Ko Te Folafola ʼa Te ʼAtua ʼe Ina Foaki Mai Te Takitaki
1 “He koʼe koa kua kovi feiā te mālama ʼaenī? Koteā anai totatou ka haʼu? ʼE kua koutou fai koa la te ʼu fehuʼi ʼaia? Tokolahi te hahaʼi ʼe lotohoha ʼi tanatou fakatokagaʼi te ʼaluʼaga ʼo te malamanei. ʼE feʼekeʼaki te hahaʼi ʼo ʼuhiga mo te ka haʼu, ʼi tanatou sio ki te ʼu meʼa ʼaē ʼe hoko moʼoni ʼi te malamanei ohage ko te tau, te mahaki, pea mo te fai fakapō. Ko te kau takitaki ʼo te ʼu puleʼaga ʼe mole nātou foaki mai he ʼamanaki ʼe feʼauga. Kae, ʼe feala ke tou maʼu mai te ʼAtua ʼi tana Folafola, he ʼu fakamahino ʼe feala hatatou falala kiai ʼo ʼuhiga mo te ʼu ʼaho fakamuli ʼaenī.”
2 Ko te kamataʼaga ʼaia ʼo te kapite 11 ʼo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tonu ke ʼiloʼi e te hahaʼi ko te Folafola ʼa te ʼAtua, ʼe ina foaki mai te takitaki pea mo te ʼu puleʼaki ʼo ʼuhiga mo te ʼu fihifihia fuli ʼaē ʼe tau mo nātou. ʼE tou faiga anai ke tou tokoni ki te hahaʼi ʼi Tesepeli ʼo tou tufa Te ʼu Koga ʼo Te ʼu Tohi Faka Keleka Faka Kilisitiano pea mo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 450. ʼE mahino papau ia, ko te tuku ʼo te tohi ki he tahi ʼe mole faka ʼuhiga leva ʼe ina tali anai te takitaki ʼa te ʼAtua. ʼE tonu ke tou fai te ʼu ʼaʼahi ʼo tou fakatuʼutuʼu ke tou kamata he ʼu ako Tohi-Tapu. ʼE tou ʼiloʼi papau ʼe tou maʼu anai he tokoni mo kapau ʼe tou faiga feiā. (Mat. 28:19, 20) Koʼeni te ʼu faʼifaʼitaki ʼe feala ke tou mulimuli kiai:
3 Kapau ʼe koutou felāveʼi mo he tahi kua matuʼa, ʼe feala ke koutou fai te ʼu palalau ʼaenī:
◼ “ ʼI te temi ʼaē neʼe ke tūpulaga ai, neʼe feafeaʼi koa la te aga ʼa te hahaʼi ʼo te kolo? [Tuku ke fai atu hana tali.] ʼE kua fetogi ʼaupito te ʼu ʼaluʼaga ʼaia ʼi te temi ʼaenī. ʼI tau manatu, he koʼe kua hoko te fetogi ʼaia? [Tuku ke fai atu hana tali.] ʼE tou sio ʼi te temi nei ki te hoko ʼo te lea faka polofeta ʼo te Tohi-Tapu. [Lau ia Mateo 24:12.] ʼE fakahā lelei mai e te Tohi-Tapu te ʼaluʼaga ʼo te malamanei ʼi te temi ʼaenī, kae ʼe ina toe fakapapau mai foki he mālama ʼe lelei age ki te temi ka haʼu ʼaē kua ōvi mai. Ko te tupuʼaga la ʼaia ʼo tamatou fakaloto mālohiʼi te hahaʼi fuli ke nātou lau te Tohi-Tapu. Neʼe ke fakatokagaʼi koa la te matala lelei ʼo Te ʼu Koga ʼo Te ʼu Tohi Faka Keleka Faka Kilisitiano ʼaē neʼe ʼau lau atu?” Koutou fakamahino age ki ai ʼe feala ke mahino lelei ki te Tohi-Tapu, mo kapau ʼe ina lau ʼi te lea fakaʼuvea, pea mo koutou fakahā age te ʼu tohi faka Tohi-Tapu ʼaē kua fakaliliu ki te lea fakaʼuvea. Koutou fakahā age te tohi Te ʼAtamai Mālama ʼAē ʼe Ina Taki Ki Te Maʼuli Heʼegata pea mo koutou avahi te kapite 11, ʼaē ʼe fakamahino ai te tahi lea faka polofeta ʼaē ʼe tou sio kiai ʼe hoko ʼi te temi nei. Tou tuku te ʼu tohi ʼaia e lua ki te 450.
