MASALIMO

1 Ngwakukondwa munthu yo waleka kwenda mwakukoliyana ndi ulongozgi wa ŵanthu aheni

Kweniso waleka kuma mu nthowa ya ŵanthu akubuda+

Chinanga nkhuja limoza ndi ŵanthu akunyoza.+

 2 Kweni wakondwa ndi dangu laku Yehova,+

Ndipu waŵerenga ndi kulunguruka* dangu Laki msana ndi usiku.+

 3 Iyu wajengi nge chimiti cho chikupandika mumphepeti mwa timisinji tamaji,

Chimiti cho chipasa vipasu mu nyengu yaki,

Cho mani ngaki ngafota cha.

 4 Kweni ŵanthu aheni ndimu aliri cha;

Yiwu ŵe nge mwere wo uputa ndi mphepu.

 5 Ndichu chifukwa chaki ŵanthu aheni alutirizgengi cha kuma pa cheruzgu;+

Chinanga mbanthu akubuda nawu alutirizgengi cha kuma pakati pa* ŵanthu arunji.+

 6 Pakuti Yehova watiyiziŵa nthowa ya ŵanthu arunji+

Kweni nthowa ya ŵanthu aheni yimalengi.+

2 Ntchifukwa wuli mitundu ya ŵanthu yakwiya

Kweniso ntchifukwa wuli ŵanthu adinginyika ndi* chinthu chambula fundu?+

 2 Mafumu nga pacharu chapasi ngama mumalu ngawu

Ndipu nduna zawungana pamoza* nge munthu yumoza+

Kuti alimbani ndi Yehova kweniso kuti alimbani ndi wakusankhika waki.*+

 3 Yiwu akamba kuti: “Tiyeni tidumuwi simbi zawu

Kweniso titayi vingwi vawu!”

 4 Yo we pampandu waufumu kuchanya waŵasekengi;

Yehova waŵasekengi mwachipongu.

 5 Pa nyengu yeniyo, walongorongi nawu mu ukali waki

Kweniso waŵawofyezengi mu ukali waki wakukole,

 6 Wakambengi kuti: “Ini ndamweni ndaŵika fumu yangu pampandu+

Paphiri langu lakupaturika la Ziyoni.”+

 7 Sonu ndipharazgengi dangu laku Yehova;

Iyu wangundikambiya kuti: “Yiwi ndiwi mwana wangu;+

Msanawale ini ndaja wusu.+

 8 Ndipemphi, ndipu ini ndikupaskengi mitundu kuti yije chihara chaku

Kweniso ndikupaskengi vigoti va charu kuti vije vaku.+

 9 Yiwi uŵaphwanyengi ndi nthonga yachisulu,+

Kweniso uŵavikitengi nge chiŵiya.”+

10 Sonu yimwi mwamafumu, longoni zeru;

Zomerani kuchenyeka,* yimwi akweruza a pacharu chapasi.

11 Teŵetiyani Yehova mwamantha,

Kweniso kondwani mwakumbwambwanthiya.

12 Tumbikani* mwana,+ asani po cha Chiuta* wakwiyengi

Ndipu muparanyikengi ndi kutuzgikapu panthowa,+

Pakuti ukali Waki ukole mwaliŵi.

 3 Kweni yimwi Yehova, ndimwi chishangu changu cho chandizunguliya,+

Unkhankhu wangu+ kweniso Yo wayunuska mutu wangu.+

 4 Ndidaniriziyengi Yehova,

Ndipu iyu wandimukengi kutuliya muphiri laki lakupaturika.+ (Selah)

 5 Ndigonengi pasi ndi kugona tulu;

Ndipu ndiyukengi nde wakuvikilirika,

Pakuti Yehova walutirizga kundiwovya.+

 6 Ndiŵawopengi cha ŵanthu masawuzandi nganandi

Wo andanda muvigaŵa vosi kuti alimbani nani.+

Pakuti arwani ŵangu wosi muŵapumengi kuchibwanyu;

Ndipu muphwanyengi minyu nga ŵanthu aheni.+

 3 Ziŵani kuti Yehova wamuchitiyengi vinthu mu nthowa yapade* munthu yo ngwakugomezgeka kwaku iyu;

Yehova wavwengi asani nditimudana.

 5 Perekani sembi zaurunji,

Ndipu thembani Yehova.+

 7 Mwazaza mtima wangu ndi likondwa likulu

Kuluska ŵanthu wo ŵe ndi vinthu vinandi vo avuna kweniso vinyu wasonu.

 8 Ndigonengi pasi ndi kugona tulu mwachimangu.+

Pakuti yimwi mwija Yehova, mutindichitiska kuti ndije mwakuvikilirika.+

5 Vwisiyani mazu ngangu, yimwi Yehova;+

Vwisani kutamantha kwangu.

 2 Vwisiyani kuliya kwangu kwakupempha chovyu,

Yimwi Fumu yangu kweniso Chiuta wangu, chifukwa ndipemphera kwaku yimwi.

 3 Yimwi Yehova, muvwengi mazu ngangu ndi mlenji;+

Ndi mlenji ndikukambiyeningi vo vitindifipiska mtima,+ ndipu ndilindizgengi mwalinweka.

 4 Pakuti yimwi ndimwi Chiuta yo wakondwa ndi vinthu viheni cha;+

Palivi munthu muheni yo wangaja ndi imwi.+

Yimwi mutinkha ŵanthu wosi wo achita vinthu viheni.+

 6 Muparanyengi ŵanthu wo akamba maboza.+

 7 Kweni ini ndiserengi munyumba yinu+ chifukwa cha chanju chinu chikulu chambula kumala;+

Ndijikamengi ndalazgiya kunyumba yinu yakupaturika* pakuti nditopa yimwi.+

 8 Yimwi Yehova, ndilongozgeni mu urunji winu chifukwa cha arwani ŵangu;

Ndingweruskiyeni nthowa yinu.+

 9 Pakuti pa chechosi cho akamba, palivi cho ungagomezga;

Mwaku yiwu mulivi chechosi kweni uheni pe;

Khosi lawu ndi dindi lakujulika;

Ndipu alongoro mwakunyengere ndi lilimi lawu.*+

10 Kweni Chiuta waŵakambengi kuti ŵe ndi mulandu;

Nthowa zawu za uryarya ndizu ziŵawisengi.+

Yiwu adikisiki chifukwa cha mphulupulu zawu zinandi,

Pakuti yiwu akugarukiyani.

11 Kweni wosi wo abisama mwaku yimwi akondwengi;+

Nyengu zosi yiwu adanirizengi mwakukondwa.

Yimwi muŵajalizengi kuti muŵavikiliyi,

Ndipu wo atanja zina linu akondwengi mwaku yimwi.

12 Pakuti yimwi Yehova, mutumbikengi munthu weyosi murunji;

Yimwi muzingilizengi ŵanthu wo mukondwa nawu, ndipu mujengi nge chishangu chikulu.+

6 Yimwi Yehova, mungandichenyanga mwakwiya cha,

Kweniso mungandinyoloskanga mwe ndi ukali cha.+

 3 Ini ndatimbanyizgika ukongwa,+

Ndipu nditikufumbani yimwi Yehova kuti venivi vichitikengi mpaka zuŵanji?+

 4 Weleriyani yimwi Yehova ndipu munditaski;+

Nditaskeni chifukwa cha chanju chinu chambula kumala.+

 5 Pakuti munthu yo wafwa, wangakuzumbuwani* cha;

Ndipu ndiyani yo wangakuthamikani we mu Dindi?*+

 6 Ndavuka ndi kutamantha;+

Usiku wosi ndizumbwisa bedi langu ndi masozi;*

Ndipu ndidyamphusa chakugonapu changu ndi kuliya.+

 7 Jisu langu lalopwa chifukwa cha chitima;+

Lachita mdima* chifukwa cha ŵanthu wosi wo atindichitiya nkhaza.

 8 Tuwaniku kwaku ini mosi yimwi muchita vinthu viheni,

Pakuti Yehova wavwengi mazu nga kuliya kwangu.+

 9 Yehova wavwengi pemphu langu lakuti wandichitiyi lisungu;+

Yehova walondiyengi pempheru langu.

10 Arwani ŵangu wosi alengesekengi ndipu achitengi mantha;

Aweleriyengi ndipu soni ziŵakongi mwamabuchibuchi.+

Nditaskeni kwaku wosi wo atinditombozga ndipu ndiwomboni.+

 2 Asani po cha, andipaluwengi nge mo nkharamu yichitiya,+

Anditoliyengi kutali kwambula wakunditaska.

 3 Yimwi Yehova Chiuta wangu, asani nde wakunanga pa nkhani iyi,

Asani ndachita vinthu mwambula urunji,

 4 Asani ndanangiya munthu yo watindichitiya vamampha,+

Pamwenga asani murwani wangu ndamuphanga vinthu kwambula chifukwa,*

 5 Mbwenu murwani wangu wanditchimbizi ndipu wandiko;

Iyu wawukandikandi umoyu wangu mpaka pasi

Ndipuso wachitiski kuti unkhankhu wangu umaliyi mufuvu. (Selah)

 6 Sokani mu ukali winu yimwi Yehova;

Nyamukani ndi kulimbana ndi ukali wa arwani ŵangu;+

Yukani mumalu mwaku ini ndipu lamulani kuti urunji uwoneki.+

 7 Mitundu ya ŵanthu yikuzunguliyeni;

Ndipu yimwi mulimbanengi nayu kutuliya kuchanya.

 8 Yehova wayeruzgengi ŵanthu.+

Ndiyeruzgeni yimwi Yehova, mwakukoliyana ndi urunji wangu

Kweni chitiskani kuti ŵanthu arunji ajalikiskiki,+

Pakuti yimwi ndimwi Chiuta waurunji+ yo wasanda mitima+ kweniso maŵanaŵanu ngandimba.*+

11 Chiuta ndiyu Wakweruzga murunji,+

Kweniso Chiuta wapharazga vyeruzgu vaki zuŵa lelosi.

12 Asani munthu walapa cha,+ Iyu wanora lipanga laki;+

Wakunga uta waki ndi kuwunozgekeresa.+

13 Iyu wanozga vidya vaki vakofya;

Kweniso wanozga mivi yaki yakukole motu kuti wayigwiriskiyi ntchitu.+

14 Lereskani munthu yo we ndi nthumbu ya vinthu viheni;

Iyu wame nthumbu ya suzgu ndipu wabala maboza.+

15 Iyu wakumba mbuna, ndipu watiyikumba yitali ukongwa,

Kweni wawiya muzenji lo wakumba mweneku.+

16 Masuzgu ngo iyu wayambisa ngaweriyengi pamutu waki;+

Nkhaza zaki ziwiyengi paliwombu laki.

17 Ndithamikengi Yehova chifukwa cha urunji waki;+

Zina laku Yehova+ Wapachanya Limu ndilimbiyengi sumu zakuthamika.*+

8 Yimwi Yehova Ambuyafwi, zina linu ndikulu ukongwa pacharu chosi chapasi;

Ulemu winu mwawuŵika pachanya ukongwa kuluska kuchanya!*+

 2 Mumilomu mwa ŵana kweniso mwa malitema+ mwajalikiskamu nthazi

Chifukwa cha arwani ŵinu,

Kuti murwani kweniso wakuweze nduzga muŵajaliki cheti.

 3 Asani ndilereska kuchanya, ntchitu za vikumbu vinu,

Mwezi ndipuso nyenyezi vo yimwi mukupanga,+

 4 Kumbi munthu ndiyani kuti mumukumbukengi,

Kweniso mwana wa munthu ndiyani kuti mumuphweriyengi?+

 5 Mukumusisa kamanavi pakumuyeruzgiya ndi wo ayananaku ndi Chiuta,*

Ndipu mukumuvwalika unkhankhu ndi ulemu pamutu waki.

 6 Mukumupaska mazaza pa ntchitu za manja nginu;+

Mwaŵika chechosi kusi kwa maphazi ngaki:

 7 Mbereri, mbuzi ndi ng’ombi,

Kweniso nyama zamudondu,*+

 8 Viyuni vamude ndipuso somba za munyanja,

Kweniso chechosi cho chijumpha munthowa zo ze munyanja.

9 Ndikuthamikeningi yimwi Yehova ndi mtima wangu wosi;

Ndikambengi vakukwaskana ndi ntchitu zinu zakuziziswa.+

 2 Ndikondwengi ndipuso ndizayengi mwaku yimwi;

Ndimbengi sumu zakuthamika zina linu,* yimwi Wapachanya Limu.+

 3 Asani arwani ŵangu awelere,+

Aguŵengi kweniso amalengi pa masu pinu.

 4 Pakuti yimwi muvikiliya urunji wangu;

Muja pampandu winu waufumu ndi kuyeruzga mwaurunji.+

 5 Yimwi mwachenya mitundu ya ŵanthu+ ndipu mwaparanya ŵanthu aheni,

Mwasisita zina lawu muyaya mpaka muyaya.

 6 Murwani mwamuparanya mpaka muyaya;

Matawuni ngawu mwangachesuwa,

Ndipu akumbukikengi so cha.+

 7 Kweni Yehova wajengi pampandu waufumu mpaka muyaya;+

Iyu wajalikiska mpandu waki waufumu kuti wayeruzgi mwaurunji.+

 8 Iyu wayeruzgengi charu mwaurunji;+

Kweniso waperekengi cheruzgu chaurunji ku mitundu ya ŵanthu.+

 9 Yehova wajengi malu ngakuthaŵiyaku ngakuvikilirika* ku ŵanthu akukandirizgika,+

Malu ngakuthaŵiyaku ngakuvikilirika pa nyengu ya masuzgu.+

10 Ŵanthu wo aziŵa zina linu azakukuthembani;+

Yimwi Yehova, mwazakuŵajowo cha ŵanthu wo atikupenjani.+

11 Mbani sumu zakuthamika Yehova, yo waja ku Ziyoni;

Ziŵisani ŵanthu ntchitu zaki.+

12 Pakuti Yo waweze ndopa zawu watiŵakumbuka;+

Iyu waluwengi cha kuliya kwa ŵanthu akukandirizgika.+

13 Ndichitiyeni lisungu yimwi Yehova; wonani mo ŵanthu wo atinditinkha atindisuzgiya,

Yimwi yo mutindisoska kuti ndituwi mumageti nga nyifwa.+

14 Kuti ndipharazgi ntchitu zinu zapachanya pamageti nga mwana munthukazi wa ku Ziyoni,+

Ndi kukondwa mu ntchitu zinu za utaski.+

15 Mitundu ya ŵanthu yabira mumbuna yo yingukumba;

Malundi ngawu ngawira muchilepa cho yingubisa.+

17 Ŵanthu aheni aweleriyengi ndi kulazgiya ku Dindi,*

Kweniso mitundu yosi yo yikumuluwa Chiuta.

18 Kweni ŵanthu akavu aluwikengi cha nyengu zosi;+

Ndipu chinanga ntchilindizga cha ŵanthu akufwasa, chimalengi cha.+

19 Sokani yimwi Yehova! Mungazomerezanga cha kuti munthu wapundi.

Mitundu ya ŵanthu yiyeruzgiki pa masu pinu.+

20 Achitiskeni mantha yimwi Yehova,+

Chitiskani kuti mitundu yiziŵi kuti yiwu mbanthu ŵaka. (Selah)

 2 Munthu muheni waskera munthu wambula wakumuwovya mwakujikuzga,+

Kweni iyu wawirengi muviŵana vo watuthya.+

 3 Pakuti munthu muheni watijikuzga chifukwa cha vinthu viheni vo wakhumba+

Ndipu watumbika munthu wambunu;*

נ [Nun]

Kweniso wayuyuwa Yehova.

