Ol Miting Bilong Wok

Wik i Kirap Long Mas 10

Singsing 131

10 min: Ol toksave bilong kongrigesen. Mekim wok long ol tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Februeri 1 na Awake! bilong Februeri na tilim tu pepa bilong singautim man i kam long Memorial.

20 min: Bilong Wanem Yumi Mas Bung Wantaim? Wanpela tok na kamapim sampela askim long Wastaua bilong Me 15, 2007, p. 11-​13. Askim odiens long stori long olsem wanem pasin bilong i go long ol miting i bin helpim ol, na olsem wanem ol i bin winim ol hevi na bai ol i ken go oltaim long ol miting.

15 min: “Yumi Inap Givim Samting Long Jehova.”a Wanpela elda bai lukautim dispela hap. Askim odiens long kamapim sampela tok bilong ol skripsa ol i no raitim tok bilong en. Taim yupela i skelim par. 4, stori long wok kongrigesen i gat bilong givim ol kontribiusen bilong yusim na stretim ol samting long Haus Kingdom. (Sapos kongrigesen bilong yupela i save bekim dinau long olgeta wan wan mun o sapos kongrigesen i bin makim mani ol bai givim olsem kontribiusen long olgeta wan wan mun, orait kolim stret hamas mani kongrigesen i mas givim.) Taim yumi mekim olsem, yumi kamapim tenkyu bilong yumi long yumi gat Haus Kingdom na taim yumi givim kontribiusen yumi kisim bikpela amamas long dispela.​—⁠Ap. 20:⁠35.

Singsing 8

Wik i Kirap Long Mas 17

Singsing 144

10 min: Ol toksave bilong kongrigesen. Kirapim odiens long bringim Wastaua bilong Mas 1 na Awake! bilong Mas long Miting Bilong Wok long wik antap na redi long kamapim ol tok bilong tilim ol magasin i stret long teritori bilong yupela. Sampela Toksave bilong Wok Kingdom.

15 min: Askim. Wanpela elda bai lukautim dispela hap. Ritim na stori long olgeta paragraf. Kamapim klia olsem yumi laik bai ol buk stadi grup i liklik, tasol ating sampela samting long hap bilong yupela i mekim na long nau i hatwok long mekim olsem. Kamapim sampela tok long buk Oganaisesen Bilong Mekim Laik Bilong Jehova, p. 70-2. Na tu, ritim par. 1, long p. 120 bilong dispela buk.

20 min: “Olsem Wanem Yumi Ken Helpim Ol Man i Kam Long Memorial?”b Taim yupela i skelim par. 5, mekim sotpela soim long pasin bilong kirapim Baibel stadi wantaim wanpela man husat i bin kam long Memorial.

Singsing 214

Wik i Kirap Long Mas 24

Singsing 111

10 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen.

15 min: Redi Long Tilim Ol Nupela Nius. Toktok wantaim odiens. Stori liklik long Wastaua bilong Mas 1 na Awake! bilong Mas, na bihain askim odiens long ol i ting ol man long teritori bai laikim wanem ol stori na bilong wanem ol i laikim ol dispela stori. Askim odiens long kamapim ol tok ol i tingting long mekim long sampela stori. Ol inap kamapim wanem ol askim bilong kirapim toktok? Ol i tingting long ritim wanem skripsa i stap long stori? Bihainim ol tok i stret long teritori bilong yupela, na mekim soim long pasin bilong tilim Wastaua bilong Mas 1 na Awake! bilong Mas.

20 min: Yumi Bringim Gutpela Tok Bilong Samting i Gutpela Moa. Kirap bilong tok i no ken winim wan minit na wanpela elda i mekim dispela tok em i kisim long Wastaua bilong Julai 1, 2005, p. 18-​19, par. 10-​14. Singautim odiens long stori long olsem wanem taim ol i harim tok bilong Kingdom long namba wan taim, dispela i bin mekim gut bel bilong ol na helpim ol long wetim gutpela samting bai kamap bihain.

