Te ʼu Teuteu Ki Te ʼAho Fakamanatu

Neʼe kua fakahā koa ki te hahaʼi fuli, feiā kia ia ʼaē ka ina fai te akonaki, te hola pea mo te faʼahi totonu ʼaē ʼe fai ai te toʼotoʼoga ʼaia? ʼE ʼi ai koa he motokā ʼa te tagata ʼaē ka ina fai ia te akonaki?

Kua fai koa he ʼu fakatuʼutuʼu tāfito moʼo hinoʼi he tahi ke ina teuteuʼi te pane mo te vino?

Neʼe kua fakatuʼutuʼu koa ke haʼu he tahi mo he kie fola laupapa ʼe maʼa, mo he ʼu ipu pea mo he ʼu pa?

Koteā koa te ʼu fakatuʼutuʼu neʼe fai ʼo ʼuhiga mo te fakamaʼa ʼo te Fale ʼo te Puleʼaga?

Ko nātou ʼe kau ki te gāue fakatalitali pea mo te ʼu tagata feʼāveʼaki ʼo te pane pea mo te vino neʼe kua ʼosi fili koa nātou? Neʼe fakatuʼutuʼu koa he fono mo nātou ʼaia ia muʼa ʼo te ʼaho Fakamanatu ʼo vakaʼi ai pe koteā tanatou gāue? ʼE hoko koa ʼafea? ʼE feafeaʼi koa tatatou faiga ke feʼāveʼaki te pane mo te vino kia nātou fuli ʼaē ʼi te fono?

Neʼe tou fai koa he fakatuʼutuʼu moʼo tokoni ki te ʼu tēhina pea mo te ʼu tuagaʼane ʼe matutuʼa peʼe māʼimoa? Neʼe fai koa he ʼu fakatuʼutuʼu ke feala ai te fakahā ʼo te pane mo te vino ki te ʼu kilisitiano fakanofo ʼaē neʼe mole feala tanatou ʼomai ki te Fale ʼo te Puleʼaga?