 4 Chifukwa cha kujikuzga kwaki, munthu muheni wafufuza cha;

Maŵanaŵanu ngaki ngosi ngakuti: “Kulivi Chiuta.”+

 5 Vinthu vo wachita vitimuyende umampha,+

Kweni vyeruzgu vinu, iyu wangavivwisa cha;+

Arwani ŵaki wosi watiŵanyoza.

 6 Mumtima mwaki wakamba kuti: “Ndisukunyikengepu cha;*

Pakuti kutuwa mugonezi mpaka mugonezi

Ini ndiwonengi soka cha.”+

 7 Mulomu waki wazaza mazu ngakutemba, maboza ndipuso kuwofyeza;+

Kusi kwa lilimi laki kwe masuzgu ndi urwirwi.+

 8 Wabisamiya ŵanthu kufupi ndi mizi;

Kutuliya pamalu po wabisama, wabaya munthu wambula kunanga.+

10 Munthu yo wakoleka wapumika ndi kuwisikiya pasi;

Ŵanthu wo achita soka awiya mumanja ngaki nganthazi.*

Munthu yo wakumana ndi soka wang’anamukiya kwaku yimwi;+

Yimwi mutovya mwana wambula awisi.*+

15 Fyoni janja la munthu muheni ndipuso wankhaza,+

Mwakuti asani mufufuza ntchitu zaki ziheni,

Zingasanirikanga so cha.

18 Muchitiyengi urunji ŵana ambula awusewu kweniso wo atekenyulika,+

Kuti munthu wa pacharu chapasi waleki kuŵawofyeza.+

 2 Wonani mo ŵanthu aheni akungiya uta;

Aŵika muvu wawu pachingwi cha uta,

Kuti alasi ŵanthu a mtima wakunyoloka kutuliya mu mdima.

 3 Asani mafawundeshoni* ngabwangandulika,

Kumbi munthu murunji wangachitanji?”

 5 Yehova wasanda munthu murunji ndipuso munthu muheni;+

Kweniso iyu watinkha munthu weyosi yo watanja chiwawa.+

 6 Ŵanthu aheni waŵawisiyengi viŵana;*

Mukapu yawu muŵengi motu ndi sulufule+ kweniso chimphepu chakotcha.

12 Nditaskeni yimwi Yehova, pakuti munthu wakugomezgeka kulivi;

Ŵanthu akugomezgeka asoŵa pakati pa ŵanthu.

 2 Ŵanthu apusikana;

Ndi milomu yawu alongoro mazu ngakukopa,* ndipu alongoro ndi mitima yachinyengu.*+

 3 Yehova wacheketengi milomu yosi yachinyengu

Kweniso malilimi ngo ngalongoro mwakujikuzga,+

 4 Ŵanthu wo akamba kuti: “Vinthu vitiyendiyengi umampha chifukwa cha malilimi ngidu.

Tigwiriskiya ntchitu milomu yidu mo takhumbiya;

Ndiyani wangatilamula?”+

 5 Yehova wakamba kuti: “Chifukwa cha kukandirizgika kwa ŵanthu wo asuzgika,

Chifukwa cha kutamantha kwa ŵanthu akavu,+

Ndisokengi kuti ndichitepu kanthu,

Ndiŵataskengi ku ŵanthu wo atiŵayuyuwa.”*

 6 Mazu ngaku Yehova ngakutowa;+

Nge nge siliva wakuyengetulika maulendu 7 mung’anju ya mudongu.*

 7 Yimwi Yehova muŵavikiliyengi;+

Muvikiliyengi weyosi waku yiwu ku mugonezi uwu mpaka muyaya.

 8 Ŵanthu aheni atendatenda kwekosi kwambula wakuŵakaniza,

Pakuti ŵana a ŵanthu achiska mijalidu yabwekabweka.+

 2 Kumbi ndifipengi mtima mpaka zuŵanji,

Kweniso kuja ndi mtima wachitima zuŵa lelosi?

Ngweruskani masu ngangu kuti ndileki kugona tulu ta nyifwa,

 4 Kuti murwani wangu waleki kukamba kuti: “Ndamuthereska!”

 5 Kweni ini ndigomezga chanju chinu chambula kumala+

Mtima wangu ukondwa chifukwa cha ntchitu zinu za utaski.+

Ntchitu zawu zakuvunda ndipu vo achita vaukazuzi;

Palivi yo wachita vamampha.+

 2 Kweni Yehova walereska ŵana a ŵanthu pacharu chapasi kutuliya kuchanya

Kuti wawoni asani walipu munthu wakuziŵa vinthu pamwenga yo wapenja Yehova.+

 3 Wosi apetuka;+

Wosi ayanana ŵaka ndipu mbachinyengu.

Palivi yo wachita chamampha,

Chinanga njumoza.

 5 Kweni achitengi mantha ngakulu,+

Pakuti Yehova we limoza ndi mugonezi wa ŵanthu arunji.

 6 Yimwi ŵanthu akuchita vinthu viheni mutesesa kutimbanyizga vo munthu wakujiyuyuwa wakhumba kuchita,

Kweni Yehova ndiyu kwakuthaŵiyaku kwaki.+

Asani Yehova wawunganisa so ŵanthu ŵaki kutuwa ku ukapolu,

Yakobe wakondwi, ndipu Isirayeli wasekere.

 2 Ndi mweniyo watenda kwambula kunangisa,*+

Yo wachita cho ntchamampha+

Kweniso walongoro uneneska mumtima mwaki.+

 3 Ndi lilimi laki, wakamba vinthu viheni cha va anyaki,+

Munyaki watimuchitiya vinthu viheni cha,+

Ndipu abwezi ŵaki watiŵalengesa cha.*+

 4 Iyu watinkha weyosi yo wachita vinthu vabwekabweka,+

Kweni watumbika ŵanthu wo atopa Yehova.

 5 Ndalama zaki wakongolesa kuti wasaniriyepu zapachanya cha,+

Ndipu wakana kulonde chinyeda pa mulandu wa munthu wambula kunanga.+

 3 Kweniso akupaturika mucharu,

Ŵanthu wo mbakuzirwa, atindichitiska kuti ndikondwengi ukongwa.”+

Ndazamupunguwapu cha sembi yawu ya chakumwa ya ndopa,

Ndipu milomu yangu yazamuzumbuwapu cha mazina ngawu.+

Ndipu ndija ndi likondwa likulu pa masu pinu;*+

Ku janja linu lamaryi kwe likondwa mpaka muyaya.

17 Yimwi Yehova, vwisiyani po ndipempha kuti ndisaniyi urunji;

Vwisiyani kuliya kwangu kwakupempha chovyu;

Vwani pempheru langu lo ndapemphera kwambula chinyengu.+

 2 Mulandu wangu muwuyeruzgi mwaurunji;+

Masu nginu ngawoni cho ntchakwenere.

 3 Mwasanda mtima wangu, mwandifufuza ndi usiku;+

Ndipu mwandiyengetuwa;+

Chinanga pajumphi nyengu, musaniyengi kuti ndachita chinthu chechosi cha chiheni,

Ndipu mulomu wangu wanangapu cha.

 4 Pa nkhani yakukwaskana ndi vakuchita va ŵanthu,

Mwakukoliyana ndi mazu nga mulomu winu, ndikhwecha nthowa za munthu munkhungu.+

 5 Zomerezani kuti ndikandengi munthowa zinu

Kuti phazi langu lileki kuguŵa.+

 7 Longoni chanju chinu chambula kumala munthowa yakuziziswa,+

Yimwi Mtaski wa ŵanthu wo abisama kujanja linu lamaryi

Chifukwa cha kuthaŵa ŵanthu wo atikugarukiyani.

 8 Ndivikiliyeni nge mboni ya jisu linu;+

Ndibiseni mu mduzi wa mapapa nginu.+

 9 Ndivikiliyeni ku ŵanthu aheni wo atindiyukiya,

Kwa arwani ŵangu* wo andizunguliya.+

10 Yiwu mbakukulungundiya;*

Ndi milomu yawu alongoro mwakujikuzga;

11 Sonu yiwu atizunguliya;+

Apenja mpata wakuti atiwisi.*

12 Murwani wenge nkharamu yo yikhumba kuvikita nyama yo yako,

Nge nkharamu yimana yo yiŵendere nyama.

13 Sokani yimwi Yehova, kuti mumalani nayu+ ndipuso mumuwisiyi pasi;

Nditaskeni ku munthu muheni mwakugwiriskiya ntchitu lipanga linu;

14 Yimwi Yehova, nditaskeni ndi janja linu,

Ku ŵanthu a mucharu ichi,* wo chigaŵa chawu mbumoyu wenuwu,+

Wo mutiŵagutisa ndi vinthu vamampha vo mupereka+

Kweniso wo asiliya chihara ŵana ŵawu anandi.

15 Kweni ini, ndiwonengi chisku chinu chifukwa cha urunji;

Ndikhorwa kuyuka pa masu pinu.*+

Kwaku yo walongozga sumu. Sumu yaku Davidi mteŵeti waku Yehova, yo wakambiyanga Yehova mazu nga mu sumu yeniyi pa zuŵa lo Yehova wangumutaska mu manja mwa arwani ŵaki wosi kweniso ku janja laku Sauli. Iyu wangukamba kuti:+

Chiuta wangu ndi jalawi langu,+ ini ndibisama mwaku iyu,

Iyu ntchishangu changu ndipuso sengwi* langu la utaski,* malu ngangu ngakuthaŵiyaku ngakuvikilirika.*+

 3 Ini ndidana Yehova, yo ngwakwenere kumuthamika,

Ndipu nditaskikengi kwa arwani ŵangu.+

 4 Vingwi va nyifwa vingundizingiliza;+

Chigulu cha ŵanthu abwekabweka chingundiwofyeza.+

 5 Vingwi va Dindi* vingundizingiliza;

Ndipu viŵana va nyifwa vingulimbana nani.+

 6 Pa nyengu yo ndasuzgikanga ndingudana Yehova,

Ndingulutirizga kuliriya Chiuta wangu kuti wandiwovyi.

Iyu wanguvwa mazu ngangu we munyumba yaki yakusopiyamu,+

Ndipu kuliya kwangu kwakupempha chovyu kunguvwika mumakutu ngaki.+

 7 Pavuli paki, charu chingwamba kusukunyika ndi kundengandenga;+

Mafawundeshoni nga mapiri ngangunjekeme

Ngangusukunyikiya uku ndi uku chifukwa chakuti angumukwiyisa.+

 8 Josi lingutoloroka kutuwa mumphunu zaki,

Ndipu mumulomu mwaki mungutuwa motu wakupiriza;+

Maka ngamotu ngangukole kutuwa mwaku iyu.

 9 Wachisika, wanguchitiska kuti kuchanya kugombeteke,+

Ndipu kusi kwa maphazi ngaki kwenga mdima ukulu.+

11 Pavuli paki, iyu wangujibenekere mu mdima,+

Ungumuzunguliya nge chigongwi,

Penga maji ngafipa kweniso mitambu yakuti bii.+

12 Kutuwa mu ukweru wo wenga panthazi paki

Matalala kweniso maka ngakunyeka ngangumbotoka kutuliya mumitambu.

13 Pavuli paki, Yehova wangwamba kugululusa kuchanya;+

Wapachanya Limu wanguchitiska kuti mazu ngaki ngavwiki+

Limoza ndi matalala kweniso maka ngamotu.

14 Iyu wanguponya mivi yaki ndipu wanguŵambininiska;+

Wanguponya limphezi laki ndipu wanguchitiska kuti atimbanyizgiki.+

15 Maji nga pasi nganguwoneka;+

Mafawundeshoni nga charu nganguwoneke pakweru chifukwa cha kuchenya kwinu yimwi Yehova,

Chifukwa cha mvuchi wanthazi wakutuwa mumphunu mwinu.+

16 Wangutambasuwa janja laki kutuliya kuchanya;

Wangundiko ndipu wangundizuwuwa mumaji ngandimba.+

17 Wangunditaska ku murwani wangu wanthazi,+

Ku ŵanthu wo atinditinkha, wo ŵenga anthazi kuluska ini.+

18 Yiwu angundiyukiya pa zuŵa lo ndingukumana ndi suzgu,+

Kweni Yehova wangundiwovya.

19 Iyu wangunditole kumalu ngakuvikilirika;*

Wangunditaska chifukwa chakuti nditimukondwesa.+

20 Yehova watindipaska mphotu mwakukoliyana ndi urunji wangu;+

Watindiweze mwakukoliyana ndi kuŵavi mulandu* kwa manja ngangu.+

22 Vyeruzgu vaki vosi ve pa masu pangu;

Marangu ngaki ndingalekengepu cha.

23 Ndilutirizgengi kuja wambula kafukwa pa masu paki,+

Ndipu ndichitengi ubudi cha.+

24 Yehova wandiweze mwakukoliyana ndi urunji wangu,+

Mwakukoliyana ndi kuŵavi mulandu kwa manja ngangu pa masu paki.+

25 Munthu wakugomezgeka mutimuchitiya vinthu mwakugomezgeka;+

Munthu wambula kafukwa mutimuchitiya vinthu mwaurunji.+

26 Ku munthu wakutowa mutijilongo kuti mwe akutowa,+

Kweni ku munthu muryarya mutijilongo kuti mwe akuchenje.+

28 Pakuti yimwi ndimwi mubuska nyali yangu, yimwi Yehova,

Chiuta wangu yo watindimbulikiya mu mdima.+

29 Ndi chovyu chinu, ndingalimbana ndi gulu la vigeŵenga;+

Ndi nthazi zaku Chiuta, ndingakwera mpanda.+

30 Nthowa yaku Chiuta wauneneska njakufikapu;+

Mazu ngaku Yehova ngakuyengetulika.+

32 Chiuta wauneneska ndiyu watindivwalika nthazi,+

Ndipu iyu wachitiskengi kuti nthowa yangu yije yakufikapu.+

33 Wachitiska kuti maphazi ngangu ngaje nge nga mphoyu;

Ndipu watindimika pamalu ngapachanya.+

34 Wasambiza manja ngangu mo ngangachitiya nkhondu;

Ndipu manja ngangu ngangakunga uta wamkuŵa.

35 Yimwi mutindipaska chishangu chinu cha utaski,+

Janja linu lamaryi litindiwovya,

Ndipu kujiyuyuwa kwinu ndiku kutindikweza.+

36 Musanuska nthowa ya malundi ngangu;

Maphazi ngangu ngateremukengi* cha.+

37 Nditchimbizengi arwani ŵangu ndipu ndiŵajumphengi;

Ndiweleriyengi cha mpaka po wosi amaliya.

38 Ndiŵaphwanyengi, mwakuti ayukengi so cha;+

Yiwu awiyengi kusi kwa maphazi ngangu.

39 Yimwi mundipaskengi nthazi zakuchitiya nkhondu;

Ndipu muchitiskengi kuti arwani ŵangu awi pasi pangu.+

40 Muchitiskengi kuti arwani ŵangu andithaŵi;*

Ndipu ŵanthu wo atinditinkha ndiŵamalengi.*+

41 Yiwu aliya kweniso apempha chovyu, kweni palivi wakuti waŵataski;

Aliriya so Yehova, kweni watiŵamuka cha.

44 Vo atuvwa viŵachitiskengi kuti andivwiyengi;

Alendu azengi kwaku ini achikwaŵa chifukwa cha mantha;+

45 Alendu achitengi mantha;*

Atuwengi mumalu ngawu ngakuvikilirika ndipu azengi achimbwambwanthiya.

47 Chiuta wauneneska ndiyu waweze mumalu mwaku ini;+

Iyu wathereska ŵanthu ndi kuŵaŵika pasi pangu.

