AMALUMBO

1 Wa nsansa umuntu uushikonka amano ayo ababifi bapanda

Uushiminina mu nshila ya babembu+

Kabili uushiikala apekala abapumya.+

 2 Lelo alitemwa sana amafunde ya kwa Yehova,+

Kabili alabelenga amafunde yakwe mwi shiwi ilinono* akasuba no bushiku.+

 3 Akaba nge cimuti ico balimba mupepi no tumilonga,

Icitwala ifisabo pa nshita cifwile ukutwalilapo

Ico amabula ya ciko tayoma.

 4 Ifi te fyo ababifi baba;

Bena baba nge misungu iyo umwela ululula.

 5 E co ababifi bashakapusukile ilyo bakabapingula;+

Na babembu tabakatwalilile ukuba mwi bumba lya balungama.+

 6 Pantu Yehova alishiba ifyo abalungama bacita,+

Lelo imilimo ya babifi ikapwa.+

2 Cinshi inko shikalipiile

Kabili cinshi abantu baletepeleshanishishanya* amapange ya fye?+

 2 Imfumu sha pano isonde shaima

Na bashimucindikwa balongana pamo*+

Pa kuti balwishe Yehova no wasubwa wakwe.*+

 3 Baleti: “Natuputaule amaceni batukaka

Tupoose ne ntambo shabo!”

 4 Uwaikala pa cipuna ca Bufumu mu muulu akabaseka;

Yehova akabapumya.

 5 Pali ilya nshita akalanda nabo ninshi nakalipa

Kabili ubukali bwakwe ububilima ngo mulilo bukabatiinya,

 6 Akalanda ati: “Nimbika imfumu yandi pa cipuna ca bufumu+ mu Sione,+

Ulupili lwandi ulwa mushilo.”

 7 Leka mbilishe icipope ca kwa Yehova;

Anjebele ati: “Uli mwana wandi;+

Buno bushiku nimba wiso.+

 8 Nga wanomba, nalakupeela inko pa kuti shibe e bupyani bobe

Kabili ndekupeela ne sonde lyonse pa kuti libe lyobe.+

 9 Ukabatobawila ku nkonto ya cela,+

Kabili ukabatobaula nge nongo.”+

10 E ico nomba mwe mfumu, beni na mano;*

Sumineni ukumulungika,* mwe bakapingula ba pano isonde.

11 Muletiina Yehova kabili mulemubombela,

Kabili mulemucindika nga nshi ilyo mulesekelela.

12 Cindikeni* umwana+ pa kuti Lesa emufulilwa

Na pa kuti mwiloba,*+

Pantu ubukali bwakwe kuti bwaisa bwangu pali imwe.

 3 Lelo imwe mwe Yehova, mulancingilila konse konse nge nkwela,+

Nimwe ubukata bwandi+ kabili uunjinuna umutwe.+

 4 Nkapunda mutuule kuli Yehova,

Na o akanjasuka mu lupili lwakwe ulwa mushilo.+ (Selah)

 5 Nkalambalala panshi pa kuti nkalaale utulo;

Kabili nkashibuka umutende,

Pantu Yehova alangafwa.+

 6 Nshitiina iminshipendwa ya bantu

Abanshinguluka pa kuti bandwishe.+

Pantu mukooma abalwani bandi bonse mu nsekete;

Ababifi mukabasokola ameno.+

 3 Ishibeni ukuti Yehova akacindika* uwaba ne cishinka kuli ena;

Nga naita, Yehova akomfwa.

 5 Tuuleni amalambo ya bulungami,

Kabili cetekeleni Yehova.+

 7 Namulenga umutima wandi wasekelela nga nshi

Ukucila ifyo abantu basekelela nga basombola ingano ishingi kabili nga bakwata umwangashi uupya uwingi.

 8 Nkalambalala panshi no kulaala utulo mu mutende,+

Pantu imwe mweka mwe Yehova, nimwe mulenga naikala umutelelwe.+

5 Kutikeni ifyo ndelanda mwe Yehova;+

Bikeni amano ku kuteta kwandi.

 2 Umfweni ilyo ndelilila kuli imwe ukuti mungafwe,

Mwe Mfumu yandi kabili mwe Lesa wandi, pantu kuli imwe e ko ndepepa.

 3 Mwe Yehova mukomfwa ishiwi lyandi ulucelo;+

Ulucelo nkamweba ifinsakamike+ kabili nkalalolela ukuti munjasuke.

 4 Pantu muli Lesa uushatemwa ifyabipa.+

Uwabipa onse te kuti ekale na imwe.+

Mwalipata bonse abacita ifyabipa;+

 6 Mukalofya aba bufi.+

 7 Lelo nkesa mu ng’anda yenu,+ pa mulandu wa kuti mwalikwata ukutemwa ukushipwa;+

Nkafukama ninshi nindosha kwi tempele lyenu ilya mushilo,* pa kuti nkalange ukuti nalimucindika nga nshi.+

 8 Ntungululeni mwe Yehova mu nshila shenu ishalungama pa mulandu wa balwani bandi;

Wamyeni inshila yenu+ pa kuti ni-ipununa ilyo nde-endamo.

 9 Pantu fyonse ifyo balanda te kuti mficetekele;

Muli bena mwaisula fye ububi.

Imikolomino yabo ni nshiishi iyacenama;

Ululimi lwabo lulasembeleka abantu.*+

10 Lelo Lesa akabapeela umulandu;

Amapange yabo yakalenga bakawe.+

Shi batamfyeni pa cinso cenu pa mulandu wa membu ishingi isho bacita,

Pantu nabamupondokela.

11 Lelo bonse abooba muli imwe bakasekelela;+

Bakala-aula utupundu lyonse.

Mukabacingilila,

Kabili bonse abatemwa ishina lyenu bakalasekelela pa mulandu wenu.

12 Pantu mukapaala bonse abalungama, mwe Yehova;

Mukacingilila bonse abo mwatemwa, nga filya inkwela iikalamba icingilila umuntu.+

6 Mwe Yehova, mwinungika ninshi namukalipa,

Kabili mwinungika ninshi muli ne cipyu.+

 3 Ninsakamikwa nga nshi,*+

Kabili ndeipusha imwe mwe Yehova nati, ni lilali nkaleka ukucula?+

 4 Mwe Yehova iseni mumpokolole;*+

Mpususheni pa mulandu wa kutemwa kwenu ukushipwa.+

 5 Pantu abafwa te kuti balande pali imwe;*

Nani uwaba mu Nshiishi* uwingamulumbanya?+

 6 Ninaka pa mulandu wa kuteta kwandi;+

Ubushiku bonse ifilamba fyandi filabomfya apo ndaala;*

Pa cipuna apo njikala paba fye ifilamba fyeka fyeka.+

 7 Ilinso lyandi nalinaka pa mulandu no bulanda;+

Nalileka ukumwenekesha* pa mulandu wa bantu bonse abancusha.

 8 Ntalukeni bonse mwe bacita ifyabipa,

Pantu Yehova akomfwa ishiwi lya kulila kwandi.+

 9 Yehova akomfwa nga namulomba ukuti ang’umfwile uluse;+

Yehova akasuka ipepo lyandi.

10 Abalwani bandi bonse bakaseebana kabili bakasakamikwa;

Mukupumikisha bakafulumuka ninshi nabekatwa insoni.+

 2 Nga tamumpokolwele, balansantaula* nga filya inkalamo icita,+

Balansenda ukwabula no wa kumpokololako.

 3 Mwe Yehova Lesa wandi, nga ca kuti nalilufyanya,

Nga ca kuti kwaliba uo nafyenga,

 4 Nga ca kuti nalilufyanya uwancitila icisuma,+

Nelyo nga ca kuti nalipokolola umulwani wandi ifintu fyakwe apabula umulandu,*

 5 Ninshi lekeni umulwani wandi amfulumune kabili anjikate;*

Lekeni anyantawile ubumi bwandi mu mushili

Kabili alenge ubukata bwandi bulobele mu lukungu. (Selah)

 6 Imeni mwe Yehova ninshi namukalipa;

Lwisheni abalwani bandi abakalipe;+

Imeni pa kuti mungafwe kabili mulenge kube umulinganya.+

 7 Lekeni inko shimushinguluke;

Kabili mukashilwisha ninshi muli ku cifulo cenu icasumbukisha.

Mpinguleni mwe Yehova ukulingana no bulungami bwandi

Kabili ukulingana ne fyo naba uwa kaele.+

Lelo kosheni uwalungama,+

Pantu muli Lesa uwalungama,+ uuceeceeta imitima+ na matontonkanyo ya muntu ayashika.*+

11 Lesa ni kapingula* uwalungama,+

Kabili alapingula ababifi cila bushiku.

12 Umuntu nga talapiile,+ Lesa alanoona ulupanga lwakwe;+

Alatiinta ubuta bwakwe kabili alamutoonta.+

13 Alapekanya ifyanso fyakwe ifikali;

Ne mifwi iibilima umulilo.+

14 Moneni uwimite ububifi;

Emita ifyabipa kabili afyala ubufi.+

15 Emba icilindi icitali,

Lelo e uponena mu cilindi emba.+

16 Ifyabipa ifyo acita fikesa pa mutwe wakwe;+

Ubunkalwe ubo acita bukaponena pa cilongwe* ca ku mutwe wakwe.

17 Nkalumbanya Yehova pantu wa mulinganya;+

Nkemba inyimbo sha kulumbanya* ishina lya kwa Yehova+ Uwapulamo.+

8 Mwe Yehova Shikulwifwe, ishina lyenu lyalicindama mwi sonde lyonse;

Mwalilenga ubukata bwenu bwacila imyulu!*+

 2 Mwalenga amaka yenu yamonekela mu fyo abana abanono na bana abonka+ balanda

Pa mulandu wa balwani benu,

Pa kuti abankalwe kabili abamulwisha bekale tondolo.

 3 Nga nalolesha imyulu yenu, imilimo ya minwe yenu,

Umweshi ne ntanda ifyo mwapanga,+

 4 Ntila wanshi umuntu umwina kufwa uwa kuti muletontonkanyapo lyonse,

Kabili wanshi umwana wa muntu uwa kuti mulemusakamana?+

 5 Mwamulengele acepako panono pa baba nga Lesa,*

Kabili mwamupeele ubukata no bucindami.

 6 Mwalimupeela amaka pa fyo mwabumba;+

Mwalenga alatungulula fyonse:

 7 Impaanga, imbushi, ing’ombe,

Inama sha mu mpanga,+

 8 Ifyuni fya mu lwelele, isabi lya muli bemba,

Na fyonse ifyenda muli babemba.

9 Nkamulumbanya mwe Yehova no mutima wandi onse;

Nkalenga abantu bakeshibe imilimo yenu iisuma yonse.+

 2 Nkasekelela no kwanga pa mulandu wenu;

Nkemba inyimbo sha kulumbanya* ishina lyenu, mwe Bapulamo.+

 3 Ilyo abalwani bandi bakamfulumuka,+

Mukalenga bakaipunune no kuloba.

 4 Pantu mulandubulwilako pa kuti bemfyenga;

Mwikala pa cipuna cenu ica bufumu ilyo mulepingula mu bulungami.+

 5 Mwalikalipila inko,+ kabili mwalilofya ababifi,

Takwakabe uukebukisha amashina yabo umuyayaya.

 6 Abalwani mwalibonaula umuyayaya,

Mwalyonaula ne misumba yabo,

Kabili takwakabe uukabebukisha.+

 7 Lelo Yehova aikala pa cipuna ca bufumu umuyayaya;+

Alateka kabili apingwila mu bulungami.+

 8 Akapingula aba pano isonde mu bulungami;+

Akaba no mulinganya ilyo akalapingula inko.+

 9 Yehova akaba icubo* kuli bonse abo bacusha,+

Akaba icubo mu nshita ya mafya.+

10 Abaishiba ishina lyenu bakamucetekela,+

Tamwakatale amusha abamufwaya mwe Yehova.+

11 Imbileni Yehova uwikala mu Sione inyimbo sha kumulumbanya;

Lekeni abantu beshibe imilimo yakwe.+

12 Pantu uulandwilako abo bepaya takabalabe;+

Takalabe ifyo abo bacusha bapunda mutuule.+

13 Ng’umfwileni uluse mwe Yehova; moneni ifyo abampata balencusha,

Mwe bamfumya mu mpongolo sha mfwa,+

14 Pa kuti nsabankanye imilimo yenu iya lulumbi mu mpongolo sha mwana mwanakashi Sione+

Kabili nsansamuke pa mulandu wa kuti namumpususha.+

15 Inko nashiponena mu cilindi ico shaimbile;

Amakasa ya shiko nayekatwa mwi sumbu shateyele.+

17 Ababifi bakaya ku Nshiishi,*

Uko inko shonse ishalaba Lesa shikaya.

18 Lelo Lesa takalabe abapiina umuyayaya;+

Kabili ifyo abafuuka basubila fikafikilishiwa.+

20 Shilengeni shibe no mwenso, mwe Yehova,+

Lekeni abantu ba mu nko beshibe ukuti bena kufwa fye. (Selah)

 2 Pa mulandu ne cilumba cakwe umubifi alakonka cipyu cipyu uushakwata wa kumwafwa,+

Lelo ekatilwa mu mapange yakwe aya bubifi.+

 3 Pantu umubifi aitakishisha pa mapange yakwe aya bukaitemwe*+

Kabili apaala bakaitemwe;*

נ [Nun]

Alasaalula Yehova.

