaka go diragetse gompieno.”+

24 Jeremia o ne a tswelela a raya batho botlhe le basadi botlhe a re: “Utlwang lefoko la ga Jehofa, lona lotlhe batho ba Juda ba ba mo lefatsheng la Egepeto. 25 Jehofa wa masomosomo, Modimo wa Iseraele, a re, ‘Se lona le basadi ba lona lo se buileng ka melomo ya lona, lo se dirile ka diatla tsa lona, ka gonne lo ne lwa re: “Eleruri re tla diragatsa maikano a re a dirileng a gore re fisetse Kgosigadi ya Legodimo* ditlhabelo le go mo tshelela ditlhabelo tsa senô.”+ Eleruri lona basadi ke lona, lo tla dira maikano e bile lo tla diragatsa maikano a lona.’

26 “Ka jalo, utlwang lefoko leno la ga Jehofa, lona lotlhe batho ba Juda ba ba nnang mo lefatsheng la Egepeto: ‘ “Jaanong ke ikana ka leina la me le legolo,” go bua Jehofa, “gore leina la me ga le kitla le tlhola le buiwa ke motho ope wa Juda+ a ikana mo lefatsheng lotlhe la Egepeto, a re, ‘Ke ikana ka Morena Molaodimogolo Jehofa yo o tshelang!’+ 27 Jaanong ke ikemiseditse go ba tlisetsa masetlapelo, e seng se se molemo;+ banna botlhe ba Juda ba ba mo lefatsheng la Egepeto ba tla bolawa ke tšhaka le leuba, go fitlha ba sa tlhole ba le teng.+ 28 Ke batho ba le mmalwa fela ba ba tla falolang tšhaka ba bo ba tswa kwa lefatsheng la Egepeto ba boela kwa lefatsheng la Juda.+ Ka nako eo, masalela otlhe a Juda a a tlileng mo lefatsheng la Egepeto go tla go aga teng a tla itse gore ke lefoko la ga mang le le diragetseng, la me kgotsa la bone!”’”

29 “Jehofa a re, ‘Ke tla lo naya sesupo se se tla lo bontshang gore ke tla lo otlhaela mo lefelong leno, gore lo tle lo itse gore mafoko a me a gore ke tla lo tlisetsa masetlapelo ruri a tla diragala. 30 Seno ke se Jehofa a se buang: “Jaanong ke tsenya Faro Hofera, kgosi ya Egepeto, mo seatleng sa baba ba gagwe le sa ba ba batlang go mmolaya, fela jaaka ke ne ka tsenya Kgosi Sedekia wa Juda mo seatleng sa ga Kgosi Nebukadenesare* wa Babelona, yo e neng e le mmaba wa gagwe le yo o neng a batla go mmolaya.”’”+

45 Leno ke lefoko le moporofeti Jeremia a neng a le bolelela Baruke+ morwa Neria, fa a ne a kwala mafoko ano mo bukeng Jeremia+ a ntse a mmolelela one mo ngwageng wa bonê wa puso ya ga Jehoiakime+ morwa Josia, kgosi ya Juda:

2 “Seno ke se Jehofa, Modimo wa Iseraele a se buang ka ga gago, wena Baruke, 3 ‘O ne wa bua jaana: “Ruri ke tlhomola pelo, ka gonne Jehofa o okeditse botlhoko jwa me ka khutsafalo! Ke lapisitswe ke go nna ke lela, e bile ga ke a bona lefelo lepe la boikhutso.”’

4 “O mo reye o re, ‘Seno ke se Jehofa a se buang: “Se ke se agileng ke a se rutlolola, le se ke se jadileng ke a se kumola. Ke tla dira seno mo lefatsheng lotlhe.+ 5 Mme wena, o ipatlela* dilo tse dikgolo. Tlogela go batla dilo tse di ntseng jalo.”’

“‘Gonne ke tloga ke tlisetsa batho botlhe* masetlapelo,’+ go bua Jehofa, ‘mme gongwe le gongwe kwa o ka yang gone, botshelo* jwa gago bo tla bolokwa.’”+

46 Leno ke lefoko la ga Jehofa le le neng la tla mo go moporofeti Jeremia le le amanang le ditšhaba:+ 2 Lefoko le le ka ga Egepeto,+ le le amanang le masole a ga Faro Neko+ kgosi ya Egepeto, yo o neng a le fa thoko ga Noka ya Euferatese mme a fenngwa kwa Karakemishe ke Kgosi Nebukadenesare* wa Babelona mo ngwageng wa bonê wa puso ya ga Jehoiakime+ morwa Josia, kgosi ya Juda:

 4 Golegang dipitse lo bo lo di palama, lona masole a a tsamayang ka dipitse.

Emang mo maemong a lona mme lo rwale ditlhoro tsa lona tsa phemelo.

Phatsimisang marumo lo bo lo apara diaparo tsa phemelo.

 5 Jehofa a re, ‘Ke ka ntlha yang fa ke ba bona ba wetswe ke poifo?

Ba a tshaba ba boela morago, batlhabani ba bone ba fentswe.

Ba tshabile ka ntlha ya letshogo, batlhabani ba bone ga ba a ka ba retologa.