48 Iyu watinditaska kwa arwani ŵangu wo akwiya.

Yimwi mutindinyamuliya muchanya kuti ŵanthu wo atindiyukiya aleki kundikwaska;+

Ndipu mutinditaska ku munthu wankhaza.

49 Ndichu chifukwa chaki nditikukankhuskani yimwi Yehova pakati pa mitundu,+

Ndipu ndimbengi sumu zakuthamika* zina linu.+

50 Iyu walutirizga kuchitiya fumu yaki ntchitu zikulu za utaski;*+

Ndipu walongo wakusankhika waki chanju chambula kumala,+

Kwaku Davidi kweniso ku mphapu* yaki mpaka muyaya.+

19 Vakuchanya vipharazga unkhankhu waku Chiuta;+

Vamude vipharazga ntchitu za manja ngaki.+

 2 Zuŵa ndi zuŵa vituzga mazu,

Ndipu usiku ndi usiku vivumbuwa zeru.

 3 Vilongoro cha, ndipu vilivi mazu;

Mazu ngaki ngavwika cha.

 4 Kweni kupoma kwaki kwafika* mucharu chosi,

Ndipu uthenga waki wafika kuvigoti va charu chapasi.+

Lumwi walijinthiya hema kuchanya;

 5 Le nge munthulumi mweneku wa nthengwa yo watuwa muchipinda chakunozgekiyamu zowala;

Likondwa nge munthu wanthazi yo watchimbiya munthowa yaki.

 6 Lituwa kuchigoti chinyaki cha kuchanya,

Ndipu lizunguliya mpaka kuchigoti chinyaki;+

Palivi cho chibisama kuti chileki kuvwa kotcha kwaki.

 8 Marangu ngaku Yehova ngarunji, ngakondwesa mtima;+

Dangu laku Yehova ndakutowa, lingweruska masu.+

10 Vakukhumbirika ukongwa kuluska golidi,

Kuluska golidi wamampha* ukongwa,+

Ndipuso vakunowa kuluska uchi,+ uchi wo unthonya muvisa.

11 Mteŵeti winu watcheŵeskeka navu;+

Asani munthu wativisunga, walonde mphotu yikulu.+

13 Kanizani mteŵeti winu kuti waleki kuchita vinthu mwakujikuzga;+

Mungazomerezanga cha kuti kundithereski.+

Mwaviyo, ndijengi wakufikapu,+

Ndipuso wambula mulandu pa nkhani ya maubudi ngakulu.*

14 Mazu nga pamulomu pangu ndipuso vinthu vo ndilunguruka mumtima mwangu,

Vikukondweseningi yimwi Yehova,+ Jalawi langu+ ndipuso wakundiwombo.+

 2 Wakutumiziyi chovyu kutuliya kumalu ngakupaturika+

Kweniso wakuwovyi kutuliya ku Ziyoni.+

 3 Iyu wakumbuki sembi zaku zosi zo upereka nge mphasu;

Sembi yaku yakupiriza wayilonde mwakukondwa.* (Selah)

 5 Tidanirizengi mwakukondwa chifukwa cha ntchitu zinu za utaski;+

Tikwezengi mbendera zidu mu zina laku Chiuta widu.+

Iyu watimumuka kutuliya kuchanya kwaki kwakupaturika

Ndi utaski ukulu* mwakugwiriskiya ntchitu janja laki lamaryi.+

 7 Anyaki athemba magaleta penipo anyaki athemba mahachi,+

Kweni isi tidaniya pa zina laku Yehova Chiuta widu.+

 8 Yiwu aguŵa ndipu awa pasi,

Kweni isi tasoka ndipu taweriyamu.+

21 Yimwi Yehova, fumu yikondwa chifukwa cha nthazi zinu;+

Ndipu yikondwa ukongwa chifukwa cha ntchitu zinu za utaski!+

 2 Mwayipaska vo mtima waki ukhumba,+

Ndipu mwayinola cha vo milomu yaki yapempha. (Selah)

 3 Pakuti mwakumana nayu ndipu mwayipaska vitumbiku vinandi;

Mwayivwalika chisoti cha ufumu cha golidi wamampha ukongwa.*+

 4 Iyu yingupempha umoyu, ndipu yimwi munguyipaska,+

Munguyipaska umoyu utali,* wamuyaya.

 6 Mwachitiska kuti yitumbikiki mpaka muyaya;+

Mwachitiska kuti yikondwi pa masu pinu.+

 7 Pakuti fumu yithemba Yehova;+

Ndipu yisukunyikengi* cha chifukwa cha chanju chambula kumala cha Wapachanya Limu.+

 8 Janja linu lisaniyengi arwani ŵinu wosi;

Janja linu lamaryi lisaniyengi ŵanthu wo atikutinkhani.

10 Mwazamunanga mphapu yawu kuti yituwepu* pacharu chapasi,

Ndipu mphapu yawu mwazakuyituzgapu pakati pa ŵana a ŵanthu.

11 Pakuti yiwu akhumbanga kuchita vinthu vo yimwi mutinkha;+

Yiwu anozga viŵembu vo vifiskikengi cha.+

12 Kweni yimwi muŵachitiskengi kuti awelere+

Pakuti muŵaguziyengi uta* winu kuti muŵalasi.*

Ntchifukwa wuli mwe nani kutali?

Ntchifukwa wuli muleka kuvwisiya kuliya ko ndiliya chifukwa cha urwirwi?+

 2 Chiuta wangu, ndi msana ndilutirizga kudana, kweni yimwi mumuka cha;+

Ndipu ndi usiku, ndileka cha kudana.

 3 Kweni yimwi mwe akupaturika,+

Mwazingilizika ndi* kuthamika kwa Ayisirayeli.

 4 Awusefwi athembanga yimwi;+

Angukuthembani, ndipu yimwi mwaŵataskanga.+

 5 Angukuliriyani ndipu ataskikanga;

Angukuthembani ndipu anguguŵiskika cha.*+

 6 Kweni ini nde munthu cha, nde nyongu,

Ndinyozeka* ndi ŵanthu ndipu atindiyuyuwa.+

 7 Wosi wo atindilereska, atindinyoza;+

Atinding’ola ndipu apukunya mitu pakundinyoza.+

 9 Yimwi Ndimwi mukundituzga mumoyu mwa ama,+

Ndimwi munguchitiska kuti ndije wakuvikilirika pa maŵe nga ama.

10 Kutuliya po ndikuwiya, ndikuperekeka* mu manja mwinu kuti mundiphwere;

Kutuliya po ndenga mumoyu mwa ama, yimwi ndimwi Chiuta wangu.

11 Mungajanga nani kutali cha, pakuti suzgu ye pafupi+

Ndipu ndilivi so munyaki wakuti wandiwovyi.+

12 Matholi* nganthulumi ngandizingiliza;+

Ng’ombi zinthulumi zanthazi za ku Bashani zandizingiliza.+

13 Zapambawuwa milomu yawu kuti zilimbani nani,+

Nge nkharamu yakukoroma yo yitwazuwa nyama yakuti yiryi.+

14 Ndipungulika nge maji;

Viwanga vangu vosi vatuwamu mumalunga.

Mtima wangu waja nge phula;+

Usongonoka mukati mwangu.+

15 Nthazi zangu zamila nge dinga;*+

Lilimi langu lakaniriya kuchavu changu;+

Mutindilutisa kufuvu la nyifwa.+

16 Pakuti agalu andizingiliza;+

Andiwumbiriya nge chigulu cha ŵanthu akuchita vinthu viheni,+

Nge nkharamu, alimbana ndi manja kweniso malundi ngangu.+

18 Yiwu agaŵana malaya ngangu,

Ndipu chakuvwala changu achichitiya mayeri.+

Taskani umoyu wangu wakuzirwa* ku njoŵi za*galu;+

21 Nditaskeni mumulomu wa nkharamu+ ndipuso ku masengwi nga ng’ombi zamudondu;*

Ndimukeni ndipu nditaskeni.

22 Ndipharazgengi zina linu kwa abali ŵangu;+

Pakati pa mpingu, ndikuthamikeningi.+

24 Pakuti iyu wamunyoza cha pamwenga kumutinkha munthu wakukandirizgika;+

Wamubisa cha chisku chaki kuti waleki kuchiwona.+

25 Ndikuthamikeningi mu mpingu ukulu;+

Vo ndalapizga, ndivifiskengi pa masu pa ŵanthu wo atimuwopa.

26 Akufwasa aryengi ndipu agutengi;+

Wo apenja Yehova amuthamikengi.+

28 Pakuti ufumu ngwaku Yehova;+

Iyu walamuliya mitundu ya ŵanthu.

29 Ŵanthu wosi akuzirwa* a pacharu, azamukurya ndipu azamujikama;

Wosi wo asikiya kufuvu azakukujikamiyani;

Pakati pawu, palivi yo wangataska umoyu waki.

30 Ŵana ŵawu* azakumuteŵete;

Mugonezi wo utuza wazamukuvwa vakukwaskana ndi Yehova.

 2 Watindigoneka mu uteka wakubiriŵira;

Watindilongozga kumalu ngakupumuliya ko kwe maji nganandi.*+

 4 Chinanga kuti nditenda mudambu la mdima ukulu,+

Nditopa chechosi cha,+

Pakuti yimwi, mwe nani;+

Nthonga yinu ndi nduku yinu vitindichiska.*

Mutu wangu mutiwusisipuwa ndi* mafuta;+

Kapu yangu yazaza umampha.+

 6 Nadi panu, umampha ndipuso chanju chambula kumala vindilondongi mazuŵa ngosi nga umoyu wangu,+

Ndipu ndijengi munyumba yaku Yehova mazuŵa ngangu ngosi.+

24 Charu ndi vinthu vosi vo ve mwenimo vaku Yehova,+

Charu kweniso wosi wo ajamu vaki.

 2 Pakuti charu chapasi wakuchijalikiska mwakukho pachanya pa nyanja+

Ndipu wakuchijalikiska mwakukho pachanya pa misinji.

 3 Ndiyani yo wangakwere kuphiri laku Yehova,+

Ndipu ndiyani yo wangama mumalu ngaki ngakupaturika?

 4 Weyosi yo we ndi manja ngambula mulandu kweniso mtima wakutowa,+

Yo wakulapizgapu cha vaboza mwakuzumbuwa umoyu Wangu,*

Pamwenga kulapizga mwachinyengu.+

 5 Iyu wazamulonde vitumbiku kutuliya kwaku Yehova+

Ndipuso urunji kutuliya kwaku Chiuta waki wa utaski.+

 6 Uwu ndiwu mugonezi wa ŵanthu wo atimupenja,

Wa ŵanthu wo apenja chisku chinu yimwi Chiuta waku Yakobe. (Selah)

 7 Yunuskani mitu yinu yimwi mageti;+

Julikani* yimwi makhomu ngakali,

Kuti Fumu yaunkhankhu yisere!+

Yehova, wanthazi kweniso chinkhara,+

Yehova, chinkhara pa nkhondu.+

 9 Yunuskani mitu yinu yimwi mageti;+

Julikani yimwi makhomu ngakali,

Kuti Fumu yaunkhankhu yisere!

 2 Chiuta wangu, ndithemba yimwi;+

Mungazomerezanga cha kuti ndilengeseki.+

 3 Hinya, palivi munthu yo walindizga yimwi yo walengesekengi,+

Kweni soni zikhaza ŵanthu wo achita uryarya kwambula chifukwa.+

 4 Ndiziŵiseni nthowa zinu yimwi Yehova;+

Ndisambizeni menderu nginu.+

 5 Ndiyendeseni mu uneneska winu ndipu ndisambizeni,+

Pakuti yimwi ndimwi Chiuta wangu wa utaski.

 6 Kumbukani lisungu linu yimwi Yehova, ndipuso chanju chinu chambula kumala,+

Vo yimwi mwavilongo kutuwa kali.*+

Mundikumbuki mwakukoliyana ndi chanju chinu chambula kumala,+

Chifukwa cha umampha winu yimwi Yehova.+

 9 Ŵanthu akufwasa waŵalongozgengi mu cho ntchakwenere,*+

Kweniso wasambizengi ŵanthu akufwasa nthowa yaki.+

10 Nthowa zosi zaku Yehova ntchanju chambula kumala kweniso kugomezgeka

Ku ŵanthu wosi wo asunga phanganu laki+ kweniso vikumbusu vaki.+

11 Chifukwa cha zina linu yimwi Yehova,+

Ndigowokiyeni ubudi wangu, chinanga kuti ngukulu.

13 Iyu wawonengi vinthu vamampha,+

Ndipu mphapu* yaki yiharengi charu chapasi.+

14 Ŵanthu wo atopa Yehova ndiwu aja nayu pa ubwezi wakukho,+

Ndipu iyu watiŵaziŵisa phanganu laki.+

15 Nyengu zosi masu ngangu ngalereska kwaku Yehova,+

Pakuti iyu wafwatuwengi maphazi ngangu muchilepa.+

16 Lazgisiyani chisku chinu kwaku ini ndipu ndilongoni lisungu,

Pakuti nde ndija kweniso palivi wakuti wandiwovyi.

17 Masuzgu nga mtima wangu ngaŵa nganandi;+

Ndifwatuweni ku urwirwi wangu.

18 Wonani kufyekeka kwangu kweniso masuzgu ngangu,+

Ndipu mundigowoke maubudi ngangu ngosi.+

19 Wonani, arwani ŵangu mbanandi ukongwa

Kweniso atinditinkha ukongwa.

21 Kugomezgeka ndipuso kunyoloka vindivikiliyi,+

Pakuti ini ndilindizga yimwi.+

26 Ndiyeruzgeni yimwi Yehova, pakuti ndayenda mu kugomezgeka kwangu;+

Ini ndathemba Yehova mwambula kusukunyika.+

 2 Ndisandeni yimwi Yehova, ndipu ndiyeseni;

Yengetuwani maŵanaŵanu nga mukati mwangu* ndipuso mtima wangu.+

 3 Pakuti chanju chinu chambula kumala che pa masu pangu nyengu zosi,

Nditenda mu uneneska winu.+

 4 Ini ndicheza cha* ndi ŵanthu aryarya,+

Kweniso ndikhwecha ŵanthu wo abisa mijalidu yawu.*

 5 Nditinkha kuja ndi ŵanthu wo achita viheni+

Ndipu ndikana kucheza* ndi ŵanthu aheni.+

 6 Ndisambengi mumanja mwangu kuti ndilongo kuti ndilivi mulandu,

Ndipu ndizunguliyengi guŵa linu la sembi, yimwi Yehova,

 7 Kuti mazu ngakuwonga ngavwiki+

Kweniso kuti ndipharazgi ntchitu zinu zosi zakuziziswa.

 8 Yehova, nditanja nyumba yinu yo mujamu,+

Malu ngo kuja unkhankhu winu.+

 9 Mungandipeyiyanga limoza ndi akubuda cha+

Pamwenga kutuzgapu umoyu wangu limoza ndi ŵanthu ankhaza,*

10 Wo manja ngawu ngachitaku vinthu vakuchitiska soni,

Ndipuso wo janja lawu lamaryi ndakuzaza vinyeda.

12 Phazi langu lama pamalu ngachinyeti;*+

Ndithamikengi Yehova mu mpingu ukulu.*+

 2 Ŵanthu aheni ŵati andiyukiya kuti aryi mnofu wangu,+

Ŵanthu wo alimbananga nani kweniso arwani ŵangu ndiwu anguguŵa ndi kuwa.

 3 Chinanga asilikali angajintha msasa kuti alimbani nani,

Mtima wangu uwopengi cha.+

Chinanga pangabuka nkhondu yakulimbana ndi ini,

Pa nyengu yeniyi napu, ndilutirizgengi kuja ndi chigomezgu.

