Àwọn Ìránnilétí Nípa Ìṣe Ìrántí

Ayẹyẹ Ìṣe Ìrántí ọdún yìí bọ́ sí Wednesday, April 16. Kí àwọn alàgbà fiyè sí àwọn kókó tó wà nísàlẹ̀ yìí:

◼ Tí ẹ bá ń ṣètò àkókò tẹ́ ẹ máa fi ìpàdé yìí sí, ẹ rí i dájú pé a kì yóò gbé àwọn ohun ìṣàpẹẹrẹ náà kiri àyàfi lẹ́yìn tí oòrùn bá wọ̀.

◼ Kí a jẹ́ kí gbogbo èèyàn, títí kan olùbánisọ̀rọ̀ náà, mọ àkókò pàtó tí a óò ṣe ayẹyẹ náà àti ibi tí a óò ti ṣe é.

◼ A gbọ́dọ̀ wá irú búrẹ́dì àti wáìnì tó yẹ, kí wọ́n sì ti wà ní sẹpẹ́.—Wo Ile-Iṣọ Naa, February 1, 1985, ojú ìwé 17.

◼ Kí a gbé àwọn àwo, ife, tábìlì àti aṣọ orí tábìlì tó bójú mu wá sí gbọ̀ngàn ìpàdé náà kí a sì tò wọ́n ṣáájú àkókò.

◼ Kí a tún Gbọ̀ngàn Ìjọba tàbí ibòmíràn tí a óò lò ṣe, kí ó sì wà ní mímọ́ tónítóní ṣáájú àkókò.

◼ Kí a yan àwọn olùtọ́jú èrò àtàwọn tí yóò gbé àwọn ohun ìṣàpẹẹrẹ, kí a sì ti fún wọn nítọ̀ọ́ni ṣáájú àkókò nípa ojúṣe wọn, bó ṣe yẹ kí wọ́n ṣe é, àti ìjẹ́pàtàkì mímúra lọ́nà tó bójú mu.

◼ Kí a ṣètò láti gbé àwọn ohun ìṣàpẹẹrẹ lọ fún ẹni àmì òróró èyíkéyìí tó jẹ́ aláìlera tí kò ṣeé ṣe fún láti wá.

◼ Tí a bá ṣètò pé kí ìjọ tó ju ẹyọ kan lọ lo Gbọ̀ngàn Ìjọba kan náà, kí àwọn ìjọ wọ̀nyí fọwọ́ sowọ́ pọ̀ dáadáa, kí ẹnu ọ̀nà, ọ̀nà ẹlẹ́sẹ̀ tí gbogbo èèyàn ń gbà àti ibi ìgbọ́kọ̀sí má bàa kún jù fún èrò. Níbi tó bá ti ṣeé ṣe, ó dára kí a fi ìṣẹ́jú márùnlélógójì sílẹ̀ lẹ́yìn tí ìjọ kan bá ti parí ayẹyẹ tirẹ̀ kí òmíràn tó bẹ̀rẹ̀.