Yeremia
23 “Nnwanhwɛfoɔ a wɔsɛe nnwan a wɔdidi wɔ m’adidibea, na wɔbɔ wɔn hwete no nnue!” Yehowa asɛm nie.+
2 Enti deɛ Yehowa, Israel Nyankopɔn no aka atia ahwɛfoɔ a wɔhwɛ me man no nie: “Moabɔ me nnwan ahwete; moabɔ wɔn apansam, na moante mo ani anhwɛ wɔn.”+
“Enti mo nneyɛɛ bɔne nti, mɛdane m’ani aba mo so,” Yehowa asɛm nie.
3 “Na mɛboaboa me nnwan a aka no ano afiri nsaase a mebɔɔ wɔn hwetee so+ no nyinaa so, na mɛsan de wɔn aba wɔn adidibea,+ na wɔbɛwo na wɔadɔɔso.+ 4 Na mede ahwɛfoɔ a wɔbɛhwɛ wɔn yie bɛsisi wɔn so.+ Wɔrensuro bio, na ehu biara nso renka wɔn, na wɔn mu biara renyera,” Yehowa asɛm nie.
5 “Hwɛ! Nna bi reba,” Yehowa asɛm nie, “na mɛma tenenee dua bi afefɛ* ama Dawid.+ Na ɔhene bi bɛdi hene+ na ɔde nhunumu bɛyɛ adeɛ; ɔbɛbu atɛntenenee na wayɛ adetenenee wɔ asaase no so.+ 6 Ne nna mu no,* wɔbɛgye Yuda,+ na Israel bɛtena hɔ dwoodwoo.+ Na edin a wɔde bɛfrɛ no ne: Yehowa Ne Yɛn Tenenee.”+
7 “Nanso nna bi reba,” Yehowa asɛm nie, “na wɔrenka bio sɛ: ‘Sɛ́ Yehowa a ɔyii Israelfoɔ firii Egypt asaase so baeɛ no te ase yi!’+ 8 na mmom wɔbɛka sɛ, ‘Sɛ́ Yehowa a ɔde Israel fie asefoɔ kɔɔ atifi fam asaase so ne nsaase a mebɔɔ wɔn hwetee so nyinaa so na ɔsan de wɔn baeɛ no te ase yi,’ na wɔbɛtena wɔn ankasa asaase so.”+
9 Deɛ mewɔ ka kyerɛ adiyifoɔ no nie:
M’akoma abubu wɔ me mu.
Me nnompe nyinaa rewoso.
Mayɛ sɛ obi a waboro
Ne ɔbarima a nsã aba n’ani so,
Ɛsiane Yehowa ne ne nsɛm kronkron nti.
Wɔn akwan yɛ bɔne, na wɔde wɔn tumi sisi nkurɔfoɔ.
11 “Odiyifoɔ ne ɔsɔfoɔ nyinaa ho agu fĩ.*+
Mahunu wɔn amumuyɛ no bi wɔ me fie mpo,”+ Yehowa asɛm nie.
Ɛfiri sɛ mede mmusuo bɛba wɔn so
Afe a wɔbɛbu akonta no,” Yehowa na aka.
13 “Mahunu adeɛ tantaantan bi wɔ Samaria adiyifoɔ mu.+
Baal na ɔkanyan wɔn ma wɔhyɛ nkɔm,
Na wɔma me man Israel fom kwan.
14 Na mahunu biribi a ɛyɛ asefem wɔ Yerusalem adiyifoɔ mu.
Wɔsɛe awareɛ,+ na wɔnante nkontompo mu;+
Wɔhyɛ abɔnefoɔ nkuran,*
Na wɔntwe wɔn ho mfiri wɔn amumuyɛ ho.
15 Enti deɛ asafo Yehowa aka atia adiyifoɔ no nie:
“Mɛma wɔadi awɔnwono,
Na mama wɔanom nsuo a awuduro wom.+
Ɛfiri sɛ ɔwaeɛ firi Yerusalem adiyifoɔ mu atrɛ kɔ asaase no nyinaa so.”
16 Deɛ asafo Yehowa aka nie:
“Monntie adiyifoɔ a wɔhyɛ nkɔm kyerɛ mo no nsɛm.+
Wɔredaadaa mo.*
Na obiara a ɔyɛ asoɔden di n’akoma akyi no, wɔka kyerɛ no sɛ,
‘Mmusuo biara remma wo so.’+
18 Na hwan na watena Yehowa nnamfo paa nkyɛn
Ahunu n’asɛm na wate n’asɛm?
Hwan na wawɛn n’aso sɛdeɛ ɛbɛyɛ a ɔbɛte n’asɛm?
19 Hwɛ! Yehowa ahum de abufuo bɛtu;
Ɛbɛyɛ sɛ mframa denden a ɛdi kyinhyia, na ɛbɛtwa ne ho wɔ abɔnefoɔ apampam.+
20 Yehowa abufuo rensan,
Gye sɛ wayɛ deɛ wasusu wɔ n’akomam no awie.
Awieeɛ nna no mu na mobɛte wei ase yie.