 4 Pe chinthu chimoza cho ndapempha Yehova,

Ndipu chinthu chenichi ndichu ndipenja,

Ndipenja kuti ndije munyumba yaku Yehova mazuŵa ngosi nga umoyu wangu,+

Kuti ndiwonengi umampha waku Yehova

Kweniso kuti ndilereskengi mwalikondwa* nyumba yaki yakusopiyamu.*+

 5 Pakuti wandibisengi mu mduzi waki pa zuŵa la soka;+

Wandibisengi mumalu ngachisisi muhema laki;+

Pachanya pa jalawi ndipu wandiŵikengi.+

 6 Sonu mutu wangu we pachanya pa arwani ŵangu wo andizunguliya;

Ndiperekengi sembi pahema laki mwakukondwa;

Ndimbengi sumu zakuthamika* Yehova.

 7 Yimwi Yehova, ndivweni pa nyengu yo ndidana;+

Ndichitiyeni lisungu ndipu ndimukeni.+

Yimwi ndimwi mutindiwovya;+

Mungandijowonga cha pamwenga kundisiya, yimwi Chiuta wangu wa utaski.

10 Chinanga ada ndi ama ŵangu chayiwu angandisiya,+

Yehova wanditongi.+

11 Ndisambizeni nthowa yinu, yimwi Yehova,+

Ndilongozgeni mu menderu nginu nga urunji chifukwa cha arwani ŵangu.

12 Lekani kundipereka kwa arwani ŵangu,+

Pakuti akaboni aboza andiyukiya,+

Ndipu atindiwofyeza mwaukali.

13 Mphanyi nde pani asani ndengavi chivwanu

Chakuti ndiwonengi umampha waku Yehova mucharu cha ŵanthu amoyu?*+

14 Lindizga Yehova;+

Ja ndi chiganga kweniso khwima mtima.+

28 Yimwi Yehova Jalawi langu, ini ndidana yimwi;+

Mungandijaliyanga gutu linu cha.

Asani mujengi cheti kwambula kundimuka,

Ndijengi nge ŵanthu wo asikiya kuzenji.*+

 2 Vwani vo nditikuŵeyeriyani asani ndiliya kuti mundiwovyi,

Asani ndasoska manja ngangu kulazgiya kuchipinda chamukati ukongwa cha malu nginu ngakupaturika.+

 3 Mungandiguguziyanga kutali limoza ndi ŵanthu aheni cha, wo achita vinthu vakupweteka anyawu,+

Wo akambiya anyawu mazu ngachimangu kweni mumtima mwe vinthu viheni.+

 4 Aweziyeni chifukwa cha ntchitu zawu,+

Mwakukoliyana ndi vakuchita vawu viheni.

Aweziyeni chifukwa cha ntchitu za manja ngawu,

Mwakukoliyana ndi vo yiwu achita.+

 5 Pakuti yiwu atoliyaku kanthu cha vo Yehova wachita,+

Kweniso ntchitu za manja ngaki.+

 6 Yehova watumbikiki,

Pakuti iyu wavwa kuliya kwangu kwakupempha chovyu.

 7 Yehova ndi nthazi zangu+ kweniso chishangu changu;+

Mtima wangu uthemba iyu.+

Ini ndalonde chovyu chaki, ndipu mtima wangu ukondwa,

Mwaviyo ndimuthamikengi ndi sumu yangu.

 8 Yehova ndi nthazi za ŵanthu ŵaki;

Iyu ndi malu ngakuvikilirika, ndipu wapaska wakusankhika waki utaski ukulu.+

29 Perekani kwaku Yehova vo vitimuyenere, yimwi ŵana a ŵanthu anthazi,

Perekani kwaku Yehova vo vitimuyenere, chifukwa cha unkhankhu ndi nthazi zaki.+

 3 Mazu ngaku Yehova ngavwika pachanya pa maji;

Chiuta waunkhankhu wagululusa.+

 4 Mazu ngaku Yehova nganthazi,+

Mazu ngaku Yehova ngapachanya.

 5 Mazu ngaku Yehova ngatuswa vimiti va sidara;*

Hinya, Yehova wavikita vimiti va sidara va ku Lebanoni.+

 6 Wachitiska kuti Lebanoni* waduki nge tholi,*

Kweniso Siriyoni+ nge ng’ombi yimana yinthulumi yamudondu.*

 7 Mazu ngaku Yehova ngalipuka ndi milipu ya motu;+

 8 Mazu ngaku Yehova ngachitiska kuti chipululu chisukunyiki;+

Yehova wachitiska kuti chipululu cha ku Kadeshi+ chisukunyiki.

 9 Mazu ngaku Yehova ngachitiska kuti mphoyu yinjekeme kweniso kuti yibali

Ndipuso ngachitiska kuti matundu ngapulutuki.+

10 Yehova waja pampandu waufumu, pachanya pa maji ngakusapaliya;*+

Yehova waja pampandu waufumu nge Fumu mpaka muyaya.+

30 Ndikukwezeningi yimwi Yehova, pakuti mwandisoske* muchanya;

Munguzomereza cha kuti arwani ŵangu akondwi chifukwa chaku ini.+

 4 Mbani sumu zakuthamika* Yehova, yimwi mwaŵanthu ŵaki akugomezgeka,+

Wongani zina laki lakupaturika;*+

 5 Chifukwa ukali waki ujalisa cha pa munthu,+

Kweni lisungu laki pa munthu, nda umoyu wosi.+

 8 Yimwi Yehova, ini ndingulutirizga kuliriya yimwi;+

Ndipu ndingulutirizga kuŵeyere Yehova kuti wandichitiyi lisungu.

11 Mwasintha kuliya kwangu kuti kuje kuvina;

Mwandizuwa chigudulu, ndipu mwandivwalika likondwa,

12 Kuti ndimbi* sumu zakukuthamikani mumalu mwa kuja cheti.

Muje phiri langu lakuvikilirika,

Malu nga mpanda wakukho kuti munditaski.+

 3 Pakuti ndimwi jalawi langu ndipuso malu ngangu ngakuvikilirika;+

Chifukwa cha zina linu,+ mundidanjiriyengi ndipuso mundilongozgengi.+

 4 Mundifwatuwengi muchilepa cho andithyiya mwakubisa,+

Pakuti yimwi ndimwi mpanda wangu wakukho.+

 6 Nditinkha ŵanthu wo atijipereka kwa angoza ambula fundu,

Kweni ini ndithemba Yehova.

 7 Ndikondwengi ukongwa chifukwa cha chanju chinu chambula kumala,

Pakuti yimwi mwawona kusuzgika kwangu;+

Ndipuso muziŵa umampha mo ndisuzgikiya maŵanaŵanu.

 8 Mwandipereka cha ku murwani,

Kweni mwandichitiska kuti ndimi mumalu ngakuvikilirika.*

10 Umoyu wangu wamala chifukwa cha chitima+

Ndipuso vyaka vangu vamala chifukwa cha kutamantha.+

Nthazi zangu zimala chifukwa cha ubudi wangu;

Viwanga vangu valopwa.+

11 Arwani ŵangu wosi atindinyoza,+

Ukongwa ŵanthu wo ndija nawu pafupi.

Ndipu anyangu atindiwopa;

Asani andiwona nde pabwalu, atindithaŵa.+

12 Ndikutuzgikamu mumtima* mwawu ndipu ndikuluwika, nge kuti ndikufwa;

Ndaja nge msuku wakusweka.

13 Ndavwa vinthu vinandi viheni vo ŵanthu akamba;+

Mantha ngandizunguliya.

Asani awungana nge munthu yumoza kuti andiyukiyi,

Apangana kuti atuzgepu umoyu wangu.+

Ŵanthu aheni alengeseki;+

Aje cheti mu Dindi.*+

18 Milomu ya boza yisoŵi chakukamba,+

Milomu yo yilongoro mwakunyada, mwakujikuzga kweniso mwakunyoza pakulimbana ndi murunji.

Mwawusungiya ŵanthu wo atikuwopani,+

Kweniso mwawulongo ku ŵanthu wo abisama kwaku yimwi, pa masu pa ŵanthu wosi.+

20 Muŵabisengi mumalu ngachisisi ngo yimwi musanirika,+

Kuti muŵataski ku viŵembu va ŵanthu;

Muŵabisengi mu mduzi winu

Kuti muŵataski ku ŵanthu wo atiŵayukiya.*+

21 Yehova wathamikiki,

Pakuti iyu wandilongo chanju chaki chambula kumala mu nthowa yakuziziswa+ mutawuni yakuzingilizika ndi arwani.+

Yehova wavikiliya ŵanthu akugomezgeka,+

Kweni weyosi yo walongo kujikuzga watimuweze mwakujumphisa.+

24 Jani ndi chiganga, ndipuso mtima winu uje wanthazi,+

Mosi yimwi mulindizga Yehova.+

 2 Ngwakukondwa munthu yo Yehova waleka kumumba mulandu,+

Mweniyo walivi maŵanaŵanu ngachinyengu.

 5 Pakumaliya paki, ndingukusumuliyani ubudi wangu;

Ndingubisa cha vo ndingunanga.+

 6 Ndichu chifukwa chaki munthu weyosi wakugomezgeka wapempherengi kwaku yimwi+

Pa nyengu yo mweche kusanirika.+

 7 Yimwi ndimwi malu ngangu ngakubisamamu;

Mundivikiliyengi ku masuzgu.+

 9 Ungaŵanga nge hachi cha pamwenga nyulu,* yo yivwisa vinthu cha,+

Yo yikhumbika kuyimanga chingwi kumulomu pamwenga mukhosi kuti yileki kuchita mtafu

Yechendazi kufupi ndi yiwi.”

10 Munthu muheni wakumana ndi maurwirwi nganandi;

Kweni yo wathemba Yehova wazingilizika ndi chanju Chaki chambula kumala.+

11 Kondwani mwaku Yehova ndipu sekeriyani, yimwi ŵanthu arunji;

Danirizani mwakukondwa mosi yimwi akunyoloka mtima.

 2 Wongani Yehova mwakugwiriskiya ntchitu bangu;*

Mbani sumu zakumuthamika* mwakugwiriskiya ntchitu chipangizu chakumbiya cha vingwi 10.

 3 Mumbiyeni sumu yifya;+

Mumbi vingwi mwalusu, limoza ndi kudaniriza mwakukondwa.

 4 Pakuti mazu ngaku Yehova ngakunyoloka,+

Ndipu chechosi cho wachita ntchakuthembeka.

 6 Kuchanya kukulengeka ndi mazu ngaku Yehova,+

Ndipu ndi mzimu* wakutuwa mumulomu mwaki, vosi vo ve kweniko vikulengeka.*

 7 Wawunganisa maji nga munyanja nge damu;+

Maji ngo ngatenda mwanthazi watingaŵika munyumba zakusungamu vinthu.

 9 Pakuti iyu wangulongoro ndipu vinguchitika;+

Wangulamula ndipu vingukho.+

10 Yehova watimbanyizga viŵembu va* ŵanthu amitundu;+

Iyu watondekesa vo ŵanthu aŵanaŵananga kuti achiti.+

11 Kweni vo Yehova wasankha kuchita, viŵengepu* mpaka muyaya;+

Maŵanaŵanu nga mtima waki ngaŵapu kutuwa ku mugonezi mpaka ku mugonezi.

12 Ngwakukondwa mtundu wo Chiuta wawu ndi Yehova,+

Ŵanthu wo iyu waŵasankha kuti aje chuma chaki.+

13 Yehova walereska pasi kutuliya kuchanya;

Iyu wawona ŵana wosi a ŵanthu.+

14 Kutuliya kumalu ngaki ko waja,

Iyu walereseska ŵanthu wo aja pacharu chapasi.

15 Iyu ndiyu wapanga mitima ya ŵanthu wosi;

Ndipu wasanda ntchitu zawu zosi.+

16 Palivi fumu yo yitaskika ndi chigulu cha asilikali;+

Munthu wanthazi wataskika ndi nthazi zaki zinandi cha.+

17 Hachi ntchilindizga chaboza cha utaski;+

Yingataska munthu cha chifukwa cha nthazi zaki zinandi.

18 Awonani! Jisu laku Yehova lilereska ŵanthu wo atimuwopa,+

Wo alindizga chanju chaki chambula kumala.

19 Kuti waŵataski ku nyifwa

Kweniso kuti waŵasungi amoyu pa nyengu ya nja.+

21 Mitima yidu yikondwa chifukwa chaku iyu,

Pakuti tithemba zina laki lakupaturika.+

22 Yimwi Yehova, chanju chinu chambula kumala chije paku isi,+

Tichilutirizga kulindizga yimwi.+

34 Ndithamikengi Yehova nyengu zosi;

Pamilomu yangu pajengi sumu zakumuthamika nyengu zosi.

 2 Ndijiŵikengemu chifukwa chaku Yehova;+

Ŵanthu akufwasa avwengi ndipu akondwengi.

 3 Kuzgani Yehova limoza ndi ini;+

Tiyeni pamoza tikwezi zina laki.

 5 Wo alereskanga kwaku iyu anguŵala;

Visku vawu vingulengeseka cha.

 7 Mungelu waku Yehova wajintha msasa mwakuzunguliya ŵanthu wosi wo atopa Chiuta,+

Ndipu watiŵataska.+

 8 Laŵani, ndipu muwonengi kuti Yehova ngwamampha;+

Ngwakukondwa munthu yo wabisama mwaku iyu.

 9 Wopani Yehova yimwi ŵanthu ŵaki wosi akupaturika,

Pakuti ŵanthu wo atimuwopa, asoŵa kekosi cha.+

10 Chinanga ndi nkharamu zimanazimana zanthazi, zisuzgika ndi nja,

Kweni ŵanthu wo apenja Yehova asoŵengi kanthu kekosi cha kamampha.+

11 Zani mwaŵana ŵangu ndipu vwani vo ndikambengi;

Ndikusambizeningi kopa Yehova.+

12 Kumbi ndiyani pakati pinu yo wakondwa ndi umoyu

Ndipu wangayanja kuwona mazuŵa nganandi ngamampha?+

13 Asani ndi viyo, vikiliya lilimi laku ku vinthu viheni,+

Kweniso milomu yaku kuti yileki kulongoro vinthu vachinyengu.+

14 Tuwaku ku chinthu chiheni ndipu chita chamampha;+

Penja chimangu ndipu uchilondo.+

15 Masu ngaku Yehova nge pa ŵanthu arunji,+

Ndipu makutu ngaki ngatuvwa kuliya kwawu kwakupempha chovyu.+

16 Kweni chisku chaku Yehova chisuskana ndi wosi wo achita vinthu viheni,

Kuti wafufuti chechosi cho ŵanthu angaŵakumbuka nachu pacharu chapasi.+

17 Ŵanthu arunji anguliya, ndipu Yehova wanguvwa;+

Iyu wanguŵataska ku masuzgu ngawu ngosi.+

18 Yehova we pafupi ndi wo asweka mtima;+

Iyu wataska wo mzimu wawu watekenyeka.*+

19 Masuzgu* nga munthu murunji ngalipu nganandi,+

Kweni Yehova watimutaska ku masuzgu ngosi ngenanga.+

20 Iyu wavikiliya viwanga vaki vosi;

Palivi chinanga ntchimoza cho chafyoka.+

21 Soka libayengi munthu muheni;

Ndipu wo atinkha munthu murunji asanirikengi ndi mulandu.

