Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 2 ʼo Maio ki te vāhaʼa 22 ʼo ʼAukusito 1994. koutou tali ʼo tohi ki he laupepa te atu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼa kotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” ʼi te ʼosi ʼo te ʼu kupuʼi palalau ʼaenī:
1. ʼI te hili ʼaē ʼo te fetogi e Moisese te vai ʼo Esipito ko te toto, neʼe faʼifaʼitaki e te ʼu pelepitelo ʼo Esipito te faʼahi ʼaia pea e lagi neʼe nātou fakaʼaogaʼi he vai ʼe maʼa moʼo fakahoko ʼo tanatou gāue fakamanamana. (Ek. 7:19-24) [Lau ʼo te Tohi-Tapu; vakaʼi te w84 15/1 p. 30.]
2. Ko te mālama ʼaē ko te Schékinah neʼe hā lelei ʼi te faʼahi Taputapu ʼo te tapenakulo pea mo te fale lotu ʼo Salomone. (Vakaʼi ia Ekesote 25:21, 22.) [Lau ʼo te Tohi-Tapu.]
3. Ko te “tuʼutāmaki ʼaē ʼe hoko ai mo te mate” ʼe fakaʼaogaʼi pe ia ki te faʼe. (Ek. 21:23) [Lau ʼo te Tohi-Tapu; vakaʼi te w77 pp. 703-704]
4. Ko te maʼuli ʼo Sesu neʼe ina fakamoʼoni ai ko Atama neʼe feala tana nofo agatonu mo kapau neʼe loto ia ki ai pea neʼe mole tonu ai ke fakakoviʼi te meʼa ʼaē neʼe fakatupu e te ʼAtua. [uw p. 52 § 11]
5. Ko te kaugana ʼaē ʼe talanoa ki ai ia Luka 19:20-24, ʼaē neʼe foaki age ki ai te mina pea neʼe ina fufū ʼi he kie, neʼe agahala, koteʼuhi neʼe mole tokaga ia ʼo fai te gāue ʼaē neʼe tuku age ki ai [gt kap. 100]
6. ʼAki te gāue mālohi pea mo te pipiki katoa ʼaē ki te ʼAtua, ʼe feala ai ke maʼu e he Kilisitiano moʼoni ia te maʼuli heʼegata. [uw p. 36 § 13]
7. Ko te tala ʼo “he lotokovi ia muʼa ʼo te kaugamālie” neʼe ko he leakovi moʼoni. (Lev. 5:1) [Lau ʼo te Tohi-Tapu; vakaʼi te w87 1/9 p. 13.]
8. ʼE mole feala ke tou ʼui ko he fai ʼo he meʼa ʼe kovi ʼe mole hona ʼuhiga, heʼe ko te aga kua māhani ʼo te temi nei. [uw p. 53 § 13]
9. Ko te sakilifisioʼi e te pelepitelo lahi ia te vitulo ʼo ʼuhiga mo te agahala “maʼa ia pea mo tona loto fale” neʼe fakatātā ki te sakilifisio ʼaē ʼa Sesu ʼaē neʼe fakahoko ki “tona loto fale,” ia nātou ʼaē ka fili ko te kau pelepitelo. (Lev. 16:6) [Lau ʼo te Tohi-Tapu; vakaʼi te w87 1/3 p. 28.]
10. ʼI ʼihi temi, ko he tahi age ʼe ina ʼui ʼe kaugana ia kia Sehova, ʼe ina taki pea mo fakaneke niʼihi ʼi te moʼoni ke nātou muliʼi te aga ʼa te hahaʼi ʼo te malamanei. [uw p. 43 § 11]
Koutou tali ki te ʼu fehuʼi ʼaenī:
11. He koʼe neʼe fakatotonu e te ʼAtua kia Moisese ke ʼalu ʼo kole kia Falaone ke ina tuku age he faka fealagia ke ʼalu ai ʼi te ala ʼi te ʼu ʼaho e tolu ʼi te toafa, ka kua ina fakatuʼutuʼu ke ina fakamavae ʼosi ia te kau Iselaele mai Esipito? (Ek. 3:18) [Lau ʼo te Tohi-Tapu; vakaʼi w82 15/4 p. 31.]