4 Mokā koutou ʼaʼahi ia ia ʼaē neʼe koutou tuku ki ai “Te ʼu Koga ʼo Te ʼu Tohi Faka Keleka Faka Kilisitiano,” ʼe feala ke koutou ʼui fēnei:
◼ “ ʼI tata palalau talu mai ai, neʼe tā fakamoʼoni kua fakalialia te maʼuli ʼo te hahaʼi ʼo te temi ʼaenī, mo kapau ʼe tou fakatatau mo tonatou maʼuli ki muʼa atu. Kae, neʼe ʼau haʼu ʼo fakahā atu ko te Tohi-Tapu ʼe talanoa ki te ʼu ʼaluʼaga ʼo he mālama ʼe lelei age ʼi te temi ka haʼu. [Lau ia Fakahā 21:3, 4.] ʼI tatatou ʼiloʼi te meʼa ʼaenī ʼe fakahā mai e te Folafola ʼa te ʼAtua, ʼe tonu ai ke ina uga tatou ke tou vakaʼi te tahi ʼu meʼa ʼe talanoa kiai te Tohi-Tapu.” Tou avahi te tohi Te ʼAtamai Mālama ʼi te kapite 1, pea tou lau te palakalafe 6 ki te te 7. Tou fakahā age ki ai ʼe feala ke fai hana ako Tohi-Tapu.
5 Kapau ʼe koutou palalau mo he tūpulaga, ʼe feala ke koutou ʼui age:
◼ “ ʼE ʼau fia fai atu pe he fehuʼi: ʼI tou ʼuhiga tūpulaga ʼe ke manatu koa la ʼe ʼi ai he ʼamanaki ʼo ʼuhiga mo te ka haʼu? E feafeaʼi tau sio ki te ka haʼu? [Tuku ke fai atu hana tali.] Meʼa lelei foki, ʼe feala moʼoni ke tou fakatalitali fakafiafia ki te ka haʼu. [Lau ia Mateo 5:5.] Mai tona ʼaluʼaga ʼaē ʼe lahi te ʼu manatu kehekehe ʼa te hahaʼi ʼo ʼuhiga mo te Tohi-Tapu pea mo te ʼu meʼa ʼaē ʼe tuʼu ʼi loto, koia neʼe mātou tā ai te tohi ʼaenī. Tou fakatokagaʼi te ʼu tupuʼaga tāfito ʼaē ʼe fakahā mai ai pe koʼe ʼe tonu ke tou lau te Tohi-Tapu. [Lau te palakalafe 1 ki te 2 ʼi te pasina 11.] Kapau kua tou tui papau ʼe moʼoni te ʼu meʼa ʼaē ʼe ʼui e te Tohi-Tapu, pea kua tou maʼu he ʼamanaki moʼoni ki te ka haʼu. ʼE ʼau ʼiloʼi papau ʼe ke fia lau anai te tohi ʼaenī, pea ʼe ʼau fia tuku atu anai.”