22 Yehova wawombo maumoyu nga ateŵeti ŵaki;

Palivi chinanga njumoza mwaku wo abisama mwaku iyu, yo wasanirikengi ndi mulandu.+

35 Yimwi Yehova, ndimiyeni pa mulandu wangu wakulimbana ndi wo atindisuska;+

Limbanani ndi wo alimbana nani.+

 2 Toni chishangu chinu chimana* kweniso chishangu chinu chikulu,+

Ndipu sokani kuti mundivikiliyi.+

 5 Yiwu aje nge mwere wo uputa ndi mphepu;

Mungelu waku Yehova waŵadikisiyi kutali.+

 6 Nthowa yawu yichiti mdima kweniso yiteremuki

Po mungelu waku Yehova watiŵaskera.

 7 Pakuti yiwu andithyiya chilepa kwambula chifukwa kuti ndiwiremu;

Kweniso andikumbiya mbuna kwambula chifukwa.

 8 Soka limuwiyi mwamabuchibuchi;

Iyu wawiri muchilepa cho wangundithyiya;

Kweniso iyu wawiyemu ndi kuparanyika.+

 9 Kweni ndikondwengi mwaku Yehova;

Ndikondwengi chifukwa cha ntchitu zaki za utaski.

Yimwi mutaska ŵanthu ambula wakuŵawovya ku ŵanthu anthazi,+

Mutaska ŵanthu ambula wakuŵawovya kweniso akavu ku ŵanthu wo atiŵabiya.”+

11 Akaboni aryarya asoka,+

Atindifumba vinthu vo ndiziŵapu kekosi cha.

12 Atindiweze vinthu viheni pa vamampha,+

Ndipu atindichitiska kuti ndivwi urwirwi nge munthu yo mubali waki wafwa.

13 Kweni pa nyengu yo yiwu atamanga, ini ndinguvwala chigudulu;

Ndingujisuzga mwa kufunga chakurya,

Ndipu asani mapempheru ngangu ngawelere kwambula kumukika,*

14 Ndayendangayendanga uku ndiliya, nge kuti ndiliriya mubwezi wangu pamwenga mubali wangu;

Ndingujikama nde ndi chitima, nge munthu yo waliya nyifwa ya anyina.

15 Kweni ndati ndaguŵa, angukondwa, ndipu anguwungana pamoza,

Anguwungana pamoza kuti andibayi pavuli pakundibisamiya;

Angunditwazuwa ndipu anguja cheti cha.

16 Ŵanthu ambula kopa Chiuta atindiseka mwachipongu,*

Yiwu atindikukutiya minyu.+

Nditaskeni ku viŵembu vawu,+

Taskani umoyu wangu wakuzirwa* ku nkharamu zimanazimana.*+

18 Ndipu ini ndikuwongeningi mu mpingu ukulu;+

Ndikuthamikeningi pakati pa gulu la ŵanthu.

19 Mungazomerezanga cha kuti ŵanthu wo mbarwani ŵangu kwambula chifukwa, akondwi chifukwa chaku ini;

Mungazomerezanga cha kuti wo atinditinkha kwambula chifukwa+ aphayiyani masu mwakundichitiska soni.+

20 Pakuti yiwu alongoro mazu nga chimangu cha,

Kweni yiwu anozge chiŵembu mwauryarya ŵanthu wo atanja chimangu pacharu.+

21 Yiwu ayasama milomu yawu kuti andimbi mulandu,

Ndipu akamba kuti: “Ehe! Ehe! Tajiwone tija.”

23 Yukani kweniso sokani kuti mundivikiliyi,

Yehova Chiuta wangu, ndimiyeni pa mulandu wangu.

24 Ndiyeruzgeni mwakukoliyana ndi urunji winu,+ Yehova Chiuta wangu;

Mungazomerezanga cha kuti yiwu akondwi chifukwa chaku ini.

26 Wosi achiti soni kweniso alengeseki,

Wo asekere chifukwa cha soka langu.

27 Kweni ŵanthu wo akondwa chifukwa cha urunji wangu, adanirizi mwalikondwa;

Nyengu zosi akambengi kuti:

28 Pavuli paki, lilimi langu likambengi* urunji winu+

Kweniso kukuthamikani zuŵa losi lamphumphu.+

36 Mphulupulu zilongoro ndi munthu muheni mukati mumtima waki;

Pa masu paki, palivi kopa Chiuta.+

 2 Pakuti mu masu mwaki, watijikuzga ukongwa

Ndipu watondeka kuziŵa kweniso kutinkha ubudi waki.+

 3 Mazu ngakutuliya pamulomu paki ngakupweteka kweniso ngachinyengu;

Iyu walongo zeru cha pa nkhani yakuchita cho ntchamampha.

Iyu wajalikiskika pa nthowa yiheni;

Kweniso wakana cha cho ntchiheni.

 5 Yimwi Yehova, chanju chinu chambula kumala chifika kuchanya,+

Ndipu kugomezgeka kwinu kufika kumitambu.

 6 Urunji winu we nge mapiri ngaunkhankhu;*+

Vyeruzgu vinu ve nge maji nganandi ngandimba.+

 8 Yiwu atumwa mpaka kuguta kutuliya pa vinthu vinandi va* munyumba yinu,+

Ndipu mutiŵachitiska kuti amwi mumsinji wa vinthu vinu vakukondwesa.+

 9 Chisimi cha umoyu che ndi yimwi;+

Chifukwa cha ukweru winu tiwona ukweru.+

10 Lutirizgani kuŵalongo chanju chinu chambula kumala ŵanthu wo atikuziŵani,+

Kweniso kuŵalongo urunji winu ŵanthu wo ŵe ndi mtima wakunyoloka.+

11 Mungazomerezanga cha kuti phazi la munthu wakujikuzga lindikandi

Pamwenga kuti janja la munthu muheni lindidikisi.

12 Penipo ndipu awiya ŵanthu wo achita vinthu viheni;

Yiwu awisikiya pasi, ndipu angayuka so cha.+

37 Ungaguŵanga* cha chifukwa cha ŵanthu aheni

Pamwenga kuchitiya sanji ŵanthu wo achita vinthu viheni.+

 2 Yiwu afotengi liŵiliŵi nge uteka+

Kweniso amirengi nge uteka wakubiriŵira wo wame ŵaka sonu.

 3 Gomezga Yehova ndipu chita cho ntchamampha;+

Ja mucharu chapasi ndipu chita vinthu mwakugomezgeka.+

 4 Ukondwi* ukongwa mwaku Yehova,

Ndipu iyu wakupaskengi vosi vo mtima waku ukhumba.

 5 Pereka nthowa yaku kwaku* Yehova;+

Umuthembi ndipu iyu wakuwovyengi.+

 6 Iyu wachitiskengi kuti urunji waku uŵali nge matandakucha,

Kweniso cheruzgu chaku chaurunji nge lumwi la msana pakati.

 7 Ja cheti pa masu paku Yehova+

Ndipu umulindizgi mwalinweka.*

Ungaguŵanga cha chifukwa cha munthu

Yo wafiska viŵembu vo wanozga.+

 8 Leka kukwiya ndipu jowo ukali;+

Ungaguŵanga cha mpaka kuchita chinthu chiheni.*

 9 Pakuti ŵanthu aheni azamubayika,+

Kweni wo alindizga Yehova, azamulonde charu chapasi.+

10 Kwaja kanyengu kamanavi ndipu ŵanthu aheni azamuŵaku so cha;+

Wazamulereska po ajanga,

Ndipu azamusanirikapu cha.+

11 Kweni akufwasa azamulonde charu chapasi,+

Ndipu azamukondwa ukongwa ndi chimangu chikulu.+

12 Munthu muheni wanozge chiŵembu munthu murunji;+

Iyu watimukukutiya minyu.

13 Kweni Yehova wamusekengi,

Pakuti Iyu waziŵa kuti zuŵa laki lituza.+

14 Ŵanthu aheni asolo malipanga ngawu kweniso akunga* mauta ngawu

Kuti awisi ŵanthu akukandirizgika kweniso akavu,

Kuti abayi ŵanthu wo nthowa yawu njakunyoloka.

15 Kweni malipanga ngawu ngalasengi mitima yaku yiwu ŵeneku;+

Ndipu mauta ngawu ngafyokengi.

16 Vinthu vimanavi va munthu murunji vamampha

Kuluska vinthu vinandi va ŵanthu anandi aheni.+

17 Pakuti manja nga ŵanthu aheni ngafyokengi,

Kweni Yehova wawovyengi munthu murunji.

18 Yehova waziŵa vinthu vo ŵanthu ambula kafukwa akumana navu,*

Ndipu chihara chawu chazamuŵaku mpaka muyaya.+

19 Yiwu azamuchita soni cha pa nyengu ya suzgu;

Pa nyengu ya nja, yiwu azamukuŵa ndi chakurya chinandi.

20 Kweni ŵanthu aheni azamumaliya limu;+

Arwani aku Yehova azamuzilimitiya nge uteka wamampha ukongwa wa kumalu ngakuliskaku viŵetu;

Yiwu azamuzilimitiya nge josi.

21 Munthu muheni wabwereka kweni waweza cha,

Kweni munthu murunji ngwamasangu* ndipuso ngwakupaska.+

22 Ŵanthu wo Chiuta waŵatumbika azamulonde charu chapasi,

Kweni wo Iyu waŵatemba azamubayika.+

23 Yehova walongozga* maphazi nga munthu+

Asani Iyu wakondwa ndi nthowa yaki.+

24 Chinanga wangawa, wawisikiyengi limu cha,+

Pakuti Yehova wamuwovyengi ndi janja Laki.+

25 Kali ndenga mwana ndipu sonu ndakuwa,

Kweni ndechendawonepu munthu weyosi murunji wachijowoleka,+

Pamwenga ŵana ŵaki achipempha chakurya.+

26 Nyengu zosi munthu murunji wabwerekesa kwawezi,+

Ndipu ŵana ŵaki alondiyengi vitumbiku.

27 Tuwaku ku chinthu chiheni, chita cho ntchamampha,+

Ndipu wazamuja kwamuyaya.

28 Pakuti Yehova watanja cheruzgu chaurunji,

Ndipu wazakuŵajowo cha ŵanthu ŵaki akugomezgeka.+

Nyengu zosi yiwu avikilirikengi;+

Kweni mphapu ya munthu muheni yazamubayika.+

29 Ŵanthu arunji azamulonde charu chapasi,+

Ndipu azamuja mwenimo kwamuyaya.+

30 Mulomu wa munthu murunji upereka zeru,*

Ndipu lilimi laki lilongoro vinthu vaurunji.+

31 Dangu laku Chiuta waki le mumtima mwaki;+

Maphazi ngaki ngateremukengi cha.+

32 Munthu muheni waŵenda munthu murunji,

Iyu wapenja kuti wamubayi.

33 Kweni Yehova wamuperekengi cha mu manja mwa munthu muheni+

Pamwenga kumusaniya ndi mulandu pa nyengu yo wayeruzgika.+

34 Lindizga Yehova ndipu londo nthowa yaki,

Iyu wazakukukweza kuti ulonde charu chapasi.

35 Ini ndikuwonapu munthu muheni kweniso wankhaza

Wachithaza nge chimiti chakubiriŵira cho che panyata yaki.+

36 Kweni iyu wakufwa mwamabuchibuchi ndipu wakuluta;+

Ndingumupenjapenja kweni ndingumusaniya cha.+

37 Wona munthu wambula kafukwa,*

Kweniso wonesesa munthu wakunyoloka,+

Pakuti munthazi, munthu mwenuyu wazamusaniya chimangu.+

38 Kweni ŵanthu wosi amphulupulu azamubayika;

Munthazi, ŵanthu aheni azamudumulika.+

39 Utaski wa ŵanthu arunji utuliya kwaku Yehova;+

Iyu ndi mpanda wawu wakukho pa nyengu ya suzgu.+

40 Yehova waŵawovyengi ndipuso waŵataskengi.+

Iyu waŵataskengi ku ŵanthu aheni ndipu waŵapozomoskengi,

Chifukwa chakuti abisama mwaku iyu.+

38 Yimwi Yehova, mungandichenyanga mwakwiya cha,

Kweniso mungandinyoloskanga mwe ndi ukali cha.+

 2 Pakuti mivi yinu yandilasa ndipu yasere mukati ukongwa,

Kweniso janja linu landididimiziya pasi.+

 4 Pakuti maubudi ngangu ngathopoka kuluska mutu wangu;+

Ndipu ngajumpha msinkhu wangu nge katundu muzitu.

 5 Vilonda vangu vinunkha kweniso vavunda

Chifukwa cha uzereza wangu.

 6 Ndasuzgika ukongwa maŵanaŵanu kweniso ndalopwa ukongwa;

Zuŵa losi lamphumphu, nditenda nde ndi chitima.

 7 Mukati mwangu mukole motu;*

Liŵavu langu losi latama.+

 8 Ndazilirika kweniso ndatekenyulika ukongwa;

Mtima wangu uŵaŵa ukongwa ndipu utindichitiska kuti nditamanthengi mwakudaniriza.*

 9 Yimwi Yehova, vosi vo ndikhumba mutiviziŵa,

Ndipu kutamantha kwangu nkhwakubisika cha kwaku yimwi.

10 Mtima wangu ugung’usa ndipu nthazi zangu zamala,

Kweniso ukweru wa masu ngangu wandithaŵa.+

11 Abwezi ŵangu kweniso anyangu atindikhwecha chifukwa cha soka langu,

Ndipu anyangu ukongwa atuma kutali.

12 Wo apenja umoyu wangu atuthya viŵana;

Wo apenja kundipweteka, akamba vinthu vakupasuwa;+

Ndipu alongoro vinthu vachinyengu zuŵa losi lamphumphu.

13 Kweni ndivwisiya cha, nge munthu wambula kuvwa;+

Kweniso ndijula mulomu wangu cha, nge munthu wambula kulongoro.+

14 Ndaja nge munthu wambula kuvwa,

Yo mulomu waki ulivi chakukamba chechosi kuti wajivikiliyi.

15 Pakuti ini ndingulindizga yimwi Yehova,+

Ndipu yimwi Yehova Chiuta wangu mungundimuka.+

16 Pakuti ndingukamba kuti: “Yiwu angakondwanga cha chifukwa chaku ini

Pamwenga kujiŵikamu chifukwa chaku ini asani phazi langu lateremuka.”

17 Pakuti ndinguja kamanavi kuwa,

Ndipu urwirwi wangu wenga ndi ini nyengu zosi.+

18 Ndingusumuwa ubudi wangu;+

Ubudi wangu ungundisuzga.+

19 Arwani ŵangu mbakupiripita* kweniso mbanthazi,*

Ndipu ŵanthu wo atinditinkha kwambula chifukwa aŵa anandi.

20 Yiwu angundiweze viheni pa vamampha;

Angundisuska chifukwa cha kuchita cho ntchamampha.

22 Yendesani kuti mundiwovyi,

Yimwi Yehova mtaski wangu.+

39 Ndingukamba kuti: “Ndivikiliyengi menderu ngangu

Kuti ndileki kubuda ndi lilimi langu.+

Ndivikiliyengi mulomu wangu mwa kuwumanga ndi chakumangiya+

Nyengu yeyosi yo munthu weyosi muheni we pa masu pangu.”

 2 Ndengavi mazu, ndipu ndinguja cheti;+

Ndingulongoropu chechosi cha chinanga ntchakukwaskana ndi vinthu vamampha,

 3 Mtima wangu ungufunda* mukati mwangu.

Ndichiŵanaŵana,* motu ungulutirizga kukole.

 4 “Yimwi Yehova, ndiwovyeni kuziŵa mo umaliru wangu uŵiyengi,

Ndipuso ndiwovyeni kuziŵa unandi wa mazuŵa ngangu,+

Kuti ndiziŵi ufupi wa umoyu wangu.

