Dipokano Tsa Tirelo Tsa March

Beke e e Simololang ka March 1

Pina 33

8 mets: Dikitsiso tsa phuthego ya lona. Dikitsiso tse di tlhophilweng go Tirelo ya Rona ya Bogosi. Kgothaletsa botlhe gore ba tlise dipego tsa bone tsa tirelo ya tshimo tsa February.

17 mets: “Segopotso sa Loso Lwa ga Keresete se se Tshwarwang Lefatshe ka Bophara.” Dipotso le dikarabo. Akaretsa dikakgelo tse di mo go Tora ya Tebelo ya February 1, 1997, ditsebe 11-12, dirapa 10-14. Gatelela tsela eo lorato lo logolo lwa ga Jehofa lo mo tlhotlheleditseng ka yone go re rulaganyetsa thekololo.

20 mets: Mabaka A a Re Patelelang go Nna Babulatsela ba ba Thusang ka April le May. Puo le motlotlo le bareetsi e tshwarwe ke molebedi wa tirelo, a kgothaletsa botlhe go akanyetsa ka kelotlhoko go tsaya bobulatsela jo bo thusang. Tlotla ka phetogo e e dirilweng mo diureng tse di tlhokwang mo babulatseleng ba ka metlha le ba ba thusang jaaka e tlhalosiwa mo go Tirelo ya Rona ya Bogosi ya January 1999, tsebe 3. Phetogo eno e tshwanetse go kgontsha ba bantsi go itumelela tshiamelo ya tirelo ya nako e e tletseng. Tlhalosa ka tsela eo go anaanela ga rona setlhabelo sa ga Keresete go re patelelang ka gone go dira ka natla go rerela ba bangwe. (2 Bakor. 5:14, 15) Monongwaga Segopotso se tshwarwa ka letsatsi la ntlha la April mme April 10 ke Letsatsi la rona le le kgethegileng la Dimakasine. A bo seno e le selo se se molemo jang ne se se ka tlhotlheletsang baboledi botlhe ba Bogosi gore ba oketse tirelo ya bone mo kgweding eno yotlhe! Tlotla ka dintlha dingwe tsa konokono go tswa go ditsenyeletso tsa Tirelo ya Rona ya Bogosi tsa February 1997 le March 1998 tse di buang ka tirelo ya bobulatsela jo bo thusang. Akanyetsa ditsela tse o ka fetolang ka tsone dithulaganyo tse re di neetsweng. Tlotla ka dithulaganyo tsa phuthego ya lona tsa tirelo, tse di neelanang ka tshono e e lekaneng ya go nna le seabe mo bodireding le ba bangwe. Kgothaletsa baboledi go iponela diforomo tsa bobulatsela jo bo thusang morago ga dipokano.

Pina 44 le thapelo e e konelang.

Beke e e Simololang ka March 8

Pina 52

10 mets: Dikitsiso tsa phuthego ya lona. Pego ya diakhaonto.

20 mets: “Ba Laletse Gore ba Tle.” Dipotso le dikarabo. Gatelela gore go tlhokega gore ka metlha batho ba basha ba ba kgatlhegang ba kaelwe kwa dipokanong tsa phuthego. Dira pontsho ya go buisana le motho yo o kgatlhegang o dirisa tshedimosetso e e mo bukeng ya Kitso, tsebe 159, serapa 20 le ditsebe 161-3 dirapa 5-8. Kgothaletsa botlhe go dira maiteko a a kgethegileng go thusa diithuti tsa Baebele le ba bangwe ba ba kgatlhegang go nna gone mo Segopotsong ka April 1. Bontsha khopi ya taletso e e gatisitsweng mme o tlhalose gore e ka dirisiwa jang ka tsela e e molemo. Botlhe ba tshwanetse go simolola go phasalatsa dipampitshana tsa taletso ya Segopotso mo bekeng eno.

15 mets: “Kafa Maloko a Lelapa a Dirisanang Mmogo ka Teng go Nna le Seabe ka Botlalo—Mo Dipokanong Tsa Phuthego.” Lelapa le a tlotla. Fa ba ntse ba akgela ka dintlha tsa konokono tsa setlhogo, ba buisana ka tsela e ba ka baakanyetsang dipokano e le lelapa ka yone. Ba buisana ka ditsela tse ba ka thusanang ka tsone go nna le seabe le seo se ka dirwang gore lelapa le fitlhe kwa dipokanong ka nako.

Pina 62 le thapelo e e konelang.

Beke e e Simololang ka March 15

Pina 56

10 mets: Dikitsiso tsa phuthego ya lona.

15 mets: “Batlhanka ba Bodiredi ba Dira Tiro e e Botlhokwatlhokwa.” Puo ka motlhanka wa bodiredi yo o nang le bokgoni. Boeletsa dintlha tsa konokono tse di tlotlwang mo bukeng ya Bodihedi jwa Rona, ditsebe 57-9. Tlhalosa gore batlhanka ba bodiredi ba dirisiwa jang mo phuthegong ya lona go thusa phuthego.