 4 Pa mulandu ne cilumba, umubifi tabika amano kuli Lesa;

Atontonkanya fye ukuti: “Takwaba Lesa.”+

 5 Ifyo acita filenda bwino,+

Lelo taishiba bwino ubupingushi bwenu;+

Alapumya abalwani bakwe bonse.

 6 Alanda mu mutima wakwe ati: “Nshakasunkane;*

Na ku nkulo ishikakonkapo

Ubucushi tabwakatale abumponenapo.”+

 7 Mu kanwa kakwe mwaisula ifitiipu, ubufi ne fintiinya;+

Alacusha abantu mu fyo alanda kabili alabakalifya.+

 8 Afisama mupepi ne mishi;

Mu cifulo umo afisama e mo epaila uwa kaele.+

10 Ashonaula uo ekete kabili amuwisha;

Uushikwete wa kumwafwa awila mu minwe yakwe.*

Uushakwata wa kumwafwa abutukila kuli imwe;+

Mulafwa umwana uushakwata wishi.*+

15 Funeni ukuboko kwa mubifi no kwa ucita ifyabipa.+

Pa kuti nga mwafwaya ububifi bwakwe,

Mwilabusanga.

18 Mukaba no mulinganya ku ushakwata wishi na ku bo bacusha,+

Ica kuti umuntu umwina kufwa uwa pe sonde takalebatiinya.+

 2 Moneni ifyo ababifi bapekanya ubuta;

Balabika umufwi ku ntambo ya ku buta,

Pa kuti balase abalungama mu mfifi.

 3 Umufula* nga baonaula,

Cinshi uwalungama engacita?

 5 Yehova alaceeceeta uwalungama no mubifi;+

Alipata* bonse abatemwa ubunkalwe.+

 6 Akateya ifiteyo* pa kuti akekate ababifi;

Umulilo, amabwe ya mingu+ no mwela uwakaba e fyo akabakandilako.

12 Mpususheni mwe Yehova, pantu aba cishinka nabapwa;

Abantu abacetekelwa nabaloba pa bantu.

 2 Balabepana;

Balasembeleka abantu ku milomo yabo* kabili balababepa.*+

 3 Yehova akalofya imilomo yonse iisembeleka abantu

No lulimi uluitakisha sana,+

 4 Abalanda abati: “Ululimi lwesu lukalenga tukacimfye.

Tubomfya imilomo yesu ukulingana ne fyo tulefwaya;

Nani akaba shikulu wesu?”+

 5 “Pa mulandu wa bacula abo bacusha,

Pa mulandu wa kuteta kwa bashakwata bakubafwa,+

Nkema nkacitepo cimo,” e fyo Yehova alanda.

 6 Ifyo Yehova alanda fyalisanguluka;+

Fyaba nga silfere iyo balopolola mwi lungu lya mulilo ilye bumba,* iyo baengulula imiku 7.

 7 Mukabacingilila mwe Yehova;+

Mukacingilila bonse kuli ino nkulo umuyayaya.

 8 Ababifi bendauka fye ukwabula no wa kubakaanya

Pantu abana ba bantu balalenga abantu balacita sana ifyabipa.+

 2 Ni lilali nkaleka* ukusakamikwa,

No kuba no bulanda mu mutima wandi cila bushiku?

Peeleni amenso yandi ulubuuto, pa kuti niponena mu tulo twa mfwa,

 4 Pa kuti umulwani wandi elanda ati: “Nimucimfya!”

 5 Lelo ine nalicetekela ukuti mukananga ukutemwa ukushipwa;+

Umutima wandi ukasekelela nga mwampususha.+

Ifyo bacita fibi kabili fya bunani;

Takwaba uucita ifisuma.+

 2 Lelo Yehova ku muulu alalolesha abana ba bantu panshi

Pa kuti amone nga paliba uwiluka, nelyo nga paliba uufwaya Yehova.+

 3 Bonse fye nabafuma mu nshila;+

Imibele yabo bonse naibipa.

Takuli uulecita icisuma,

Takuli fye nangu umo.

 5 Lelo bakaba no mwenso sana,+

Pantu Yehova aaba ne nkulo ya balungama.

 6 Mwe bacita ifyabipa mulesha ukufulunganya amapange ya wacula,

Lelo Yehova e cubo cakwe.+

Ilyo Yehova akabwesha abantu bakwe bankole,

Lekeni abatuntuka muli Yakobo basekelele, na batuntuka muli Israele basansamuke.

 2 Muntu wa kaele,*+

Uucita icalungama+

Kabili uulanda icine mu mutima wakwe.+

 3 Talanda ifya bufi pa bantu bambi,+

Tacita umunankwe ifyabipa,+

Kabili tonawila* abanankwe ishina.+

 4 Tafwaya ukuba pamo no muwelewele,+

Lelo alacindika abatiina Yehova.

 5 Takongwesha indalama shakwe pali kaloba,+

Kabili tapoka amafisakanwa pa kuti afyenge uwa kaele.+

 3 Kabili aba mushilo ba pe sonde,

Bashimucindikwa, balalenga ndesekelela nga nshi.”+

Nshakabatuulileko umutuulo wa mulopa,

Kabili imilomo yandi tayakalumbule amashina yabo.+

Ukuba mupepi na imwe kulalenga ndesekelela nga nshi;+

Ukwiminina ku kuboko kwenu ukwa ku kulyo, kulalenga ndeba lyonse ne nsansa.

17 Mwe Yehova, umfweni ukupaapaata kwandi ukwa kuti bemfyenga;

Umfweni ifyo ndepaapaata ukuti mungafwe;

Umfweni ipepo lyandi ilyo ndepepa mu bufumacumi.+

 2 Mpingwileniko pa kuti bemfyenga;+

Amenso yenu nayamone icalungama.

 3 Mwaliceeceeta umutima wandi, mwalinceeceeta ubushiku;+

Mwalindopolola;+

Na lintu pakapita inshita mukasanga ukuti nshipanga ukucita ifyabipa,

Kabili akanwa kandi takabembuka.

 4 Na kabili nshikonka inshila sha fipondo+ nge fyo abantu bambi bacita,

Pantu ndakonka ifyo imilomo yenu ilanda.

 5 Lekeni intampulo shandi shitwalilile ukuba mu nshila shenu

Pa kuti amakasa yandi yekaipununa.+

 7 Citeni ifisuma pa kuti mulange ukutemwa kwenu ukushipwa,+

Mwe bapususha abooba mu kuboko kwenu ukwa ku kulyo

Ku bamupondokela.

 8 Ncingilileni nge mboni ya linso lyenu;+

Mfiseni mu cintelelwe ca mapindo yenu.+

 9 Ncingilileni ku babifi abansaansa,

Ku balwani bandi* abanshinguluka.+

10 Balikunkuma;*

Balanda cilumba cilumba;

11 Nomba nabanshinguluka pamo na bo ndi nabo;+

Balefwaya inshila ya kutuwishishamo.*

12 Umubifi aba nge nkalamo iilefwaisha ukusantaula inama ilefwaya ukwikata,

Aba nge nkalamo iyana iya masense iili umwafisama ilebendelela inama.

13 Imeni mwe Yehova; mumukumanye+ kabili mumucimfye;

Bomfyeni ulupanga lwenu pa kumpokolola* ku mubifi;

14 Mpusushisheni ku kuboko kwenu, mwe Yehova,

Mpususheni ku bantu ba muli cino calo,* ababika fye amano ku mikalile ino,+

Abekuta ifisuma ifyo mubapeela+

Kabili abashiila abana babo abengi ubupyani.

15 Lelo ine apo ndacita icalungama nkamona icinso cenu;

Nga nabuuka ndatemwa pantu mulaba mupepi na ine.*+

Lesa wandi e cilibwe candi,+ muli ena e mo nguba,

Ni nkwela yandi kabili e lusengo* lwandi ulwe pusukilo,* e cubo candi*+ umo ncingililwa.

 3 Ndalilila kuli Yehova uwalinga ukulumbanya,

Kabili akampususha ku balwani bandi.+

 4 Intambo sha mfwa shalimpombele;+

Ibumba lya baume ifinangwa lyalintiinishe kwati ni mulamba umukalamba.+

 5 Intambo sha Nshiishi* shalimpombele;

Nakumene ne fiteyo fya mfwa.+

 6 Ilyo nalecula nalilile kuli Yehova,

Nalepaapaata Lesa wandi ukuti angafwe.*

Mwi tempele lyakwe alyumfwile ishiwi lyandi,+

Kabili alyumfwile ukupaapaata kwandi ukwa kuti angafwe.+

 7 Lyena isonde lyalitendeke ukusunkana no kutenta;+

Amashinte ya mpili yalitentele

Kabili yalisunkene pantu balimukalifye.+

 8 Mu myona yakwe mwafuukile icushi,

No mulilo uukali wafumine mu kanwa kakwe;+

Amalasha ayaleaka yafumine kuli ena.

 9 Asendeke imyulu ilyo aleikila,+

Kabili mwi samba lya makasa yakwe mwali imfifi iyafiitisha.+

11 Lyena aifimbile imfifi,+

Yalimushingulwike nge tenti

Imfifi yali nga menshi ayafiita kabili nga makumbi ayafiita sana.+

12 Ukubengeshima kwafumine kuli ena

Kabili imfula ya mabwe na malasha ayaleaka fyafumine mu makumbi.

13 Lyena Yehova atendeke ukubulukuta mu muulu;+

Uwapulamo alengele ishiwi lyakwe lyaumfwika+

Kabili imfula ya mabwe yaleloka na malasha ayaleaka yalepona.

14 Apoosele imifwi yakwe kabili alisalangenye abalwani bandi;+

Abyashishe ne nkuba yakwe kabili alibafulungenye.+

15 Panshi ya mimana* palimoneke;+

No mufula wa calo washele pa mbilibili pa mulandu wa bukali bwenu mwe Yehova,

Pa mulandu wa mupu wa maka uwafumine mu myona yenu.+

16 Atambike ukuboko kwakwe ninshi ali ku muulu;

Alinjikete e lyo anjabula mu menshi ayengi.+

17 Alimpuswishe ku balwani bandi abali na maka,+

Ampuswishe ku bampata, abali na maka ukuncila.+

18 Balinjimiine pa bushiku nali na mafya,+

Lelo Yehova alingafwile.

19 Antwele ku cifulo uko nali no kucingililwa;*

Alimpuswishe pantu alintemenwe.+

20 Yehova alanambula pa mulandu wa kuti nalilungama;+

Alanambula pa mulandu wa kuti iminwe yandi

ya kaele.*+

21 Pantu ndakonka inshila sha kwa Yehova,

Kabili nshacita icabipa, e kutila nshasha Lesa wandi.

22 Nshalaba ubupingushi bwakwe bonse;

Nshakasuule amafunde yakwe.

23 Nkatwalilila ukuba uwa kaele kuli ena,+

Kabili nkataluka ku membu.+

24 Yehova nanambule pa mulandu wa kuti nalilungama,+

Nanambule pa mulandu wa kuti iminwe yandi ya kaele.+

25 Ku wa cishinka mulaba aba cishinka;+

Ku wa kaele mulaba aba kaele;+

26 Ku wasanguluka mulaba abasanguluka;+

Lelo ku ncenjeshi mulaba abacenjela.+

27 Pantu mulapususha abashakwata ba kubafwa*+

Lelo aba matutumuko*+ mulabacefya.

28 Pantu nimwe mwasha inyali yandi mwe Yehova,

Lesa wandi uusanika ulubuuto nga ndi mu mfifi.+

29 Nga mwangafwa kuti nalwisha ifipondo;+

Lesa nga ampeela amaka kuti nanina icibumba.+

30 Inshila ya kwa Lesa wa cine yalipwililika;+

Ifyo Yehova alanda fyalilopololwa.+

32 Lesa wa cine e umfwika amaka,+

Kabili akalenga inshila yandi ikabe iyaololoka.+

33 Alenga amakasa yandi yaba nga ya nsebula;

Alenga naiminina pa fifulo ifyasansuka.+

34 Asambilisha iminwe yandi ifya kulwa inkondo;

Amaboko yandi yalishiba ifya kubomfya ubuta bwa mukuba.

35 Mulampeela inkwela yenu iye pusukilo,+

Ukuboko kwenu ukwa ku kulyo kulantungilila,*

Kabili ukuicefya kwenu kulankusha.+

36 Mulakusha inshila umupita amakasa yandi;

Amakasa yandi tayakashelemuke.*+

37 Nkapepeka abalwani bandi kabili nkabasanga;

Nshakabwele mpaka bakalobe.

38 Nkabashonaula ica kuti tabakeme;+

Bakawila pa makasa yandi.

39 Mukampeela amaka ya kulwa inkondo;

Mukalenga abalwani bandi bakawile pa ntanshi yandi.+

40 Mukalenga abalwani bandi bakambutuke,*

Kabili nkalofya* abampata.+

41 Balapunda mutuule, lelo takuba uubapususha;

Balalilila na kuli Yehova, lelo tabaasuka.

42 Nkabashonaula mpaka bakabe ngo lukungu ulo umwela ululula;

Nkabapoosaika nga matipa mu misebo.

44 Ifyo bakomfwa pali ine fikalenga bakaleng’ufwila;

Aba ku fyalo fimbi bakesa kuli ine+ ninshi nabaipetamika.