 5 Hinya, mwachitiska kuti mazuŵa ngangu ngaje ngamana;*+

Ndipu utali wa umoyu wangu mutiwuwona kanthu cha.+

 9 Ndingulutirizga kuja cheti;

Ndingutondeka kujula mulomu wangu,+

Chifukwa yimwi ndimwi munguchita venivi.+

11 Munyoloska munthu mwakumupaska chilangu chifukwa cha ubudi waki;+

Munanga vinthu vaki vo wajiwunjikiya, nge mo nyenji* zinangiya.

12 Vwani pempheru langu yimwi Yehova,

Vwani kuliya kwangu kwakupempha chovyu.+

Pakuti ini nde nge mulendu kwaku yimwi,+

Nde nge munthu yo wajumpha nthowa,* nge mo apapi ŵangu akali ŵenge.+

13 Lekani kundilereska mwaukali kuti ndikondweku

Ndechendafwi ndi kuluta.”

40 Ndingulindizga Yehova mwalinweka,*

Ndipu wangulazgisiya gutu laki* kwaku ini kweniso wanguvwa kuliya kwangu kwakupempha chovyu.+

 2 Wangundituzga muzenji lakofya,

Wangundizuwuwa muvimawulambwi.

Ndipu wangundimika pajalawi;

Wanguchitiska kuti ndileki kusukunyika po ndinguma.

 3 Pavuli paki, wanguŵika sumu yifya mumulomu mwangu,+

Sumu yakuthamika Chiuta widu.

Ŵanthu anandi alereskengi ndi kuchita mantha

Ndipu agomezgengi Yehova.

 4 Ngwakukondwa munthu yo wagomezga Yehova

Kweniso yo waleka kuthemba ŵanthu a mtafu pamwenga ŵanthu aboza.

 5 Mwachita vinthu vinandi ukongwa,

Yimwi Yehova Chiuta wangu,

Mwachita ntchitu zakuziziswa kweniso pe vinandi vo mutitiŵanaŵaniya.+

Palivi yo wangayanana namwi;+

Asani ndingayesa kukamba pamwenga kuvikonkhoska,

Viŵengi vinandi ukongwa ndipu nditondekengi kuvikonkhoska!+

 6 Sembi kweniso chakupereka munguvikhumba cha,*+

Kweni mungujula makutu ngangu kuti ndivwi.+

 8 Ini ndikondwa* kuchita khumbu linu yimwi Chiuta wangu,+

Ndipu dangu linu le mukati mwangu.+

 9 Ndipharazga uthenga wamampha wa urunji mu mpingu ukulu.+

Awonani! Milomu yangu nditiyikaniza cha,+

Nge mo namwi muziŵiya yimwi Yehova.

Maubudi ngangu nganandi ndipu ngandimala nthazi mwakuti nditondeka kuwona nthowa yangu;+

Nganandi ukongwa kuluska sisi la kumutu kwangu,

Ndipu ndataya mtima.

14 Ŵanthu wosi wo apenja kutuzgapu umoyu wangu

Alengeseki kweniso achiti soni.

Ŵanthu wo akondwa chifukwa cha soka langu

Awelere mwasoni.

16 Kweni ŵanthu wo atikupenjani+

Akondwi ndi kusekere mwaku yimwi.+

17 Kweni ini ndisoŵa wakundiwovya kweniso nde mukavu;

Yehova wang’anamukiyi kwaku ini.

Ndimwi wakundiwovya kweniso mtaski wangu;+

Chiuta wangu, mungasweranga cha.+

41 Ngwakukondwa weyosi yo waŵanaŵaniya munthu wakusika;+

Yehova wamutaskengi pa zuŵa la soka.

Wakambikengi kuti ngwakukondwa pacharu chapasi;+

Mumuperekengi cha kwa arwani ŵaki kuti achiti nayu vo akhumba.+

 3 Yehova wamuwovyengi we pabedi laki pa nyengu yo watama;+

Yimwi mumuphweriyengi pa nyengu yo watama pabedi laki.

Wachindiwona, wawunjika nkhani ziheni zakuti wakakambi;

Pavuli paki, waluta kuchimemeza kwekosi.

 7 Ŵanthu wosi wo atinditinkha atokotoskiyana,

Yiwu atindiŵanaŵaniya vinthu viheni ndipu akamba kuti:

 8 “Chinthu chakofya chamuwiya;

Pakuti sonu we pasi, wayukengi so cha.”+

 9 Chinanga ndi munthu yo ndenga nayu pa chimangu, yo ini ndingumugomezga,+

Mweniyo waryanga chiŵandi changu, wandisoske chiphundulu chaki.*+

10 Kweni yimwi Yehova, ndichitiyeni lisungu ndipu ndiyuskeni,

Kuti ndiŵaweze.

11 Ndiziŵengi kuti mukondwa nani asani ivi vingachitika:

12 Kweni ini, yimwi mutindisunga chifukwa cha kugomezgeka kwangu;+

Mundiŵikengi pa masu pinu mpaka muyaya.+

13 Yehova Chiuta waku Isirayeli wathamikiki

Muyaya mpaka muyaya.+

42 Nge mphoyu yo yikhumbisiska misinji ya maji,

Nani ndikhumbisiska* yimwi Chiuta.

 3 Masozi ngangu ndingu ngasambuka chakurya changu msana ndi usiku;

Zuŵa losi lamphumphu ŵanthu atindinena kuti: “We pani Chiuta waku?”+

 4 Vinthu ivi nditivikumbuka, ndipu ndipunguwa umoyu wangu,

Pakuti ndikuyendapu limoza ndi gulu la ŵanthu;

Ndayendanga ndi nthazi* panthazi pawu pakuluta kunyumba yaku Chiuta,

Tambanga sumu zakulongo kukondwa kweniso kuwonga,

Nge gulu lo lichita phwandu.+

Lindizga Chiuta,+

Pakuti ndimuthamikengi mbwenu nge Mtaski wangu Mukulu.+

Ndichu chifukwa chaki ndakukumbukani,+

Kutuliya kucharu cha Yorodani ndi malu ngakukwera nga ku Herimoni,

Kweniso kutuliya ku Phiri la Miza.*

 7 Maji ngandimba ngadaniriziya maji ngandimba

Asani vipopomu vinu vipoma.

 8 Ndi msana, Yehova wandilongongi chanju chaki chambula kumala,

Ndipu ndi usiku ndimbengi sumu zaki, ndipempherengi kwaku Chiuta wa umoyu wangu.+

10 Arwani ŵangu atindinyoza ndipu atindikandirizga mwankhaza;*

Zuŵa losi lamphumphu ŵanthu atindinena kuti: “We pani Chiuta waku?”+

Lindizga Chiuta,+

Pakuti ndimuthamikengi mbwenu nge Mtaski wangu Mukulu ndipuso Chiuta wangu.+

43 Ndiyeruzgeni yimwi Chiuta,+

Ndimiyeni pa mulandu wangu+ wakulimbana ndi mtundu wambula kugomezgeka.

Venivi ndivu vindilongozgi;+

Vindilongozge kuphiri linu lakupaturika ndipuso kuchihema chinu chikulu.+

 4 Pavuli paki, ndizengi kuguŵa la sembi laku Chiuta,+

Kwaku Chiuta yo ndi likondwa langu likulu.

Lindizga Chiuta,+

Pakuti ndimuthamikengi mbwenu nge Mtaski wangu Mukulu ndipuso Chiuta wangu.+

44 Yimwi Chiuta, isi tavwa ndi makutu ngidu,

Apapi ŵidu akali akutikonkhoske,+

Ntchitu zo munguchita mu mazuŵa ngawu,

Mu mazuŵa ngakali ukongwa.

 2 Mungudikisa mitundu+ ndi janja linu

Ndipu apapi ŵidu akali munguŵajalika mucharu chenicho.+

 3 Yiwu angugwiriskiya ntchitu lipanga lawu cha kuti ahari charu cho,+

Kweniso ndi janja lawu cha lo linguchitiska kuti athereski mitundu.+

Kweni lenga janja linu lamaryi ndi nthazi zinu*+ kweniso ukweru wa chisku chinu,

Pakuti yimwi mungukondwa nawu.+

 4 Ndimwi Fumu yangu yimwi Chiuta;+

Lamulani kuti Yakobe wathereske limu.*

 5 Ndi nthazi zinu, tidikisengi arwani ŵidu ndipu aweleriyengi;+

Mu zina linu, tikandengikandengi wo atitiyukiya.+

 6 Pakuti ndithemba uta wangu cha,

Ndipu lipanga langu linganditaska cha.+

 7 Yimwi ndimwi mungutitaska kwa arwani ŵidu,+

Yimwi ndimwi munguchitiska soni wo atititinkha.

 8 Tithamikengi Chiuta zuŵa losi lamphumphu,

Kweniso tiwongengi zina linu kwamuyaya. (Selah)

 9 Kweni sonu mwatitaya ndipuso mwatichitiska soni,

Kweniso mwaleka kulutiya limoza ndi asilikali ŵidu ku nkhondu.

10 Mutitichitiska kuti tithaŵi pa masu pa arwani ŵidu;+

Wo atititinkha ato chechosi cho akhumba.

11 Mutitipereka kuti tibayiki nge mbereri;

Mwatimbininiskiya mu mitundu ya ŵanthu.+

12 Mugulisa ŵanthu ŵinu pa mtengu wakusika ukongwa;+

Musaniya phindu lelosi cha pa mtengu wo mwaŵagulisiya.

13 Mwatisambusa chinthu cho ŵanthu wo tija nawu pafupi atichinyoza,

Chinthu cho ŵanthu wosi wo atizunguliya atichiseka mwachipongu kweniso kuchihoya.

14 Mwatisambusa chinthu cho ŵanthu amitundu atichinena,*+

Chinthu cho ŵanthu atichipukunyiya mitu.

15 Ndichita soni zuŵa losi lamphumphu,

Ndipu ndamala nthazi chifukwa cha soni zo zandiko,

16 Asani ndavwa mazu ngawu ngakunyoza kweniso ngakundinena,

Chifukwa cha murwani widu yo watitiweze.

17 Vosi ivi vatiwiya, kweni isi takuluwani cha,

Ndipuso taswa cha phanganu linu.+

18 Mtima widu wapetuka cha;

Malundi ngidu ngatuwapu cha panthowa yinu.

19 Kweni yimwi mwatiphwanyiya mumalu mo muja akambwi;

Ndipuso mwatibenekere ndi mdima ukulu.

20 Asani zina laku Chiuta widu taliluwa

Pamwenga asani tikutambasuwapu manja ngidu kuti tipempheri kwaku chiuta wachilendu,

21 Kumbi Chiuta wangatondeka kuziŵa?

22 Tibayika zuŵa losi lamphumphu chifukwa chaku yimwi,

Taja nge mbereri zo zitenere kubayika.+

25 Pakuti isi tawisikiya mufuvu;

Maliŵavu ngidu ngakandirizgikiya pasi.+

 3 Mangiriya lipanga laku+ muchiwunu mwaku, yiwi munthu wanthazi,+

Limoza ndi ulemu waku kweniso unkhankhu waku.+

 4 Ndipu mu unkhankhu waku luta kuti ukathereski;+

Kwera pahachi kuti ukachitiyi nkhondu uneneska, kujiyuyuwa ndipuso urunji,+

Ndipu janja laku lamaryi lichitengi* vinthu vakuchitiska mantha ukongwa.

 5 Mivi yaku njakuthwa ndipu yiwisa ŵanthu pa masu paku;+

Yilasa mitima ya arwani a fumu.+

 6 Chiuta ndiyu mpandu waku waufumu, muyaya mpaka muyaya;+

Nthonga ya ufumu waku ndi nthonga yakunyoloka.*+

 8 Malaya ngaku ngosi ngachifumu nganunkhira mure, aloyi kweniso kasiya;

Ukondwa ndi vakumbiya va vingwi vakutuliya munyumba yachifumu yakupangika ndi minyanga ya njovu.

10 Vwisiya yiwi wamwana munthukazi, vwisiya mwakuphwere ndipu ŵikaku gutu laku;

Uluwi ŵanthu ŵaku kweniso nyumba ya awusu.

11 Ndipu fumu yikhumbirengi kutowa kwaku,

Pakuti iyu ndiyu mbuyaku,

Mwaviyo, uyijikamiyi.

12 Mwana munthukazi wa ku Turo wazengi ndi mphasu;

Anthulumi akukhupuka ukongwa apenjengi kuti uŵachitiyi lisungu.*

13 Mwana munthukazi wa fumu watowa ukongwa mukati munyumba yachifumu;*

Vakuvwala vaki avitowesa* ndi golidi.

15 Azengi nawu ndi likondwa kweniso kusekere;

Yiwu aserengi munyumba ya fumu.

46 Chiuta ndi malu ngidu ngakuthaŵiyaku kweniso nthazi zidu,+

Chovyu chakusanirikiya limu pa nyengu ya masuzgu.+

 2 Ndichu chifukwa chaki tiwopengi cha, chinanga charu chingasintha,

Chinanga mapiri ngangalindimukiya mundimba ya nyanja,+

3 Chinanga maji ngaki ngangakoroma ndi kuchita phovu,+

Chinanga mapiri ngangasukunyika chifukwa cha kuŵinduka kwa nyanja. (Selah)

 4 Pe msinji wo timisinji taki timanatimana tichitiska kuti tawuni yaku Chiuta yikondwi,+

Chihema chikulu cha Wapachanya Limu.

 6 Mitundu yingutimbanyizgika, ndipu maufumu nganguthereskeka;

Iyu wangukweza mazu ngaki, ndipu charu chingusongonoka.+

 7 Yehova wa mizinda we nasi;+

Chiuta waku Yakobe ndi malu ngidu ngakuthaŵiyaku ngakuvikilirika.* (Selah)

 8 Zani muziwoni ntchitu zaku Yehova,

Muziwoni mo wachitiya vinthu vakuziziswa pacharu chapasi.

Wafyo uta ndi kuvikita mkondu;

Kweniso watotcha magaleta ngankhondu* ndi motu.

Ndikwezekengi pakati pa mitundu ya ŵanthu;+

Ndikwezekengi pacharu chapasi.”+

11 Yehova wa mizinda we nasi;+

Chiuta waku Yakobe ndi malu ngidu ngakuthaŵiyaku ngakuvikilirika.+ (Selah)

 2 Pakuti Yehova Wapachanya Limu ngwakuchitiska mantha;+

Iyu ndi Fumu yikulu pacharu chosi chapasi.+

 3 Iyu wathereska ŵanthu ndipu watiŵaŵika pasi pidu;

Waŵika mitundu ya ŵanthu kusi kwa maphazi ngidu.+

 4 Watitisankhiya chihara,+

Cho Yakobe yo Iyu watimuyanja wakondwa nachu.+ (Selah)

 5 Chiuta wakwera kuchanya ndipu ŵanthu adaniriza mwalikondwa;

Yehova wakwera, ndipu ŵanthu atumba mbata.*

 7 Pakuti Chiuta ndi Fumu ya charu chosi chapasi;+

Mbani sumu zakuthamika, ndipu longoni zeru.

 9 Alongozgi a ŵanthu awungana pamoza

Limoza ndi ŵanthu aku Chiuta waku Abrahamu.

48 Yehova ndi mukulu ndipu ngwakwenere kumuthamika

Mutawuni yaku Chiuta widu, muphiri laki lakupaturika.

 2 Phiri la Ziyoni lo le kutali kunkhondi,*

Ndakutowa ukongwa pachanya po lili, ilu ndi likondwa la charu chosi chapasi,+

Ndipu ndi tawuni ya Fumu Yikulu.+

 3 Mutinyumba taki takuthopoka takukho,

Chiuta walongo kuti iyu ndi malu ngakuthaŵiyaku ngakuvikilirika.*+

 4 Pakuti awonani! mafumu ngawungana pamoza;*

Ndipu ngosi ngaziya limoza.

