Thulaganyo ya Pokano ya Tirelo

Beke e e Simololang ka March 13

Pina 41

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go bontsha gore makasine wa Tora ya Tebelo ya March 15 le Tsogang! ya March di ka tsamaisiwa jang. Kwa bofelong jwa pontsho nngwe le nngwe, mmoledi o tshwanetse go laletsa mong wa ntlo go tla Segopotsong a dirisa taletso e e mo tsebeng ya bofelo ya makasine o o tsamaisiwang.

15 mets: “Thusa ba Bangwe go Solegelwa Molemo ke Thekololo.”a Puo e e latelang eno e tla tlotla go ya pele kafa re ka dirisang ka gone tsebe 206-8 ya buka ya Baebele e Ruta Eng? fa re laletsa batho kwa Segopotsong.

20 mets: Sejo sa Morena sa Maitseboa—Tiragalo e e Ketekwang go Tlotla Modimo. Motlotlo wa dipotso le dikarabo o o theilweng mo tsebeng ya 206-8 ya buka ya Baebele e Ruta Eng? Mo matsenong a a sa feteng motsotso, bontsha kafa setlhogo se ka buelelwang ka gone mo go mong wa ntlo ka go bala serapa sa ntlha. Morago ga moo, go sa balwe dirapa, kopa bareetsi go araba dipotso tse di latelang: (ser. 2) Jesu o ne a tlhoma Segopotso sa loso lwa gagwe leng? (ser. 3 ) Sejo sa Morena sa Maitseboa se tshwanetse go ketekwa ga kae? (ser. 4) Baebele e tlhalosa gore Segopotso se ketekwa jang? (ser. 5) Re itse jang gore Jesu ga a ka a fetola senkgwe gore e nne nama ya gagwe le beine gore e nne madi a gagwe? (ser. 6) Senkgwe se se sa bedisiwang se tshwantshetsa eng? (ser. 7) Beine e e khibidu e tshwantshetsa eng? (ser. 8) Ke bomang fela ba ba tshwanetseng go ja senkgwe le go nwa beine? (ser. 9) Segopotso se tshwarwa leng ngwaga le ngwaga, mme ke ka ntlha yang fa re tshwanetse go nna gone? Tlotla ka ditemana tsa konokono fa nako e letla. Kgothaletsa botlhe go sekaseka tshedimosetso eno le diithuti tsa Baebele le ba bangwe ba ba ba laletsang kwa Segopotsong, ba bale dirapa, ba tlotle ka dintlha tsa konokono le go dirisa dipotso tse di sa raraanang tse di tshwanang le tse di boditsweng mo puong eno.

Pina 134 le thapelo e e konelang.

Beke e e Simololang ka March 20

Pina 18

10 mets: Dikitsiso tsa phuthego. Dikgang Tsa Puso ya Modimo. Boeletsa dintlha tsa konokono mo lebokosong la “Dikgakololo Malebana le Segopotso.”

23 mets: Seabe sa ga Keresete mo Thulaganyong ya Modimo. Puo e e theilweng mo bukeng ya Re Rulaganyeditswe go Dira Thato ya ga Jehofa, tsebe 10-13. Fa lo tlotla ka dirapa tsa ntlha tse pedi tse di kafa tlase ga setlhogwana se se reng “Seabe sa ga Keresete,” dirisa metsotso e le meraro kgotsa e le menè go akantsha le go bontsha ditsela tsa go dirisa taletso ya Segopotso. Boeletsa dikakantsho tse di mo kgatisong ya Tirelo ya Rona ya Bogosi ya February 2006, tsebe 3, serapa 3.

12 mets: Go Nonotshiwa ke go Sekaseka Dikwalo ka Malatsi Otlhe. Puo le pontsho e e theilweng mo ketapeleng ya bukana ya Go Tlhatlhoba Dikwalo ka Malatsi Otlhe—2006. Rulaganya pontsho ya lelapa le sekaseka mmogo temana ya letsatsi ya gompieno le dikakgelo tsa yone.

