Émọ́sì
1 Ọ̀rọ̀ Émọ́sì,* ọ̀kan lára àwọn tó ń sin àgùntàn láti Tékóà,+ èyí tó gbọ́ nínú ìran nípa Ísírẹ́lì nígbà ayé Ùsáyà+ ọba Júdà àti nígbà ayé Jèróbóámù+ ọmọ Jóáṣì,+ ọba Ísírẹ́lì, ní ọdún méjì ṣáájú ìmìtìtì ilẹ̀ tó wáyé.+ 2 Ó sọ pé:
“Jèhófà yóò ké ramúramù láti Síónì,
Yóò sì gbé ohùn rẹ̀ sókè láti Jerúsálẹ́mù.
Ibi ìjẹko àwọn olùṣọ́ àgùntàn máa ṣọ̀fọ̀,
Ewéko orí òkè Kámẹ́lì á sì gbẹ dà nù.”+
3 “Ohun tí Jèhófà sọ nìyí,
‘“Nítorí ìdìtẹ̀* mẹ́ta Damásíkù àti nítorí mẹ́rin, mi ò ní yí ọwọ́ mi pa dà,
Nítorí wọ́n fi ohun èlò ìpakà onírin pa Gílíádì bí ọkà.+
5 Màá ṣẹ́ ọ̀pá ìdábùú ẹnubodè Damásíkù;+
Màá sì pa àwọn tó ń gbé Bikati-áfénì run
Àti àwọn tó ń ṣàkóso* ní Bẹti-édẹ́nì;
Àwọn èèyàn Síríà sì máa lọ sí ìgbèkùn ní Kírì,”+ ni Jèhófà wí.’
6 Ohun tí Jèhófà sọ nìyí,
‘“Nítorí ìdìtẹ̀ mẹ́ta ti Gásà+ àti nítorí mẹ́rin, mi ò ní yí ọwọ́ mi pa dà,
Nítorí wọ́n kó gbogbo àwọn èèyàn nígbèkùn,+ wọ́n sì fà wọ́n lé Édómù lọ́wọ́.
7 Torí náà, màá rán iná sí ògiri Gásà,+
Á sì jó àwọn ilé gogoro rẹ̀ tó láàbò run.
8 Màá pa àwọn tó ń gbé Áṣídódì run,+
Àti àwọn tó ń ṣàkóso* ní Áṣíkẹ́lónì;+
Màá fìyà jẹ Ẹ́kírónì,+
Àwọn Filísínì tó ṣẹ́ kù yóò sì ṣègbé,”+ ni Jèhófà Olúwa Ọba Aláṣẹ wí.’
9 Ohun tí Jèhófà sọ nìyí,
‘Nítorí ìdìtẹ̀ mẹ́ta Tírè+ àti nítorí mẹ́rin, mi ò ní yí ọwọ́ mi pa dà,
Nítorí wọ́n kó gbogbo àwọn tí wọ́n mú nígbèkùn, wọ́n sì fà wọ́n lé Édómù lọ́wọ́,
Àti nítorí pé wọn kò rántí májẹ̀mú àwọn arákùnrin.+
10 Torí náà, màá rán iná sí ògiri Tírè,
Á sì jó àwọn ilé gogoro rẹ̀ tó láàbò run.’+
11 Ohun tí Jèhófà sọ nìyí,
‘Nítorí ìdìtẹ̀ mẹ́ta Édómù+ àti nítorí mẹ́rin, mi ò ní yí ọwọ́ mi pa dà,
Nítorí ó fi idà lépa arákùnrin rẹ̀,+
Àti nítorí pé ó kọ̀ láti ṣàánú rẹ̀;
Ó ń fi ìbínú rẹ̀ fà wọ́n ya láìdáwọ́ dúró,
Kò sì yéé bínú sí wọn.+
13 Ohun tí Jèhófà sọ nìyí,
‘“Nítorí ìdìtẹ̀ mẹ́ta àwọn ọmọ Ámónì+ àti nítorí mẹ́rin, mi ò ní yí ọwọ́ mi pa dà,
Nítorí wọ́n la inú àwọn aboyún Gílíádì kí wọ́n lè mú agbègbè tiwọn fẹ̀ sí i.+
14 Torí náà, màá sọ iná sí ògiri Rábà,+
Á sì jó àwọn ilé gogoro rẹ̀ tó láàbò run,
Ariwo á sọ ní ọjọ́ ogun,
Àti ìjì líle ní ọjọ́ ẹ̀fúùfù.
15 Ọba wọn á sì lọ sí ìgbèkùn pẹ̀lú àwọn ìjòyè rẹ̀,”+ ni Jèhófà wí.’