27 Wọ́n ṣe àwọn iṣẹ́ àmì rẹ̀ láàárín wọn,

Àwọn iṣẹ́ ìyanu rẹ̀ ní ilẹ̀ Hámù.+

28 Ó rán òkùnkùn, ilẹ̀ náà sì ṣókùnkùn;+

Wọn kò ṣọ̀tẹ̀ sí ọ̀rọ̀ rẹ̀.

29 Ó sọ omi wọn di ẹ̀jẹ̀,

Ó sì pa ẹja wọn.+

30 Àwọn àkèré ń gbá yìn-ìn ní ilẹ̀ wọn,+

Kódà nínú àwọn yàrá ọba.

31 Ó pàṣẹ pé kí àwọn eṣinṣin mùjẹ̀mùjẹ̀ ya wọlé,

Kí kòkòrò abìyẹ́ tó ń mùjẹ̀ sì bo gbogbo ilẹ̀ wọn.+

32 Ó sọ òjò wọn di yìnyín,

Ó sì rán mànàmáná* sí ilẹ̀ wọn.+

33 Ó kọ lu àjàrà wọn àti igi ọ̀pọ̀tọ́ wọn,

Ó sì ṣẹ́ àwọn igi tó wà ní ilẹ̀ wọn sí wẹ́wẹ́.

35 Wọ́n jẹ gbogbo ewéko ilẹ̀ náà,

Wọ́n sì jẹ irè oko wọn.

36 Lẹ́yìn náà, ó pa gbogbo àkọ́bí tó wà ní ilẹ̀ wọn,+

Ìbẹ̀rẹ̀ agbára ìbímọ wọn.