Ucwangciso Lwentlanganiso Yenkonzo
Iveki Eqala NgoMeyi 14
10 imiz: Izaziso zasekuhlaleni neZaziso Ezikhethiweyo kuBulungiseleli Bethu BoBukumkani. Bakhumbuze bonke babuyele noncedo olungakumbi lokomoya kubantu abanomdla ebebeze eSikhumbuzweni.
15 imiz: Ngaba Ubutyebi Bunokukuzisela Ulonwabo? Intetho enikelwa ngumdala, esekelwe kwiMboniselo kaMeyi 15, 1998, iphepha 4-6.
20 imiz: “Ilizwi LikaThixo . . . Linamandla.”a Quka imiboniso emibini elungiselelwe kakuhle, ebonisa indlela iintshumayelo ezimfutshane ezinokulibalaselisa ngayo iLizwi likaThixo.
Ingoma 31 nomthandazo wokuqukumbela.
Iveki Eqala NgoMeyi 21
10 imiz: Izaziso zasekuhlaleni. Ingxelo yemali.
20 imiz: Benza Ukhetho Lobulumko. Intetho esekelwe kwiMboniselo kaOktobha 15, 1997, iphepha 19-21, isiqendu 3-16. Balisa amagqabaza oovulindlela, abonisa isizathu sokuba bavakalelwe kukuba ubomi babo busetyenziswe ngeyona ndlela iyingenelo. Bakhuthaze bonke abakhoyo ukuba bahlolisise amathuba abanawo okuba ngoovulindlela.
15 imiz: Iimfuno zasekuhlaleni.
Ingoma 105 nomthandazo wokuqukumbela.
Iveki Eqala NgoMeyi 28
10 imiz: Izaziso zasekuhlaleni. Khumbuza abavakalisi ukuba bangenise iingxelo zenkonzo yasentsimini kaMeyi kubaqhubi bezifundo zencwadi zabo.
15 imiz: Uceba Ukwenza Ntoni Kwezi Nyanga Zizayo? Umdala okanye isicaka solungiselelo nentsapho yakhe baxubusha oko bakucebela iinyanga ezizayo. Bathetha ngokuba nesabelo kwiphulo lentsimi engabelwanga bani, nokuya kwindibano yesiphaluka okanye kwindibano ekhethekileyo yosuku olunye, nakulo lonke ucwangciso lwendibano yesithili ekupheleni konyaka. Intsapho izikhumbuza amava eye yawanandipha kwiphulo langaphambili lomhlaba ongabelwanga bani novuyo eye yalunandipha ngokutyelela amanye amabandla. Bakwaxubusha nobuvulindlela bobuncedani, mhlawumbi nangokuthabatha ikhefu nokuzihlaziya. Bonke bayavuma ukuba abafuni kuyityeshela imisebenzi yobuthixo, enjengokuya kwiintlanganiso zebandla, ukuba nesabelo kubulungiseleli basentsimini nokuqhutywa kwesifundo seBhayibhile sentsapho, nokuba bakwenye indawo. Baya kuqinisekisa ukuba bayayifaka ingxelo yomsebenzi wabo wenkonzo yasentsimini bayinika umqhubi wabo wesifundo ngokukhawuleza, enoba basekhaya okanye kwenye indawo.
20 imiz: “Yabelana Nabanye Ngokweemfuno Zabo.” Intetho enikelwa ngumdala ofanelekayo. Yenze isebenze ekuhlaleni.
Ingoma 79 nomthandazo wokuqukumbela.
Iveki Eqala NgoJuni 4
10 imiz: Izaziso zasekuhlaleni namava enkonzo yasentsimini.
15 imiz: “Yiba Nesabelo Ngokuzeleyo Kwisivuno.”b Xa uxubusha isiqendu 4, quka umzekelo okwiMboniselo kaSeptemba 15, 1996, iphepha 19, isiqendu 10, obonisa oko kwenziwa ngabanye ukuze bandise ubulungiseleli babo.
20 imiz: “Siye Sayisebenza Izihlandlo Ezininzi Intsimi Yethu!”c Iza kunikelwa ngumveleli wenkonzo. (Amabandla anentsimi engafane isetyenzwe angahlolisisa inqaku elithi “Amaphephancwadi Avakalisa UBukumkani” kuBulungiseleli Bethu BoBukumkani buka-Aprili 1998.) Xubusha oko kunokwenziwa ekuhlaleni ukuze igutyungelwe ngokucokisekileyo intsimi xa isetyenzwa. Balisa amava akwiNcwadi Yonyaka Yowe-1997, iphepha 204, nakwiMboniselo, kaFebruwari 15, 1996, iphepha 26. Bethelela ukubaluleka kokugcina iingxelo zendlu ngendlu zisexesheni nokuba kubuyelwe ngokukhawuleza.
Ingoma 142 nomthandazo wokuqukumbela.
[Imibhalo esemazantsi]
a Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.
b Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.
c Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.