Yeremia
20 Berɛ a Yeremia rehyɛ nkɔm yi nyinaa no, na Imer ba Pasur, ɔsɔfoɔ a ɔyɛ Yehowa fie so otitire no retie. 2 Ɛnna Pasur bɔɔ odiyifoɔ Yeremia, na ɔde no bɔɔ dua mu+ wɔ Benyamin Pono a Ɛwɔ Soro wɔ Yehowa fie no mu. 3 Na berɛ a adeɛ kyeeɛ a Pasur yii Yeremia firii dua no mu no, Yeremia ka kyerɛɛ no sɛ:
“Yehowa remfrɛ wo Pasur bio, na mmom wato wo din Ehu Wɔ Baabiara.+ 4 Ɛfiri sɛ deɛ Yehowa aka nie, ‘Mɛma wo ne wo nnamfo nyinaa abɔ hu ɛsiane deɛ ɛbɛto wo no nti, na wɔbɛwuwu wɔ wɔn atamfo sekan ano ama wode w’ani ahunu;+ na mede Yuda nyinaa bɛhyɛ Babilon hene nsa, na ɔbɛtu wɔn ase akɔ Babilon, na ɔde sekan akunkum wɔn.+ 5 Na mede kuro yi mu ahonyadeɛ nyinaa, ne emu nneɛma a wɔabrɛ anya nyinaa, ne emu nneɛma a ɛsom bo nyinaa, ne Yuda ahemfo agyapadeɛ nyinaa bɛma wɔn atamfo.+ Wɔbɛgye afiri wɔn nsam na wɔafom de akɔ Babilon.+ 6 Na wo Pasur, wɔbɛkye wo ne wo fiefoɔ nyinaa akɔ. Wobɛkɔ Babilon, na ɛhɔ na wobɛwuo, na ɛhɔ na wɔbɛsie wo ne wo nnamfo nyinaa, ɛfiri sɛ woahyɛ nkɔm a ɛnyɛ nokorɛ akyerɛ wɔn.’”+
7 O Yehowa, woadaadaa me, na mama woadaadaa me.
Wode w’ahoɔden abu afa me so, na woadi nkonim.+
Daa nkurɔfoɔ sere me;
Obiara di me ho fɛ.+
8 Sɛ mekasa biara a, mede to dwa, na meteam ka sɛ,
“Awudisɛm ne ɔsɛeɛ!”
Yehowa asɛm nti, daa nkurɔfoɔ didii me atɛm na wɔseree me.+
Nanso n’asɛm yɛɛ sɛ egya wɔ m’akoma mu. Ɛyɛɛ sɛ egya a ɛredɛre a wɔato mu wɔ me nnompe mu;
Ɛhyehyee me boroo so,
Na mantumi anka m’ano antom.+
Wɔkaa sɛ: “Montwa no adapaa; momma yɛntwa no adapaa!”
Wɔn a ɛyɛ me sɛ wɔne me te asomdwoeɛ mu mpo pɛ sɛ asɛm to me.+
Wɔkaa sɛ: “Ebia ɔbɛdi nkwaseasɛm,
Na yɛbɛnya no ayɛ no bi atua ka.”
11 Nanso Yehowa gyinaa m’akyi sɛ ɔsabarima a ne ho yɛ hu.+
Ɛno nti wɔn a wɔtan m’ani no bɛsunti, na wɔrennyina.+
Wɔn ani bɛwu pɔtɔɔ, ɛfiri sɛ ɛrensi wɔn yie.
Wɔn aniwuo no rentwam da, na obiara werɛ remfi.+
12 Na wo, asafo Yehowa, wo na wohwehwɛ ɔteneneeni mu;
13 Monto dwom mma Yehowa! Monyi Yehowa ayɛ!
Na wagye mmɔborɔwa* afiri abɔnefoɔ nsam.
14 Nnome nka da a wɔwoo me!
Mma ɛda a me maame woo me no nnnya nhyira!+
15 Nnome nka ɔbarima a ɔbɛkaa asɛmpa kyerɛɛ me papa sɛ:
“Wɔawo ɔbabarima ama wo!”
A ɛno nti ɔdii ahurisie no.
16 Ma saa ɔbarima no nyɛ sɛ nkuro a Yehowa sɛee no a anyɛ No ya no.
Ma ɔnte nkekamu anɔpa, na awia ketee nso, ɔnte dede a ɛyɛ hu.