Taimi-Tēpile ki he Fakataha Ngāué

Uike Kamata ʻEpeleli 11

Hiva 29 (222)

15 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 6 (kapau ʻoku feʻungamālie ki ho feituʻu ngāué) ke fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 15 mo e Awake! ʻo ʻEpeleli 22. ʻE lava ke ngāueʻaki nai ha ngaahi tuʻuaki ʻaonga kehe. ʻI he taha ʻo e ongo fakahāhaá, fakahaaʻi ʻa e tokotaha malangá ʻokú ne fakahoko ha faifakamoʻoni he halá.

15 min: “Kīvoi ʻi he Malangá.”a Fakatatau ki he taimí, fakaafeʻi ʻa e kau fanongó ke nau poupou ʻi he ngaahi konga Tohi Tapu ʻoku haá.

15 min: Mou Feʻofaʻaki. (Sione 13:35) Malanga ke fai ʻe ha mātuʻa ʻo makatuʻunga ʻi he Taua Leʻo ʻo Fepueli 1, 2003, peesi 15-18, palakalafi 10-21. Hangē ko ia naʻe lave ki ai ʻi he tohi ʻoku tuʻuaki ʻi ʻEpeleli mo Meé, ʻoku fakalototoʻaʻi kitautolu ke tau feinga ke kamata ha ngaahi ako Tohi Tapu mo e faʻahinga kuo nau ʻosi ako ʻa e tohi ʻIlo mo e polosiua Fiemaʻu. Fakamamafaʻi ʻa e founga ʻe lava ai ʻa e kau malangá ke nau ngāue fāitaha mo e kau mātuʻá ʻi he tokoni ki he faʻahinga ʻoku nau vaivaí.

Hiva 11 (85) mo e lotu tuku.

Uike Kamata ʻEpeleli 18

Hiva 20 (93)

10 min: Ngaahi fanongonongo fakalotofonua.

20 min: “Fai ʻa e Ngaahi Ako Tohi Tapu Fakalakalaká​—Konga 7.”b ʻI he teuteu ʻa e konga ko ení, sio ki he Taua Leʻo ʻo Siulai 15, 2002, peesi 27, palakalafi 5-6.

15 min: Moʻuiʻaki ha ʻAtamai Fakapotopoto ʻi ha Kuonga Fakaʻilekitulōnika. (Tai. 2:​11, 12) Ko ha malanga makatuʻunga ʻi he ʻEtau Ngāue Fakafaifekau ʻo e Puleʻanga ʻo Sepitema 2002, peesi 8, palakalafi 1-7, mo ʻEtau Ngāue Fakafaifekau ʻo e Puleʻanga ʻo Nōvema 1999, peesi 5, palakalafi 24-6, mo e peesi 6, palakalafi 35-6. Fakatatau ki he taimí, ʻe fakakau nai ai ʻa e ngaahi poini kehe mei he konga fakalahi ʻo ʻEtau Ngāue Fakafaifekau ʻo e Puleʻanga ʻo Nōvema 1999 kapau ʻoku ʻaonga fakalotofonua.

Hiva 10 (82) mo e lotu tuku.

Uike Kamata ʻEpeleli 25

Hiva 5 (46)

15 min: Ngaahi fanongonongo fakalotofonua. Lau ʻa e fakamatala paʻangá mo e ngaahi fakamālōʻiaʻi ʻo e tokoní. Fakamanatu ki he kau malangá ke ʻomai ʻenau līpooti malaʻe ngāue ki ʻEpelelí. ʻI hono ngāueʻaki ʻa e ngaahi fokotuʻu ʻi he peesi 6 (kapau ʻoku feʻungamālie ki ho feituʻu ngāué), fakahāhaaʻi ʻa e founga ke tuʻuaki ai ʻa e Taua Leʻo ʻo Mē 1 mo e Awake! ʻo Mē 8. ʻE lava ke ngāueʻaki nai ha ngaahi tuʻuaki ʻaonga kehe. ʻI he taha ʻo e ongo tuʻuakí, fakahāhaaʻi ʻa e founga ke fakaleleiʻi ai ʻa e taʻofiʻanga fetalanoaʻaki “ʻOku ʻikai ke u mahuʻingaʻia.” (Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, p. 8.) Lave ki he ngaahi kupu ʻe hoko nai ʻo fakamānako lahi ange ki he kakai ʻi he feituʻú.

15 min: “Failelei pea Foaki ki he Niʻihi Kehé.”c ʻAi hano ngāueʻaki fakalotofonua ʻo e fakamatalá, ʻo lave ki he ngaahi founga ʻaonga ʻe lava ai ke tau tokoni ki he niʻihi kehé.

15 min: Ko ha Tokonaki ke Fakaivimālohiʻi Kitautolu. Ko ha malanga ke fakalototoʻaʻi ʻa e kau fanongó ke nau lau ʻa e 2005 Yearbook kapau ʻoku nau malava ʻo mahinoʻi ʻa e lea faka-Pilitāniá. Lave ki he anga hono hanga ʻe he fakalaulauloto ki he ngaahi ngāue fakaofo ʻa Sihova ʻi onopōní ʻo tohoakiʻi kitautolu kiate ia pea ki hotau fanga tokoua takatakai ʻi he māmaní. (Sāme 77:​12-14) ʻOkú ne fakaivimālohiʻi kitautolu ke tau talitekeʻi mālohi ʻa e Tēvoló, “he tuʻu maʻumaʻuluta he tui.” (1 Pita 5:​8, 9) ʻOkú ne tokoniʻi ʻa e faʻahinga foʻoú ke nau fakatupulekina ʻa e houngaʻia ki he kautaha ʻa Sihová. Ko ha konga makehe ʻo e Yearbook taki taha ʻa e “Tohi mei he Kulupu Pulé.” Ko ha liliu lea ʻo e tohi ko ení ʻoku maʻu ia ʻi he konga fakalahi ʻo ʻEtau Ngāue Fakafaifekau ʻo e Puleʻanga ʻo Maʻasi 2005, peesi 5-6. Lāulea ki he kupú ni pea fakatatau ki he taimí, fakaafeʻi ʻa e kau fanongó ke nau fakamatala ki he meʻa naʻa nau houngaʻia ai ʻi he tohi fakalototoʻa ko ení.

Hiva 13 (124) mo e lotu tuku.

Uike Kamata Mē 2

Hiva 12 (113)

10 min: Ngaahi fanongonongo fakalotofonua. Fakamanatu nounou ʻa e kupu “Ko Hono Ako ʻa e Polosiua ko e Hanganaki Leʻo!,” ʻi he peesi 4. Lave ʻo pehē ʻoku fakahaaʻi ʻi he fakamatala ko ení ʻa e taimi-tēpile ki hono ako ʻo e polosiuá. Fakalototoʻaʻi ʻa e tokotaha kotoa ke teuteu lelei ki ai pea kau ʻi he uike taki taha ʻi he akó, ʻo kamata ʻi he uike ʻo Mē 23.

15 min: Ngaahi fiemaʻu fakalotofonua.

20 min: “ʻE Maʻu Moʻui ʻa e Kakai Kotoa Pē.”d ʻAi ke ngāueʻaki ʻaonga ʻa e fakamatalá ki he feituʻu fakalotofonuá.

Hiva 21 (191) mo e lotu tuku.

[Fakamatala ʻi lalo]