12. Ko te fakatuʼu ʼo te higoa ʼo he tahi ʼi te ‘tohi ʼo te maʼuli’ ʼa te ʼAtua ʼe ko te fakamoʼoni koa ʼaia ʼe ina maʼu ia te maʼuli heʼegata? (Ek. 32:32, 33) [Lau ʼo te Tohi-Tapu; vakaʼi te w87 1/9 p. 29.]
13. E feafeaʼi tatatou fakamatala te ʼui ʼaē “Neʼe palalau ia Sehova kia Moisese ʼo nā fehagaʼaki”? (Ek. 33:11) [Lau ʼo te Tohi-Tapu.]
14. ʼI te tohi ʼo Ekesote 9:15, 16, koteā te meʼa neʼe fakahoko e te faʼahiga felogoi ʼa Sehova mo Falaone? [uw p. 57 §§ 6, 7]
15. E feafeaʼi te faka kolōlia e te tohi Levitike ia te huafa ʼo Sehova? [si p. 26 § 9]
16. Koteā ʼaē ʼe fakamanatuʼi e te fakatuʼutuʼu ʼaē ʼo ʼuhiga mo te tapuʼi ʼo te kai ʼo te gako ki te kau kaugana ʼa Sehova ʼo te temi nei? (Lev. 3:17) [Lau ʼo te Tohi-Tapu; vakaʼi te w84 15/5 p. 27.]
17. Ko te ʼāteaina feafeaʼi ʼaē neʼe talanoa kiai Sesu ia Soane 8:32? [uw p. 40 § 6]
18. Koteā ʼaē neʼe lagi pipiki ki te agahala ʼa Nadab pea mo Abihu? (Lev. 10:1, 2) [Lau ʼo te Tohi-Tapu; vakaʼi te w84 15/5 p. 27.]
19. He koʼe koa neʼe fakatuʼutuʼu te fakatūʼa mamafa ki ʼaē ʼe ina ‘pāuiʼi ia te kovi’ ki tana ʼu mātuʼa? (Lev. 20:9) [Lau ʼo te Tohi-Tapu; vakaʼi te w84 15/5 pp. 27-28.]
20. Koteā “te meʼa fakalialia ʼaē ʼe ina fakatupu te maumau” ʼi te ʼuluaki sēkulō, pea koteā tona faka ʼuhiga ia ʼaho nei? (Mat. 24:15) [gt kap. 111]
Koutou māpunuʼi te ʼu kiʼi lapalasi hina ʼaē ʼe tukunoa ʼi te ʼu kupuʼi palalau ʼaenī:
21. Ko te fuakava ․․․․․․․ ʼe tokoni ki te fakatuʼutuʼu ʼo “he puleʼaga ʼo te kau pelepitelo pea mo he hahaʼi maʼoniʼoni.” (Ek. 19:6) [Lau ʼo te Tohi-Tapu; vakaʼi te w89 1/2 pp. 18-19.]
22. Neʼe logo ia te leʼo ʼo Sehova ʼi te temi ʼaē neʼe ․․․․․․․ ai ia Sesu, ʼi te temi ʼaē neʼe ․․․․․․․ ai ia Sesu ʼi ʼonatou muʼa, pea mo te ʼaho 10 ʼo Nisani ʼo te taʼu 33 ʼo totatou temi, ʼi te temi ʼaē neʼe faikole ai ki tana Tāmai ʼi te ․․․․․․․ ʼi Selusalemi. [gt kap. 104]
23. Ko te kau Faliseo ʼe nātou puke he foʼi ․․․․․․․ neʼe tō ki tonatou ipu vino koteʼuhi ʼe heʼemaʼa te kiʼi manu ʼaia ʼi te faʼahi ʼaē ʼo te nāunāu faka lotu, kae ʼi tanatou lotonoa ki te faitotonu, te manavaʼofa, pea mo te agatonu, ʼe hage pe ko tanatou folo he ․․․․․․․ , ko te tahi foki ʼaia manu heʼemaʼa ʼi te faʼahi ʼaē ʼo te nāunāu faka lotu. [gt kap. 109]
24. ʼUhi he neʼe fakaʼaogaʼi e Satana te loi moʼo toho ʼo ʼatatou ʼu ʼuluaki mātuʼa ki te agahala, neʼe fakahigoaʼi ia e Sesu ko te ․․․․․․․ . [uw p. 53 § 13 (1)]
25. Ko te tohi ʼo Levitike neʼe tohi e Moisese ʼi te taʼu ․․․․․․․ . [si p. 25 § 4]
Koutou fakaʼiloga te ʼu tali tonu ʼi te ʼu fakamatala ʼaenī:
26. Ko te kupu ʼaē “ ʼi te vaha ʼo te ʼu afiafi e lua” ʼe faka ʼuhiga ki te temi ʼe kamata ʼi (te fetapā ʼo aʼu ki te tō ʼo te laʼā; te tō ʼo te laʼā ʼo aʼu ki te fakapōʼuli; te afiafi ʼo aʼu ki te tahi afiafi). (Ek. 12:6) [Lau ʼo te Tohi-Tapu.]