Pina 103 le thapelo e e konelang.

Beke e e Simololang ka March 27

Pina 44

15 mets: Dikitsiso tsa phuthego. Gakolola baboledi go tlisa dipego tsa bone tsa tirelo ya tshimo tsa March. Bala pego ya diakhaonto le makwalo ape a a bontshang gore moneelo wa lona o amogetswe. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go bontsha gore makasine wa Tora ya Tebelo ya April 1 le Tsogang! ya April di ka tsamaisiwa jang. Gape bontsha gore pampitshana ya taletso e ka dirisiwa jang go laletsa batho ba ba kgatlhegang kwa Segopotsong.

10 mets: A Modimo o sa Ntse a Laola? Puo le pontsho e e theilweng mo tsebeng e e kafa morago ya Tora ya Tebelo ya April 1, 2006. Dirisa tshono nngwe le nngwe go laletsa batho kwa puong e e kgethegileng ya phatlalatsa. Tlhomamisega gore o laletsa seithuti sengwe le sengwe sa Baebele le maloko a lelapa la gagwe a a ka neng a sa nne gone fa go tshwerwe thuto ya Baebele. Batho botlhe ba ba kgatlhegang le ba bangwe ba re kopanang le bone mo bodireding jwa tshimo ba tshwanetse go neelwa taletso eno e e kgethegileng. Bontsha kafa Tora ya Tebelo ya April 1, 2006 e ka dirisiwang ka gone fa o laletsa motho yo o tsidifetseng kgotsa yo o sa tlholeng a nna gone kwa dipokanong.

20 mets: “Ruta Batho ba ba Pelonomi go Tsamaya mo Tseleng ya Modimo.”b Akaretsa dikakgelo tse di mo makasineng wa Tora ya Tebelo ya July 1, 2004, tsebe 16, serapa 9.

Pina 170 le thapelo e e konelang.

Beke e e Simololang ka April 3

Pina 199

15 mets: Dikitsiso tsa phuthego. Boeletsa ka bokhutshwane setlhogo se se reng “Itumelele go Ithuta Buka ya Totatota Baebele e Ruta Eng?” Tlotla ka thulaganyo ya go ithuta buka ya Baebele e Ruta Eng? Gape bontsha gore pampitshana ya taletso e ka dirisiwa jang go laletsa batho ba ba kgatlhegang kwa Segopotsong.

10 mets: Dilo tse phuthego e tshwanetseng go di ela tlhoko.

20 mets: Go Itlwaetsa Buka ya Rona e Ntšha E re E Dirisang go Ruta. Puo le motlotlo le bareetsi. Kopa bareetsi go akgela ka dikarolo tsa buka ya Baebele e Ruta Eng? tse ba di itumelelang, tse di tshwanang le dipotso tse di simololang le lebokoso la poeletso le le gatelelang dintlha tsa konokono tsa kgaolo nngwe le nngwe (ts. 106, 114); ditshwantsho (ts. 122-3, 147, 198); le dintlha tse di oketsegileng (ts. 197, ser. 1-2). Tsela e buka eno e kwadilweng ka yone e a ikuela (ts. 12 ser. 12). E tlhalosa dilo ka tsela e e motlhofo, e e utlwalang (ts. 58, ser. 5) e bile e dirisa ditshwantsho tse di nang le matswela (ts. 159, ser. 12). Ketapele e diretswe go re thusa go simolola dithuto tsa Baebele (ts. 3-7). Bontsha kafa o ka dirisang lebokoso le le mo tsebeng ya 7 ka gone go tlotla le moithuti yo mosha wa Baebele. Bolela maitemogelo a a nnileng gone fa go dirisiwa buka eno e ntšha.

Pina 93 le thapelo e e konelang.

[Dintlha tse di kwa tlase]