YESAYA
1 Chiwona cho Yesaya*+ mwana waku Amozi wanguwona chakukwaskana ndi Yuda kweniso Yerusalemu, mu mazuŵa ngaku Uziya,+ Yotamu,+ Ahazi+ ndi Hezekiya,+ mafumu nga ku Yuda:+
2 Vwani, yimwi machanya, ndipu vwisiya yiwi charu chapasi,
Pakuti Yehova wakamba kuti:
3 Ng’ombi yiziŵa munthu yo wakuyigula,
Ndipu bulu waziŵa cho mbuyaki watimuryisiyamu;
Kweni Isirayeli watindiziŵa cha,*+
Ŵanthu ŵangu achita vinthu kwambula kuwamu.”
4 Soka mtundu wakubuda,+
Ŵanthu wo azitiskika ndi mphulupulu,
Mphapu ya ŵanthu aheni, ŵana akunangika!
5 Kumbi mupumikengi nampha panyaki, po mulutirizga kugaruka?+
Mutu wosi watama,
Ndipu mtima wosi we ndi matenda.+
6 Kutuwa kuphazi mpaka paliwombu, palivi po mphamampha.
7 Charu chinu chasambuka mahami.
Matawuni nginu ngawotcheka ndi motu.
Alendu amala charu chinu yimwi muchilereska.+
Charu chinu che nge charu chakunangika cho chathereskeka ndi alendu.+
8 Mwana munthukazi wa ku Ziyoni wajowoleka nge chisakasa mumunda wa mphereska,
Nge chigongwi mumunda wa vinkhaka,
Kweniso nge tawuni yo yazingilizika.+
9 Yehova wa mizinda wakalekengi kusiyaku ŵanthu amanavi akupona,
Mphanyi taja nge Sodomu,
Ndipuso mphanyi tayanana ndi Gomora.+
10 Vwani mazu ngaku Yehova, yimwi alongozgi ankhaza* a ku Sodomu.+
Vwisiyani dangu laku* Chiuta widu, yimwi ŵanthu a ku Gomora.+
11 Yehova watiti, “Sembi zinu zinandi za ntchitu wuli kwaku ini?”+
“Ndavuka ndi sembi zinu zakupiriza za mbereri zinthulumi+ kweniso mafuta nga nyama zakuryisika umampha,+
Ndipu ndikondwa cha ndi ndopa+ za matholi,*+ ŵana a mbereri kweniso mbuzi.+
12 Asani mwaza kuziwoneke pa masu pangu,+
Ndiyani yo wakukambiyani,
Kuti mukandengikandengi mumabalaza ngangu?+
13 Mungazanga so cha ndi sembi za mbewu zabwekabweka.
Sembi zinu za vakununkhira zakuseruska kwaku ini.+
Musunga myezi yifya,+ masabata+ kweniso mudanisa maunganu.+
Kweni ndingakunthiyapu cha kukuwonani kuti mugwiriskiya ntchitu nthazi za masenga+ asani muchita maunganu ngapade.
14 Nditinkha myezi yinu yifya ndipuso maphwandu nginu.
Vinthu venivi vaja mphingu kwaku ini;
Ndavuka kuvipinga.
15 Ndipu asani mutambasuwa manja nginu,
Ndibisa masu ngangu kuti ndileki kukuwonani.+
16 Jisambiseni, jitoweseni;+
Tuzganipu ntchitu zinu ziheni pa masu pangu;
Lekani kuchita vinthu viheni.+
17 Sambirani kuchita vinthu vamampha, penjani urunji,+
Chenyani wakukandirizga anyaki,
Vikiliyani wanangwa wa mwana mulanda,
Ndipuso miyani choko pa mulandu waki.”+
18 Yehova watiti: “Sonu zani, tiyeni tikambiskani kuti tinyoloski vinthu.”+
“Chinanga maubudi nginu ngangaŵa ngayera,
Chinanga ngangatchesama nge salu yiyera,
Ngajengi ngatuŵa nge weya utuŵa.
19 Asani mulongongi kuti mukhumbisiska kundivwiya,
Muryengi vinthu vamampha va mucharu ichi.+
20 Kweni asani mukanengi ndi kugaruka,
Mumalengi ndi lipanga+
Pakuti mulomu waku Yehova ndiwu walongoro venivi.”
21 Tawuni yakugomezgeka+ yasambuka huli!+
23 Alongozgi ŵinu mbamtafu ndipuso mbanyawu ŵa ankhungu.+
Weyosi waku yiwu watanja vinyeda ndipu wawunukiya mphasu.+
Yiwu atimuchitiya urunji cha mwana mulanda,
Ndipu mulandu wa choko alivi nawu ntchitu.+
24 Mwaviyo, Ambuya auneneska, Yehova wa mizinda,
Wanthazi waku Isirayeli, wakamba kuti:
“Ehe! Ndituzgengepu wosi wo atinkhana nani,
Ndipu ndiweziyengi arwani ŵangu.+
25 Nding’anamuwengi janja langu kuti ndilimbani namwi,
Ndisongonongi vinthu vinu vosi vinthu vabwekabweka* ndi vakusongonole,
Ndipu ndituzgengepu vinthu vinu vosi viheni.+
26 Ndiweziyengepu akweruzga ŵinu nge mo venge pakwamba
Ndipuso ndiweziyengepu akulunguchizga ŵinu nge mo venge pakwamba.+
Pavuli paki, mwazamudanika kuti Tawuni ya Urunji, Tawuni Yakugomezgeka.+
27 Ziyoni wazamuwomboleka ndi urunji,+
Ndipu ŵanthu wo azamuwe, azamuwomboleka ndi urunji.
29 Pakuti azamuchita soni ndi vimiti vanthazi vo mwakhumbiranga,+
30 Pakuti mwazamuja nge chimiti chikulu cho mani ngaki ngafota,+
Ndipu mwazamuja nge munda wo ulivi maji.
31 Munthu wanthazi wazamuja nge uteka wakumira,
Ndipu ntchitu yaki yazamuja nge kamotu;
Vosi pamoza vazamukufya ndi motu,
Kwambula munthu wakuvizimwa.”
2 Vinthu vo Yesaya mwana waku Amozi wanguwona vakukwaskana ndi Yuda kweniso Yerusalemu ndi ivi:+
2 Mu mazuŵa ngakumaliya,
Phiri la nyumba yaku Yehova
Lazamujalikiskika pachanya pa mapiri,+
Ndipuso lazamukwezeka pachanya pa mitunthu,
Ndipu mitundu yosi ya ŵanthu yazamundonde kweniko.+
3 Ŵanthu akutuliya mu mitundu yakupambanapambana azamuluta kweniko ndi kukamba kuti:
“Zani, tiyeni tikwere ku phiri laku Yehova,
Kunyumba yaku Chiuta waku Yakobe.+
Iyu wakutisambiza nthowa zaki,
Ndipu isi tamukwenda mu nthowa zaki.”+
4 Iyu wazamuyeruzga mitundu ya ŵanthu
Ndipu wazamunyoloska* vinthu vakukwaskana ndi mitundu yinandi ya ŵanthu.
Yiwu azamusula malipanga ngawu kuti ngaje mayembi nga pulawu
Ndipuso azamusula mikondu yawu kuti yije vidya vakuphatiya vimiti.+
Mtundu wazamunyamuwa lipanga cha kuti uyukiyi mtundu unyaki,
Ndipu ŵanthu azamusambira so nkhondu cha.+
5 Yimwi a munyumba yaku Yakobe, zani,
Tiyeni tiyendi mu ukweru waku Yehova.+
6 Pakuti yimwi mwajowo ŵanthu ŵinu, nyumba yaku Yakobe,+
Chifukwa chakuti asaniya vinthu vinandi kutuliya Kuvuma;*
Yiwu achita vamasenga+ nge Afilisiti,
Ndipu ŵe ndi ŵana anandi ŵa alendu.
7 Charu chawu chazaza siliva ndi golidi,
Ndipu chuma chawu chilivi pakumaliya.
Charu chawu chazaza ndi mahachi,
Ndipu magaleta ngawu ngambula kuŵerengeka.+
8 Charu chawu chazaza ndi achiuta ambula fundu.+
Yiwu asindamiya ntchitu za manja ngawu,
Asindamiya vinthu vakupangika ndi vikumbu vawu.
9 Mwaviyo, munthu wasisika, iyu wayuyulika,
Ndipu mungaŵagowoke cha.
10 Sereni kujalawi ndipu jibiseni mufuvu
Chifukwa cha kofya kwa kuŵapu kwaku Yehova
Ndipuso unkhankhu waki ukulu.+
11 Masu nga munthu wakujikuzga ngazamusisika,
Ndipu munthu wakujiŵikamu, wazamuyuyulika.
Yehova pe ndiyu wazamukwezeka mu zuŵa lo.
12 Pakuti ndi zuŵa laku Yehova wa mizinda.+
Zuŵa lo lituza paku weyosi yo watijikuzga kweniso yo watijikweza,
Paku weyosi, kwali ngwakukwezeka pamwenga ngwakuyuyulika,+
13 Lituza pa vimiti vosi va sidara va ku Lebanoni, vo vitali kweniso vakuthopoka
Ndipuso pa vimiti vosi va oku va ku Bashani,
14 Lituza pa mapiri ngosi ngakuthopoka
Ndipuso pa mitunthu yosi yitaliyitali,
15 Lituza pa nyumba yeyosi yakuthopoka ndipuso pa mpanda wewosi wakukho,
16 Lituza pa sitima zosi za ku Tashishi+
Ndipuso pa maboti ngosi ngakutowa.
17 Munthu wakujikuzga, wazamusisika,
Ndipu ŵanthu akujiŵikamu azamuyuyulika.
Yehova pe ndiyu wazamukwezeka mu zuŵa lo.
18 Achiuta ambula fundu azamumaliya limu.+
19 Ndipu ŵanthu azamusere mumphanji za majalawi
Ndipuso mumazenji ngapasi,+
Chifukwa cha kofya kwa kuŵapu kwaku Yehova
Ndipuso unkhankhu waki ukulu,+
Pa nyengu yo wazamuyuka kuti watenthemesi charu chapasi.
20 Mu zuŵa lo, ŵanthu azamuto achiuta ŵawu ambula fundu asiliva ndipuso agolidi
Wo angujipangiya kuti aŵasindamiyengi
Ndipu azamuponye amfusa* kweniso akasuska,+
21 Kuti asere mumazenji nga majalawi
Kweniso mumphaku za majalawi,
Chifukwa cha kofya kwa kuŵapu kwaku Yehova
Ndipuso unkhankhu waki ukulu,
Pa nyengu yo wazamuyuka kuti watenthemesi charu chapasi.
22 Kuti vinthu vikuyendiyeni umampha, muleki kuthemba munthu,
Yo we ndi ŵaka mvuchi mumphunu mwaki.
Palivi chifukwa chakuŵanaŵaniya vaku iyu.
3 Awonani! Ambuya auneneska, Yehova wa mizinda,
Watuzgamu chovyu chechosi mu Yerusalemu ndipuso mu Yuda,
Chovyu chosi cha viŵandi kweniso maji,+
2 Watuzgamu munthu wanthazi ndipuso msilikali,
Wakweruzga kweniso mchimi,+ wakuloska ndipuso mura,
3 Watuzgamu mulongozgi wa ŵanthu 50,+ wakutumbikika ukongwa ndipuso wakulunguchizga,
Kaswiri wamasenga ndipuso munthu wakuziŵa kuseŵeresa njoka.+
4 Ndazamuŵika anyamata kuti aje alongozgi ŵawu,
Ndipu ŵanthu ambula kujalikiskika azakuŵawusa.
5 Ŵanthu azamukandirizgananga,
Weyosi wazamukandirizga munyaki.+
Mnyamata wazamuyukiya khongwi,
Ndipu munthu wakuyuyulika wazamuyuyuwa wakutumbikika.+
6 Weyosi wazamuko mubali waki munyumba ya awisi ndi kukamba kuti:
“Yiwi we ndi chakuvwala, uje mulongozgi widu.
Ulamuliyengi ndundu ya mahami ngakubwangandulika yanga.”
7 Kweni iyu wazamuchanganduka mu zuŵa lo, ndipu wazamukamba kuti:
“Ndakhumba cha kuti ndije wakumanga vilonda vinu;*
Munyumba yangu mulivi chakurya pamwenga vakuvwala.
Mungandiŵikanga cha kuti ndije mulongozgi wa ŵanthu.”
8 Pakuti Yerusalemu waguŵa,
Ndipu Yuda wawa,
Chifukwa mu mazu ndipuso mu vakuchita alimbana ndi Yehova;
Achita vinthu mwamtafu pa masu pa unkhankhu waki.+
9 Kawonekeru ka visku vawu katiŵachitiya ukaboni,
Ndipu apharazga ubudi wawu nge Sodomu;+
Ubudi wawu atiwubisa cha.
Soka kwaku yiwu chifukwa atijidaniya masuzgu!
10 Kambiya arunji kuti vinthu vazakuŵayende umampha;
11 Soka munthu muheni!
Suzgu yazakumuwiya,
Pakuti vo manja ngaki ngachita ndivu vazakumuchitikiya!
12 Kweni akapitawu a ŵanthu ŵangu mbankhaza,
Ndipu anthukazi atiŵawusa.
Mwaŵanthu ŵangu, alongozgi ŵinu atikuyingisani,
Ndipuso atimbanyizga nthowa zinu.+
13 Yehova wanozgeka kuti waŵasuski;
Wasoka kuti wayeruzgi mitundu ya ŵanthu.
14 Yehova wazamupereka cheruzgu ku ŵara ndipuso ku alongozgi a ŵanthu ŵaki.
Iyu wakamba kuti: “Mwawotcha munda wa mphereska,
Ndipu vo mwabiya akavu ve munyumba zinu.”+
15 Ambuya Fumu Yikulu, Yehova wa mizinda, wakamba so kuti:
“Ntchifukwa wuli mupweteka ŵanthu ŵangu ndipuso musira visku va akavu mufuvu?”+
16 Yehova wakamba kuti: “Chifukwa chakuti ŵana anthukazi a ku Ziyoni atijikuzga,
Atenda mitu yawu ye muchanya,
Akopa anthulumi ndi masu ngawu, abingizuwa pakwenda,
Vibangili vawu vamumalundi vichita chiwawa,
17 Yehova wazamuchitiska so kuti pamutu wa ŵana anthukazi a ku Ziyoni paje viganamba,
Ndipu Yehova wazamuchitiska kuti mitu yawu yime phala.+
18 Mu zuŵa lenilo Yehova wazamutuzgapu kutowa kwa vigwenjeri vawu,
Akamubambi ndipuso vakutowese va nge mwezi,*+
19 Wazamutuzgapu kutowa kwa ndeŵereŵi, vibangili ndi salu zakudika kumutu,
20 Wazamutuzgapu vakuvwala vakumutu, matcheni ngamumalundi ndi vakuvwala vapachifuŵa,
Vakuŵikamu mafuta ngakununkhira ndipuso vinthu vakujitowese,
21 Wazamutuzgapu mpheti zapachikumbu ndi zapamphunu,
22 Wazamutuzgapu malaya ngakuvwala pa vakuchitika vapade, malaya ngakubwalu, mikhanju ndipuso tivikwama,
23 Wazamutuzgapu magilasi ngakuwonapu nga mumanja+ ndipuso malaya ngamukati,
Mphumphu kweniso salu zakudika kumutu.
24 Mumalu mwa mafuta nga basamu,+ pazamukuŵa fungu la vinthu vakuvunda;
Mumalu mwa lamba, chingwi;
Mumalu mwa sisi lakutowa, phala;+
Mumalu mwa malaya ngamampha, chigudulu;+
Ndipu mumalu mwa kutowa, bamba.
25 Anthulumi ŵinu azamubayika ndi lipanga,
Ndipu anthulumi ŵinu anthazi azamumala ku nkhondu.+
26 Makhomu ngaki ngazamuliya ndipuso ngazamuja ndi chitima,+
Ndipu iyu wazamubwangandulika ndi kuja padongu chayipu.”+
4 Ndipu mu zuŵa lo, anthukazi 7 azamuko munthulumi yumoza+ ndi kukamba kuti:
“Tiryengi chakurya* chidu
Ndipuso tivwalengi vakuvwala vidu;
Utizomerezi kuti tiziŵikengi ŵaka ndi zina laku
2 Mu zuŵa lo, vinthu vo Yehova wazamumezga vazamuja vakutowa kweniso vaunkhankhu, ndipu akupona ŵa Ayisirayeli azamunotha* kweniso azamukondwa ndi vipasu va charu cho.+ 3 Weyosi yo wazamujaku mu Ziyoni ndipuso wo azamujaku mu Yerusalemu azamudanika kuti akupaturika, wosi wo angulembeka mazina mu Yerusalemu kuti aje ndi umoyu.+
4 Asani Yehova wazisuka vinthu vaukazuzi va* ŵana anthukazi a ku Ziyoni+ ndi kusukuluza ndopa za Yerusalemu pakati paki, mwakugwiriskiya ntchitu mzimu wa cheruzgu kweniso mzimu wa kotcha,*+ 5 Yehova wazamupanga so mtambu kweniso josi ndi msana ndipuso motu wakukole ndi usiku pamalu ngosi nga Phiri la Ziyoni kweniso pamalu ngaki ngosi ngamaunganu;+ pakuti pa vinthu vosi vaunkhankhu pazamuja chakubenekere chakuvikiliya. 6 Ndipu pazamuja msasa wakuvikiliya ku chifundizi ndi msana+ ndipuso malu ngakuthaŵiyaku kweniso ngakubisamaku kuti avikiliriki ku chimphunga kweniso vuwa.+
5 Agani ndimumbiyi sumu wakwanjiwa wangu
Sumu yakukwaskana ndi wakwanjiwa wangu kweniso munda waki wa mphereska.+
Wakwanjiwa wangu wenga ndi munda wa mphereska panyata mumphepeti mwa phiri.
2 Iyu wanguwulima ndi kutuzgamu mya.
Wangupandamu mphereska zamampha ziyera,
Wanguzenga chigongwi pakati pa munda wo,
Ndipuso wangujobiyamu malu ngakukandiyapu mphereska.+
Iyu walindizganga kuti munda wo upasengi mphereska zamampha,
Kweni ungupasa mphereska zamudondu pe.+
3 “Sonu yimwi mwaŵanthu a mu Yerusalemu kweniso yimwi ŵanthu a ku Yuda,
Yeruzgani pakati paku ini ndi munda wangu wa mphereska.+
4 Ntchinthu wuli chinyaki cho ndakhumbikanga kuchita ndi munda wangu wa mphereska
Cho ndachita cha?+
Ndalindizganga mphereska zamampha,
Sonu ntchifukwa wuli wapasa mphereska zamudondu pe?
5 Sonu ndikukambiyeni
Vo ndichitengi ndi munda wangu wa mphereska:
Ndituzgengeku mpanda waki wavimiti,
Ndipu uwotchekengi.+
Ndibwanganduwengi mpanda waki wamya,
Ndipu ukandikengikandikengi.
6 Ndiwulekengi kuti unangiki;+
Ndiwuphatiriyengi cha pamwenga kuwulimiliya.
7 Pakuti munda wa mphereska waku Yehova wa mizinda, ndi nyumba yaku Isirayeli;+
Ŵanthu a ku Yuda ndi munda wo wawuyanjanga.
Walindizganga kuti uchitengi urunji,+
Kweni awonani! mwenga vinthu vambula urunji;
Walindizganga urunji,
Kweni awonani! mwenga ŵaka kuliya.”+
8 Soka ŵanthu wo asazgiyaku nyumba ku nyumba yinyaki+
Ndipuso wo asazgiyaku munda ku munda unyaki+
Mpaka po malu ngosi ngamaliya
Ndipu muja mwija mucharu cho!
9 Yehova wa mizinda walapizga mumakutu ngangu
Kuti nyumba zinandi, chinanga kuti zikulu kweniso zakutowa,
Zazamusambuka chinthu chakuchitiska mantha,
Zambula wakujamu.+
10 Pakuti mumunda wa maekala 10* wa mphereska mwazamutuwa mphereska zakukwana mwesu umoza wa bati,*
Ndipu mbewu yakukwana mwesu umoza wa homeri,* yazamupasa vipasu vakukwana mwesu umoza wa efa.*+
11 Soka ŵanthu wo ayuka mlenjilenji kuchimwa vakumwa vakuloŵeresa,+
Wo atandala kweniko mpaka usiku mwakuti vinyu watiŵaloŵeresa!
12 Yiwu ŵe ndi bangu, chakumbiya cha vingwi,
Kang’oma, fyoliru ndi vinyu pa maphwandu ngawu;
Kweni aŵanaŵaniyaku cha ntchitu zaku Yehova,
Ndipuso awona cha ntchitu za manja ngaki.
13 Mwaviyo, ŵanthu ŵangu alutengi ku ukapolu
Chifukwa cha kuleka kuziŵa vinthu;+
Ŵanthu ŵawu aunkhankhu ajengi ndi nja,+
Ndipu ŵanthu ŵawu wosi apwetekekengi ndi nyota.
14 Mwaviyo, Dindi* lajisanuzga
Ndipu lapambawuwa mulomu waki kwambula kulekeza;+
Ndipuso ŵanthu ŵaki* akutumbikika, mzinda wa ŵanthu ŵaki wo achita chiwawa kweniso ŵanthu ŵaki akuzaya
Azamusikiyamu.
15 Ndipu munthu wasisikengi,
Munthu wayuyulikengi,
Ndipu masu nga munthu wakujikuzga ngasisikengi.
16 Yehova wa mizinda wakwezekengi kuziya mu cheruzgu chaki;*
17 Ndipu ŵana a mbereri aryengi uteka nge kuti ŵe pamalu ngakuliskapu viŵetu;
Alendu aryiyengi mumalu ngakubwangandulika ngo viŵetu vakututuŵa varyiyangamu.
18 Soka ŵanthu wo aguza mphulupulu zawu ndi vingwi vaboza
Ndipuso ubudi wawu ndi vingwi va ngolu;
19 Wo akamba kuti: “Iyu watchimbizi ntchitu yaki;
Yizi liŵi kuti tiyiwoni.
Chilatu cha Mtuŵa waku Isirayeli chichitiki
Kuti tichiziŵi!”+
20 Soka ŵanthu wo akamba kuti chamampha ntchiheni ndipu chiheni ntchamampha,+
Wo aŵika mdima mumalu mwa ukweru ndipuso ukweru mumalu mwa mdima,
Wo aŵika vakuŵaŵa mumalu mwa vakunong’ome ndipuso vakunong’ome mumalu mwa vakuŵaŵa!
21 Soka ŵanthu wo atijiwona kuti mbazeru
Ndipuso wo atijiwona kuti mbakuchenje!+
22 Soka ŵanthu wo mbanthazi pakumwa vinyu
Ndipuso ku ŵanthu wo mbakaswiri pakusazga vakumwa vakuloŵeresa,+
23 Wo akamba kuti munthu muheni walivi mulandu chifukwa chakuti alonde vinyeda+
Ndipuso wo akana kuchitiya urunji munthu murunji!+
24 Mwaviyo, nge mo mulipu wa motu utotche mapesi
Kweniso mo uteka unyeke mumotu,
Misisi yawu yivundengi,
Ndipu maluŵa ngawu ngambininikengi nge fuvu
Chifukwa chakuti akana dangu laku* Yehova wa mizinda
Ndipuso ayuyuwa mazu nga Mtuŵa waku Isirayeli.+
25 Ndichu chifukwa chaki ukali waku Yehova ukole pa ŵanthu ŵaki,
Ndipu waŵatambasuliyengi janja laki kuti waŵalangi.+
Mapiri ngasukunyikengi
Ndipu mathupi ngawu ngajengi nge vimalala mumisewu.+
Chifukwa cha vinthu vosi venivi, ukali waki wawelere cha,
Kweni janja laki leche lakutambasuka kuti walangi.
26 Iyu wasoske mtundu wakutali chiziŵisu;*+
Waŵambiya khwelu kuti azi kutuliya kuvigoti va charu chapasi;+
Ndipu awonani! atuza mwaliŵi ukongwa.+
27 Pakati pawu palivi yo wavuka pamwenga yo waguŵa.
Palivi yo wasiwa pamwenga kugona.
Lamba wa muchiwunu chawu ngwakufwatuka cha,
Ndipuso nthambu za sapatu zawu zakudosoka cha.
28 Mivi yawu yosi njakuthwa,
Ndipu mauta ngawu ngosi ngakukunga.*
Vakukandiya va mahachi ngawu ve nge mwa,
Ndipu vingelengeli va magaleta ngawu vitchimbiya nge mphepu.+
Yiwu awulumengi ndi kuko nyama
Ndipu alutengi nayu kwambula wakuyitaska.
30 Mu zuŵa lenilo, azamuwuluma pa nyama yo
Nge mo nyanja yiwulumiya.+
Munthu weyosi yo walereska charu cho, wazamuwona mdima ukulu;
Ndipu chinanga mbukweru wasambuka mdima chifukwa cha mitambu.+
6 Mu chaka cho fumu Uziya yingufwiya,+ ndinguwona Yehova waja pampandu waufumu wapachanya kweniso wakukwezeka,+ ndipu chakuvwala chaki chinguzaza munyumba yakusopiyamu. 2 Aserafi anguma pachanya paku iyu; weyosi wenga ndi mapapa 6. Muserafi weyosi wangubenekere chisku chaki ndi mapapa ngaŵi kweniso wangubenekere malundi ngaki ndi mapapa ngaŵi, ndipu weyosi waphululukanga ndi mapapa ngaŵi.
3 Weyosi wadanirizanga ku munyaki kuti:
“Mtuŵa, mtuŵa, mtuŵa ndi Yehova wa mizinda.+
Charu chosi chazaza ndi unkhankhu waki.”
4 Vakukholese makhomu vingusukunyika chifukwa cha kudaniriza ko, ndipu nyumba yinguzaza josi.+
5 Pavuli paki ndingukamba kuti: “Soka ini!
Ndifwengi,*
Pakuti nde munthu wa milomu yakufipiskika,
Ndipuso ndija pakati pa ŵanthu a milomu yakufipiskika;+
Chifukwa masu ngangu ngawona Fumu, Yehova wa mizinda!”
6 Mwaviyo, yumoza mwa aserafi wanguphululukiya kwaku ini ndipu mujanja laki mwenga ga lamotu+ lo wangulito ndi chakuŵaniya paguŵa la sembi.+ 7 Iyu wangukwaska mulomu wangu ndipu wangukamba kuti:
“Awona! Ga ili lakwaska milomu yaku.
Mulandu waku watuzgikapu,
Ndipu ubudi waku wabenekereka.”
8 Pavuli paki, ndinguvwa mazu ngaku Yehova ngakuti: “Ndiyani yo nditumengi, ndipu ndiyani yo walutengi mumalu mwaku isi?”+ Ndipu ndingukamba kuti: “Ndini panu! Nditumeni!”+
9 Ndipu wangumuka kuti, “Luta ndipu ukakambiyi ŵanthu yaŵa kuti:
‘Muvwengi mwakuwerezawereza,
Kweni muvwisengi cha;
Muwonengi mwakuwerezawereza,
Kweni muziŵengi chechosi cha.’+
10 Kanonopesi mitima ya ŵanthu yaŵa,+
Kajali makutu ngawu,+
Ndipu ukamati masu ngawu,
Kuti aleki kuwona ndi masu ngawu
Kweniso kuti aleki kuvwa ndi makutu ngawu,
Kuti mitima yawu yileki kuvwisa
Ndipuso kuti aleki kung’anamuka ndi kuchizgika.”+
11 Ndati ndavwa venivi, ndingufumba kuti: “Mpaka zuŵanji, yimwi Yehova?” Pavuli paki, iyu wangukamba kuti:
“Mpaka po matawuni ngabwangandulikiya ndi kuja mahami ngambula ŵanthu
Ndipuso mpaka po nyumba zajaliya zambula ŵanthu
Kweniso mpaka po charu chanangikiya ndi kuja mahami.+
12 Mpaka po Yehova wadikisiya ŵanthu kutali+
Ndipuso mpaka po chigaŵa chikulu cha charu cho, chajaliya chipalamba.
13 “Kweni mwazamuja mbwenu chatchumi, ndipu nachu chazamuwotcheka, nge chimiti chikulu kweniso nge chimiti cha oku, vo asani vawisikiya pasi visiya chisina; mbewu* yakupaturika ndiyu yazamuja chisina chaki.”
7 Sonu mu mazuŵa ngaku Ahazi+ mwana waku Yotamu, mwana waku Uziya fumu ya ku Yuda, Fumu Rezini ya ku Siriya ndi Peka+ mwana waku Remaliya fumu ya ku Isirayeli, anguza kuzichita nkhondu ndi Yerusalemu, kweni angutondeka kulonda tawuni yo.+ 2 Ndipu kunyumba kwaku Davidi kunguza uthenga wakuti: “Charu cha Siriya chakoliyana ndi Efurayemu.”
Mwaviyo, mtima waku Ahazi kweniso mitima ya ŵanthu ŵaki yingwamba kunjekeme, nge vimiti vamulisuwa vo visukunyika ndi mphepu.
3 Pavuli paki, Yehova wangukambiya Yesaya kuti: “Luta kuti ukakumani ndi Ahazi, yiwi ndi mwana waku, Sheyara-yasubu,*+ kukumaliya kwa ngalandi ya damu lakunena,+ mumphepeti mwa msewu ukulu wakuluta kumalu ngo wakuchapa vakuvwala wagwiriya ntchitu yaki. 4 Ukamukambiyi kuti, ‘Jalika mtima pasi. Ungawopanga cha ndipu ungafipanga mtima cha chifukwa cha vimiti viŵi ivi vo visunkha josi ndipu vaja kamanavi kunyeke limu. Ungawopanga cha chifukwa cha ukali ukulu waku Rezini ndi Siriya kweniso mwana waku Remaliya.+ 5 Pakuti Siriya limoza ndi Efurayemu kweniso mwana waku Remaliya apangana kuti akupweteki, ndipu akamba kuti: 6 “Tiyeni tiyukiyi Yuda, timupaluwi* ndi kumuthereska,* ndipu tisankhi mwana waku Tabeli kuti waje fumu yaki.”+
7 “‘Yehova, Ambuya Fumu Yikulu wakamba kuti:
“Viŵayendiyengi cha,
Ndipu vichitikengi cha.
8 Pakuti mutu waku Siriya ndi Damasiko,
Ndipu mutu waku Damasiko ndi Rezini.
Mu vyaka 65 pe,
Efurayemu waphwanyikiyengi limu ndipu uŵengi so mtundu cha.+
Asani muŵengevi chivwanu chakukho,
Mujalikiskikengi cha.”’”
10 Yehova wangulutirizga kulongoro ndi Ahazi, ndipu wangukamba kuti: 11 “Pempha chisimikizu kutuliya kwaku Yehova Chiuta waku;+ chingaŵa chitali nge Dindi* pamwenga chingaŵa chakuthopoka mpaka kufika kuchanya.” 12 Kweni Ahazi wangukamba kuti: “Ndipemphengi cha ndipuso ndiyesengi Yehova cha.”
13 Pavuli paki, Yesaya wangukamba kuti: “Vwani yimwi a munyumba yaku Davidi. Kumbi mwakhorwa cha kukwiyisa ŵanthu? Kumbi mukhumba so kukwiyisa Chiuta?+ 14 Mwaviyo, Yehova mweneku wakupaskeningi chisimikizu ichi: Awonani! Mwali wamengi nthumbu ndipu wabalengi mwana munthulumi.+ Iyu wazakumudana zina lakuti Emanuwelu.*+ 15 Pa nyengu yo wazamuziŵa mo wangakaniya chiheni ndi kusankha chamampha, wazamukurya mkaka wakukhoma* ndi uchi. 16 Pakuti mwana yo wechendaziŵi mo wangakaniya chiheni ndi kusankha chamampha, charu cha mafumu ngaŵi cho utopa, chazamujowoleke limu.+ 17 Yehova wachitiskengi kuti yiwi, ŵanthu ŵaku kweniso nyumba ya awusu, muzije mu nyengu yakusuzga, yo yikuŵapu cha kwambiya pa zuŵa lo Efurayemu wangutuliyaku kwaku Yuda,+ pakuti Chiuta wazengi ndi fumu ya ku Asiriya.+
18 “Mu zuŵa lenilo, Yehova wazamukumba khwelu kuti wadani nyezi kutuliya ku timisinji takutali ta msinji wa Nayelu wa ku Ijipiti ndipuso wazamudana njuchi kutuliya mucharu cha Asiriya, 19 Ndipu zazamukuza ndi kubota mumadambu* ngakusendemuka, mumphaku za majalawi, muvivwati vosi vaminga ndipuso mumalu ngosi ngakumwisiyamu maji viŵetu.
20 “Mu zuŵa lenilo, mwakugwiriskiya ntchitu lezara lakubwereka lakutuliya kuchigaŵa cha Msinji,* mwakugwiriskiya ntchitu fumu ya ku Asiriya,+ Yehova wazamumeta sisi lakumutu ndipuso cheya cha mumalundi, ndipu lezara lo lazamupala so mwembi.
21 “Mu zuŵa lenilo, munthu wazamusunga tholi* linthukazi kweniso mbereri ziŵi. 22 Ndipu chifukwa cha unandi wa mkaka, munthu yo, wazamukurya mkaka wakukhoma,* pakuti weyosi yo wazamujaku mucharu cho, wazamukurya mkaka wakukhoma ndipuso uchi.
23 “Mu zuŵa lenilo, peposi po pajanga vimiti 1,000 va mphereska vakukwana ndalama zasiliva 1,000, pazamukuŵa ŵaka vivwati vaminga kweniso dondu. 24 Ŵanthu azamuluta kweniko ndi uta kweniso muvu, chifukwa charu chosi chazamuja ndi vivwati vaminga kweniso dondu. 25 Ndipu mwazamutondeka kuluta kufupi ndi mapiri ngosi ngo mwangangweruwanga ndi jembi, chifukwa chakopa vivwati vaminga kweniso dondu. Mapiri ngo, ngazamusambuka malu ngakuliskaku ng’ombi kweniso ngakukandamu mbereri.”
8 Yehova wangundikambiya kuti: “Uto mwa ukulu+ ndipu ulembepu mazu mwakugwiriskiya ntchitu chakulembe cha nyengu zosi. Ulembepu kuti, ‘Mahere-shalala-hashi-bazi.’* 2 Ndikhumba kuti akaboni akugomezgeka asimikiziyi mazu ngo mwakuchita kulemba* ndipu akaboni wo aje, Uriya+ wasembi ndi Zekariya mwana waku Yeberekiya.”
3 Pavuli paki, ndingugona* ndi mchimi munthukazi* ndipu wangume nthumbu. Pati pajumpha nyengu wangubala mwana munthulumi.+ Ndipu Yehova wangundikambiya kuti: “Umudani zina lakuti Mahere-shalala-hashi-bazi, 4 pakuti mwana yo wechendaziŵi kudana kuti, ‘Ada!’ ndipuso kuti, ‘Ama!’ ŵanthu azamuto vinthu va ku Damasiko kweniso vinthu vo vazamuphangika ku Samariya ndipu azamuluta navu pa masu pa fumu ya ku Asiriya.”+
5 Yehova wangulongoro so nani ndipu wangukamba kuti:
6 “Chifukwa chakuti ŵanthu yaŵa akana maji ngo ngatenda kamanakamana nga mu Shilowa*+
Ndipu akondwa ndi Rezini kweniso mwana munthulumi waku Remaliya,+
7 Awonani! Yehova waŵatumiyengi
Maji nganthazi kweniso nganandi nga mu Msinji,*
Waŵatumiyengi fumu ya ku Asiriya+ ndi unkhankhu waki wosi.
Iyu wazazengi mutimisinji taki tosi,
Wasapaliyengi mumphepeti mwa misinji yaki yosi
8 Ndipu wapeyengi Yuda yosi.
Iyu wasapaliyengi ndi kujumphamu, wafikengi mpaka mukhosi;+
Mapapa ngaki ngakutambasuka ngazazengi mu ufinyi wa charu chaku,
9 Yimwi mitundu ya ŵanthu, apwetekeni, kweni mwazamuvikitika.
Avwani, yimwi mosi akutuliya kuvigaŵa vakutali va charu chapasi!+
Nozgekiyani nkhondu,* kweni mwazamuvikitika!
Nozgekiyani nkhondu, kweni mwazamuvikitika!
10 Nozgani vakuti muchiti, kweni vitimbanyizgikengi!
11 Yehova wangulongoro nani janja laki lanthazi le paku ini, kunditcheŵeska kuti ndileki kulondo nthowa ya ŵanthu yaŵa, iyu wangundikambiya kuti:
12 “Cho ŵanthu yaŵa akamba kuti ntchiŵembu, yiwi ungakambanga cha kuti ntchiŵembu!
Leka kopa vo yiwu atopa;
Ungatenthemanga navu cha.
13 Yehova wa mizinda ndiyu utenere kumuwona kuti ndi mtuŵa,+
Iyu ndiyu utenere kumuwopa,
Ndipu Iyu ndiyu watenere kukutenthemesa.”+
14 Iyu wajengi nge malu ngakupaturika,
Kweni wajengi so nge mwa wakuguŵamu
Ndipuso nge jalawi lakuguŵamu+
Ku nyumba zosi ziŵi zaku Isirayeli,
Nge diŵa kweniso chiŵana
Ku akuja mu Yerusalemu.
15 Anandi aku yiwu aguŵengi ndi kuwa ndipu afyokengi;
Yiwu awirengi ndi kukoleka.
16 Vunga ukaboni wakulembeka;
Mata dangu* pakati pa akusambira ŵangu!
17 Ndilindizgengi* Yehova+ yo wabisiya chisku chaki nyumba yaku Yakobe,+ ndipu ndilindizgengi iyu.
18 Awonani! Ini ndi ŵana wo Yehova wandipaska,+ te nge visimikizu+ kweniso vakuziziswa mu Isirayeli, vakutuliya kwaku Yehova wa mizinda, yo waja pa Phiri la Ziyoni.
19 Ndipu asani atikukambiya kuti: “Fumba ku ŵanthu wo alongoro ndi mizimu pamwenga ŵanthu wo aloska vinthu vo vichitikengi kunthazi wo aliya nge viyuni kweniso wo alongoro mwakusisa mazu,” kumbi nkhwaku Chiuta wawu cha ko atenere kufumba? Kumbi atenere kufumba ŵanthu akufwa mumalu mwa ŵanthu amoyu?+ 20 Mumalu mwa kuchita venivi, atenere kufumba dangu kweniso ukaboni wakulembeka!
Asani alongoro mwakukoliyana ndi mazu yanga cha, mbwenu alivi ukweru.*+ 21 Ndipu weyosi wazamujumpha mucharu cho, we wakusuzgika kweniso we ndi nja;+ ndipu chifukwa chakuti we ndi nja kweniso ukali, wazamutemba fumu yaki ndipuso Chiuta waki, wachilereska kuchanya. 22 Pavuli paki, munthu yo, wazamulereska pacharu chapasi ndipu wazamuwona ŵaka suzgu ndi mdima, vizgezgi ndi nyengu zakusuzga kweniso mdima ukulu kwambula ukweru.
9 Kweni mdima wo, wazamuja nge mo wenge pa nyengu yo charu cho chenga mu suzgu cha, mu nyengu yakali po charu cha Zebuloni ndi charu cha Nafutali vinguyuyulika.+ Kweni kunthazi, Iyu wazamuchitiska kuti charu cho chitumbikiki, chigaŵa cho kwe nthowa yakuluta kunyanja, muchigaŵa cha Yorodani, Galileya wa ŵanthu amitundu yinyaki.
2 Ŵanthu wo ayendanga mu mdima
Awona ukweru ukulu.
Ndipu ŵanthu wo aja mucharu cha mdima ukulu,
Ukweru waŵaŵaliya.+
3 Mwayandanisa mitundu;
Mwachitiska kuti yikondwengi ukongwa.
Yiwu akondwa pa masu pinu
Nge mo ŵanthu akondwe pa nyengu yakuvuna,
Nge ŵanthu wo akondwa asani agaŵana vinthu vo aphanga ku nkhondu.
4 Pakuti mwavikita goli la katundu wawu,
Mwavikita nthonga ya pamapewa ngawu, nthonga yaku kapitawu,
Nge mo venge mu zuŵa la Amidiyani.+
5 Sapatu yeyosi yo yisukunyisa charu pakwenda
Kweniso chakuvwala chechosi cho chabizgika mundopa
Vazamuja vakupembe motu.
Iyu wazamudanika kuti Wakulunguchizga Wakuziziswa,+ Chiuta Wanthazi,+ Ada Amuyaya, Mulongozgi Wachimangu.
7 Kukuwa kwa ulamuliru waki*
Kweniso chimangu, vazamumala cha,+
Pa mpandu waufumu waku Davidi+ ndipuso pa ufumu waki
Kuti wawujalikiski mwanthazi,+ kweniso kuti wawukholesi
Mwakugwiriskiya ntchitu cheruzgu chakunyoloka+ kweniso urunji,+
Kwamba sonu mpaka muyaya.
Yehova wa mizinda wachitengi venivi chifukwa cha phamphu laki.
8 Yehova wangutuma mazu ngakususkana ndi Yakobe,
Ndipu ngaza kuti ngasuskani ndi Isirayeli.+
9 Ŵanthu wosi azakungaziŵa
Efurayemu kweniso ŵanthu wo aja ku Samariya
Wo mwakujikuzga kweniso mwamtafu akamba kuti:
10 “Njerwa zadilizika,
Kweni tizengiyengi mya yakusema.+
Vimiti va mkuyu vadumulika,
Kweni tiweziyengepu vimiti va sidara.”*
11 Yehova wayuskengi arwani aku Rezini kuti amuyukiyi
Kweniso wavundumuwengi arwani ŵaki kuti achitepu kanthu,
12 Siriya kutuliya kuvuma* ndipuso Afilisiti kutuliya kuzambwi,*+
Yiwu azamumeza Isirayeli ndi milomu yakupambawuwa.+
Chifukwa cha vinthu vosi venivi, ukali waki wawelere cha,
Kweni janja laki leche lakutambasuka kuti walangi.+
13 Pakuti ŵanthu awere cha kwaku Yo watiŵalanga;
Yiwu amupenja cha Yehova wa mizinda.+
14 Yehova wadumuwengeku ku Isirayeli
Mutu ndi muchiya kweniso chakume cho chabuka sonu ndi uteka utali,* mu zuŵa limoza.+
15 Mura kweniso munthu wakutumbikika, ndi mutu,
Ndipu mchimi yo wapereka ulongozgi waboza, ndi muchiya.+
16 Wo alongozga ŵanthu yaŵa atiŵachitiska kuti awulawulengi,
Ndipu ŵanthu wo alongozgeka atimbanyizgika.
