Yeremia
50 Asɛm a Yehowa nam odiyifoɔ Yeremia so ka faa Babilon ho+ ne deɛ ɔka faa Kaldeafoɔ asaase ho nie:
2 “Monka no wɔ amanaman no mu, na mommɔ no dawuro.
Momma ahyɛnsodeɛ* so na mommɔ no dawuro.
Mommfa hwee nnsie!
Monka sɛ, ‘Wɔadi Babilon so nkonim.+
Wɔagu Bel anim ase.+
Ehu aka Merodak.
Wɔagu n’ahoni anim ase.
Ehu aka n’abosom fĩ* no.’
3 Ɛfiri sɛ ɔman bi firi atifi fam aba ne so.+
Ama n’asaase adane biribi a ɛyɛ hu;
Obiara nte hɔ.
Nnipa ne mmoa nyinaa adwane;
Wɔn nyinaa kɔ.”
4 “Saa nna no ne saa berɛ no,” Yehowa asɛm nie, “Israelfoɔ ne Yudafoɔ bɛbom aba.+ Wɔde esũ na ɛbɛnante aba.+ Na wɔbɛbom ahwehwɛ Yehowa wɔn Nyankopɔn no.+ 5 Wɔbɛbisa baabi a Sion kwan wɔ, na wɔde wɔn ani bɛkyerɛ hɔ+ aka sɛ, ‘Mommra mma yɛmfa yɛn ho nkɔbata Yehowa ho na yɛne no nyɛ daa apam a obiara werɛ remfi.’+ 6 Me man adane nnwan a wɔayera.+ Wɔn ankasa ahwɛfoɔ ama wɔafom kwan.+ Wɔde wɔn nenam mmepɔ so; wɔfiri bepɔ so a, na wɔkɔ kokoɔ so. Wɔn werɛ afi wɔn homebea. 7 Wɔn a wɔhu wɔn nyinaa kye wɔn we,+ na wɔn atamfo ka sɛ, ‘Yɛnni fɔ, ɛfiri sɛ Yehowa na wɔayɛ no bɔne; wɔayɛ bɔne atia Yehowa a ɔyɛ tenenee tenabea ne wɔn agyanom anidasoɔ no.’”
8 “Monnwane mfiri Babilon,
Momfiri Kaldeafoɔ asaase so nkɔ,+
Na monyɛ sɛ adwennini* a wɔdi nnwan anim.
Wɔbɛhyehyɛ wɔn ho aba na wɔne no abɛko,*
Na ɛhɔ na wɔbɛfiri adi ne so nkonim.
10 Kaldea bɛdane nneɛma a nkurɔfoɔ nya firi ɛko mu.*+
Wɔn a wɔfom ne nneɛma nyinaa bɛmee paa,”+ Yehowa asɛm nie.
Mokɔɔ so de mo nan dwiridwirii fam te sɛ nantwie* a ɔde ne nan dwiridwiri ɛserɛ,
Na mokɔɔ so suu sɛ apɔnkɔnini.
Deɛ ɔwoo mo no nsa asi fam.
Hwɛ! Ɔno ne ɔman a mfasoɔ nni so koraa wɔ amanaman mu,
Ɔyɛ ɛserɛ a nsuo nni so ne anwea pradadaa.+
Obiara a ɔbɛtwam wɔ Babilon bɛtɛɛ n’anom ahwɛ,
Monto agyan nkɔ ne so, monnnya agyan no
baako mpo,+
Ɛfiri sɛ Yehowa na wayɛ no bɔne.+
15 Monteam dendeenden ngu ne so wɔ afã nyinaa.
Ɔde ne ho ama* ɛfiri sɛ wadi nkoguo.
Montua ne so ka.
Deɛ ɔde ayɛ nkurɔfoɔ no, saa ara na momfa nyɛ no.+
Atirimuɔden sekan no nti, obiara bɛsan akɔ ne nkurɔfoɔ nkyɛn,
Na obiara bɛdwane akɔ n’asaase so.+
17 “Israelfoɔ yɛ nnwan a wɔahwete.+ Agyata abɔ wɔn apansam.+ Deɛ ɛdi kan, Asiria hene tetee wɔn mu;+ ɛnna Babilon hene Nebukadnesar* nso bobɔɔ wɔn nnompe mu.+ 18 Enti deɛ asafo Yehowa, Israel Nyankopɔn no aka nie: ‘Hwɛ, Babilon hene ne n’asaase nyinaa, mɛyɛ wɔn adeɛ, sɛdeɛ meyɛɛ Asiria hene adeɛ no.+ 19 Na mɛsan de Israel aba n’adidibea,+ na ɔbɛdidi wɔ Karmel ne Basan.+ Na ɔbɛdidi* amee wɔ Efraim+ ne Gilead+ mmepɔ so.’”
20 “Saa nna no ne saa berɛ no,” Yehowa asɛm nie,
“Wɔbɛhwehwɛ Israel mmarato
Nanso wɔrenhunu,
Na Yuda bɔne nso, wɔrenhunu,
Ɛfiri sɛ wɔn a mɛma wɔaka no, mede wɔn bɔne bɛkyɛ wɔn.”+
21 “Foro kɔto hyɛ Merataim asaase no so, na kɔ Pekodfoɔ so.+
Ma wɔnkunkum wɔn nyinaa, na wɔnsɛe wɔn pasaa,” Yehowa asɛm nie,
“Yɛ deɛ maka akyerɛ wo no nyinaa.
23 Hamma* a ɛbubu asaase so aman nyinaa no, hwɛ sɛdeɛ wɔatwa ato fam na wɔabubu no!+
Hwɛ sɛdeɛ Babilon adane biribi a ɛyɛ hu wɔ amanaman no mu!+
24 O Babilon, masum wo fidie ama ayi wo,
Nanso woanhunu.