45 Aba ku fyalo fimbi bakaba no mwenso;

Bakesa baletutuma ukufuma mu malinga yabo ayakosa.

47 Lesa wa cine alanandwilako;+

Alancimfishako abantu.

48 Alampususha ku balwani bandi abakali;

Munjimisha pa muulu wa bantu abansansa+

Mulampokolola ku munkalwe.

49 E co nkamucindikila mu nko, mwe Yehova,+

Kabili ishina lyenu nkalimbila amalumbo.*+

50 Alacita ifikalamba pa kuti apusushe imfumu yakwe;+

Alalanga uo asuba ukutemwa ukushipwa,+

Davidi na bana* bakwe umuyayaya.+

19 Imyulu ilabila ubukata bwa kwa Lesa;+

No lwelele lulabilisha umulimo wa minwe yakwe.+

 2 Cila bushiku mu nshita ya kasuba filapongolola ishiwi kwati menshi,

Kabili cila bushiku mu nshita ya bushiku filasokolola amano yakwe.

 3 Tafisosa kabili tafilanda;

Ishiwi lya fiko talyumfwika.

 4 Lelo iciunda ca fiko* cilaya mwi sonde lyonse,

Kabili amashiwi+ ya fiko yalafika ku mpela she sonde.

Mu muulu e mo atanikila akasuba itenti,

 5 Ilyo kaletula kalabengeshima nga filya shibwinga abengeshima ilyo alefuma mu muputule wakwe;

Kaba ngo mwaume wa maka uusekelela ilyo alebutuka mu nshila.

 6 Katula ku mpela imo iya muulu,

E lyo kashinguluka kayafika ku mpela imbi iya muulu;+

Kabili takwaba icifulo uko icikabilila ca kako cishifika.

 8 Ifya kukonka ifyo Yehova alanda fyalilungama, filenga umutima walasekelela;+

Amafunde ya kwa Yehova yalisanguluka, yalenga amenso yaisuka.+

10 Fisuma ukucila golde,

Ukucila golde iingi iisuma,*+

Fyalilowa ukucila ubuci,+ uluto lwa buci ulutona ku fipeepe.

11 Muli ifi e mo musokela umubomfi wenu;+

Kabili uufikonka alalambulwa nga nshi.+

13 Kabili mwileka umubomfi wenu aleituntumba;+

Mwileka ukuituntumba kumuteke ubusha.+

Lyena nkaba uwa kaele,+

Nkaba uwa kaele ku membu ishikalamba.*

14 Lekeni amashiwi ya mu kanwa kandi ne fyo umutima wandi utontonkanyapo

Filelenga mulesekelela mwe Yehova,+ mwe Cilibwe candi,+ kabili Kalubula wandi.+

 2 Nakwafwe ninshi ali ku cifulo cakwe ica mushilo+

Kabili nakukoshe ninshi ali ku Sione.+

 3 Naebukishe imituulo yonse iyo wamupeela;

Nasekelele pa kupokelela umutuulo obe uwa koca.* (Selah)

 4 Nakupeele ifyo umutima obe ufwaya+

Kabili nalenge ukuti fyonse ifyo wapanga ukucita* fyende bwino.

 5 Tukaula akapundu pa mulandu wa kuti mulatupususha;+

Tukemisha ifishibilo fya kucimfya mwi shina lya kwa Lesa wesu.+

Alamwasuka ninshi ali mu myulu yakwe iya mushilo

Alamupususha* ukubomfya ukuboko kwakwe ukwa ku kulyo+ ukwa maka.

 7 Bamo bacetekela amaceleta e lyo bambi bacetekela bakabalwe,+

Lelo ifwe twacetekela ishina lya kwa Yehova Lesa wesu.+

 8 Nabaipununa kabili nabawa;

Lelo ifwe natwima, kabili tuli abashipa na kabili.+

21 Mwe Yehova, imfumu ilasekelela pa mulandu wa maka yenu;+

Ilasekelela nga nshi pantu mulaipususha!+

 2 Mwali-ipeela ico umutima wa iko ufwaya,+

Tamwaitana ico imilomo ya iko yalombele. (Selah)

 3 Pantu mwali-ipaala nga nshi;

Mwali-ifwika icilongwe* ca golde iisuma.*+

 4 Yamulombele ukuti ikale inshiku ishingi,

Kabili mwaipeele inshiku ishingi nga nshi,*+ mpaka umuyayaya.

 6 Mwali-ipaala umuyayaya;+

Mulalenga ilesekelela pa mulandu wa kuti mulaba nayo.*+

 7 Pantu imfumu yalicetekela Yehova,+

Pa mulandu wa kutemwa ukushipwa uko Uwapulamo akwata, tayakatiine.*+

 8 Ukuboko kwenu kukekata abalwani benu bonse;

Ukuboko kwenu ukwa ku kulyo kukekata abamupata.

10 Mukonaula abatuntuka* muli bena, mukabafumya pano isonde,

Mukalofya abana babo.

11 Pantu balepanga ukumucita ifyabipa;+

Ifyo bapanga tafyakacitike.+

12 Pantu mukalenga bakafulumuke+

Ilyo mukabatoonta* ubuta.*

Cinshi ico mushileishila mu kumpususha,

Cinshi mushileumfwila ukulilishika kwandi?+

 2 Mwe Lesa wandi, ndilila kuli imwe akasuba, lelo tamunjasuka;+

Kabili ubushiku nshiikala tondolo, ntwalilila fye ukulilila kuli imwe.

 3 Lelo imwe muli ba mushilo,+

Amalumbo ayo abena Israele bamulumbanya yalimushinguluka.*

 4 Bashifwe balimucetekele;+

Balimucetekele kabili mwalebapususha.+

 5 Balilile kuli imwe, kabili mwalibapuswishe;

Balimucetekele kabili tamwabalekeleshe.*+

 6 Lelo ine ndi mwambo, nshili muntu,

Abantu balampumya* kabili balinsuula.+

 7 Bonse abamona, balampumya;+

Balanda kutumfya kutumfya, balapukunya ne mitwe, e lyo balelanda abati:+

 9 Nimwe mwamfumishe mwi fumo muli mayo,+

Nimwe mwanengele ndeumfwa ukuti nalicingililwa ilyo mayo aleng’onsha.

10 Ukufuma fye ilyo nafyelwe mulansakamana;*

Ukutula fye ilyo nali mu nda muli mayo nimwe Lesa wandi.

11 Mwintaluka, pantu amafya yali mupepi,+

Kabili nshikwete umbi uwa kungafwa.+

12 Ing’ombe ishilume ishingi nashinshinguluka;+

Ing’ombe ishilume isha maka isha ku Bashani nashinshinguluka.+

13 Shanjasamwina utunwa twa shiko,+

Nge nkalamo iilebuluma kabili iilesantaula inama ikete.+

14 Nabampongolola nga menshi;

Amafupa yandi yonse nayasokoka umo yasuntinkanina.

Umutima wandi uli nge pula;+

Wasunguluka mu cifuba candi.+

15 Amaka yandi nayapwa, ndi nge cipimfya ca mutondo uwatobeka;+

Ululimi lwandi lwakambatila ku fiponshi;+

Mulentwala mu lukungu lwa mfwa.+

16 Pantu abalwani nabanshinguluka nge mbwa;+

Ibumba lya bacita ifyabipa lilepalamina kuli ine,+

Balesumaula iminwe yandi na makasa nge nkalamo.+

18 Ba-akana ifya kufwala fyandi,

Kabili bapendula pa kwakana ica kufwala candi.+

20 Mpususheni* ku lupanga,

Pokololeni umweo wandi* ku maala* ya mbwa;+

21 Mpususheni ku kanwa ka nkalamo,+ na ku nsengo sha mboo;

Njasukeni kabili mpususheni.

22 Nkabilisha ishina lyenu kuli bamunyinane;+

Pa bantu abalongene pamo e po nkamulumbanishisha.+

24 Pantu tasuula nelyo ukulekelesha uo bacusha;+

Tafisa icinso cakwe kuli ena.+

25 Nkamulumbanishisha pa bantu abengi abalongene pamo;+

Nkafikilisha imilapo yandi pa ntanshi ya bamutiina.

26 Abafuuka bakalya no kwikuta;+

Abafwaya Yehova bakamulumbanya.+

28 Pantu Yehova ni Mfumu;+

E uteka inko.

29 Abakankaala* ba pano isonde bonse bakalya kabili bakakontama;

Bonse abatentemukila ku lukungu bakamufukamina;

Takuli nangu umo uwingapususha umweo wakwe.

30 Abakatuntuka muli bena* bakamubombela;

Aba mu nkulo iikakonkapo bakabebako pali Yehova.

 2 Antwala mu kutuusha ukwaba icani iciteku icingi;

Antungulula ku fifulo fya kutuushishako ukwaba amenshi.*+

 4 Nangu naenda mu mupokapoka umwafiita fititi,+

Nshitiina ukunsansa,+

Pantu mulaba na ine;+

Inkonto yenu ilalenga ndeumfwa ukuti nincingililwa.*

Mulansuba amafuta ku mutwe;+

Kapu yandi yalisula.+

 6 Ukwabula no kutwishika ubusuma bwenu no kutemwa kwenu ukushipwa fikankonka inshiku shonse isho nkaba uwa mweo,+

Kabili nkekala mu ng’anda ya kwa Yehova inshiku shonse isha mweo wandi.+

24 Isonde na fyonse ifyabamo fya kwa Yehova,+

Umushili na bonse abaikalapo fyakwe.

 2 Pantu pali babemba e po alishimpa+

Kabili pa mimana e po alishimpile.

 3 Nani enganina ulupili lwa kwa Yehova,+

Kabili nani engeminina mu cifulo cakwe ica mushilo?

 4 Muntu uwa kaele kabili uwasanguluka umutima,+

Uushalapa umulapo wa bufi mwi shina lyandi,*

Nangu uushalapa umulapo pa kuti alebepa abantu.+

 5 Yehova akamupaala nga nshi+

Kabili Lesa uumupususha akamumona ukuti alilungama.*+

 6 Iyi ni nkulo ya bamufwaya,

Iya bafwaya icinso cenu, mwe Lesa wa kwa Yakobo. (Selah)

 7 Inuneni imitwe yenu mwe mpongolo;+

Isukeni* mwe minshi ya kale,

Pa kuti Imfumu ya bukata ingile!+

Ni Yehova uwakosa kabili uwa maka,+

Yehova uwakwatisha amaka ya kulwa inkondo.+

 9 Inuneni imitwe yenu, mwe mpongolo;+

Isukeni mwe minshi ya kale,

Pa kuti Imfumu ya bukata ingile!

 2 Mwe Lesa wandi nalimucetekela;+

Mwileka nseebane.+

 3 Nangu cibe shani abamucetekela tabakaseebane,+

Lelo abafutuka abanabo apabula umulandu e bakaseebana.+

 4 Lengeni njishibe inshila shenu mwe Yehova;+

Nsambilisheni inshila shenu.+

 5 Lengeni nyende mu cine cenu,+

Kabili nsambilisheni pantu nimwe Lesa wandi uumpususha.

 6 Mwe Yehova ibukisheni ifyo mwaba no luse no kutemwa ukushipwa,+

Ifyo mulanga lyonse.*+

Njibukisheni ukulingana no kutemwa kwenu ukushipwa,+

Pantu muli basuma mwe Yehova.+

 9 Akatungulula abafuuka pa kuti bakalecita icalungama,*+

Kabili akasambilisha abafuuka inshila yakwe.+

10 Inshila sha kwa Yehova shonse shilanga ukuti aliba no kutemwa ukushipwa kabili wa cishinka

Ku basunga icipangano cakwe,+ kabili abakonka ifyo atwibukishako.+

11 Pa mulandu we shina lyenu mwe Yehova,+

Mbeleleni uluse pa membu nacita nangu ca kuti shikalamba.

13 Akakwata* ifisuma,+

Kabili abakatuntuka muli ena* bakekala mu calo.+

14 Abatiina Yehova e baba sana ifibusa fyakwe,+

Kabili alalenga baishiba icipangano cakwe.+

15 Amenso yandi lyonse yalolesha kuli Yehova,+

Pantu e ukafumya amakasa yandi mwi sumbu.+

16 Ndolesheni, kabili nangeni icikuuku,

Pantu ndi neka kabili nshikwete uwa kungafwa.

17 Amafya nkwete nayafula;+

Ndubuleni ku bulanda nkwete.

18 Moneni ifyo ndecula na mafya nkwete,+

Kabili mbeleleni uluse pa membu shonse isho nacita.+

19 Moneni ifyo abalwani bandi bafula

Kabili moneni ifyo bampata.

21 Lekeni ncingililwe pa mulandu wa kuti ndi wa kaele, kabili ndacita icalungama+

Pantu nalimucetekela.+

26 Mpinguleni mwe Yehova, pantu ndi wa kaele mu myendele yandi yonse;+

Nacetekela Yehova, nshitalantanta.+

 2 Nceeceeteni mwe Yehova kabili njesheni;

Sangululeni amatontonkanyo yandi ayashika* no mutima wandi.+

 3 Pantu lyonse ukutemwa kwenu ukushipwa kuba pa ntanshi yandi,

Kabili nyenda mu cine cenu.+

 4 Nshiba* pamo na ba bufi,+

Kabili ndataluka abafisa ifyo baba.*

 5 Nalipata ibumba lya bacita ifyabipa,+

Kabili ndakaana ukuba pamo* na babifi.+

 6 Nkasamba iminwe yandi pa kulanga ukuti ndi wa kaele,

Kabili nkashinguluka iciipailo cenu, mwe Yehova,

 7 Pa kuti ishiwi lyandi ilya kutootela likomfwike+

Kabili nkabilisha imilimo yenu yonse iisuma.