17 Ndichu chifukwa chaki Yehova wazamukondwa cha ndi anyamata ŵawu,
Ndipu wazakuŵachitiya lisungu cha ŵana ŵawu alanda kweniso vyoko vawu
Chifukwa chakuti wosi agaruka kweniso achita vinthu viheni+
Ndipuso mulomu wewosi ulongoro vinthu vambula zeru.
Chifukwa cha vinthu vosi venivi, ukali waki wawelere cha,
Kweni janja laki leche lakutambasuka kuti walangi.+
18 Pakuti uheni ukole nge motu,
Uwotcha vivwati vaminga ndipuso dondu.
Wazamubuska vivwati vamulisuwa,
Ndipu vazamukwera mumitambu ya josi.
19 Chifukwa cha ukali waku Yehova wa mizinda,
Charu cho, chabuskika ndi motu,
Ndipu ŵanthu wo, azamusambuka vakupembe motu.
Palivi yo wazamuchitiya lisungu chinanga ndi mubali waki.
20 Munyaki wazamudumuwa kumaryi
Kweni wazamuja mbwenu ndi nja;
Ndipu munyaki wazamukurya kumazge
Kweni wazamuguta cha.
Weyosi wazamukurya mnofu wa janja laki,
21 Manasi wazamukurya Efurayemu
Ndipu Efurayemu wazamukurya Manasi
Wosi ŵaŵi azamuyukiya Yuda.+
Chifukwa cha vinthu vosi venivi, ukali waki wawelere cha,
Kweni janja laki leche lakutambasuka kuti walangi.+
10 Soka ŵanthu wo ajalikiska marangu ngakupweteka,+
Ŵanthu wo nyengu zosi apanga marangu ngakukandirizga,
2 Kuti aleki kuyeruzga mwaurunji mulandu wa akavu,
Kuti akani kuchitiya urunji ŵanthu akusika,+
Asambusa vyoko kuja nge vinthu vakuphangika ku nkhondu
Kweniso asambusa ŵana alanda kuja nge vinthu vakuphangika ku nkhondu!+
4 Palivi cho chazamujaku kupatuwaku kujikama pakati pa akayidi
Pamwenga kuwa pakati pa ŵanthu akubayika.
Chifukwa cha vinthu vosi venivi, ukali waki wawelere cha,
Kweni janja laki leche lakutambasuka kuti walangi.+
5 “Eyo po, munthu wa ku Asiriya,+
Nthonga yakulongore ukali wangu+
Ndipu mu janja lawu mwe nthonga yakupereke chilangu changu!
6 Ndimutumengi kuti wayukiyi mtundu wakugaruka,+
Wayukiyi ŵanthu wo akundikwiyisa;
Ndimulamulengi kuti wato vinthu vinandi vakuphangika ku nkhondu ndipuso vinthu vinandi vakutoleka ku nkhondu
Ndipuso kuti waŵakandi nge ulambwi wa mumisewu.+
7 Kweni ndivu iyu wakhumbengi cha
Ndipu mtima waki uŵanaŵanengi venivo cha;
Pakuti mumtima waki, iyu waŵanaŵana kubaya,
Waŵanaŵana kunanga mitundu yinandi ya ŵanthu, yimanavi cha.
8 Pakuti wakamba kuti,
‘Asi alongozgi ŵangu wosi akuzirwa ndi mafumu?+
9 Asi Kalino+ we nge Karichemishi?+
Asi Hemati+ wayanana ndi Aripadi?+
Asi Samariya+ we nge Damasiko?+
10 Janja langu lalonda maufumu nga achiuta ambula fundu,
Wo vikozgu vawu vakujoba venga vinandi kuluska va ku Yerusalemu ndipuso va ku Samariya!+
11 Asi ndichitengi so ndi Yerusalemu kweniso achiuta ŵaki
Nge mo ndachitiya ndi Samariya ndipuso achiuta ŵaki ambula fundu?’+
12 “Asani Yehova wamaliza ntchitu yaki yosi pa Phiri la Ziyoni kweniso mu Yerusalemu, wazamulanga* fumu ya ku Asiriya chifukwa cha mtafu waki, kujiŵikamu kwaki ndipuso kujikuzga kwaki.+ 13 Pakuti wakamba kuti,
‘Ndazamuchita venivi ndi nthazi za janja langu
Ndipuso ndi zeru zangu, pakuti nde ndi zeru.
Ndazamutuzgapu mphaka za mitundu ya ŵanthu+
Ndipu ndazamuphanga vyuma vawu,+
Ndipuso ndazamuthereska ŵanthu akuja mwenimo nge mo wachitiya munthu wanthazi.+
14 Nge munthu yo wanyanyamiya kuti wato chizimbu,
Janja langu lazamuto chuma cha mitundu ya ŵanthu;
Ndipuso nge munthu yo wawunjika mazira ngakujowoleka,
Ndazamuwunjika vinthu vosi va pacharu chapasi!
Palivi yo wazamukupiza mapapa ngaki, kujula mulomu waki pamwenga kuliya nge chiyuni.’”
15 Kumbi mbavi yijikwezengi kuluska munthu yo watiyigwiriskiya ntchitu pakudumuwa?
Kumbi sowu yijikwezengi kuluska munthu yo watiyigwiriskiya ntchitu pakucheka?
Kumbi nthonga+ yingasukunyisa munthu yo wayipinga?
Pamwenga kumbi nthonga yinganyamuwa munthu yo wakupangika ndi chimiti cha?
16 Mwaviyo, Ambuya auneneska, Yehova wa mizinda,
Wawondesengi ŵanthu akututuŵa,+
Iyu wapembengi motu wakukole kusi kwa unkhankhu waki.+
17 Ukweru waku Isirayeli+ wazamusambuka motu,+
Ndipu Mtuŵa waki wazamusambuka mulipu wa motu;
Wazamukotcha ndi kupiriza dondu laki kweniso vivwati vaki vaminga mu zuŵa limoza.
18 Wazamutuzgiyapu limu unkhankhu wa lisuwa laki kweniso wa munda waki wa vipasu;
Vazamuja nge mo viŵiya ndi munthu yo watama, mweniyo nthazi zaki zimaliyamaliya.+
19 Vimiti vo vajaku mulisuwa laki
Vazamuja vimana ukongwa, mwakuti kamnyamata kazakuviŵerenga ndi kulemba unandi waki.
20 Mu zuŵa lo, ŵanthu akujaku aku Isirayeli
Ndipuso ŵanthu akupona a munyumba yaku Yakobe
Azamuleka kuthemba munthu yo wanguŵapweteka;+
Kweni azamuthemba Yehova,
Mtuŵa waku Isirayeli, ndi mtima wosi.
21 Akujaku pe ndiwu azamuweku,
Akujaku aku Yakobe, azamuwere kwaku Chiuta Wanthazi.+
22 Pakuti chinanga kuti ŵanthu ŵaku, yiwi Isirayeli,
Mbanandi nge mchenga wa kunyanja,
Akujaku pe ndiwu azamu weku.+
Chiuta wayeruzga kuti amali,+
Ndipu urunji wazakuŵabenekere.*+
23 Hinya, cheruzgu chakuti amali cho Ambuya Fumu Yikulu, Yehova wa mizinda wapereka,
Chichitikengi mucharu chosi.+
24 Mwaviyo, Ambuya Fumu Yikulu, Yehova wa mizinda wakamba kuti: “Mungawopanga cha, mwaŵanthu ŵangu yimwi muja mu Ziyoni, chifukwa cha ŵanthu a ku Asiriya wo akupwetekaningi ndi nthonga+ ndipuso wo akusoskiyaningi nthonga yawu nge mo Ayijipiti anguchitiya.+ 25 Pakuti mu kanyengu kamanavi, kuchenya kumalengi, ndipu ukali wangu wazakuŵananga.+ 26 Yehova wa mizinda wazakuŵasoske likhwechu+ nge mo venge pa nyengu yo wanguthereska Amidiyani pafupi ndi jalawi la Orebi.+ Nthonga yaki yazamukuŵa pa nyanja, ndipu wazakuyisoska nge mo wanguchitiya ndi Ayijipiti.+
27 Pa zuŵa lenilo katundu waki wazamutuwapu paphewa linu,+
Ndipuso goli laki lazamutuwapu pakhosi linu,+
Ndipu goli lo lazamufyoka+ chifukwa cha mafuta.”
29 Yiwu ayambuka msinji pamalu nga maji ngamana;
Agona ku Geba;+
30 Danirizani ndi kukolomoka, yimwi ŵana anthukazi a ku Galimu!
Vwisiya, yiwi Layisha!
Yiwi Anatoti wakusuzgika!+
31 Madimena wathaŵa.
Ŵanthu akuja mu Gebimu abisama.
32 Mu zuŵa lenilinu iyu wamengi ku Nobu.+
Wasukunyisa fayiti yaki paphiri la mwana munthukazi wa ku Ziyoni,
Mtunthu wa Yerusalemu.
33 Awonani! Ambuya auneneska Yehova wa mizinda,
Adumuwa mphanda ndipu pakuwa zichita chiwawa chikulu;+
Vimiti vitali ukongwa vidumulika,
Ndipu vakukwezeka visisika.
34 Iyu wawisiya pasi vivwati vamulisuwa ndi chidya chachisulu,*
Ndipu Lebanoni wazamuwisika pasi ndi munthu wanthazi.
11 Mphanda+ yazamume pachisina chaku Jese,+
Ndipu mphukira+ yakutuliya kumisisi yaki yazamupasa vipasu.
2 Ndipu mzimu waku Yehova wazamuja paku iyu,+
Mzimu wa zeru+ kweniso wa kuvwisa vinthu,
Mzimu wa kulunguchizga kweniso wa nthazi,+
Mzimu wa kuziŵa vinthu kweniso wa kopa Yehova.
3 Ndipu kopa Yehova kwazakumukondwesanga.+
Iyu wazamuyeruzga chifukwa cha vo masu ngaki ngawona cha,
Pamwenga kuchenya chifukwa cha vo makutu ngaki ngavwa.+
4 Iyu wazamuyeruzga ŵanthu akusika mwaurunji,
Ndipu wazamuchenya ŵanthu mwakunyoloka chifukwa cha ŵanthu akufwasa a pacharu chapasi.
Wazamupuma charu chapasi ndi nthonga ya mulomu waki,+
5 Urunji wazamuja lamba wapamoyu paki,
Ndipu kugomezgeka kwazamuja lamba wamuchiwunu chaki.+
6 Mphumphi ndi mwana wa mbereri vazamuja pamoza kwa kanyengu,+
Ndipu mwana wa mbuzi wazamugona pasi limoza ndi nyalubwi,
Tholi,* nkharamu ndipuso nyama yakututuŵa vazamuja pamoza;*+
Ndipu kamnyamata kazakuvilongozga.
7 Ng’ombi ndi chinyama cha biyere, vazamuryiya limoza,
Ndipu ŵana ŵawu azamugona pamoza.
Nkharamu yazamukurya uteka nge ng’ombi.+
8 Mwana wakonkha wazamuseŵe pazenji la khakhu,
Ndipu mwana wakulumulika wazamuŵika janja laki pamphaku ya njoka yapoyizoni.
Pamwenga kusakazana muphiri langu losi lakupaturika,+
Chifukwa charu chapasi chazamuzaza ndi kuziŵa Yehova
Nge mo maji ngazaziya nyanja.+
10 Mu zuŵa lo, msisi waku Jese+ wazamukuma nge chiziŵisu* ku mitundu ya ŵanthu.+
Mitundu ya ŵanthu yazamung’anamukiya kwaku iyu kuti yilonde ulongozgi,*+
Ndipu malu ngaki ngakupumuliyaku ngazamuja ngaunkhankhu.
11 Mu zuŵa lenilo, Yehova wazamupereka so janja laki, kachiŵi, kuti wato akujaku a ŵanthu ŵaki kutuliya ku Asiriya,+ ku Ijipiti,+ ku Patirosi,+ ku Kushi,+ ku Elamu,+ ku Shinara,* ku Hemati kweniso kutuliya kuvirwa va munyanja.+ 12 Wazamuyuskiya mitundu ya ŵanthu chiziŵisu* ndi kuwunganisa Ayisirayeli wo akumbininiskika,+ kweniso wazamuwunganisa pamoza Ayuda wo akumbininika, kutuliya ku makona nganayi nga charu chapasi.+
13 Sanji yaku Efurayemu yazamumala,+
Ndipu ŵanthu wo atinkha Yuda, azamutuzgikapu.
Efurayemu wazamuleka kuchitiya sanji Yuda,
Ndipu Yuda wazamuleka kutinkha Efurayemu.+
14 Yiwu azamusika mumapiri nga* Afilisiti kuzambwi;*
Wosi pamoza azamuphanga vinthu va ŵanthu a Kuvuma.*
Iyu wazamupuma timisinji taki 7* ndi mvuchi* waki wakotcha,
Ndipu wazamuchitiska kuti ŵanthu aziyambuki kwambula kuzuwa sapatu.
16 Ndipu kwazamuja msewu ukulu+ wakutuwa ku Asiriya kuti akujaku a ŵanthu ŵaki aziyendemu,+
Nge mo venge pa zuŵa lo Ayisirayeli angutuwa mucharu cha Ijipiti.
12 Mu zuŵa lenilo, wazamukamba kuti:
“Nditikuwongani, yimwi Yehova,
Pakuti chinanga kuti mungundikwiyiya,
Ukali winu ungutuna kamanakamana, ndipu mungundipembuzga.+
2 Awonani! Chiuta mbutaski wangu.+
Ndimuthembengi ndipu ndiwopengi chechosi cha;+
Pakuti Ya,* Yehova ndi nthazi zangu kweniso ndiyu watindivikiliya,
Ndipu iyu waja utaski wangu.”+
3 Ndi likondwa mwazamuneŵa maji
Muvisimi va utaski.+
4 Ndipu mu zuŵa lenilo mwazamukamba kuti:
“Wongani Yehova, daniyani pa zina laki,
Ziŵisani ntchitu zaki pakati pa ŵanthu amitundu yosi!+
Pharazgani kuti zina laki ndakukwezeka.+
5 Mbiyani* Yehova sumu zakumuthamika,+ pakuti wachita vinthu vikulu.+
Ziŵisani venivi pacharu chosi chapasi.
6 Kambula ndipu daniriza mwalikondwa, yiwi wakuja* mu Ziyoni,
Pakuti Mtuŵa waku Isirayeli ndiyu mukulu pakati paku.”
13 Uwu mbuthenga wacheruzgu wakukwaskana ndi Babiloni,+ wo Yesaya+ mwana waku Amozi wanguwona mu chiwona:
2 “Soskani chiziŵisu*+ paphiri la majalawi pe.
Adaneni, akonozgeni ndi* janja linu,
Kuti azisere pamakhomu nga ŵanthu akuzirwa.
3 Ndapereka dangu ku ŵanthu wo ndasankha.*+
Ndadana asilikali ŵangu kuti alongo ukali wangu,
Asilikali ŵangu wo anotha kweniso azaya.
4 Avwani! Chigulu cha ŵanthu mumapiri;
Chichita chiwawa nge ŵanthu anandi!+
Avwani! Chiwawa cha maufumu,
Chiwawa cha mitundu ya ŵanthu yo yawungana pamoza!
Yehova wa mizinda wawunganisa asilikali kuti achiti nkhondu.+
5 Yiwu atuwa kucharu chakutali,+
Kuvigoti va kuchanya,
Yehova watuza ndi vidya va ukali waki,
Kuti wazinangi charu chosi chapasi.+
6 Liyani, pakuti zuŵa laku Yehova le pafupi!
Lizengi nge pharanyiku lakutuliya kwa Wanthazizosi.+
7 Ndichu chifukwa chaki manja ngosi ngalombotokengi,
Ndipu mtima wa munthu weyosi usongonokengi chifukwa cha mantha.+
8 Ŵanthu atimbanyizgika.+
Yiwu akulunthuka ndi urwirwi,
Nge munthukazi yo nthumbu yayuka.
Yiwu alereskana mwakuzizwa,
Alereskana ndi visku vo vatchesama chifukwa cha kusuzgika maŵanaŵanu.
9 Awonani! Zuŵa laku Yehova lituza,
Zuŵa lankhaza, la kukwiya ndipuso la ukali wakukole,
Lituza kuti lichitiski charu kuja chinthu chakuchitiska mantha,+
Kweniso kuti limali ŵanthu akubuda mucharu cho.
10 Pakuti nyenyezi zakuchanya kweniso magulu ngaki nga nyenyezi*+
Vazamupereka cha ukweru wawu;
Lumwi lazamuchita mdima asani lituwa,
Ndipu mwezi wazamupereka cha ukweru waki.
11 Ndazamukumba mulandu wosi wo aja pacharu chapasi chifukwa cha uheni wawu,+
Ndipuso aheni chifukwa cha kunanga kwawu.
Ndazamumalisa kujiŵikamu kwa ŵanthu akujikuzga,
Ndipu ndazamuyuyuwa kujikuzga kwa alongozgi ankhaza.+
12 Ndazamuchitiska kuti munthu wazisoŵengi kuluska golidi wakuyengetulika umampha ukongwa,+
Ndipuso ndazamuchitiska kuti ŵanthu azisoŵengi kuluska golidi wa ku Ofiri.+
13 Ndichu chifukwa chaki ndazamuchitiska kuti machanya ngazimbwambwanthiyi,
Ndipuso kuti charu chapasi chizisukunyiki ndi kutuwamu mumalu mwaki+
Chifukwa cha ukali waku Yehova wa mizinda mu zuŵa la ukali waki wakukole.
14 Nge mbaŵa yo atiyiŵinga kweniso nge mskambu wambula munthu wakuwuwunganisa,
Weyosi wazamuwere ku ŵanthu ŵaki;
Weyosi wazamuthaŵiya kucharu chaki.+
15 Weyosi yo wazamusanirika wazamugwazika,
Ndipu weyosi yo wazamukoleka wazamubayika ndi lipanga.+
16 Ŵana ŵawu azamumbofyoleka pasi ndi kuvikitika yiwu achiwona,+
Vinthu va munyumba zawu vazamutoleka,
Ndipu ŵanthu anyaki azamukolere awolu ŵawu.
17 Ndiŵayuskiyengi Amedi kuti aziŵayukiyi,+
Yiwu alivi nayu ntchitu siliva
Ndipuso akondwa cha ndi golidi.
18 Mauta ngawu ngazamubaya anyamata;+
Yiwu azakuchichitiya chitima cha chipasu cha nthumbu
Pamwenga kuchitiya lisungu ŵana.
19 Ndipu Babiloni, yo we ndi unkhankhu ukulu ukongwa pa maufumu,*+
Yo nkhutowa kweniso kujikuzga kwa Akadiya,+
Wazamuja nge matawuni nga Sodomu ndi Gomora, pa nyengu yo Chiuta wangungabwanganduwa.+
20 Mu Babiloni mwazamuja so ŵanthu cha,
Ndipu iyu wazamuja malu ngakujamu ŵanthu cha mu migonezi yosi.+
Muarabu wazamujinthamu cha hema laki,
Ndipu aliska azamupumuzgamu cha miskambu yawu.
21 Vamoyu va muchipalamba vazamugonanga mwenimo;
Nyumba zawu zazamuzaza ndi amantchichi.
22 Vamoyu vakukambula vazamuliyanga mutinyumba taki takuthopoka,
Ndipu akambwi azamuliyanga munyumba zaki zachifumu zakutowa.
Nyengu yaki ye pafupi, ndipu mazuŵa ngaki ngasazgikiyengeku cha.”+
14 Pakuti Yehova wazamuchitiya lisungu Yakobe+ ndipu wazakumusankha so Isirayeli.+ Iyu wazakuŵaŵika* mucharu chawu,+ alendu azamujanga nawu ndipu azakujibatika ku nyumba yaku Yakobe.+ 2 Mitundu ya ŵanthu yakuŵato ndi kuza nawu kumalu ngawu, ndipu nyumba yaku Isirayeli yazamuto mitundu yo ndi kuyisambusa akapolu anthulumi ndi akapolu anthukazi+ mucharu chaku Yehova; yiwu azamuko ukapolu ŵanthu wo anguŵako ukapolu ndipuso azamulamuliyanga ŵanthu wo aŵachichizganga kugwira ntchitu.*
3 Mu zuŵa lo Yehova wazakukupumuzgiyani ku urwirwi winu, suzgu yinu kweniso ku ntchitu yakuŵaŵa ya ukapolu yo akugwiriskaningi,+ 4 mwazamukamba nthanthi yakukwaskana* ndi fumu ya ku Babiloni, yakuti:
“Yo wachichizganga anyaki kugwira ntchitu* wamala!
Kukandirizgika kwamala!+
5 Yehova wafyo nthonga ya ŵanthu aheni,
Nthonga ya mafumu,+
6 Yo wapumanga mitundu ya ŵanthu ndi mafayiti mwaukali kwambula kulekeza,+
Yo mwakukwiya wathereskanga mitundu ndi kuyitombozga kwambula kulekeza.+
7 Charu chosi chapasi chapumuwa sonu, palivi chakutimbanyizga.
Ŵanthu akambula chifukwa cha likondwa.+
8 Chinanga ndi vimiti va junipa vikondwa chifukwa chaku yiwi,
Limoza ndi vimiti va sidara* va ku Lebanoni.
Vimiti vo vikamba kuti, ‘Kutuliya po ukuwiya pasi,
Palivi wakudumuwa vimiti yo waza kuzitiyukiya.’
9 Chinanga ndi Dindi* pasi lasukunyisika
Kuti likumani nawi uchiza.
Chifukwa chaku yiwi liyuska wosi wo akufwa,
Alongozgi* wosi akukandirizga a pacharu chapasi.
Lichitiska kuti mafumu ngosi nga mitundu ya ŵanthu ngasoki pamipandu yawu yaufumu.
10 Ngosi ngalongoro ndipu ngatikukambiya kuti,
‘Kumbi nawi walopwa nge isi?
Kumbi wayanana ndi isi?
Wagona pa mphorozi nge kuti ndi bedi,
Ndipu chakudika chaku ndi nyongu.’
12 Wawa kutuliya kuchanya,
Yiwi wakuŵala, mwana wa matandakucha!
Wadumulikiya pacharu,
Yiwi wathereskanga mitundu ya ŵanthu!+
13 Mumtima waku ungukamba kuti, ‘Ndikwerengi kuchanya.+
Mpandu wangu waufumu ndiwukwezengi pachanya pa nyenyezi zaku Chiuta,+
Ndipu ndijengi pachanya pa phiri lakukumanapu,
14 Ndikwerengi pachanya pa mitambu;
Ndijichitiskengi kuti ndiyanani ndi Wapachanya Limu.’
15 Mumalu mwaki, wazamusisikiya ku Dindi,*
Kukumaliya chayiku kwa zenji.
16 Wo azakukuwona azamuchita dodoli paku yiwi;
Azakukuwonesesa ndi kukamba kuti,
‘Asi munthu uyu ndiyu wayaghayisanga charu,
Yo wambwambwanthisanga maufumu,+
17 Yo wanguchitiska kuti charu chapasi chije nge chipululu
Ndi kuthereska matawuni ngaki,+
Yo wangukana kufwatuwa akayidi ŵaki kuti aluti kwawu?’+
18 Mafumu nganyaki ngosi nga mitundu ya ŵanthu,
Ngosi ngagona mu unkhankhu,
Fumu yeyosi mumuwunda waki.*
19 Kweni yiwi akutaya kwambula kukuŵika mudindi,
Nge mphukira* yakuseruska,
Wabenekereka ndi ŵanthu akubayika wo angugwazika ndi lipanga,
Wo asikiya ku mya ya zenji,
Nge thupi lo lakandikakandika ndi malundi.
20 Wazamuja nawu limoza cha mudindi,
Pakuti ungunanga charu chaku,
Ungubaya ŵanthu ŵaku.
Mazina nga mphapu ya ŵanthu wo achita vinthu viheni ngazamuzumbulika so cha.
21 Nozgani chakubayiyapu ŵana ŵaki
Chifukwa cha mulandu wa apapi ŵawu akali,
Kuti aleki kuja so ndi nthazi ndi kulonda charu chapasi
Kweniso kuchizaza ndi matawuni ngawu.”
22 “Yehova wa mizinda wakamba kuti: “Ndazakuŵayukiya.”+
Yehova wakamba so kuti: “Mu Babiloni ndisisitengemu zina, munthu wakujaku, ŵana ndipuso mphapu.”+
23 Yehova wa mizinda wakamba kuti, “Ndazamuchitiska kuti mu Babiloni muzijengi vinungu ndi kumusambusa chigaŵa cha mathaŵali ndipuso ndazakumupeya ndi mweyu wa pharanyiku.”+
24 Yehova wa mizinda walapizga kuti:
“Vichitikengi nge mo ndakhumbiya,
Ndipu vo ndaŵanaŵana ndivu vichitikengi.
25 Ndazamuvikita munthu wa ku Asiriya mucharu changu,
Ndipu ndazakumukandakanda pamapiri ngangu.+
Goli laki ndazakulituzgaku kwaku yiwu,
Ndipu katundu waki ndazakumutuzgapu paphewa lawu.”+
26 Venivi ndivu ndasimikiza kuti ndichitiyi* charu chosi chapasi,
Ndipu lenili ndi janja lo latambasukiya* mitundu yosi ya ŵanthu.
27 Pakuti Yehova wa mizinda waŵanaŵana venivi,
Ndiyani yo wangavitimbanyizga?+
Janja laki latambasuka,
Ndiyani yo wangaliweza?+
28 Mu chaka cho Fumu Ahazi yingufwiya,+ uthenga wacheruzgu wo unguperekeka wenga wakuti:
29 “Ungakondwanga cha, yiwi Filisitiya, weyosi waku yimwi,
Chifukwa chakuti nthonga ya munthu yo wakupumanga yafyoleka.
Pakuti ku msisi wa njoka+ kwazamutuwa njoka ya poyizoni,+
Ndipu mphapu yaki yazamuja njoka ya motu yakuphululuka.
30 Mwana wakwamba wa munthu wakusika wachirya chakurya
Kweniso mukavu wachigona pasi mwakuvikilirika,
Ndazamubaya msisi waku ndi nja.
Ndipu wo ajaku mwaku yiwi azamubayika.+
31 Liya, yiwi geti! Kolomoka, yiwi tawuni!
Mosi mwazamusongonoka mtima, yimwi ŵanthu a ku Filisitiya!
Pakuti josi lituza kutuliya kunkhondi,*
Ndipu mu magulu ngaki nga asilikali mulivi wo aguguzika.”
32 Kumbi angamukengi wuli mathenga nga mitundu ya ŵanthu?*
Angamukengi kuti, Yehova waŵika fawundeshoni ya Ziyoni,+
Kweniso kuti akusika a ŵanthu ŵaki azamubisama mwaku iyu.
15 Uwu mbuthenga wacheruzgu wakukwaskana ndi Mowabu:+
Chifukwa chakuti wabwangandulika mu usiku umoza,
Ari+ wa ku Mowabu wachetamisika.
Chifukwa chakuti wabwangandulika mu usiku umoza,
Kiri+ wa ku Mowabu wachetamisika.
Mowabu waliriya Nebo+ kweniso Medeba.+
Mutu wewosi wameteka phala,+ mwembi wa munthu weyosi wameteka.+
3 Ŵanthu ŵe mumisewu yaki ndipu avwala vigudulu.
Wosi aliya pachanya pa nyumba zawu kweniso mumabalaza ngawu nga matawuni;
Yiwu asika achiliya.+
Ndichu chifukwa chaki asilikali a ku Mowabu alutirizga kudaniriza.
Iyu wambwambwanthiya.
5 Mtima wangu uliriya Mowabu.
Ŵanthu ŵaki wo athaŵa, athaŵiya ku Zowari+ kweniso ku Egilati-shelishiya.+
Yiwu aliya achikwera mtunthu wa Luhiti;
Achiluta ku Horoneyamu aliya chifukwa cha soka lo laŵawiya.+
6 Pakuti maji nga ku Nimurimu ngaphwa;
Uteka wakubiriŵira wamira,
Uteka wamala ndipu palivi chechosi chakubiriŵira cho chajaku.
7 Ndichu chifukwa chaki anyamuwa vinthu vo vajaku pa vinthu vo angusunga kweniso pa chuma chawu;
Yiwu ayambuka dambu* la vimiti va arava.
8 Pakuti kuliya kuvwika muchigaŵa chosi cha Mowabu.+
Kuliya kwafika ku Egilayimu;
Kuliya kwafika ku Bere-elimu.
9 Pakuti maji nga ku Dimoni ngazaza ndopa,
Ndipu ndeche ndi vinandi vakuti ndichitiyi Dimoni:
Nkharamu kuti yiyukiyi ŵanthu a ku Mowabu wo athaŵa
Ndipuso wo ajaku mucharu.+
16 Tumani mbereri yinthulumi ku mulongozgi wa charu cho,
Kutuliya ku Sela kujumpha muchipululu
Mpaka ku phiri la mwana munthukazi wa ku Ziyoni.
2 Nge chiyuni cho chadikisika pachizimbu chaki,+
Ndimu ŵana anthukazi a ku Mowabu aŵiyengi pamalu ngakuyambukiya dambu la Arinoni.+
3 “Perekani ulongozgi, chitani vo mwayeruzga.
Ndi msana pakati, sambusani chithuthuzi chinu kuja nge mbusiku.
Bisani akumbininika ndipu ŵanthu wo athaŵa mungaŵaperekanga cha.
4 Ŵanthu ŵangu wo akumbininika aje mwaku yiwi, yiwi Mowabu.
Uje malu ngakuti abisamemu chifukwa cha wakubaya.+
Wakukandirizga wazamumala,
Pharanyiku limalengi,
Ndipu wo akandakanda anyawu atuzgikengepu pacharu chapasi.
5 Pavuli paki, mpandu waufumu wazamujalikiskika mu chanju chambula kumala.
Yo wazamuja pampandu wo muhema waku Davidi, wazamuja wakugomezgeka;+
Iyu wazamuyeruzga mwaurunji ndipu wazamupereka cheruzgu chaurunji mwaliŵi.”+
6 Tavwa vakukwaskana ndi kunyada kwaku Mowabu, iyu ngwakunyada ukongwa,+
Tavwa va kujikuzga kwaki, kunyada kwaki ndi ukali waki;+
Kweni mazu ngaki ngambula fundu ngazamuchitika cha.
7 Mwaviyo, Mowabu wazamuliriya Mowabu;
Wosi azamuliya.+
Ŵanthu wo apumika azamuliriya makeki nga mphereska zakumira nga ku Kiri-hareseti.+
8 Pakuti minda ya ku Heshiboni+ yamira,
Chimiti cha mphereska cha ku Sibima,+
Alongozgi a mitundu ya ŵanthu akandakanda mphanda zaki ziyera za mphereska;*
Zafika mpaka ku Yazeri+
Zathaza mpaka muchipululu.
Mphukira zaki zathaza ndipu zafika mpaka kunyanja.
9 Ndichu chifukwa chaki ndazamuliriya chimiti cha mphereska cha ku Sibima nge mo ndiliriya Yazeri.
Ndazakukuzumbwisa ndi masozi ngangu, yiwi Heshiboni kweniso Eleyale,+
Pakuti kudaniriza chifukwa cha vipasu va mu chihanya kweniso chivuna chinu kwamala.*
10 Likondwa kweniso kuzaya vamala mumunda wa vipasu,
Ndipu mulivi kumba sumu zalikondwa pamwenga kudaniriza muminda ya mphereska.+
Wakukanda mphereska waleka kukanda mphereska kuti wapangi vinyu,
Pakuti ndachitiska kuti kudaniriza kumali.+
11 Ndichu chifukwa chaki mukati mwangu ndiliriya Mowabu,+
Ndiliya nge kumba kwa bangu,*
Ndipu umunthu wangu wamukati uliriya Kiri-hareseti.+
12 Chinanga kuti Mowabu watijivukisa pamalu ngapachanya kweniso waluta kuchipemphera mumalu ngaki ngakupaturika, wayanduwengi chechosi cha.+
13 Yanga ndi mazu ngakukwaskana ndi Mowabu ngo Yehova wangukamba. 14 Ndipu sonu Yehova wakamba kuti: “Mu vyaka vitatu, nge vyaka va munthu waganyu,* unkhankhu waku Mowabu wazamulengeseka ndi chimtimbaheka cha mtundu wewosi, ndipu ŵanthu wo azamujaku azamuja amana ukongwa kweniso ambula kuzirwa.”+
17 Uwu mbuthenga wacheruzgu wakukwaskana ndi Damasiko:+
“Awonani! Damasiko wajengi so tawuni cha,
Iyu wazamuja ndundu ya mahami.+
2 Matawuni nga ku Aroweri+ ngazamujowoleka;
Ngazamuja malu ngakugonaku miskambu
Kwambula munthu weyosi wakuyiwofya.
3 “Matawuni nga mipanda yakukho ngamalengi mu Efurayemu,+
Ndipuso ufumu umalengi mu Damasiko;+
Ndipu ŵanthu wo ajaku mu Siriya
Azamuja nge unkhankhu wa Ayisirayeli,” Yehova wa mizinda ndiyu wakamba.
4 “Mu zuŵa lo unkhankhu waku Yakobe wazamumala,
Ndipu liŵavu laki lanthazi lazamuwonda.
5 Vazamuja nge mo viŵiya asani wakuvuna wawunganisa mbewu zambula kuvuna
Ndipu janja laki livuna masanja nga tirigu,
Nge mo viŵiya asani munthu watondo tirigu mu Dambu la* Refayimu.+
6 Mwazamuja ŵaka mbewu zakuti ŵanthu atondo,
Nge mo viŵiya asani chimiti cha maolivi chavwapulika pakuvuna:
Mumphanda yakuchanya ukongwa mwaja ŵaka vipasu vakufya va maolivi viŵi pamwenga vitatu pe,
Mumphanda zaki zakubala vipasu, mwaja ŵaka vipasu vinayi pamwenga vinkhondi pe,”+ Yehova Chiuta waku Isirayeli ndiyu wakamba.
7 Mu zuŵa lenilo, munthu wazamulereska kwaku yo Wakumupanga, ndipu masu ngaki ngazamulereseska Mtuŵa waku Isirayeli. 8 Iyu wazamulereska pamaguŵa ngaki nga sembi cha,+ vo ndi ntchitu ya manja ngaki;+ ndipu wazamulereseska vinthu vo manja ngaki ngapanga cha, kwali ndi mapolu ngakupaturika* pamwenga vakuŵikapu vakununkhira.
9 Mu zuŵa lenilo matawuni nga mipanda yakukho ngazamuja nge malu ngakujowoleka mulisuwa,+
Ngazamuja nge mphanda yo yingujowoleka pa masu pa Ayisirayeli;
Ngazamusambuka mahami.
11 Ndi msana munda waku utiwuzenge mpanda mwakuphwere,
Ndi mlenji uchitiska kuti mbewu zaku zibuki,
Kweni vakukolola vazamusoŵa mu zuŵa la matenda ndipuso urwirwi wambula kuchizgika.+
12 Avwani! Kwe chibumuzi cha mitundu yinandi ya ŵanthu,
Wo awuluma nge nyanja!
Kwe chiwawa cha mitundu ya ŵanthu,
Wo awuluma nge maji nganthazi!
13 Mitundu ya ŵanthu yazamuvwika nge kuwuluma kwa maji nganandi.
Iyu wazakuyichenya, ndipu yazamuthaŵiya kutali,
Yazamudikisika nge mwere wa mumapiri wo uputa ndi mphepu,
Yazamuputa nge vimadondu vaminga vo viputa ndi mphepu yikulu.
14 Ndi mazulu kwe mantha.
Kwechendachi yiwu kulivi.
Ichi ntchigaŵa cha ŵanthu wo atitilonda vinthu
Ndipuso chihara cha ŵanthu wo atitiphanga vinthu.
18 Soka charu cho che ndi chiwawa cha mapapa nga tividononu,
Muchigaŵa cha misinji ya ku Ifiyopiya!+
2 Chitumiza nthumi pa nyanja,
Kuti ziyambuki pamaji mumaboti ngakupangika ndi gumbwa, chikambiya nthumi zo kuti:
“Lutani, yimwi mathenga ngakwenda liŵi,
Lutani ku mtundu wa ŵanthu ataliatali kweniso aliŵavu lakusilirika,
Ku ŵanthu wo atopeka kwekosi,+
Mtundu wanthazi kweniso wo uthereska,
Wo charu chaki chikukukurwa ndi misinji.”
3 Yimwi mosi muja mucharu ndipuso yimwi akuja pacharu chapasi,
Vo muwona vazamuja nge chiziŵisu* cho chasoskeka pamapiri,
Ndipu mwazamukuvwa chiwawa cha nge kuliya kwa mbata.*
4 Pakuti Yehova wangundikambiya kuti:
“Ndijengi kwambula kutimbanyizgika ndipu ndilereskengi* pamalu ngangu ngakujalikiskika,
Nge chifundizi limoza ndi ukweru wa lumwi,
Nge mtambu wa dungwi mu chifundizi cha mu nyengu ya kuvuna.
5 Pakuti chivuna chechendayambi,
Asani luŵa lamala ndipu laja chipasu cha mphereska cho chitufya,
Mphukira zidumulikengi ndi vidya vakuphatiya vimiti
Ndipu mphanda ziphatikiyengi pasi ndi kutuzikaku.
6 Vosi vazamulekeke viyuni va mumapiri vo viturya nyama
Kweniso vinyama vakofya va pacharu chapasi.
Viyuni vo viturya nyama vazamujanga mwenimo mu chihanya,
Ndipu vinyama vosi vakofya va pacharu chapasi vazamujanga mwenimo pa nyengu ya kuvuna.
7 Pa nyengu yeniyo, mphasu yazamuperekeka kwaku Yehova wa mizinda,
Kutuliya ku mtundu wa ŵanthu ataliatali kweniso aliŵavu lakusilirika,
Kutuliya ku ŵanthu wo atopeka kwekosi,
Kutuliya ku mtundu wanthazi kweniso wo uthereska,
Wo charu chaki chikukukurwa ndi misinji
Kuluta kumalu ngo nge ndi zina laku Yehova wa mizinda, Phiri la Ziyoni.”+
19 Uwu mbuthenga wacheruzgu wakukwaskana ndi Ijipiti:+
Awonani! Yehova wakwera pa mtambu wo utchimbiya ukongwa ndipu watuza mu Ijipiti.
Achiuta ambula fundu a ku Ijipiti ambwambwanthiyengi pa masu paki,+
Ndipu mtima wa charu cha Ijipiti usongonokengi mukati mwaki.
2 “Ndazamuchitiska kuti Ayijipiti ayukiyani,
Ndipu azamupumana ŵijaŵija,
Weyosi wazamuyukiya mubali waki kweniso munthu yo waja nayu pafupi,
Tawuni yazamuyukiya tawuni yinyaki, ufumu wazamuyukiya ufumu unyaki.
3 Mzimu wa ŵanthu a ku Ijipiti wazamutimbanyizgika mukati mwawu,
Ndipu ndazamutimbanyizga vo akhumba kuchita.+
Yiwu azamuluta kwa achiuta ambula fundu,
Ku ŵanthu amasenga, akulongoro ndi mizimu kweniso ku ŵanthu wo aloska vo vichitikengi kunthazi.+
4 Ijipiti ndazakumupereka mu manja mwa mbuya wakusuzga,
Ndipu fumu yankhaza yazakuŵalamuliya,”+ atiti Ambuya auneneska, Yehova wa mizinda.
5 Maji nga munyanja ngazamukamuka,
Kweniso msinji wazamukuphwa ndi kumiriya limu.+
6 Ndipu misinji yazamununkha;
Migelu ya ku Ijipiti ya msinji wa Nayelu yazamukuphwa ndi kumira.
Mateti kweniso uteka* vazamuvunda.+
7 Vakume va mumphepeti mwa Msinji wa Nayelu,
Kweniso malu ngosi ngo pakupandika mbewu mumphepeti mwa Msinji wa Nayelu+ vazamumira.+
Vazamuputa ndi mphepu ndipu vazamuŵaku so cha.
8 Ndipu alovi azamuliya,
Wo aponya mbeja mu Msinji wa Nayelu azamutenje,
Ndipu wo aponya vilepa vawu mumaji azamuja amana.
9 Wo apanga salu mwakugwiriskiya ntchitu Fulakisi,*+
Ndipuso wo apanga salu zituŵa pa chakupangiya salu azamulengeseka.
10 Ŵanthu ŵaki wo apanga salu azamupwetekeka;*
Aganyu wosi azamuchita chitima.
11 Alongozgi a ku Zowani+ mbazereza.
Akulunguchizga azeru ukongwa aku Farawo apereka ulongozgi wambula zeru.+
Mungamukambiya wuli Farawo kuti:
“Ndini mphapu ya ŵanthu azeru,
Mphapu ya mafumu ngakali”?
12 Sonu ŵe pani ŵanthu ŵaku azeru?+
Akukambiyi asani aziŵa vo Yehova wa mizinda wasankha kuchitiya Ijipiti.
13 Alongozgi a ku Zowani achita vinthu mwambula zeru;
Alongozgi a ku Nofi*+ anyengeka;
Alongozgi ŵaki a mafuku alandizga Ijipiti.
14 Yehova wamupunguliya mzimu wa chimtimbaheka;+
Ndipu alandizga Ijipiti pa chechosi cho wachita,
Nge wakuloŵe yo wambendyambendya mumawukuzi ngaki.
15 Ijipiti wazamuŵavi ntchitu yeyosi yakuti wachiti,
Mutu pamwenga muchiya, chakume cho chabuka sonu pamwenga uteka,* azakuvichitiya ntchitu yeyosi cha.