27. Ko te fafine ʼaē neʼe talanoa ki ai Sesu ia Mateo 26:13 ko (Malia, te tuagaʼane ʼo Lasalo; Malia, te ʼohoana ʼo Clopas; Malia Maketalena). [gt kap. 101]
28. Ko te meʼa ʼaē ʼe fakahāhā ia Ekesote 40:34 neʼe ko te (fakahā ʼaki ʼaia neʼe fiafia ia Sehova ʼo ʼuhiga mo te tapenakulo; ko te fakamanatuʼi ʼo te fakapulipuli ʼo Sehova; ko he hiva ʼo ʼuhiga mo he ʼu temi fakapōʼuli ka haʼu). [Lau ʼo te Tohi-Tapu; vakaʼi hs p. 67 § 30.]
29. Neʼe fakahigoaʼi e Sesu te ʼu ʼapositolo ʼaē ko (Petelo pea mo Atelea; Filipo pea mo Paletolomeo; Sake pea mo Soane) ko te ʼu “Foha ʼo te Mana” ʼuhi ko tanā agamālohi. [gt kap. 98]
30. Ko te fehuʼi maʼuhiga ʼaē neʼe lagaʼi e Satana ʼi tana fakafihiʼi te maʼua ʼaē ʼo te ʼAtua ke pule pea mo Tana faʼahiga takitaki ʼe fakapipiki ki (te ʼu maʼua ʼo te tagata; te fehuʼi ʼaē pe ko ai ʼe mālohi ʼaupito; te pule faʼitaliha ʼa te ʼAtua ki te ʼatulaulau). [uw p. 46 § 1]
Fakatahiʼi te ʼu kupuʼi palalau ʼaenī pea mo te ʼu vaega ʼe ʼalutahi mo ia:
Sen. 3:1-5; Pes. 24:1; Gāue 8:32-38; Hep. 10:26, 27; 1 Pe. 4:3, 4
31. Ko tatatou ʼiloʼi ʼaē ko te tagata pea mo te kele ko te ʼu meʼa neʼe fakatupu e te ʼAtua pea ko te ʼu meʼa fuli ʼe tou maʼu ko te ʼu meʼa ʼa Sehova ʼe tonu anai ke tokoni kia tatou ke tou agavaivai pea mo fakalogo. [uw p. 39 § 4]
32. ʼE tonu ke tou tokakaga lelei ke ʼaua naʼa tou fakamāhani ʼo fai he ʼu meʼa ʼe tou ʼiloʼi papau ʼe mole leleiʼia e Sehova. [uw p. 33 § 8 (3 mo 4)]
33. Ko te ʼatamai mālama totonu ki te Tohi-Tapu pea mo te loto fakafetaʼi ki tana logo ʼe uga ai te hahaʼi ʼaē ʼe hage ko he ʼu ōvi ke nātou papitema. [uw p. 32 § 7]
34. Tatau aipe peʼe koutou gāue peʼe koutou ʼolo ʼo ako mo ni ʼu hahaʼi ʼe mole tui, ʼe koutou fakahā ʼe mole koutou fili ia nātou ko tokotou ʼu kaumeʼa ʼaki takotou fakamamaʼo mai te ʼu fakakaugā ʼe mole hona ʼaoga pea mo nātou. [uw p. 44 § 13]
35. ʼE maʼuhiga ke tou fakamamaʼo mai te manatu ʼa te mālama ʼaē ʼe ina fakamālohiʼi te hahaʼi ke nātou ʼui ʼe mole nātou maʼu he fua lelei mokā ʼe mole nātou fakatuʼutuʼu he ʼu lekula ʼi tonatou maʼuli. [uw p. 46 § 1]