Yesaia

11 Nkorabata+ bi bɛfifi Yese dunsini mu,+

Na dua foforɔ bi bɛfefɛ+ afiri ne nhini mu aso aba.

 2 Na Yehowa honhom bɛtena ne so,+

Nyansa+ ne nteaseɛ honhom,

Afotuo ne tumi honhom,+

Nimdeɛ ne Yehowa suro honhom.

Ɛnyɛ deɛ n’ani hunu na ɔbɛgyina so abu atɛn,

Na ɛnyɛ deɛ n’aso te kɛkɛ na ɔbɛgyina so anya obi kasakyerɛ.+

 4 Ɔbɛbu atɛn turodoo* ama ahiafoɔ,

Na ɔde tenenee ayi ntɛn ama asaase so ahobrɛasefoɔ.

Ɔde n’anom abaa bɛbɔ asaase no,+

Na ɔde n’anom home* akum abɔnefoɔ.+

 5 Tenenee bɛyɛ abɔsoɔ abɔ ne sisi,

Na nokorɛdie ayɛ abɔsoɔ wɔ n’asene.+

 6 Pataku ne odwan ba bɛtena,*+

Na ɔsebɔ ne apɔnkye ba ada faako,

Na nantwie ba ne gyata* ne aboa a wadɔre sradeɛ bɛbom atena faako;*+

Na abarimaa ketewa aka wɔn.

 7 Nantwibedeɛ ne sisire bɛbom adidi,

Na wɔn mma ada faako.

 8 Abɔfra a ɔtua nufoɔ ano bɛgoro prammire amena ano,

Na abɔfra a watwa nufoɔ de ne nsa aka ahuritia* bɔn.

 9 Wɔrenyɛ bɔne+

Na wɔrensɛe adeɛ bio wɔ me bepɔ kronkron no nyinaa so,+

Ɛfiri sɛ Yehowa ho nimdeɛ bɛyɛ asaase so ma

Sɛdeɛ nsuo kata po so no.+

Ne hɔ na amanaman bɛhwehwɛ akwankyerɛ,*+

Na ne homebea bɛnya animuonyam.

13 Efraim ahoɔyaa bɛfiri hɔ,+

Na wɔn a wɔtan Yuda no, wɔbɛyi wɔn afiri hɔ.

Efraim ani remmere Yuda,

Na Yuda nso rentan Efraim.+

14 Wɔbɛtu fãã akɔsi Filistifoɔ nkokoɔ* so wɔ atɔeɛ;

Wɔbɛbom afom Apueeɛfoɔ nneɛma.

Wɔbɛtene wɔn nsa wɔ Edom ne Moab so,*+

Na Ammonfoɔ abɛhyɛ wɔn ase.+

15 Egypt po no fã a adidi kɔ asaase mu* no, Yehowa bɛkyɛ mu,*+

Na ɔbɛhim ne nsa wɔ Asubɔnten no*+ so.

Ɔde ne home* hyehyeehye no bɛbɔ n’asutene nson no,*

Na wama nnipa de wɔn mpaboa anante atwa.

16 Na kwantempɔn+ bi bɛfiri Asiria abɛda hɔ ama ne man nkaefoɔ a wɔaka no,+

Sɛdeɛ ebi bɛdaa hɔ maa Israel ɛda a ɔfirii Egypt asaase so no.