 5 Ngati ngawona tawuni yeniyi, nganguzizwa.

Ngangutimbanyizgika ndipu nganguthaŵa mwamantha.

 6 Mafumu ngenanga ngangwamba kumbwambwanthiya kweniko,

Ngangwamba kuvwa urwirwi nge wo munthukazi watuvwa pakubala.

 8 Vo tinguvwa, sonu taviwona

Mutawuni yaku Yehova wa mizinda, mutawuni yaku Chiuta widu.

 9 Tilunguruka chanju chinu chambula kumala yimwi Chiuta,+

Mukati mwa nyumba yinu yakusopiyamu.

10 Nge zina linu yimwi Chiuta, muthamikiki

Mpaka kuvigoti va charu chapasi.+

11 Phiri la Ziyoni+ likondwi,

Matawuni nga ku* Yuda ngasekere, chifukwa cha vyeruzgu vinu.+

12 Gubani mwakuzunguliya Ziyoni; muzunguliyeni yosi;

Ŵerengani tinyumba taki takuthopoka.+

13 Ŵikani mitima yinu pa vimbumira vaki.*+

Yenderiyani tinyumba taki takuthopoka takukho,

Kuti muzikambiyi migonezi yo yituza kunthazi.

Vwisiyani yimwi mosi muja pacharu chapasi,*

 2 Mosi, mwaŵana ndipuso arara,*

Akukhupuka kweniso akavu.

 3 Mulomu wangu ulongorongi zeru,

Ndipu vo mtima wangu+ ulunguruka vilongongi kuvwisa vinthu.

 4 Ndivwisiyengi nthanthi;

Ndikonkhoskengi chindapi changu mwakugwiriskiya ntchitu bangu.*

 5 Kumbi ndiwopiyenji pa nyengu ya suzgu,+

Asani vinthu viheni va* ŵanthu wo akhumba kundiwisa vandizunguliya?

 6 Ŵanthu wo agomezga chuma chawu+

Kweniso wo atijiŵikamu chifukwa cha unandi wa chuma chawu,+

 7 Palivi chinanga njumoza waku yiwu yo wangawombo mubali waki

Pamwenga kupereka kwaku Chiuta mtengu wakumuwombole,+

 8 (Mtengu wakuwombole maumoyu ngawu ngwakuzirwa ukongwa

Mwakuti angawukwanisa cha mpaka muyaya);

 9 Kuti waje kwamuyaya kwambula kuwona zenji.*+

10 Iyu wawona kuti chinanga mbanthu azeru atufwa;

Muzereza kweniso yo waleka kuŵanaŵana umampha wosi aparanyika,+

Ndipu wosi asiliya chuma chawu ŵanthu anyaki.+

11 Mumitima yawu akhumba kuti nyumba zawu zije mpaka muyaya,

Kweniso mahema ngawu ngalutirizgi kuŵapu kutuwa mugonezi mpaka mugonezi.

12 Kweni munthu, chinanga wangaŵa wakutumbikika, wangaja cha kwamuyaya;+

Iyu wayanana ŵaka ndi vinyama vo vitufwa.+

13 Iyi ndiyu nthowa ya ŵanthu azereza+

Kweniso wo atiŵalondo, wo akondwa ndi mazu ngawu ngambula fundu. (Selah)

Nyifwa ndiyu yiŵalongozgengi nge mliska;

Munthu wakunyoloka waŵalamuliyengi+ ndi mlenji.

Chechosi cho ŵanthu angaŵakumbuka nachu, chimalengi;+

Mumalu mwa nyumba yachifumu, Dindi*+ ndilu lijengi nyumba yawu.+

15 Kweni Chiuta wandiwombongi ku nthazi ya* Dindi,*+

Pakuti iyu wandikongi pajanja. (Selah)

16 Ungawopanga cha asani munthu munyaki wakhupuka,

Asani unkhankhu wa nyumba yaki wasazgikiyaku,

17 Pakuti asani wafwa, palivi cho wapingengi;+

Unkhankhu waki usikiyengi nayu limoza cha.+

19 Kweni pakumaliya, walondo mugonezi wa apapi ŵaki akali.

Yiwu azakuwuwona so cha ukweru.

20 Munthu yo waleka kuvwisa venivi, chinanga wangaŵa wakutumbikika,+

Wayanana ŵaka ndi vinyama vo vitufwa.

50 Yehova, Chiuta wa achiuta+ walongoro;

Iyu wadanisa charu chapasi

Kutuliya ko lumwi lituliya mpaka ko liselere.*

Pa masu paki, pe motu wakupiriza,+

Ndipu chimphepu chikulu chazunguliya malu ngosi ngo iyu wali.+

 4 Iyu wadanisa kuchanya kweniso charu chapasi,+

Kuti wayeruzgi ŵanthu ŵaki:+

 5 “Awunganiseni kwaku ini ŵanthu ŵangu akugomezgeka,

Wo achita phanganu ndi ini mwakupereka sembi.”+

 6 Kuchanya kupharazga urunji waki,

Pakuti Chiuta mweneku ndiyu Wakweruzga.+ (Selah)

 7 “Vwisiyani mwaŵanthu ŵangu, ndipu ndilongorongi;

Yiwi Isirayeli, ndiperekengi ukaboni wakususkana nawi.+

 8 Nditikuchenya chifukwa cha sembi zaku cha,

Pamwenga chifukwa cha sembi zaku zakupiriza zamphumphu zo upereka kaŵikaŵi pa masu pangu.+

 9 Ini ndikhumba ng’ombi zinthulumi zakutuliya kunyumba yaku cha,

Pamwenga mbuzi* kutuliya mumakhola ngaku.+

10 Pakuti nyama zosi zamudondu zangu,+

Chinanga ndi vinyama va mumapiri 1,000.

11 Ndiziŵa chiyuni chechosi cha mumapiri;+

Nyama zambula kuŵerengeka zamudondu zangu.

12 Asani ndenga ndi nja, ndatingi ndikukambiyengi cha,

Pakuti charu kweniso vosi vo ve mwenimo vangu.+

13 Kumbi ndingarya mnofu wa ng’ombi zinthulumi

Kweniso kumwa ndopa za mbuzi?+

14 Pereka mtima waku wakuwonga nge sembi kwaku Chiuta,+

Ndipu fiska vo wamulayizga Wapachanya Limu;+

15 Undidani pa zuŵa la suzgu.+

16 Kweni Chiuta wakambiyengi munthu muheni kuti:

“Kumbi we ndi mazaza uli kuti ukambi marangu ngangu+

17 Pakuti yiwi utinkhana ndi chilangu,*

Ndipu mazu ngangu utingalazgiya msana.*+

18 Asani wawona munkhungu, utimuzomereza,*+

Ndipu ukoliyana ndi achigololu.

19 Uwandisa chinthu chiheni ndi mulomu waku,

Ndipu chinyengu chikukaniriya kulilimi laku.+

20 Uja pasi ndi kunena mubali waku;+

Uvumbuwa vinthu vo mwana wa anyoku wanangisa.*

21 Wati wachita vinthu venivi, ndinguja cheti,

Mwaviyo, unguŵanaŵana kuti ini nde nge yiwi.

Kweni sonu ndikuchenyengi.

Ndipuso ndikambengi mulandu wangu wakususkana ndi yiwi.+

22 Sonu ziŵani ivi, yimwi mukuluwa Chiuta,+

Kuti ndileki kukutwazuwani kwambula munthu wakuti wakutaskeni.

23 Munthu yo wapereka mtima waki wakuwonga nge sembi, ndiyu watinditumbika,+

Ndipu yo walutirizga kwenda pa nthowa mwakusimikiza,

Ndimuchitiskengi kuti wawoni utaski waku Chiuta.”+

 2 Mundisambiki umamphaumampha ku mphulupulu yangu,+

Kweniso nditoweseni ku ubudi wangu.+

 3 Pakuti mphulupulu zangu nditiziziŵa umampha,

Ndipu ubudi wangu we pa masu pangu* nyengu zosi.+

 4 Ini ndabudiya ukongwa yimwi kuluska mo ndabudiya weyosi;*+

Chinthu cho yimwi mutichiwona kuti ntchiheni ndichu ndachita.+

Mwaviyo mwe arunji asani mulongoro

Ndipu cheruzgu chinu ntchakwenere.+

 5 Awonani! Ndikubalika ndi mphulupulu,

Nde wakubuda kutuliya po ama angumere nthumbu yangu.+

 6 Awonani! Yimwi mukondwa chifukwa cha uneneska wa mukati mwa munthu;+

Mundisambizi kuti ndije ndi zeru chayizu mukati mwangu.

 7 Nditoweseni ku ubudi wangu mwakugwiriskiya ntchitu hisopi,* kuti ndije wakutowa;+

Ndisambikeni kuti ndije wakutowa tuu kuluska sinoo.*+

 8 Ndichitiskeni kuti ndivwi mazu ngalikondwa ndipuso ngakusekere,

Kuti viwanga vo munguphwanya vikondwi.+

 9 Tuzganiku* chisku chinu ku maubudi ngangu,+

Ndipu sisitani mphulupulu zangu zosi.+

10 Lengani mtima wakutowa mwaku ini, yimwi Chiuta,+

Ndipu mukati mwangu ŵikanimu mzimu wufya,+ mzimu wakukho.

11 Mungandituzgangapu cha pa masu pinu;

Ndipu mzimu winu wakupaturika mungawutuzgangaku cha kwaku ini.

12 Mundipaski so likondwa la utaski winu;+

Ndipaskeni mtima wakukhumbisiska kukuvwiyani.*

13 Ŵanthu wo achita maubudi ndiŵasambizengi nthowa zinu,+

Kuti akubuda awere kwaku yimwi.

14 Nditaskeni ku mulandu wa ndopa+ yimwi Chiuta, Chiuta wa utaski wangu,+

Kuti lilimi langu lipharazgi urunji winu mwalikondwa.+

15 Julani milomu yangu yimwi Yehova,

Kuti mulomu wangu ukuthamikeni.+

16 Pakuti yimwi mukhumba sembi cha, asani mwayikhumbanga mphanyi ndakupaskani;+

Sembi zakupiriza zamphumphu zitikukondwesani cha.+

17 Mzimu wakusweka ndizu sembi zo zikondwesa Chiuta;

Pakuti yimwi Chiuta muwukanengi* cha mtima wakusweka kweniso wakutekenyeka.+

18 Mwakukhumba kwinu, chitiyani Ziyoni cho ntchamampha;

Zengani mpanda wa Yerusalemu.

19 Pavuli paki ndipu mukondwengi ndi sembi zaurunji,

Sembi zakupiriza ndipuso sembi zamphumphu;

Ndipu ng’ombi zinthulumi ziperekekengi paguŵa linu la sembi.+

 2 Lilimi laku ndakuthwa nge lezara,+

Ndipu linozga viŵembu kweniso lichita uryarya.+

 3 Utanja ukongwa vinthu viheni kuluska vamampha,

Utanja ukongwa boza kuluska kulongoro uneneska. (Selah)

 4 Utanja mazu ngengosi ngakupweteka,

Yiwi lilimi liryarya!

 5 Ndichu chifukwa chaki Chiuta wakuwisiyengi pasi kwamuyaya;+

Wakukwamphuwengi ndi kukutuzgaku kuhema laku;+

Ndikuchesuwengemu mucharu cha ŵanthu amoyu.+ (Selah)

 6 Ŵanthu arunji awonengi venivi, ndipu achitengi mantha,+

Yiwu amusekengi.+

 7 “Wonani munthu yo wangukana kuti Chiuta waje malu ngaki ngakuthaŵiyaku,*+

Ndipu wanguthemba chuma chaki chinandi+

Kweniso wangugomezga viŵembu vo* wangunozga.”

 8 Kweni ini ndijengi nge chimiti cha maolivi chakubiriŵira munyumba yaku Chiuta;

Ini ndithemba chanju chambula kumala chaku Chiuta,+ muyaya mpaka muyaya.

 9 Ndikuthamikeningi mpaka muyaya chifukwa mwachitapu kanthu;+

Pa masu pa ŵanthu ŵinu akugomezgeka,

Ndigomezgengi zina linu,+ pakuti ndamampha.

Ntchitu zawu zambula urunji zachinyengu kweniso zaukazuzi;

Palivi yo wachita vamampha.+

 2 Kweni Chiuta walereska ŵana a ŵanthu pacharu chapasi kutuliya kuchanya,+

Kuti wawoni asani walipu munthu wakuziŵa vinthu pamwenga yo wapenja Yehova.+

 3 Wosi apetuka;

Wosi ayanana ŵaka ndipu mbachinyengu.

Palivi yo wachita chamampha,

Chinanga njumoza.+

 5 Kweni achitengi mantha ngakulu,

Mantha ngo ngechendaŵakopu,*

Pakuti Chiuta waparanyengi viwanga va ŵanthu wo atikuyukiya.*

Asani Yehova wawunganisa so ŵanthu ŵaki kutuwa ku ukapolu,

Yakobe wakondwi, ndipu Isirayeli wasekere.

54 Yimwi Chiuta, nditaskeni ndi zina linu,+

Kweniso ndivikiliyeni*+ ndi nthazi zinu.

 2 Yimwi Chiuta, vwani pempheru langu;+

Vwisiyani mazu ngakutuwa mumulomu mwangu.

 3 Pakuti alendu atindiyukiya,

Ndipu ŵanthu ankhaza apenja umoyu wangu.+

 4 Awonani! Chiuta ndiyu watindiwovya;+

Yehova we ndi ŵanthu wo atindiwovya.

 5 Iyu waweziyengi arwani ŵangu+ chifukwa cha vinthu viheni vo achita;

Muŵamali* mwakukoliyana ndi kugomezgeka kwinu.+

 7 Pakuti iyu watinditaska ku masoka ngosi,+

Ndipu ndiwonengi arwani ŵangu achithereskeka.+

55 Vwani pempheru langu yimwi Chiuta,+

Ndipu mungazerezanga cha pemphu langu lakuti mundichitiyi lisungu.*+

 2 Ndivwisiyeni kweniso ndimukeni.+

Masuzgu ngangu ngandimala nthazi,+

Ndipuso nditondeka kuŵanaŵana umampha

 3 Chifukwa cha vo murwani wakamba,

Kweniso chifukwa cha mo munthu muheni watindisuzgiya.

Pakuti yiwu andiwunjikiya masuzgu,

Ndipuso atinditinkha mwaukali.+

 4 Mtima wangu uŵaŵa ukongwa mukati mwangu,+

Ndipu nditopa nyifwa.+

 5 Mantha kweniso kunjekeme vandiwiya,

Ndipu ndimbwakamiya ukongwa.

 6 Ndikamba kuti: “Asani ndenga ndi mapapa nge nkhunda!

Ndatingi ndiphululukengi ndi kuchija kumalu ngakuvikilirika.

 7 Hinya! Ndatingi ndiphululukiyengi kutali ukongwa.+

Ndatingi nkhajengi kuchipululu.+ (Selah)

 8 Ndatingi nditchimbiriyengi kumalu ngakubisamaku

Kutali ndi chimphepu, kutali ndi chivuwa chachimphepu.”

 9 Atimbanyizgeni yimwi Yehova, kweniso timbanyizgani vo aŵanaŵana kuchita,*+

Pakuti ndawona nkhaza kweniso chiwawa mutawuni.

10 Vitenda kuzunguliya mpanda waki usiku ndi msana;

Mukati mwaki mwe phuzu ndi masuzgu.+

11 Mukati mwaki mwe pharanyiku;

Kukandirizgana kweniso chinyengu vituwamu cha mubalaza laki.+

12 Pakuti ndi murwani cha yo watindinyoza;+

Wakaŵengi murwani ndatingi ndizizipizgengi.