16 Mu zuŵa lenilo, Ijipiti wazamuja nge anthukazi, wazamunjekeme ndi kuchita mantha chifukwa cha janja lakofya lo Yehova wa mizinda wamusoske.+ 17 Charu cha Yuda chazamuwofya charu cha Ijipiti. Yiwu azamuchita mantha asani atichizumbuwa, chifukwa cha vo Yehova wa mizinda wasankha kuŵachitiya.+
18 Mu zuŵa lenilo, mucharu cha Ijipiti mwazamukuŵa matawuni ngankhondi ngakulongoro chineneru cha ku Kanani,+ ndipu ngazamulapizga kuti ngajengi ngakugomezgeka kwaku Yehova wa mizinda. Tawuni yimoza yazamudanika kuti, Tawuni Yakubwanganduliya Pasi.
19 Mu zuŵa lenilo, pakati pacharu cha Ijipiti pazamukuŵa guŵa la sembi laku Yehova kweniso chipilala chaku Yehova pa mphaka yaki. 20 Venivi vazamuja chisimikizu kweniso ukaboni kwaku Yehova wa mizinda mucharu cha Ijipiti; pakuti yiwu azamuliriya Yehova chifukwa cha akukandirizga, ndipu wazakuŵatumiya mtaski mukulu, yo wazakuŵataska. 21 Ndipu Yehova wazamuziŵika kwa Ayijipiti, ndipu Ayijipiti azamuziŵa Yehova mu zuŵa lo. Yiwu azamupereka sembi kweniso mphasu ndipu azamulapizga kwaku Yehova ndi kufiska vo alapizga. 22 Yehova wazamulanga Ijipiti,+ kumulanga ndi kumuchizga; ndipu azawere kwaku Yehova, iyu wazamumuka kuŵeyere kwawu ndipuso wazakuŵachizga.
23 Mu zuŵa lenilo, pazamuja msewu ukulu+ wakutuliya ku Ijipiti mpaka ku Asiriya. Ŵanthu a ku Asiriya azamuzanga ku Ijipiti ndipu ŵanthu a ku Ijipiti azamulutanga ku Asiriya. Ayijipiti azamuteŵete Chiuta limoza ndi ŵanthu a ku Asiriya. 24 Mu zuŵa lenilo, Isirayeli wazamuja wachitatu limoza ndi Ijipiti kweniso charu cha Asiriya,+ wazamuja thumbiku pakati pa charu chapasi, 25 pakuti Yehova wa mizinda wazakumutumbika ndipu wazamukamba kuti: “Atumbikiki Ayijipiti wo mbanthu ŵangu, ŵanthu a ku Asiriya wo ndi ntchitu ya manja ngangu ndipuso Ayisirayeli wo ntchihara changu.”+
20 Mu chaka cho Fumu Sarigoni ya ku Asiriya yingutuma Tatani* ku Ashidodi,+ Tatani wanguchita nkhondu ndi tawuni ya Ashidodi ndipu wanguyilonda.+ 2 Pa nyengu yeniyi, Yehova wangulongoro kuziya mwaku Yesaya+ mwana waku Amozi, ndipu wangukamba kuti: “Luta, zuwa chigudulu muchiwunu chaku, ndipuso zuwa sapatu kumaphazi ngaku.” Ndipu ndivu wanguchita nadi, wangwenda nkhuli* kweniso kwambula kuvwala sapatu.
3 Pavuli paki, Yehova wangukamba kuti: “Nge mo mteŵeti wangu Yesaya wayende nkhuli ndipuso nyawu* kwa vyaka vitatu, kuti chije chisimikizu+ kweniso chakuziziswa chakulongo vo vichitikiyengi Ijipiti+ ndipuso Ifiyopiya,+ 4 ndimu so fumu ya ku Asiriya yazamukole ŵanthu a ku Ijipiti+ kweniso a ku Ifiyopiya ndi kuluta nawu ku ukapolu. Iyu yazamuko anyamata ndi akukota ndipu yazamuluta nawu ŵe nkhuli kweniso ŵe nyawu,* mataku nge pakweru, vo vilengesengi Ijipiti.* 5 Ndipu azamuchita mantha kweniso azamulengeseka chifukwa chaku Ifiyopiya yo ntchilindizga chawu ndipuso Ijipiti yo amalika nayu.* 6 Pa zuŵa lo, ŵanthu wo aja mumphepeti mwa nyanja azamukamba kuti, ‘Wonani vo vachitikiya chilindizga chidu, ko tinguthaŵiya kuti atiwovyi ndi kutitaska kwa fumu ya ku Asiriya! Kumbi tiponengi wuli sonu?’”
21 Uwu mbuthenga wacheruzgu wakukwaskana ndi chipululu cha nyanja:*+
Kutuza chinthu chinyaki nge chimphepu cho chipeya kumwera,
Kutuliya muchipululu, kutuliya mucharu chakofya.+
2 Ini ndakambilika chiwona chakofya kuti:
Munthu muryarya wachita vinthu mwauryarya,
Munthu wakubwanganduwa wabwanganduwa.
Nyamuka, yiwi Elamu! Zingiliza, yiwi Mediya!+
Ndimalisengi kusuzgika kosi ko wachitiska.+
3 Ndichu chifukwa chaki ndapwetekeka ukongwa.*+
Ndikulunthuka ndi urwirwi,
Nge wo munthukazi watuŵa nawu pakubala.
Ndasuzgika ukongwa mwakuti ndituvwa cha;
Ndatimbanyizgika ukongwa mwakuti ndilereska cha.
4 Mtima wangu walopwa; ndinjekeme chifukwa cha mantha.
Mazulu ngo* ndapenjanga ngachitiska kuti ndimbwambwanthiyengi.
5 Nozgani thebulu ndi kuŵika mipandu!
Ryani ndi kumwa!+
Sokani, yimwi alongozgi, punguliyani mafuta chishangu!
6 Pakuti Yehova wangundikambiya kuti:
“Luta, ukaŵiki mulonda pamalu ngaki ndipu wazindikambiyi vo wawona.”
7 Ndipu iyu wanguwona galeta la nkhondu ndi mahachi ngaki,
Galeta la nkhondu lakuguzika ndi abulu,
Galeta la nkhondu lakuguzika ndi ngamila.
Wanguwonesesa ndipu wenga masu ukongwa.
8 Pavuli paki, wangudaniriza nge nkharamu kuti:
“Yimwi Yehova, ndi msana ndituma pamalu ngakuthopoka nga mulonda,*
Ndipu usiku wewosi ndija pamalu ngangu ngaulonda.+
9 Awonani vo vituza:
Anthulumi ŵe mugaleta la nkhondu lo liguzika ndi mahachi!”+
Pavuli paki, iyu wangulongoro ndipu wangukamba kuti:
“Wawa! Babiloni wawa!+
Vikozgu vosi vakujoba va achiuta ŵaki waviswiya pasi!”+
10 Mwaŵanthu ŵangu, yimwi mwakhwemeka nge mbewu,
Chipasu cha* malu ngangu ngakukhwemiyapu mbewu,+
Ndakukambiyani vo ndavwa kutuliya kwaku Yehova wa mizinda, Chiuta waku Isirayeli.
11 Uwu mbuthenga wacheruzgu wakukwaskana ndi Duma:*
Munthu munyaki wadaniriza kwaku ini kutuliya ku Seiri kuti:+
“Mulonda, kwaja nyengu yitali wuli kuti kuchi?
Mulonda, kwaja nyengu yitali wuli kuti kuchi?”
12 Mulonda wangukamba kuti:
“Mlenji utuza, ndipuso usiku utuza.
Asani mukhumba kufumba, fumbani.
Zani so!”
13 Uwu mbuthenga wakukwaskana ndi chidika:*
Ndi usiku mwazamugona mulisuwa la muchidika,
Yimwi amalonda a ku Dedani.+
14 Zani ndi maji kuti mukumani ndi munthu wanyota,
Yimwi akuja mucharu cha Tema,+
Ndipu muzi ndi chiŵandi kuti muzipaski munthu wakuthaŵa.
15 Pakuti athaŵa lipanga, athaŵa lipanga lakusololeka,
Athaŵa uta wakukunga, kweniso athaŵa nkhaza za nkhondu.
16 Pakuti Yehova wangundikambiya kuti: “Mu chaka chimoza, nge vyaka va munthu waganyu,* unkhankhu wosi wa ku Kedara+ wazamumala. 17 Asilikali akuponya uta a ku Kedara wo ajaku azamukuŵa amanavi ŵaka, pakuti Yehova Chiuta waku Isirayeli walongoro.”
22 Uwu mbuthenga wacheruzgu wakukwaskana ndi Dambu la Chiwona:*+
Ntchifukwa wuli mosi mwakwere kuchanya kwa nyumba?
2 Yiwi unguzaza chimtimbaheka,
Tawuni ya chiwawa, tawuni yakuzaya.
Akubayika ŵaku angubayika ndi lipanga cha,
Ndipuso angufwiya ku nkhondu cha.+
3 Alongozgi ŵaku wosi ankhaza athaŵiya limoza.+
Yiwu angukoleka ukayidi kwambula uta.
Wosi wo angusanirika, angukoleka ukayidi,+
Chinanga kuti anguthaŵiya kutali.
4 Ndichu chifukwa chaki ndingukamba kuti: “Tuzganiku masu nginu kwaku ini,
Ndipu ndiliyengi ukongwa.+
Lekani kulimbikiya kundipembuzga
Chifukwa chakuti mwana munthukazi wa ŵanthu ŵangu wabwangandulika.+
5 Pakuti ndi zuŵa la chimtimbaheka, la kuthereskeka kweniso la kutimbanyizgika,+
Lakutuliya kwa Ambuya Fumu Yikulu, Yehova wa mizinda,
Mu Dambu la Chiwona.
Mpanda ubwangandulika+
Ndipu kuliya kuvwika kuphiri.
7 Madambu ngaku ngamampha ukongwa*
Ngazamuzaza magaleta ngankhondu,
Ndipu mahachi ngazamukuma* pageti,
8 Chakuvikiliya Yuda chazamutuzgikapu.
“Mu zuŵa lo, mwazamulereska ku vidya vo ve mu Nyumba ya Lisuwa,+ 9 ndipu mwazamuwona malumwa nga tawuni yaku Davidi.+ Mwazamuwunjika maji nga mudamu lakumphata.+ 10 Mwazamuŵerenga nyumba za mu Yerusalemu, ndipu mwazamuwisiya pasi nyumba zo, kuti mukholesi mpanda. 11 Ndipu mwazamupanga chakusungamu maji pakati pa vimati viŵi kuti musungemu maji nga mudamu lakali, kweni mwazamulereskaku cha ku Mlengi waki Mura,* ndipu mwazakumuwona cha Yo wakuchipanga kali ukongwa.
12 Mu zuŵa lenilo, Ambuya Fumu Yikulu, Yehova wa mizinda,
Wazamulamula ŵanthu kuti atenje kweniso kuliya,+
Kuti ameti phala kweniso avwali vigudulu.
13 Kweni mumalu mwaki, kwe kukondwa ndi kusekere,
Kubaya ng’ombi kweniso mbereri,
Kurya nyama kweniso kumwa vinyu.+
Mwazamukamba kuti, ‘Tiyeni tiryi ndi kumwa, pakuti mawa tifwengi.’”+
14 Pavuli paki, Yehova wa mizinda wanguvumbuwa mumakutu mwangu kuti: “‘Ubudi uwu ubenekerekengi cha mpaka po mwaŵanthu yimwi mwafwiya,’+ atiti Ambuya Fumu Yikulu, Yehova wa mizinda.”
15 Ambuya Fumu Yikulu, Yehova wa mizinda wakamba kuti: “Luta kwa mteŵeti uyu, Shebina,+ yo wawonere nyumba,* ndipu umukambiyi kuti, 16 ‘Upenjanji kunu, ndipu wapukwa yani kuti ujijobe muwunda kunu?’ Iyu wajoba muwunda waki pamalu ngapachanya; watijijobe malu ngakupumuliyamu* mujalawi. 17 ‘Awona! Yehova wazakukuponya pasi mwanthazi, yiwi wamunthu, ndi kukuko mwanthazi. 18 Iyu wazakukukulunga ukongwa ndi kukuponya nge bola kucharu chisani. Kweniko ndiku wamufwiya, ndipu kweniko ndiku kwamukuŵa magaleta ngaku ngaunkhankhu, ndipu nyumba ya ambuyaku yazamulengeseka. 19 Ndipu ndazakukusisa pa udindu waku ndi kukutuzgapu pa ntchitu yaku.
20 “‘Mu zuŵa lenilo, ndazamudana mteŵeti wangu Eliyakimu+ mwana waku Hilikiya, 21 ndipu ndazakumuvwalika mkhanju waku, ndazakumumanga lamba waku mwanthazi+ ndipuso ndazamupereka mazaza ngaku mu manja mwaki. Iyu wazamuja wusewu wa ŵanthu wo aja mu Yerusalemu kweniso wa nyumba yaku Yuda. 22 Ndipu ndazamuŵika kiyi wa nyumba yaku Davidi+ paphewa laki. Iyu wazamujula ndipu pazamuŵavi wakujala; wazamujala ndipu pazamuŵavi wakujula. 23 Ndazakumukhoma nge chikhomu pamalu ngakukho, ndipu iyu wazamuja nge mpandu waufumu waunkhankhu ku nyumba ya awisi. 24 Ndipu paku iyu azamupayikapu unkhankhu wosi wa nyumba ya awisi, ŵana kweniso mphapu,* viyaŵi vosi vimanavimana, viyaŵi vabakuli kweniso misuku yosi yikuluyikulu.
25 “Yehova wa mizinda wakamba kuti, ‘Mu zuŵa lenilo, chikhomu cho chakhomeka pamalu ngakukho chazamutuzgikapu,+ ndipu chazamudumulika ndi kuwa pasi, vinthu vo vingupayikikapu vazamukuwa pasi ndi kunangika, pakuti Yehova walongoro.’”
23 Uwu mbuthenga wacheruzgu wakukwaskana ndi Turo:+
Liyani, yimwi sitima za ku Tashishi!+
Pakuti dowoku labwangandulika; palivi yo wangaserepu.
Venivi vavumbulika kwaku yiwu kutuliya kucharu cha Kitimu.+
2 Jani cheti, yimwi ŵanthu akuja mumphepeti mwa nyanja.
Amalonda akutuliya ku Sidoni+ wo ayambuka nyanja akukhupusani.
3 Mbewu za ku Shihori*+ zajumphanga pa maji nganandi,
Chivuna cha msinji wa Nayelu, msonkhu waki,
Kuza ndi phindu la mitundu ya ŵanthu.+
4 Chita soni, yiwi Sidoni, yiwi malu ngakuvikilirika nga mumphepeti mwa nyanja,
Chifukwa nyanja yakamba kuti:
“Ndechendavwepu urwirwi wa pakubala ndipuso ndechendabalepu,
Ndechendalerepu anyamata kweniso amwali.”+
5 Nge mo ŵanthu anguvwiya urwirwi ŵati avwa vakukwaskana ndi Ijipiti,+
Ndimu so azamuvwiya urwirwi asani azivwa vakukwaskana ndi Turo.+
6 Yambukiyani ku Tashishi!
Liyani, yimwi ŵanthu akuja mumphepeti mwa nyanja!
7 Kumbi iyi ndi tawuni yinu yo yazayanga kutuliya kali, kutuliya mu nyengu yakali?
Maphazi ngaki ngayitoliyanga kucharu chakutali kuti yikajengi kweniko.
8 Ndiyani yo wasankha kuti venivi vichitikiyi Turo,
Yo wapereka mphumphu,
Yo amalonda ŵaki ŵenga alongozgi akuzirwa,
Yo ŵanthu ŵaki akugulisa vinthu atumbikikanga pacharu chosi chapasi?+
9 Yehova wa mizinda ndiyu wasankha venivi,
Kuti wafipiski Turo chifukwa chakuti wanyada ndi kutowa kwaki,
Kuti walengesi ŵanthu wosi wo atumbikikanga pacharu chosi chapasi.+
10 Yambuka charu chaku nge Msinji wa Nayelu, yiwi mwana munthukazi wa ku Tashishi.
Kulivi so malu ngakupangiyaku sitima.*+
11 Watambasuliya janja laki panyanja;
Wasukunyisa maufumu.
Yehova walamula kuti malu ngakuvikilirika nga ku Fonike ngabwanganduliki.+
12 Ndipu wakamba kuti: “Wazamuzaya so cha,+
Yiwi wakukandirizgika, mwali yo ndi mwana munthukazi wa ku Sidoni.
Nyamuka, yambukiya ku Kitimu.+
Chinanga nkhweniko naku wamupumuwa cha.”
13 Awonani! Charu cha Akadiya.+
Mbanthu ŵenaŵa, mbanthu a ku Asiriya+ cha,
Yiwu akumusambusa malu ngakujaku vinyama vamuchipalamba.
Ajintha malu ngawu ngakuthopoka ngakuchitiyapu nkhondu;
Awisiya pasi tinyumba taki takuthopoka,+
Amubwanganduwa kuja mahami.
14 Liyani, yimwi sitima za ku Tashishi,
Pakuti malu nginu ngakuvikilirika ngabwangandulika.+
15 Mu zuŵa lenilo, Turo wazamuluwika kwa vyaka 70,+ nge utali wa umoyu wa* fumu yimoza. Asani vyaka 70 vazimala, vo ve mu sumu ya huli, ndivu vazamuchitikiya Turo. Sumu yo yikamba kuti:
16 “Uto bangu,* zunguliya tawuni, yiwi huli lakuluwika.
Umbi bangu mwalusu;
Umbi sumu zinandi,
Kuti azikukumbuki.”
17 Asani vyaka 70 vazimala, Yehova wazamukumbuka Turo, ndipu Turo wazamukwamba so kulonde malipiru ngaki ndi kuchita uhuli ndi mafumu ngosi nga pacharu chapasi. 18 Kweni phindu laki ndipuso malipiru ngaki, vazamuja vinthu vakupaturika kwaku Yehova. Vazamusungika cha pamwenga kuwunjikika, chifukwa malipiru ngaki ngazamuja nga ŵanthu wo aja pa masu paku Yehova, kuti aziryi ndi kuguta kweniso kuti azivwali vakuvwala vakutowa.+
24 Awonani! Yehova watuzgamu ŵanthu wosi mucharu ndipu watichisambusa mahami.+
Watichigadabuwa*+ ndi kumbininiska ŵanthu akuja mwenimo.+
2 Vazamuja vakuyanana kwaku weyosi:
Ŵanthu kweniso wasembi,
Mteŵeti ndi mbuyaki,
Mteŵeti kweniso mbuyaki munthukazi,
Wakugula ndi wakugulisa,
Wakubwerekesa ndi wakubwereka,
Wakukongolesa ndi wakukongola.+
3 Ŵanthu wosi azamutuzgikamu mucharu.
Vinthu vosi vazamutoleka mucharu cho,+
Pakuti Yehova ndiyu wakamba mazu ngenanga.
4 Charu chiliya;*+ charu chimala.
Charu chavundira chifota; charu chiguga.
Ŵanthu akuzirwa a pacharu afota.
6 Ndichu chifukwa chaki thembu lameza charu,+
Ndipu wo aja mwenimo ŵe ndi mulandu.
Ndichu chifukwa chaki akuja mwenimo apunguluka,
Ndipu anthulumi amanavi ŵaka ndiwu ajaku.+
9 Atumwa vinyu kwambula sumu,
Ŵanthu wo atumwa moŵa atiwuvwa kuŵaŵa.
10 Tawuni yambula ŵanthu yabwangandulika;+
Nyumba yeyosi yajalika mwakuti palivi yo wangaseremu.
11 Aliriya vinyu mumisewu.
Likondwa losi lamala;
Kukondwa kwa charu kwaluta.+
12 Tawuni yasambuka mahami;
Geti aliswa ndipu lasambuka ndundu ya mavikita.+
13 Pakuti ndimu vazamujaliya mucharu, pakati pa mitundu ya ŵanthu:
Nge mo viŵiya asani chimiti cha maolivi chavwapulika pakuvuna,+
Nge kutondo mphereska zakujaliya mumunda asani chivuna chamala.+
14 Yiwu azamudaniriza,
Azamudaniriza mwalikondwa.
Azamupharazga kukwezeka kwaku Yehova kutuliya kunyanja.*+
15 Ndichu chifukwa chaki azamukankhuska Yehova muchigaŵa chaukweru;*+
Muvirwa va munyanja azamukankhuska zina laku Yehova Chiuta waku Isirayeli.+
16 Tituvwa sumu kutuliya kuvigoti va charu:
Kweni ini ndikamba kuti: “Ndimala, ndimala!
Soka kwaku ini! Aryarya achita vinthu mwauryarya;
Ndi uryarya aryarya achita vinthu mwauryarya.”+
17 Mantha, mbuna kweniso viŵana vitikulindizga, yiwi wakuja mucharu.+
18 Weyosi yo wathaŵa chiwawa chakuchitiska mantha wazamukuwa mumbuna,
Ndipu weyosi yo wathaŵa mumbuna wazamuwira muchiŵana.+
Pakuti mageti nga kuchanya ngazamujulika,
Ndipu mafawundeshoni nga charu ngazamusukunyika.
20 Charu chimbendyambendya nge munthu wakuloŵe,
Ndipu chisukunyikiya uku ndi uku nge chigongwi cho chisukunyisika ndi mphepu.
Chazitiskika ukongwa ndi kunanga kwaki,+
Ndipu chazamukuwa mwakuti chazamuyuka so cha.
21 Mu zuŵa lenilo Yehova wazamukumbuka mizinda yakuchanya
Ndipuso mafumu nga pacharu chapasi.
22 Ndipu azamuwunganisika pamoza
Nge akayidi wo awunganisika mumbuna,
Ndipu azakuŵajaliya mujeri;*
Azakuŵakumbuka* asani mazuŵa nganandi ngajumphapu.
23 Mwezi wamphumphu wazamulengeseka,
Ndipu lumwi lakuŵala lazamuchita soni,+
Pakuti Yehova wa mizinda waja Fumu+ mu Phiri la Ziyoni+ ndi mu Yerusalemu,
25 Yimwi Yehova, ndimwi Chiuta wangu.
Nditikukwezani, ndithamika zina linu,
Pakuti mwachita vinthu vakuziziswa,+
Vinthu vo mukunozga mu nyengu zakali,+
Mu kugomezgeka,+ mu kuthembeka.
2 Pakuti mwasambusa tawuni kuja mulu wa mya,
Tawuni yakukho kuja mahami.
Kanyumba kakuthopoka ka mulendu ndi tawuni so cha;
Kazamuzengeka so cha.
3 Ndichu chifukwa chaki ŵanthu anthazi azakukukankhuskani
Tawuni ya mitundu ya ŵanthu ankhaza yazakukuwopani.+
4 Pakuti mwaja malu ngakuvikilirika ku munthu wakusika,
Malu ngakuvikilirika ku mukavu mu suzgu yaki,+
Malu ngakuthaŵiyaku vuwa yachimphunga,
Mduzi wakuthaŵiyaku chifundizi.+
Asani kupoma kwa alongozgi ankhaza kwe nge chimphunga cho chipuma mpanda,
5 Nge kufunda mucharu chakumira,
Muthereska chiwawa cha alendu.
Nge mo chifundizi chithereskeke ndi mduzi wa mtambu,
Ndimu so sumu ya alongozgi ankhaza yichetamisikiya.
6 Muphiri ili,+ Yehova wa mizinda wazamunozge mitundu yosi ya ŵanthu
Phwandu la vakurya vamampha,+
Phwandu la vinyu wamampha,
La vakurya vamampha vakuzaza ndi mafuta nga muviwanga,
La vinyu wamampha, wakumimitika umampha.
7 Muphiri lenili, iyu wazamutuzgapu* sanda yo yibenekere ŵanthu wosi
Ndipuso chisalu* cho chivunga mitundu yosi ya ŵanthu.
8 Iyu wazamumeza* nyifwa kwamuyaya,+
Ndipu Yehova, Ambuya Fumu Yikulu wazamupuputa masozi pa visku vosi.+
Iyu wazamutuzgapu kunyozeka kwa ŵanthu ŵaki pacharu chosi chapasi,
Pakuti Yehova mwenechu ndiyu wakamba venivi.
9 Mu zuŵa lenili azamukamba kuti:
“Awonani! Uyu ndi Chiuta widu!+
Uyu ndi Yehova!
Tamulindizga.
Tiyeni tikondwi ndi kusekere mu utaski waki.”+
10 Pakuti janja laku Yehova lazamupumuwa paphiri ili,+
Ndipu Mowabu wazamukandikakandika pamalu ngaki+
Nge uteka wo wakandika pamulu wa manyowa.
11 Iyu wazakumutambasuliya manja ngaki
Nge mo munthu wakusambira mumaji watambasuliya manja ngaki kuti wasambiri,
Ndipu wazamusisiya pasi kujikuzga kwaki+
Mwa kuyendesa manja ngaki mwalusu.
12 Ndipu wazamuwisiya pasi,
Tawuni yakukho, ya mipanda yitaliyitali kweniso yakuvikilirika;
Wazakuyiwisiya pasi, pafuvu chayipu.
26 Mu zuŵa lenilo, mucharu cha Yuda+ mwazamumbika sumu+ yakuti:
“Te ndi tawuni yakukho.+
Waŵika utaski nge mipanda kweniso vimbumira vaki.+
2 Julani mageti+ kuti mtundu urunji usere,
Mtundu wakugomezgeka kwaku Chiuta.
3 Mwazamuvikiliya ŵanthu wo atikuthembani ndi mtima wosi;*
Mwazakuŵapaska chimangu chambula kumala,+
Chifukwa yiwu athemba yimwi.+
5 Pakuti wasisa ŵanthu wo aja pamalu ngapachanya, tawuni yakukwezeka.
Wayisisiya pasi,
Wayisisiya pacharu chapasi;
Wayiponya pafuvu.
6 Phazi lazakuyikandakanda,
Maphazi nga wakusuzgika, maphazi nga munthu wakusika.”
7 Nthowa ya munthu murunji njakunyoloka.
Chifukwa yimwi mwe akunyoloka,
Mwazamuyanisa nthowa ya murunji.
8 Po tilondo nthowa ya vyeruzgu vinu, yimwi Yehova,
Chilindizga chidu che mwaku yimwi.
Tikhumbisiska zina linu kweniso chikumbusu chinu.*
9 Ndi usiku ndikhumbisiska yimwi ndi umoyu wangu wosi,
Mukati mwangu ndilutirizga kupenja yimwi;+
Pakuti asani pacharu chapasi pe vyeruzgu vakutuliya kwaku yimwi,
Akuja mucharu asambira urunji.+
10 Chinanga kuti munthu muheni wangalongoreka lisungu,
Wazamusambira cha urunji.+
Chinanga kuti wangaja mucharu chakunyoloka wazamuchita viheni,+
Ndipu wazamuwona cha kukwezeka kwaku Yehova.+
11 Yimwi Yehova, janja linu lakwezeka, kweni atiliwona cha.+
Azamuwona phamphu linu chifukwa cha ŵanthu ŵinu ndipu azamuchita soni.
Motu wakulangiya arwani ŵinu wazakuŵapiriza.
12 Yimwi Yehova, mwazakutipaska chimangu,+
Pakuti vosi vo tachita
Yimwi ndimwi mwatiwovya kuti tivifiski.
13 Yimwi Yehova Chiuta widu, ambuya anyaki kupatuwaku yimwi atiwusa,+
Kweni isi tizumbuwa zina linu pe.+
14 Yiwu afwa; azamuja ndi umoyu cha.
Yiwu akufwa, azamuyuka cha.+
Pakuti mwaŵakumbuka
Kuti muŵamali kweniso kuŵananga kuti wosi aleki kuzumbulika so.
Mwasanuzga ukongwa mphaka zosi za charu.+
16 Yimwi Yehova, pa nyengu yo ŵenga mu suzgu angukukumbukani;
Pa nyengu yo munguŵachenya, angupemphera kwaku yimwi mwakusisa mazu kweniso ndi mtima wosi.+
17 Nge mo munthukazi wanthumbu yo we pafupi kubala
Wajaliya ndi urwirwi wa pakubala, kweniso kuliya chifukwa cha urwirwi
Ndimu nasi tajaliya chifukwa chaku yimwi, yimwi Yehova.
18 Tingume nthumbu, tenga ndi urwirwi wa pakubala,
Kweni ve nge kuti tabala mphepu.
Taza nawu cha utaski kucharu,
Ndipu palivi yo wabalika kuti waje mucharu.
19 “Ŵanthu ŵinu wo akufwa azamukuŵa ndi umoyu.
Ŵanthu ŵangu wo akufwa azamuyuka.*+
Yukani kweniso danirizani mwalikondwa,
Yimwi akuja mufuvu!+
Pakuti dungwi linu le nge dungwi lamlenji,*
Ndipu charu chapasi chazamupereka akufwa kuti aje ndi umoyu.*
Mukabisami kwa kanyengu kamanavi
Mpaka po ukali wajumphiya.+
21 Pakuti awonani! Yehova watuza kutuliya kumalu ngaki
Kuti wambi mulandu akuja pacharu chifukwa cha kunanga kwawu,
Ndipu charu chazamuvumbuwa ndopa zo chadira
Ndipu chazamubisa so cha ŵanthu wo chikubaya.”
27 Mu zuŵa lenilo, Yehova, ndi lipanga laki lakofya, likulu kweniso lanthazi,+
Wazamulanga* Leviyatani,* njoka yakunyelemuka,
Wazamulanga Leviyatani, njoka yakunyongoroka,
Ndipu wazamubaya chinyama chakofya cho che munyanja.
2 Mu zuŵa lo, iyu* muzimumbiyi sumu yakuti:
“Munda wa mphereska wa vinyu yo wachita phovu!+
3 Ini Yehova, nditimuvikiliya.+
Nditimudiriya maji nyengu yeyosi.+
Nditimuvikiliya usiku ndi msana,
Kuti munthu weyosi waleki kumupweteka.+
4 Mwaku ini mulivi ukali.+
Ndiyani yo walimbanengi nani ndi vivwati vaminga kweniso dondu ku nkhondu?
Vosi pamoza ndivikandengikandengi ndi kuviwotcha ndi motu.
5 Mumalu mwaki, wademetere kumalu ngangu ngakuvikilirika.
Wajalikiski chimangu pakati paku ini ndi iyu;
Iyu wajalikiski chimangu pakati paku ini ndi iyu.”
6 Mu mazuŵa ngo ngatuza, Yakobe wazamume misisi,
Isirayeli wazamuchita mphanda kweniso maluŵa,+
Ndipu mphapu yaki yazamuzaza charu cho ndi vipasu.+
7 Kumbi watenere kupumika ndi likhwechu laku yo watimupuma?
Pamwenga kumbi watenere kubayika nge mo ŵanthu ŵaki abayikiya?
8 Ndi chiwawa chakuchuluska, wazamulimbana nayu uchimudikisiya kutali.
Iyu wazakumudikisa ndi kuwuluma kwaki kwakofya mu zuŵa la mphepu yakutuliya kuvuma.*+
9 Mwaviyo, kunanga kwaku Yakobe kwazamubenekereka,+
Ndipu vo vazamuchitika asani ubudi waki watuzgikapu ndi ivi:
Iyu wazamuchitiska kuti mya yosi ya paguŵa la sembi
Yije nge mya yakufukutuka yo yavikitika,
Ndipu pazamuŵavi mapolu ngakupaturika* pamwenga vakuŵikapu vakununkhira vo vazamujaku.+
10 Pakuti tawuni ya mpanda wakukho yazamuja yambula ŵanthu;
Malu ngakuliskaku viŵetu ngazamulekeka ndi kujowoleka nge chipululu.+
11 Asani mphanda za vimiti vaki zazimira,
Anthukazi azamukuza ndipu azakuzifyo,
Ndi kuchipembe motu.
Pakuti ŵanthu yaŵa avwisa cha vinthu.+
Ndichu chifukwa chaki yo Wakuŵapanga wazakuŵalenge lisungu cha,
Ndipu Yo wakuŵapanga wazakuŵachitiya chitima cha.+
12 Mu zuŵa lenilo, Yehova wazamuvwapuwa vimiti kuti wavuni vipasu kukamsinji kakutuliya mu Msinji* mpaka ku Dambu la ku Ijipiti,+ ndipu yimwi mwazamuwunganisika yumozayumoza, yimwi Ayisirayeli.+ 13 Mu zuŵa lenilo, mbata yikulu yazamumbika,+ ndipu ŵanthu wo ŵe pafupi kufwa mucharu cha Asiriya+ kweniso wo akumbininiskikiya mucharu cha Ijipiti,+ azamukuza ndipu azamusindamiya Yehova muphiri lakupaturika ku Yerusalemu.+
28 Soka chisoti* chakujiwonesa* cha aloŵevu aku Efurayemu+
Kweniso luŵa lakufota la kutowa kwaki kwaunkhankhu,
Lo le pamutu wa dambu lanyata la ŵanthu wo athereskeka ndi vinyu!
2 Awonani! Yehova we ndi munthu munyaki wanthazi kweniso wakukho.
Nge vuwa ya malimphezi ndi matalala, chimphunga chakusakaza,
Nge vuwa ya malimphezi ya maji nganthazi ngakusapaliya,
Iyu wazakuyiwisiya pacharu chapasi mwanthazi.
4 Ndipu luŵa lakufota la kutowa kwaki kwaunkhankhu,
Lo le pamutu wa dambu lanyata,
Lazamuja nge chipasu cha mkuyu chakwamba kucha chihanya chechendafiki.
Asani munthu wachiwona, watichirya asani wachipontho ŵaka.
5 Mu zuŵa lenilo, Yehova wa mizinda wazamuja chisoti chaunkhankhu kweniso nkhata ya maluŵa yakutowa ku akujaku a ŵanthu ŵaki.+ 6 Ndipu wazamuja mzimu waurunji ku munthu yo wayeruzga kweniso wazamupereka nthazi ku ŵanthu wo adikisa akuyukiya pageti.+
7 Ndipu ŵanthu ŵenaŵa nawu alanda chifukwa cha vinyu;
Vakumwa vawu vakuloŵeresa vitiŵachitiska kuti ayendengi mwakumbendyambendya.
Wasembi kweniso mchimi walanda chifukwa cha moŵa;
Vinyu watiŵatimbanyizga,
Ndipu ambendyambendya chifukwa cha moŵa wawu;
Kuwona kwawu kutiŵalandizga,
Ndipu yiwu aŵanaŵana umampha cha.+
8 Pakuti mathebulu ngawu ngazaza ndi mawukuzi ngakuseruska,
Peposi pe mawukuzi.
9 Kumbi munthu wasambizengi yani kuti waziŵi vinthu,
Ndipu munthu wakonkhoskiyengi yani uthenga?
Ŵanthu wo alumulika ŵaka sonu,
Ŵanthu wo aŵalekesa ŵaka konkha be?
10 Pakuti ndi “dangu pa dangu, dangu pa dangu,
Mzeri pa mzeri, mzeri pa mzeri,*+
Yapa kamanavi, epa kamanavi.”
11 Mwaviyo, iyu wazamulongoro ndi ŵanthu yaŵa mwakugwiriskiya ntchitu ŵanthu achimama* kweniso achineneru chachilendu.+ 12 Iyu wanguŵakambiyapu kuti: “Yanga ndi malu ngakupumuliyapu. Munthu wakuvuka wapumuwi; yanga ndi malu ngakusisipuwa,” kweni yiwu angukana kuvwiya.+ 13 Mwaviyo, mazu ngaku Yehova kwaku yiwu ngazamuja ngakuti:
14 Mwaviyo, yimwi ŵanthu akujiŵikamu vwiyani mazu ngaku Yehova,
Yimwi alongozgi a ŵanthu yaŵa mu Yerusalemu,
15 Pakuti yimwi mwaŵanthu mukamba kuti:
Asani maji ngakofya ngakusapaliya ngajumpha,
Ngafikengi cha kwaku isi,
Pakuti tasambusa boza kuja malu ngidu ngakuthaŵiyaku
Ndipu tajibisa mu boza.”+
16 Mwaviyo, Yehova Ambuya Fumu Yikulu, wakamba kuti:
Palivi weyosi yo we ndi chivwanu yo wazamutenthema.+
17 Ndipu ndazamuchitiska kuti cheruzgu chakunyoloka chije chingwi chakupimiya+
Kweniso kuti urunji uje chidya chakuyanisiya.+
Malu ngakuthaŵiyaku ngaboza ngazamukukurwa ndi matalala,
Ndipu maji ngazamubizga malu ngakubisamaku.
18 Phanganu lo mukuchita ndi Nyifwa lazamumala,
Asani maji ngakofya ngakusapaliya ngajumpha,
Ngazakukupwetekani.
19 Nyengu yeyosi yo maji ngo ngazijumphiya,
Mwazamukukurwa;+
Pakuti ngazamujumpha mlenji wewosi,
Ndi msana kweniso ndi usiku.
Mantha pe ndingu ngazakuŵachitiska kuti avwisi vo vinguvwika.”*
20 Pakuti bedi ndifupi ukongwa kuti munthu wakwanepu,
Ndipu salu yakuluka njifinyi ukongwa kuti munthu wabundiyi.
21 Pakuti Yehova wayukengi nge mo wanguchitiya pa Phiri la Perazimu;
Wajiyuskengi nge mo wanguchitiya mudambu* pafupi ndi Gibiyoni,+
Kuti wachiti ntchitu yaki, ntchitu yaki yakuziziswa
Ndipuso kuti wagwiri ntchitu yaki, ntchitu yaki yachilendu.+
22 Sonu munganyozanga cha,+
Kuti simbi zinu zileki kufyekeka ukongwa,
Pakuti ndavwa kutuliya kwa Ambuya Fumu Yikulu, Yehova wa mizinda,
23 Julani makutu ndipu vwani mazu ngangu;
Avwani ndipu vwisiyani vo ndikamba.
24 Kumbi wakulimiya pulawu walima zuŵa losi kwambula kupanda mbewu?
Kumbi watandaliya ŵaka kutipa ndi kupopota munda waki?+
25 Asani wayanisa dongu,
Kumbi wamija cha kamini mufipa ndipuso kupanda kamini,
Kumbi wapanda cha tirigu, maŵe, ndi balire mumalu mwaki
27 Pakuti kamini mufipa atimusira cha ndi chidya chakukhweme mbewu,+
Ndipu chingelengeli cha ngolu atichiyendesa pa kamini cha.
Mumalu mwaki, kamini mufipa atimukhwema ndi nthonga,
Ndipu kamini atimukhwema ndi nthonga.
28 Kumbi munthu wasira tirigu kuti wapangi viŵandi?
Awa, watimukhwema kwambula kulekeza cha;+
Ndipu asani watendesapu chingelengeli cha ngolu yaki ndi mahachi ngaki,
Watimusira cha.+
29 Ivi navu vituliya kwaku Yehova wa mizinda,
Yo ulongozgi waki ngwakuziziswa*
29 “Soka kwaku yiwi Ariyeli,* Ariyeli, tawuni yo Davidi wangujinthaku mahema!+
Lutirizga chaka ndi chaka;
Lutirizga kuchita maphwandu.+
2 Kweni ndazamuchitiska kuti Ariyeli wasuzgiki,+
Kweniko, kwazamuja kuliya ndi kutenje,+
Ndipu kwaku ini iyu wazamuja nge chipembu cha guŵa la sembi laku Chiuta.+
3 Ndazakukujinthiya mahema muvigaŵa vosi kuti ndilimbani nawi,
Ndazakukuzingiliza ndi mpanda
Ndipuso ndazamupanga vakukwerapu pakuchita nawi nkhondu.+
4 Pakuti wazamusisikiya pasi;
Wazamulongoro kutuliya pasi,
Ndipu vo wazamukamba vazamujalizika ndi fuvu.
Mazu ngaku ngazamutuliya pasi+
Nge mazu nga munthu wakulongoro ndi mizimu,
Ndipu mazu ngaku ngazamuvwika nge kuliya kwa chiyuni kutuliya kufuvu.
5 Chigulu cha arwani* ŵaku chazamuja nge ufwa wakusilirika,+
Chigulu cha alongozgi ankhaza chazamuja nge mwere wo uputa ndi mphepu.+
Ndipu venivi vazamuchitika mu kanyengu kamanavi, mwamabuchibuchi.+
6 Yehova wa mizinda wazakukukumbuka
Ndi limphezi, chidilirisi kweniso chiwawa chikulu,
Ndi chimphepu, chimphunga kweniso mulipu wa motu wakupiriza.”+
7 Pavuli paki, chigulu cha mitundu yosi ya ŵanthu wo achita nkhondu ndi Ariyeli,+
Ŵanthu wosi wo achita nayu nkhondu,
Malu ngakuthopoka ngakuchitiyapu nkhondu ndi iyu,
Kweniso ŵanthu wo achitiska kuti wasuzgikengi,
Azamuja nge malotu, chiwona cha usiku.
8 Vazamuja nge mo viŵiya asani munthu yo we ndi nja walota kuti waturya,
Kweni wayuka we ndi nja,
Kweniso nge mo viŵiya asani munthu yo we ndi nyota walota kuti watumwa maji,
Kweni wayuka wavuka kweniso we ndi nyota.
Ndimu so vazamuŵiya ndi chigulu cha mitundu yosi ya ŵanthu
Wo achita nkhondu ndi Phiri la Ziyoni.+
Yiwu aloŵe, kweni aloŵe ndi vinyu cha;
Yiwu ambendyambendya, kweni chifukwa cha moŵa cha.
10 Pakuti Yehova wakupunguliyani mzimu wa tulu tikulu;+
Wajala masu nginu, yimwi achimi,+
Ndipu wabenekere mitu yinu, yimwi akuwona viwona.+
11 Kwaku yimwi, chiwona chechosi chija nge mazu nga mubuku lakumata.+ Asani alipereka ku munthu yo wakuziŵa kuŵerenga, ndipu amukambiya kuti: “Chondi, ŵerenga buku ili mwakudaniriza,” iyu wazamukamba kuti: “Ndingaŵerenga cha, pakuti buku ili ndakumata.” 12 Ndipu asani apereka buku lo ku munthu yo wakuziŵa cha kuŵerenga, ndipu amukambiya kuti: “Chondi, ŵerenga buku ili,” iyu wazamukamba kuti: “Nde mujira kuŵerenga.”
