Sekaráyà
9 Ìkéde:
“Jèhófà bá ilẹ̀ Hádírákì wí,
Damásíkù gangan ni ọ̀rọ̀ náà kàn,*+
Torí ojú Jèhófà wà lára aráyé+
Àti lára gbogbo ẹ̀yà Ísírẹ́lì.
3 Tírè kọ́ odi ààbò* fún ara rẹ̀.
Ó to fàdákà jọ pelemọ bí iyẹ̀pẹ̀
Àti wúrà bí iyẹ̀pẹ̀ ojú ọ̀nà.+
4 Wò ó! Jèhófà máa gba àwọn ohun ìní rẹ̀,
Yóò sì run àwọn ọmọ ogun rẹ̀ sínú òkun;*+
Iná yóò sì jẹ ẹ́ run.+
5 Áṣíkẹ́lónì á rí i, ẹ̀rù á sì bà á;
Gásà yóò jẹ̀rora,
Bẹ́ẹ̀ náà ni Ẹ́kírónì, torí pé ìrètí rẹ̀ ti di ìtìjú.
Ọba kan yóò ṣègbé ní Gásà,
Ẹnì kankan kò sì ní gbé ní Áṣíkẹ́lónì.+
7 Èmi yóò mú àwọn ohun tí ẹ̀jẹ̀ ti yí kúrò ní ẹnu rẹ̀
Àti àwọn ohun ìríra kúrò láàárín eyín rẹ̀,
Àwọn tó ṣẹ́ kù níbẹ̀ yóò sì di ti Ọlọ́run wa;
Òun yóò dà bí séríkí* ní Júdà,+
Ẹ́kírónì yóò sì dà bí àwọn ará Jébúsì.+
8 Èmi yóò pàgọ́ bí ẹ̀ṣọ́* fún ilé mi,+
Kí ẹnì kankan má bàa gba ibẹ̀ kọjá tàbí pa dà wá;
Akóniṣiṣẹ́* kankan kò ní gba ibẹ̀ kọjá mọ́,+
Torí mo ti fi ojú mi rí i* báyìí.
9 Kún fún ayọ̀, ìwọ ọmọbìnrin Síónì.
Kígbe ìṣẹ́gun, ìwọ ọmọbìnrin Jerúsálẹ́mù.
Wò ó! Ọba rẹ ń bọ̀ lọ́dọ̀ rẹ.+
10 Èmi yóò mú kẹ̀kẹ́ ẹṣin tí wọ́n fi ń jagun kúrò ní Éfúrémù
Àti ẹṣin kúrò ní Jerúsálẹ́mù.
Ọfà tí wọ́n fi ń jagun kò ní sí mọ́.
Òun yóò sì kéde àlàáfíà fún àwọn orílẹ̀-èdè;+
Yóò jọba láti òkun dé òkun
11 Ní ti ìwọ obìnrin, nípasẹ̀ ẹ̀jẹ̀ májẹ̀mú rẹ,
Èmi yóò rán àwọn ẹlẹ́wọ̀n rẹ jáde kúrò nínú kòtò tí kò lómi.+
12 Ẹ pa dà síbi ààbò, ẹ̀yin ẹlẹ́wọ̀n tó ní ìrètí.+
Mò ń sọ fún ọ lónìí pé,
‘Ìwọ obìnrin, màá san án pa dà fún ọ ní ìlọ́po méjì.+
13 Torí èmi yóò fa* Júdà bí ọrun mi.
Màá fi Éfúrémù sínú ọrun* náà,
Màá sì jí àwọn ọmọ rẹ, ìwọ Síónì,
Láti dojú kọ àwọn ọmọ rẹ, ìwọ ilẹ̀ Gíríìsì,
Màá sì ṣe ọ́ bí idà jagunjagun.’
14 Ó máa hàn pé Jèhófà wà pẹ̀lú wọn,
Ọfà rẹ̀ á sì jáde lọ bíi mànàmáná.
Jèhófà Olúwa Ọba Aláṣẹ yóò fun ìwo,+
Yóò sì gbéra pẹ̀lú ìjì líle ti gúúsù.
15 Jèhófà Ọlọ́run àwọn ọmọ ogun yóò gbèjà wọn,
Wọn yóò jẹ òkúta kànnàkànnà run, wọn yóò sì tẹ̀ ẹ́ mọ́lẹ̀.+
Wọ́n á mu, wọ́n á sì pariwo bíi pé wọ́n mu wáìnì;
Wọn yóò kún bí abọ́ tí wọ́n fi ń rúbọ,
Bí àwọn igun pẹpẹ.+
16 Jèhófà Ọlọ́run wọn yóò gbà wọ́n là ní ọjọ́ yẹn,
Àwọn èèyàn rẹ̀, bí agbo àgùntàn;+
Torí wọn yóò dà bí òkúta iyebíye tó wà lára adé* tó ń dán yinrin lórí ilẹ̀ rẹ̀.+
17 Oore rẹ̀ mà pọ̀ o,+
Ó mà lẹ́wà gan-an o!
Ọkà yóò mú kí àwọn géńdé ọkùnrin lágbára,
Wáìnì tuntun yóò sì fún àwọn wúńdíá lókun.”+