 8 Mwe Yehova, nalitemwa ing’anda mwikalamo,+

Icifulo umwaba ubukata bwenu.+

 9 Mwimpyangila pamo* na babembu+

Kabili mwinjipaila pamo na bankalwe,*

10 Abo iminwe yabo icita ifyabipa,

Kabili abo ukuboko kwabo ukwa ku kulyo kwaisulamo amafisakanwa.

12 Ulukasa lwandi lwiminine pa mushili uwakosa;+

Mu lukuta ulukalamba* e mo nkalumbanishisha Yehova.+

 2 Ilyo abaume abacita ifyabipa bansanshile pa kuti bonaule umubili wandi,+

Abalwani bandi e baipunwine no kuwa.

 3 Nangu abashilika bapanga inkambi pa kuti bansanse,

Umutima wandi tawakatiine.+

Nangu inkondo yambuukila,

Na lyo line nkatwalilila ukucetekela Lesa.

 4 Kuli Yehova nalombako fye cimo

—Ico mfwaya—

Ukuti ndeikala mu ng’anda ya kwa Yehova inshiku shonse isha mweo wandi,+

Pa kutila ndemona ubusuma bwa kwa Yehova

Kabili ndekumbwa* itempele* lyakwe.+

 5 Pantu akamfisa mu cifulo cakwe pa bushiku bwa bucushi;+

Akamfisa umwafisama mwi tenti lyakwe;+

Akambika pa muulu wa cilibwe icasansuka.+

 6 Nomba umutwe wandi uli pa muulu wa balwani bandi abanshinguluka;

Nkatuula amalambo pe tenti lyakwe ninshi ndesekelela;

Nkembila* Yehova inyimbo sha kumulumbanya.

 7 Mwe Yehova, mulekutika nga nalilila kuli imwe;+

Mbeleleni uluse kabili njasukeni.+

Nimwe mungafwa;+

Mwindekelesha kabili mwinsha, mwe Lesa we pusukilo lyandi.

10 Nangu tata na mayo bansha,+

Yehova akambuula.+

11 Nsambilisheni inshila yenu, mwe Yehova,+

Ntungululeni mu nshila ya bulungami pantu abalwani bandi nabanshinguluka.

12 Mwimpeela ku balwani bandi,*+

Pantu bakambone ba bufi nabanjimina,+

Kabili balentiinya ukuti balansansa.

13 Nga nshakwete icitetekelo ca kumona ubusuma bwa kwa Yehova

Mu calo ca ba mweo, nga nalileka ukuba ne subilo!*+

14 Cetekela Yehova;+

Kosa kabili leka umutima obe ushipe.+

28 Kuli imwe e ko ndilila mwe Yehova, mwe Cilibwe candi;+

Umfweni ifyo ndelanda.

Pantu nga tamwanjasuke,

Nalaba nga baletentemukila mu cilindi.*+

 2 Umfweni ukupaapaata kwandi ilyo ndelilila kuli imwe ukuti mungafwe

Ilyo naimya amaboko yandi nayalosha ku muputule wa mu kati sana uwaba mu cifulo cenu ica mushilo.+

 3 Mwinsendela pamo na babifi,+

Abeba abanabo amashiwi ya mutende, e lyo ninshi mu mitima yabo mwaba ububifi.+

 4 Bakandileni pa fyo bacita,+

Ukulingana ne fyabipa ifyo bacita.

Bakandeni pa milimo ya minwe yabo,

Ukulingana ne fyo bacita.+

 5 Pantu tababika amano ku fyo Yehova acita,+

Na ku milimo ya minwe yakwe.+

 6 Yehova nacindikwe,

Pantu naumfwa ukupaapaata kwandi ukwa kuti angafwe.

 7 Yehova e umpeela amaka+ kabili e nkwela yandi;+

Umutima wandi walimucetekela.+

Alingafwa kabili umutima wandi ulasekelela,

E ico nkamwimbila ulwimbo pa kumulumbanya.

 8 Yehova e upeela abantu bakwe amaka;

E ca kucingilila, umo umuntu wakwe uo asuba apusukila.+

29 Peeleni Yehova ifyo alinga ukumupeela, mwe bana ba baume aba maka,

Peeleni Yehova ifyo alinga ukumupeela, pa mulandu wa bukata bwakwe na maka.+

 3 Ishiwi lya kwa Yehova lyaumfwika pa muulu wa menshi;

Lesa uwa bukata abulukuta.+

 4 Ishiwi lya kwa Yehova lya maka;+

Ishiwi lya kwa Yehova lya bukata.

 5 Ishiwi lya kwa Yehova lilefunaula imikedari;

Yehova alelepaula imikedari ya ku Lebanone.+

 6 Alenga Lebanone* alatolauka ngo mwana wa ng’ombe,

Kabili alenga Sirione+ alatolauka ngo mwana wa mboo.

 7 Ishiwi lya kwa Yehova lilalenga inkuba yabyata;+

 8 Ishiwi lya kwa Yehova lilalenga amatololo yalatutuma;+

Yehova alenga amatololo ya Kadeshe+ yalatutuma.

 9 Ishiwi lya kwa Yehova lilenga insebula yalatutuma no kupaapa

Kabili lipulula ifimuti fya mu mpanga.+

10 Icipuna ca Bufumu ica kwa Yehova caba pa muulu wa menshi ayengi;*+

Yehova ni Mfumu kabili akateka umuyayaya.+

30 Nkamulumbanya mwe Yehova pantu mwalinjimya;

Kabili tamwalekele abalwani bandi basekelela pa mulandu wa kuwa kwandi.+

 4 Imbileni* Yehova inyimbo sha kumulumbanya, mwe baba ne cishinka kuli ena,+

Tooteleni ishina lyakwe* ilya mushilo;+

 5 Pantu afulilwa umuntu pa kashita fye akanono,+

Lelo alamulanga ubusuma inshiku shonse isha mweo wakwe.+

 8 Nalelilila kuli imwe, mwe Yehova;+

Kabili nalepaapaata Yehova ukuti ampaale.

11 Mwalenga naleka ukuloosha, natendeka ukucinda ninshi ndesekelela;

Mwamfuula insamu, e lyo mwamfwika ukusekelela,

12 Pa kuti ni-ikala tondolo, lelo imwimbile* inyimbo sha kumulumbanya.

Beni ulupili lwandi ulwa kuncingilila,

Icifulo uko ningabutukila pa kuti mpusuke.+

 3 Pantu muli cilibwe candi kabili uwa kuncingilila;+

Mukantungulula no kunanga inshila,+ pa mulandu we shina lyenu.+

 4 Mukamfumya mwi sumbu ilyo banteya mu bumfisolo,+

Pantu nimwe cubo candi.+

 6 Nalipata abapepa utulubi utushingabacitila nangu cimo,

Lelo ine nacetekela Yehova.

 7 Nkasekelela nga nshi pa mulandu wa kuti mulananga ukutemwa ukushipwa,

Pantu namumona ifyo ndecula;+

Namwishiba ifyo ndi no bulanda nga nshi.*

 8 Tamulekele umulwani ancimfya,

Lelo mulenga naiminina mu cifulo icacingililwa.*

10 Umweo wandi uli no bulanda nga nshi+

Kabili uleteta.+

Amaka yandi yacepa pa mulandu wa membu shandi;

Amafupa yandi yanaka.+

11 Abalwani bandi bonse balampumya,+

Maka maka abena mupalamano bandi.

Kabili abo naishibana nabo balantiina;

Nga bamona ndi panse, balambutuka.+

12 Tabantontonkanyanapo,* balindaba kwati nalifwa;

Ndi ngo mutondo uwatobeka.

13 Nalyumfwa ifingi ifyabipa ifyo bapanga ukuncita;

Ndomfwa umwenso.+

Pantu abantiinya balinshinguluka,

Ilyo banonganina, balapanga ukunjipaya.+

Lekeni ababifi e bo baseebane;+

Lekeni babe tondolo mu Nshiishi.*+

18 Lekeni imilomo iilanda ifya bufi ibulwe amashiwi ya kulanda,+

Imilomo iya matutumuko kabili iya misuula, iilanda icilandelande pa balungama.

Mwabusungila abamutiina+ kabili abooba muli imwe,+

Mwalenga abantu bonse bamona ubusuma bwenu.

20 Mukabafisa mu cifulo cabelama icaba mupepi na imwe+

Ku babapangila;

Mukabafisa mu nsakwe yenu

Ku babasaalula.*+

21 Yehova nalumbanishiwe,

Pantu alinanga ukutemwa ukushipwa+ mu nshila ya kupapa, mu musumba uo bashinga ku balwani.+

Yehova alacingilila uwa cishinka,+

Lelo uwa matutumuko alamukanda icabipisha.+

24 Koseni kabili lekeni imitima yenu ishipe,+

Imwe bonse mwe balolela Yehova.+

 2 Wa nsansa umuntu uo Yehova amona ukuti taba na mulandu,+

Uushaba no bucenjeshi mu mutima wakwe.

 5 Nasukile nayebelela ulubembu lwandi kuli imwe;

Nshafishile icilubo candi.+

 6 Ici e cikalenga uwa cishinka onse akapepe kuli imwe+

Pa nshita mwingasangwa.+

 7 Muli imwe e mo mfisama;

Mukancingilila ku bucushi.+

 9 Mwiba nga kabalwe nelyo imfalashi, inama ishishiiluka,+

Isho babikako umukobelo nelyo isho bakakila intambo

Pa kuti bashitungulule.”

10 Umubifi alacula sana;

Lelo uucetekela Yehova, ukutemwa kwakwe ukushipwa kulamucingilila.+

11 Sekeleleni pa mulandu wa fyo Yehova acita, kabili sansamukeni mwe balungama;

Auleni utupundu imwe bonse mwe bakaele.

 2 Lisheni insango pa kutootela Yehova;

Mwimbileni inyimbo sha kumulumbanya* ninshi mulelisha icilimba ca nsale 10.

 3 Mwimbileni ulwimbo ulupya;+

Lisheni bwino insale uku ninshi mulesekelela.

 4 Pantu ifyo Yehova alanda fyalilungama,+

Kabili fyonse ifyo acita filanga ukuti alicetekelwa.

 6 Ku cebo ca kwa Yehova imyulu yalipangilwe,+

Na ku mupashi* wa mu kanwa kakwe, ifya mu muulu fyonse fyalipangilwe.*

 7 Apindilila amenshi ya muli bemba nga ya mu cishiba;+

Abika amenshi ayalelulunkana mu matala.

 9 Pantu alilandile, kabili fyalishilebako;+

Alifumishe icipope, kabili fyonse fyalishilebako.+

10 Yehova nafulunganya amapange* ya nko;+

Nalesha amapange* ya bantu.+

11 Lelo ifyo Yehova asalapo ukucita* fikabako umuyayaya;+

Ifyo afwaya ukucita tafyaluka mu nkulo shonse.

12 Ba nsansa abantu abo Yehova e Lesa wabo,+

Abantu abo asala pa kuti babe abantu bakwe.+

13 Yehova mu muulu alalolesha pe sonde,

Alamona abana ba bantu bonse.+

14 Ukufuma ku cifulo cakwe uko ekala,

Alolesha bonse abekala pe sonde.

15 E ubumba imitima ya bantu bonse;

Alaceeceeta fyonse ifyo bacita.+

16 Ubwingi bwa bashilika te bulenga imfumu yapusuka;+

No mwaume uwakwatisha amaka tapusukila ku maka yakwe.+

17 Ukucetekela ukuti kabalwe kuti apususha umuntu,*+ kuibepa fye;

Nangu ca kuti alikwatisha amaka te kuti apusushe umuntu.

18 Moneni! Amenso ya kwa Yehova yalamona abamutiina,+

Abalolela ukuti abalange ukutemwa ukushipwa,

19 Pa kuti abapusushe* ku mfwa

Kabili acingilile imyeo yabo mu nshita ya cipowe.+

21 Imitima yesu ilasekelela pa fyo acita,

Pantu twalicetekela ishina lyakwe ilya mushilo.+

22 Mwe Yehova, ukutemwa kwenu ukushipwa nakube pali ifwe,+

Ilyo tulelolela ukuti mutwafwe.+

34 Nkalumbanya Yehova inshita yonse;

Imilomo yandi tayakaleke ukumulumbanya.

 2 Nkaitakishisha* muli Yehova;+

Abafuuka bakomfwa kabili bakasekelela.

 3 Imwe na ine natucindike Yehova;+

Natulumbanishishe pamo ishina lyakwe.

 5 Ifinso fya bamuloleshe fyatendeke ukubengeshima;

Taali no kuleka baseebana.

 7 Malaika wa kwa Yehova apanga inkambi ukushinguluka abatiina Lesa,+

Kabili alabapususha.+

 8 Sondeni no kumona ukuti Yehova musuma;+

Wa nsansa umuntu uuba muli ena.