13 Yehova wakamba kuti: “Ŵanthu yaŵa andere kwaku ini ndi mulomu wawu pe
Ndipuso atinditumbika ndi milomu yawu,+
Kweni mitima yawu ye kutali ukongwa ndi ini;
Ndipu atindiwopa chifukwa cha marangu nga ŵanthu ngo akusambizika.+
14 Mwaviyo, ini Ndini ndazamuchita so vinthu vakuziziswa ndi ŵanthu yaŵa,
Chakuziziswa pa chakuziziswa;+
Ndipuso zeru za ŵanthu ŵawu azeru zazamumala,
Ndipu kuvwisa vinthu kwa ŵanthu ŵawu azeru kwazamubisika.”+
15 Soka ku ŵanthu wo atesesa kubisa maŵanaŵanu ngawu kwaku Yehova.+
Ntchitu zawu zichitikiya mumalu ngamdima.
Achikamba kuti: “Ndiyani yo watitiwona?
Ndiyani yo watitiziŵa?”+
16 Mubendezga vinthu ukongwa!
Kumbi wakuwumba wangayanana ndi dongu?+
Kumbi chakupangika chingakambiya yo wakuchipanga kuti:
“Wakundipanga cha”?+
Ndipuso kumbi cho chikupangika chingakambiya yo wakuchipanga kuti:
“Wavwisa vinthu cha”?+
17 Mu kanyengu kamanavi, Lebanoni wazamusambusika munda wa vipasu,+
Ndipu munda wa vipasu wo wazamuja nge lisuwa.+
18 Mu zuŵa lenilo, wambula kuvwa wazamukuvwa mazu nga mubuku,
Ndipu masu nga munthu wachibulumutiya ngazamuwona kutuliya mu mdima kweniso kutuliya mu mdima ukulu.+
19 Wakufwasa wazamukondwa ukongwa mwaku Yehova,
Ndipu mukavu pakati pa ŵanthu wazamukondwa mwa Mtuŵa waku Isirayeli.+
20 Pakuti mulongozgi wankhaza kwazamuŵavi,
Munthu wakujiŵikamu wazamumala,
Ndipu wosi wo akhaza anyawu kuti aŵapweteki azamubayika,+
21 Wo akamba mazu ngaboza kuti anyawu aje ndi mulandu,
Wo athyiya viŵana wakuvikiliya* pageti la tawuni,+
Ndipuso wo akana kuchitiya urunji munthu murunji mwakugwiriskiya ntchitu suskanu zambula fundu.+
22 Mwaviyo, Yehova yo wakuwombo Abrahamu+ wakambiya nyumba yaku Yakobe kuti:
23 Pakuti asani wawona ŵana ŵaki,
Wo ndi ntchitu ya manja ngangu, pakati paki,+
Azamutowesa zina langu;
Azamutowesa Mtuŵa waku Yakobe,
Ndipu yiwu azamuwopa Chiuta waku Isirayeli.+
24 Wo ŵe ndi maŵanaŵanu ngakulanda azamuvwisa vinthu,
Ndipu wo adandawula azamuzomera kusambizika.”
30 Yehova wakamba kuti: “Soka ŵana amtafu,+
Wo achita vo akhumba mumalu mwakuchita khumbu langu,+
Wo achita mapanganu,* kweni kwambula kulongozgeka ndi mzimu wangu,
Kuti asazgiyepu ubudi pa ubudi.
2 Yiwu asikiya ku Ijipiti+ kwambula kundifumba,+
Kuti akavikiliriki ndi Farawo*
Ndipuso kuti akabisami mu mduzi wa ku Ijipiti!
3 Kuvikilirika ndi Farawo kwazamusambuka chilengesu kwaku yimwi,
Ndipu mwazamulengeseka chifukwa chakubisama mu mduzi wa ku Ijipiti.+
4 Pakuti alongozgi ŵaki akuzirwa ŵe ku Zowani,+
Ndipuso nthumi zaki zafika ku Hanesi.
5 Wosi azamulengeseka
Ndi ŵanthu wo angaŵawovya cha,
Ŵanthu ambula chovyu kweniso ambula phindu,
Soni pe ndi chilengesu.”+
6 Uthenga wacheruzgu wakukwaskana ndi vinyama vakofya va kumwera:
Kujumpha mucharu cha masuzgu ndi kuŵaŵa,
Cha nkharamu, nkharamu yakukoroma,
Cha chipi ndipuso njoka ya motu yakuphululuka,
Yiwu apinga chuma chawu pamisana ya abulu
Ndipuso vinthu vawu pamagonyu nga ngamila.
Kweni vinthu ivi vazakuŵawovya cha ŵanthu yaŵa.
7 Pakuti chovyu chaku Ijipiti ntchambula phindu.+
Mwaviyo ndamudana kuti: “Rahabi,+ yo waja ŵaka kwambula kuchita kanthu.”
8 “Sonu luta, ukalembi mazu ngo pachakulembapu yiwu achiwona,
Ukangalembi mubuku,+
Kuti ngazigwiriskikiyi ntchitu kunthazi
Nge ukaboni wambula kumala.+
10 Yiwu akambiya akuwona* kuti, ‘Lekani kuwona,’
Ndipuso akambiya akuwona viwona kuti, ‘Lekani kutikambiya viwona vauneneska.+
Mutikambiyengi vinthu vakukondwesa; muwonengi viwona vakupusisa.+
11 Tuwanipu panthowa; petukani panthowa.
Lekani kuŵika Mtuŵa waku Isirayeli pa masu pidu.’”+
12 Mwaviyo, Mtuŵa waku Isirayeli wakamba kuti:
“Pakuti mwakana mazu yanga+
Ndipu mugomezga ukhuluku ndi uryarya
Kweniso muthemba vinthu venivi,+
13 Mwaviyo, kunanga uku kwazamuja nge chimati chakusweka kwaku yimwi,
Nge chimati chitali cho che ndi lumwa likulu ndipu che pafupi kuwa.
Chazamudilizika mwamabuchibuchi, mu kanyengu kamanavi.
14 Chazamusweka nge msuku ukulu,
Chazamuvikitikiya limu mwakuti pazamuŵavi dinga lakujaku
Kuti apaliyengi motu pachipa
Pamwenga kuti akapiyengi maji mo ngateka.”*
15 Pakuti Yehova, Ambuya Fumu Yikulu, Mtuŵa waku Isirayeli, wakamba kuti:
“Asani mwawere kwaku ini ndi kupumuwa, mwazamutaskika;
Mwazamusaniya nthazi chifukwa chakuja mwakufwasa kweniso kundithemba.”+
Kweni mwakhumbanga cha.+
16 Mumalu mwaki, mungukamba kuti: “Awa, tazamukwera pamahachi ndi kuthaŵa!
Mwazamuthaŵa nadi.
“Ndipu tazamukwera pamahachi ngakutchimbiya ukongwa!”+
Mwaviyo, ŵanthu wo azakukuskerani azamutchimbiya ukongwa.+
17 Ŵanthu 1,000 azamumbwambwanthiya chifukwa chakuwofyeka ndi munthu yumoza;+
Mwazamuthaŵa chifukwa chakuwofyeka ndi ŵanthu ankhondi
Mpaka po ŵanthu wo azamujaku pakati pinu azijaliya nge mlongoti pachanya pa phiri,
Nge polu lachiziŵisu pamtunthu.+
18 Kweni Yehova walindizga mwakuzikira kuti wakulongoni wezi,+
Ndipu wazamuyuka kuti wakulongoni lisungu.+
Pakuti Yehova ndi Chiuta waurunji.+
Mbakukondwa ŵanthu wosi wo atimulindizga.*+
19 Asani ŵanthu azija mu Ziyoni, mu Yerusalemu,+ yiwi wazamuliyapu cha.+ Iyu wazakukulongo wezi asani wamupempha kuti wakuwovyi; wazakukumuka asani wavwa ŵaka pemphu laku.+ 20 Chinanga kuti Yehova wazakukupaskani masuzgu kuti ngaje chakurya chinu ndipuso kukandirizgika kuti kuje maji nginu,+ Msambizi waku Mura+ wazakujibisa so cha, ndipu yiwi wazamuwona Msambizi waku Mura ndi masu ngaku. 21 Ndipu makutu ngaku ngazamukuvwa mazu kuvuli kwaku, ngakuti, “Nthowa ndi iyi.+ Yendani mwenumu,” kuti muleki kulandiya kumaryi pamwenga kumazge.+
22 Mwazamufipiska siliva yo wakumatika kuvikozgu vinu vakujoba ndipuso golidi yo wakumatika kuvikozgu vinu vachisulu.*+ Mwazakuvitaya kutali nge kasalu ko munthukazi yo we ku mwezi wavwala ndipu mwazakuvikambiya kuti, “Tiyeni ko!”*+ 23 Iyu wazamupereka vuwa pa mbewu zo mwazamupanda padongu,+ ndipu chiŵandi cho dongu lazakukupaskani chazamuja chinandi kweniso chamampha.*+ Mu zuŵa lenilo, malu ngakuliskaku viŵetu vinu ngazamuja ngasani.+ 24 Ndipu ng’ombi kweniso abulu vo vilima mumunda vazamukurya vakurya vakusazgaku vimani vakuŵaŵa, vo vikuwulusika ndi focholu kweniso chifoloku. 25 Ndipu mu zuŵa lo ŵanthu anandi azamubayikiya, pa nyengu yo tinyumba takuthopoka tazamukuwa, paphiri lelosi litali ndipuso pamtunthu wewosi utali, pazamuja timisinji ndi ngalandi.+ 26 Ndipu ukweru wa mwezi wamphumphu, wazamuja nge ukweru wa lumwi; ukweru wa lumwi wazamusazgikiyaku maulendu 7,+ nge ukweru wa mazuŵa 7, mu zuŵa lo Yehova wazamumanga mtundu waki wakupwetekeka*+ kweniso kupozga chilonda chikulu cho wakuwulanga nachu.+
27 Awonani! Zina laku Yehova lituza kutuliya kutali,
Likore ndi ukali waki kweniso ndi mitambu yakofya.
Milomu yaki yazaza ndi ukali,
Ndipuso lilimi laki le nge motu wakupiriza.+
28 Mzimu* waki we nge msinji wakututuma wo wafika mukhosi,
Kuti usukunyisi mitundu yosi musefa yapharanyiku;
Ndipu mitundu ya ŵanthu yazamumangika vingwi kumilomu yawu,*+ vo vitiŵalandizga.
29 Kweni sumu yinu yazamuja nge sumu yo yimbika usiku,
Pa nyengu yo munozgeke phwandu,*+
Ndipu mitima yinu yazamukondwa nge munthu
Yo watenda ndi fyoliru
Wachiluta kuphiri laku Yehova, ku Jalawi laku Isirayeli.+
30 Yehova wazamuchitiska kuti mazu ngaki ngakukwezeka+ ngavwiki
Ndipu wazamuvumbuwa janja laki+ lichisika mu kotcha kwa ukali waki,+
Ndi mulipu wa motu wakupiriza,+
31 Chifukwa cha mazu ngaku Yehova, charu cha Asiriya chazamuchita mantha;+
Iyu wazakuchipuma ndi nthonga.+
32 Ndipu ulendu wewosi wo wazakumupuma ndi nthonga yaki yakulangiya
Yo Yehova wazamusisiya pa charu cha Asiriya
Kwazamuvwika kuliya kwa ting’oma kweniso mabangu*+
Wachisoska janja laki pakuchita nayu nkhondu.+
Iyu wapanga ndundu ya nkhuni yitali kweniso yisani,
Ndi motu unandi kweniso nkhuni.
Mvuchi waku Yehova, nge msinji wa sulufule,
Wazakumuwotcha.
31 Soka ku ŵanthu wo asikiya ku Ijipiti kuti wakaŵawovyi,+
Wo athemba mahachi,+
Wo athemba magaleta ngankhondu chifukwa chakuti nganandi ukongwa,
Ndipuso wo athemba mahachi* ngankhondu chifukwa chakuti nganthazi.
Kweni yiwu atimuthemba cha Mtuŵa waku Isirayeli,
Ndipu atimupenja cha Yehova.
2 Kweniso iyu we ndi zeru ndipuso wazengi ndi soka,
Ndipu wazamutondeka cha kufiska mazu ngaki.
Wazamusoka kuti walimbani ndi nyumba ya ŵanthu akuchita viheni
Ndipuso kuti walimbani ndi wo awovya ŵanthu akuchita viheni.+
3 Ayijipiti mbanthu ŵaka, ndi Chiuta cha;
Mahachi ngawu ndi nyama, ndi mzimu cha.+
Asani Yehova watambasuwa janja laki,
Weyosi yo watiŵawovya wazamuguŵa
Ndipuso weyosi yo wawovyeka wazamukuwa;
Wosi azamumala pa nyengu yimoza.
4 Pakuti Yehova wandikambiya kuti:
“Nge mo nkharamu yiwulumiya, nkharamu yimana yanthazi, pa nyama yaki,
Asani gulu losi la aliska ladanika pamoza kuti lilimbani nayu,
Yichita mantha cha chifukwa cha mazu ngawu,
Pamwenga kutenthema chifukwa cha chiwawa chawu,
Ndimu so Yehova wa mizinda waziyengi kuzichita nkhondu
Pa Phiri la Ziyoni kweniso pamtunthu waki.
5 Nge viyuni vo vitambasuwa mapapa ngaki, ndimu so Yehova wa mizinda wazamuvikiliya Yerusalemu.+
Iyu wazakumuvikiliya ndi kumutaska.
Iyu wazakumusunga ndi kumuponoska.”
6 “Yimwi Ayisirayeli, weriyani kwaku Yo mwamugarukiya ukongwa.+ 7 Pakuti mu zuŵa lo, weyosi waku yimwi wazamukana achiuta ŵaki asiliva ambula fundu ndipuso achiuta ŵaki agolidi ambula ntchitu wo manja nginu ngapanga ndi kukubudisani.
8 Ndipu munthu wa ku Asiriya wazamubayika ndi lipanga, kweni la munthu cha;
Ndipuso wazamumezeka ndi lipanga kweni la munthu cha.+
Wazamuthaŵa chifukwa cha lipanga,
Ndipu anyamata ŵaki azamugwira ntchitu ya ukapolu.
9 Jalawi laki lazamusoŵa chifukwa cha mantha,
Ndipu alongozgi ŵaki azamuchita mantha chifukwa cha polu lachiziŵisu,” Yehova ndiyu wakamba,
Yo ukweru* waki we mu Ziyoni ndipuso yo ng’anju yaki ye mu Yerusalemu.
2 Ndipu weyosi wazamuja nge malu ngakubisamiyapu mphepu,
Malu ngakuthaŵiyaku* pa nyengu ya chimphunga,
Nge timisinji tamaji mucharu chambula maji,+
Nge mduzi wa jalawi likulu mucharu chakumira.
3 Masu nga ŵanthu wo awona ngazamujalika so cha,
Ndipu makutu nga ŵanthu wo atuvwa ngazamuvwisiya.
4 Mtima wa ŵanthu akupupuluma wazamuŵanaŵaniya dankha kuti uziŵi vinthu,
Ndipu lilimi lachimama lazamulongoro mwakuvwika umampha.+
5 Muzereza wazamudanika so munthu wakupaska cha,
Ndipu munthu wambula nkharu wazamudanika munthu wakuzirwa cha;
6 Pakuti muzereza wazamulongoro vinthu vambula fundu
Ndipu mtima waki wazamuŵanaŵana vinthu viheni,+
Kuti wachiski mpatuku* ndipuso kuti wakambiyi Yehova vinthu vabwekabweka,
Kuti wanoli chakurya munthu yo we ndi nja
Ndipuso kuti wanoli maji munthu yo we ndi nyota.
7 Maŵanaŵanu nga munthu wambula nkharu ngaheni;+
Iyu wachiska jalidu lakuchitiska soni,
Kuti wanangi wakusuzgika ndi maboza,+
Chinanga kuti munthu mukavu walongoro vinthu vakwenere.
8 Kweni munthu wakupaska we ndi maŵanaŵanu ngakupaska,
Ndipu walutirizga jalidu laki lakupaska.
9 “Anthukazi yimwi muja ŵaka phee, sokani ndipu vwani mazu ngangu!
Yimwi ŵana anthukazi ambula kuphweriyaku kanthu,+ vwisiyani vo ndikamba!
10 Asani pajumpha chaka chimoza ndi mazuŵa ngamanavi, yimwi muleka kuphweriyaku kanthu mwazamumbwambwanthiya,
Chifukwa asani nyengu yakuvuniya mphereska yamala mwazamuwunjika chipasu chechosi cha.+
11 Njekemiyani yimwi anthukazi wo aja ŵaka phee!
Mbwambwanthiyani yimwi muleka kuphweriyaku kanthu!
Zuwani vakuvwala vinu,
Ndipu vwalani vigudulu muviwunu vinu.+
12 Jipumeni pachifuŵa ndi kuliya
Chifukwa cha minda yamampha kweniso vimiti va mphereska vakupasa ukongwa.
13 Pakuti charu cha ŵanthu ŵangu chizazengi minga ndi mikwakwazu;
Vazamuzaza nyumba zosi zalikondwa,
Hinya, tawuni yakuzaya.+
Ofeli+ kweniso kanyumba kakuthopoka ka mulonda* vanangikiya limu,
Vaja malu ngakukondwesa nga abulu amudondu,
Malu ngakuliskaku miskambu,+
15 Mpaka po mzimu wapungulikiya paku isi kutuliya kuchanya,+
Mpaka po chipululu chajaliya munda wa vipasu,
Kweniso mpaka po munda wa vipasu wajaliya lisuwa.+
16 Urunji wazamukuŵa muchipululu,
Kweniso urunji wazamuja mumunda wa vipasu.+
17 Urunji chayiwu wazamuchitiska kuti paje chimangu,+
Ndipu chipasu cha urunji chayiwu chazamuja chimangu ndi kuvikilirika mpaka muyaya.+
18 Ŵanthu ŵangu azamuja mumalu ngachimangu,
Azamuja mumalu ngakuvikilirika kweniso mumalu ngakupumuliyamu ngachimangu.+
19 Kweni vuwa yamatalala yazamunanga lisuwa,
Ndipu tawuni yazamubwangandulikiya pasi.
33 Soka kwaku yiwi, wakubwanganduwa yo wechendabwanganduliki;+
Yiwi wakupereka anyaku, yo wechendaperekeki!
Asani wamaliza kubwanganduwa, nawi wazamubwangandulika.+
Asani wamaliza kupereka anyaku, nawi wazamuperekeka.
2 Yimwi Yehova, tilongoni wezi.+
Chilindizga chidu che mwaku yimwi.
3 Mitundu ya ŵanthu yithaŵa asani yavwa chiwawa cha chimtimbaheka.
Mitundu ya ŵanthu yimbininika asani yimwi musoka.+
4 Vinthu vinu vo mwaphanga ku nkhondu vazamuwunganisika nge azombi anja wo awungana pamoza;
Ŵanthu azamutchimbiriya ku vinthu vo mwaphanga ku nkhondu nge chigulu cha azombi.
5 Yehova wazamukwezeka,
Pakuti iyu waja kuchanya.
Wazamuzaza Ziyoni ndi cheruzgu chakunyoloka kweniso urunji.
6 Iyu watikuvikiliyani mu nyengu yinu;
Wapereka utaski ukulu,+ zeru, kuziŵa vinthu, ndipuso kopa Yehova,+
Chenichi ntchuma chaki.
7 Awonani! Vinkhara vawu viliya mumisewu;
Mathenga ngachimangu ngaliya ukongwa.
8 Mumisewu mwayiyima;
Palivi yo watenda munthowa.
9 Charu chiliya* ndipuso chifota.
Lebanoni walengeseka;+ wavunda.
Sharoni waja nge chipalamba,
Ndipu Bashani ndi Karimeli ayoyoska mani ngawu.+
10 Yehova wakamba kuti, “Sonu ndisokengi,
Sonu ndilongongi nthazi zangu;+
Sonu ndilongongi ukulu wangu.
11 Mume nthumbu ya uteka wakumira ndipu mubala mapesi.
Mzimu winu wazakukupirizani nge motu.+
12 Mitundu ya ŵanthu yazamuja nge vo vijaliya asani layimu wapiriya.
Ndipu azamuwotcheka ndi motu nge minga yo yadumulikiya pasi.+
13 Yimwi mwe kutali, vwani vo ndichitengi!
Ndipu yimwi mwe pafupi, ziŵani nthazi zangu!
14 Ŵanthu akubuda mu Ziyoni ŵe ndi mantha;+
Ŵanthu ampatuku ambwambwanthiya:
‘Ndiyani waku isi yo wangaja ko kwe motu wakupiriza?+
Ndiyani waku isi yo wangaja ko kwe motu wakuti ungazimwika cha?’
15 Munthu yo nyengu zosi watenda mu urunji,+
Yo walongoro vinthu vakunyoloka,+
Yo wakana uryarya, kweniso phindu lachinyengu,
Yo wakana chinyeda, ndipu manja ngaki ngatichilonde cha,+
Yo wajala makutu ngaki kuti waleki kuvwa vakukwaskana ndi kubaya munthu,
Ndipuso yo wajala masu ngaki kuti waleki kuwona vinthu viheni,
16 Wazamuja mumalu ngapachanya;
Iyu wazamuthaŵiya kumalu ngakuvikilirika nga jalawi,
Wazamupaskikanga chakurya,
Ndipuso wazamupaskikanga maji nyengu zosi.”+
17 Masu nginu ngazamuwona fumu mu unkhankhu waki;
Ngazamuwona charu chakutali.
18 Yiwi mumtima mwaku wazamukumbuka* vinthu vakofya:
“We pani mlembi?
We pani yo wapimanga msonkhu?+
We pani yo waŵerenganga tinyumba takuthopoka?”
19 Ŵanthu akujikuzga wazakuŵawona so cha,
Ŵanthu wo chineneru chawu ntchakusuzga kuchivwisa,
Ŵanthu wo ungavwa cha vo akamba chifukwa chakuti ŵe ndi chimama.+
20 Wona Ziyoni, tawuni ya maphwandu!+
Masu ngaku ngazamuwona Yerusalemu nge malu ngachimangu ngakujamu,
Hema lo lazamutuzgikapu cha.+
Vikhomu vaki vazamujinthulika cha,
Ndipu vingwi vaki vazamudumulika cha.
21 Kweni kweniko, Chiuta Waunkhankhu, Yehova,
Wazamuja chigaŵa cha misinji kwaku isi, chigaŵa cha migelu yisani,
Ko magulu nga maboti ngazamulutaku cha
Ndipuso ko sitima zikuluzikulu zazamujumphaku cha.
22 Pakuti Yehova Ngwakweruzga widu,+
Yehova Ngwakupereka Marangu widu,+
Yehova ndi Fumu yidu+
Iyu ndiyu wazakutitaska.+
23 Vingwi vaku vazamufwatuka;
Vazamutondeka kukholesa mlongoti pamwenga kutandawuwa chisalu.
Pa nyengu yo, vinthu vinandi vo vikuphangika ku nkhondu vazamugaŵika;
Chinanga ndi munthu wakupunduka wazamuphanga vinthu vinandi.+
24 Ndipu palivi wakuja mucharu cho yo wazamukamba kuti: “Ndatama.”+
Ŵanthu wo azamuja mucharu cho, azamugowokereka maubudi ngawu.+
34 Zani pafupi, yimwi mitundu,
Ndipu vwisiyani, yimwi mitundu ya ŵanthu.
Charu ndi vosi vo ve mwenimo vivwisiyi,
Charu ndi vipasu vaki vosi.
Wazakuyipereka kuti yinangiki;
Wazakuyipereka kuti yibayiki.+
3 Ŵanthu ŵawu wo abayika azamutayika kubwalu,
Ndipu mwefu wa mathupi ngawu wazamuyupukiya kuchanya;+
Mapiri ngazamusongonoka chifukwa cha ndopa zawu.+
4 Mzinda wosi wakuchanya wazamuvunda,
Ndipu machanya ngazamuzingika nge mpukutu.
Mzinda wawu wosi wazamufota,
Nge jani lakufota lo lituwa pasi kutuliya muchimiti cha mphereska
Ndipuso nge mkuyu wakuphapha wo utuwa pasi kutuliya muchimiti cha mkuyu.
5 “Pakuti kuchanya lipanga langu lazamuzumbwa.+
Lazamusikiya paku Edomu kuti lipereki cheruzgu,+
Lazamusikiya pa ŵanthu wo ndaŵapereka kuti anangiki.
6 Yehova we ndi lipanga; lazamusamba ndopa.
Lazamukhatima ndi mafuta,+
Lazamusamba ndopa za ŵana a mbereri anthulumi kweniso mbuzi,
Lazamukhatima ndi mafuta nga kusana nga mbereri zinthulumi.
Pakuti Yehova wapereka sembi ku Bozira,
Wazamubaya nyama zinandi mucharu cha Edomu.+
Charu chawu chazamuzumbwa ndi ndopa,
Ndipu dongu lawu lazamuzumbwa ndi mafuta.”
9 Timisinji taki* tazamusambuka phula,
Dongu laki lazamusambuka sulufule,
Ndipu charu chaki chazamuja nge phula lo likole.
10 Wazamuzimwika cha msana pamwenga usiku;
Josi laki lazamutoloroka mpaka muyaya.
Charu cho, chazamuja chakubwangandulika mu mugonezi yosi;
Palivi yo wazamujumpha mucharu cho muyaya mpaka muyaya.+
11 Mwazamujanga chiyuni cha khuya ndipuso chinungu,
Ndipuso mwazamujanga aphululu a makutu ngatali ndi achaholi.
Wazakuchipima ndi chingwi chakupimiya ndipu wazamusaniya kuti chilivi kanthu kekosi
Wazakuchipima ndi chingwi chakupimiya* ndipu wazamusaniya kuti chasambuka mahami.
12 Palivi ŵanthu ŵaki akuzirwa wo azamuŵikika kuja mafumu,
Ndipu akalonga ŵaki wosi azamumala.
13 Mutinyumba taki takuthopoka takukho mwazamume minga,
Vakume vakunyenye kweniso vimadondu vaminga vazamume mumalu ngaki ngakuvikilirika.
Wazamusambuka mphanji ya akambwi,+
Kweniso mwakuja nthiŵatiŵa.
14 Vinyama vamuchipalamba vazamukumana ndi vinyama vakubangula
Ndipu mbuzi yamudondu yazamudana yinyaki.*
Amunkhuŵi azamuja kweniko ndi kusaniya malu ngakupumuliyapu.
15 Njoka yazamuzenga chizimbu chaki kweniko ndi kutayiya mazira,
Yazamukonkhomo tana ndi kutiwunjika mu mduzi waki.
Akaŵandu azamuwunjikana kweniko, weyosi ndi munthulumi waki.
16 Penjani mubuku laku Yehova ndi kuliŵerenga mwakukweza:
Palivi cho chazamusoŵa;
Palivi cho chazamusoŵa chinthulumi chaki,
Pakuti mulomu waku Yehova ndiwu walamula,
Ndipu mzimu waki ndiwu waviwunganisa pamoza.
17 Iyu ndiyu wavichitiya mayeri,
Ndipu janja laki lapima malu ngawu.*
Vazamujamu mpaka muyaya;
Vazamuja mwenimo mu migonezi yosi.
35 Chipululu ndipuso charu chakumira, vazamukondwa,+
Ndipu chipalamba chazamukondwa kweniso kuchita maluŵa.+
2 Chazamutondeka cha kuchita maluŵa;+
Chazamukondwa ndi kudaniriza chifukwa cha likondwa.
Chazamupaskika unkhankhu wa ku Lebanoni,+
Chazamupaskika kutowa kwa ku Karimeli+ kweniso kwa ku Sharoni.+
Ŵanthu azamuwona unkhankhu waku Yehova, kutowa kwaku Chiuta widu.
3 Kholesani manja ngambula nthazi,
Ndipu kholesani makongonu ngo ngandengandenga.+
4 Kambiyani ŵanthu wo afipa mtima kuti:
“Jani anthazi. Mungawopanga cha.
Awonani! Chiuta winu wazengi kuti waziweze nduzga,
Chiuta wazengi kuti wazipereki chilangu.+
Wazengi ndipu wazakukutaskani.”+
5 Pa nyengu yo, masu nga ŵanthu achibulumutiya ngazamujulika,+
Ndipu makutu nga ŵanthu ambula kuvwa ngazamujulika.+
6 Pa nyengu yo, akupunduka azamundwika* nge mphoyu,+
Ndipu lilimi la ambuwu lazamudaniriza chifukwa cha likondwa.+
Pakuti maji ngazamubwibwituka muchipululu,
Ndipu muchipalamba mwazamuja timisinji.
7 Charu chakumira chifukwa cha kotcha chazamuja thaŵali la mateti,
Ndipu charu cha nyota chazamuja ndi akasupi a maji.+
Mumphanji zo mwajanga akambwi,+
Mwazamume uteka wakubiriŵira, mateti kweniso gumbwa.
8 Ndipu kwazamuja msewu ukulu,+
Msewu wo, wazamudanika kuti Msewu Wakupaturika.
Munthu wakufipiskika wazamukwendamu cha.+
Msewu wo wasungikiya munthu yo ngwakwenere kwendamu;
Munthu muzereza wazamulandiyamu cha.
9 Mwazamuŵavi nkharamu,
Ndipu vinyama vakofya vamudondu vazamuyendamu cha.
10 Ŵanthu akuwomboleka ndi Yehova azamuweku+ ndipu azamukuza ku Ziyoni achidaniriza mwalikondwa.+
Likondwa lambula kumala lazamuja pamitu yawu.+
Yiwu azamuzaya ndi kukondwa,
Ndipu chitima ndi kutamantha, vazamuthaŵa.+
36 Mu chaka cha 14 cha ulamuliru wa Fumu Hezekiya, Senakeribu fumu ya ku Asiriya+ wanguza kuziyukiya matawuni ngosi nga mipanda yakukho nga ku Yuda ndipu wangungaphanga.+ 2 Pavuli paki, fumu ya ku Asiriya yingutuma Rabishaki*+ limoza ndi chigulu chikulu cha asilikali kuti aluti ku Yerusalemu kwa Fumu Hezekiya kutuwa ku Lakishi.+ Yiwu anguchima pafupi ndi ngalandi ya damu lakunena,+ yo ye mumphepeti mwa msewu ukulu wakuluta kumalu ngo wakuchapa vakuvwala wagwiriyanga ntchitu yaki.+ 3 Pavuli paki, Eliyakimu+ mwana waku Hilikiya, yo wawoneriyanga nyumba,* Shebina+ mlembi, kweniso Yowa mwana waku Asafu, yo walembanga vakuchitika, angutuliya kubwalu kuchikumana nawu.
4 Sonu Rabishaki wanguŵakambiya kuti: “Hezekiya mukamukambiyi kuti, ‘Fumu yikulu, fumu ya ku Asiriya yakamba kuti: “Kumbi uthembanji?+ 5 Yiwi ukamba kuti, ‘Ini nde ndi zeru kweniso nthazi zakuchitiya nkhondu,’ kweni mazu yanga ngaŵaka. Kumbi uthemba yani, kuti mpaka ufiki pakundigarukiya?+ 6 Awona! Uthemba chovyu cha Ijipiti, deti lakuphwanyika, lenilo asani munthu wangayegemiyaku lingamutolo mumanja ndi kumuhoma. Viyo ndimu Farawo, fumu ya ku Ijipiti waliri kwaku wosi wo atimuthemba.+ 7 Napu asani ungandikambiya kuti, ‘Isi tithemba Yehova Chiuta widu,’ asi mwenuyu ndiyu Hezekiya wakumubwanganduliya malu ngaki ngapachanya limoza ndi maguŵa ngaki nga sembi,+ wachikambiya Yuda ndi Yerusalemu kuti, ‘Mujikamengi panthazi pa guŵa la sembi ili’?”’+ 8 Sonu ubecherani ndi ambuya fumu ya ku Asiriya:+ Ndikupaskengi mahachi 2,000, tiwoni asani uŵengi ndi ŵanthu akukwana akuti akwerepu. 9 Sonu ungafiska wuli kudikisa chinanga ndi nduna yimoza yimana ukongwa pa ateŵeti wosi ŵa ambuya, penipo uthemba Ijipiti kuti wakupaski magaleta ndi ŵanthu akukwera pamahachi? 10 Sonu kumbi uwona kuti ndi Yehova cha yo wandituma kuti ndiziyukiyi charu ichi ndi kuchibwanganduwa? Yehova mweneku wandikambiya kuti, ‘Luta ukayukiyi charu ichi ndi kuchibwanganduwa.’”
11 Sonu Eliyakimu, Shebina+ kweniso Yowa angukambiya Rabishaki+ kuti: “Isi ateŵeti ŵinu mukambi nasi mu chineneru cha Chiaramu*+ pakuti titichivwa; mungakambanga nasi mu chineneru cha Ayuda cha, kuchitiya kuti ŵanthu wo ŵe pachanya pa mpanda angavwa.”+ 12 Kweni Rabishaki wangukamba kuti: “Kumbi ambuya andituma kuti mazu yanga ndikambiyi ambuyamwi pe ndi yimwi? Asi andituma kuti ndikambiyi so ŵanthu wo aja pachanya pa mpanda, wo aryengi mavi ngawu ndi kumwa makozu ngawu limoza ndi yimwi?”
13 Pavuli paki, Rabishaki wanguma wima ndi kudaniriza mu chineneru cha Ayuda+ kuti: “Vwani mazu nga fumu yikulu, fumu ya ku Asiriya.+ 14 Fumu yakamba kuti, ‘Mungazomerezanga cha kuti Hezekiya wakupusiseni, chifukwa iyu wangakutaskani cha.+ 15 Kweniso mungazomerezanga cha kuti Hezekiya wakuchitiskeni kuti muthembi Yehova+ mwakukamba kuti: “Yehova watondekengi cha kutitaska, ndipu tawuni iyi yiperekekengi cha mu janja la fumu ya ku Asiriya.” 16 Mungamuvwiyanga cha Hezekiya, chifukwa fumu ya ku Asiriya yakamba kuti: “Pangani phanganu lachimangu ndi ini, kweniso jiperekeni ŵaka,* ndipu weyosi waku yimwi wazamukurya vipasu va muchimiti chaki cha mphereska ndi vipasu va muchimiti chaki cha mkuyu kweniso wazamukumwa maji nga pachisimi chaki, 17 mpaka po ndiziyengi kuzikutoni ndi kuluta namwi kucharu cho chiyanana ndi charu chinu,+ charu cha vakurya kweniso vinyu wasonu, charu cha viŵandi ndipuso minda ya mphereska. 18 Mungazomerezanga cha kuti Hezekiya wakulandizgeni, mwakukamba kuti, ‘Yehova watitaskengi.’ Kumbi walipu chiuta wa mitundu yinyaki yo wakutaskapu charu chaki mu janja la fumu ya ku Asiriya?+ 19 Ŵe pani achiuta a ku Hemati ndi Aripadi?+ Ŵe pani achiuta a ku Sefaravayimu?+ Kumbi yiwu angumutaska Samariya mu janja langu?+ 20 Ndi chiuta nuyu pa achiuta wosi a muvyaru ivi yo wakutaskapu charu chaki mu janja langu, kuti Yehova wataski Yerusalemu mu janja langu?”’”+
21 Kweni ŵanthu anguja ŵaka cheti ndipu angumumuka chechosi cha, chifukwa fumu yingulamula kuti, “Mungachimumukanga cha.”+ 22 Kweni Eliyakimu mwana waku Hilikiya, yo wawoneriyanga nyumba,* Shebina+ mlembi, kweniso Yowa mwana waku Asafu yo walembanga vakuchitika, angukeruwa vakuvwala vawu ndipu anguza kwaku Hezekiya ndi kumukambiya mazu ngo Rabishaki wangukamba.
37 Fumu Hezekiya yati yavwa ŵaka venivi, yingukeruwa vakuvwala vaki ndi kuvwala chigudulu ndipu yinguluta munyumba yaku Yehova.+ 2 Pavuli paki, Hezekiya wangutuma Eliyakimu yo wawoneriyanga nyumba,* Shebina mlembi, kweniso ŵara ŵa asembi kuti aluti kwa mchimi Yesaya+ mwana waku Amozi. Ŵanthu yaŵa anguvwala vigudulu. 3 Yiwu angukambiya Yesaya kuti: “Hezekiya wakamba kuti, ‘Ili ndi zuŵa la suzgu, la kuchenyeka* ndipuso la chilengesu; pakuti nthumbu zayuka kuti ŵana aweku,* kweni palivi nthazi zakuŵabaliya.+ 4 Panyaki Yehova Chiuta waku wavwengi mazu ngosi ngaku Rabishaki, yo ambuyaki fumu ya ku Asiriya amutuma kuti wazinyozi Chiuta wamoyu,+ ndipu wamumbengi mulandu chifukwa cha mazu ngo Yehova Chiuta waku wavwa. Sonu pemphera+ mumalu mwa ŵanthu wo ajaku, wo ŵeche amoyu.’”+
5 Mwaviyo, ateŵeti a Fumu Hezekiya anguluta kwaku Yesaya,+ 6 ndipu Yesaya wanguŵakambiya kuti: “Ambuyamwi mukaŵakambiyi kuti, ‘Yehova wakamba kuti: “Ungawopanga cha+ chifukwa cha mazu ngo wavwa, mazu ngo ateŵeti a fumu ya ku Asiriya+ andinyoza nangu. 7 Ini ndiŵikengi maŵanaŵanu mumutu mwaki,* ndipu iyu wavwengi uthenga ndi kuwere mucharu chaki.+ Ini ndimubayisengi ndi lipanga mucharu chaki.”’”+
8 Rabishaki wati wavwa kuti fumu ya ku Asiriya yatuwaku ku Lakishi, wanguwere kwaku iyu, ndipu wangusaniya kuti yichita nkhondu ndi tawuni ya Libina.+ 9 Pa nyengu iyi, fumu yinguvwa vakukwaskana ndi Tirihaka fumu ya ku Ifiyopiya kuti: “Iyu waza kuti wazichiti namwi nkhondu.” Yati yavwa venivi, yingutuma ŵanthu kwaku Hezekiya+ ndipu yinguŵakambiya kuti: 10 “Hezekiya fumu ya ku Yuda mukamukambiyi kuti, ‘Ungazomerezanga cha kuti Chiuta waku yo utimuthemba wakupusiki mwakukukambiya kuti: “Yerusalemu waperekekengi cha mu janja la fumu ya ku Asiriya.”+ 11 Awona! Yiwi wavwa vo mafumu nga ku Asiriya ngakuchitiya vyaru vosi, pakuti ngakuvinanga.+ Kumbi yiwi pe wija utaskikengi? 12 Kumbi achiuta a mitundu yo apapi ŵangu akali akuyibwanganduwa, anguyitaska?+ We pani Gozani, Harani,+ Rezefi, kweniso ŵe pani ŵanthu a ku Edeni wo ajanga ku Telu-asa? 13 Ye pani fumu ya ku Hemati, fumu ya ku Aripadi, fumu ya matawuni nga ku Sefaravayimu,+ fumu ya ku Hena ndi fumu ya ku Iva?’”
14 Hezekiya wangulonda makalata kujanja la ŵanthu wo angupinga uthenga ndipu wangungaŵerenga. Pavuli paki, Hezekiya wangukwere kunyumba yaku Yehova, ndipu wangungatambasuwa* pa masu paku Yehova.+ 15 Sonu Hezekiya wangwamba kupemphera kwaku Yehova+ kuti: 16 “Yehova wa mizinda,+ Chiuta waku Isirayeli, yimwi muja pampandu waufumu pachanya* pa akerubi, yimwi pe mwija ndimwi Chiuta wauneneska wa maufumu ngosi nga pacharu chapasi. Mukupanga kuchanya ndi charu chapasi. 17 Khazaniku gutu linu yimwi Yehova, ndipu vwani!+ Julani masu nginu yimwi Yehova, ndipu wonani!+ Vwani mazu ngosi ngo Senakeribu watumiza ngakunyoza yimwi Chiuta wamoyu.+ 18 Yimwi Yehova, mbuneneska nadi kuti mafumu nga ku Asiriya ngabwanganduwa vyaru vosi+ kweniso charu chawu. 19 Kweniso achiuta a mitundu yeniyi aŵaponya pamotu,+ chifukwa ŵenga achiuta cha, kweni ntchitu za manja nga ŵanthu,+ vimiti kweniso mya. Ndichu chifukwa chaki aŵabwanganduwa. 20 Kweni sonu yimwi Yehova Chiuta widu, titaskeni mu janja laki, kuti maufumu ngosi nga pacharu chapasi ngaziŵi kuti yimwi pe mwija ndimwi Chiuta, a Yehova.”+
21 Sonu Yesaya mwana waku Amozi wangutumiziya Hezekiya uthenga wakuti: “Yehova Chiuta waku Isirayeli wakamba kuti, ‘Chifukwa chakuti wapemphera kwaku ini vakukwaskana ndi Fumu Senakeribu ya ku Asiriya,+ 22 Yehova wakamba mazu yanga ngakususkana ndi iyu:
“Mwana munthukazi wa ku Ziyoni yo ndi mwali, watikunyoza, iyu watikuseka.
Mwana munthukazi wa ku Yerusalemu watikupukunyiya mutu.
23 Ndiyani yo wamunena ndipuso kumunyoza?+
Ndiyani yo yiwi wamulongolore mwakudaniriza+
Ndipuso ndiyani yo yiwi wamuyunuskiya masu ngaku ngakujikuzga?
Wachitiya Mtuŵa waku Isirayeli!+
24 Kuziya mwa ateŵeti ŵaku, wanyoza Yehova+ ndi kukamba kuti,
‘Mwakugwiriskiya ntchitu wumba wa magaleta ngangu ngankhondu,
Ndikwerengi mapiri ngatali,+
Mpaka kuvigaŵa vakutali ukongwa va ku Lebanoni.
Ndidumuwengi vimiti vaki vitalivitali va sidara,* kweniso vimiti vaki vamampha va junipa.
Ndiserengi muthundu laki la kutali, ndipuso mulisuwa laki lakukho* ukongwa.
25 Ndikumbengi visimi ndi kumwa maji;
Ndiphwisengi timisinji ta* ku Ijipiti ndi maphazi ngangu.’
26 Kumbi ukuvwa cha? Kutuwa kali ukongwa, ndikusimikiza.*
Kutuwa mu mazuŵa ngo ngajumpha, ini ndikunozge* limu.+
Kweni sonu ndifiskengi.+
Yiwi ubwanganduwengi matawuni nga mipanda yakukho ndi kungasambusa milu ya mahami.+
27 Ŵanthu wo aja mumatawuni ngenanga asoŵengi pakuko;
Yiwu achitengi mantha kweniso soni.
