Yeremia
22 Deɛ Yehowa aka nie: “Siane kɔ Yuda hene fie,* na kɔka asɛm yi. 2 Ka sɛ, ‘O Yuda hene a wote Dawid ahennwa so, tie Yehowa asɛm, wo ne wo nkoa ne wo manfoɔ a wɔfa apono yi mu no. 3 Deɛ Yehowa aka nie: “Mommu atɛntenenee, na monyɛ adetenenee. Monnye deɛ wɔresisi no mfiri osisifoɔ nsam. Monnteetee ɔhɔhoɔ biara, na monnyɛ agyanka anaa okunafoɔ biara bɔne.+ Na monnhwie mogya a ɛdi bem biara nngu wɔ ha.+ 4 Sɛ mohwɛ di asɛm yi so a, ɛnneɛ ahemfo a wɔbɛtena Dawid ahennwa so,+ ne wɔn nkoa, ne wɔn manfoɔ bɛtenatena nteaseɛnam mu ne apɔnkɔ so, na wɔbɛfa efie yi apono mu.”’+
5 “‘Na sɛ moantie asɛm yi a,’ Yehowa asɛm nie, ‘meka me ho ntam sɛ efie yi bɛsɛe pasaa.’+
Nanso mɛma woadane ɛserɛ so;
Wo nkuro no baako mpo nni hɔ a obi bɛtena mu.+
Na wo sida nnua papa paa no, wɔbɛtwitwa agu,
Na wɔato agu gya mu.+
8 “‘Na aman pii bɛtwam wɔ kuro yi ho, na obiara bɛbisa ne yɔnko sɛ: “Adɛn nti na Yehowa ayɛ kuro kɛseɛ yi sei?”+ 9 Na wɔbɛka sɛ: “Ɛfiri sɛ wɔgyaa Yehowa, wɔn Nyankopɔn apam no too baabi, na wɔkɔkotoo anyame foforɔ, na wɔsom wɔn.”’+
10 Monnsu deɛ wawuo no,
Na mommma no nnyɛ mo mmɔbɔ.
Deɛ ɔrekɔ no mmom na monsu no paa,
Ɛfiri sɛ ɔrensan mma bio mmɛhunu asaase a wɔwoo no wɔ so no.
11 “Deɛ Yehowa aka afa Yosia ba Salum,*+ Yuda hene a ɔdii ne papa Yosia+ adeɛ a wafiri ha kɔ no ho nie: ‘Ɔrensan mma ha bio. 12 Ɛfiri sɛ baabi a wɔasoa no kɔ no, ɛhɔ na ɔbɛwuo, na ɔrenhunu asaase yi bio.’+
13 Deɛ ɔsi ne fie, nanso ɛnyɛ tenenee so,
Na ɔsi n’aborosan nanso ɛnyɛ atɛntenenee so,
Na ɔma ne yɔnko nipa yɛ adwuma kwa
A ɔmfa n’akatua mma no no, nnome nka no.+
14 Ɔno na ɔka sɛ, ‘Mɛsi fie a emu so
A ɛwɔ aborosan adan akɛseɛ.
Mɛsisi mpomma wɔ mu,
Na mede sida nnua bɛsam mu, na mede adukɔkɔɔ aka mu.’
15 Wode sida nnua pii yɛ adwuma sene obiara, enti ɛyɛ wo sɛ wobɛkɔ so adi hene anaa?
16 Ɔdii mmɔborɔwa ne ohiani asɛm maa wɔn.
Ɛno nti biribiara kɔɔ yie.
‘Ɛnyɛ ɛno na ɛkyerɛ sɛ obi nim me anaa?’ Yehowa asɛm nie.
17 ‘Na wo deɛ, adeɛ a w’ani ne w’akoma di akyire ara ne sɛ wobɛnya mfaso bɔne,
Na woahwie nnipa a wɔn ho nni asɛm mogya agu,
Na woasisi nkurɔfoɔ abɔ wɔn apoo.’
“O me nuabarima! O me nuabaa!”
Wɔrensu no nka sɛ:
“O yɛn wura! O otumfoɔ!”
19 Wɔbɛsie no sɛdeɛ wɔsie afunumu,+
Wɔbɛtwe no ase, na wɔato no atwene,
Wɔbɛto no atwene Yerusalem kuro apono akyi.’+
20 Foro kɔ Lebanon na kɔsu.
Ma wo nne so wɔ Basan,
Na team firi Abarim,+
Ɛfiri sɛ wɔabubu w’adɔfoɔ a wɔnte wo ho gyae no nyinaa pasapasa.+
21 Berɛ a na wowɔ asomdwoeɛ no, mekasa kyerɛɛ wo.
Nanso wokaa sɛ, ‘Merentie.’+
Saa ara na woayɛ firi wo mmabunberɛ mu,
Na wontie me nne.+
Ɛhɔ na w’ani bɛwu ama animguaseɛ aka wo, w’amanehunu no nyinaa nti.
A woayɛ wo pirebuo wɔ sida nnua mu.+
Sɛ awoɔ mu yea* ba wo so a, wobɛpenepene paa!
Na sɛ ɛyea* ba wo so te sɛ ɔbaa a ɔrewo a, wobɛhunu amane sɛ!”+
24 “‘Berɛ a mete ase yi,’ Yehowa asɛm nie, ‘sɛ Yehoiakim+ ba, Yuda hene Konia,*+ yɛ ahyɛnsodeɛ kawa a ɛhyɛ me nsa nifa mpo a, anka mɛworɔ wo afiri me nsa! 25 Na mede wo bɛhyɛ wɔn a wɔpɛ sɛ wɔku wo* no nsa, ne wɔn a wosuro wɔn no, ne Babilon hene Nebukadnesar,* ne Kaldeafoɔ no nsa.+ 26 Mɛto wo ne wo maame a ɔwoo wo akɔ asaase foforɔ so, baabi a ɛnyɛ hɔ na wɔwoo wo, na ɛhɔ na mobɛwuo. 27 Na asaase a wɔn ani agyina sɛ wɔbɛsan akɔ so no,* wɔrensan mma so bio da.+
28 Saa ɔbarima Konia yi, ɔyɛ kukuo a obiara mfa nyɛ hwee a abubu pasaa anaa?
Ɔyɛ kukuo a obiara mpɛ anaa?
Adɛn nti na wɔato ɔne n’asefoɔ agu fam,
Na wɔato wɔn agu asaase a wɔnnim soɔ so yi?’+
29 O asaase, asaase, asaase, tie Yehowa asɛm.
30 Deɛ Yehowa aka nie:
‘Montwerɛ ɔbarima yi ho asɛm sɛ ɔnni ba,
Montwerɛ ne ho asɛm sɛ ɔbarima a ɛrensi no yie wɔ ne nkwa nna nyinaa mu,
Ɛfiri sɛ n’aseni biara nni hɔ a ɛbɛsi no yie
Ama no atena Dawid ahennwa so adi adeɛ wɔ Yuda bio.’”+