Yeremia
6 O Benyamin mma, mompɛ baabi nhinta, monnwane mfiri Yerusalem.
Ɛfiri sɛ mmusuo bi firi atifi fam reba, ɔsɛeɛ kɛseɛ bi.+
2 Sion babaa te sɛ ɔbaa hoɔfɛfoɔ a wɔgyegye ne so.+
3 Nnwanhwɛfoɔ ne wɔn nnwankuo bɛba.
4 “Monsiesie mo ho* ne no nkɔko!
Monsɔre mma yɛnkɔto nhyɛ ne so awia ketee!”
“Asɛm ato yɛn! Ɛfiri sɛ adeɛ resa,
Na anwummerɛ sunsum reyɛ tenten!”
6 Na deɛ asafo Yehowa aka nie:
“Montwitwa nnua na monto Yerusalem ho akoban.*+
Ɛyɛ kuro a ɛsɛ sɛ ɛtua ne bɔne so ka;
Nhyɛsoɔ nko ara na ɛwɔ ne mu.+
7 Sɛdeɛ abura ma nsuo a ɛwom yɛ nwunu no,
Saa ara na ɔma ne bɔne yɛ nwunu.
Wɔte sɛ basabasayɛ ne ɔsɛeɛ rekɔ so wɔ ne mu;+
Yareɛ ne ɔhaw na ɛwɔ m’anim daa.
8 O Yerusalem, hwɛ yie, anyɛ saa a, wo ho bɛyɛ me abofono ama matwe me ho* afiri wo ho;+
Mɛma woayɛ amamfo, asaase a obiara nte so.”+
9 Deɛ asafo Yehowa aka nie:
“Wɔbɛsesa Israelfoɔ a aka no akɔ korakora, sɛdeɛ wɔtete bobe a aka ne dua so no.
Ma wo nsa nni akɔneaba sɛ obi a ɔretete bobe afiri bobe dua so.”
10 “Hwannom na menkasa nkyerɛ wɔn na memmɔ wɔn kɔkɔ?
Hwannom na wɔbɛtie?
Hwɛ! Wɔasisi wɔn aso* sɛdeɛ ɛbɛyɛ a ɛrente asɛm.+
Hwɛ! Yehowa asɛm yɛ wɔn ahĩ;+
Wɔnni ho anigyeɛ biara.
“Hwie gu abɔfra a ɔnam abɔnten so,+
Ne mmeranteɛ a wɔaboa wɔn ano so.
Na mɛtene me nsa wɔ asaase no sofoɔ so,” Yehowa asɛm nie.
13 “Ɛfiri sɛ ɛfiri kumaa so kɔsi ɔkɛseɛ so, obiara pɛ mfaso bɔne;+
Ɛfiri odiyifoɔ so kɔsi ɔsɔfoɔ so, wɔn nyinaa bu nkurɔfoɔ fa so.+
Nanso asomdwoeɛ biara nni hɔ.+
15 Akyiwadeɛ a wɔayɛ no, ɛyɛ wɔn aniwu anaa?
Ɛnyɛ wɔn aniwu koraa!
Wɔn ani mmu wɔn dwɛ!*
Ɛno nti, wɔbɛhwehwe ase wɔ wɔn a wɔahwehwe ase mu.+
Na ɛda a mɛba abɛtwe wɔn aso no, wɔbɛsuntisunti,” Yehowa na aka.
16 Deɛ Yehowa aka nie:
“Monkɔgyina nkwanta so na monhwɛ.
Mommisa tete akwantempɔn no ho asɛm,
Mommisa baabi a ɛkwan pa no wɔ, na momfa so,+
Na mo ho nnwo mo.”*
Nanso wɔkaa sɛ: “Yɛremfa so.”+
Nanso wɔkaa sɛ: “Yɛrentie.”+
18 “Ɛno nti, O amanaman, montie!
O asafo, monhunu
Deɛ ɛbɛto wɔn.
19 O asaase, yɛ aso!
Mede amanehunu reba ɔman yi so;+
Ɛyɛ wɔn adwemmɔne so aba na wɔretwa,
Ɛfiri sɛ wɔantie me nsɛm,
Na wɔpoo me mmara.”*
20 “Sɛ mode ɛhyɛ* firi Saba ba a, ɛfa me ho bɛn?
Na mode sibire hwamhwam* firi akyirikyiri asaase so ba a, deɛn na ɛbɛyɛ ama me?
Mempɛ mo hyeɛ afɔreɛ,
Na mo afɔreɛ nso nsɔ m’ani.”+
21 Enti deɛ Yehowa aka nie:
“Mede suntidua bɛto ɔman yi anim,
Na ɛbɛma wɔasunti,
Agyanom ne mma nyinaa,
Ofipamfoɔ ne ne yɔnko,
Na wɔn nyinaa bɛsɛe.”+
22 Deɛ Yehowa aka nie:
“Hwɛ! Ɔman bi firi atifi asaase so reba,
Wɔbɛkanyan ɔman kɛseɛ bi afiri asaase ano akyirikyiri aba.+
23 Wɔde agyan ne pea na ɛbɛba.
Wɔn tirim yɛ den, na wɔrenhu obiara mmɔbɔ.
Wɔn nne bɛgyegye te sɛ ɛpo,
Na wɔtete apɔnkɔ so.+
Wɔbɛboaboa wɔn ho ano aba wo so te sɛ ɔsabarima, O Sion babaa.”
24 Yɛate ho asɛm.
Di awerɛhoɔ te sɛ obi a ɔresu teateam di ne ba baako pɛ wuo ho awerɛhoɔ,+
Ɛfiri sɛ prɛko pɛ na ɔsɛefoɔ no bɛba yɛn so.+
27 “Mede wo* asi hɔ sɛ obi a ɔsɔ dadeɛ hwɛ wɔ me man mu,
Obi a ɔhwehwɛ nneɛma mu yie;
Fa w’ani to fam hwɛ wɔn yie, na hwehwɛ wɔn akwan mu.
Wɔte sɛ kɔbere ne dadeɛ;
Wɔn nyinaa asɛe.
Sumpii* na wɔnya firi wɔn gya mu.