Ŵanthu ŵenaŵa ajengi nge vakume vamudondu kweniso nge uteka wakubiriŵira,
Nge uteka wo we pachanya pa nyumba wo waŵawuka ndi mphepu ya kuvuma.*
28 Kweni ndiziŵa umampha asani uja pasi, asani utuwa kubwalu, asani usere,+
Ndipuso asani wandikwiyiya,+
29 Chifukwa chakuti wandikwiyiya+ ndipuso kubangula kwaku kwavwika mumakutu mwangu.+
Mwaviyo, ndiŵikengi mbeja yangu mumphunu mwaku, ndipuso ndimangengi vingwi vangu+ pamilomu yaku,
Ndipu ini ndikuweziyengi munthowa yo unguziya.”
30 “‘Ichi ndichu chiŵengi chisimikizu kwaku yiwi:* Chaka chinu muryengi vo vimengi vija; ndipu mu chaka chachiŵi, mwazamukurya mbewu zo zazamubuka pa vo vingume vija;* kweni mu chaka chachitatu mwazamupanda mbewu ndi kukolola, kweniso mwazamulima minda ya mphereska ndi kurya vipasu vaki.+ 31 Ŵanthu a munyumba yaku Yuda wo aponengi, kung’anamuwa wo ajengeku,+ amengi misisi pasi ndi kupasa vipasu kuchanya. 32 Pakuti mu Yerusalemu mwazamutuwa ŵanthu wo ajengeku, ndipu mu Phiri la Ziyoni mwazamutuwa ŵanthu wo aponengi.+ Yehova wa mizinda wachitengi venivi chifukwa cha phamphu laki.+
33 “‘Mwaviyo, Yehova wakamba ivi vakukwaskana ndi fumu ya ku Asiriya:+
“Iyu wazengemu cha mutawuni iyi+
Pamwenga kuponya muvu mwenimo
Pamwenga so kuyiyukiya ndi chishangu
Kweniso kuyizenge chimbumira kuti wachiti nayu nkhondu.”’+
34 ‘Iyu waweleriyengi kuziya munthowa yo wanguziya;
Waserengemu cha mutawuni iyi,’ Yehova ndiyu wakamba.
35 ‘Ini ndivikiliyengi tawuni iyi+ kweniso ndiyitaskengi chifukwa chaku ndamweni+
Kweniso chifukwa chaku Davidi mteŵeti wangu.’”+
36 Ndipu mungelu waku Yehova wanguluta mumsasa wa asilikali a ku Asiriya ndi kubaya anthulumi 185,000. Ŵanthu ŵati ayuka ndi mlenjilenji, anguwona mathupi ngosi nga ŵanthu akufwa.+ 37 Mwaviyo, Senakeribu fumu ya ku Asiriya wangutuwaku ndipu wanguwere ku Nineve+ ndi kuchija kweniko.+ 38 Senakeribu wachijikama munyumba* yaku Nisiroki chiuta waki, ŵana ŵaki anthulumi Adirameleki ndi Shareza angumubaya ndi lipanga+ ndipu anguthaŵiya kucharu cha Ararati.+ Pavuli paki, mwana waki Esari-hadoni+ ndiyu wanguja fumu mumalu mwaku iyu.
38 Mu mazuŵa ngeningo, Hezekiya wangutama ndipu wenga pafupi kufwa.+ Mchimi Yesaya+ mwana waku Amozi wanguza kwaku iyu ndipu wangumukambiya kuti, “Yehova wakamba kuti: ‘Uŵakambiyi vakuchita ŵanthu a munyumba yaku, chifukwa yiwi ufwengi; uchirengi cha.’”+ 2 Hezekiya wati wavwa ivi, wangulazga chisku chaki kuchimati, ndipu wangwamba kupemphera kwaku Yehova kuti: 3 “Nditikupemphani yimwi Yehova, chondi kumbukani+ mo ndayende pa masu pinu mwakugomezgeka ndipuso ndi mtima wosi,+ ndipu ndachita cho ntchamampha pa masu pinu.” Ndipu Hezekiya wangwamba kuliya ukongwa.
4 Pavuli paki, mazu ngaku Yehova nganguza kwaku Yesaya ngakuti: 5 “Uwelere ndipu ukakambiyi Hezekiya+ kuti, ‘Yehova Chiuta waku Davidi mpapi waku wakali wakamba kuti: “Ini ndavwa pempheru laku+ kweniso ndawona masozi ngaku.+ Ndikusazgiyengeku vyaka 15 pa umoyu waku,*+ 6 ndikutaskengi kweniso nditaskengi tawuni iyi mu janja la fumu ya ku Asiriya ndipu ndiyivikiliyengi.+ 7 Chisimikizu chakutuliya kwaku Yehova chakulongo kuti Yehova wafiskengi mazu ngo wakamba ndi ichi:+ 8 Ndichitiskengi kuti chithuthuzi cha lumwi pamasitepusi* ngaku Ahazi chiwere vuli masitepu 10.”’”+ Mwaviyo lumwi linguwere vuli masitepu 10 pamasitepusi po lingujumpha kali.
9 Vo Hezekiya Fumu ya ku Yuda wangulemba wati watama kweniso kuchira, ndi ivi.
10 Ndingukamba kuti: “Pakatikati pa umoyu wangu
Ndilutengi mumageti nga Dindi.*
Ndinorekengi vyaka vangu vo vajaku.”
11 Ndingukamba kuti: “Ndazakumuwona cha Ya,* Ya mucharu cha ŵanthu amoyu.+
Ndazakuŵawona so cha ŵanthu
Asani ndachija limoza ndi ŵanthu wo ŵe kumalu ko chinthu chechosi chimala.
12 Malu ngangu ngakujaku ngajinthulika ndipuso ngatuzgikaku kwaku ini+
Nge hema la mliska.
Ndazinga umoyu wangu nge wakupanga salu;
Watindidumuwa nge salu yo ayidumuwa ku chakupangiya salu.
Kwamba mlenji mpaka usiku mulutirizga kundimala.+
13 Nditijipembuzga mpaka mlenji.
Nge nkharamu, walutirizga kuswa viwanga vangu vosi;
Kwamba mlenji mpaka usiku mulutirizga kundimala.+
Masu ngangu ngalereska kuchanya mwakuvuka:+
‘Yimwi Yehova, nde mu suzgu yikulu;
Ndiwovyeni!’+
15 Kumbi ndikambenji?
Iyu walongoro nani kweniso wachitapu kanthu.
Ndiyendengi mwakujiyuyuwa* mu vyaka vangu vosi
Chifukwa cha suzgu yangu yakuŵaŵa.
16 ‘Yimwi Yehova, munthu weyosi waja wamoyu chifukwa cha vinthu venivi,*
Ndipu mu vinthu venivi mwe umoyu wa mzimu wangu.
Mundiweziyengi liŵavu lanthazi ndi kundisunga wamoyu.+
17 Awonani! Mumalu mwa chimangu, ndenga mu urwirwi ukulu;
Kweni chifukwa chakuti mutindiyanja,
Mwandisunga kuti ndileki kusere muzenji la pharanyiku.+
Mwaponya kumsana kwinu maubudi ngangu ngosi.*+
Wo asikiya kuzenji angalindizga cha kugomezgeka kwinu.+
19 Amoyu ndiwu angakuthamikani,
Nge mo ndingachitiya ini pa zuŵa ili.
Ada angasambiza ŵana ŵawu va kugomezgeka kwinu.+
20 Yimwi Yehova, nditaskeni,
Ndipu timbengi sumu zangu pa vakumbiya va vingwi+
Mazuŵa ngosi nga umoyu widu pa nyumba yaku Yehova.’”+
21 Pavuli paki, Yesaya wangukamba kuti: “Toni mkuyu wakumira wakukanyata ndipu muwubatiki* pachitufya chaki kuti wachiri.”+ 22 Hezekiya wangufumba kuti: “Kumbi pe chisimikizu wuli chakulongo kuti ndikweriyengi kunyumba yaku Yehova?”+
39 Pa nyengu yeniyi, Merodaki-baladani fumu yaku Babiloni, mwana waku Baladani, wangutumiza makalata kweniso mphasu kwaku Hezekiya,+ chifukwa wanguvwa kuti watamanga kweniso kuti wachira.+ 2 Hezekiya wanguŵalondere umampha* ndipu wanguŵalongo nyumba yaki yakusungamu chuma,+ kung’anamuwa siliva, golidi, mafuta nga basamu, mafuta nganyaki ngakudula ndipuso vidya vaki vosi vankhondu. Iyu wanguŵalongo so chechosi cho chenga muvipinda vaki vakusungamu chuma. Pengavi chinthu cho Hezekiya wanguleka kuŵalongo munyumba yaki* ndipuso muchigaŵa chosi cho iyu walamuliyanga.
3 Pavuli paki, mchimi Yesaya wanguza kwa Fumu Hezekiya ndipu wanguyifumba kuti: “Kumbi ŵanthu yaŵa akukambiyanji ndipu atuliya pani?” Sonu Hezekiya wangumuka kuti: “Yiwu atuliya kucharu chakutali ukongwa ku Babiloni.”+ 4 Yesaya wangufumba so kuti: “Awonanji munyumba yaku?”* Hezekiya wangumuka kuti: “Yiwu awona chechosi munyumba yangu.* Palivi chinthu cho ndaleka kuŵalongo muvipinda vangu vakusungamu chuma.”
5 Sonu Yesaya wangukambiya Hezekiya kuti: “Yivwa mazu ngaku Yehova wa mizinda, 6 ‘Awona! Mazuŵa ngatuza, ndipu vinthu vosi vo ve munyumba yaku* kweniso vosi vo apapi ŵaku akali akusunga mpaka msanawale, vazamutoleke ku Babiloni. Palivi cho chazamusiyika,’+ Yehova ndiyu wakamba.+ 7 ‘Anyaki mwa ŵana ŵaku chayiwu wo yiwi ubalengi azamutoleka, ndipu amuja nduna mubalaza la nyumba yachifumu ya fumu ya ku Babiloni.’”+
8 Hezekiya wati wavwa ivi wangukambiya Yesaya kuti: “Mazu ngaku Yehova ngo yimwi mwakamba, nge umampha.” Iyu wangukamba so kuti: “Chifukwa chakuti mu mazuŵa nga umoyu wangu* mucharu mujengi chimangu kweniso ŵanthu ajengi mwakufwasa.”*+
40 “Chiskani, chiskani ŵanthu ŵangu,” Chiuta winu ndiyu wakamba.+
2 “Longoroni ndi Yerusalemu mwakumufika pamtima,*
Ndipu mupharazgiyeni kuti ntchitu yaki ya ukapolu yamala,
Kuti ubudi waki walipirika.+
Walonde malipiru ngakukwana* kutuliya mu janja laku Yehova chifukwa cha maubudi ngaki ngosi.”+
3 Mazu nga munthu yo wadaniriza muchipululu kuti:
“Nozgani* nthowa yaku Yehova!+
Pangiyani Chiuta widu msewu ukulu+ wakunyoloka wakujumpha muchipalamba.+
4 Dambu lelosi likwezeki,
Ndipu phiri lelosi kweniso mtunthu wewosi visisiki.
Malu ngakutundumukatundumuka ngayanisiki,
Ndipu malu ngavibokuboku ngaje chidika.+
5 Unkhankhu waku Yehova wazamuvumbulika,+
Ndipu ŵanthu wosi azakuwuwone limoza,+
Pakuti mulomu waku Yehova walongoro.”
6 Vwisiyani! Munthu munyaki wakamba kuti: “Daniriza!”
Munyaki wafumba kuti: “Ndidanirizenji?”
“Ŵanthu wosi ŵe nge uteka wakubiriŵira.
Chanju chawu chosi chambula kumala che nge luŵa lamudondu.+
Ŵanthu ŵe nge nadi uteka wakubiriŵira.
9 Kwera paphiri litali,
Yiwi munthukazi yo watuza ndi uthenga wamampha ku Ziyoni,+
Daniriza mwanthazi,
Yiwi munthukazi yo watuza ndi uthenga wamampha ku Yerusalemu.
Daniriza, ungawopanga cha.
Pharazgiya matawuni nga ku Yuda kuti: “Chiuta winu ndi uyu.”+
10 Awonani! Yehova, Ambuya Fumu Yikulu wazengi ndi nthazi,
Ndipu janja laki lazamulamuliya mumalu mwaku iyu.+
Awonani! Mphotu yaki ye ndi iyu,
Ndipu malipiru ngo wapereka nge pa masu paki.+
11 Iyu wazamuphwere* mskambu waki nge mliska.+
Iyu wazamuwunganisa pamoza ŵana a mbereri ndi janja laki,
Ndipuso wazakuŵanyamuwa pachifuŵa chaki.
Ndipu zo ziwonkhesa ŵana wazakuzilongozga umamphaumampha.+
Ndiyani yo wawunjika ndi kupima fuvu la pacharu chapasi+
Pamwenga kupima mapiri pavakupimiya
Ndipuso kupima mitunthu pamasikelu?
14 Kumbi wakufumbapu yani kuti wavwisengi vinthu,
Pamwenga ndiyani yo watimusambiza nthowa ya urunji,
Pamwenga kumusambiza kuti waziŵi vinthu,
Pamwenga kumulongo nthowa ya kuvwisa vinthu chayiku?+
15 Awonani! Mitundu ya ŵanthu ye nge kanthonyu ka maji kakutuliya muchiŵiya,
Ndipu yiwoneka nge fuvu pamasikelu.+
Awonani! Iyu wanyamuwa virwa* nge fuvu lakusilirika.
16 Chinanga ndi Lebanoni ngwakukwana cha kuti motu ulutirizgi kukole,*
Ndipu vinyama vaki vamudondu vakukwana cha kuti vije sembi yakupiriza.
17 Mitundu yosi ya ŵanthu ye nge chinthu cho kulivi pa masu paki;+
Ndipu watiyiwona kuti nkhanthu cha, nge kuti kulivi.+
18 Kumbi Chiuta mungamuyeruzgiya ndi yani?+
Ntchinthu wuli cho mungakamba kuti wayananaku nachu?+
19 Munthu walusu wapanga chikozgu,*
Munthu yo wasula visulu watichimata ndi golidi,+
Ndipu wapanga matcheni ngasiliva.
20 Wasankha chimiti kuti chije chakupereka chaki,+
Chimiti cho chingavunda cha.
Wapenjapenja munthu walusu
Kuti wapangi chikozgu chakusema cho chingawa cha.+
21 Kumbi muziŵa cha?
Kumbi mukuvwa cha?
Kumbi mukuziŵisika cha kutuliya pakwamba?
Kumbi mukuvwisa cha kutuliya po charu chapasi chikupangikiya?+
22 Pe Munyaki yo waja pachanya pa charu chapasi chakuzunguliya,+
Ndipu ŵanthu wo ajamu ŵe nge azombi.
Iyu watambasuwa kuchanya nge salu yakulangala,
Ndipu watikutambasuwa nge hema lakujamu.+
23 Iyu wasisa ŵanthu akutumbikika kuja ambula ntchitu
Ndipu wachitiska kuti akuyeruzga* a pacharu chapasi aje nge kuti kulivi.
24 Yiwu apandika cha,
Yiwu amijika cha,
Chisilinkhinthi chawu chajintha cha misisi pacharu chapasi,
Ndipu aphutika ndi kumira,
Mphepu yitiŵaputisiya kutali nge mapesi.+
25 “Kumbi mungandiyeruzgiya ndi yani kuti ndiyanani nayu?” Mtuŵa ndiyu wakamba.
26 “Yunuskiyani masu nginu kuchanya ndipu wonani.
Ndiyani yo wakulenga vinthu venivi?+
Ndi Mweniyo walongozga magulu nga vinthu venivi ndi kuviŵerenga;
Vosi watividana mazina.+
Chifukwa cha nthazi zaki zikulu kweniso nthazi zaki zakuchitiska mantha,+
Palivi cho chisoŵa.
27 Yiwi Yakobe, kweniso yiwi Isirayeli, ntchifukwa wuli mukamba kuti,
‘Nthowa yangu yabisika kwaku Yehova,
Ndipuso kuti ndilonde urunji cha kutuliya kwaku Chiuta’?+
28 Kumbi uziŵa cha? Kumbi ukuvwa cha?
Yehova, Mlengi wa vigoti va charu chapasi, ndi Chiuta muyaya mpaka muyaya.+
Iyu wavuka cha pamwenga kulakatuka.+
Palivi munthu yo wangavwisa vinthu vo iyu wavwisa.+
30 Anyamata avukengi ndi kulakatuka,
Ndipu anthulumi achinyamata aguŵengi ndi kuwa,
31 Kweni ŵanthu wo alindizga Yehova azamusaniya so nthazi.
Yiwu azamuphululukiya muchanya nge kuti ŵe ndi mapapa nge nombu.+
Azamutchimbiya ndipu azamulakatuka cha;
Azamukwenda ndipu azamuvuka cha.”+
Yizi pafupi; ndipu yilongoro.+
Tiyeni tizi pamoza kuti ndiyeruzgi.
2 Ndiyani yo wayuska munthu kutuliya kwakutuliya lumwi,*+
Yo watimudaniya ku maphazi ngaki* mu urunji,
Kuti wamupaski mitundu ya ŵanthu
Ndi kumuchitiska kuti wathereski mafumu?+
Ndiyani yo watiŵasambusa fuvu ndi lipanga laki,
Ndi kuŵambininiska ndi uta waki nge mapesi ngo ngaputa ndi mphepu?
3 Watiŵaskera, wajumpha kwambula kujalizika
Munthowa zo maphazi ngaki ngechendayendemu.
4 Ndiyani yo wachita venivi,
Yo wadana migonezi kwamba pakwamba?
5 Virwa vawona vo wachita ndipu vachita mantha.
Vigoti va charu chapasi vayamba kunjekeme.
Vindere ndi kuza pafupi.
6 Weyosi watovya munyaki
Ndipu wakambiya mubali waki kuti: “Ja wanthazi.”
7 Mwaviyo, munthu walusu wakhwimisa wakusula visulu;+
Munthu yo wanyolo visulu ndi nyundu yakusuliya
Wakhwimisa munthu yo wasula visulu pachakusuliyapu.
Iyu wakamba vakukwaskana ndi kuwotchere visulu kuti: “Ve umampha.”
Pavuli paki, chinthu cho wapanga watichikhoma ndi mizumali kuti chileki kuwa.
8 “Kweni yiwi Isirayeli, ndiwi mteŵeti wangu,+
Yiwi Yakobe, yo ndasankha,+
Mphapu* yaku Abrahamu mubwezi wangu,+
9 Yiwi, yo ndikukuto kuvigoti va charu chapasi,+
Ndipuso yiwi, yo ndikukudana kutuliya kuvigaŵa vakutali ukongwa va charu chapasi.
10 Ungawopanga cha, pakuti nde nawi.+
Ungafipanga mtima cha, pakuti ndini Chiuta waku.+
Ndikukholesengi, ndikuwovyengi,+
Ndikukongi ndi janja langu lamaryi la urunji.’
11 Awona! Ŵanthu wosi wo atikukwiyiya azamuchita soni ndi kulengeseka.+
Ŵanthu wo achita nawi nkhondu azamutuzgikapu ndi kumala.+
12 Wazamupenja ŵanthu wo alimbana nawi kweni wazakuŵasaniya cha;
Ŵanthu wo achita nawi nkhondu azamuja nge chinthu cho kulivi, azamuja kanthu cha.+
13 Pakuti ini, Yehova Chiuta waku, ndakolesa janja laku lamaryi,
Ndini Yo watikukambiya kuti, ‘Ungawopanga cha. Ndikuwovyengi.’+
14 Ungawopanga cha, yiwi nyongu* Yakobe,+
Yimwi Ayisirayeli, ndikuwovyeningi.” Yehova, Wakukuwomboni,+ Mtuŵa waku Isirayeli ndiyu wakamba viyo.
15 “Awona! Ndakusambusa chidya chakukhweme mbewu,+
Chidya chifya chakukhweme mbewu cha minyu kosikosi.
Wazamukandakanda mapiri ndi kungavikita
Ndipu mitunthu wazakuyisambusa mwere.
16 Wazakuviwulusa,
Ndipu mphepu yazakuvipingiya kutali;
Chimphunga chazakuvimbininiska.
17 “Wo akhumbika chovyu kweniso akavu apenja maji, kweni kulivi.
Lilimi lawu lamira chifukwa cha nyota.+
Ini, Yehova, ndazakuŵamuka.+
Ini, Chiuta waku Isirayeli, ndazakuŵajowo cha.+
18 Ndazamuchitiska kuti misinji yiyendi mumitunthu yambula kanthu+
Ndipuso kuti akasupi abwibwituki muvidika.+
Ndazamusambusa chipululu kuja thaŵali la mateti
Kweniso charu chambula maji kuja ndi akasupi a maji.+
19 Muchipalamba ndazamupandamu vimiti va sidara,
Vimiti va akeshiya, vimiti va mirito ndi vimiti va payina.+
Muchidika* ndazamupandamu vimiti va junipa,
Limoza ndi vimiti va ashi kweniso va milanji,+
20 Kuti ŵanthu wosi awoni ndi kuziŵa
Kweniso kuti avwisiyi ndi kuvwisisa
Kuti janja laku Yehova ndilu lachita venivi,
21 “Zani ndi mulandu winu,” Yehova ndiyu wakamba.
“Kambani fundu zinu,” Fumu yaku Yakobe ndiyu yakamba.
22 “Perekani ukaboni ndipu tikambiyeni vinthu vo vazamuchitika.
Tikambiyeni vakukwaskana ndi vinthu vakali,*
Kuti tiŵanaŵaniyepu* ndi kuziŵa vo vazamuchitika.
Pamwenga tikambiyeni vinthu vo vituza.+
23 Tikambiyeni vo vazamuchitika kunthazi,
Kuti tiziŵi kuti ndimwi achiuta.+
Chitani chinthu chinyaki, chamampha pamwenga chiheni,
Kuti tizizwi asani titichiwona.+
24 Awonani! Ndimwi chinthu chakuti kulivi,
Ndipu palivi cho mwachitapu.+
Weyosi yo wasankha yimwi ngwakuseruska.+
25 Ndayuska munthu munyaki kutuliya kunkhondi* ndipu wazengi,+
Munthu munyaki kutuliya kwakutuliya lumwi*+ yo wazamudaniya pa zina langu.
Iyu wazamukandakanda alongozgi* nge kuti wakanda dongu,+
Nge wakuwumba viŵiya yo wakanda dondu liŵisi.
26 Ndiyani yo wangukamba vakukwaskana ndi vinthu venivi kutuliya pakwamba, kuti tiziŵi,
Pamwenga kutuliya mu nyengu zakali, kuti tikambi kuti, ‘Waneneska’?+
Palivi yo wangukambapu!
Palivi yo wangupharazga!
Palivi yo wanguvwapu chechosi kutuliya kwaku yimwi!”+
27 Ini ndini ndenga wakwamba kukambiya Ziyoni kuti: “Awona! Eyivi ve yapa!”+
Ndipu nditumengi munthu wakupinga uthenga wamampha ku Yerusalemu.+
28 Kweni ndingulutirizga kulereska, ndipu pengavi munthu weyosi;
Pakati pawu pengavi weyosi wakuti wapereki ulongozgi.
Ndipu ndingulutirizga kuŵafumba kuti amuki.
29 Awonani! Wosi ndi vinthu vaŵaka.*
Ntchitu zawu zaŵaka.
Vikozgu vawu vachisulu* ve nge mphepu kweniso ndi vinthu vakuti kulivi.+
42 Awonani! Mteŵeti wangu+ yo nditimuwovya!
Wakusankhika wangu+ yo watindikondwesa!+
Iyu wazengi ndi urunji mwakugomezgeka.+
5 Ivi ndivu Yehova, Chiuta wauneneska, wakamba,
Mlengi wa kuchanya ndipuso Mura yo wakutambasuwa kuchanya,+
Yo wakupanga charu chapasi kweniso vinthu vo ve mwenimo,+
Yo wapereka mvuchi ku ŵanthu wo ŵe mwenimo+
Ndipuso yo wapereka mzimu ku ŵanthu wo atenda mwenimo:+
6 “Ini Yehova, ndakudana mu urunji;
Ndako janja laku.
Ndikuvikiliyengi ndipuso ndikuperekengi ku ŵanthu nge phanganu+
Kweniso nge ukweru wa mitundu ya ŵanthu,+
7 Kuti ujuli masu ngambula kuwona,+
Kuti utuzgi mukayidi mujeri*
Kweniso kuti utuzgi mujeri ŵanthu wo aja mu mdima.+
8 Ini ndini Yehova. Lenili ndilu zina langu;
Unkhankhu wangu nditiwupereka ku munthu weyosi cha,*
Ndipu ndikhumba cha kuti ŵanthu athamikengi vikozgu vakujoba mumalu mwakuthamika ini.+
9 Awonani, vinthu vakwamba vafiskika;
Sonu ndipharazga vinthu vifya.
Vechendawoneki, nditikukambiyani vakukwaskana ndi vinthu vo.”+
10 Mbiyani Yehova sumu yifya,+
Mumbiyeni sumu zakuthamika kutuliya kuvigoti va charu chapasi,+
Yimwi musikiya kunyanja ndipuso vosi vo ve mwenimo,
Akuja mumajalawi adanirizi mwalikondwa;
Yiwu adanirizi kutuliya pachanya pa mapiri.
13 Yehova wazamuluta nge chinkhara.+
Iyu wazamuyuska phamphu laki nge msilikali.+
Wazamudaniriza, wazamudaniriza ndi kudaniriza kwa nkhondu;
Wazamulongo kuti ngwanthazi ukongwa kuluska arwani ŵaki.+
14 “Ndaja cheti kwa nyengu yitali.
Ndaja chisisi kweniso ndajiko.
Nge munthukazi yo wabala,
Ndazamutamantha, kuŵeŵefuka kweniso kututiya muchanya pa nyengu yimoza.
15 Ndazamuparanya mapiri ndi mitunthu
Ndazamumizga vakume vawu vosi.
16 Achibulumutiya ndazakuŵalongozga munthowa yo atiyiziŵa cha+
Ndazakuŵachitiska kuti ayendi munthowa zo akwendamu kali cha.+
Mdima wo we panthazi pawu ndazakuwusambusa ukweru+
Ndipu malu ngavibokuboku ndazakungasambusa malu ngachinyeti.*+
Venivi ndivu ndazakuŵachitiya, ndipu ndazakuŵajowo cha.”
17 Wo athemba vikozgu vakusema,
Wo akambiya vikozgu vachisulu* kuti: “Ndimwi achiuta ŵidu,”+
Azamuwezeke vuli ndipuso azamulengeseka ukongwa.
18 Vwisiyani, yimwi ŵanthu akunyota makutu;
Lereskani ndi kuwona, yimwi achibulumutiya.+
19 Ndiyani yo ngwachibulumutiya nge mteŵeti wangu,
Yo ngwakunyota makutu nge muthenga yo ndatumiza?
Ndiyani yo ngwachibulumutiya nge munthu yo wapaskika mphotu,
Yo ngwachibulumutiya nge mteŵeti waku Yehova?+
20 Uwona vinthu vinandi kweni uja masu cha.
Ujula makutu ngaku kweni utuvwa cha.+
21 Chifukwa cha urunji waki,
Yehova wakondwa kukuzga dangu ndi kulikankhuska.
Yiwu akoleka kwambula wakuŵataska,+
Ndipu atoleka kwambula munthu wakukamba kuti: “Weriyani nawu kunu!”
23 Ndiyani pakati pinu yo wazamukuvwa vinthu venivi?
Ndiyani yo wazamuvwisiya ndi kuvwa vinthu vo vazakumuwovya mu nyengu yo yituza?
24 Ndiyani yo wapereka Yakobe kuti watoleki
Ndipuso yo wapereka Isirayeli kuti wakoleki?
Kumbi ndi Yehova cha, Yo tingumubudiya?
25 Mwaviyo Iyu wamupunguliyanga ukali waki,
Kukwiya kwaki kweniso ukali wa nkhondu.+
Ungupiriza chechosi cho chingumuzunguliya, kweni wanguchitapu kanthu cha.+
Ungumuwotcha, kweni wanguviŵanaŵana cha mumtima waki.+
43 Sonu ivi ndivu Yehova wakamba,
Mlengi waku, yiwi Yakobe, Yo wakukupanga, yiwi Isirayeli:+
“Ungawopanga cha, pakuti ndakuwombo.+
Ndakudana ndi zina laku.
Ndiwi wangu.
Asani ujumpha mumotu, wazamukufya cha,
Ndipuso mulipu wa motu wazakukuŵawuwa cha.
3 Pakuti ini ndini Yehova Chiuta waku,
Mtuŵa waku Isirayeli, Mtaski waku.
Ndapereka Ijipiti nge chakukuwombole,
Ndapereka Ifiyopiya kweniso Seba mumalu mwaku.
Mwaviyo, ndazamupereka ŵanthu mumalu mwaku.
Ndipuso mitundu ya ŵanthu mumalu mwa umoyu waku.
5 Ungawopanga cha, pakuti nde nawi.+
6 Ndazamukambiya kunkhondi* kuti, ‘Apereki!’+
Ndipu ndazamukambiya kumwera kuti, ‘Ungaŵakaniriyanga cha.
Iza ndi ŵana ŵangu anthulumi kutuliya kutali, kweniso ŵana ŵangu anthukazi kutuliya kuvigoti va charu chapasi,+
7 Munthu weyosi yo wadanika ndi zina langu+
Ndipuso yo ndikumulenga chifukwa cha unkhankhu wangu,
Yo ndikumuwumba kweniso kumupanga.’+
8 Zani ndi ŵanthu achibulumutiya, chinanga kuti ŵe ndi masu.
Ndipuso akunyota, chinanga kuti ŵe ndi makutu.+
9 Ŵanthu amitundu yosi awungani pamalu ngamoza,
Ndipuso ŵanthu amitundu yakupambanapambana awungani pamoza.+
Ndiyani pakati pawu yo wangakamba ivi?
Pamwenga kutichitiska kuti tivwi vinthu vakwamba?*+
Azi ndi akaboni ŵawu kuti ajilongo kuti aneneska,
Pamwenga avwi ndi kukamba kuti, ‘Mbuneneska!’”+
10 “Yimwi ndimwi akaboni ŵangu,”+ Yehova ndiyu wakamba,
“Ndimwi mteŵeti wangu yo ndamusankha,+
Kuti mundiziŵi ndi kundigomezga*
Ndipuso kuti muvwisi kuti ini ndeche Mweniyuwa.+
Ini ndechendaŵeku palivi Chiuta yo wangupangika,
Ndipu pavuli pangu palivi munyaki.+
11 Ini ndini Yehova,+ ndipu palivi mtaski munyaki kupatuwaku ini.”+
12 “Ini Ndini ndingupharazga, kutaska kweniso kuziŵisa
Pa nyengu yo pakati pinu pengavi chiuta wachilendu.+
Mwaviyo, yimwi ndimwi akaboni ŵangu, ndipu ini ndini Chiuta,”+ Yehova ndiyu wakamba.
Asani ndichita chinthu, ndiyani yo wangatondekesa?”+
14 Ivi ndivu Yehova wakamba, Wakukuwomboni,+ Mtuŵa waku Isirayeli:+
“Chifukwa chaku yimwi, ndazamutuma asilikali ku Babiloni kuti akapapasuwi akabali wosi a mageti,+
Ndipu Akadiya azamuliya mwakudaniriza musitima zawu.+
15 Ini ndini Yehova, Mtuŵa winu,+ Mlengi waku Isirayeli,+ Fumu yinu.”+
16 Ivi ndivu Yehova wakamba,
Yo wapanga nthowa yakuporota panyanja
Kweniso nthowa yakuporota chinanga mphamaji ngakuŵinduka,+
17 Yo watuzga galeta la nkhondu kweniso hachi,+
Asilikali limoza ndi vinkhara va nkhondu:
“Yiwu azamugona pasi ndipu azamuyuka cha.+
Yiwu azamumala, azamuzimwa nge chisunda chakukole.”
18 “Mungakumbukanga vinthu vakali cha,
Ndipuso mungaŵikanga maŵanaŵanu nginu pa vinthu vakuvuli cha.
19 Awonani! Ndipanga chinthu chifya;+
Ndipu chinanga ndi sonu chibuka.
Kumbi mutichiziŵa cha?
20 Chinyama chakofya chamudondu chazakunditumbika,
Akambwi kweniso nthiŵatiŵa,
Pakuti ndipereka maji muchipululu,
Ndiŵika misinji muchipalamba,+
Kuti ŵanthu ŵangu, akusankhika ŵangu,+ amwi.
21 Ŵanthu wo ndikupanga kuti aje ŵangu
Ndi chilatu chakuti andithamikengi.+
23 Waza cha ndi mbereri kwaku ini kuti upereki sembi zakupiriza zamphumphu
Pamwenga kundikankhuska ndi sembi zaku.
Ndakuchichizga cha kuti uzi ndi mphasu kwaku ini,
Ndipuso ndakuvukisa cha mwa kukupempha libani.+
24 Ungundiguliya cha mujuŵa wakunowa ndi ndalama zaku,
Ndipuso ungundikhorwesa cha ndi mafuta nga sembi zaku.+
Mumalu mwaki wandizitiska ndi maubudi ngaku
Ndipuso wandivukisa ndi mphulupulu zaku.+
26 Ndikumbusi; tiyeni tikambiskani mulandu;
Konkhoska fundu zaku kuti ulongo kuti we muneneska.
28 Mwaviyo, ndazamufipiska alongozgi a mumalu ngakupaturika,
Ndipuso ndazamupereka Yakobe kuti wanangiki
Ndazamupereka Isirayeli kuti wanyozeki.+
44 “Sonu vwisiya, yiwi Yakobe mteŵeti wangu,
Ndipuso yiwi Isirayeli, yo ndasankha.+
2 Ivi ndivu Yehova wakamba,
Yo Wakukupanga ndipuso Yo wakukuwumba,+
Yo wakuwovya kwambiya po ukutuliya mumoyu:*
3 Pakuti ndazamupunguliya maji pa munthu wanyota*+
Ndipuso ndazamuchitiska kuti pamalu ngakumira payendi timisinji ta maji.
4 Yiwu azamuphuka nge uteka wakubiriŵira,+
Nge vimiti va arava mumphepeti mwa timisinji ta maji.
5 Munyaki wazamukamba kuti: “Ini nde waku Yehova.”+
Munyaki wazakujidana zina laku Yakobe,
Ndipu munyaki wazamulemba pajanja laki kuti: “Nde waku Yehova.”
Ndipu wazakujidana zina laku Isirayeli.’
‘Ini nde wakwamba ndipuso wakumaliya.+
Palivi Chiuta munyaki kweni ini pe.+
7 Kumbi walipu yo wayanana ndi ini?+
Wadanirizi, wakambi kweniso wandilongo ukaboni!+
Kutuliya pa nyengu yo ndingujalikiska ŵanthu a munyengu yakali,
Akambi vinthu vo vituza
Ndipuso vinthu vo vichitikengi kunthazi.
8 Mungawopanga cha,
Ndipuso mungamalanga zeru cha chifukwa cha mantha.+
Asi mosi ndakukambiyani limu kweniso kukupharazgiyani?
Ndimwi akaboni ŵangu.+
Kumbi kwe Chiuta munyaki pade paku ini?
Awa, palivi Jalawi linyaki;+ palivi lo ndiziŵapu.’”
9 Wosi wo apanga vikozgu vakusema mbanthu ŵeneku cha,
Ndipu vinthu vawu vo ativiyanja vazamuja vambula phindu.+
Nge akaboni ŵawu, yivu* viwona chechosi cha kweniso palivi cho viziŵa,+
Mwaviyo, wo akuvipanga azamulengeseka.+
10 Kumbi ndiyani yo wangapanga chiuta pamwenga kupanga chikozgu
chachisulu*
Vo vilivi phindu?+
11 Awonani! Abwezi ŵaki wosi azamulengeseka!+
Ŵanthu alusu mbanthu ŵaka.
Awungani pamoza ndipu ami pamalu ngawu.
Azamuchita mantha ndipuso azamulengeseke limoza.
12 Wakusula visulu waŵika pamotu chisulu mwakugwiriskiya ntchitu chidya chaki.
Watichidina ndi nyundu,
Watichisula ndi janja laki lanthazi.+
Pavuli paki watuvwa nja ndipuso nthazi zaki zimala;
Watumwa maji cha ndipu wavuka.
13 Wakujoba vimiti wapima chimiti ndi chingwi chakupimiya, mo wajobengi wagwalamu ndi choku chiyera.
Watichijoba ndi tchezulu ndipu watichigwala mizeri ndi chidya chakugwaliya mizeri yakuzunguliya.
14 Pe munthu munyaki yo ntchitu yaki nkhudumuwa vimiti va sidara.
Iyu wasankha chimiti, chimiti cha oku,
Ndipu watichileka kuti chikuwi ukongwa pakati pa vimiti vamulisuwa.+
Iyu wapanda chimiti cha loweri ndipu vuwa yichitiska kuti chikuwi.
15 Pavuli paki, chija nkhuni kuti munthu wapembe motu.
Wato chigaŵa chinyaki kuti wawothi;
Wapemba motu ndi kuwotchapu chiŵandi.
Kweni wapanga so chiuta ndi kumusopa.
Watichipanga kuja chikozgu chakusema ndipu wasindama panthazi paki.+
16 Chigaŵa chinyaki cha chimiti cho, watichiwotcha pamotu;
Chigaŵa chenicho, wawotchapu nyama yo waturya ndi kuguta.
Wawothapu so motu ndi kukamba kuti:
“Uhu! Ndafunda uku ndilereska motu.”
17 Kweni cho chajaku wapanga chiuta, wapanga chikozgu chaki chakusema.
Watichisindamiya ndi kuchisopa.
Wapemphera kwaku ichu ndi kukamba kuti:
“Nditaskeni pakuti ndimwi chiuta wangu.”+
18 Viziŵa chechosi cha, vituvwa chechosi cha,+
Chifukwa chakuti masu ngawu ngamatika ndipu vingawona cha,
Mtima wawu uziŵa vinthu cha.
19 Palivi yo waŵanaŵana mumtima mwaki
Pamwenga yo we ndi zeru kweniso yo wavwisa vinthu ndi kukamba kuti:
“Chigaŵa chinyaki ndachiwotcha pamotu,
Ndipu pamaka ngaki ndawotchapu chiŵandi kweniso nyama kuti ndiryi.
Kumbi cho chajaku ndipangiyi chinthu chakuseruska?+
Kumbi ndisopi chijiku* chakutuliya kuchimiti?”
20 Waturya vyotu.
Mtima waki wo wapusisika wamulandizga.
Wangajitaska cha, ndipuso wakamba cha kuti:
“Kumbi ndi boza cha lo le kujanja langu lamaryi?”
21 “Kumbuka vinthu ivi, yiwi Yakobe kweniso yiwi Isirayeli,
Pakuti ndiwi mteŵeti wangu.
Ndikukupanga, ndipu ndiwi mteŵeti wangu.+
Yiwi Isirayeli, ndazakukuluwa cha.+
22 Ndazamusisita maubudi ngaku nge kuti ngabenekereka ndi mtambu+
Ndipuso ndazamusisita mphulupulu zaku nge kuti zabenekereka ndi mtambu ufipa.
Were kwaku ini, pakuti ndazakukuwombo.+
23 Danirizani mwakukondwa, yimwi machanya,
Pakuti Yehova wachitapu kanthu!
Kambulani ndi kuzaya, yimwi malu ngakusika nga pacharu chapasi!
Danirizani chifukwa cha likondwa, yimwi mapiri!+
Yiwi lisuwa ndi vimiti vaku vosi!
Pakuti Yehova wawombo Yakobe,
Ndipu walongo unkhankhu waki paku Isirayeli.”+
24 Ivi ndivu Yehova wakamba, Wakukuwombo waku,+
Yo wakukupanga kutuliya po wenga mumoyu:
“Ini ndini Yehova, yo wakupanga chechosi.
Ndiyani yo wenga ndi ini?
25 Nditimbanyizga visimikizu va ŵanthu akukamba vinthu vambula fundu,*
Ndipuso ini ndini ndichitiska kuti ŵanthu akuloska vamunthazi achitengi vinthu nge azereza;+
Ndini nditimbanyizga ŵanthu azeru
Kweniso zeru zawu nditizisambusa uzereza;+
26 Mweniyo wachitiska kuti mazu nga mteŵeti waki ngafiskiki
Ndipuso yo wafiska vinthu vo mathenga ngaki ngakukambiya limu;+
Yo wakamba vakukwaskana ndi Yerusalemu kuti, ‘Mwazamuja ŵanthu,’+
Ndipuso vakukwaskana ndi matawuni nga ku Yuda kuti, ‘Ngazamuzengeka so,+
Ndipu ndazamuzenga so mahami ngaki’;+
27 Yo wakambiya ndimba za maji kuti, ‘Kamuka,
Ndipu ndazamukamuska misinji yaku yosi’;+
28 Yo wakamba vakukwaskana ndi Sayirasi+ kuti, ‘Iyu ndi mliska wangu,
Ndipu wazamuchita khumbu langu losi’;+
Yo wakamba vakukwaskana ndi Yerusalemu kuti, ‘Wazamuzengeka so,’
Kweniso vakukwaskana ndi nyumba yakusopiyamu kuti, ‘Fawundeshoni yaku yazamuzengeka.’”+
45 Ivi ndivu Yehova wakambiya wakusankhika waki, Sayirasi,+
Yo ndako janja laki lamaryi
Kuti ndithereski+ mitundu ya ŵanthu pa masu paki,+
Kuti ndiphangi mafumu vidya vankhondu,*
Kuti ndijuli visasa vo vija viŵiviŵi pa masu paki,
Mwakuti mageti ngazamuja mwazi:
Ndazamukuswa visasa vamkuŵa,
Ndipu ndazamudumuwa akabali avisulu.+
3 Ndazakukupaska chuma cho che mu mdima
Kweniso chuma chakubisika cho che mumalu ngakubisika,+
Kuti uziŵi kuti ini ndini Yehova,
Chiuta waku Isirayeli, yo watikudana ndi zina laku.+
4 Chifukwa cha mteŵeti wangu Yakobe kweniso Isirayeli wakusankhika wangu,
Nditikudana ndi zina laku.