Go na le letshogo gotlhe fela.’

 6 ‘Ba ba bofefo ga ba kgone go tshaba, le batlhabani ga ba kgone go falola.

Ke tla senya motse le ba ba nnang mo go one.’

 9 Tlhatlogang, lona dipitse!

Tsamayang ka botsenwa, lona dikara!

10 “Letsatsi leo ke la Morena Molaodimogolo, Jehofa wa masomosomo, letsatsi la pusoloso la gore a ipusolosetse mo babeng ba gagwe. Mme tšhaka e tla laila e bo e kgotsofala e bile e tla nwa madi a bone go fitlha e a kgora, ka gonne Morena Molaodimogolo, Jehofa wa masomosomo, o na le setlhabelo* kwa lefatsheng la bokone fa Nokeng ya Euferatese.+

13 Leno ke lefoko le Jehofa a neng a le bolelela moporofeti Jeremia a tlhalosa gore Kgosi Nebukadenesare* wa Babelona o tla tla go kgemetha lefatshe la Egepeto:+

14 “Bolelang seno mo Egepeto, itsiseng seno mo Migedole.+

Se itsiseng mo Nofe* le mo Tapanese.+

15 Ke ka ntlha yang fa banna ba gago ba ba maatla ba gogotswe?

16 Ba kgopiwa ba le bantsi thata e bile ba a wa.

Ba raana ba re:

23 Ba tla rema sekgwa sa gagwe,’ go bua Jehofa, ‘le fa gone se ne se lebega se ka se tsenege.

Gonne ba bantsi thata go feta tsie, ga ba na palo.

24 Morwadia Egepeto o tla tlhabiwa ke ditlhong.

O tla tsenngwa mo seatleng sa batho ba kwa bokone.’+

25 “Jehofa wa masomosomo, Modimo wa Iseraele, a re: ‘Jaanong ke otlhaya Amone+ yo o tswang kwa No,*+ Faro, Egepeto, medimo ya gagwe+ le dikgosi tsa gagwe. Ruri ke otlhaya Faro le botlhe ba ba mo ikanyang.’+

26 “‘Mme ke tla ba tsenya mo seatleng sa ba ba batlang go ba bolaya, mo seatleng sa ga Kgosi Nebukadenesare* wa Babelona+ le batlhanka ba gagwe. Le fa go ntse jalo, morago ga moo o tla nniwa jaaka mo metlheng e e fetileng,’ go bua Jehofa.+

28 Ka jalo, o se ka wa boifa, wena Jakobe motlhanka wa me,’ go bua Jehofa, ‘ka gonne ke na le wena.

47 Leno ke lefoko la ga Jehofa le le neng la tla mo go moporofeti Jeremia le le amanang le Bafilisitia,+ pele ga Faro a kgemetha Gasa. 2 Seno ke se Jehofa a se buang:

“Metsi a tla a tswa kwa bokone.

A tla fetoga molatswana o o penologang.

 5 Gasa o tla nna lefatla.*

Ashekelone o didimaditswe.+

 6 Ao tlhe tšhaka ya ga Jehofa!+

O tla nna o sa didimala ka lobaka lo lo kae?

Boela mo kgetsaneng ya gago.

Ikhutse mme o didimale.

48 Seno ke se Jehofa wa masomosomo, Modimo wa Iseraele, a se buang ka ga Moabe:+

“Ruri go latlhega Nebo,+ ka gonne o fedisitswe!

Kiriathaime+ o tlhabisitswe ditlhong e bile o gapilwe.

Lefelo la botshabelo le le sireletsegileng* le tlhabisitswe ditlhong e bile le thubagantswe.+

 2 Ga ba tlhole ba baka Moabe.

Kwa Heshebone+ ba mo logetse leano la go mo diga ba re:

‘Tlang, a re mo fediseng gore a se tlhole a nna setšhaba.’

 4 Moabe o sentswe.

Bana ba gagwe ba bannye ba a lela.

 5 Ba lela ba sa kgaotse fa ba ntse ba tlhatloga thotana ya Luhithe.

Mme fa ba le mo tseleng e e tswang kwa Horonaime ba utlwa selelo sa masetlapelo ka ntlha ya tshenyego e e diregileng.+

 6 Tshabang, falotsang botshelo* jwa lona!

Lo tshwanetse go nna jaaka setlhare sa mofira mo nageng.

10 A go hutsege yo o diragatsang thomo ya ga Jehofa ka go itsemeletsa!

A go hutsege yo o thibelang tšhaka ya gagwe go bolaya motho!

12 “‘Ka jalo, metlha e etla,’ go bua Jehofa, ‘ya fa ke tla romela batho gore ba ba pitikolole. Ba tla ba pitikolola ba bo ba tsholola se se mo dijaneng tsa bone, e bile ba tla thubaganya dinkgo tsa bone tse dikgolo. 13 Mme Bamoabe ba tla tlhabisiwa ditlhong ke Kemoshe, fela jaaka Baiseraele ba tlhabisiwa ditlhong ke Bethele, e ba neng ba e tshepile.+

14 Go tla jang gore lo re: “Re batlhabani ba ba maatla, ba ba ipaakanyeditseng go ya ntweng”?’+

Go bua Kgosi, e leina la yone e leng Jehofa wa masomosomo.+

Ba reyeng lo re, ‘Ruri thobane e e thata e robagantswe, e leng puso e galalelang!’