Singsing 29

Wik i Kirap Long Mas 31

Singsing 37

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Mas. Stori long “Pas i Kam Long Gavening Bodi.”

20 min: Ol Gutpela Samting Bilong Helpim Yumi. Wanpela elda i mekim dispela tok, em i toktok long ol samting olsem kat Advance Medical Directive/Release na “Askim” i stap long Wastaua, Jun 15, 2004 na Oktoba 15, 2000, em ol i wokim bilong helpim yumi long skelim gut ol samting yumi mas mekim taim yumi sik. Brens ofis i salim ol kat Advance Medical Directive/Release na Identity Card i go long olgeta wan wan kongrigesen. Ol nupela baptais i ken kisim dispela kat na ol bratasista em kat bilong ol i bagarap o i lus ol tu i ken kisim wanpela kat bihain long dispela miting. Sapos kat bilong yu i no bagarap orait no ken kisim nupela. Sapos inap, ol bratasista i mas sainim nem na raitim det samting long kat long neks Buk Stadi Bilong Kongrigesen. Ol wasman bilong Buk Stadi i mas stretim ol samting na bai olgeta bratasista long grup bilong ol i baptais pinis i ken raitim kat Advance Medical Directive/Release na ol i ken helpim ol nupela tu sapos ol i laik kisim helpim. Ol brata i sainim nem olsem witnes i mas lukim brata o sista i sainim nem bilong em long kat. Bihain long dispela miting, ol papamama i baptais pinis i ken kisim Identity Card bilong ol pikinini bilong ol. Sapos ol pikinini bilong yu i gat dispela kat pinis, orait no ken kisim nupela gen. Ol pablisa i no baptais yet ol i ken kisim sampela tok i stap long dispela kat na wokim kat i stret long sindaun na bilip bilong ol yet na bilong ol pikinini bilong ol. Em i savepasin long skelim gut pastaim ol samting yumi wan wan i laik mekim taim yumi sik, na i stret wantaim maus bilong bel em Baibel i skulim pinis. (Snd. 14:15; 27:12) Em i bikpela samting long toktok gut pastaim wantaim ol dokta samting long ol wok bilong dokta na marasin samting yumi ken orait long en. (Brata i lukautim dispela hap i mas ritim blok i stap long Wastaua bilong Jun 15, 2004, p. 31 na ritim tu par. 3 na blok i stap long Wastaua bilong Oktoba 15, 2000, p. 31.) Bilong wokim ol disisen i stret long ol samting yumi mas mekim long blut na marasin, yumi mas stadi gut long ol tok i stap long ol dispela Wastaua. Ol elda i amamas long helpim yumi, tasol ol i no inap tokim yumi long ol samting yumi mas mekim.

15 min: “Strongim Narapela Narapela Long Taim Bilong Autim Tok.” c

Singsing 122

Wik i Kirap Long Epril 7

Singsing 186

10 min: Ol toksave bilong kongrigesen.

20 min: No Ken Surik Long Kisim Baptais. Wanpela elda i mekim dispela tok em i kisim long Wastaua bilong Julai 1, 2006, p. 29-​30, par. 14-​17. Toktok wantaim wanpela o tupela pablisa husat i bin kisim baptais taim ol i yangpela. Wanem samting i kirapim ol long mekim olsem taim ol i yangpela? Olsem wanem baptais i bin helpim ol long kamap strongpela Kristen na dispela i lukautim ol?

15 min: Yu Bin tokaut Stret Long Man Olsem Yu Laik Stadi Wantaim Em? Wanpela tok na kamapim sampela askim long namel pepa bilong Wok Kingdom bilong Janueri 2002, p. 8. Stori long ol tok ol i redim pinis na olsem wanem yumi ken senisim na bai i stret long buk Baibel i Tok. Orait nau mekim wanpela o tupela soim. Kirapim odiens long traim wanpela taim long neks wik long tokaut stret long man olsem ol i laik kirapim Baibel stadi wantaim em long buk Baibel i Tok.

Singsing 225

[Ol Futnot]