Nditikupaska zina laulemu, chinanga kuti wandiziŵanga cha.
5 Ini ndini Yehova, ndipu palivi munyaki.
Palivi Chiuta munyaki kupatuwaku ini.+
Ndazakukupaska nthazi,* chinanga kuti wandiziŵanga cha,
6 Kuti ŵanthu aziŵi
Kwambiya kwakutuliya lumwi mpaka kwakuselere lumwi*
Kuti palivi Chiuta munyaki kupatuwaku ini.+
Ini ndini Yehova, ndipu palivi so munyaki.+
7 Ndipanga ukweru+ kweniso ndilenga mdima,+
Ndipanga chimangu+ kweniso ndilenga soka;+
Ini, Yehova, ndini ndichita vinthu vosi venivi.
8 Yimwi machanya, wani kutuwa kuchanya nge vuwa;+
Mitambu yipunguliyi pasi urunji.
Charu chijuliki kweniso chibali* utaski,
Ndipu charu chichitiski kuti urunji uphuki pa nyengu yimoza.+
Ini, Yehova, ndalenga venivi.”
9 Soka ku munthu yo walimbana* ndi yo wakumupanga,
Pakuti munthu yo ndi dinga ŵaka
Pakati pa madinga nganyaki ngo ngambwerereka pasi!
Kumbi dongu lingakambiya Wakuwumba kuti: “Kumbi upanganji?”+
Pamwenga kumbi ntchitu ya manja ngaku yingakamba kuti: “Walivi manja”?*
10 Soka ku munthu yo wakambiya awisi* kuti: “Ntchinthu wuli cho mubala?”
Ndipuso wakambiya anyina* kuti: “Ubalanji?”*
11 Ivi ndivu Yehova wakamba, Mtuŵa waku Isirayeli,+ Yo wakumupanga;
“Kumbi mususkana nani pa vinthu vo vituza
Ndipuso kundilamula pa ŵana ŵangu+ kweniso pa ntchitu za manja ngangu?
12 Ndikupanga charu chapasi+ kweniso ndikulenga munthu pacharu.+
13 Yehova wa mizinda wakamba kuti, “Ndayuska munthu mu urunji,+
Ndipu ndazamunyoloska nthowa zaki zosi.
Iyu ndiyu wazamuzenga tawuni yangu+
Ndi kufwatuwa ŵanthu wo akuthaŵiya kucharu chinyaki kwambula mtengu+ pamwenga chinyeda.”+
14 Ivi ndivu Yehova wakamba:
“Phindu la ku* Ijipiti kweniso katundu wa ku* Ifiyopiya ndi Asabiya, ŵanthu atali,
Azamukuza kwaku yiwi ndipu azamuja ŵaku.
Yiwu azamukwenda kuvuli kwaku, uku amangika ndi simbi.
Azamukuza kwaku yiwi ndi kukusindamiya.+
Azakukupaska ulemu ndi kukukambiya kuti,* ‘Chiuta we nawi nadi,+
Ndipu palivi so munyaki, palivi Chiuta munyaki.’”
15 Kukamba uneneska, yimwi ndimwi Chiuta yo watijibisa,
Yimwi Chiuta waku Isirayeli, Mtaski.+
16 Wosi azamuchita soni kweniso azamulengeseka;
Wo apanga angoza azamutuwapu ndi soni.+
17 Kweni Isirayeli wazamutaskika ndi Yehova kwamuyaya.+
Yiwi wazamuchita soni cha pamwenga kulengeseka muyaya mpaka muyaya.+
18 Pakuti ivi ndivu Yehova wakamba,
Mlengi wa kuchanya,+ Chiuta wauneneska,
Yo wakupanga charu chapasi, yo wakuchipanga ndi kuchijalikiska mwanthazi,+
Yo wakuchilenga ŵaka cha,* kweni wakuchipanga kuti ŵanthu ajengemu:+
“Ini ndini Yehova, ndipu palivi so munyaki.
19 Ndingulongolore mumalu ngakubisika cha,+ mucharu cha mdima;
Mphapu* yaku Yakobe ndinguyikambiya cha kuti,
‘Ndipenjeni paŵaka.’
Ini ndini Yehova, yo walongoro vinthu vaurunji ndipuso yo wapharazga vinthu vakunyoloka.+
20 Wunganani pamoza ndipu zani.
Zani pamoza, yimwi akuthaŵa kutuliya mu mitundu ya ŵanthu.+
Wo apinga vikozgu vakusema
Kweniso kupemphera kwaku chiuta yo wangaŵataska cha, aziŵa kanthu cha.+
21 Kambani ndipu konkhoskani fundu zinu.
Afumbani mwakukoliyana.
Ndiyani yo wakukambiya limu venivi kali ukongwa
Ndipuso kupharazga venivi mu nyengu zakali?
Asi ndini, Yehova?
22 Ng’anamukiyani kwaku ini ndi kutaskika,+ yimwi vigoti vosi va charu chapasi,
Pakuti ndini Chiuta, ndipu palivi so munyaki.+
Gongonu lelosi lazakundijikamiya,
Lilimi lelosi lazamulapizga kuti liŵengi lakugomezgeka+
24 Ndipu wazamukamba kuti, ‘Kukamba uneneska, mwaku Yehova mwe urunji chayiwu kweniso nthazi.
Wosi wo atimukwiyiya azamukuza panthazi paki mwasoni.
46 Belo wajikama,+ Nebo wasindama.
Angoza ŵawu aŵapinga pavinyama, pavinyama vakunyamuwa katundu,+
Nge katundu yo wafyo nyama zakuvuka.
3 “Ndivwisiyeni, yimwi a munyumba yaku Yakobe, ndipuso yimwi mosi mwajaku a munyumba yaku Isirayeli,+
Ndakuwovyani kutuliya po mukuwiya kweniso kukupingani kwambiya po mukutuliya mumoyu.+
4 Mpaka po mukotiyengi ini ndisinthengi cha;+
Mpaka po sisi linu lachitiya nyivu* ndilekengi cha kukupingani.
Nge mo ndachitiya, ndikunyamuweningi, ndikupingeningi kweniso ndikutaskeningi.+
5 Kumbi mungandiyananiska ndi yani pamwenga kundichitiska kuti ndikozgani nayu, pamwenga kumbi mungandiyeruzgiya ndi yani,+
Kuti tiyanani?+
6 Pe ŵanthu anyaki wo asakaza golidi wa muvikwama vawu;
Yiwu apima siliva pasikelu.
Alembera munthu wakusula visulu, ndipu wapanga chiuta ndi siliva yo.+
Pavuli paki yiwu asindama mpaka visku vawu pasi, ndipu atimusopa.+
7 Yiwu atimunyamuliya pamapewa ngawu;+
Atimupinga ndi kumuŵika pamalu ngaki ndipu waja penipo.
Watuwapu cha pamalu ngaki.+
Atimuliriya kweni wamuka cha;
Wangataska munthu weyosi cha mu masuzgu.+
8 Kumbukani venivi, ndipu khwimani mtima.
Muvisungi mumtima, yimwi ŵanthu akunanga.
9 Kumbukani vinthu vakwamba va mu nyengu yakali,
Kuti ini ndini Chiuta, ndipu palivi munyaki.
Ndini Chiuta, ndipu palivi so munyaki wakuyanana nani.+
10 Kutuliya pakwamba ndikambiya limu vo vichitikengi,
Ndipuso kutuliya mu nyengu yakali ndikambiya limu vinthu vo vechendachitiki.+
11 Ndidana chiyuni chakurya nyama kutuliya kwakutuliya lumwi,*+
Ndidana munthu kutuliya kucharu chakutali kuti wachiti vo ndasankha.*+
Ndakamba, ndipu ndivu ndichitengi.
Ndanozga, ndipu ndifiskengi.+
12 Ndivwisiyeni, yimwi ŵanthu akumira mtima,
Yimwi mwe kutali ndi urunji.
Ndiperekengi utaski mu Ziyoni, kweniso ndiperekengi unkhankhu wangu kwaku Isirayeli.”+
47 Sika ndipu ja mufuvu,
Yiwi mwali wa ku Babiloni.+
Ja pasi po palivi mpandu waufumu,+
Yiwi mwana munthukazi wa Akadiya,
Pakuti ŵanthu azakukudana so cha kuti mwana wakulombotoka ndipuso yo akumuleremeka.
2 To chakuperiyapu ndipu pera ufwa.
Benuwa salu yaku kumutu.
Kwiza chakuvwala chaku, benuwa malundi ngaku.
Yambuka misinji.
3 Azakukujalika nkhuli.
Vinthu vaku vakuchitiska soni vazamuwoneka.
Ndazamuweze nduzga+ ndipu palivi yo wazamukuma munthowa yangu.*
5 Ja cheti ndipu luta mu mdima,
Yiwi mwana munthukazi wa Akadiya;+
Ŵanthu azakukudana so cha kuti Fumukazi ya Maufumu.+
6 Ndingukwiyiya ŵanthu ŵangu.+
Kweni unguŵachitiya lisungu cha.+
Chinanga mbakukota unguŵapingiza goli lizitu.+
7 Yiwi ungukamba kuti: “Nyengu zosi ndijengi Fumukazi, mpaka muyaya.”+
Ungusunga cha vinthu venivi mumtima mwaku;
Unguŵanaŵana cha mo nkhani yeniyi yazamumaliya.
8 Sonu yivwa ivi, yiwi wakwanja vakukondwesa,+
Yo waja mwakuvikilirika, yo wakamba mumtima mwaki kuti;
“Ndini, ndipu palivi munyaki.+
Ndazamujapu choko cha.
Ŵana ŵangu azamufwapu cha.”+
9 Kweni vinthu viŵi venivi, vazakukubuchizga, mu zuŵa limoza:+
Kufwa kwa ŵana kweniso kuja choko.
Vinthu venivi vazakukuziya mwakukwana+
Chifukwa cha masenga ngaku nganandi kweniso chifukwa cha nyanga zaku zosi zanthazi.*+
10 Unguthemba uheni waku.
Ungukamba kuti: “Palivi yo watindiwona.”
Zeru zaku kweniso kuziŵa vinthu ndivu vingukulandizga,
Ndipu mumtima mwaku ukamba kuti: “Ndini, ndipu palivi munyaki.”
11 Kweni soka lazakukuwiya,
Ndipu masenga ngaku ngazakulilekesa cha.
Masuzgu ngazakukuwiya; wazakungatondekesa cha.
Pharanyiku lazakukuwiya mwamabuchibuchi nge kuti waziŵanga cha.+
12 Lutirizga ndi nyanga zaku kweniso masenga ngaku nganandi,+
Vo wavisuzgikiya kutuliya pa unamana waku.
Panyaki vingakuwovya;
Panyaki ungaziziswa ŵanthu.
13 Wavuka ndi akulunguchizga ŵaku anandi.
Yiwu ami sonu ndipu akutaski,
Wo asopa machanya,* wo alereseska nyenyezi,+
Wo asani mwezi waŵalika,
Akamba vinthu vo vikuchitikiyengi.
14 Awona! Yiwu ŵenge mapesi.
Motu wazakuŵawotcha.
Yiwu angajitaska cha ku nthazi ya mulipu wa motu.
Yanga ndi maka ngakuwotha cha.
Ndipu uwu ndi motu wakuja pafupi nawu cha.
15 Umu ndimu amasenga ŵaku azamuŵiya kwaku yiwi,
Wo wasuzgikiya nawu limoza kutuliya pa unamana waku.
Azamuwulawula, weyosi wazamuselere kwaki.*
Pazamuŵavi wakuti wakutaski.+
48 Vwani ivi, yimwi a munyumba yaku Yakobe,
Yimwi mutijidana zina laku Isirayeli+
Kweniso yimwi mwatuliya ku maji ngaku* Yuda,
Yimwi mulapizgiya pa zina laku Yehova+
Ndipuso yimwi mudaniya paku Chiuta waku Isirayeli,
Kweni mu uneneska ndi mu urunji cha.+
2 Pakuti atijidana zina la tawuni yakupaturika+
Ndipu apenja chovyu kwaku Chiuta waku Isirayeli,+
Yo zina laki ndi Yehova wa mizinda.
3 “Vinthu vakwamba ndingukukambiyani kali ukongwa.
Vingutuliya mumulomu mwangu,
Ndipu ndinguviziŵikisa.+
Ndinguchitapu kanthu mwamabuchibuchi, ndipu vingufiskika.+
4 Chifukwa chakuti ndinguziŵa kuti ndimwi ŵanthu amtafu,
Makhosi nginu nge nge msipi wachisulu ndipu visku vinu ve nge mkuŵa,+
5 Ndingukukambiyani kali ukongwa.
Vechendafiskiki, ndinguchitiska kuti muvivwi,
Kuti muleki kukamba kuti, ‘Ngoza wangu ndiyu wachita ivi;
Chikozgu changu chakusema ndipuso chikozgu changu chachisulu* ndivu valamula ivi.’
6 Mwavwa ndipuso mwawona vinthu vosi ivi.
Kumbi muvipharazgengi cha?+
Kwamba sonu nditikupharazgiyani vinthu vifya,+
Visisi vakubisika ukongwa vo mukuviziŵapu cha.
7 Vinthu venivi nditivilenga sonu, ndipu ndikuvilenga kali cha,
Vinthu vo mukuvivwapu cha mpaka msanawale,
Kuti muleki kukamba kuti, ‘Awonani! Nditiviziŵa kali.’
8 Awa, mukuvivwapu cha,+ mukuviziŵapu cha,
Ndipu kwambiya kali makutu nginu ngangujulika cha.
9 Kweni chifukwa cha zina langu, ndiwezengi ukali wangu;+
Chifukwa cha unkhankhu wangu, ndijikongi,
Ndipu ndikumaleningi cha.+
10 Awonani! Ndakuyengetuwani, kweni nge siliva cha.+
Ndakuyesani* mung’anju ya masuzgu.+
11 Chifukwa chaku ndamweni, chifukwa chaku ndamweni ndazamuchitapu kanthu,+
Pakuti ndingazomereziyanji kuti ndifipiskiki?+
Unkhankhu wangu nditiwupereka ku munthu weyosi cha.*
12 Ndivwiyi, yiwi Yakobe, kweniso yiwi Isirayeli, yo ndadana.
Ndini Mweniyuwa.+ Ndini wakwamba; kweniso ndini wakumaliya.+
13 Janja langu ndilu likuŵika fawundeshoni ya charu chapasi,+
Ndipu janja langu lamaryi likutandawuwa kuchanya.+
Asani ndavidana, vosi vimiya limoza.
14 Wunganani pamoza mosi, ndipu vwisiyani.
Ndiyani pakati pawu yo wapharazga vinthu venivi?
Yehova wamuyanja.+
15 Ini ndamweni ndalongoro, ndipu ndamudana.+
Ndaza nayu, ndipu vo wachitengi vimuyendiyengi umampha.+
16 Zani pafupi ndi ini, ndipu vwani ivi.
Kutuliya pakwamba, ndalongolore kumphepeti cha.+
Kutuliya pa nyengu yo vinguchitikiya, ndenga penipo.”
Ndipu sonu Yehova, Ambuya Fumu Yikulu, wandituma ndi* mzimu waki.
17 Ivi ndivu Yehova wakamba, Wakuwombo waku, Mtuŵa waku Isirayeli:+
“Ini Yehova, ndini Chiuta waku,
Yo watikusambiza kuti vinthu vikuyende umampha,+
Yo watikulongozga munthowa yo utenere kwendamu.+
18 Vingaŵa umampha asani ungavwiya marangu ngangu!+
Zina lawu lazamutuzgikapu cha pamwenga kumala pa masu pangu.”
20 Tuwanimu mu Babiloni!+
Athaŵeni Akadiya!
Memezani venivi mwakukondwa! Pharazgani venivi!+
Ziŵisani venivi kuvigoti va charu chapasi.+
Kambani kuti: “Yehova wawombo mteŵeti waki Yakobe.+
21 Anguvwa nyota cha po waŵalongozganga mumalu ngakunangika.+
Wanguŵatuzgiya maji mujalawi kuti amwi;
Wanguswa jalawi ndipu wangutuzga maji.”+
22 Yehova wakamba kuti: “Ku ŵanthu aheni kulivi chimangu.”+
Yehova wangundidana ndechendaweku.*+
Wanguzumbuwa zina langu ndeche mumoyu mwa ama.
2 Wangusambusa mulomu wangu kuja nge lipanga lakuthwa;
Wandibisa mu mduzi wa janja laki.+
Wangundisambusa muvu wakuthwa;
Wangundibisa mukachikwama kaki ka mivi.
3 Iyu wangundikambiya kuti: “Yiwi Isirayeli, ndiwi mteŵeti wangu,+
Kuziya mwaku yiwi ndilongongi unkhankhu wangu.”+
4 Kweni ini ndingukamba kuti: “Ndasuzgikiya paŵaka.
Ndamaliya nthazi zangu pa chinthu cho kulivi, ndazimaliya paŵaka.
5 Ndipu sonu, Yehova yo wakundipanga kuja mteŵeti waki pa nyengu yo ndenga mumoyu,
Wandikambiya kuti Yakobe ndimuweze kwaku iyu,
Kuti Isirayeli wawunganisiki kwaku iyu.+
Ndikankhuskikengi pa masu paku Yehova,
Ndipu Chiuta wangu wazamuja nthazi zangu.
6 Ndipu wangukamba kuti: “Mphakukwana cha kuti ndiwi mteŵeti wangu
Ndi chilatu chakuti uyuski mafuku ngaku Yakobe
Kweniso kuti Ayisirayeli wo ŵeche amoyu, uŵaweze kwawu.
Ndakupereka so nge ukweru ku mitundu ya ŵanthu,+
Kuti utaski wangu ufiki kuvigoti va charu chapasi.”+
7 Yehova, Wakuwombo Isirayeli, Mtuŵa waki,+ wakambiya munthu wakuyuyulika,+ munthu wakutinkhika ndi mitundu ya ŵanthu, mteŵeti wa alongozgi, kuti:
“Mafumu ngazamuwona ndipu ngazamuyuka,
Ndipu alongozgi azamujikama ndi kusindama mpaka visku vawu pasi
Chifukwa chaku Yehova, yo ngwakugomezgeka,+
Mtuŵa waku Isirayeli, yo wakusankha.”+
8 Yehova wakamba kuti:
“Pa nyengu yakulongo lisungu ndingukumuka,+
Ndipu mu zuŵa la utaski ndingukuwovya;+
Ndakusunganga kuti ndikupereki nge phanganu ku ŵanthu,+
Kuti ndinozgi charu,
Kuti ndiŵajaliki mu vihara vawu vo venga mahami,+
9 Kuti ndikambiyi akayidi kuti, ‘Tuwani!’+
Ndipuso wo ŵe mu mdima+ kuti, ‘Jilongoni!’
Azamuryiya mumphepeti mwa msewu,
Malu ngawu ngakuliskaku viŵetu ngazamuja mumphepeti mwa misewu yosi yakukulika.*
11 Mapiri ngangu ngosi ndazakungasambusa msewu,
Ndipu misewu yangu yikuluyikulu yazamukwezeka.+
12 Awonani! Yaŵa atuliya kutali,+
Ndipu awonani! yaŵa atuliya kunkhondi* ndipuso kuzambwi,*
Ndipu yaŵa atuliya kucharu cha Sinimu.”+
13 Danirizani mwakukondwa, yimwi machanya, ndipu kondwa, yiwi charu chapasi.+
Mapiri ngazayi ndi kudaniriza mwakukondwa.+
14 Kweni Ziyoni wakambanga kuti:
“Yehova wandijowo,+ ndipu Yehova wandiluwa.”+
15 Kumbi munthukazi wangaluwa mwana waki wakonkha
Pamwenga kuleka kuchitiya lisungu mwana yo wakutuwa mumoyu mwaki?
Chinanga kuti anthukazi ŵenaŵa angaluwa, ini ndingakuluwa cha.+
16 Awona! Ndakujoba pavikufi vangu.
Mipanda yaku ye pa masu pangu nyengu zosi.
17 Ŵana ŵaku aweku mwaliŵi.
Ŵeniwo angukupaluwa ndi kukusakaza azakukuthaŵa.
18 Yunuska masu ngaku ndipu lereska uku ndi uku.
Wosi awungana pamoza.+
Yiwu atuza kwaku yiwi.
Yehova wakamba kuti, “Nge mo ini ndiliri wamoyu,
Wazakujivwalika wosi nge vakutowese,
Ndipu wazakuŵavwala nge mo wachitiya mwali.
19 Chinanga kuti malu ngaku ngangunangika ndipuso ngengavi ŵanthu ndipu charu chaku chenga mahami,+
Sonu chazamuja chifinyi ukongwa ku ŵanthu wo azamujanga mwenimo,+
20 Ŵana wo anguwaku pa nyengu yo ŵana ŵaku angufwiya, azamulongoro mumakutu mwaku kuti,
‘Malu yanga ngafinyi kwaku ini.
Ndipaskeni malu ngakuti ndijepu kwenikunu.’+
21 Ndipu mumtima mwaku wazamukamba kuti,
‘Ndiyani yo wakubaliyapu ŵana yaŵa paku ini,
Pakuti ŵana ŵangu akufwa ndipu ndibala cha,
Akutoleke ku ukapolu kweniso akukoleka ukayidi?
Ndiyani yo walera ŵana yaŵa?+
22 Yehova, Ambuya Fumu Yikulu, wakamba kuti:
“Awonani! ndisoskiyengi mitundu janja langu,
Yiwu azengi ndi ŵana ŵinu anthulumi mumanja mwawu*
Ndipu anyamuwengi ŵana ŵinu anthukazi pamapewa ngawu.+
23 Mafumu ngazakukuphwere,+
Ŵana anthukazi a mafumu ngo, azamuja alezi ŵaku.
Yiwu azamujikama ndi kukusindamiya mpaka visku vawu pasi+
Ndipuso azamunyanganga fuvu la kumaphazi ngaku,+
Ndipu wazamuziŵa kuti ini ndini Yehova;
Ŵanthu wo alindizga ini azamulengeseka cha.”+
24 Kumbi ŵanthu wo akoleka kali angaphangika mujanja la munthu wanthazi,
Pamwenga kumbi ŵanthu wo akoleka ndi mulongozgi wankhaza angataskika?
25 Kweni Yehova wakamba kuti:
“Chinanga mbanthu wo akoleka ndi munthu wanthazi azamuphangika,+
Ndipu wo akoleka ndi mulongozgi wankhaza azamutaskika.+
Ndisuskengi ŵanthu wo atikususka,+
Ndipu nditaskengi ŵana ŵaku.
26 Ndazamuchitiska kuti ŵanthu wo atikuchitiya nkhaza aryi mnofu wawu,
Nge mo yiwu aloŵere ndi vinyu wakunong’ome, azamuloŵe ndi ndopa zawu.
Ndipu ŵanthu wosi azamuziŵa kuti ini ndini Yehova,+
Mtaski waku+ ndipuso Wakukuwombo waku,+
Wanthazi waku Yakobe.”+
50 Yehova wakamba kuti:
“Ye pani kalata yachipata+ ya anyinamwi wo ndikuŵadikisa?
Pamwenga ndikukugulisani ku munthu nuyu yo nde nayu ndi ngongoli?
Awonani! Mukugulisika chifukwa cha kunanga kwinu,+
Kweniso anyinamwi akudikisika chifukwa cha mphulupulu zinu.+
2 Sonu ntchifukwa wuli pengavi munthu weyosi panu pa nyengu yo ndinguza?
Ntchifukwa wuli pengavi yo wangumuka pa nyengu yo ndingudana?+
Kumbi janja langu ndifupi ukongwa kuti litondeki kutaska?+
Pamwenga ndilivi nthazi zakutaskiya?
Somba zaki zivunda chifukwa chakusoŵa maji,
Ndipuso zitufwa chifukwa cha nyota.
3 Machanya nditingavwalika mdima,+
Ndipu nditingabenekere ndi chigudulu.”
4 Yehova, Ambuya Fumu Yikulu, wandipaska lilimi la ŵanthu akusambizika,*+
Kuti ndiziŵi mo ndingamukiya mazu ngamampha ku munthu wakuvuka.*+
Watindiyuska mlenji wewosi;
Wayuska gutu langu kuti livwisiyi nge ŵanthu akusambizika.+
5 Yehova, Ambuya Fumu Yikulu, wajula gutu langu,
Ndipu ndingugaruka cha.+
Ndingung’anamukiya kunyaki cha.+
6 Ndingupereka msana wangu ku ŵanthu wo andipumanga
Ndipuso matakama ngangu ku ŵanthu wo andikunyuwanga mwembi.
Ndingubisa cha chisku changu ku vinthu vakuchitiska soni kweniso ku kufunyika mata.+
7 Kweni Yehova, Ambuya Fumu Yikulu, wandiwovyengi.+
Ndichu chifukwa chaki ndichitengi soni cha.
Ndichu chifukwa chaki ndamika chisku changu nge mwa wakulama,+
Ndipu ndiziŵa kuti ndilengesekengi cha.
8 Yo watindiwona kuti nde murunji we pafupi.
Ndiyani yo wangandimba mulandu?*+
Tiyeni timi pamoza.*
Ndiyani yo we nani ndi mulandu?
Wazi pafupi ndi ini.
9 Awonani! Yehova, Ambuya Fumu Yikulu, wandiwovyengi.
Ndiyani yo wakambengi kuti nde ndi mulandu?
Awonani! Wosi amalengi nge chakuvwala.
Nyenji* yazakuŵarya.
10 Kumbi ndiyani waku yimwi yo watopa Yehova
Ndipuso yo watuvwa mazu nga ateŵeti ŵaki?+
Kumbi ndiyani yo watenda mu mdima ukulu, wambula ukweru wewosi?
Iyu wathembengi zina laku Yehova ndipu wayegemiyengi kwaku* Chiuta waki.
11 “Awonani! Mosi yimwi mubuska motu,
Yimwi mutchupusa mbaliŵali,*
Yendani mu ukweru wa motu winu,
Pakati pa mbaliŵali* zo mwabuska.
Ivi ndivu mulondiyengi kutuliya mujanja langu:
Mwazamugona pasi mwe ndi urwirwi ukulu.
51 “Vwisiyani kwaku ini, yimwi mulondo urunji,
Yimwi mupenja Yehova.
Lereskani ku jalawi lo mukusemekaku
Ndipuso ku zenji lo mukukumbikaku.
2 Lereskani kwaku Abrahamu wusemwi
Ndipuso kwaku Sara+ yo wakukubalani.
3 Pakuti Yehova wapembuzgengi Ziyoni.+
Iyu wapembuzgengi mahami ngaki ngosi,+
Ndipu wazamusambusa chipululu chaki kuja nge Edeni+
Kweniso chipalamba chaki kuja nge munda waku Yehova.+
Mwaku iyu mwazamukuŵa kuzaya ndi kukondwa,
Kuwonga kweniso kumba sumu.+
4 Vwisiyani kwaku ini, yimwi ŵanthu ŵangu,
Ndivwisiyi, yiwi mtundu wangu.+
Pakuti dangu lituwengi kwaku ini,+
Ndipuso ndazamujalikiska urunji wangu nge ukweru ku mitundu ya ŵanthu.+
5 Urunji wangu utuza pafupi.+
6 Lereskani kuchanya,
Ndipuso lereskani pacharu chapasi.
Pakuti machanya ngazamubanthukabanthuka ndi kumbininika nge josi;
Charu chapasi chazamumala nge chakuvwala,
Ndipu akujamu azamukufwa nge nyezi zakuluma.
7 Vwisiyani kwaku ini, yimwi akuziŵa urunji,
Ŵanthu wo ŵe ndi dangu langu mumtima mwawu.+
Mungawopanga cha kunyoza kwa ŵanthu,
Ndipuso mungachitanga mantha cha chifukwa cha mazu ngawu ngakunyoza.
8 Pakuti nyenji* zazakuŵarya nge mo ziryiya chakuvwala;
Kweni urunji wangu ujengi mpaka muyaya,
Ndipuso utaski wangu uŵengeku mu migonezi yosi.”+
9 Yuka! Yuka! Jivwaliki nthazi,
Yiwi janja laku Yehova!+
Yuka nge mu mazuŵa ngakali, nge mu migonezi yamwaka.
10 Asi ndiwi ungukamuska nyanja, maji ngandimba yikulu?+
Asi ndiwi ungupanga msewu pa ndimba ya nyanja kuti akuwomboleka ajumphepu?+
11 Akuwomboleka aku Yehova azamuweku.+
Yiwu azamuzaya ndi kukondwa,
Ndipu chitima ndi kutamantha, vazamumala.+
12 “Ini ndini nditikupembuzgani.+
Ntchifukwa wuli utopa* munthu yo wafwengi+
Kweniso mwana wa munthu yo wafotengi nge uteka wakubiriŵira?
13 Ntchifukwa wuli uluwa Yehova yo wakukupanga,+
Yo wakutambasuwa kuchanya+ ndi kuŵika fawundeshoni ya charu chapasi?
Zuŵa losi wawopanga ukali wa wakukandirizga,
Nge kuti wakunangengi.
Sonu we pani ukali wa wakukandirizga?
14 Munthu yo wasindama uku amumanga simbi wafwatulikengi pambula kuswera;+
Iyu wafwengi cha kweniso kusere muzenji,
Ndipuso wasoŵengi chiŵandi chaki cha.
15 Kweni ini ndini Yehova Chiuta waku,
Yo wavunduwa nyanja ndi kuchitiska kuti mayiŵa ngaki ngawulumi,+
Zina laki ndi Yehova wa mizinda.+
16 Ndiŵikengi mazu ngangu mumulomu waku,
Ndipu ndikubenekeriyengi ndi mduzi wa janja langu,+
Kuti ndijalikiski kuchanya ndi kuŵika fawundeshoni ya charu chapasi+
Ndipuso kuti ndikambiyi Ziyoni kuti, ‘Ndimwi ŵanthu ŵangu.’+
17 Yuka! Yuka! Ima wima, yiwi Yerusalemu,+
Yiwi wamwa kapu ya ukali yakutuliya mu janja laku Yehova.
Wamwa muchakumwiyamu;
Wamwa vosi mukapu ndipu wambendyambendya navu.+
18 Palivi mwana weyosi yo wakubala yo watimulongozga,
Ndipuso palivi mwana weyosi yo wakulera yo wamuko janja laki.
19 Vinthu viŵi ivi vakuwiya.
Ndiyani yo wakuchitiyengi lisungu?
Pharanyiku ndi kubwangandulika, nja ndi lipanga!+
Ndiyani yo wakupembuzgengi?+
20 Ŵana ŵaku afwa chipoyu.+
Yiwu agona pasi pakona lelosi la msewu
Nge mbereri yamudondu yo yawira muchilepa.
Yiwu azaza ukali waku Yehova, achenyeka ndi Chiuta waku.”
21 Mwaviyo, vwisiya ivi,
Yiwi munthukazi wakusuzgika kweniso yo waloŵe, chinanga kuti waloŵe ndi vinyu cha.
22 Mbuyaku Yehova, Chiuta waku yo wavikiliya ŵanthu ŵaki, wakamba kuti:
“Awona! Ndituzgengemu mujanja laku kapu yo yitikuchitiska kumbendyambendya,+
Chakumwiyamu, kapu yangu ya ukali;
Wazakuyimwa so cha.+
23 Ndiyiŵikengi mujanja la ŵanthu wo atikutombozga,+
Wo akukambiyanga kuti, ‘Kotama kuti tiyendi pachanya paku!’
Mwaviyo, ungusambusa msana waku kuja nge charu,
Nge msewu kuti yiwu ayendepu.”
52 Yuka! Yuka! Jivwaliki nthazi,+ yiwi Ziyoni!+
Vwala vakuvwala vaku vakutowa,+ yiwi Yerusalemu, tawuni yakupaturika!
Pakuti ŵanthu ambula kudumulika ndipuso akufipiskika aserengi so cha mwaku yiwi.+
2 Phata fuvu, yuka ndipu ja pampandu, yiwi Yerusalemu.
Fwatuwa vingwi vo ve mukhosi laku, yiwi mwana munthukazi wa ku Ziyoni yo wakoleka ukapolu.+
3 Pakuti Yehova wakamba kuti:
4 Pakuti Yehova, Ambuya Fumu Yikulu wakamba kuti:
“Pakwamba ŵanthu ŵangu angusikiya ku Ijipiti, ndipu anguja kweniko nge alendu;+
Pavuli paki angukandirizgika ndi ŵanthu a ku Asiriya kwambula chifukwa.”
5 Yehova wakamba kuti, “Sonu ndichitenji panu?
Pakuti ŵanthu ŵangu angutoleka kwawezi.
Ŵanthu wo atiŵalamuliya abangula chifukwa cha kuthereska,”+ Yehova ndiyu wakamba,
“Ndipu zina langu liyuyulika zuŵa losi.+
6 Pa chifukwa chenichi ŵanthu ŵangu azamuziŵa zina langu;+
Pa chifukwa chenichi yiwu azamuziŵa mu zuŵa lo kuti ini Ndini ndilongoro.
Awonani, ndini!”
7 Hati kutowa maphazi nga munthu yo watenda pachanya pa mapiri kuti wazi ndi uthenga wamampha,+
Munthu yo wapharazga chimangu,+
Yo watuza ndi uthenga wamampha wa vinthu vamampha,
Yo wapharazga utaski,
Yo wakambiya Ziyoni kuti: “Chiuta waku waja Fumu!”+
8 Vwisiya! Alonda ŵaku adaniriza.
Mwakukoliyana, adaniriza mwalikondwa,
Pakuti azamuwona ndi masu ngawu Yehova wachiweziyapu so Ziyoni.
9 Kondwani, danirizani mwalikondwa kweniso mwakukoliyana, yimwi mahami nga Yerusalemu,+
Pakuti Yehova wapembuzga ŵanthu ŵaki,+ iyu wawombo Yerusalemu.+
10 Yehova waŵika pakweru janja laki lakupaturika pa masu pa mitundu yosi ya ŵanthu;+
Vigoti vosi va charu chapasi vazamuwona mo Chiuta widu wataskiya.*+
11 Ng’anamukani, ng’anamukani, tuwaniku kweniko,+ mungakonga vinthu vakufipiskika cha!+
12 Mwazamutimbanyizgika cha muchituwaku,
Ndipuso mwazamuchita kuthaŵa cha,
Pakuti Yehova wazamukwenda panthazi pinu,+
Ndipu Chiuta waku Isirayeli wazakukuvikiliyani kuvuli kwinu.+
13 Awonani! Mteŵeti wangu+ wazamuchita vinthu mwazeru.
Iyu wazamukwezeka ukongwa,
Wazamukwezeka ndi kutumbikika ukongwa.+
14 Nge mo ŵanthu anandi anguzizwiya ŵati amulereska,
Pakuti chisku chaki chingunangika kuluska cha munthu weyosi
Ndipuso kawonekeru kaki kenga kaheni kuluska kawonekeru ka ŵanthu,
15 Ndimu so wazamuziziswiya mitundu ya ŵanthu.+
Mafumu ngazamujala milomu yawu* pa masu paki,+
Chifukwa chakuti ngazamuwona vinthu vo ngakukambirikapu cha
Ndipu ngazamuŵanaŵaniya vinthu vo ngakuvivwapu cha.+
53 Ndiyani yo wavwana mu vinthu vo wakuvwa kwaku isi?*+
Ndipu janja laku Yehova+ lavumbulika kwaku yani?+
2 Wazamutumphuka nge mphukira+ pa masu paku iyu,* nge msisi kutuliya mucharu chakumira.
Walivi kawonekeru kamampha, pamwenga unkhankhu;+
Ndipu asani tamuwona, tikopeka cha ndi kawonekeru kaki.*
3 Iyu wanguyuyulika kweniso ŵanthu amugeganga,+
Munthu yo wanguziŵa urwirwi ndipuso yo wanguziŵiliya matenda.
Venga nge kuti chisku chaki chabisika kwaku isi.*
Iyu wanguyuyulika ndipu tingumuwona kuti ngwambula ntchitu.+
Kweni tingumuwona nge kuti ngwakutombozgeka, wakupumika ndi Chiuta kweniso wakusuzgika.
6 Tosi talanda nge mbereri,+
Weyosi waselere kwaki,
Ndipu Yehova wachitiska kuti kunanga kwaku tosi kuwunjikiki paku iyu.+
Anguza nayu nge mbereri yo yiluta kuchibayika,+
Nge mbereri yinthukazi yo ye cheti panthazi pa ŵanthu wo atiyimeta,
Ndipu wangujula cha mulomu waki.+
8 Iyu wangukandirizgika ndi kutoleka kwambula kuyeruzgika mwaurunji;
Ndiyani yo wazamuŵanaŵaniya vosi vakukwaskana ndi mugonezi waki?*
Pakuti wangutuzgikapu pacharu cha ŵanthu amoyu;+
Iyu wangudupulika* chifukwa cha mphulupulu za ŵanthu ŵangu.+
9 Iyu wanguŵikika mumasanu* limoza ndi ŵanthu aheni,+
Ndipuso wanguŵikika limoza ndi ŵanthu akukhupuka,*+
Chinanga kuti wanguchita chiheni chechosi cha
Ndipu mumulomu mwaki mwengavi boza.+
10 Kweni lenga khumbu laku Yehova kuti wapwetekeki, ndipu wanguzomereza kuti watami.
Asani mwazipereka umoyu waki nge sembi ya mulandu,+
Iyu wazamuwona mphapu* yaki, wazamusazgiyaku mazuŵa ngaki,+
Ndipu kuporote mwaku iyu khumbu laku Yehova lazamufiskika.+
11 Chifukwa cha masuzgu ngaki, wazamuwona kweniso wazamukhorwa.
Chifukwa cha kuziŵa vinthu kwa munthu murunji, mteŵeti wangu+
Wazamuwovya ŵanthu anandi kuti aje arunji,+
Ndipu wazamupinga kunanga kwawu.+
12 Pa chifukwa chenichi ndazakumupaska chigaŵa chaki pakati pa ŵanthu anandi,
Ndipu wazamugaŵana vinthu vakutoleka ku nkhondu ndi ŵanthu anthazi,
Chifukwa chakuti wangupunguwa umoyu waki mpaka kufwa+
Ndipu angumuwona nge kuti njumoza wa ŵanthu amphulupulu;+
Iyu wangupinga ubudi wa ŵanthu anandi,+
Ndipu wanguŵeyere mumalu mwa ŵanthu amphulupulu.+
54 “Daniriza mwakukondwa, yiwi munthukazi muchumba yo wechendabalepu!+
Sekere ndipuso daniriza mwakukondwa,+ yiwi wechendavwepu urwirwi wa pakubala,+
Pakuti ŵana a munthukazi wakujowoleka mbanandi ukongwa
Kuluska ŵana a munthukazi yo we ndi mulumu waki,”*+ Yehova ndiyu wakamba.
2 “Sanuzga malu nga hema laku.+
Tandawuwa salu za chihema chaku chikulu.
Ungalekanga cha, sazgiyaku vingwi va hema laku,
Ndipuso kholesa vikhomu va hema laku.+
3 Pakuti uthaziyengi kumaryi kweniso kumazge.
Mphapu yaku yazamulonda mitundu ya ŵanthu,
Ndipu azamuja mumatawuni ngo ngenga mahami.+
4 Ungawopanga cha,+ pakuti wazamulengeseka cha;+
Ndipuso ungachitanga soni cha pakuti wazamuguŵa cha.
Pakuti wazamuluwa soni za pa unyamata waku,
Ndipuso soni zo wenga nazu pa nyengu yo wenga choko wazakuzikumbuka so cha.”
5 “Pakuti Mlengi waku Mura*+ we nge mulumu waku,*+
Zina laki ndi Yehova wa mizinda,
Ndipu Mtuŵa waku Isirayeli ndiyu Wakukuwombo waku.+
Iyu wazamudanika kuti Chiuta wa charu chosi chapasi.+
6 Pakuti Yehova wakudana nge kuti ndiwi munthukazi wakujowoleka kweniso wachitima,*+
Nge munthukazi yo wanguyirwa pa unyamata ndi kujowoleka,” Chiuta waku ndiyu wakamba.
7 “Pakuti ndingukujowo kwa kanyengu kamanavi,
Kweni chifukwa cha lisungu likulu ndazakukuwunganisa so.+
8 Chifukwa chakuti ndinguzazika ndi ukali ndingukubisa chisku changu kwa kanyengu kamanavi,+
Kweni chifukwa cha chanju chambula kumala ndazakukuchitiya lisungu,”+ Yehova, Wakukuwombo waku+ ndiyu wakamba.
9 “Kwaku ini ve nge mu mazuŵa ngaku Nowa.+
Nge mo ndingulapizgiya kuti maji nga mu nyengu yaku Nowa ngazamubenekere so cha charu chapasi,+
Ndimu so ndilapizgiya kuti ndazakukukwiyiya so cha pamwenga kukuchenya.+
10 Pakuti mapiri ngangatuzgikapu
Ndipuso mitunthu yingasukunyika,
Kweni chanju changu chambula kumala chazamutuzgikaku cha kwaku yiwi,+
Ndipuso phanganu langu lachimangu lazamusukunyika cha,”+ Yehova, Yo watikuchitiya lisungu+ ndiyu wakamba.
11 “Yiwi munthukazi wakusuzgika,+ wakupingika ndi mphepu, wambula kupembuzgika,+
Ndikuzengengi ndi mya mwakugwiriskiya ntchitu dongu lakulama
Ndipuso ndizengengi fawundeshoni yaku ndi mya ya safiro.+
12 Ndazakukuzenge tinyumba takuthopoka tamya ya rube pachanya pa mpanda,
Mageti nga mya yakung’anima,*
Kweniso mphaka zaku zosi za mya yakuzirwa.
14 Yiwi wazamujalikiskika mwanthazi mu urunji.+
Kukandirizgika kwazamuja kutali ukongwa ndi yiwi,+
Wazamuwopa chechosi cha ndipuso palivi cho chazakukutenthemesa,
Pakuti chazamukuza cha pafupi ndi yiwi.+
15 Asani munthu wakuyukiya,
Wazamuja kuti watumika ndi ini cha.
Weyosi yo wazakukuyukiya wazamuthereskeka.”*+
16 “Awona! Ini ndini ndikulenga munthu walusu,
Yo waphuta motu wamaka,
Ndipu wapanga chidya chankhondu.