 9 Tiineni Yehova mwe bantu bakwe bonse aba mushilo,

Pantu abamutiina tababulisha nangu cimo.+

10 Nangu ni nkalamo ishana isha masense* isha maka kuti shaba ne nsala,

Lelo abafwaya ukuti Yehova alebatungulula tabakabulwe nangu cimo icisuma.+

11 Iseni mwe bana bandi, kutikeni kuli ine;

Nalamusambilisha ifya kutiina Yehova.+

12 Nani pali imwe uwatemwa umweo

Uwingatemwa ukumona inshiku ishingi ishisuma?+

13 Wileka ululimi lobe lulelanda ifyabipa,+

Kabili wileka imilomo yobe ilebepa.+

14 Taluka ku fyabipa, kabili ulecita ifisuma;+

Fwaya umutende kabili uleusungilila.+

15 Amenso ya kwa Yehova yalamona abalungama,+

Kabili amatwi yakwe yalomfwa nga balilila kuli ena ukuti abafwe.+

16 Icinso ca kwa Yehova cilalwisha abacita ifyabipa,

Akabalofya pe sonde pa kuti kwikaba nangu umo uukabebukisha.+

17 Abalungama balilile kuli Yehova kabili alibomfwile;+

Alibapokolwele ku macushi yabo yonse.+

18 Yehova alaba mupepi na baba no bulanda;+

Alapususha abasakamikwa.*+

19 Amafya ayo uwalungama akwata yengi,+

Lelo Yehova alamupokolola ku mafya* yonse.+

20 Alalinda amafupa yakwe yonse;

Takwaba nangu limo ilyakontokapo.+

21 Ifyabipa fikalenga umubifi akafwe;

Uwapata uwalungama bakamusanga no mulandu.

22 Yehova alalubula imyeo ya babomfi bakwe;

Bonse abooba muli ena takabasange no mulandu.+

35 Mwe Yehova ndubulwileniko umulandu ku balendwisha;+

Lweni na balwa na ine.+

 2 Buuleni inkwela iinono* ne ikalamba,+

Mwise mu kungafwa.+

 5 Lekeni babe nge misungu iyo baleulula ku mwela;

Malaika wa kwa Yehova nabatamfye.+

 6 Inshila yabo naifiite

Kabili naitelele ilyo malaika wa kwa Yehova alebapepeka.

 7 Pantu bateya isumbu apafisama pa kuti banjikate apabula umulandu;

Banyimbila* icilindi apabula umulandu.

 8 Ifyabipa nafimucitikile mu kupumikisha,

Naekatwe mwi sumbu ilyo ateyele pa kuti anjikate;

Naponenemo no kufwa.+

 9 Lelo ine* nkasekelela pa mulandu wa fyo Yehova acita;

Nkasekelela pantu alimpuswishe.

Mulapususha uushakwata bakumwafwa ku bamucila amaka;+

Mulapususha uushakwata bakumwafwa no mupiina ku babebila.”+

11 Bakambone ababifi baima pa kuti banshinine,+

Balenjipusha pa fintu ifyo nshaishiba no kwishiba.

12 Balancita ifyabipa pa fisuma ifyo mbacitila,+

Balenga naba no bulanda* ubo uwafwilwa akwata.

13 Lelo ilyo balwele, nafwele insamu;

Nalefunga pa kuti ncushe umweo wandi,

Kabili ilyo Lesa asha-aswike ipepo lyandi,*

14 Nale-enda ninshi ndeloosha filya ningaloosha cibusa wandi nelyo munyinane;

Nalikonteme ninshi ndi no bulanda, bulya umuntu akwata nga aleloosha nyina.

15 Nomba ilyo naipunwine balisekelele kabili balilongene pamo;

Balongene pamo pa kuti bansanse ukwabula ukwibukila;

Balinsantawile kabili tabaikele tondolo.

16 Abashitiina Lesa balampumya,*

Balasumanya ameno pa mulandu wa kuti balamfulilwa.+

Mpokololeni* ku balensansa,+

Pokololeni umweo wandi* ku nkalamo ishana isha masense.*+

18 Lyena nkamutootela mu lukuta ulukalamba;+

Pa bantu abengi e po nkamulumbanishisha.

19 Mwileka abandwisha apabula umulandu basekelele pa filencitikila;

Mwileka abampata apabula umulandu+ balempumya.*+

20 Pantu tabalanda ifingalenga kwaba umutende;

Lelo balapangila abekala umutende ifya bucenjeshi.+

21 Basamuna utunwa twabo pa kumbepesha,

Batila: “Te apa nomba! Amenso yesu yaimwena.”

23 Buukeni kabili imeni, pa kuti munandileko ku balempeela imilandu,

Mwe Yehova Lesa wandi ndubulwileniko.

24 Mpinguleni ukulingana no bulungami bwenu,+ mwe Yehova Lesa wandi,

Mwileka abalwani bandi basekelele pa fyo ndecula.

26 Lekeni bonse bomfwe insoni kabili baseebane,

Bonse abasekelela pa fyo ncula.

27 Lelo abasekelela pa mulandu wa kuti nalilungama, bena nabasansamuke;

Nabalelanda lyonse abati:

28 Lyena ululimi lwandi lukalanda* pa bulungami bwenu+

Kabili nkamulumbanya akasuba konse.+

36 Ifyabipa e fitungulula umutima wa mubifi;

Takuli nangu fimo ifyo amona ifilenga alatiina Lesa.+

 2 Pantu mu menso yakwe aimona kwati alilungama

Ica kuti tamona ulubembu lwakwe kabili talupata.+

 3 Amashiwi alanda yalakalifya kabili ya bucenjeshi;

Taishiba ifya kucita icisuma.

Enda mu nshila iyabipa;

Takaana ukucita ifyabipa.

 5 Mwe Yehova, ukutemwa kwenu ukushipwa kwafika mu myulu,+

Icishinka cenu cafika mu makumbi.

 6 Ubulungami bwenu bwaba nge mpili ishikalamba;*+

Ubupingushi bwenu bwaba nga menshi ayengi.+

 8 Banwa ifisuma ifingi* ifyaba mu ng’anda yenu mpaka baikuta,+

Mubanwesha ifisuma kabili ifingi nga nshi, nga menshi ya mu mumana.+

 9 Nimwe intulo ya mweo;+

Ulubuuto lwenu e lulenga twamona ulubuuto.+

10 Twalilileni ukulanga ukutemwa kwenu ukushipwa ku bamwishiba,+

No bulungami bwenu ku bakaele.+

11 Mwileka ulukasa lwa wa cilumba lunyante

Nelyo ukuboko kwa mubifi kuntamfye.

12 Kulya e ko abacita ifyabipa bawilile;

Nababawisha panshi kabili te kuti beme.+

37 Wilafulwa* pa mulandu wa bacita ifyabipa

Kabili wilakumbwa abacita ifishalungama.+

 2 Bakoma bwangu nge cani+

Kabili bakabonsa nge cani iciteku.

 3 Cetekela Yehova kabili ulecita icisuma;+

Ikala mu calo* kabili uleba uwa cishinka muli fyonse.+

 4 Ulesekelela nga nshi muli Yehova,

Na o akakupeela ififwaya umutima obe.

 5 Bika fyonse ifyo ucita pali Yehova;+

Mutetekele na o akakwafwa.+

 6 Akalenga ubulungami bobe bukabengeshime nga filya akasuba kabengeshima ilyo kaletula,

Kabili akalenga ifyalungama ifyo ucita fikabalike nga filya akasuba kabalika nga kafika pa kati.

 7 Uleikala tondolo

Ilyo ulelolela* ukuti Yehova acitepo cimo.+

Wilakalipa ifintu nga file-endela bwino umuntu

Uulecita ifyo apanga.+

 8 Leka ubukali kabili taluka icipyu;+

Wilakalipa kabili wilacita ifyabipa.*

 9 Pantu abacita ifyabipa bakabalofya,+

Lelo abatetekela Yehova bakekala mu calo.+

10 Kwashala fye panono ababifi tabakabepo;+

Ukalolesha apo bali,

Lelo tabakabepo.+

11 Lelo abafuuka bakekala mu calo,+

Kabili bakasekelela nga nshi pantu mukaba sana umutende.+

12 Umubifi alapanga ukucita uwalungama ifyabipa;+

Alasumanya ameno pa mulandu wa kuti alamufulilwa.

13 Lelo Yehova akaseka umubifi,

Pantu alishiba ukuti ubushiku bwakwe ubwa kufwa bukesa.+

14 Ababifi balasomona ulupanga kabili balatinta ubuta*

Pa kuti bawishe abo bacusha kabili abapiina,

Pa kuti bepaye abacita ifyalungama.

15 Lelo ulupanga lwabo lukalasa imitima yabo;+

Na mata yabo yakakontoka.

16 Ifinono ifyo uwalungama akwata

Fyawamapo ukucila ifingi ifyo ababifi abengi bakwata.+

17 Pantu amaboko ya babifi bakayafuna,

Lelo Yehova akafwilisha abalungama.

18 Yehova aleshiba amafya abakaele bakwata,*

Kabili ubupyani bwabo bwa muyayaya.+

19 Takabaseebanye mu nshita ya mafya;

Mu nshita ya cipowe bakakwata ifya kulya ifingi.

20 Lelo ababifi bakaloba;+

Abalwani ba kwa Yehova bakaloba nga filya icani iciteku icisuma cuma bwangu;

Bakapwa nga filya icushi cipwa.

21 Umubifi nga akongola tabwesha,

Lelo uwalungama ni kapekape kabili alalangulukilako abantu.+

22 Abo Lesa apaala bakekala mu calo,

Lelo abo atiipa bakaloba.+

23 Yehova alatungulula* intampulo sha muntu,+

Nga atemwa ifyo umuntu acita.+

24 Nangu engawa, tekalilila panshi,+

Pantu Yehova alekata ukuboko kwakwe no kumwimya.+

25 Nali umulumendo nomba ninkota,

Lelo nshatalamonapo uwalungama bamulekelesha kuli Lesa,+

Nelyo abana bakwe balalombelesha ifya kulya.*+

26 Lyonse alaitemenwa ukwashimisha,+

Kabili Lesa akapaala abana bakwe.

27 Wilacita ifyabipa, lelo ulecita ifisuma,+

E lyo ukekala umuyayaya.

28 Pantu Yehova atemwa umulinganya,

Kabili takalekeleshe ababa ne cishinka kuli ena.+

Lyonse akulabacingilila;+

Lelo abana ba babifi bena, akabalofya.+

29 Abalungama e bakekala mu calo,+

Kabili bakekalamo umuyayaya.+

30 Akanwa ka walungama kalanda ifya mano,*

Kabili ululimi lwakwe lulanda ifyalungama.+

31 Amafunde ya kwa Lesa wakwe yali mu mutima wakwe;+

Ilyo akulaenda, amakasa yakwe tayakulashelemuka.+

32 Umubifi alalolekesha uwalungama,

Pa kuti amwipaye.

33 Lelo Yehova takaleke umubifi akepaye uwalungama+

Kabili takamusange no mulandu ilyo akamupingula.+

34 Ulelolela Yehova ukuti akacitepo cimo,

Kabili ule-enda mu nshila yakwe, na o akakucindamika.

35 Nalimonapo umubifi uushaba na luse ifintu filemwendela bwino

Aba nge cimuti icafumba icamena pa mushili wa ciko uusuma.+

36 Lelo mu kupumikisha alifwile kabili alilobele;+

Nalemufwaya, lelo nshamusangile.+

37 Lolesha uwa kaele,*

Kabili mona uwalungama,+

Pantu inshita ya ku ntanshi iya uyu muntu ikaba iya mutende.+

38 Lelo bonse abashikonka amafunde ya kwa Lesa bakabalofya;

Ababifi bakabalofya.+

39 Yehova e upususha abalungama;+

E cubo cabo mu nshita ya macushi.+

Akabapokolola ku babifi kabili akabapususha,

Pantu kuli ena e ko babutukila pa kuti abacingilile.+

38 Mwe Yehova, mwimfunda ninshi namufulwa,

Nelyo ukunungika ninshi namukalipa.+

 2 Pantu imifwi yenu naindasa, naingila sana mu kati ka mubili wandi,

Kabili ukuboko kwenu kulentitikisha.+

 4 Pantu imembu shandi nashitulumana pa mutwe wandi;+

Shili nge cipe icafina ico nshingasenda.

 5 Ifilonda fyandi filenunka kabili nafibola

Pa mulandu wa buwelewele bwandi.

 6 Ninsakamikwa kabili ndi no bulanda nga nshi;

Akasuba konse nyenda fye uwa bulanda.

 7 Mu mubili wandi muli umulilo,*

Umubili wandi onse naulwala.+

 8 Nindeka ukumfwa ubukali kabili ninshonaulwa icibi;

Ndeteta nga nshi* pa mulandu wa kukalipwa kwa mutima wandi.

 9 Mwe Yehova, mwalishiba fyonse ifyo mfwaya,

Kabili mulomfwa ukuteta kwandi konse.

10 Umutima wandi ulekulunkuta, amaka yandi nayapwa,

Kabili ulubuuto lwa menso yandi naluya.+

11 Abo natemwa na banandi balantaluka pa mulandu wa bulwele nalwala,

Kabili abo naishibana nabo sana beminina akatalamukila.

12 Abafwaya umweo wandi balanteya ifiteyo;

Abafwaya ukuncita ifyabipa balalanda pa kunjipaya;+

Akasuba konse balanshanya ifyo bengambepa.