19 Ema gaufi le tsela, wena yo o nnang mo Aroere.+

Botsa monna yo o tshabang le mosadi yo o falolang o re, ‘Go diragetse eng?’

20 Moabe o tlhabisitswe ditlhong e bile o wetswe ke poifo.

Bokolelang lo bo lo goe.

Itsiseng mo Arenone+ gore Moabe o fedisitswe.

21 “Katlholo e tlile mo nageng e e lebala,*+ e tletse Holone, Jahase+ le Mefaathe;+ 22 e tletse Dibone,+ Nebo+ le Bethe-dibelathaime; 23 e tletse Kiriathaime,+ Bethe-gamule le Bethe-meone;+ 24 e tletse Keriothe+ le Bosera; e bile e tletse le metse yotlhe ya lefatshe la Moabe, e e kgakgala le e e gaufi.

26 ‘Mo tagiseng,+ ka gonne o ikgodisetsa Jehofa.+

27 A o ne o sa sotle Iseraele?+

Ga ba kitla ba dira sepe.

E bile ba tla hutsafalela banna ba Kire-herese.+

Matlhogela a gago a a golang sentle a kgabagantse lewatle.

A fitlhile kwa lewatleng, kwa Jasere.

Ke dirile gore beine e kgaotse go elela mo segatisetsong sa beine.

Ga go na ope yo o tla gatang morara a ntse a goa ka boitumelo.

Go tla utlwala go goa ga mofuta o mongwe.’”+

34 “‘Go utlwala modumo wa go goa go tswa kwa Heshebone+ go ya go fitlha kwa Eleale.+

Tota le metsi a Nimerime a tla kgala.+

Gonne dikhumo tse a di kokoantseng di tla nyelela.

39 ‘Ruri o tshogile! Bokolelang!

Ruri Moabe o ne a tshaba a tlhabilwe ke ditlhong!

40 “Gonne seno ke se Jehofa a se buang:

‘Gonne ke tla tlisetsa Moabe ngwaga o ke tla ba otlhayang ka one,’ go bua Jehofa.

45 ‘Ba ba tshabang ba eme fela mo moriting wa Heshebone ba se na maatla.

46 ‘Ruri go latlhega wena, Moabe!

Batho ba Kemoshe+ ba nyeletse.

47 Le fa go ntse jalo, go ela kwa bokhutlong jwa metlha ke tla phutha batho ba Moabe ba ba isitsweng botshwarwa,’ go bua Jehofa.

‘Molaetsa wa katlholo e e tlelang Moabe+ o felela fano.’”

49 Seno ke se Jehofa a se buang ka Baamone:+

“A Iseraele ga a na barwa?

A ga a na moruaboswa?

Ke ka ntlha yang fa Malekame+ a nna mo nageng ya Gada?+

E bile ke ka ntlha yang fa batho ba gagwe ba nna mo metseng ya Iseraele?”

‘Mme Iseraele o tla tsaya naga ya gagwe e ba neng ba e tsere mo go ene,’+ go bua Jehofa.

 3 ‘Bokolela wena Heshebone, ka gonne Ai o sentswe!

Goang lona metsana e e dikologileng Raba.

Aparang letsela la kgetsi.

 6 “‘Morago ga moo, ke tla phutha Baamone ba ba neng ba isitswe botshwarwa,’ go bua Jehofa.”

7 Seno ke se Jehofa wa masomosomo a se buang ka ga Edoma:

“A ga go tlhole go na le botlhale bope mo Temane?+

A ba ba nang le tlhaloganyo ga ba tlhole ba na le kgakololo e e molemo?

A botlhale jwa bone ga bo na mosola?

 8 Tshabang, boelang morago!

Tsamayang mme lo nne kwa mafelong a a kwa tengteng, lona banni ba Dedane!+

10 Mme nna ke tla thukhutha Esau.

12 Gonne seno ke se Jehofa a se buang: “Fa e le gore ba ba sa atlholelwang go nwa senwelo seno ba tshwanetse go se nwa, a wena o tla tlogelwa o sa otlhaiwa gotlhelele? Ga o kitla o tlogelwa o sa otlhaiwa, ka gonne o tshwanetse go se nwa.”+

13 Jehofa a re, “Gonne ke ikanne ka nna gore Bosera o tla fetoga selo se se tshosang,+ kgobo, kgakgabalo le phutso; mme metse ya gagwe yotlhe e tla nna marope a a kgakgabetseng.”+

17 “Mme Edoma o tla nna selo se se tshosang.+ Mongwe le mongwe yo o fetang fa go ene o tla mo tlhoma matlho a tshogile a bo a letsa molodi ka ntlha ya dipetso tsotlhe tse di mo wetseng. 18 Fela jaaka go ne ga nna fa Sodoma le Gomora le metsana e e bapileng le tsone di sena go senngwa, go tla nna fela jalo ka ene,”+ Jehofa a re, “ga go na ope yo o tla nnang koo, e bile ga go na motho ope yo o tla agang teng.+