21 Mansoma adiyifoɔ no, nanso wɔtuu mmirika.
Manka hwee ankyerɛ wɔn, nanso wɔhyɛɛ nkɔm.+
22 Sɛ wɔtenaa me nnamfo paa nkyɛn a,
Anka wɔbɛma me man ate me nsɛm,
Na anka wɔbɛma wɔasan afiri wɔn kwammɔne ne wɔn nneyɛɛ bɔne no ho.”+
23 “Menyɛ Onyankopɔn a ɔbɛn anaa?” Yehowa asɛm nie, “na menyɛ Onyankopɔn a ɔwɔ akyirikyiri nso?”
24 “Obi bɛtumi de ne ho asie hintabea bi a merenhu no anaa?”+ Yehowa asɛm nie.
“Biribi bɛtumi ahinta wɔ ɔsoro anaa asaase so a merenhu anaa?”*+ Yehowa asɛm nie.
25 “Mate deɛ adiyifoɔ a wɔhyɛ nkɔm a ɛnyɛ nokorɛ wɔ me din mu rekeka no sɛ, ‘Maso daeɛ! Maso daeɛ!’+ 26 Adwene a adiyifoɔ no wɔ sɛ wɔbɛhyɛ nkɔm a ɛnyɛ nokorɛ no, ɛbɛkɔ so wɔ wɔn akomam akɔsi da bɛn? Wɔyɛ adiyifoɔ a wɔka wɔn akomam nnaadaasɛm.+ 27 Wɔpɛ sɛ wɔde adaeɛ a wɔkeka kyerɛ wɔn ho no ma me man werɛ fi me din, sɛdeɛ Baal nti wɔn agyanom werɛ fii me din no.+ 28 Odiyifoɔ a waso daeɛ no, ma no nka daeɛ no, na deɛ m’asɛm wɔ ne nkyɛn no, ma no nka m’asɛm no nokorɛm.”
“Wohwɛ a ntɛtɛ yɔnko ne hwiit* anaa?” Yehowa asɛm nie.
29 “M’asɛm nte sɛ gya anaa,”+ Yehowa asɛm nie, “ɛnte sɛ hamma* a ɛbubu ɔbotan pasaa anaa?”+
30 “Enti hwɛ, me ne adiyifoɔ no anya,” Yehowa asɛm nie, “adiyifoɔ a wɔwia me nsɛm firi wɔn yɔnko hɔ no.”+
31 “Hwɛ, me ne adiyifoɔ no anya,” Yehowa asɛm nie, “adiyifoɔ a wɔde wɔn kɛtrɛma keka sɛ, ‘N’anom asɛm nie!’ no.”+
32 “Hwɛ, me ne adiyifoɔ a wɔsoso atorɔ adaeɛ no anya,” Yehowa asɛm nie, “adiyifoɔ a wɔkeka adaeɛ, na wɔn atosɛm ne wɔn ahohoahoa nti, wɔma me man fom kwan no.”+
“Nanso mensomaa wɔn, na menhyɛɛ wɔn. Ɛno nti wɔremfa mfasoɔ biara mmrɛ ɔman yi,”+ Yehowa asɛm nie.
33 “Na sɛ ɔman yi anaa odiyifoɔ anaa ɔsɔfoɔ bi bisa wo sɛ, ‘Ɛdeɛn ne Yehowa adesoa?’* a, ka kyerɛ wɔn sɛ, ‘“Mo saa nkurɔfoɔ yi, mo na moyɛ adesoa no! Na mɛto mo atwene,”+ Yehowa na aka.’ 34 Na odiyifoɔ anaa ɔsɔfoɔ anaa ɔman yi muni a ɔka sɛ, ‘Wei ne Yehowa adesoa!’* no, mede m’ani bɛsi saa onipa no ne ne fiefoɔ so. 35 Deɛ mo mu biara bisa ne yɔnko ne ne nua ne sɛ, ‘Mmuaeɛ bɛn na Yehowa de ama? Na deɛn na Yehowa aka?’ 36 Na Yehowa adesoa* no deɛ, ɛnsɛ sɛ moka ho asɛm bio, ɛfiri sɛ adesoa* no ne mo ara mo anom asɛm, na Onyankopɔn teasefoɔ no, asafo Yehowa, yɛn Nyankopɔn nsɛm no, moasesa no.
37 “Wei na ka kyerɛ odiyifoɔ no, ‘Mmuaeɛ bɛn na Yehowa de ama wo? Na deɛn na Yehowa aka? 38 Na sɛ mokɔ so ka sɛ “Yehowa adesoa!”* a, ɛnneɛ deɛ Yehowa aka nie: “Ɛsiane sɛ moka sɛ, ‘Asɛm yi ne Yehowa adesoa,’* berɛ a meka kyerɛɛ mo sɛ, ‘Monnka sɛ: “Yehowa adesoa!”* nti,’ 39 hwɛ! Merebɛma mo so na mato mo afiri m’anim atwene, mo ne kuro a mede maa mo ne mo agyanom no. 40 Na mɛma w’ani awu daa na animguaseɛ aka wo afebɔɔ, na obiara werɛ remfi da.”’”+