13 Lelo nga filya uwakoma amatwi ashumfwa, na ine nshumfwa;+

Nga filya cibulu ashilanda, na ine wine nshasamuna akanwa kandi.+

14 Naba ngo muntu uushingomfwa,

Uo akanwa kakwe kashingalanda nangu cimo pa kuti aipokolole.

15 Pantu ndolela imwe mwe Yehova ukuti mungafwe,+

Kabili mukangafwa mwe Yehova Lesa wandi.+

16 Pantu natile: “Besekelela pa mulandu ne filencitikila

Kabili bempumya, amakasa yandi nga yashelela.”

17 Kwashele fye panono nga naliwile,

Kabili lyonse naleumfwa ubukali.+

18 Naliyebelele icilubo nacitile;+

Ulubembu nacitile lwalinsakamike.+

19 Lelo abalwani bandi balikosa* kabili ba maka,*

Abampata apabula umulandu nabafula.

20 Balancita ifyabipa pa fisuma ifyo mbacitila;

Balankaanya ukucita icisuma.

22 Angufyanyeni ukwisa mu kungafwa,

Mwe Yehova, mwe pusukilo lyandi.+

39 Natile: “Nkalinda intampulo shandi

Pa kuti nikabembuka ku lulimi lwandi.+

Nkafimba pa kanwa kandi pa kuti nkakacingilile+

Ilyo umubifi ali apo ndi.”

 2 Nshalelandapo nangu cimo, naikele fye tondolo;+

Nangu ni pa fisuma nshalelandapo nangu cimo,

Lelo naleumfwa sana ububi.

 4 “Mwe Yehova, lengeni njishibe ifyo impela yandi ikaba,

No bwingi bwa nshiku shandi,+

Pa kuti njishibe ifyo ubumi bwandi bwaipipa.

 5 Mwalicefya inshiku shandi;*+

Kabili mumona inshiku sha bumi bwandi kwati no kuba tashabako.+

 9 Naikele tondolo;

Nalifililwe ukwasamuna akanwa kandi,+

Pantu nimwe mwalengele ukuti ifi ficitike.+

11 Mulakanda umuntu pa kumulungika pa cilubo acitile;+

Mulonaula ifyo amona ukuti fyalicindama, nga filya icipelebesha ca bushiku cicita.

12 Umfweni ipepo lyandi mwe Yehova,

Kutikeni ilyo ndelilila kuli imwe ukuti mungafwe.+

Pantu ndi ngo mweni kuli imwe,+

Ndeikala fye inshiku ishinono nga filya ifikolwe fyandi fyonse fyaikele.+

13 Mwindolesha bukali bukali, pa kuti nsansamuke

Ilyo nshilafwa no kuloba.”

40 Nalicetekele sana* Yehova,

Kabili alyumfwile ifyo nalelanda,* ifyo nalemupaapaata ukuti angafwe.+

 2 Amfumishe mu cilindi umwalepooma amenshi,

Amfumishe mu matipa.

Kabili abikile amakasa yandi pa cilibwe;

Alengele naenda pa mushili uwakosa.

 3 Lyena abikile ulwimbo ulupya mu kanwa kandi,+

Ulwa kulumbanya Lesa wesu.

Abengi nga bamona ifi bakatiina

Kabili bakacetekela Yehova.

 4 Wa nsansa umuntu uwacetekela Yehova

Kabili uushacetekela abashumfwila Lesa nelyo aba bufi.

 5 Ifyo mwacita fingi,

Mwe Yehova Lesa wandi,

Imilimo yenu isuma nga nshi kabili ifyo mutontonkanya pali ifwe ifingatuwamina na fyo fingi+

Takwaba uwalingana na imwe;+

Nga nali no kulanda pali ifi fintu,

Te kuti mfipende pantu fyalifulisha!+

 6 Tamwalefwaya* ilambo no mutuulo,+

Lelo mwakomwene amatwi yandi pa kuti yomfwe.+

 8 Ukucita ifyo mufwaya mwe Lesa wandi, e ko natemwa,*+

Kabili amafunde yenu yaba mu mutima wandi.+

Moneni! Nshilesha imilomo yandi,+

Nga fintu mwaishiba bwino mwe Yehova.

Imembu shandi nashifula ica kuti nshilemona no ko ndeya;+

Nashifula ukucila umushishi wa ku mutwe wandi,

Kabili nimfuupuka.

14 Bonse abalefwaya ukwipaya umweo wandi

Nabomfwe insoni kabili baseebane.

Abalesekelela pa mulandu wa kucula kwandi

Nababwelelemo ninshi nabaseebana.

16 Lelo lekeni abamufwaya+

Basansamuke kabili basekelele pa mulandu wa kuti balimwishiba.+

17 Lelo ine nshakwata uwa kungafwa kabili ndi mupiina;

Yehova nambikeko amano.

Nimwe mungafwa kabili nimwe mumpususha.+

Mwe Lesa wandi, angufyanyeni ukwisa mu kungafwa.+

Ku mukalamba wa bakemba.

Ulwimbo lwa kwa Davidi.

41 Wa nsansa uwafwilisha umuntu uo basuula;+

Yehova akamupususha mu bushiku bwa bucushi.

Bakalamumona ukuti wa nsansa mwi sonde;+

Tamwakamupeele ku balwani bakwe.*+

 3 Yehova takamulekeleshe ilyo akalaala pa busanshi bwakwe ninshi nalwala;+

Mukamusakamana pa nshita yonse iyo akalwala.

Alapanga ukulanda ifyabipa;

Lyena alafumina panse, aya ale-eba abantu.

 7 Bonse abampata batotoshanya pali ine;

Balapanga ukuncita ifyabipa, balanda abati:

 8 “Ubucushi nabumwishila;

Apo nomba nalambalala, takeme.”+

 9 Nangu fye ni cibusa wandi uo nacetekeele,+

Uwalelyako umukate wandi, nanjimisha akatende.*+

10 Lelo imwe mwe Yehova, ng’umfwileni uluse kabili njimyeni,

Pa kuti nkande abalwani bandi pa fyo bacita.

12 Mulantungilila pa mulandu wa kuti ndi wa kaele;+

Mukambika pa ntanshi yenu umuyayaya.+

13 Yehova Lesa wa kwa Israele nalumbanishiwe

Ukufuma umuyayaya ukuya umuyayaya.+

42 Nga filya insebula ifwaisha amenshi ya mu milonga,

E fyo na ine mfwaisha* ukumubombela mwe Lesa.

 3 Ifilamba fyandi e fya kulya fyandi akasuba no bushiku;

Akasuba konse abantu balampumya abati: “Ali kwi Lesa obe?”+

 4 Ifi fintu nimfibukisha, kabili ndemulondolwela ifili ku mutima,

Pantu nalyendeelepo pamo ne bumba ilikalamba;

Nalebatungulula* ilyo twaleya ku ng’anda ya kwa Lesa,

Twalesekelela ilyo twaleya kabili twaleimba inyimbo sha kutootela,

Nga filya ibumba ilikalamba limba pa bushiku balesefya umutebeto.+

Ndelolela Lesa,+

Pantu nkamulumbanya pa mulandu wa kuti ni kalubula wandi umukalamba.+

E co namwibukishisha,+

Ukufuma ku Yordani na ku mpili sha Hermone,

Ukufuma ku lupili lwa Misari.*

 7 Ning’umfwa iciunda ca menshi ayalepooma

Iciunda ca fipooma fyenu.

 8 Akasuba Yehova akulananga ukutemwa ukushipwa,

Kabili ubushiku nakulaimba pali ena—nkalapepa kuli Lesa uwampeela ubumi.+

10 Abalwani bandi balampumya icabipisha;*

Akasuba konse bampumya abati: “Ali kwi Lesa obe?”+

Ndelolela Lesa,+

Pantu nkamulumbanya pa mulandu wa kuti ni kalubula wandi umukalamba kabili ni Lesa wandi.+

43 Mpinguleni mwe Lesa,+

Ndubulwileniko umulandu+ ku luko ulushaba na cishinka.

Lekeni fintungulule.+

Lekeni fintungulule ku lupili lwenu ulwa mushilo na ku cifulo cenu ica lulumbi uko mwikala.+

 4 Lyena nkaya ku ciipailo ca kwa Lesa,+

Kuli Lesa uulenga ndesekelela nga nshi.

Ndelolela Lesa,+

Pantu nkamulumbanya pa mulandu wa kuti ni kalubula wandi umukalamba kabili ni Lesa wandi.+

44 Mwe Lesa twaliyumfwila,

Ifikolwe fyesu fyalitulondolwela,+

Ifyo mwacitile mu nshiku shabo,

Mu nshiku sha ku kale.

 2 Mwatamfiishe inko+ ku kuboko kwenu

Kabili mwapeele ifikolwe fyesu icalo ca shiko.+

 3 Te ku lupanga lwabo bapokeele icalo,+

Kabili te kuboko kwabo ukwalengele bacimfye.+

Lelo kuboko kwenu ukwa ku kulyo,+ amaka yenu no lubuuto lwa cinso cenu e fyalengele bacimfye,

Pantu mwalibatemenwe.+

 4 Nimwe Imfumu yandi mwe Lesa.+

Fumyeni icipope ca kuti Yakobo acimfye.*

 5 Ku maka yenu e ko tukatamfisha abalwani besu;+

Mwi shina lyenu e mo tukanyantawila abatwimina.+

 6 Pantu nshacetekela mu buta bwandi,

Kabili ulupanga lwandi te kuti lumpusushe.+

 7 Nimwe mwatupuswishe ku balwani besu,+

Kabili nimwe mwaseebenye abatupata.

 8 Tukalumbanya Lesa akasuba konse,

Kabili tukatootela ishina lyenu umuyayaya. (Selah)

 9 Lelo nomba mwalitulekelesha kabili mwalilenga twaseebana,

Kabili tamutungulula abashilika besu.

10 Lyonse mulenga twafulumuka abalwani besu;+

Abatupata balatupokolola conse ico batemwa.

11 Namuleka abalwani besu batwipaya nge mpaanga;

Namutusalanganishisha mu fyalo.+

12 Mwashitisha abantu benu pa mutengo uunono sana;+

Muli ifi mwabashitisha tamwasangamo ubunonshi nangu bumo.*

13 Mwalilenga abena mupalamano balatuseebanya,

Abatushinguluka balatupumya no kutuseka.

14 Mwalenga aba mu nko baletupumya,*+

Abantu nga batumona balapukunya imitwe.

15 Ninseebana akasuba konse,

Kabili insoni nashifimba icinso candi,

16 Pa mulandu wa kumfwa amashiwi ya kumpumya na ya kunsaalula,

Pa mulandu wa mulwani wesu uulelandula.

17 Nangu ca kuti fyonse ifi fyalitucitikila, tatwamulaba,

Kabili tatwatoba icipangano cenu.+

18 Imitima yesu tayafuma kuli imwe;

Intampulo shesu tashifuma mu nshila yenu.

19 Lelo mwatushonawila umo bamumbwe bekala;

Mwatufimba imfifi iyafiita fititi.

20 Nga ca kuti twalilaba ishina lya kwa Lesa wesu

Nelyo nga twalitambulwile amaboko yesu pa kupepa lesa umbi,

21 Bushe Lesa takeshibe?

22 Apo tuli bantu benu, balatwipaya akasuba konse;

Abalwani besu batumona nge mpaanga isho baleya mu kwipaya.+

25 Pantu nabatuwishisha* mu lukungu;

Imibili yesu nabaititikisha panshi.+

 3 Kaka ulupanga lobe+ pa lutungu, we mwaume wa maka,+

Kakila pamo no bukata no bucindami bobe.+

 4 Kabili mu bucindami bobe kabiye ulecimfya;+

Nina pali kabalwe obe pa mulandu wa cishinka no kuicefya no bulungami,+

Kabili ukuboko kobe ukwa ku kulyo kukacita* ifya kutiinya.

 5 Imifwi yobe yalitwa, ilenga abantu bawila pa ntanshi yobe;+

Ipula mu mitima ya balwani ba mfumu.+

 6 Lesa e cipuna cobe ica bufumu umuyayaya;+

Inkonto ya bufumu bobe ni nkonto ya bulungami.*+

 8 Ifya kufwala fyobe fyonse finunkila muri, aloye na kasia;

Ifilimba fya nsale ifilila mwi sano lyobe ilya lulumbi ilya meno ya nsofu filenga ulesekelela.

10 We mwana wandi umwanakashi, umfwa ifyo ndelanda kabili bikako amano;

Labako ku bantu bobe na kuli balupwa ba kwa wiso.

11 Kabili imfumu ikalafwaisha ukukumona pantu uli musuma,

Pantu yena ni sokulu,

E ico ikontamine.

12 Umwana mwanakashi uwa ku Turi akesa no bupe;

Abakankaala sana pa bantu bakalafwaya ukuti ubatemwe.*

13 Umwana mwanakashi wa mfumu ali mwi sano* kabili alemoneka bwino;

Nafwala ifya kufwala fya golde.*

15 Ilyo bakabaleta bakalasekelela kabili bakasansamuka;

Bakengila mwi sano lya mfumu.

46 Lesa e cubo cesu kabili e utupeela amaka,+

Kuti atwafwa lyonse ilyo twaba na mafya.+

 2 E co tushakatiinine, nangu isonde lyaluke,

Nangu impili shiibile muli bemba,+

 3 Nangu amenshi ya muli bemba yalulunkane no kufuluka,+

Nangu impili shitente pa mulandu wa kululunkana kwa bemba. (Selah)

 4 Kwaba umumana uo imilonga ya uko ilenga umusumba wa kwa Lesa wasekelela,+

Icifulo ica lulumbi kabili ica mushilo uko Uwapulamo ekala.