Ini ndini ndikulenga munthu wakuparanya kuti wabwanganduwi.+
17 Palivi chidya cho chapangikiya yiwi cho chazamuchita kanthu,+
Ndipu wazamususka lilimi lelosi lo lazakukuyukiya pa cheruzgu.
Chenichi ntchihara cha ateŵeti aku Yehova,
Ndipu urunji wawu utuliya kwaku ini,” Yehova ndiyu wakamba.+
55 Zani, yimwi mosi anyota,+ zani kuti muzimwi maji!+
Yimwi mulivi ndalama, zani kuti muziguli ndi kurya!
Zani, muziguli vinyu ndi mkaka+ kwambula ndalama kweniso kwambula mtengu.+
2 Ntchifukwa wuli mulipira ndalama pa vinthu vakuti ntchakurya cha,
Ndipuso ntchifukwa wuli mumaliya ndalama zinu* pa vinthu vo vigutisa cha?
Vwisiyani mwakuphwere kwaku ini, ryani vinthu vamampha,+
3 Khazaniku gutu linu ndipu zani kwaku ini.+
Vwisiyani, ndipu mujengi ndi umoyu,
Ndichitengi namwi phanganu lamuyaya+
Mwakukoliyana ndi chanju chambula kumala cho ndalongo Davidi, cho ntchakugomezgeka.*+
5 Awona! Yiwi wazamudana mtundu wo utiwuziŵa cha,
Ndipu ŵanthu a mtundu wo uleka kukuziŵa, azamutchimbiriya kwaku yiwi
Chifukwa chaku Yehova Chiuta waku,+ Mtuŵa waku Isirayeli,
Pakuti iyu wazakukukankhuska.+
6 Penjani Yehova pa nyengu yo weche kusanirika.+
Mudaneni pa nyengu yo we pafupi.+
7 Munthu muheni waleki nthowa yaki+
Ndipuso munthu muheni waleki kuŵanaŵana vinthu viheni;
Iyu wawere kwaku Yehova, yo wamuchitiyengi lisungu,+
8 “Pakuti maŵanaŵanu ngangu ndi maŵanaŵanu nginu cha,+
Ndipu nthowa zinu ndi nthowa zangu cha,” Yehova ndiyu wakamba.
9 “Pakuti nge mo kuchanya kuliri pachanya kuluska charu chapasi,
Ndimu so nthowa zangu ziliri zapachanya kuluska nthowa zinu
Kweniso maŵanaŵanu ngangu kuluska maŵanaŵanu nginu.+
10 Pakuti nge mo vuwa kweniso sinoo* viwiya kutuliya kuchanya
Ndipu viweriyaku cha mpaka po vazumbwisiya charu chapasi, ndi kuchichitiska kuti chimezgi vakume ndi kupasa vipasu,
Kupereka mbewu ku wakumija kweniso chakurya ku wakurya,
11 Ndimu so ngazamuŵiya mazu ngangu ngakutuliya mumulomu mwangu.+
Ngazamuwere cha kwaku ini kwambula kuchita kanthu,+
Kweni ngazamufiska nadi vosi vo ndikhumba,+
Ndipu ngazamuchita nadi vo ndikungatuma kuti ngachiti.
Mapiri ndi mitunthu vazamusekere pa masu pinu ndi kudaniriza mwalikondwa,+
Ndipu vimiti vamudondu vazamukumba manja.+
13 Mo mwenga vivwati vaminga, mwazamume vimiti va junipa,+
Ndipuso mo mwenga vakume vakunyenye, mwazamume chimiti cha mirito.
56 Ivi ndivu Yehova wakamba:
“Kolesani urunji,+ ndipuso chitani chinthu chaurunji,
Pakuti utaski wangu we pafupi kuza
Ndipu urunji wangu uvumbulikengi.+
2 Ngwakukondwa munthu yo wachita venivi
Ndipuso mwana wa munthu yo wakolesa venivi,
Yo wasunga Sabata kweniso watilifipiska cha+
Ndipu waweza janja laki ku uheni wa mtundu wewosi.
3 Mulendu yo watijibatika kwaku Yehova+ wangakambanga cha kuti,
‘Yehova wandipatuwengi nadi ku ŵanthu ŵaki.’
Ndipu wakutheneka wangakambanga cha kuti, ‘Awonani! Ini ndini chimiti chakumira.’”
4 Pakuti ivi ndivu Yehova wakambiya akutheneka wo asunga marangu ngangu ndipuso wo asankha kuchita vo vitindikondwesa ndi kukolesa phanganu langu:
5 “Munyumba mwangu ndipuso mukati mwa vimati vangu ndazakuŵapaska chipilala chachikumbusu kweniso zina,
Cho ntchinthu chamampha ukongwa kuluska ŵana anthulumi kweniso ŵana anthukazi.
Ndazakuŵapaska zina lamuyaya,
Lo lazamumala cha.
6 Alendu wo atijibatika kwaku Yehova kuti amuteŵete,
Kuti ayanjengi zina laku Yehova+
Ndipuso kuti aje ateŵeti ŵaki,
Wosi wo asunga Sabata kweniso atilifipiska cha
Ndipuso wo akolesa phanganu langu,
7 Nawu ndazamukuza nawu kuphiri langu lakupaturika+
Ndipu ndazamuchitiska kuti akondwengi mukati mwa nyumba yangu yakupempheriyamu.
Sembi zawu zamphumphu zakupiriza kweniso sembi zawu zinyaki zazamuzomerezeka paguŵa la sembi.
Pakuti nyumba yangu yazamudanika kuti nyumba yakupempheriyamu ya ŵanthu wosi.”+
8 Yehova, Ambuya Fumu Yikulu, yo wawunganisa pamoza ŵanthu akumbininika aku Isirayeli,+ wakamba kuti:
“Kusazgiyapu pa wo akuwunganisika kali, ndazamuwunganisa so ŵanthu anyaki kwaku iyu.”+
9 Yimwi mosi nyama zamudondu, zani kuti muziryi,
Yimwi mosi nyama zamulisuwa.+
10 Alonda ŵaki mbachibulumutiya,+ aziŵa kanthu cha.+
Wosi mbagalu wo aja ŵaka cheti, atondeka kubwentha.+
Aŵeŵefuka ŵaka ndi kugona; atanja kugona tulu.
11 Yiwu mbagalu wo ŵe ndi nja ukongwa;
Aguta cha.
Yiwu mbaliska wo avwisa vinthu cha.+
Wosi alanda;
Wakumaliya weyosi waku yiwu wapenja phindu laki lachinyengu ndipu wakamba kuti:
12 “Zaningi, agani ndito vinyu,
Tiyeni timwi chakumwa chakuloŵeresa mpaka kuguta.+
Ndipu zuŵa lamawa liŵengi nge zuŵa la msanawale, kujumpha so penapa!”
57 Munthu murunji wamala,
Kweni palivi yo wakumbuka.
Ŵanthu akugomezgeka atoleka,*+
Kwambula weyosi kuziŵa kuti munthu murunji watoleka
Chifukwa cha* soka.
2 Iyu wasere mu chimangu.
Wosi wo atenda mwakunyoloka, apumuwa pamabedi* ngawu.
3 “Kweni yimwi ndereni kufupi,
Yimwi ŵana anthulumi a munthukazi wamasenga,
Yimwi ŵana a munthukazi mureŵi kweniso muhuli:
4 Ndiyani yo mutimunyoza?
Ndiyani yo mutimupambawuliya mulomu winu kweniso kumutuzgiya lilimi linu?
Asi ndimwi ŵana amphulupulu,
Ŵana aboza,+
5 Yimwi mwe ndi khumbiru lanthazi la kugonana pakati pa vimiti vikuluvikulu,+
Pasi pa chimiti chechosi chakubiriŵira,+
Yimwi mubaya ŵana mumadambu,*+
Kusi kwa mphaku za majalawi?
6 Chigaŵa chinu che pamoza ndi mya yakusilirika ya mudambu.*+
Mya yeniyi ntchigaŵa chinu.
Mutiyipunguliya sembi za chakumwa kweniso mutiyipaska mphasu.+
Kumbi ndikhorwi* ndi vinthu venivi?
8 Unguŵika chikumbusu chaku kuseri kwa chisasa kweniso fulemu.
Ungundileka ndipu unguja kwambula kuvwala;
Ungukwere penipo ndipu ungusanuzga bedi laku.
Ndipu unguchita navu phanganu.
9 Ungusikiya ku Meleki* ndi mafuta
Kweniso ndi mafuta nganandi ngakununkhira.
Ungutumiza nthumi zaku kutali,
Mwaviyo ungusikiya ku Dindi.*
10 Wasuzgika kulondo nthowa zaku zinandi,
Kweni ungukamba cha kuti, ‘Vilivi ntchitu!’
Ungusaniya so nthazi.
Ndichu chifukwa chaki uleka* cha.
11 Ndiyani yo wachitanga nayu mantha kweniso kumuwopa
Kuti uyambi kukamba boza?+
Ungundikumbuka cha ini.+
Palivi cho ungukumbukapu.+
Kumbi ndinguja ŵaka cheti cha ndipuso kuleka kulongoro?+
Mwaviyo ungulongo kuti utindiwopa cha.
13 Asani uliriya chovyu,
Angoza wo ukuwunjika azakukutaska cha.+
Wosi azamupingika ndi mphepu,
Yiwu azamuputa ndi mvuchi,
Kweni yo wathaŵiya kwaku ini wazamuhara charu
Ndipu wazamuja muphiri langu lakupaturika.+
14 Munyaki wazamukamba kuti, ‘Limani, limani msewu! Nozgani nthowa!+
Tuzganimu chinthu chechosi chakuguŵiska munthowa ya ŵanthu ŵangu.’”
15 Pakuti venivi ndivu Wapachanya kweniso Wakukwezeka wakamba,
“Ndija kuchanya kweniso kumalu ngakupaturika,+
Kweniso ku ŵanthu akutekenyeka ndipuso akuyuyulika mu mzimu,
Kuti ndisisipuwi mzimu wa akuyuyulika
Ndipuso kuti ndisisipuwi mtima wa ŵanthu wo atekenyeka.+
16 Pakuti ndiŵasuskengi kwamuyaya cha
Pamwenga kulutirizga kukwiya;+
Pakuti mzimu wa munthu ungalopwa chifukwa chaku ini,+
Chinanga ndi mvuchi wa vamoyu vo ndikupanga.
17 Ndingukwiya chifukwa cha phindu lachinyengu lo wasaniyanga,+
Mwaviyo, ndingumupuma, ndingubisa chisku changu, ndipu ndingukwiya.
Kweni wangulutirizga kwenda nge munthu wakugaruka,+ kulondo nthowa ya mtima waki.
19 “Ndilenga chipasu cha milomu.
Chimangu chambula kumala chiperekekengi ku munthu yo we kutali kweniso ku munthu yo we pafupi,”+ Yehova ndiyu wakamba,
“Ndipu ndimuchizgengi.”
20 “Kweni munthu muheni we nge nyanja yakuyuka yo yingagona cha,
Ndipu maji ngaki ngavunduwa vakume vamumaji kweniso ulambwi.
21 Kulivi chimangu ku munthu muheni,”+ Chiuta wangu ndiyu wakamba.
58 “Daniriza ukongwa; ungalekezanga cha!
Kweza mazu ngaku nge mbata.
Pharazga ku ŵanthu ŵangu va kugaruka kwawu,+
Ku nyumba yaku Yakobe va maubudi ngawu.
2 Atindipenja zuŵa ndi zuŵa,
Ndipuso alongo kuti akondwa kuziŵa nthowa zangu,
Nge kuti ŵenga mtundu wo unguchita urunji
Ndipuso unguleka cha urunji waku Chiuta wawu.+
Yiwu atindipempha kuti ndiyeruzgi nkhani mwaurunji,
Akondwa kundere kufupi ndi Chiuta:+
3 ‘Ntchifukwa wuli muwona cha asani tifunga?+
Ndipuso ntchifukwa wuli muwona cha asani titijisuzga?’+
Chifukwa pa zuŵa la kufunga kwinu muchita vo mukhumba,
Ndipuso mukandirizga antchitu ŵinu.+
4 Kufunga kwinu kumala ndi kuyambana kweniso kupumana,
Ndipu mupumana ndi fayiti ya uheni.
Mungafunga cha nge mo muchitiya msanawale ndi kuchitiska kuti mazu nginu ngavwiki kuchanya.
5 Kumbi kufunga ko ndasankha kutenere kuja viyo,
Nge zuŵa lakuti munthu wajisuzgi,
Wasindami mutu waki nge uteka wa nguwu,
Wapangi bedi laki pachigudulu kweniso muvyotu?
Kumbi kwenuku ndiku mutikudana kuti kufunga kweniso zuŵa lakukondwesa Yehova?
6 Awa, kufunga ko ndasankha ini ndi uku:
Kufwatuwa simbi za uheni,
Kufwatuwa vingwi va goli,+
Kufwatuwa akukandirizgika,+
Ndipuso kudumuwa pakati goli lelosi;
7 Kugaŵiyaku chakurya chaku munthu yo we ndi nja,+
Kutole mukavu ndipuso yo walivi pakuja munyumba yaku,
Kuvwalika munthu yo we nkhuli asani wamuwona,+
Ndipuso kuleka kulazgiya msana mubali waku.
8 Asani wachita viyo, ukweru waku wazamuŵala nge matandakucha,+
Ndipuso wazamuchira liŵi.
Urunji waku wazamukuŵa panthazi paku,
Ndipu unkhankhu waku Yehova wazakukuvikiliya kuvuli kwaku.+
9 Yiwi wazamudana, ndipu Yehova wazamumuka;
Wazamuliriya chovyu, ndipu iyu wazamukamba kuti, ‘Nde panu!’
Asani wazituzgapu goli pakati paku
Ndipuso asani wazileka kulongo chikumbu chaku kweniso kulongoro vinthu viheni,+
10 Asani wazipereka vinthu vo utanja ku munthu yo we ndi nja+
Ndipuso kukhorwesa ŵanthu wo asuzgika,
Mbwenu ukweru waku wazamuŵala chinanga ndi mu mdima,
Ndipu mdima waku ukulu wazamuja nge msana.+
11 Yehova wazamulutirizga kukulongozga
Ndipuso wazakukukhorwesa chinanga ndi mucharu chakumira;+
Iyu wazamukhomesa viwanga vaku,
Ndipu yiwi wazamuja nge munda wakudirika maji,+
Nge kasupi yo maji ngaki ngamala cha.
12 Azamuzenga so mahami ngakali chifukwa chaku yiwi,+
Ndipu wazamuweziyapu so mafawundeshoni nga migonezi yakali.+
Yiwi wazamudanika kuti wakunozga so mipanda yakusweka,+
Wakuweziyapu so misewu kuti ŵanthu ajengi mumphepeti mwaki.
13 Asani chifukwa cha Sabata, uchita cha vo ukhumba pa zuŵa langu lakupaturika+
Kweniso udana Sabata kuti ndi zuŵa lakukondwesa, zuŵa lakupaturika laku Yehova, zuŵa lo litenere kukankhuskika,+
Ndipuso utilikankhuska mumalu mwa kuchita vo ukhumba kweniso kulongoro vinthu vambula fundu,
14 Mbwenu wazamukondwa ukongwa chifukwa chaku Yehova,
Ndipuso ndazakukuyendesani pamalu ngapachanya nga charu chapasi.+
Ndazamuchitiska kuti uryi kutuliya pa* chihara chaku Yakobe mpapi waku wakali,+
Pakuti mulomu waku Yehova walongoro.”
59 Awonani! Janja laku Yehova ndifupi cha kuti lingatondeka kutaska,+
2 Awa, kunanga kwinu ndiku kwakupatuskani kwaku Chiuta winu.+
Maubudi nginu ndingu ngachitiska kuti wakubisiyeni chisku chaki,
Ndipu wakana kukuvwisiyani.+
3 Pakuti vikufi vinu vanangika ndi ndopa+
Ndipu vikumbu vinu vanangika chifukwa cha kunanga kwinu.
Milomu yinu yilongoro maboza,+ ndipu lilimi linu litokotoska vinthu vambula urunji.
4 Palivi munthu yo wadana urunji,+
Ndipu palivi yo waluta kukhoti mu uneneska.
Athemba vinthu vo kulivi,+ ndipu alongoro vinthu vambula fundu.
Ame nthumbu ya masuzgu ndipu abala vinthu vakupweteka.+
5 Akonkhomo mazira nga njoka yapoyizoni,
Ndipu aluka mtatavu wa duŵiyuŵi.+
Weyosi yo waturya mazira ngawu wafwengi,
Ndipu zira lo lasweka likonkhomo chipi.
6 Mtatavu wawu ujengi nge chakuvwala cha,
Ndipu angadika cha vo apanga.+
Ntchitu zawu zakupweteka,
Ndipu vakuchita vawu vachiwawa ve mu manja mwawu.+
7 Maphazi ngawu ngatchimbiya kuti ngakachiti vinthu viheni,
Ndipu athaŵiriya kuchidira ndopa zambula kunanga.+
Maŵanaŵanu ngawu ngakupweteka;
Kubwanganduka ndipuso masuzgu ve mu nthowa zawu.+
8 Yiwu atiyiziŵa cha nthowa ya chimangu,
Ndipu mu nthowa zawu mulivi urunji.+
Yiwu anyongoro nthowa zawu;
Palivi yo watenda mu nthowa zo, yo wazamuziŵa chimangu.+
9 Ndichu chifukwa chaki cheruzgu chakunyoloka che kutali ndi isi,
Ndipu urunji utitisaniya cha.
Tilindizga ukweru, kweni awonani! kwe mdima;
Tilindizga kuŵala, kweni tilutirizga kwenda mu mdima ukulu.+
10 Tipapaska chimati nge ŵanthu achibulumutiya;
Tilutirizga kupapaska nge ŵanthu ambula masu.+
Tiguŵa lumwi le nyee, nge mu mdima wamazulu;
Te nge ŵanthu akufwa pakati pa ŵanthu anthazi.
11 Tosi tiwuluma nge vinyama va biyere
Ndipuso tiliya mwachitima nge njiŵa.
Tilindizga urunji, kweni kulivi;
Tilindizga utaski, kweni we kutali ukongwa ndi isi.
Pakuti kugaruka kwidu kwe nasi;
Tiziŵa umampha kunanga kwidu.+
13 Tananga ndipuso takana Yehova;
Tamulazgiya msana Chiuta widu.
Talongoro va kukandirizgika kweniso kugaruka;+
Tame nthumbu ya maboza ndipuso tatokotoska mazu ngaboza kutuliya mumtima mwidu.+
14 Cheruzgu chakunyoloka chawezeke vuli,+
Ndipu urunji wama patali ukongwa;+
Pakuti uneneska waguŵa mubalaza la tawuni,
Ndipu chinthu chakunyoloka chitondeka kusere.
15 Uneneska wasoŵa,+
Ndipu munthu weyosi yo watuwaku ku vinthu viheni, waparanyika.
16 Wanguwona kuti pengavi munthu weyosi,
Ndipu wanguzizwa kuti pengavi yo wanguŵeyere,
Mwaviyo, janja laki linguza ndi utaski,
Ndipu urunji waki ungumuwovya.
17 Pavuli paki, wanguvwala urunji nge chakuvwala chamamba ngavisulu
Ndipuso wanguvwala chisoti cha utaski kumutu kwaki.+
18 Iyu waŵapaskengi mphotu chifukwa cha vo achita:+
Ukali ku ŵanthu wo atimutinkha, chilangu kwa arwani ŵaki.+
Ndipu virwa* waviweziyengi mwakukoliyana ndi vo vitenere kuwezeke.
19 Kutuliya kwakuselere lumwi, azamuwopa zina laku Yehova
Ndipu kutuliya kwakutuliya lumwi, azamuwopa unkhankhu waki,
Pakuti iyu wazengi nge msinji wamweza,
Wo utendeseka ndi mzimu waku Yehova.
20 “Wakuwombo wazengi ku Ziyoni,+
Ku ŵanthu wo ŵe mwaku Yakobe wo atuwaku ku mphulupulu,”+ Yehova ndiyu wakamba.
21 “Kweni ini, phanganu langu ndi yiwu ndi ili,”+ Yehova ndiyu wakamba. “Mzimu wangu wo we paku yiwi, kweniso mazu ngangu ngo ndaŵika mumulomu mwaku, vazamutuzgikamu cha mumulomu mwaku, mumulomu mwa ŵana ŵaku,* pamwenga mumulomu mwa azuku ŵaku,* kwamba sonu mpaka muyaya,” Yehova ndiyu wakamba.
60 “Yuka, yiwi munthukazi,+ ŵala, pakuti ukweru waku waza.
Unkhankhu waku Yehova utikuŵaliya.+
2 Pakuti awona! mdima wazamubenekere charu chapasi
Ndipu mdima ukulu wazamubenekere mitundu ya ŵanthu;
Kweni Yehova wazakukuŵaliya,
Ndipu unkhankhu waki wazamuwoneka paku yiwi.
3 Mitundu ya ŵanthu yazamuluta ku ukweru waku+
4 Yunuska chisku chaku ndipu lereska kosikosi!
Wosi awunganisika; atuza kwaku yiwi.
5 Pa nyengu yeniyo, wazamuwona ndipuso wazamukondwa,+
Mtima waku wazamusekere ndipuso wazamuzaza ndi likondwa,*
Chifukwa chakuti chuma cha kunyanja chazamukuza kwaku yiwi;
Ndipu katundu wa mitundu ya ŵanthu wazamukuza kwaku yiwi.+
6 Magulu nga ngamila ngazamubenekere mucharu chaku,*
Ngamila zimanazimana zinthulumi za ku Midiyani kweniso ku Efa.+
Ŵanthu wosi a ku Sheba azamukuza;
Azamupinga golidi ndi libani.
Yiwu azamuthamika Yehova.+
7 Miskambu yosi ya ku Kedara+ yazamuwunganisika kwaku yiwi.
Mbereri zinthulumi za ku Nebayoti+ zazakukuteŵete.
8 Kumbi mbayani wo aphululuka nge mitambu,
Nge njiŵa zo ziphululukiya ku vikutu vaki?
9 Pakuti virwa vilindizgengi ini;+
Sitima za ku Tashishi ze panthazi,*
Kuti zizi ndi ŵana ŵaku anthulumi kutuliya kutali,+
Limoza ndi siliva wawu kweniso golidi wawu,
Zizi nawu ku zina laku Yehova Chiuta waku ndipuso ku Mtuŵa waku Isirayeli,
10 Alendu azamuzenga mipanda yaku,
Ndipu mafumu ngawu ngazakukuteŵete,+
Pakuti ndingukupuma chifukwa chakuti ndingukwiya,
Kweni chifukwa cha wezi wangu, ndazakukuchitiya lisungu.+
11 Mageti ngaku ngazamuja ngakujula nyengu zosi;+
Ngazamujalika cha msana pamwenga usiku,
Kuti katundu wa mitundu ya ŵanthu wazi kwaku yiwi,
Ndipu mafumu ngawu ngazamuja panthazi.+
12 Pakuti mtundu wewosi pamwenga ufumu wewosi wo wazamuleka kukuteŵete wazamumala,
Ndipu mitundu ya ŵanthu yazamubwangandulikiya limu.+
13 Unkhankhu wa ku Lebanoni wazamukuza kwaku yiwi,+
Chimiti cha junipa, chimiti cha ashi kweniso chimiti cha milanji, vosi pamoza,+
Kuti vizitowesi malu ngangu ngakupaturika;
Ndazamukankhuska malu ngakukandapu maphazi ngangu.+
14 Ŵana a ŵanthu wo akukandirizganga azamukuza ndi kusindama pa masu paku;
Wosi wo akuyuyuwanga atenere kusindama pamaphazi ngaku,
Ndipu azakukudana kuti tawuni yaku Yehova,
Ziyoni wa Mtuŵa waku Isirayeli.+
15 Mumalu mwakuja wakujowoleka kweniso wakutinkhika, kwambula ŵanthu akujumphamu mwaku yiwi,+
Ndazamuchitiska kuti uje chinthu chakumalikiyapu kwamuyaya,
Chinthu chakukondwesa mu migonezi yosi.+
16 Ndipu wazamukumwa mkaka wa mitundu ya ŵanthu,+
Wazamuwonkha maŵe nga mafumu;+
Ndipu wazamuziŵa kuti ini Yehova ndini mtaski waku,
Ndipuso kuti Wanthazi waku Yakobe ndiyu Wakukuwombo waku.+
17 Mumalu mwa mkuŵa ndizengi ndi golidi,
Ndipu mumalu mwa chisulu ndizengi ndi siliva,
Mumalu mwa chimiti ndizengi ndi mkuŵa,
Ndipu mumalu mwa mya ndizengi ndi chisulu;
Ndazamuŵika chimangu nge akukuwonere ŵaku
Ndipuso urunji nge akapitawu ŵaku.+
18 Vivulupi vazamuvwika so cha mucharu chaku
Pamwenga kubwanganduka ndipuso kunangika mukati mwa mphaka zaku.+
Mipanda yaku wazakuyidana kuti Utaski+ ndipu mageti ngaku wazakungadana kuti Thamiku.
19 Pakuti kwaku yiwi lumwi lazamuja so ukweru cha ndi msana,
Ndipu mwezi wazamuleka kukupaska ukweru,
Pakuti Yehova wazamuja ukweru waku wamuyaya,+
Ndipu Chiuta waku wazamuja kutowa kwaku.+
20 Lumwi laku lazamusere so cha,
Mwezi waku wazamuwezaku cha ukweru waki,
Pakuti Yehova wazamuja ukweru waku wamuyaya,+
Ndipu mazuŵa nga kuliya kwaku ngazamumala.+
21 Ŵanthu ŵaku wosi azamuja arunji;
Ndipu azamuja mucharu kwamuyaya.
22 Mumana ukongwa wazamuja ŵanthu 1,000
Ndipu mumana wazamuja mtundu wanthazi.
Ini Yehova, ndazamuchitiska venivi mwaliŵi pa nyengu yaki.”
61 Mzimu waku Yehova, Ambuya Fumu Yikulu, we paku ini,+
Chifukwa Yehova wakundisankha kuti ndipharazgi uthenga wamampha ku ŵanthu akufwasa.+
Wakundituma kuti ndichizgi* akusweka mtima,
Kuti ndipharazgiyi wo akukoleka ukapolu kuti afwatulikengi
Kweniso akayidi kuti masu ngawu ngajulikengi,+
2 Kuti ndipharazgi chaka chaku Yehova chakuchitiya ŵanthu lisungu
Kweniso zuŵa lakuweze nduzga laku Chiuta widu,+
Kuti ndipembuzgi wosi wo aliya,+
3 Kuti ndiwovyi wo aliriya Ziyoni,
Kuti ndiŵapaski chakuvwala kumutu mumalu mwa vyotu,
Mafuta ngakuzayiya mumalu mwa kuliya,
Chakuvwala chakuthamikiya mumalu mwa kusuzgika maŵanaŵanu.
4 Azamuzenga so mahami ngakali;
Azamuyuska malu ngakali ngo ngangupasuka,+
Ndipuso azamuweziyapu matawuni ngo ngangubwangandulika,+
5 “Alendu azamukuma ndi kuliska miskambu yinu,
Ndipuso alendu+ azamuja alimi ŵinu kweniso akuphwere minda yinu ya mphereska.+
6 Kweni yimwi mwazamudanika kuti asembi aku Yehova;+
Yiwu azakukudanani kuti ateŵeti aku Chiuta widu.
7 Mumalu mwa soni, mwazamupaskika vigaŵa viŵi,
Ndipu mumalu mwa kulengeseka, azamudaniriza mwakukondwa chifukwa cha chigaŵa chawu.
Yiwu azamulonde vigaŵa viŵi mucharu chawu.+
Yiwu azamukondwa kwamuyaya.+
Ndazakuŵapaska mphotu zawu mwakugomezgeka,
Ndipuso ndazamuchita nawu phanganu lamuyaya.+
10 Ndazamuzaya ukongwa mwaku Yehova.
Umoyu wangu wosi wazamukondwa mwaku Chiuta wangu.+
Pakuti wandivwalika vakuvwala va utaski;+
Iyu wandivwalika mkhanju* wa urunji,
Nge munthulumi mweneku wa nthengwa yo wavwala mphumphu nge ya wasembi,+
Ndipuso nge mwali yo wajitowesa ndi vakujitowese.
11 Pakuti nge mo charu chapasi chituzgiya mphukira
Kweniso nge mo munda uchitiskiya kuti vinthu vo apandamu viphuki,
Ndimu so Yehova, Ambuya Fumu Yikulu
Wachitiskiyengi kuti urunji+ ndi kuthamika viphuki+ pa masu pa mitundu yosi ya ŵanthu.
62 Chifukwa chaku Ziyoni ndijengi cheti cha,+
Ndipuso chifukwa chaku Yerusalemu ndijengi ŵaka duu cha
Mpaka po urunji waki waŵaliya nge ukweru wakuŵala+
Kweniso mpaka po utaski waki wafikiya pakukole nge limbuni.+
2 “Yiwi munthukazi, mitundu ya ŵanthu yiwonengi urunji waku,+
Kweniso mafumu ngosi ngawonengi unkhankhu waku.+
Ndipu udanikengi zina lifya,+
Lo mulomu waku Yehova uzumbuwengi.
3 Ujengi chisoti chaufumu chakutowa mujanja laku Yehova,
Mphumphu yaufumu muchikufi chaku Chiuta waku.
4 Wazamudanika so cha kuti munthukazi wakujowoleka,+
Ndipu charu chaku chazamudanika so cha kuti mahami.+
Kweni wazamudanika kuti Likondwa Langu le Mwaku Iyu,+
Ndipuso charu chaku chazamudanika kuti Munthukazi Wakuyirwa.
Pakuti Yehova wazamukondwa nawi,
Kweniso charu chaku chazamuja nge munthukazi wakuyirwa.
5 Pakuti nge mo mnyamata watole mwali,
Ŵana ŵaku anthulumi azakukuto nthengwa.
Nge mo munthulumi mweneku wa nthengwa wakondwe chifukwa cha mwali yo wamuto nthengwa,
Chiuta waku wazamukondwa chifukwa chaku yiwi.+
6 Yiwi Yerusalemu, pamipanda yaku ndaŵikapu alonda.
Kwambula kulekeza, zuŵa losi kweniso usiku wosi angajanga cheti cha.
Yimwi muzumbuwa Yehova,
Mungapumuwanga cha,
7 Ndipu mungamupumuzganga cha mpaka po iyu wajalikiskiya Yerusalemu,
Mpaka po iyu wachitiskiya kuti ŵanthu wosi pacharu chapasi amuthamiki.”+
8 Yehova walapizga ndi janja laki lamaryi, ndi janja laki lanthazi kuti:
“Ndiperekengi so cha mbewu zaku kwa arwani ŵaku nge chakurya,
Ndipuso alendu azamukumwa cha vinyu waku wasonu, yo wamusuzgikiya kuti umusaniyi.+
9 Kweni wo azamuwunjika mbewu zo azakuzirya ndipu azamuthamika Yehova;
Ndipuso wo azamuwunjika mphereska, azamukumwa vinyu mumabalaza ngangu ngakupaturika.”+
10 Porotani, porotani mumageti.
Ŵanthu anozgiyeni nthowa.+
Limani, limani msewu ukulu.
Tuzganimu mya.+
Kweziyani mitundu ya ŵanthu chiziŵisu.*+
11 Awonani! Yehova wapharazga kuvigoti va charu kuti:
“Kambiya mwana munthukazi wa ku Ziyoni,
‘Awona! Utaski waku utuza.+
Awona! Mphotu yaki ye ndi iyu,
Ndipu malipiru ngo wapereka nge pa masu paki.’”+
12 Yiwu azamudanika kuti ŵanthu akupaturika, wo akuwomboleka ndi Yehova,+
Ndipu yiwi wazamudanika kuti Tawuni Yakupenjeka, Tawuni Yambula Kujowoleka.+
63 Ndiyani uyu yo watuliya ku Edomu,+
Yo watuliya ku Bozira+ wavwala vakuvwala vakuŵala,*
Uyu yo wavwala vakuvwala vapachanya,
Waguba ndi nthazi zaki zikulu?
“Ndini, Yo walongoro mu urunji,
Yo we ndi nthazi zikulu zakutaskiya.”
2 Ntchifukwa wuli vakuvwala vaku vakutchesama,
Ndipuso ntchifukwa wuli malaya ngaku ngawoneka nge nga munthu yo wakanda mphereska?+
3 “Muchakukandiyamu mphereska ndakandamu ndija.
Palivi munthu yo wenga nani.
Ndingulutirizga kuŵakandakanda mu ukali wangu,
Ndipuso chifukwa cha kukwiya kwangu ndaŵadyakangadyakanga.+
Vakuvwala vangu vinguwazika ndi ndopa zawu,
Ndipu ndachitiska kuti malaya ngangu ngosi ngabikiliyi.
4 Pakuti zuŵa lakuweze nduzga le mumtima mwangu,+
Ndipuso chaka cha akuwomboleka ŵangu chafika.
5 Ndingulereska, kweni pengavi wakundiwovya;
Ndinguzizwa kuti pengavi munthu wakundiwovya.
Mwaviyo, janja langu linguza ndi utaski* kwaku ini.+
Ndipu ukali wangu ungundiwovya.
6 Ndingudyaka mitundu ya ŵanthu mu ukali wangu,+
Ndinguŵaloŵeresa ndi ukali wangu
Ndipu ndingudira ndopa zawu pasi.”
7 Ndazamuzumbuwa ntchitu za chanju chambula kumala zaku Yehova,
Ntchitu zapachanya zaku Yehova
Chifukwa cha vinthu vosi vo Yehova watichitiya,+
Vinthu vinandi vamampha vo wachitiya nyumba yaku Isirayeli,
Mwakukoliyana ndi lisungu laki kweniso chanju chaki chikulu chambula kumala.
8 Pakuti iyu wangukamba kuti: “Yiwu mbanthu ŵangu nadi, ŵana wo azamuja cha ambula kugomezgeka.”+
Mwaviyo, iyu wanguja Mtaski wawu.+
9 Pa nyengu yosi yo yiwu asuzgikanga, nayu wasuzgikanga.+
Ndipu muthenga waki wanguŵataska.+
Iyu wanguŵawombo chifukwa cha chanju chaki kweniso lisungu laki,+
Ndipu wanguŵanyamuwa ndi kuŵapinga mu mazuŵa ngosi ngakali.+
10 Kweni yiwu angugaruka+ ndi kuchitiska chitima mzimu waki wakupaturika.+
11 Ndipu angukumbuka mazuŵa ngakali,
Mazuŵa ngaku Mozesi mteŵeti waki, ndipu angufumba kuti:
“We pani Yo wanguŵatuzga munyanja+ limoza ndi aliska a mskambu waki?+
We pani Yo wanguŵika mwaku iyu mzimu Waki wakupaturika,+
12 Yo wanguchitiska kuti janja Laki launkhankhu liluti limoza ndi janja lamaryi laku Mozesi,+
Yo wangugaŵa maji pa masu pawu+
Kuti wajipangiyi zina lamuyaya,+
13 Yo wanguchitiska kuti aporoti pamaji ngamweza wanthazi,*
Mwakuti angwenda kwambula kuguŵa,
Nge hachi mucharu chambula kanthu?*
14 Nge mo viŵiya asani viŵetu visikiya muchidika,
Mzimu waku Yehova unguŵapumuzga.”+
15 Lereskani pasi kutuliya kuchanya ndipu wonani
Kutuliya kumalu nginu ngakujaku ngapachanya, ngatuŵa kweniso ngaunkhankhu.*
Mwandinola vinthu venivi.
16 Pakuti yimwi ndimwi Awusefwi;+
Chinanga kuti Abrahamu wangatiziŵa cha
Ndipuso Isirayeli wangatiŵanika cha,
Yimwi, Yehova ndimwi Awusefwi.
Zina linu ndimwi Wakutiwombo widu wakali.+
17 Yimwi Yehova, ntchifukwa wuli muzomereza* kuti tituwemu munthowa zinu?
Ntchifukwa wuli muzomereza* kuti mitima yidu yinonopi, kuti tileki kukuwopani?+
Weleriyani, chifukwa cha ateŵeti ŵinu,
Mafuku nga chihara chinu.+
18 Ŵanthu ŵinu akupaturika angujamu kwa nyengu yimanavi.
Arwani ŵidu adyakadyaka malu nginu ngakupaturika.+
19 Kwa nyengu yitali taja nge ŵanthu wo mukuŵalamuliyapu cha,
Nge ŵanthu wo akudanikapu cha ndi zina linu.
64 Asani mungukeruwa kuchanya ndi kusikiya pasi,
Kuti mapiri ngasukunyiki chifukwa chaku yimwi,
2 Nge mo viŵiya asani motu uwotcha swanju,
Ndipuso asani uŵilisa maji,
Mphanyi zina linu laziŵika kwa arwani ŵinu,
Ndipuso mphanyi mitundu ya ŵanthu yanjekeme pa masu pinu!
3 Pa nyengu yo munguchita vinthu vakuchitiska mantha vo talindizganga cha,+
Mungusikiya pasi, ndipu mapiri ngangusukunyika pa masu pinu.+
4 Kwamba kali palivi yo wavwa pamwenga kukhazaku gutu,
Ndipuso palivi jisu lo lawona Chiuta munyaki kupatuwaku yimwi,
5 Mwakumana ndi ŵanthu wo akondwa kuchita urunji,+
Wo atikukumbukani ndi kulondo nthowa zinu.
Awonani! Mungukwiya pa nyengu yo tabudanga,+
Ndipu tinguchita venivi kwa nyengu yitali.
Kumbi sonu titenere kutaskika?
6 Tosi taja nge munthu wakufipiskika,
Ndipu ntchitu zidu zosi zaurunji zaja nge kasalu ko munthukazi yo we ku mwezi wavwala.+
Tosi tazamufota nge jani,
Ndipu mphulupulu zidu zazakutipingiya kutali nge mphepu.
7 Palivi yo wadaniya pa zina linu,
Palivi yo wachitapu kanthu kuti wakukoleseni,
Pakuti mwatibisiya chisku chinu,+
Ndipu muchitiska kuti tiwondi* chifukwa cha* mphulupulu zidu.
8 Kweni sonu, yimwi Yehova, ndimwi Awusefwi.+
9 Yimwi Yehova, lekani kutikwiyiya ukongwa,+
Ndipu lekani kukumbuka mphulupulu zidu mpaka muyaya.
Chondi, tilereskeni, pakuti tosi te ŵanthu ŵinu.
10 Matawuni nginu ngakupaturika ngasambuka chipululu.
Ziyoni wasambuka chipululu,
Yerusalemu wanangika.+
11 Nyumba yidu* yakupaturika kweniso yaunkhankhu,*
Yo apapi ŵidu akali akuthamikiyaningimu,
Yafya ndi motu,+
Ndipu vinthu vosi vo tayanjanga vanangika.
12 Po muwona venivi, yimwi Yehova, kumbi muchitengepu kanthu cha?
Kumbi mulutirizgengi kuja cheti kweniso kuzomereza kuti tisuzgiki viyo?+
65 “Ndazomereza kuti ŵanthu wo angundipempha cha, andipenji;
Ndazomereza kuti ŵanthu wo alekanga kundipenja andisaniyi.+
Ndingukambiya mtundu wo wadaniyanga pa zina langu cha kuti, ‘Ndini panu, ndini panu!’+
2 Zuŵa losi lamphumphu, ndatambasuliya manja ngangu ŵanthu akumira mtima,+
Ŵanthu wo atenda mu nthowa yiheni,+
Wo atende maŵanaŵanu ngawu;+
3 Ŵanthu wo nyengu zosi atindikwiyisa kwambula soni,+
Wo apereka sembi muminda+ kweniso sembi za josi pavidina.
4 Yiwu aja pakati pa miwunda,+
Ndipu achereza usiku wosi mumalu ngakubisika,*
Aturya nyama ya nkhumba+
5 Yiwu akamba kuti, ‘Ja kwakuwija; ungazanga kufupi ndi ini cha,
Pakuti nde mtuŵa kuluska yiwi.’*
Yiwu ndi josi mumphunu mwangu, motu wo ukole zuŵa losi.
6 Awona! Kwalembeka pa masu pangu;
Ndazamuja ŵaka cheti cha,
Kweni ndazakuŵaweze,+
Ndazakuŵaweze mwakukwana*
7 Chifukwa cha kunanga kwawu kweniso kunanga kwa apapi ŵawu akali,”+ Yehova ndiyu wakamba.
“Chifukwa chakuti yiwu apereka sembi za josi pamapiri
Ndipuso andinyoza pamitunthu,+
Ndazamukwamba ndi kuŵapimiya malipiru ngawu ngakukwana.”*
8 Yehova wakamba kuti:
“Nge mo viŵiya asani vinyu wasonu wasanirika mukhoroza la mphereska
Ndipu munthu munyaki wakamba kuti, ‘Mungalinanganga cha, pakuti mwe vinthu vamampha,’*
Ndivu so ndazamuchita chifukwa cha ateŵeti ŵangu;
Ndazamunanga wosi cha.+
9 Ndazamutuzga mphapu* mwaku Yakobe
Kweniso ndazamuchitiska kuti mwaku Yuda mutuwi munthu yo wazamuhara mapiri ngangu;+
Akusankhika ŵangu azamuja mwenimo,
Ndipu ateŵeti ŵangu azamuja mwenimo.+
10 Sharoni+ wazamuja malu ngakuliskaku mbereri
Ndipu Dambu la* Akori+ lazamuja malu ngakupumuliyaku ng’ombi,
Venivi vazamuchitikiya ŵanthu ŵangu wo atindipenja.
11 Kweni yimwi mwe pakati pa ŵanthu wo akana Yehova,+
Ŵanthu wo aluwa phiri langu lakupaturika,+
Ŵanthu wo anozge thebulu chiuta wa Mwaŵi,
Kweniso ŵanthu wo azaziya chiuta wa Vakulembeke Limu makapu nga vinyu wakusazga.
12 Mwaviyo, ndazakukuperekani ku lipanga,+
Ndipuso mosi mwazamukotama kuti mubayiki,+
Chifukwa chakuti ndingukudanani kweni mungumuka cha,
Ndingulongoro kweni munguvwisiya cha;+
Mungulutirizga kuchita vinthu viheni pa masu pangu,
Ndipuso mungusankha kuchita vinthu vo vileka kundikondwesa.”+
13 Mwaviyo, Yehova, Ambuya Fumu Yikulu, wakamba kuti:
“Awonani! Ateŵeti ŵangu azamukurya, kweni yimwi mwazamuja ndi nja.+
Awonani! Ateŵeti ŵangu azamukumwa,+ kweni yimwi mwazamukufwa ndi nyota.