Ndi murwani cha yo watindiyukiya;

Wakaŵengi murwani mphanyi ndabisama kuti waleki kundiwona.

13 Kweni ndiwi, munthu nge ini,*+

Mubwezi wangu yo nditimuziŵa umampha.+

14 Yiwi ndi ini tenga pa ubwezi;

Tayendiyanga limoza pakuluta kunyumba yaku Chiuta pamoza ndi chigulu cha ŵanthu.

Asikiyi ku Dindi* amoyu;

Pakuti uheni uja pakati pawu ndipuso mukati mwawu.

16 Kweni ndidanengi Chiuta,

Ndipu Yehova wanditaskengi.+

17 Mazulu, mlenji ndipuso msana ndisuzgika kweniso ndikuta,*+

Ndipu iyu watuvwa mazu ngangu.+

18 Iyu wanditaskengi* ku ŵanthu wo alimbana nani ndipu wandipaskengi chimangu,

Pakuti ŵanthu anandi alimbana nani.+

19 Chiuta wavwengi ndipu waŵamukengi,+

Yo waja pampandu waufumu kwamba kali.+ (Selah)

Yiwu akanengi kusintha,

Chifukwa atopa Chiuta cha.+

20 Iyu* wanguyukiya ŵanthu wo wenga nawu pa chimangu;+

Ndipu wanguswa phanganu laki.+

21 Mazu ngaki ngakusilirika kuluska mafuta ngakutuliya ku mkaka,+

Kweni mumtima mwaki mwe nkhaza.

Mazu ngaki ngakulimbwitika kuluska mafuta,

Kweni nge nge lipanga lo lasoskeke muchanya.+

22 Muponye Yehova mphingu yaku,+

Ndipu iyu wakuwovyengi.+

 2 Arwani ŵangu atindimphwakuwa ndi milomu yawu zuŵa losi lamphumphu;

Anandi alimbana nani mwakujikuzga.

 4 Ndithemba Chiuta yo ndithamika mazu ngaki.

Ndithemba Chiuta ndipu nditopa cha,

 5 Zuŵa losi lamphumphu atimbanyizga vilatu vangu;

Palivi so chinyaki cho aŵanaŵana, kweni kundipweteka.+

 6 Abisama kuti andiyukiyi;

Alereska mosi mo nditenda,+

Kuti atuzgepu umoyu wangu.+

10 Chiuta yo ndithamika mazu ngaki,

Yehova yo ndithamika mazu ngaki,

11 Ndithemba Chiuta ndipu nditopa cha,+

12 Vo ndikulayizga vandimangiriya kwaku yimwi Chiuta;+

Ndikuwongeningi.+

13 Pakuti yimwi mwanditaska ku nyifwa+

Kweniso mwachitiska kuti maphazi ngangu ngaleki kuguŵa,+

Kuti ndiyendi pa masu paku Chiuta mu ukweru wa ŵanthu amoyu.+

57 Ndichitiyeni lisungu yimwi Chiuta, ndichitiyeni lisungu,

Pakuti ini ndibisama mwaku yimwi,+

Ndibisama mu mduzi wa mapapa nginu mpaka po masuzgu ngajumphiyapu.+

 2 Ndidana Chiuta Wapachanya Limu,

Ndidana Chiuta wauneneska yo watindituzgiyapu masuzgu.

 4 Nkharamu zandizingiliza;+

Ndikhumbika kugona pakati pa ŵanthu wo akhumba kundimeza,

Wo minyu ngawu nge nge mikondu kweniso mivi

Ndipuso wo malilimi ngawu ngakuthwa nge lipanga.+

 5 Mukwezeki kuluska kuchanya yimwi Chiuta;

Unkhankhu winu uje pachanya pa charu chosi chapasi.+

 6 Yiwu athya vilepa kuti malundi ngangu ngawilemu;+

Ndakotama chifukwa cha masuzgu.+

Yiwu andikumbiya mbuna panthazi pangu,

Kweni awiyengemu ŵija.+ (Selah)

 7 Mtima wangu ngwakukho yimwi Chiuta,+

Mtima wangu ngwakukho.

 9 Ndikuthamikeningi pakati pa ŵanthu yimwi Yehova;+

Ndimbengi sumu zakukuthamikani* pakati pa mitundu ya ŵanthu.+

10 Pakuti chanju chinu chambula kumala ntchikulu, ntchapachanya nge kuchanya,+

Ndipu kugomezgeka kwinu kufika mpaka kumitambu.

11 Mukwezeki kuluska kuchanya yimwi Chiuta;

Unkhankhu winu uje pachanya pa charu chosi chapasi.+

 2 Mumalu mwaki, munozga vinthu vambula urunji mumitima yinu,+

Ndipu manja nginu ngachita vinthu vankhaza mucharu.+

 3 Ŵanthu aheni alanda* kutuliya pa zuŵa lo awiyaku;*

Yiwu achita vinthu vabwekabweka, ndipuso mbaboza kutuliya pa nyengu yo awiyaku.

 4 Poyizoni wawu we nge poyizoni wa njoka;+

Mbambula kuvwa nge khakhu yo wajala makutu ngaki.

 5 Iyu wangavwa cha mazu nga ŵanthu amasenga,

Chinanga angaŵa ndi lusu lakugwiriskiya ntchitu nyanga.

 8 Aje nge nkhonu yo yisongonoka uku yitenda;

Aje nge bonda yo walutiriya kwambula kuwona lumwi.

 9 Mimphika yinu yechendafundi ndi motu wa chimiti cha minga,

Iyu wapeyengi mphanda ziŵisi, kweniso zo zikole nge mo chimphepu chichitiya.+

10 Munthu murunji wasekeriyengi pakuti wawona kuweze nduzga;+

Maphazi ngaki ngasambengi mundopa za ŵanthu aheni.+

59 Nditaskeni kwa arwani ŵangu yimwi Chiuta wangu;+

Ndivikiliyeni ku ŵanthu wo atindiyukiya.+

 2 Nditaskeni ku ŵanthu wo achita vinthu viheni,

Kweniso nditaskeni ku ŵanthu ankhaza.*

 3 Awonani! Yiwu abisama kuti andiyukiyi;+

Ŵanthu anthazi andiyukiya

Kweni ntchifukwa chakuti ndagaruka cha pamwenga kubuda,+ yimwi Yehova.

 6 Mazulu ngengosi atuza so;+

Yiwu akalipa* nge agalu+ ndipu atendatenda mutawuni yosi.+

 7 Wonani vo vipunguka* kutuliya mumilomu yawu;

Milomu yawu ye nge malipanga,+

Pakuti yiwu akamba kuti: “Ndiyani yo watuvwa?”+

 8 Kweni yimwi Yehova, muŵasekengi;+

Muhoyengi mitundu yosi ya ŵanthu.+

 9 Yimwi nthazi zangu, ndilereskengi kwaku yimwi;+

Pakuti Chiuta ndi malu ngangu ngakuthaŵiyaku ngakuvikilirika.*+

10 Chiuta yo watindilongo chanju chambula kumala, wandiwovyengi;+

Chiuta wandichitiskengi kuti ndiwoni arwani ŵangu achithereskeka.+

Ndi nthazi zinu, achitiskeni kuti ayingengiyingengi;

Achitiskeni kuti awi, yimwi Yehova chishangu chidu.+

12 Kujikuzga kwawu kuŵawonji,+

Chifukwa cha ubudi wa milomu yawu kweniso mazu nga milomu yawu,

Chifukwa cha mazu ngakutemba kweniso ngachinyengu ngo alongoro.

13 Amaleni ndi ukali winu;+

Amaleni kuti aleki so kusanirika;

Achitiskeni kuti aziŵi kuti Chiuta walamuliya mwaku Yakobe ndipuso mpaka kuvigoti va charu.+ (Selah)

14 Alekeni azi so ndi mazulu;

Alekeni akalipengi* nge agalu ndi kwendakwenda mutawuni yosi.+

15 Muŵachitiski kuti ayingengiyingengi pakupenja chakurya;+

Mungazomerezanga cha kuti aguti pamwenga kusaniya malu ngakugonapu.

16 Kweni ini ndimbengi vakukwaskana ndi nthazi zinu;+

Ndi mlenji ndikambengi mwakukondwa vakukwaskana ndi chanju chinu chambula kumala.

Pakuti yimwi ndimwi malu ngangu ngakuthaŵiyaku ngakuvikilirika+

Kweniso malu ngangu ngakuthaŵiyaku pa nyengu ya masuzgu.+

17 Yimwi Nthazi zangu, ndikumbiyeningi sumu zakukuthamikani,*+

Pakuti Chiuta ndi malu ngangu ngakuthaŵiyaku ngakuvikilirika, Chiuta yo watindilongo chanju chambula kumala.+

 4 Perekani* chisimikizu kwaku wo atikuwopani

Kuti athaŵi ndi kuŵeka uta. (Selah)

 5 Kuti ŵanthu wo mutiŵayanja ataskiki,

Titaskeni ndi janja linu lamaryi, kweniso timukeni.+

“Ndikondwengi, ndiperekengi Sekemu kuti waje chihara,+

Ndipu ndipimengi Dambu la* Sukoti.+

 7 Giliyadi ngwangu, Manasi nayu ngwangu,+

Ndipu Efurayemu ntchisoti chakumutu kwangu;*

Yuda ndi nthonga ya mulongozgi wangu.+

10 Asi ndimwi Chiuta, yo watijowo,

Chiuta widu yo wakuleka kuluta ku nkhondu ndi asilikali ŵidu?+

11 Tiwovyeni pa suzgu yidu,

Pakuti utaski wakutuliya ku ŵanthu ngwaŵakaŵaka.+

12 Chiuta watiwovyengi kuti tisaniyi nthazi,+

Ndipu wakandengikandengi arwani ŵidu.+

 2 Ndiliriyengi yimwi kutuliya kuvigoti va charu

Asani mtima wangu wasweka.*+

 3 Pakuti yimwi ndimwi malu ngangu ngakuthaŵiyaku,

Ndipuso kanyumba kakuthopoka kakukho ko katindivikiliya ku murwani.+

 4 Ndijengi mulendu muhema linu mpaka muyaya;+

Ndibisamengi kusi kwa mapapa nginu.+ (Selah)

 6 Musazgiyengeku mazuŵa ku umoyu wa* fumu,+

Ndipu vyaka vaki vijengi vakutuliya ku mugonezi mpaka mugonezi.

 7 Iyu yijengi pampandu waufumu* kwamuyaya pa masu paku Chiuta;+

Yipaskeni chanju chambula kumala kweniso kugomezgeka kuti viyivikiliyi.+

 2 Hinya, iyu ndi jalawi langu, utaski wangu kweniso malu ngangu ngakuthaŵiyaku ngakuvikilirika;*+

Ndisukunyikengi ukongwa cha.+

 4 Pakuti yiwu apangana kuti amutuzgepu pa udindu waki wapachanya;*

Akondwa ndi boza.

 5 Nadi, ndilindizga Chiuta mwachisisi.+

Chifukwa chilindizga changu chituliya kwaku iyu.+

 6 Hinya, iyu ndi jalawi langu, utaski wangu kweniso malu ngangu ngakuthaŵiyaku ngakuvikilirika;

Ndisukunyikengi cha.+

 9 Ŵana a ŵanthu ŵe nge mvuchi,

Ŵana a ŵanthu ŵe nge chizgezgi.+

10 Mungathembanga jalidu lakuphanga cha

Pamwenga kugomezga unkhungu.

12 Chanju chambula kumala nachu ntchinu, yimwi Yehova,+

Pakuti yimwi muweze weyosi mwakukoliyana ndi ntchitu zaki.+

Ndazinduka* chifukwa chakukhumbisiska yimwi

Mucharu chakumira kweniso chakukamuka, cho chilivi maji.+

 2 Sonu ndakuwonani mumalu ngakupaturika;

Ndawona nthazi zinu ndi unkhankhu winu.+

 3 Chifukwa chakuti chanju chinu chambula kumala ntchamampha kuluska umoyu,+

Milomu yangu yikukankhuskeningi.+

 4 Mwaviyo, ndikuthamikeningi kwa umoyu wangu wosi;

Ndisoskengi manja ngangu mu zina linu.

 5 Ndakhorwa ndi vinthu vamampha kweniso vamampha ukongwa,*

Mwaviyo, mulomu wangu ukuthamikeningi limoza ndi likondwa la pamilomu yangu.+

 6 Nditikukumbukani asani nde pabedi langu;

Ndilunguruka vakukwaskana ndi yimwi mu maulinda nga usiku.+

 7 Pakuti yimwi ndimwi mutindiwovya,+

Ndipu ndidaniriza mwakukondwa nde mu mduzi wa mapapa nginu.+

 8 Ndidemetere kwaku yimwi;

Janja linu lamaryi litindiko mwanthazi.+

 9 Kweni wo apenja kunanga umoyu wangu*

Asikiyengi mundimba ya charu.

10 Aperekekengi ku nthazi ya lipanga;

Yiwu ajengi chakurya cha akambwi.

Munthu weyosi yo walapizga mu zina Laki wakondwengi,*

Pakuti milomu ya ŵanthu wo alongoro maboza yijengi cheti.

 2 Ndivikiliyeni ku viŵembu vo ŵanthu aheni anozga mwachisisi,+

Ndivikiliyeni ku chigulu cha ŵanthu wo achita vinthu viheni.

 3 Yiwu anora malilimi ngawu nge lipanga;

Aponya mazu ngawu ngankhaza nge mo aponye mivi,

 4 Kuti alasi munthu wambula kunanga kutuliya mumalu ngo abisama;

Atimulasa mwamabuchibuchi, kwambula mantha.

 5 Akaniriya pa vilatu vawu viheni;*

Akambiskana mo angabisiya viŵana vawu.

 6 Afufuza nthowa zasonu zakuchitiya vinthu viheni;

Mwakuchenje, anozga mapulanu ngawu mwachisisi;+

Vo weyosi waŵanaŵana mumtima mwaki, vakusuzga kuvivwisa.

 7 Kweni Chiuta waŵalasengi;+

Mwamabuchibuchi, yiwu apwetekekengi ndi muvu.

 8 Malilimi ngawu ndingu ngaŵawisengi;+

Ŵanthu wosi wo aŵawonengi apukunyengi mitu yawu.

 9 Pavuli paki, ŵanthu wosi awopengi,

Ndipu apharazgengi vo Chiuta wachita,

Kweniso aziŵengi ntchitu zaki.+

 10 Munthu murunji wakondwengi mwaku Yehova kweniso wabisamengi mwaku iyu;+

Ŵanthu wosi akunyoloka mtima akondwengi.*

65 Yimwi Chiuta, ŵanthu atikuthamikani ku Ziyoni;+

Tifiskengi vo tingukulayizgani.+

 3 Maubudi ngangu ngandimala nthazi,+

Kweni yimwi mubenekere mphulupulu zidu.+

 4 Ngwakukondwa munthu yo mwasankha ndi kuza nayu pafupi

Kuti wazije mumabalaza nginu.+

Tikhorwengi ndi vinthu vamampha va munyumba yinu,+

Nyumba yinu yakusopiyamu yakupaturika.*+

 5 Mutimukengi ndi ntchitu zakuchitiska mantha+ zaurunji,

Yimwi Chiuta wa utaski widu;

Ŵanthu a kuvigoti vosi va charu chapasi athemba yimwi+

Kweniso wo aja kutali kusirya kwa nyanja.

 6 Yimwi mukujalikiska* mwakukho mapiri mwakugwiriskiya ntchitu nthazi zinu;

Ndipu mwe* ndi nthazi ukongwa.+