6 Mokā koutou liliu ʼo ʼaʼahi te tūpulaga ʼaē neʼe ina toʼo te tohi “Te ʼAtamai Mālama,” ʼe feala ke koutou kamata fēnei:
◼ “Neʼe ʼau fiafia ʼi tau ʼui mai ʼaē ʼe ke tuʼania ʼo ʼuhiga mo te ka haʼu. ʼE kei ke manatuʼi neʼe ʼau fakahā atu te vaega ʼi te Tohi-Tapu, ʼe ina fakapapau mai ai he ka haʼu fakafiafia pea mo fakaloto fīmālie. Koʼeni te tahi vaega. [Lau ia Fakahā 21:3, 4 ʼi te pasina 9 ʼo te tohi Te ʼAtamai Mālama.] Ko te tohi ʼaē neʼe ʼau tuku atu ʼe ina foaki atu te ʼu fakamoʼoni ko te Tohi-Tapu ʼe ko te Folafola ʼa te ʼAtua, kae mole ʼa te tagata. ʼE lahi te ʼu meʼa ʼe nātou fakamoʼoni kiai, pea koʼeni te ʼu meʼa ʼaia. [Lau te palakalafe 20 ʼi te pasina 21.] ʼE ʼau fiafia anai ʼi te ako ʼo te Tohi-Tapu mo koe.” Kapau ʼe ina tali te ako Tohi-Tapu ʼaia, pea koutou fehuʼi age ki ai peʼe ʼi ai hana Tohi-Tapu. Kapau ʼe mole ʼi ai pea koutou foaki age Les Saintes Écritures — Traduction du monde nouveau.
7 Ko he tahi ʼe mole ina ʼiloʼi peʼe ina maʼu anai ʼifea he takitaki moʼo tauʼi ʼo te ʼu fihifihia ʼi tona maʼuli, ʼe feala ke koutou ʼui age fēnei:
◼ “ ʼE tou maʼuli ʼi te temi kua teitei pe ke felāveʼi te hahaʼi fuli mo te ʼu fihifihia lahi. Tokolahi ʼe nātou ʼolo ki te ʼu hahaʼi ʼaē ʼe fai tokoni ʼo kumi tanatou takitaki. Ko ʼihi ʼe nātou ʼolo ʼo kumi tokoni ki te ʼu hahaʼi faifakalauʼakau. ʼI tau manatu, ko te faʼahi fea ʼaē ʼe feala ke tou maʼu ai te tokoni fakapotopoto ʼaē ʼe ʼaoga moʼoni anai kia tatou? [Tuku ke fai atu hana tali.] ʼE ʼui e te Tohi-Tapu te meʼa maʼuhiga ʼe ʼaoga kia tatou fuli ke tou mahino kiai.” Tou avahi te tohi Te ʼAtamai Mālama ʼi te pasina 12 pea tou lau ia Selemia 10:23 ʼi te palakalafe 2. ʼOsi ʼaia pea tou lau leva te palakalafe 3. “Ko te tohi ʼaenī ʼe tokoni anai kia koe ke ke mahino peʼe feafeaʼi anai te pulihi e te Puleʼaga ʼo te ʼAtua tatatou ʼu fihifihia fuli. ʼE ʼau ʼiloʼi papau ʼe ke fia lau anai te tohi ʼaenī.”
8 Kapau ʼi takotou ʼuluaki felogoi neʼe koutou palalau ki te ʼaoga ʼaē ke takitaki te tagata, ʼe feala ke hoko atu takotou palalau mokā koutou fai te ʼaʼahi ʼo koutou ʼui fēnei:
◼ “ ʼI tatā felāveʼi talu mai ai, neʼe tā fakamoʼoni ʼe tonu ke takitaki tatou e te ʼAtua mo kapau ʼe tou loto ke tou tauʼi te ʼu fihifihia ʼo totatou maʼuli. ʼO ʼuhiga mo te faʼahi ʼaia, ʼe lagi ke leleiʼia anai te ʼu palalau ʼaē ʼe tuʼu ʼi te tohi ʼaē neʼe ʼau tuku atu. [Lau te palakalafe 11 ʼi te pasina 16 ʼi te tohi Te ʼAtamai Mālama.] ʼE ʼau fiafia anai ʼi te ako ʼo te Tohi-Tapu mo koe, pea koʼeni te faʼahiga fai ʼo te ako.”
9 ʼE tapuakina anai e Sehova tatatou ʼu faiga ʼaē ko te tokoni ki te hahaʼi matutuʼa pea mo te kau tūpulaga, ke nātou mahino ki te maʼuhiga ʼo te Folafola ʼa te ʼAtua pea mo tana takitaki ʼi totatou maʼuli.—Pes. 119:105.