19 “Mongwe o tla tla go tlhasela mafulo a a sireletsegileng fela jaaka tau+ e tswa mo ditlhatshaneng tse di kitlaneng tse di fa thoko ga Joredane, mme mo nakong e khutshwane ke tla dira gore a tshabe a tswe mo go ene. Mme ke tla mo tlhomela yo o tlhophilweng gore a mo okamele. Gonne ke mang yo o tshwanang le nna, le gone ke mang yo o ka emelanang le nna? Ke modisa ofe yo o ka emang fa pele ga me?+ 20 Ka jalo, lona batho, utlwang tshwetso* eno e Jehofa a e dirileng ka Edoma le se a se akantseng ka banni ba Temane:+

Eleruri dikwanyana tsa letsomane di tla gogagogiwa.

O tla dira gore lefelo le di nnang mo go lone le kgakgabale ka ntlha ya bone.+

21 Lefatshe le ne la tshikinyega fa go ne go utlwala modumo wa go wa ga bone.

Go utlwala selelo fela!

Modumo oo o utlwetse go ya go fitlha kwa Lewatleng le Lehibidu.+

23 Ka ga Damaseko:+

Ba nyemile moko ka ntlha ya letshogo.

Lewatle le a fuduega mo le ka se kang la sisibala.

24 Damaseko o feletswe ke bopelokgale.

O retologile a tshaba, e bile o aparetswe ke letshogo le legolo.

28 Seno ke se Jehofa a se buang ka ga Kedare+ le magosi a Hasore, a Kgosi Nebukadenesare* wa Babelona a a kgemethileng:

30 Jehofa a re, “Tshabang, tshabelang kgakala!

Tsamayang mme lo ye go nna kwa mafelong a a kwa tengteng, lona banni ba Hasore.

“Ga se na ditswalo kgotsa mephakalego; ba nna ba le bosi.

34 Leno ke lefoko la ga Jehofa le le amanang le Elama, le le neng la tla mo go moporofeti Jeremia+ kwa tshimologong ya puso ya ga Kgosi Sedekia+ wa Juda: 35 “Jehofa wa masomosomo a re, ‘Jaanong ke robaganya bora jwa Elama,+ e leng motswedi* wa maatla a bone. 36 Ke tla tlisetsa Elama diphefo tse nnê go tswa kwa dikhutlong tse nnê tsa magodimo, mme ke tla ba gasamisetsa kwa diphefong tseno tsotlhe. Ga go kitla go nna le setšhaba se batho ba Elama ba ba phatlaladitsweng ba se kitlang ba ya kwa go sone.’”

37 “Ke tla tšhwetlakanya Baelama fa pele ga baba ba bone le fa pele ga ba ba batlang go ba bolaya; mme ke tla ba tlisetsa masetlapelo, bogale jwa me jo bo tukang,” go bua Jehofa. “Mme ke tla romela tšhaka kwa morago ga bone go fitlha ke ba fedisa.”

38 “Mme ke tla tlhoma setulo sa me sa bogosi mo Elama,+ e bile ke tla senya kgosi le dikgosana tsa teng,” go bua Jehofa.

39 “Le fa go ntse jalo, go ela kwa bokhutlong jwa metlha ke tla phutha batho ba Elama ba ba isitsweng botshwarwa,” go bua Jehofa.

50 Leno ke lefoko le Jehofa a neng a le bua ka moporofeti Jeremia le le amanang le Babelona,+ le le amanang le lefatshe la Bakaladia:

 2 “Bolelang seno mo ditšhabeng lo bo lo se itsise.

Tsholetsang sesupo* lo bo lo se itsise.

Lo se ka lwa fitlha sepe!

Buang lo re, ‘Babelona o gapilwe.+

Bele o tlhabisitswe ditlhong.+

Merodake o tshogile.

Ditshwantsho tsa gagwe di tlhabisitswe ditlhong.

Medingwana ya gagwe e e ferosang sebete* e tshogile.’

 3 Gonne setšhaba se mo tlhasetse se tswa kwa bokone.+

4 Jehofa a re, “Mo metlheng eo le mo nakong eo, batho ba Iseraele le batho ba Juda ba tla phuthega mmogo.+ Ba tla tsamaya ba ntse ba lela,+ mme ba tla batla Jehofa, Modimo wa bone ba le mmogo.+ 5 Ba tla botsa tsela ya go ya kwa Siona, difatlhego tsa bone di lebile ntlheng eo,+ ba re, ‘Tlang mme re ikgolaganye le Jehofa mo kgolaganong e e nnelang ruri e e se kitlang e lebalwa.’+ 6 Batho ba me ba fetogile letsomane la dinku tse di latlhegileng.+ Badisa ba bone ba ba timeditse.+ Ba ba isitse kwa dithabeng, ba tsamayatsamaya ba tswa mo thabeng e nngwe ba ya kwa thoteng e nngwe. Ba lebetse lefelo la bone la boikhutso. 7 Botlhe ba ba kopanang le bone ba ba komeditse,+ mme baba ba bone ba rile, ‘Ga re na molato, ka gonne ba leofetse Jehofa, ba leofetse ene yo e leng lefelo la tshiamo le tsholofelo ya borraabonemogolo, e bong Jehofa.’”

