• Sáàmù 18:7-12
    Bíbélì Mímọ́ ti Ìtumọ̀ Ayé Tuntun

    •  7 Nígbà náà, ayé bẹ̀rẹ̀ sí í mì, ó sì ń mì jìgìjìgì;+

      Ìpìlẹ̀ àwọn òkè mì,

      Wọ́n sì ń mì síwá-sẹ́yìn nítorí a ti mú un bínú.+

       8 Èéfín jáde láti ihò imú rẹ̀,

      Iná tó ń jóni run jáde láti ẹnu rẹ̀,+

      Ẹyin iná sì ń jó láti ọ̀dọ̀ rẹ̀.

       9 Ó tẹ ọ̀run wálẹ̀ bí ó ṣe ń sọ̀ kalẹ̀.+

      Ìṣúdùdù tó kàmàmà sì wà lábẹ́ ẹsẹ̀ rẹ̀.+

      10 Ó gun kérúbù, ó sì ń fò bọ̀.+

      Ó ń bọ̀ ṣòòrò wálẹ̀ lórí ìyẹ́ apá áńgẹ́lì kan.*+

      11 Ó wá fi òkùnkùn bo ara rẹ̀,+

      Ó bò ó yí ká bí àgọ́,

      Nínú ojú ọ̀run tó ṣú dẹ̀dẹ̀.+

      12 Láti inú ìmọ́lẹ̀ tó wà níwájú rẹ̀,

      Yìnyín àti ẹyin iná gba inú àwọsánmà jáde.