Wɔahu wo, na wɔakye wo,+
Ɛfiri sɛ Yehowa na woko tiaa no.
Ɛfiri sɛ Awurade Tumfoɔ, asafo Yehowa wɔ adwuma bi yɛ
Wɔ Kaldeafoɔ asaase so.
26 Momfiri akyirikyiri mmra ne so.+
Mommue adan a ɔkora n’aduane wom no.+
Mommoaboa n’ano nsum hɔ te sɛ ayuo.*
Monsɛe no pasaa.+
Mommma onipa biara nnka mmma no.
Asɛm ato wɔn, ɛfiri sɛ wɔn berɛ aso;
Wɔn akontabuo da no aso!
28 Wɔte wɔn a wɔredwane no nne,
Wɔn a wɔredwane afiri Babilon asaase so no.
Wɔrekɔka wɔ Sion sɛ Yehowa yɛn Nyankopɔn no retua bɔne so ka,
Ɔretua bɔne so ka ama n’asɔrefie.+
Montwa ne ho nhyia; mommma obiara nnnwane.
Montua no ka sɛdeɛ ne nnwuma teɛ.+
Deɛ ɔde ayɛ nkurɔfoɔ no, saa ara na momfa nyɛ no.+
Ɛfiri sɛ wayɛ ahantan wɔ Yehowa so,
Wayɛ ahantan wɔ Israel Kronkronni no so.+
30 Enti ne mmeranteɛ bɛtotɔ wɔ ne mmɔnten so,+
Na n’asraafoɔ nyinaa bɛsɛe* saa da no,” asafo Yehowa asɛm nie.
31 “O wo a wommu hwee,+ hwɛ! me ne wo anya,”+ Awurade Tumfoɔ, asafo Yehowa asɛm nie,
“Ɛfiri sɛ wo da bɛba, ɛda a mɛma woabu akonta no.
Mede gya bɛto wo nkuro mu,
Na ɛbɛhye biribiara a atwa wo ho ahyia.”
33 Deɛ asafo Yehowa aka nie:
“Wɔhyɛ Israelfoɔ ne Yudafoɔ so,
Na wɔn a wɔakye wɔn kɔ no ayere wɔn.+
Wɔmpɛ sɛ wɔgyaa wɔn ma wɔkɔ.+
34 Nanso wɔn Gyefoɔ no ho yɛ den.+
Asafo Yehowa ne ne din.+
Deɛ ɛteɛ biara, ɔbɛdi wɔn asɛm ama wɔn+
Sɛdeɛ ɛbɛyɛ a ɔbɛma asaase no ahome,+
Na wama Babilonfoɔ ho ayera wɔn.”+
35 “Sekan reba Kaldeafoɔ so,” Yehowa asɛm nie,
“Ɛreba Babilonfoɔ ne wɔn mpanimfoɔ ne wɔn anyansafoɔ so.+
36 Sekan reba wɔn a wɔka nsɛnhunu* so, na wɔbɛdi nkwaseasɛm.
Sekan reba ne mmarima a wɔnim ko so, na wɔbɛbɔ hu.+
37 Sekan reba wɔn apɔnkɔ ne wɔn ko nteaseɛnam so,
Sekan reba firamanfiramanfoɔ a wɔwɔ ne mu no nyinaa so,
Na wɔbɛyɛ sɛ mmaa.+
Sekan reba n’agyapadeɛ so, na nkurɔfoɔ bɛfom.+
Ɛfiri sɛ ɛyɛ ahoni asaase,+
Na wɔn anisoadehunu a ɛyɛ hu no nti, wɔkɔ so yɛ wɔn nneɛma sɛ abɔdamfoɔ.
Onipa biara rentena hɔ bio da,
Na obiara remfa hɔ nyɛ ne tenabea awoɔ ntoatoasoɔ nyinaa mu.”+
40 “Sɛdeɛ Onyankopɔn butuu Sodom ne Gomora+ ne ɛho nkuro no,”+ Yehowa asɛm nie, “saa ara na obiara rentena hɔ, na onipa biara rensoɛ hɔ.+
41 “Hwɛ! Ɔman bi firi atifi fam reba.
Wɔbɛma ɔman kɛseɛ bi ne ahemfo akɛseɛ+
Afiri akyirikyiri asaase so aba.+
Berɛ a wɔtete wɔn apɔnkɔ so reba no.
Wɔahyehyɛ wɔn ho aka abom sɛ onipa baako ne wo rebɛko, O Babilon babaa.+
Ne ho yera no,
Na ɛyea a ɔrefa mu no te sɛ ɔbaa a ɔrewo.
44 “Hwɛ! Obi bɛforo abɛto ahyɛ adidibea a wɔabɔ ho ban no so te sɛ gyata a ɔfiri Yordan kwaeɛbirentuo mu, nanso mɛma wɔadwane* afiri hɔ ntɛm. Na mɛma deɛ wɔayi no no adi ne so.+ Hwan na ɔte sɛ me, na hwan na ɔne me bɛdi asie? Odwanhwɛfoɔ bɛn na ɔbɛtumi agyina m’anim?+ 45 Enti mmarima, montie pɔ a Yehowa abɔ wɔ Babilon ho;+ na deɛ wabɔ ne tirim sɛ ɔbɛyɛ Kaldeafoɔ asaase nie:
Deɛ ɛteɛ biara, wɔbɛtwe nnwan mma no ase akɔ.
Wɔn nti, ɔbɛma wɔn tenabea asɛe pasaa.+