10 Kaladia o tla gapiwa.+

Botlhe ba ba gapang dilo mo go ene ba tla kgotsofala,”+ go bua Jehofa.

12 Mmaalona o tlhabilwe ke ditlhong.+

Ene yo o lo belegeng o swabile.

15 Mo tlhabeleng mokgosi wa ntwa mo matlhakoreng otlhe.

O ineetse.*

Ipusolosetseng mo go ene.

Mo direng fela jaaka a dirile.+

17 “Batho ba Iseraele ba tshwana le dinku tse di gasameng.+ Ditau di ba phatlaladitse.+ La ntlha, kgosi ya Asiria e ne ya ba kometsa;+ go tswa foo Kgosi Nebukadenesare* wa Babelona o ne a phura marapo a bone.+ 18 Ka jalo, seno ke se Jehofa wa masomosomo, Modimo wa Iseraele, a se buang: ‘Jaanong ke tla dira kgosi ya Babelona le lefatshe la yone fela jaaka ke ne ka dira ka kgosi ya Asiria.+ 19 Mme ke tla busetsa Iseraele kwa mafulong a gagwe,+ mme o tla fula mo Karemele le mo Bashana,+ e bile o tla kgotsofala mo dithabeng tsa Eferaime+ le tsa Gileade.’”+

21 “Tsamaya o ye go tlhasela lefatshe la Merathaime le banni ba Pekode.+

A ba gailwe ba bo ba senngwe,” go bua Jehofa.

“Dira sotlhe se ke se go laetseng.

23 Ruri hamore* ya lefatshe lotlhe e kgaotswe e bile e robegile!+

Ruri Babelona o fetogile selo se se tshosang mo ditšhabeng!+

26 Mo tlhaseleng lo tswa kwa mafelong a a kgakala.+

Bulang mabolokelo a gagwe a dijo tsa ditlhaka.+

Mo koaganyeng fela jaaka mekoa ya dijo tsa ditlhaka.

Mo senyeng.+

E kete a ka se ka a salelwa ke motho ope.

Kampang go dikologa motse; lo se ka lwa letla ope a falola.

Mo dueleng go ya ka ditiro tsa gagwe.+

Mo direng fela jaaka a dirile.+

33 Seno ke se Jehofa wa masomosomo a se buang:

Ba ganne go ba lesa ba tsamaya.+

34 Le fa go ntse jalo, Morekolodi wa bone o nonofile.+

Leina la gagwe ke Jehofa wa masomosomo.+

36 Go na le tšhaka e e tlhaselang batho ba ba buang dilo tse di se nang mosola,* mme ba tla dira ka boeleele.

Go na le tšhaka e e tlhaselang batlhabani, mme ba tla tshoga.+

Go na le tšhaka e e tlhaselang matlotlo a gagwe, mme a tla gapiwa.+

38 Metsi a gagwe a tla senyega, ka gonne a tla kgala!+

40 “Fela jaaka fa Modimo a ne a senya Sodoma le Gomora+ le metsana e e bapileng le tsone,”+ go bua Jehofa, “ga go na ope yo o tla nnang koo, e bile ga go na motho ope yo o tla agang teng.+

42 Ba kgatikanya bora le lerumo le le konopiwang.+

Ba setlhogo e bile ga ba kitla ba utlwela ope botlhoko.+

Modumo wa bone o tshwana le lewatle le le fuduegang+

Fa ba ntse ba patakela ka dipitse tsa bone.

Ba tlhomagana go ya ka thulaganyo ya tlhabano ba le seoposengwe gore ba go tlhasele, wena morwadia Babelona.+

44 “Mongwe o tla tla go tlhasela mafulo a a sireletsegileng fela jaaka tau e tswa mo ditlhatshaneng tse di kitlaneng tse di fa thoko ga Joredane, mme mo nakong e khutshwane ke tla dira gore ba tshabe ba tswe mo go ene. Mme ke tla mo tlhomela yo o tlhophilweng gore a mo okamele.+ Gonne ke mang yo o tshwanang le nna, le gone ke mang yo o ka emelanang le nna? Ke modisa ofe yo o ka emang fa pele ga me?+ 45 Ka jalo, lona batho, utlwang tshwetso* e Jehofa a e dirileng ka Babelona+ le se a se akantseng ka naga ya Balakadia.

Eleruri dikwanyana tsa letsomane di tla gogagogiwa.

O tla dira gore lefelo le di nnang mo go lone le kgakgabale ka ntlha ya bone.+

51 Seno ke se Jehofa a se buang:

 3 A mohudi wa metswi a se ka a oba* bora jwa gagwe.

E bile a go se nne le ope yo o emang a apere diaparo tsa gagwe tsa phemelo.

Lo se ka lwa tlhomogela makawana a gagwe pelo.+

Senyang masole otlhe a gagwe.

 5 Gonne Jehofa wa masomosomo ga a latlha Iseraele le Juda, ga ba a fetoga batlholagadi.+

Le fa go ntse jalo, lefatshe la bone* le na le molato o mogolo fa pele ga Modimo yo o Boitshepo wa Iseraele.