20 mets: Re Tshwanetse Go Itshwara Jang fa re Gakololwa? Puo ka mogolwane. Rotlhe re tlhoka kgakololo mo dilong tse di malebana le maikutlo a rona, boitshwaro, batho ba re itsalanyang le bone, kgotsa tsela e re nnang le seabe ka yone mo ditirong tsa phuthego. Ka dinako dingwe re na le go gana kgakololo kgotsa ra kgopisiwa ke yone. Go iketleeletsa go amogela kgakololo le go e dirisa go botlhokwa tota gore re nne re itekanetse semoyeng. Boeletsa dintlha tsa botlhokwa tse di gatelelang mabaka a go bo re tshwanetse go amogela kgakololo le go e anaanela.—Bona Tora ya Tebelo, April 1, 1987, ditsebe 27-30.

Pina 68 le thapelo e e konelang.

Beke e e Simololang ka March 22

Pina 162

10 mets: Dikitsiso tsa phuthego ya lona. Itsise maina a ba e tla bong e le babulatsela ba ba thusang ka April. Tlhalosa gore ga go ise go nne thari go tlisa foromo. Bolela thulaganyo yotlhe e e rulaganyeditsweng dipokano tsa tirelo ka April. Kgothaletsa botlhe go latela thulaganyo ya mmalo wa Baebele wa Segopotso o o rulaganyeditsweng March 27–April 1, jaaka o bontshitswe mo go Go Tlhatlhoba Dikwalo ka Malatsi Otlhe—1999 le mo go 1999 Calendar.

15 mets: Baakanyetsa Segopotso. Puo. Botlhe ba tshwanetse go dira dithulaganyo tsa go thusa diithuti tsa Baebele le ba bangwe ba ba kgatlhegang gore ba nne gone kwa Segopotsong. Ba basha ba e leng gone ba tlang ba ka nna ba se ka ba tlhaloganya gore ke bomang ba ba jang ditshwantshetso kana gore tiragalo eno e kayang. Tlotla ka se se tlhalosiwang go Tora ya Tebelo ya April 1, 1996, ditsebe 6-8, mme o bontshe gore re ka thusa jang ba basha ba ba kgatlhegang go lemoga maikaelelo a mokete ono. Konela ka go boeletsa “Dikgakololo Tsa Segopotso” le go itsise dithulaganyo tsa phuthego ya lona tsa Segopotso.

20 mets: Go Direga Eng ka Rona fa re Swa? Mogolwane o buisana le baboledi ba babedi kana ba bararo ba ba nang le bokgoni ka botlhokwa jwa go dirisa boroutšhara jono. Re ne ra tlwaelana ka tsela e e molemo le boroutšhara jono fa re ne re bo ithuta kwa Thutong ya Buka ya Phuthego. A re bo dirisa ka tsela e e nang le matswela mo tirelong ya tshimo? Setlhopha seno se tlotla ka gore: Ke ka ntlha yang fa batho ba le bantsi ba kgatlhegela kgang eno? Go farologana le dithuto tsa bodumedi jwa maaka, ke tsholofelo efe e boroutšhara jono bo e neelang? Re ka dirisa jang dipotso tse di mo tsebeng ya bofelo go tsosa kgatlhego? Re na le ditshono dife tsa go tsamaisa boroutšhara jono? Dira pontsho o dirisa makwalo a a mo serapeng 14 mo tsebeng 27. Kgothaletsa botlhe gore ba nne podi matseba gore ba dirise boroutšhara jono sentle.

Pina 92 le thapelo e e konelang.

Beke e e Simololang ka March 29

Pina 111

10 mets: Dikitsiso tsa phuthego ya lona. Gakolola botlhe gore ba tlise dipego tsa bone tsa tirelo ya tshimo tsa March. Re tla tsamaisa Tora ya Tebelo le Tsogang! ka April. Bontsha dimakasine tsa bosheng o akantse ka ditlhogo tse di ka buelelwang, o bo o umake dintlha dingwe tse di ikuelang. Botlhe ba tshwanetse go tshwara boroutšhara jwa Re Direng mme ba bo dirise go simolola dithuto tsa Baebele le batho ba ba kgatlhegang.

15 mets: Dilo tse phuthego e tlhokang go di ela tlhoko.

20 mets: Go Itumelela 1999 Yearbook. Puisano fa gare ga monna le mosadi wa gagwe. Monna o tlhalosa gore Yearbook e gatisitswe la ntlha e le buka ka 1927 mme mo dingwageng di feta 70 e ntse e akaretsa pego ya lefatshe ka bophara ya Basupi ba ga Jehofa. Ba tlotla ka dintlhakgolo tsa “Dipalogotlhe Tsa 1998,” mo go tsebe 31. Mme ba buisana ka “Lekwalo le le Tswang Kwa Setlhopheng se se Laolang” mo ditsebeng 3-5, mme ba tlhalosa gore ba tla dira jang tumalanong le thotloetso e e filweng.

Pina 118 le thapelo e e konelang.