Awonani! Ateŵeti ŵangu azamukondwa,+ kweni yimwi mwazamulengeseka.+
14 Awonani! Ateŵeti ŵangu azamudaniriza mwakukondwa chifukwa cha mtima wakukondwa,
Kweni yimwi mwazamuliya chifukwa chakupwetekeka mtima
Kweniso mwazamutenje chifukwa cha kusweka mtima.*
15 Mwazamuleka zina lo akusankhika ŵangu azakuligwiriskiya ntchitu pakutemba,
Ndipu Yehova, Ambuya Fumu Yikulu, wazakukubayani mosi,
Kweni ateŵeti ŵaki wazakuŵapaska zina linyaki;+
16 Mwakuti weyosi yo watijipenje vitumbiku pacharu chapasi,
Wazamutumbikika ndi Chiuta wauneneska,*
Ndipu weyosi yo walapizga pacharu chapasi
Pakuti masuzgu ngakali ngazamuluwika;
Ngazamubisika mu masu ngangu.+
17 Pakuti awonani! Ndilenga kuchanya kufya ndi charu chapasi chifya;+
Vinthu vakali vazamukumbukika so cha,
Ndipu vazamuseremu so cha mumtima.+
18 Mwaviyo, zayani ndipuso kondwani kwamuyaya chifukwa cha vinthu vo ndilenga.
Pakuti awonani! Ndilenga Yerusalemu kuja chinthu chakukondwesa
Ndipuso ndilenga ŵanthu ŵaki kuja chinthu chakuzayiya.+
19 Ndazamukondwa chifukwa cha Yerusalemu kweniso ndazamuzaya chifukwa cha ŵanthu ŵangu;+
Chiwawa cha kuliya pamwenga kutenje chifukwa cha masuzgu, vazamuvwika so cha mwaku iyu.”+
20 “Kweniko kwazamuŵavi litema lo lazamuja ndi umoyu kwa mazuŵa ngamanavi,
Kweniso kwazamuŵavi khongwi lo lazamutondeka kufiska mazuŵa ngaki.
Pakuti weyosi yo wazamukufwa we ndi vyaka 100, wazamuja nge mnyamata ŵaka,
Ndipu wakubuda wazamutembeka, chinanga kuti wangaja ndi vyaka 100.*
22 Yiwu azamuzenga nyumba kuti wajemu munthu munyaki cha.
Ndipuso azamulima kuti waryi munthu munyaki cha.
Pakuti mazuŵa nga ŵanthu ŵangu ngazamuja nge mazuŵa nga chimiti,+
Ndipu ŵanthu ŵangu akusankhika azamukondwa ukongwa ndi ntchitu za manja ngawu.
24 Ndipu ŵechendadani, ndazamumuka;
Ŵechendamalizi kulongoro, ndazamukuvwa.
25 Mphumphi ndi mwana wa mbereri, vazamuryiya limoza,
Nkharamu yazamukurya uteka nge ng’ombi,+
Ndipu njoka yazamukurya fuvu.
Vazamupweteka weyosi cha pamwenga kunanga chinthu chechosi muphiri langu losi lakupaturika,”+ Yehova ndiyu wakamba.
66 Yehova wakamba kuti:
“Kuchanya ndi mpandu wangu waufumu, ndipu charu chapasi ntchakukandapu maphazi ngangu.+
2 “Janja langu ndilu lapanga vinthu vosi venivi,
Ndipu vosi venivi vikupangika viyo,” Yehova ndiyu wakamba.+
“Ndazamulereska ku munthu uyu,
Ku munthu wakujiyuyuwa kweniso wakusweka mtima yo wambwambwanthiya chifukwa cha* mazu ngangu.+
3 Munthu yo wabaya ng’ombi yinthulumi wayanana ndi yo wabaya munthu.+
Yo wapereka sembi mbereri wayanana ndi yo wafyo khosi la galu.+
Yo wapereka mphasu wayanana ndi yo wapereka ndopa za nkhumba!+
Yo wapereka sembi yachikumbusu ya libani+ wayanana ndi yo watumbika ŵanthu mwakugwiriskiya ntchitu mazu nga masenga.*+
Yiwu asankha nthowa zawu,
Ndipu akondwa ndi vinthu vakuseruska.
4 Mwaviyo, ndazamusankha nthowa zakuŵalangiya,+
Ndipuso ndazamukuza kwaku yiwu ndi vinthu vo vitiŵachitiska mantha.
Chifukwa chakuti ndati ndadana, pengavi yo wangumuka;
Ndati ndalongoro, pengavi yo wanguvwisiya.+
Yiwu angulutirizga kuchita vinthu viheni pa masu pangu,
Ndipuso angusankha kuchita vinthu vo vileka kundikondwesa.”+
5 Vwani mazu ngaku Yehova, yimwi mumbwambwanthiya chifukwa cha* mazu ngaki:
“Abali ŵinu wo atikutinkhani kweniso wo atikupatuwani chifukwa cha zina langu angukamba kuti, ‘Yehova wakankhuskiki!’+
Kweni Iyu wazamuwoneke ndipuso wazamukuza ndi likondwa kwaku yimwi,
Ndipu yiwu ndiwu azamulengeseka.”+
6 Mutawuni muvwika chiwawa, munyumba yakusopiyamu muvwika chiwawa!
Ntchiwawa chaku Yehova yo waweze arwani ŵaki mwakuŵapaska chilangu cho atenere kulonde.
7 Nthumbu yechendayuki, wangubala.+
Urwirwi wa pakubala wechendamuziyi, wangubala mwana munthulumi.
8 Ndiyani yo wakuvwapu chinthu cha viyo?
Ndiyani yo wakuwonapu vinthu va viyo?
Kumbi charu chingabalika mu zuŵa limoza?
Pamwenga kumbi mtundu ungabalika pa nyengu yimoza?
Kweni nthumbu yaku Ziyoni yati yayuka ŵaka, wangubala ŵana anthulumi.
9 “Kumbi ndimufikiskengi pa nyengu yakubala, ndi kuleka kumubalisa?” Yehova ndiyu wakamba.
“Pamwenga kumbi ndingachitiska kuti wayambi kubala, pavuli paki ndi kujala chibaliru?” Chiuta waku ndiyu wakamba.
10 Sekeriyani ndi Yerusalemu ndipu kondwani nayu,+ mosi yimwi mutimuyanja.+
Zayani nayu ukongwa, yimwi mosi mutimuliriya,
11 Pakuti mwazamuwonkha be laki lakupembuzga ndi kuguta,
Ndipu mwazamukumwa ndi kusaniya likondwa mu unkhankhu waki ukulu.
12 Pakuti Yehova wakamba kuti:
“Awonani, nditimupaska chimangu nge msinji+
Kweniso unkhankhu wa mitundu ya ŵanthu nge msinji wakututuma.+
Mwazamuwonkha ndipuso mwazamupingika muchiwunu,
Kweniso mwazamupembelezeke* pamakongonu.
13 Nge mo ama apembuzgiya mwana wawu,
Nani ndazamulutirizga kukupembuzgani;+
Ndipu mwazamupembuzgika chifukwa cha Yerusalemu.+
14 Mwazamuwona venivi, ndipu mtima winu wazamukondwa,
Viwanga vinu vazamutipitiya nge vipozwa.*
15 “Pakuti Yehova wazamukuza nge motu,+
Ndipu magaleta ngaki nge nge chimphunga,+
Kuti waweze ndi ukali ukulu,
Kuti wachenyi ndi milipu ya motu.+
16 Pakuti Yehova wazamupereka cheruzgu ndi motu,
Wazamupereka cheruzgu ku ŵanthu wosi ndi lipanga laki;
Ndipu ŵanthu wo azamubayika ndi Yehova azamuja anandi.
17 “Wo atijipatuwa ndi kujitowesa kuti asere muminda*+ kulondo yo we pakati, wo aturya nyama ya nkhumba,+ vinthu vaukazuzi kweniso mbeŵa,+ wosi azamumaliya limoza,” Yehova ndiyu wakamba. 18 “Pakuti ndiziŵa ntchitu zawu ndipuso maŵanaŵanu ngawu, ndituza kuziwunganisa ŵanthu amitundu yosi kweniso vineneru vosi, ndipu azamukuza ndi kuwona unkhankhu wangu.”
19 “Ndazamuŵika chisimikizu pakati pawu, ndipu anyaki mwa ŵanthu wo apona ndazakuŵatuma ku mitundu ya ŵanthu, ŵanthu akuziŵa kuponya uta, a ku Tashishi,+ Puli ndi Ludi.+ Kweniso ndazakuŵatuma ku ŵanthu a ku Tubala ndi Yavani+ kweniso kuvirwa vakutali, ku ŵanthu wo ŵechendavwepu vakukwaskana ndi ini kweniso wo ŵechendawonepu unkhankhu wangu; ndipu azamupharazga unkhankhu wangu pakati pa mitundu ya ŵanthu.+ 20 Yiwu azamukuza ndi abali ŵinu wosi nge mphasu kwaku Yehova kutuliya ku mitundu yosi ya ŵanthu.+ Azamukuza nawu pamahachi, mumagaleta, mungolu zakujala pachanya, panyama za nyulu* kweniso pangamila zakutchimbiya ukongwa. Azamukwere nawu kuphiri langu lakupaturika, Yerusalemu,” Yehova ndiyu wakamba, “nge mo Ayisirayeli alutiya kunyumba yaku Yehova ndi mphasu zawu muchiyaŵi chakutowa.”
21 “Ndazamutopu anyaki kuti aje asembi kweniso Alevi,” Yehova ndiyu wakamba.
22 Yehova wakamba kuti: “Pakuti nge mo kuchanya kufya ndi charu chapasi chifya+ vo ndilenga vijaliriyengi pa masu pangu, ndimu so mphapu* yaku kweniso zina laku vijaliyengi.”+
23 “Kutuwa pa mwezi wufya kufika pa mwezi wufya unyaki, ndipuso kutuwa pa zuŵa la sabata kufika pa zuŵa la sabata linyaki,
Ŵanthu wosi azamusere kuti asindami pa masu pangu,”*+ Yehova ndiyu wakamba.
24 “Ndipu azamutuliya kubwalu ndi kuwona mathupi nga ŵanthu wo angundigarukiya;
Pakuti mpholozi pamathupi ngo zazamukufwa cha,
Motu wawu wazamuzimwika cha,+
Ndipu azamuja chinthu chakuseruska ku ŵanthu wosi.”
Kung’anamuwa kuti, “Utaski waku Yehova.”
Pamwenga kuti, “watimuziŵa cha mbuyaki.”
Mazu ngaki chayingu, “Vakamika cha.”
Pamwenga kuti, “yimwi akulamuliya.”
Pamwenga kuti, “chisambizu chaku.”
Matholi mbana a ng’ombi.
Mazu ngaki chayingu, “ngatuŵa nge sinoo.”
Vinthu vo vijaliya asani ayengetuwa visulu.
Pamwenga kuti, “moŵa wa tirigu.”
Vinthu vo vijaliya asani ayengetuwa visulu.
Viwoneka kuti vimiti ndi minda vikoliyana ndi kusopa angoza.
Pamwenga kuti, “ulongozgi wazamutuwa.”
Pamwenga kuti, “wazamunozga.”
Pamwenga kuti, “ko kutuliya lumwi.”
Tinyama timanatimana ta nja.
Pamwenga kuti, “ndije wakuchizga winu.”
Mazu ngaki chayingu, “azamukurya vipasu va ntchitu zawu.”
Mazu ngaki chayingu, “vakutowese vakuwoneka nge mwezi wufya.”
Mazu ngaki chayingu, “chiŵandi.”
Kung’anamuwa kulengeseka chifukwa cha kuleka kuyirwa kweniso kuŵavi ŵana.
Pamwenga kuti, “azamumalika.”
Mazu ngaki chayingu, “mavi nga.”
Pamwenga kuti, “wa kutuzgapu.”
Mazu ngaki chayingu, “masipani 10.”
Wonani Fundu Zakukumaliya B14.
Wonani Fundu Zakukumaliya B14.
Wonani Fundu Zakukumaliya B14.
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Kung’anamuwa Yerusalemu.
Pamwenga kuti, “mu urunji waki.”
Pamwenga kuti, “akana ulongozgi waku.”
Pamwenga kuti, “polu lachiziŵisu.”
Pamwenga kuti, “nganozgeka kuti ngahomi.”
Pamwenga kuti, “nge nkharamu zimanazimana zanthazi.”
Mazu ngaki chayingu, “Ndachetamisika.”
Pamwenga kuti, “mphapu.”
Kung’anamuwa kuti, “Akujaku Pe Ndiwu Awengeku.”
Yapa pangafwatulikiya so kuti, “timupapasuwi.”
Pamwenga kuti, “ndi kupankhuwa mpanda waki.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Kung’anamuwa kuti, “Chiuta We Nasi.”
Pamwenga kuti, “masa.”
Yanga ndi madambu ngo ngaja ndi maji mu nyengu ya vuwa pe.
Kung’anamuwa Msinji wa Yufureti.
Tholi ndi mwana wa ng’ombi.
Pamwenga kuti, “masa.”
Mazu yanga ngatenere kuti ngang’anamuwa kuti, “Kutchimbiriya ku Vinthu Vakuphangika ku Nkhondu, Kuza Liŵi ku Vinthu Vakuphangika ku Nkhondu.”
Pamwenga kuti, “achitiyi ukaboni.”
Mazu ngaki chayingu, “ndingundere kufupi.”
Kung’anamuwa muwolu waku Yesaya.
Shilowa yenga ngalandi ya maji.
Kung’anamuwa Msinji wa Yufureti.
Wonani Yes 7:14.
Pamwenga kuti, “Mangani malamba.”
Pamwenga kuti, “ulongozgi.”
Pamwenga kuti, “Ndimulindizgengi ndi mtima wosi.”
Mazu ngaki chayingu, “matandakucha.”
Pamwenga kuti, “boma; ulamuliru wa mulongozgi.”
Pamwenga kuti, “boma laki; ulamuliru wa mulongozgi.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Pamwenga kuti, “ko kutuliya lumwi.”
Pamwenga kuti, “ko kuselere lumwi.”
Yapa pangafwatulikiya so kuti, “jani la chimiti cha kantchindi; deti.”
Pamwenga kuti, “unkhankhu winu.”
Mazu ngaki chayingu, “ndazamulanga.”
Pamwenga kuti, “chilangu chazakuŵabenekere.”
Pamwenga kuti, “mbavi.”
Pamwenga kuti, “mzimu.”
Tholi ndi mwana wa ng’ombi.
Yapa pangafwatulikiya so kuti, “Mwana wa ng’ombi ndipuso nkharamu vazamuryiya pamoza.”
Pamwenga kuti, “polu lachiziŵisu.”
Pamwenga kuti, “Mitundu ya ŵanthu yazamupenja.”
Kung’anamuwa Babiloni.
Pamwenga kuti, “polu lachiziŵisu.”
Mazu ngaki chayingu, “azamusika paphewa la.”
Pamwenga kuti, “ko kuselere lumwi.”
Pamwenga kuti, “ko kutuliya lumwi.”
Pamwenga kuti, “Yiwu azamulongo nthazi zawu paku.”
Yapa pangafwatulikiya so kuti, “wazamukamuska.”
Mazu ngaki chayingu, “lilimi.”
Kung’anamuwa Msinji wa Yufureti.
Yapa pangafwatulikiya so kuti, “wazakuwupuma kuti uje timisinji 7.”
Pamwenga kuti, “mzimu.”
“Ya” ndi mazu ngakudumuwa nga zina lakuti Yehova.
Pamwenga kuti, “Pangiyani.”
Mazu ngaki chayingu, “yiwi munthukazi wakuja,” kung’anamuwa ŵanthu wosi ndipu akambika nge munthukazi.
Pamwenga kuti, “polu lachiziŵisu.”
Mazu ngaki chayingu, “asoskiyeni.”
Mazu ngaki chayingu, “wo ndatowesa.”
Mazu ngaki chayingu, “kweniso magulu ngaki nga nyenyezi nga Kesili,” panyaki ang’anamuwa gulu la nyenyezi la Oriyoni pamwenga magulu nga nyenyezi ngapafupi.
Pamwenga kuti, “yo nkhutowa kwa maufumu.”
Yapa pangafwatulikiya so kuti, “Ndipu viŵanda vakukozgana ndi mbuzi vazamundwikangandwikanga.”
Pamwenga kuti, “wazakuŵapumuzga.”
Pamwenga kuti, “ŵanthu wo ŵenga akapitawu ŵawu.”
Pamwenga kuti, “mazu ngakunyoza ngakukwaskana.”
Pamwenga kuti, “Yo wenga kapitawu.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Mazu ngaki chayingu, “Aphongu.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Anyaki akamba kuti, “kumpotu.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Mazu ngaki chayingu, “munyumba yaki.”
Pamwenga kuti, “mphanda.”
Mazu ngaki chayingu, “Wenuwu mbulongozgi wo ndapereka wakususkana ndi.”
Pamwenga kuti, “janja lo lanozgeka kuti lipumi.”
Anyaki akamba kuti, “kumpotu.”
Mazu ngaki chayingu, “mathenga nga mtundu wo.”
Pamwenga kuti, “Nyumba yakusopiyamu.”
Ili ndi dambu lo lija ndi maji mu nyengu ya vuwa pe.
Pamwenga kuti, “mphanda zaki zo zachita kuti pakasa ndi mphereska ziyera.”
Yapa pangafwatulikiya so kuti, “Pakuti kuliya kwa nkhondu chifukwa cha vipasu vinu va mu chihanya kweniso chivuna chinu kwamala.”
Anyaki akamba kuti, “bangwi.”
Pamwenga kuti, “Mu vyaka vitatu, vo vaŵerengeka mwakuphwere nge mo munthu waganyu waŵerenge”; kung’anamuwa vyaka vitatu chayivu.
Pamwenga kuti, “Chidika cha.”
Wonani Mazu ngo Ngakonkhoskeka.
Pamwenga kuti, “wakukondwesa.”
Pamwenga kuti, “Ndipu waŵikamu chiuta wachilendu.”
Pamwenga kuti, “polu lachiziŵisu.”
Anyaki akamba kuti, “lipenga.”
Yapa pangafwatulikiya so kuti, “ndilereskengi kutuliya.”
Uwu ndi mtundu wa vimauteka vo vime mumphepeti mwa msinji pamwenga mumathaŵali.
Chakume cho chapandikanga mu nyengu zakali, ndipu achigwiriskiyanga ntchitu pakupanga uzu wakupangiya salu.
Pamwenga kuti, “azamusuzgika maŵanaŵanu.”
Pamwenga kuti, “Mefisi.”
Yapa pangafwatulikiya so kuti, “mani nga chimiti cha kantchindi pamwenga deti.”
Pamwenga kuti, “mura wa asilikali.”
Pamwenga kuti, “wangwenda wavwala vakuvwala vamukati pe.”
Pamwenga kuti, “kwambula kuvwala sapatu.”
Pamwenga kuti, “kweniso ambula kuvwala sapatu.”
Mazu ngaki chayingu, “vo vichitiskengi kuti Ayijipiti aje nkhuli.”
Pamwenga kuti, “yo akhumbira kutowa kwaki.”
Viwoneka kuti akamba chigaŵa cha Babiloni wakali.
Mazu ngaki chayingu, “Ndichu chifukwa chaki muchiwunu mwangu mwazaza urwirwi.”
Mazu ngaki chayingu, “Pakati pa mazulu ngaŵi po.”
Pamwenga kuti, “pasonju ya mulonda.”
Mazu ngaki chayingu, “Mbewu ya.”
Kung’anamuwa kuti, “Kuja Cheti.”
Mazu ngaki chayingu, “chidika chachipalamba.”
Pamwenga kuti, “Mu chaka chimoza, cho chaŵerengeka mwakuphwere nge mo munthu waganyu waŵerenge”; kung’anamuwa chaka chimoza pe.
Viwoneka kuti akamba Yerusalemu.
Pamwenga kuti, “akukwera pamahachi.”
Pamwenga kuti, “wanozga.”
Pamwenga kuti, “Vidika vaku vamampha ukongwa.”
Pamwenga kuti, “akukwera pamahachi azamukuma.”
Pamwenga kuti, “Wakuchipanga Mura.”
Pamwenga kuti, “nyumba yachifumu.”
Mazu ngaki chayingu, “watijijobe nyumba.”
Pamwenga kuti, “mphukira.”
Kung’anamuwa msinji wo utuwa mu Msinji wa Nayelu.
Yapa pangafwatulikiya so kuti, “Kulivi so dowoku.”
Mazu ngaki chayingu, “nge mazuŵa nga.”
Anyaki akamba kuti, “bangwi.”
Pamwenga kuti, “Wanyongoro chisku cha charu.”
Yapa pangafwatulikiya so kuti, “chimira.”
Pamwenga kuti, “lakali.”
Yapa pangafwatulikiya so kuti, “wamira.”
Pamwenga kuti, “kuzambwi.”
Pamwenga kuti, “muchigaŵa chakuvuma.”
Pamwenga kuti, “Kutowa.”
Mazu ngaki chayingu, “mumalu ngamdima.”
Pamwenga kuti, “Azakuŵalanga.”
Mazu ngaki chayingu, “pa ŵara ŵaki.”
Mazu ngaki chayingu, “wazamumeza.”
Pamwenga kuti, “salu yakudika kumutu.”
Pamwenga kuti, “wazamutuzgapu.”
Yapa pangafwatulikiya so kuti, “ŵanthu wo maŵanaŵanu ngawu ngasukunyika cha.”
“Ya” ndi mazu ngakudumuwa nga zina lakuti Yehova.
Kung’anamuwa kuti Chiuta kweniso zina laki, vikumbukiki pamwenga kuti viziŵiki.
Mazu ngaki chayingu, “Thupi langu lazamuyuka.”
Yapa pangafwatulikiya so kuti, “dungwi la muvakume.”
Pamwenga kuti, “Ndipu charu chapasi chazamubala wo akufwa.”
Mazu ngaki chayingu, “Wazamukumbuka.”
Wonani Mazu ngo Ngakonkhoskeka.
Viwoneka kuti akamba Isirayeli, ndipu yapa wakambika nge kuti ndi munthukazi kweniso wayeruzgikiya ndi munda wa mphereska.
Pamwenga kuti, “ko kutuliya lumwi.”
Wonani Mazu ngo Ngakonkhoskeka.
Tholi ndi mwana wa ng’ombi.
Kung’anamuwa Msinji wa Yufureti.
Viwoneka kuti akamba tawuni yikulu ya Samariya.
Pamwenga kuti, “chakujikuzga; chakunyada.”
Pamwenga kuti, “vakujikuzga; vakunyada.”
Pamwenga kuti, “Chingwi chakupimiya pa chingwi chakupimiya, chingwi chakupimiya pa chingwi chakupimiya.”
Mazu ngaki chayingu, “mwakugwiriskiya ntchitu milomu yachimama.”
Pamwenga kuti, “Chingwi chakupimiya pa chingwi chakupimiya, chingwi chakupimiya pa chingwi chakupimiya.”
Yapa pangafwatulikiya so kuti, “tafiska chiwona.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Yapa pangafwatulikiya so kuti, “Asani azivwisa, azamuja ndi mantha chayingu.”
Pamwenga kuti, “chidika.”
Pamwenga kuti, “charu chosi chapasi.”
Mtundu wa tirigu wambula kuzirwa yo wapandikanga ku Ijipiti.
Pamwenga kuti, “watimuchenya mwakwenere.”
Pamwenga kuti, “Yo khumbu laki ndakuziziswa.”
Pamwenga kuti, “yo zeru zaki zikulu.”
Panyaki kung’anamuwa kuti, “Chipembu cha chakuperekiyapu sembi chaku Chiuta,” viwoneka kuti akamba Yerusalemu.
Mazu ngaki chayingu, “alendu.”
Mazu ngaki chayingu, “munthu yo wachenya.”
Kung’anamuwa kubwanthuka chifukwa cha soni kweniso kuguŵa.
Mazu ngaki chayingu, “wo adira moŵa pasi nge sembi kwa achiuta ŵawu,” viwoneka kuti ang’anamuwa kupangana.
Mazu ngaki chayingu, “Kuti akabisami mumalu ngakuvikilirika ngaku Farawo.”
Wonani Mazu ngo Ngakonkhoskeka.
Pamwenga kuti, “akapiyengi maji muchisimi.”
Pamwenga kuti, “atimulindizga ndi mtima wosi.”
Pamwenga kuti, “vachisulu chakusongono.”
Yapa pangafwatulikiya so kuti, “ndipu mwazamukamba kuti vakuseruska.”
Mazu ngaki chayingu, “chazamuja chakututuŵa kweniso chakudaku mafuta.”
Pamwenga kuti, “wakufyoka viwanga.”
Pamwenga kuti, “mvuchi.”
Pamwenga kuti, “kunjegheyu zawu.”
Pamwenga kuti, “yo mutijitowese kuti muchiti phwandu.”
Anyaki akamba kuti, “mabangwi.”
Yapa mazu ngakuti, “Tofeti” ngamiya malu ngakuwotchiyaku vinthu, pamwenga ngamiya kunangika.
Pamwenga kuti, “ŵanthu akukwera pamahachi.”
Pamwenga kuti, “motu.”
Mazu ngaki chayingu, “ngakubisamapu.”
Pamwenga kuti, “Kuti wachiti vinthu mwambula ulemu.”
Pamwenga kuti, “sonju yasiyika.”
Pamwenga kuti, “sonju ya mulonda.”
Pamwenga kuti, “mufwatuwa.”
Pamwenga kuti, “nthazi yidu.”
Kung’anamuwa murwani.
Yapa pangafwatulikiya so kuti, “chimira.”
Pamwenga kuti, “wazamulunguruka.”
Wonani Mazu ngo Ngakonkhoskeka.
Matholi mbana a ng’ombi.
Viwoneka kuti ang’anamuwa Bozira, tawuni yikulu ya ku Edomu.
Mazu ngaki chayingu, “Wazakuchipima ndi mya.”
Yapa pangafwatulikiya so kuti, “Ndipu chiŵanda chakukozgana ndi mbuzi chazamudana chinyaki.”
Mazu ngaki chayingu, “Ndipu janja laki lavigaŵiya malu mwakugwiriskiya ntchitu chingwi chakupimiya.”
Pamwenga kuti, “azamuduka.”
Pamwenga kuti, “mura wa akupereka vakumwa.”
Pamwenga kuti, “nyumba yachifumu.”
Pamwenga kuti, “chineneru cha ku Siriya.”
Mazu ngaki chayingu, “Munditumbiki kweniso muzi kwaku ini.”
Pamwenga kuti, “nyumba yachifumu.”
Pamwenga kuti, “nyumba yachifumu.”
Pamwenga kuti, “kunyozeka.”
Mazu ngaki chayingu, “pakuti ŵana aza kali pakhomu la chibaliru.”
Mazu ngaki chayingu, “mzimu mwaku iyu.”
Mazu ngaki chayingu, “wanguyitambasuwa.”
Yapa pangafwatulikiya so kuti, “pakati.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Pamwenga kuti, “lakuŵinda.”
Pamwenga kuti, “migelu ya Nayelu.”
Mazu ngaki chayingu, “vikuchitika.”
Pamwenga kuti, “ndikupangiya.”
Pamwenga kuti, “ko kutuliya lumwi.”
Kung’anamuwa Hezekiya.
Pamwenga kuti, “vo vimengi kutuliya ku mbewu zo zinguwa pasi.”
Pamwenga kuti, “munyumba yakusopiyamu.”
Mazu ngaki chayingu, “pa mazuŵa ngaku.”
Viwoneka kuti masitepusi ngenanga angagwiriskiyanga ntchitu kuti aziŵi nyengu, ndipu chithuthuzi ndichu chaŵawovyanga.
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
“Ya” ndi mazu ngakudumuwa nga zina lakuti Yehova.
Mazu ngaki chayingu, “Ndiyendengi chisku nkholi.”
Kung’anamuwa mazu ngaku Chiuta kweniso vo wachita.
Mazu ngaki chayingu, “Mwatuzgapu maubudi ngangu ngosi pa masu pinu.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Mazu ngaki chayingu, “Toni keki ya mkuyu wakumira wakukanyata ndipu muyibatiki.”
Mazu ngaki chayingu, “Hezekiya wangukondwa nawu.”
Pamwenga kuti, “nyumba yaki yachifumu.”
Pamwenga kuti, “munyumba yaku yachifumu.”
Pamwenga kuti, “munyumba yangu yachifumu.”
Pamwenga kuti, “munyumba yaku yachifumu.”
Mazu ngaki chayingu, “mu mazuŵa ngangu.”
Pamwenga kuti, “kweniso mucharu mujengi uneneska.”
Pamwenga kuti, “mwakumupembuzga.”
Pamwenga kuti, “Walonde malipiru kuwereza kaŵi.”
Mazu ngaki chayingu, “Ngweruwani.”
Pamwenga kuti, “mzimu.”
Pamwenga kuti, “wazamuliska.”
Utali wakutuwa pa chikumbu chikulu kufika pa chikumbu chimana asani janja latambasulika. Wonani Fundu Zakukumaliya B14.
Yapa pangafwatulikiya so kuti, “yo wavwisa.”
Anyaki akamba kuti, “vilumba.”
Pamwenga kuti, “Lebanoni wangapereka cha nkhuni zakukwana.”
Pamwenga kuti, “chikozgu chachisulu chakusongono.”
Pamwenga kuti, “alongozgi.”
Anyaki akamba kuti, “vilumba.”
Pamwenga kuti, “jani cheti pa masu pangu.”
Pamwenga kuti, “kutuliya kuvuma.”
Kung’anamuwa kumuteŵete.
Mazu ngaki chayingu, “mbewu.”
Kung’anamuwa wambula kuvikilirika kweniso wakusika.
Mazu ngaki chayingu, “chidika chachipalamba.”
Mazu ngaki chayingu, “ndiyu wavilenga.”
Mazu ngaki chayingu, “vinthu vakwamba.”
Mazu ngaki chayingu, “kuti tiŵikepu mtima widu.”
Anyaki akamba kuti, “kumpotu.”
Pamwenga kuti, “kutuliya kuvuma.”
Pamwenga kuti, “achiŵi kwa alongozgi.”
Pamwenga kuti, “ndi vinthu vakuti kulivi.”
Pamwenga kuti, “vikozgu vachisulu chakusongono.”
Anyaki akamba kuti, “vilumba.”
Pamwenga kuti, “kulindizga ulongozgi waki.”
Mazu ngaki chayingu, “mumalu ngamdima.”
Pamwenga kuti, “Unkhankhu wangu ndigaŵana ndi munthu weyosi cha.”
Anyaki akamba kuti, “vilumba.”
Anyaki akamba kuti, “vilumba.”
Anyaki akamba kuti, “vilumba.”
Pamwenga kuti, “ngafulati.”
Pamwenga kuti, “vachisulu chakusongono.”
Pamwenga kuti, “anguvwiya cha ulongozgi waki.”
Mazu ngaki chayingu, “mbewu.”
Pamwenga kuti, “ko kutuliya lumwi.”
Pamwenga kuti, “ko kuselere lumwi.”
Anyaki akamba kuti, “kumpotu.”
Panyaki ang’anamuwa vinthu vakwamba vo vichitikengi kunthazi.
Pamwenga kuti, “ndi kundithemba.”
Pamwenga kuti, “vakuchita vaku vakugaruka.”
Panyaki ang’anamuwa asambizi a Dangu.
Pamwenga kuti, “kutuliya po ukuwiya.”
Kung’anamuwa kuti, “Wakunyoloka,” zina laulemu laku Isirayeli.
Pamwenga kuti, “pacharu chanyota.”
Mazu ngaki chayingu, “mbewu.”
Kung’anamuwa vikozgu.
Pamwenga kuti, “chikozgu chachisulu chakusongono.”
Pamwenga kuti, “nyumba yakusopiyamu.”
Pamwenga kuti, “chijiku chakumira.”
Pamwenga kuti, “va achimi aboza.”
Mazu ngaki chayingu, “Kuti ndifwatuwi malamba muviwunu va mafumu.”
Mazu ngaki chayingu, “Ndazakukumanga lamba.”
Pamwenga kuti, “Kwambiya kuvuma mpaka kuzambwi.”
Mazu ngaki chayingu, “chipasi.”
Pamwenga kuti, “yo wasuskana.”
Yapa pangafwatulikiya so kuti, “Pamwenga kumbi dongu lingakamba kuti: ‘Ntchitu yaku yilivi vikoleru’?”
Mazu ngaki chayingu, “ada.”
Mazu ngaki chayingu, “munthukazi.”
Pamwenga kuti, “Mutuvwa urwirwi wa pakubala kuti mubalenji?”
Yapa pangafwatulikiya so kuti, “Antchitu a ku.”
Yapa pangafwatulikiya so kuti, “amalonda a ku.”
Mazu ngaki chayingu, “Azamupemphera kwaku yiwi kuti,”
Pamwenga kuti, “Yo wakuchilenga kuti chiŵevi kanthu kekosi cha.”
Mazu ngaki chayingu, “mbewu.”
Mazu ngaki chayingu, “mbewu.”
Kung’anamuwa angoza wo apingika pavinyama.
Anyaki akamba kuti, “mbuha.”
Pamwenga kuti, “Khumbu langu lifiskikengi.”
Pamwenga kuti, “kutuliya kuvuma.”
Pamwenga kuti, “kuti wafiski khumbu langu.”
Yapa pangafwatulikiya so kuti, “ndipu weyosi yo ndazamukumana nayu ndazakumuchitiya lisungu cha.”
Yapa pangafwatulikiya so kuti, “Chinanga kuti we ndi masenga nganandi kweniso nyanga zanthazi.”
Yapa pangafwatulikiya so kuti, “Wo agaŵa machanya; Akusanda nyenyezi.”
Mazu ngaki chayingu, “wazamuselere kuchigaŵa chaki.”
Yapa pangafwatulikiya so kuti, “yimwi mwatuwa mwaku.”
Pamwenga kuti, “chikozgu changu chachisulu chakusongono.”
Pamwenga kuti, “Ndakusandani.” Panyaki kuti, “Ndakusankhani.”
Pamwenga kuti, “Unkhankhu wangu ndigaŵana ndi munthu weyosi cha.”
Pamwenga kuti, “limoza ndi.”
Mazu ngaki chayingu, “mbewu.”
Anyaki akamba kuti, “vilumba.”
Mazu ngaki chayingu, “ndechendatuwi mumoyu.”
Pamwenga kuti, “Kweni Yehova wandichitiyengi urunji.”
Pamwenga kuti, “mphotu yangu ye.”
Yapa pangafwatulikiya so kuti, “ngazamuja pachanya pa mitunthu yambula kanthu.”
Anyaki akamba kuti, “kumpotu.”
Pamwenga kuti, “ko kuselere lumwi.”
Pamwenga kuti, “polu langu lachiziŵisu.”
Mazu ngaki chayingu, “pachifuŵa chawu.”
Pamwenga kuti, “lilimi lakusambizika umampha.”
Yapa pangafwatulikiya so kuti, “mo ndingachiskiya munthu wakuvuka mwakugwiriskiya ntchitu mazu ngamampha.”
Pamwenga kuti, “yo wangalimbana nani.”
Pamwenga kuti, “Tiyeni tilereskani.”
Mazu ngo ngafwatulikiya kuti nyenji ngang’anamuwa kachidononu kakuphululuka ko katurya vakuvwala.
Pamwenga kuti, “ndipu wagomezgengi.”
Mbaliŵali ndi motu wo uphwalaphwatuka pamwenga kuŵalika.
Mbaliŵali ndi motu wo uphwalaphwatuka pamwenga kuŵalika.
Pamwenga kuti, “azamulindizga nthazi zangu.”
Mazu ngo ngafwatulikiya kuti nyenji ngang’anamuwa kachidononu kakuphululuka ko katurya vakuvwala.
Yapa pangafwatulikiya so kuti, “Mpholozi.”
Wonani Mazu ngo Ngakonkhoskeka.
Kung’anamuwa Ziyoni.
Pamwenga kuti, “wathereske.”
Pamwenga kuti, “ngazamusoŵa chakukamba.”
Yapa pangafwatulikiya so kuti, “wagomezga vinthu vo tikuvwa?”
Mazu ngakuti “Iyu” ngangang’anamuwa weyosi yo wawona pamwenga Chiuta.
Pamwenga kuti, “Ndipu asani tamuwona, palivi kawonekeru kapade ko tingakhumbira kwaku iyu.”
Yapa pangafwatulikiya so kuti, “Wenga nge munthu yo ŵanthu angumulazga gonthu.”
Pamwenga kuti, “vakukwaskana ndi umoyu waki.”
Pamwenga kuti, “wangubayika.”
Pamwenga kuti, “Ndipu munthu munyaki wazakumupaska masanu.”
Mazu ngaki chayingu, “ndi munthu wakukhupuka.”
Mazu ngaki chayingu, “mbewu.”
Pamwenga kuti, “yo we ndi mbuyaki.”
Pamwenga kuti, “Wakukupanga Mura.”
Pamwenga kuti, “we nge mbuyaku.”
Mazu ngaki chayingu, “kweniso wakupwetekeka mu mzimu.”
Pamwenga kuti, “mya yamotu.”
Mazu ngaki chayingu, “Weyosi yo wazakukuyukiya wazamukuwa chifukwa chaku yiwi.”
Pamwenga kuti, “ndalama zo mwazisuzgikiya.”
Mazu ngaki chayingu, “chakurya chamafuta.”
Pamwenga kuti, “cho ntchakuthembeka.”
Pamwenga kuti, “wagowokengi ndi mtima wosi.”
Sinoo ndi maji ngakukhoma ngo ngawoneka tuu nge mche wakusilirika ndipu ngatuwa kutuliya kuchanya.
Pamwenga kuti, “Ndipu chazakumupangiya zina.”
Kung’anamuwa kufwa.
Yapa pangafwatulikiya so kuti, “Kutuliya ku.”
Kung’anamuwa mumadindi.
Ili ndi dambu lo lija ndi maji mu nyengu ya vuwa pe.
Ili ndi dambu lo lija ndi maji mu nyengu ya vuwa pe.
Pamwenga kuti, “ndijisangaluski.”
Panyaki kung’anamuwa kusopa angoza.
Yapa pangafwatulikiya so kuti, “kwa fumu.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Mazu ngaki chayingu, “ulakatuka.”
Pamwenga kuti, “kuti ukondwi ndi.”
Mazu ngaki chayingu, “ndizitu.”
Mazu ngaki chayingu, “ndipu venga viheni mu masu mwaki.”
Pamwenga kuti, “mkhanju wapanthuwa.”
Anyaki akamba kuti, “vilumba.”
Mazu ngaki chayingu, “mwa mbewu yaku.”
Mazu ngaki chayingu, “mwa mbewu ya mbewu yaku.”
Mazu ngaki chayingu, “mtima waku wazamukhung’uska kweniso wazamuzaza.”
Mazu ngaki chayingu, “ngazakukubenekere.”
Pamwenga kuti, “pakwamba.”
Pamwenga kuti, “wazakukutowesa.”
Mazu ngaki chayingu, “ndimangi.”
Pamwenga kuti, “watoweseki.”
Mazu ngaki chayingu, “mu mugonezi ndi mugonezi.”
Pamwenga kuti, “chuma cha.”
Mazu ngaki chayingu, “mbewu.”
Mazu ngaki chayingu, “mbewu.”
Pamwenga kuti, “mkhanju wapanthuwa.”
Pamwenga kuti, “polu lachiziŵisu.”
Yapa pangafwatulikiya so kuti, “vakutchesama.”
Pamwenga kuti, “kuthereska.”
Pamwenga kuti, “pamaji ngandimba.”
Pamwenga kuti, “muchipululu?”
Pamwenga kuti, “lakutowa.”
Pamwenga kuti, “ngakutowa.”
Mazu ngaki chayingu, “Kuvunduka kwa mukati mwinu.”
Mazu ngaki chayingu, “muchitiska.”
Mazu ngaki chayingu, “muchitiska.”
Pamwenga kuti, “wo atimulindizga mwakuzikira.”
Mazu ngaki chayingu, “tisongonoki.”
Mazu ngaki chayingu, “tiwondi ndi janja la.”
Pamwenga kuti, “Yo wakutipanga.”
Pamwenga kuti, “Nyumba yidu yakusopiyamu.”
Pamwenga kuti, “yakutowa.”
Yapa pangafwatulikiya so kuti, “mutinyumba ta alonda.”
Pamwenga kuti, “vakufipiskika.”
Yapa pangafwatulikiya so kuti, “Ndazakukulongo kuti nde mtuŵa.”
Mazu ngaki chayingu, “muvifuŵa vawu.”
Mazu ngaki chayingu, “muvifuŵa.”
Mazu ngaki chayingu, “mwe thumbiku.”
Mazu ngaki chayingu, “mbewu.”
Pamwenga kuti, “Chidika cha.”
Mazu ngaki chayingu, “kusweka mzimu.”
Pamwenga kuti, “wakugomezgeka.” Mazu ngaki chayingu, “Ame.”
Pamwenga kuti, “wakugomezgeka.” Mazu ngaki chayingu, “Ame.”
Yapa pangafwatulikiya so kuti, “Ndipu yo watondeka kufika vyaka 100, wazamuwoneka nge kuti ngwakutembeka.”
Mazu ngaki chayingu, “mbewu.”
Pamwenga kuti, “yo wafipa mtima ndi.”
Yapa pangafwatulikiya so kuti, “yo wathamika ngoza.”
Pamwenga kuti, “yimwi mufipa mtima ndi.”
Pamwenga kuti, “mwazamususutizikiya.”
Kung’anamuwa uteka wo wame sonu.
Pamwenga kuti, “Ndipu nthazi zaku Yehova zazamuziŵika.”
Kung’anamuwa minda yapade yo asopiyangamu angoza.
Zina ili mu Chiheberi, ling’anamuwa mwana yo wabalika asani bulu munthulumi wakwera hachi yinthukazi.
Mazu ngaki chayingu, “mbewu.”
Pamwenga kuti, “kuti andisopi.”