Gonne ke nako ya gore Jehofa a ipusolosetse.

O mo duelela se a se dirileng.+

 8 Babelona o ole ka tshoganyetso e bile o robegile.+

Bokolelang ka ntlha ya gagwe!+

Batlelang ditlhabi tsa gagwe balema; gongwe o tla fola.”

 9 “Re ne ra leka go fodisa Babelona, mme ga a ka a fola.

Mo tlogeleng mme re tsamaye, mongwe le mongwe a ye kwa lefatsheng la gagabo.+

10 Jehofa o re tliseditse tshiamiso.+

Tlang, a re aneleng ditiro tsa ga Jehofa, Modimo wa rona mo Siona.”+

11 “Phatsimisang metswi;+ tsayang dithebe tse di kgolokwe.*

Gonne jaanong Jehofa o a ipusolosetsa, o busolosetsa tempele ya gagwe.

12 Tsholeletsang dipota tsa Babelona sesupo.*+

Nonotshang bafemedi, tlhomang balebeledi.

Rulaganyang ba ba lalelang.

17 Motho mongwe le mongwe o dira dilo tsa go sa akanye le tsa go tlhoka kitso.

18 Ga di na mosola,*+ ke tiro e e tshwanelwang ke go sotlwa.

Fa letsatsi la katlholo le tla, di tla nyelela.

Leina la gagwe ke Jehofa wa masomosomo.”+

Ke tla senya magosi ka wena.

21 Ke tla thubaganya pitse le mopalami wa yone ka wena.

Ke tla thubaganya kara ya ntwa le mopalami wa yone ka wena.

23 Ke tla thubaganya modisa le motlhape wa gagwe ka wena.

Ke tla thubaganya molemi le diphologolo tse a lemang ka tsone ka wena.

Ke tla thubaganya babusi le balaodi ka wena.

27 “Tsholetsang sesupo* mo lefatsheng.+

Letsang lonaka mo ditšhabeng.

Tlhomang* ditšhaba gore di mo tlhasele.

Bitsang magosi a Ararata,+ Minni le Ashekenase+ gore a mo tlhasele.

Laelang modiredi yo o phuthelang batho sesoleng gore a mo tlhasele.

Dirang gore dipitse di tle jaaka ditlhopha tse dikgolo tsa tsie e e gagabang.

Le dinaga tsotlhe tse ba di busang.

30 Batlhabani ba Babelona ba tlogetse go tlhabana.

Ba ntse mo dikagong tsa bone tse di thata.

Ba feletswe ke nonofo.+

Ba tshwana le basadi.+

Magae a gagwe a fisitswe ka molelo.

Mephakalego ya gagwe e robagantswe.+

33 Gonne seno ke se Jehofa wa masomosomo, Modimo wa Iseraele, a se buang:

“Morwadia Babelona o tshwana le seboana.

Ke nako ya go mo gataka gore a nne thata.

Go ise go ye kae o tla tlelwa ke nako ya thobo.”

O mpeile fa fatshe jaaka sejana se se se nang sepe.

O ntsokoditse ka metsi.

35 ‘E kete thubakanyo e ke e diretsweng e ka tlela Babelona!’ go bua monni wa Siona.+

‘Mme a molato wa madi a me o boele mo ditlhogong tsa banni ba Kaladia!’ go bua Jerusalema.”

36 Ka jalo, seno ke se Jehofa a se buang:

Ke tla kgadisa lewatle la gagwe le didiba tsa gagwe.+

38 Botlhe ba tla kurutla fela jaaka ditawana.*

Ba tla duma jaaka bana ba ditau.”

Ruri Babelona o fetogile selo se se tshosang mo ditšhabeng!

42 Lewatle le khurumeditse Babelona.

O khurumeditswe ke makhubu a lone a mantsintsi.

43 Metse ya gagwe e fetogile selo se se tshosang, naga e e se nang metsi le sekaka.

Naga e go se nang motho ope yo o tla nnang mo go yone, e go se nang motho ope yo o tla e ralalang.+

Ditšhaba ga di kitla di tlhola di ologela kwa go ene.

E bile lobota lwa Babelona lo tla wa.+

45 Tswang mo go ene, batho ba me!+

Falotsang matshelo* a lona+ mo bogaleng jo bo tukang jwa ga Jehofa!+

46 Lo se ka lwa boifa kgotsa lwa tshoga ka ntlha ya pego e e tla utlwiwang mo lefatsheng.

50 Lona ba lo falotseng tšhaka, nnang lo tsamaye, lo se ka lwa ema fela!+

51 “Re tlhabilwe ke ditlhong, ka gonne re utlwile mafoko a tshotlo.

Go tla utlwala modumo wa lentswe la bone.

