Hiob

 3 Enti woreteetee me yi, ɛyɛ ma wo?

Na wo nsa ano adwuma a womfa no nyɛ hwee yi, ɛyɛ?+

Abɔnefoɔ afotuo mmom na wopɛ?

 4 Adɛn, w’ani yɛ onipa ani?

Anaa sɛdeɛ onipa dasani hunu adeɛ no, saa ara na wohu no?

 5 Wo nna te sɛ ɔdasani nna anaa?

Anaa wo mfeɛ te sɛ nnipa mfeɛ?+

 6 Ɛnneɛ adɛn nti na wohwehwɛ me ho mfomsoɔ,

Na wokɔ so hwehwɛ bɔne wɔ me ho?+

 7 Wonim sɛ menni fɔ;+

Na obiara rentumi nnye me mfiri wo nsam.+

 8 Wo ara wo nsa na ɛnwenee me; ɛno ara nso na ɛyɛɛ me.+

Nanso seesei wonya a wobɛsɛe me afiri hɔ koraa.

 9 Mepa wo kyɛw, kae sɛ dɔteɛ na wode yɛɛ me,+

Nanso seesei worema masan adane mfuturo.+

10 Woanhwie me te sɛ nufosuo angu me maame yam anaa?*

Na woamma manyɛ sɛ nufosuo a ada ama adane kyiis anaa?

11 Wode wedeɛ ne honam duraa me ho,

Na wode nnompe ne ntini nwenee me boom.+

12 Woama me nkwa, na wode ɔdɔ a ɛnni hwammɔ adɔ me;

Wohwɛɛ me yie, na wohwɛɛ me nkwa* so.+

14 Sɛ meyɛ bɔne a, wobɛhu me;+

Anka woremfa me mfomsoɔ nkyɛ me.

Na sɛ medi bem mpo a, merentumi mma me ti so,+

Ɛfiri sɛ animguaseɛ ne amanehunu ahyɛ me ma.+

16 Sɛ mema me tiri so a, wohwehwɛ me kye me te sɛ gyata,+

Na wosan de wo tumi bu fa me so.

17 Wode adansefoɔ foforɔ ba bɛdi adanseɛ tia me,

Na woma w’abufuo yɛ kɛse wɔ me so;

Amanehunu baako ba a, na amanehunu foforɔ di so.

19 Anka ɛbɛyɛ sɛ deɛ mamma wiase koraa.

Anka berɛ a wɔyii me firii yafunu mu ara pɛ, wɔde me bɛkɔ adamena mu.’

20 Me nna nyɛ kakraa bi anaa?+ Ma no nnyaa me;

Ma no nyi n’ani mfiri me so, na me ho ntɔ me kakra*+

21 Ansa na makɔ. Mekɔ a, meremma bio.+

Mɛkɔ esum kabii asaase so,*+

22 Mɛkɔ asaase a esum tumm wɔ soɔ so,

Asaase a esum kabii ne sakasaka wɔ so,

Baabi a hann mpo yɛ kusuu.”