 6 Inko shali mu cimfulunganya, amabufumu baliyacimfishe;

Alisanswile ishiwi lyakwe ne sonde lyalisungulwike.+

 7 Yehova wa mabumba ali na ifwe;+

Lesa wa kwa Yakobo e cubo* cesu. (Selah)

 8 Iseni mumone ifyo Yehova acita,

Ifya kupapusha ifyo acita pano isonde.

Akontaula ubuta kabili aputaula ifumo;

Aoca na maceleta ya nkondo.*

Nkacindamikwa mu nko,+

Nkacindamikwa pe sonde.”+

11 Yehova wa mabumba ali na ifwe;+

Lesa wa kwa Yakobo e cubo cesu.+ (Selah)

 2 Pantu Yehova Uwapulamo, wa kutiinya;+

E Mfumu iikalamba pano isonde ponse.+

 3 Alatucimfishako abantu;

Alalenga twacimfya inko.+

 4 Alatusalila ubupyani,+

Ubo Yakobo uo atemwa ayumfwilapo icilumba.+ (Selah)

 5 Lesa anina aya ku cifulo cakwe ninshi abantu balewelesha ukuwelesha kwa kusekelela;

Yehova anina aya ku cifulo cakwe ninshi abantu balelisha intandala.*

 7 Pantu Lesa e Mfumu ye sonde lyonse;+

Imbeni amalumbo kabili ilukeni,

 9 Intungulushi sha bantu shalongana pamo

Kumo na bantu ba kwa Lesa wa kwa Abrahamu.

48 Yehova mukulu kabili alilinga sana ukumulumbanya

Lekeni bamulumbanye mu musumba wa kwa Lesa wesu, mu lupili lwakwe ulwa mushilo.

 2 Ulupili lwa Sione lwaba ukutali ku kapinda ka ku kuso,

Lulamoneka bwino kabili lutali, e lo abantu bonse pe sonde basekelamo,+

Musumba wa Mfumu Nkalamba.+

 3 Mu mpungu sha uko ishakosa isha pa malinga,

Lesa alilenga caishibikwa ukuti e cubo.*+

 4 Pantu moneni! imfumu shalilongene;*

Shaya ku musumba.

 6 Shalitendeke ukututuma,

Shaliculile nga filya umwanakashi uulepaapa acula.

 8 Ifyo twaumfwile, e fyo tuleimwena

Mu musumba wa kwa Yehova wa mabumba, mu musumba wa kwa Lesa wesu.

 9 Mwe Lesa, tutontonkanya pa kutemwa kwenu ukushipwa,+

Mwi tempele lyenu.

10 Mwe Lesa, ishina lyenu no kumulumbanya

Fyafika ku mpela sha pano isonde.+

11 Nalusekelele Ulupili lwa Sione,+

Imisumba inono iya mu Yuda,* naisekelele pa mulandu wa bupingushi bwenu.+

12 Shingulukeni Sione, bonse shingulukeni umusumba;

Mupende impungu sha uko.+

Ceeceeteni impungu sha uko ishakosa,

Pa kuti mukalondolwele aba mu nkulo ishikakonkapo.

Kutikeni imwe bonse mwe bekala mu calo,*

 2 Mwe bantu yaweyawe na mwe bashimucindikwa,*

Mwe bakwata ifyuma na mwe bapiina.

 3 Akanwa kandi kakalalanda ifya mano,

Kabili nkalatontonkanya+ pa fikalalanga ukuti ndeluka ifintu.

 4 Nkabika amano kwi pinda;

Nkelula ubwile ninshi ndelisha insango.

 5 Nshakatiine mu nshita nkaba na mafya,+

Ilyo ababifi bakanshinguluka kabili ilyo bakalafwaya ukuncimfya.

 6 Abacetekela ifyuma fyabo+

Kabili abayumfwa pa mulandu wa kuti balikwata ifyuma ifingi,+

 7 Pali aba tapali nangu umo uwingalubula umunankwe

Nelyo uwingapeela Lesa icilubula pa kuti alubule umunankwe,+

 8 (Umutengo wa kulubwilako imyeo yabo ukalamba nga nshi

Te kuti bakumanishe ukulipila)

 9 Pa kuti ekale umuyayaya no kukanamona icilindi.*+

10 Alamona ukuti na ba mano balafwa;

Uwatumpa no ushakwata amano bonse balafwa,+

Kabili ifyuma fyabo fishala fya bantu bambi.+

11 Bafwaya ukuti amayanda yabo yakabeko umuyayaya,

Amatenti yabo yakabeko ku nkulo shonse.

12 Lelo umuntu nangu acindame shani, takekalilile;+

Aba fye nge nama ishifwa.+

13 Ifi e ficitikila abatumpa+

Na babakonka abatemwa amashiwi ya fye ayo balanda. (Selah)

Imfwa e ikabacema;

Abalungama bakabateka+ ulucelo.

Bakaloba;+

Inshiishi*+ e ikaba ing’anda yabo,+ te sano.

15 Lelo Lesa akandubula* ku maka* ya Nshiishi,*+

Pantu akanjikata. (Selah)

16 Witiina pa mulandu wa kuti umuntu anonka icuma,

Pa mulandu wa kuti ing’anda yakwe yacindaminako,

17 Pantu nga afwa takasendepo nangu cimo;+

Takaye no bukata bwakwe ku nshiishi.+

20 Umuntu uushiiluka ifi, nangu acindame shani,+

Aba fye nge nama ishifwa.

50 Lesa uwacila tulesa tonse Yehova,*+ nalanda;

Aleta isonde

Ukufuma ku kutula kwa kasuba ukufika ku kuwa kwa kako.*

Pa ntanshi yakwe paliba umulilo uonaula,+

Kabili umwela uukalamba ulamushinguluka ninshi ulepuupa.+

 4 Aita imyulu ne sonde+

Pa kuti apingule abantu bakwe,+ atila:

 5 “Longanikeni pa ntanshi yandi ababa ne cishinka kuli ine,

Abapangana icipangano na ine ukupitila mwi lambo.”+

 6 Imyulu ilabila ubulungami bwakwe,

Pantu Lesa ni Kapingula.+ (Selah)

 7 “Umfweni ifyo nalalanda mwe bantu bandi;

Nalakushinina we Israele.+

 8 Nshilekulungika pa mulandu wa malambo,

Nelyo pa mulandu wa mituulo ya koca iyo utuula kuli ine lyonse.+

 9 Nshifwile ukufumya ing’ombe iilume mu ng’anda yobe,

Nangu ukufumya imbushi* mu macinka yobe.+

10 Pantu inama shonse isha mu mpanga shandi,+

Ne nama ishaba mu mpili shonse na sho shandi.

11 Nalishiba ifyuni fyonse ifya mu mpili,+

Imintapendwa ya nama sha mu mpanga yandi.

12 Nga nali ne nsala, te kuti nkwebe;

Pantu isonde na fyonse ifyabapo fyandi.+

13 Bushe mfwile ukulya umunofu wa ng’ombe ishilume

No kunwa umulopa wa mbushi?+

14 Tuulila Lesa amalumbo,+ pa kuti yabe ilambo lyobe ilya kutasha

Kabili fikilisha imilapo yobe ku Wapulamo;+

15 Ulelilila kuli ine mu nshita ya bucushi.+

“Nani wa kupeela insambu sha kulanda fipope fyandi+

Nelyo pa cipangano candi?+

17 Pantu taufwaya ukukusalapula,*

Kabili taukonka amashiwi yandi.*+

18 Nga wamona kabolala, ulamusekelela,*+

Kabili wangala na bacende.

19 Ubomfya akanwa kobe ku kusabankanya ifyabipa,

Kabili ubufi bwalambatila ku lulimi lobe.+

20 Ulekala na bantu bambi kabili ulalanda ifyabipa pali munonko;+

Ulasokolola ifilubo fya mwana mwaume wa kwa noko.*

21 Ilyo wacitile ifi fyonse, naikele fye tondolo,

E ico wamwene ukutila kuti naba nga iwe.

Lelo nomba nalakulungika

Kabili nalakupeela umulandu.+

22 Tontonkanyeni pali ici mwe balaba Lesa,+

Pantu nga namusantaula, takwabe uwa kumupokololako.

23 Uutuula amalumbo kuli ine nge lambo alancindika,+

Kabili uucita icalungama,

Nkamulenga akamone ipusukilo.”+

 2 Nsambeni bwino bwino pa kuti icilubo candi cifume pali ine,+

Kabili nsangululeni ku lubembu lwandi.+

 3 Pantu nalishiba ifilubo nacita,

Kabili ulubembu nacita lyonse luba pa ntanshi yandi.*+

 4 Nimwe nabembukila sana,*+

Ifyabipa mu menso yenu e fyo nacita.+

E ico mulalungika mu fyo mulanda

Ubupingushi bwenu bwalilungama.+

 5 Moneni! Nafyelwe no mulandu wa lubembu,

Kabili mayo anjimitiile mu lubembu.*+

 6 Moneni! Mulasekelela nga mwamona umutima wa cishinka;+

Nsambilisheni pa kuti mbe no mutima wa mano.

 7 Bomfyeni husope* pa kunsangulula ku lubembu, pa kuti imbe uwasanguluka;+

Nsambeni pa kuti mbuute tuutu.+

 8 Lekeni ng’umfwe ishiwi lya kwanga no kusekelela,

Pa kuti amafupa mwatobele yakasekelele.+

 9 Fumyeni icinso cenu* pa membu shandi,+

Kabili fuuteni* ifilubo fyonse ifyo nacita.+

10 Lengeni imbe no mutima uwasanguluka mwe Lesa,+

Bikeni muli ine umutima uusuma,+ umutima wa cumfwila.

11 Mwintamfya pa cinso cenu;

Kabili mwifumya umupashi wenu uwa mushilo pali ine.

12 Lekeni nsekelele nga filya nasekelele ilyo mwampuswishe,+

Lengeni ndefwaisha ukulamumfwila.*

13 Nkasambilisha bampulamafunde inshila shenu,+

Pa kuti ababembu bakabwelele kuli imwe.

14 Mwe Lesa nimwe mumpususha,+ mbeleleni uluse pa fyo nalengele umuntu afwa,+

Pa kuti ululimi lwandi lulesekelela ilyo lulebilisha ubulungami bwenu.+

15 Mwe Yehova, asamuneni akanwa kandi,

Pa kuti kamulumbanye.+

16 Pantu amulafwaya ilambo, nga nalimupeela;+

Tamusekelela mu mutuulo wa koca.+

17 Amalambo ayo Lesa asekelamo mutima wa bulanda;

Umutima wa bulanda kabili uwasakamikwa, tamwakaukaane* mwe Lesa.+

18 Mu kutemwa kwenu citileni Sione icisuma;

Kuuleni ifibumba fya Yerusalemu.

19 Lyena mukasekelela mu malambo ya bulungami,

Mu malambo ya koca na mu mituulo;

Lyena ing’ombe ishilume bakashituula pa ciipailo cenu.+

 2 Ululimi lobe lwatwa nga kanesala,+

Upanga ukucita ifyabipa kabili ulabepa.+

 3 Walitemwa ifyabipa ukucila ifisuma,

Walitemwa ubufi ukucila ukulanda amashiwi ayalungama. (Selah)

 4 Walitemwa amashiwi ayakalifya abantu,

We lulimi lwa bucenjeshi we!

 5 E co Lesa akakonawila umuku walimo;+

Akakufumya mwi tenti lyobe no kukusantaula,+

Akakunukula mu calo ca ba mweo.+ (Selah)

 6 Abalungama bakamona kabili bakatiina,+

Kabili bakaseka uucita ifyabipa abati:+

 7 Moneni umuntu uushalekele Lesa aba icubo cakwe,+

Lelo acetekele mu fyuma fyakwe ifingi,+

Kabili acetekele* amapange yakwe ayabipa.*

 8 Lelo ine nkaba ngo muolife uwalelema mu ng’anda ya kwa Lesa;

Nalicetekela ukutemwa kwa kwa Lesa ukushipwa+ umuyayaya,

 9 Nkamulumbanya umuyayaya, pantu namucitapo cimo;+

Nkalanga ukuti nalicetekela ishina lyenu+ pa ntanshi ya baba ne cishinka kuli imwe,

Pantu lisuma.

Ifyo bacita tafyalungama kabili fya bunani;

Takuli uulecita icisuma.+

 2 Lelo Lesa ku muulu alolesha abana ba bantu,+

Pa kuti amone nga paliba uwiluka, nga paliba uufwaya Yehova.+

 3 Bonse balifuma mu nshila;

Imibele yabo yalibipa.

Takuli uulecita icisuma,

Takuli fye nangu umo.+

 5 Lelo bakaba no mwenso sana,

Umwenso uo bashatala abomfwapo,*

Pantu Lesa akasalanganya amafupa ya bakusansa.*

Ilyo Yehova akabwesha abantu bakwe bankole,

Lekeni abatuntuka muli Yakobo basekelele na batuntuka muli Israele basansamuke.

54 Mwe Lesa, mpusushisheni kwi shina lyenu,+

Kabili ku maka yenu ncingilileni.*+

 2 Mwe Lesa umfweni ipepo lyandi;+

Kutikeni ifyo akanwa kandi kalelanda.