Eleruri o tla busolosa.+

58 Seno ke se Jehofa wa masomosomo a se buang:

59 Leno ke lefoko le moporofeti Jeremia a neng a le laela Seraia morwa Neria+ morwa Maseia fa a ne a tsamaya le Kgosi Sedekia wa Juda kwa Babelona mo ngwageng wa bonê wa puso ya gagwe; Seraia ke ene yo o neng a tlhokomela dilo tsa kgosi. 60 Jeremia o ne a kwala masetlapelo otlhe a a neng a tla tlela Babelona mo bukeng e le nngwe, mafoko ano otlhe a ne a kwadilwe gore a tla diragalela Babelona. 61 Mo godimo ga moo, Jeremia o ne a raya Seraia a re: “Fa o goroga kwa Babelona mme o mmona, o balele mafoko ano otlhe kwa godimo. 62 Go tswa foo o re, ‘Jehofa, o buile gore lefelo leno le tla senngwa le bo le sala le se na monni, motho kgotsa phologolo, le gore le tla nna le kgakgabetse ka bosakhutleng.’+ 63 Mme fa o sena go bala buka eno, o bofelele leje mo go yone o bo o e latlhela mo Euferatese. 64 Go tswa foo o re, ‘Babelona o tla nwelelela kwa tlase ka tsela eno e bile ga a kitla a tlhola a ema gape+ ka ntlha ya masetlapelo a ke mo a tlisetsang; mme ba tla lapa.’”+

Mafoko a ga Jeremia a felela fano.

52 Sedekia+ o ne a na le dingwaga di le 21 fa a nna kgosi, mme o ne a busa dingwaga di le 11 mo Jerusalema. Leina la ga mmaagwe e ne e le Hamutale+ morwadia Jeremia wa kwa Libena. 2 O ne a tswelela a dira se se bosula mo matlhong a ga Jehofa, go ya ka sotlhe se Jehoiakime a neng a se dirile.+ 3 Dilo tseno di ile tsa direga mo Jerusalema le mo Juda ka ntlha ya bogale jwa ga Jehofa, go fitlha a ba tlosa fa pele ga gagwe.+ Mme Sedekia o ne a tlhanogela kgosi ya Babelona.+ 4 Mo ngwageng wa borobongwe Sedekia a ntse a busa, mo kgweding ya bolesome, mo letsatsing la bolesome la kgwedi eo, Kgosi Nebukadenesare* wa Babelona o ne a tla go tlhasela Jerusalema a na le mophato otlhe wa masole a gagwe. Ba ne ba kampa go e dikologa ba bo ba aga lobota go e dikologa.+ 5 Mme ba ne ba kampa go dikologa motse oo go fitlha ka ngwaga wa bo11 wa ga Kgosi Sedekia.

6 Mo letsatsing la borobongwe la kgwedi ya bonê,+ tlala e ne ya nna kgolo mo motseng mme batho ba lefatshe leo ba ne ba se na dijo.+ 7 La bofelo lobota lwa motse lo ne lwa thubiwa, mme masole otlhe a ne a tshaba go le bosigo ka kgoro e e fa gare ga dipota tse pedi gaufi le tshingwana ya kgosi, fa Bakaladia bone ba ne ba kampile go dikologa motse; mme ba ne ba tsamaya ka tsela e e yang kwa Araba.+ 8 Le fa go ntse jalo, mophato wa masole a Bakaladia o ne wa lelekisa Kgosi Sedekia,+ mme o ne wa mo fitlhela fa sekakeng sa Jeriko, mme mephato yotlhe ya gagwe e ne ya gasama ya mo tlogela. 9 Go tswa foo, ba ne ba tshwara kgosi eo ba bo ba e tlisa kwa kgosing ya Babelona kwa Ribela mo lefatsheng la Hamathe, mme o ne a e atlhola. 10 Mme kgosi ya Babelona e ne ya bolaya bomorwa Sedekia a ntse a lebile, mme gape e ne ya bolaela dikgosana tsotlhe tsa Juda gone kwa Ribela. 11 Go tswa foo, kgosi ya Babelona e ne ya gonya Sedekia matlho,+ ya mmofa ka dikeetane tsa kopore, ya mo isa kwa Babelona e bo e mo tsenya mo kgolegelong go fitlha ka letsatsi le a neng a swa ka lone.

12 Mo kgweding ya botlhano, mo letsatsing la bolesome la kgwedi eo, e leng mo ngwageng wa bo19 wa ga Kgosi Nebukadenesare* kgosi ya Babelona, Nebusaradane yo e leng molaodi wa bafemedi, yo e neng e le motlhokomedi wa kgosi ya Babelona, o ne a tla mo Jerusalema.+ 13 O ne a fisa ntlo ya ga Jehofa,+ ntlo ya kgosi* le matlo otlhe a Jerusalema; gape o ne a fisa matlo otlhe a magolo. 14 Mme mophato otlhe wa masole a Bakaladia o o neng o na le molaodi wa bafemedi o ne wa thuba dipota tse di dikologileng Jerusalema.+

15 Nebusaradane yo e leng molaodi wa bafemedi o ne a tsaya batho bangwe ba maemo a a kwa tlase le batho botlhe ba ba neng ba setse mo motseng a ba isa botshwarwa. Gape o ne a tsaya le batho ba ba neng ba ngwegetse kwa kgosing ya Babelona mmogo le badiri botlhe ba ba ditswerere.+ 16 Le fa go ntse jalo, Nebusaradane o ne a tlogela bangwe ba batho ba ba humanegileng thata ba lefatshe leo gore ba bereke mo masimong a morara* le gore ba dire tiro e e boima e ba neng ba patelediwa go e dira.+

17 Mme Bakaladia ba ne ba thubaganya dipilara tsa kopore+ tsa ntlo ya ga Jehofa le dikolotsana+ le Lewatle la kopore+ tse di neng di le mo ntlong ya ga Jehofa, mme ba ne ba isa kopore eo yotlhe kwa Babelona.+ 18 Gape ba ne ba tsaya dikane, digarawe, ditimamolelo, dikotlele tse dinnye,+ dikopi+ le dilwana tsotlhe tsa kopore tse di neng di dirisiwa mo tempeleng. 19 Molaodi wa bafemedi o ne a tsaya dikotlele,+ ditsholamolelo, dikotlele tse dinnye, dikane, ditlhomo tsa dipone,+ dikopi le dikotlele tse dinnye tse di neng di dirilwe ka gauta le selefera e e sa tswakanngwang.+ 20 Go ne go sa kgonege gore go lekanngwe bokete jwa kopore e e neng e dirisitswe go dira dipilara tse pedi, Lewatle, dipoo tsa kopore tse 12+ tse di neng di le ka fa tlase ga Lewatle le dikolotsana tse Kgosi Solomone a neng a di diretse ntlo ya ga Jehofa.

21 Mme dipilara tsone, nngwe le nngwe ya tsone e ne e le bogodimo jwa dimetara di le robedi,* e ne e ka kgona go dikologiwa ke mogala o o lekanyang wa dimetara di le tlhano;*+ bokima jwa yone e ne e le bophara jwa menwana* e le menê, e bile e le khuti. 22 Mme tlhogo ya pilara e ne e dirilwe ka kopore; mme bogodimo jwa tlhogo ya pilara e le nngwe e ne e le disentimetara di ka nna 223;*+ mme sêfê e e kgabisang le digaranata tse di dikologileng tlhogo ya pilara, tsotlhe di ne di dirilwe ka kopore. Pilara ya bobedi e ne e tshwana le ya ntlha, digaranata le tsone di ne di tshwana le tsa ntlha. 23 Go ne go na le digaranata di le 96 mo matlhakoreng; digaranata tsotlhe go dikologa sêfê e e kgabisang di ne di le 100.+

24 Gape molaodi wa bafemedi o ne a tsaya Seraia+ moperesiti yo mogolo, le Sefania+ yo e leng moperesiti yo o thusang moperesiti yo mogolo, le balebedi ba dikgoro ba le bararo.+ 25 Mme mo motseng o ne a tsaya modiredimogolo wa ntlo ya kgosi a le mongwe yo o neng a okametse masole, ditsala tse dikgolo tsa kgosi di le supa tse a neng a di fitlhela mo motseng, mmogo le mokwaledi wa molaodi wa masole, yo o neng a phuthela batho ba lefatshe leo mo tirelong ya sesole, le banna ba le 60 mo bathong ba ba tlwaelegileng ba lefatshe leo ba ba neng ba sa ntse ba le mo motseng. 26 Nebusaradane o ne a ba tsaya a bo a ba isa kwa kgosing ya Babelona kwa Ribela. 27 Kgosi ya Babelona e ne ya ba kgemetha mme ya ba bolaela kwa Ribela+ kwa lefatsheng la Hamathe. Ka jalo, Bajuda ba ne ba tswa mo lefatsheng la bone ba ya botshwarwa.+

28 Bano ke batho ba Nebukadenesare* a neng a ba isa botshwarwa: mo ngwageng wa bosupa o ne a tsaya Bajuda ba le 3 023.+

29 Mo ngwageng wa bo18 wa puso ya ga Nebukadenesare,*+ go ne ga tsewa batho ba le 832 kwa Jerusalema.

30 Mo ngwageng wa bo23 wa puso ya ga Nebukadenesare,* Nebusaradane molaodi wa bafemedi o ne a isa Bajuda botshwarwa, o ne a tsaya batho ba le 745.+

Batho botlhe ba ba neng ba isiwa botshwarwa ba ne ba le 4 600.

31 Mme mo ngwageng wa bo37 wa fa Kgosi Jehoiakine+ wa Juda a le kwa botshwarwa, mo kgweding ya bo12, mo letsatsing la bo25 la kgwedi eo, Kgosi Efile-merodake wa Babelona, ka ngwaga o a neng a nna kgosi ka one, o ne a golola* Kgosi Jehoiakine wa Juda mme a mo ntsha mo kgolegelong.+ 32 O ne a bua le ene ka bonolo a bo a baya setulo sa gagwe sa bogosi kwa godimo ga ditulo tsa bogosi tsa dikgosi tse dingwe tse di neng di na le ene kwa Babelona. 33 Ka jalo, Jehoiakine o ne a apola diaparo tsa gagwe tsa kgolegelo, mme o ne a ja ka metlha fa pele ga gagwe malatsi otlhe a botshelo jwa gagwe. 34 O ne a abelwa dijo ka metlha go tswa kwa kgosing ya Babelona letsatsi le letsatsi, malatsi otlhe a botshelo jwa gagwe, go fitlha ka letsatsi le a neng a swa ka lone.