 3 Pantu abalwani banjimina,

Kabili abankalwe balefwaya umweo wandi.+

 4 Umfweni! Lesa e ungafwa;+

Yehova ali na balentungilila.*

 5 Ifyabipa ifyo abalwani bandi bacita abantu bambi, akafibwesesha pali bena;+

Balofyeni* pa mulandu wa kuti muli ba cishinka.+

 7 Pantu lyonse alampususha nga naba na mafya,+

Kabili nkasekelela ilyo nkamona abalwani bandi bawa.+

55 Umfweni ipepo lyandi mwe Lesa,+

Kabili mwisuula ifyo ndelomba ukuti mung’umfwile uluse.*+

Ifinsakamike nafinasha,+

Kabili ninsakamikwa icine cine

 3 Pa mulandu wa fyo umulwani alanda

Ne fyo umubifi ancusha.

Pantu batuulika pali ine ifyabipa,

Kabili balimpata icine cine.+

 4 Umutima wandi uli no bulanda nga nshi,+

Kabili ndetiina imfwa.+

 5 Ndi no mwenso kabili ndetutuma,

Ukututuma nakunjikata.

 8 Kuti na-angufyanya ukuya ku cifulo uko ningooba

Ukushaba umwela uukalamba ne nkuuka.”

 9 Mwe Yehova, fulunganyeni abacita ifyabipa kabili fulunganyeni amapange yabo,*+

Pantu nimona abantu mu musumba balecita ulukaakala kabili balelwa.

10 Akasuba no bushiku ulukaakala no lubuli filenda pa malinga ya uko;

Kabili mu kati ka uko mwaba ifyabipa na mafya.+

11 Ubucushi bwaba fye ukuli konse mu musumba;

Mu lubansa lwa uko mwaisula ukucula no bucenjeshi.+

12 Pantu te mulwani uumpumya;+

Nga ni ena kuti nashipikisha.

Te mulwani uwanjimina;

Nga ni ena kuti nabelama.

13 Lelo niwe, we muntu nga ine,*+

We munandi uo naishiba bwino.+

14 Twali sana ifibusa;

Twaleba na bantu abengi pa kwingila mu ng’anda ya kwa Lesa.

Nabatentemukile ku Nshiishi* aba mweo;

Pantu bekala no bubifi kabili bwaba muli bena.

16 Lelo ine nkalilila kuli Yehova Lesa,

Kabili akampususha.+

17 Icungulo, ulucelo na kasuba pa kati, ndasakamikwa kabili ndateta,*+

Kabili Lesa alomfwa ishiwi lyandi.+

18 Akampususha* kabili akalenga nkatuushe* ku balendwisha,

Pantu abantu abengi balanjimina.+

19 Lesa akomfwa kabili akabasuka,+

Uwaikala pa cipuna ca Bufumu ukufuma na kale.+ (Selah)

Abashitiina Lesa,+

Bakakaana ukwaluka.

20 Umunandi* alisanshile abashali abalwani bakwe;+

Alitobele icipangano cakwe.+

21 Amashiwi alanda yalitelela ukucila umukaka watikama,*+

Lelo mu mutima wakwe mwaba ulubuli.

Amashiwi alanda yalinakilila ukucila amafuta,

Lelo yaba nga bapanga abatwa.+

22 Poosa icisendo cobe pali Yehova,+

Na o akakukosha.+

 2 Abalwani bandi balansansa akasuba konse;

Abengi ababa ne cilumba balalwa na ine.

 4 Nalicetekela Lesa, ndamulumbanya pa cebo cakwe

Lesa e o nacetekela; Nshitiina.

 5 Akasuba konse balandwisha kabili balancusha;

Batontonkanya fye pa kuncita ifyabipa.+

 6 Balabelama pa kuti bansanse,

Balalolekesha intampulo shandi shonse,+

Pantu balafwaya ukunjipaya.*+

10 Nalicetekela Lesa, ndamulumbanya pa cebo cakwe

Nalicetekela Yehova, ndamulumbanya pa cebo cakwe

11 Nalicetekela Lesa; Nshitiina.+

12 Nkafikilisha ifyo namulaya mwe Lesa;+

Nkamutuulila amalambo ya kumutootela.+

13 Pantu namumpususha* ku mfwa+

Kabili tamwalekele amakasa yandi yaipununa,+

Pa kuti ningatwalilila ukuba no mweo, kabili nde-enda pa ntanshi yenu mwe Lesa.+

57 Beni ne cikuuku kuli ine mwe Lesa, beni ne cikuuku kuli ine,

Pantu muli imwe e mo nguba,*+

Mu cintelelwe ca mapindo yenu e mo nguba mpaka amacushi yapita.+

 2 Ndilila kuli Lesa Uwapulamo,

Kuli Lesa wa cine uumpwishishako amafya.

 4 Inkalamo nashinshinguluka;*+

Nangu nalaala, abaume ababa nge nama ishilya abantu balanshinguluka,

Ameno yabo yaba kwati mafumo ne mifwi

Kabili ululimi lwabo lwatwa ngo lupanga.+

 5 Langeni ubucindami bwenu mu myulu mwe Lesa;

Lekeni abantu bonse mwi sonde bamone ubukata bwenu.+

 6 Nabateya isumbu pa kuti amakasa yandi yekatwemo;+

Ndi no bulanda nga nshi.*+

Nabemba icilindi pa ntanshi yandi,

Lelo e balewilamo.+ (Selah)

 7 Umutima wandi wa cishinka mwe Lesa,+

Umutima wandi wa cishinka.

 9 Mwe Yehova, nkamulumbanishisha pa ntanshi ya bantu;+

Nkamwimbila amalumbo* pa ntanshi ya nko.+

10 Pantu ukutemwa kwenu ukushipwa kukalamba ica kuti kwafika na mu muulu,+

Kabili icishinka cenu cafika na mu makumbi.

11 Langeni ubucindami bwenu mu myulu mwe Lesa;

Lekeni abantu bonse mwi sonde bamone ubukata bwenu.+

 2 Mupanga ukucita ifishalungama mu mitima yenu,+

Kabili iminwe yenu icita ulukaakala mu calo.+

 3 Ababifi balifuma mu nshila,* ukutula fye ilyo bafyelwe;*

Tabacita ifyalungama, ba bufi ukufuma fye ilyo bafyelwe.

 4 Ifyo balanda fyaba ngo busungu bwa nsoka;+

Balikoma amatwi nge nsoka ya busungu sana* iishifwaya ukumfwa.

 5 Tayumfwa ishiwi lya baishiba umuti wa nsoka,

Nangu bengeshiba shani umuti wa kwikatilako insoka.

 8 Nababe nge nkola iisunguluka ilyo ile-enda;

Nababe ngo mwana uufwila mwi fumo lya kwa nyina, kabili uushimonapo akasuba.

 9 Ilyo umulilo wa tumuti twamyunga ushilakafya impoto shenu,

Akapyanga utumuti twa myunga utulepya no tubishi, nga filya umwela uukalamba upyanga ifintu.+

10 Uwalungama akasekelela pantu namona uko ababifi balebalandula;+

Amakasa yakwe yakanyanta mu mulopa wa babifi.+

59 Mwe Lesa wandi, mpususheni ku balwani bandi;+

Ncingilileni ku bantu abalenjimina.+

 2 Mpokololeni ku bacita ifyabipa,

Kabili mpususheni ku ba lukaakala.*

 3 Moneni! balambelamina pa kuti bansanse;+

Abantu abakosa balansansa

Te pa mulandu wa kuti nalipondoka nelyo nalibembuka,+ mwe Yehova.

 6 Lyonse babwela icungulo;+

Babuluma* nge mbwa+ kabili bapitana mu musumba.+

 7 Moneni ifilepongoloka mu tunwa twabo;

Imilomo yabo yaba kwati ni bapanga,+

Pantu batila: “Nani uuleumfwa?”+

 8 Lelo imwe mwe Yehova, mukabaseka;+

Mukapumye nko shonse.+

 9 Mwe Lesa nimwe mumpeela amaka, nkatwalilila ukulola ilyo ndemulolela;+

Pantu Lesa e cubo candi.*+

10 Lesa uunanga ukutemwa ukushipwa akesa mu kungafwa;+

Lesa akalenga nkamoneko uko abalwani bandi bakabacimfya.+

Ku maka yenu balengeni bale-endauka fye;

Lengeni babacimfye mwe Yehova, mwe nkwela yesu.+

12 Pa mulandu wa lubembu lwa mu tunwa twabo, amashiwi imilomo yabo ilanda,

Na pa mulandu wa kuti balatiipa abantu no kubepa ubufi,

Nabekatwe mu cilumba cabo.+

13 Bepayeni ninshi namukalipa;+

Bepayeni pa kuti mubalofye;

Lengeni beshibe ukuti Lesa e uteka abatuntuka muli Yakobo ukufika fye na ku mpela sha pano isonde.+ (Selah)

14 Lekeni babwele icungulo;

Lekeni babulume* nge mbwa kabili bapitane mu musumba.+

15 Balekeni bale-endauka fye ku kufwaya ifya kulya;+

Mwileka bekute kabili mwileka basange umwa kulaala.

16 Lelo ine, nkemba pa maka yenu,+

Mu nshita ya lucelo nkalasekelela ilyo nkalabila pa kutemwa kwenu ukushipwa.

Pantu muli cubo candi+

Kabili icifulo umo mfulumukila mu nshita ya macushi.+

17 Mwe Maka yandi, nkamwimbila inyimbo sha kumulumbanya,*+

Pantu Lesa e cubo candi, Lesa uunanga ukutemwa ukushipwa.+

 4 Peeleni* abamutiina icishibilo

Pa kuti babutuke no kuleuka ubuta. (Selah)

 5 Pa kuti abo mwatemwa bapusuke,

Tupusushisheni ku kuboko kwenu ukwa ku kulyo kabili twasukeni.+

“Nkasekelela ilyo nkapeela abantu bandi Shekemu pa kuti ikabe ubupyani bwabo,+

Kabili nkakanya Umupokapoka* wa Sukote.+

 7 Gileadi yandi na Manase nayo yandi,+

Kabili Efraimu cisote* candi ica ku mutwe;

Yuda ni nkonto yandi iyaba nge nkonto ya kutungulwilako abantu.+

10 Bushe te imwe mwe Lesa mwe batukaana,

Lesa wesu uwaleka ukuya na bashilika besu ku nkondo?+

11 Twafweni ilyo tulecula,

Pantu ukucetekela ukuti umuntunse kuti atupususha kuicusha fye.+

12 Lesa akatupeela amaka,+

Kabili akanyantaula abalwani besu.+

 2 Ku mpela sha pano isonde e ko nkalilila kuli imwe

Umutima wandi nga wacula.*+

 3 Pantu muli cubo candi,

Muli lupungu ulwakosa uluncingilila ku mulwani.+

 4 Nkaba umweni mwi tenti lyenu umuyayaya;+

Nkooba mu mapindo yenu.+ (Selah)

 6 Imfumu mukailundilako inshiku isho ikaba no mweo,*+

Kabili ikekala imyaka iingi nga nshi.

 7 Ikekala pa cipuna ca bufumu umuyayaya pa ntanshi ya kwa Lesa;+

Peeleni imfumu ukutemwa ukushipwa ne cishinka, pa kuti fileicingilila.*+

 8 Lyena nkembila ishina lyenu amalumbo* umuyayaya+

Ilyo nkalafikilisha imilapo yandi cila bushiku.+

 2 E cilibwe candi kabili e pusukilo lyandi, cubo* candi;+

Nshakatelentenshiwe sana.+

 4 Balapandana amano pa kuti bamufumye pa cifulo ca pa muulu;*

Balomfwa bwino ukubepa.

 5 Ndalolela* Lesa ninshi nintekanya ukuti acitepo cimo,+

Pantu e ulenga naba ne subilo.+

 6 Cilibwe candi kabili e pusukilo lyandi, cubo candi;

Nshakatelentenshiwe.+

 9 Abana ba bantu mupu,

Abana ba bantunse cubo ca bufi.+

10 Mwilacetekela mu bucenjeshi pa kuti munonke ifyuma,

Nelyo ukucetekela mu fintu fya kwiba,

12 Ukutemwa ukushipwa na ko kwenu mwe Yehova,+

Pantu mulambula umuntu ukulingana ne fyo acita.+

Umubili wandi naunaka nga nshi pa mulandu wa kuti ndamufwaisha

Mu mpanga iyauma umushaba amenshi.+

 2 E ico namumona mu cifulo cenu ica mushilo;

Namona amaka yenu no bukata bwenu.+

 3 Pa mulandu wa kuti ukutemwa kwenu ukushipwa kusuma ukucila ubumi,+

Imilomo yandi ikamulumbanya.+

 4 E ico nkamulumbanya inshiku shonse isha mweo wandi;

Mwi shina lyenu e mo nkemisha amaboko yandi.

 5 Ninjikuta* ifisuma kabili ifyawamisha,*

E ico akanwa kandi ka kamulumbanya, ninshi imilomo yandi ilesekelela.+

 6 Ndamwibukisha ilyo ndi pa busanshi bwandi;

Mu nshita ya bushiku ndamutontonkanyapo sana.+

 7 Pantu nimwe mungafwa,+

Kabili ndasekelela ilyo ndemulumbanya ninshi ndi mu cintelelwe ca mapindo yenu.+

 8 Nalambatila* kuli imwe;

Mutwalilila ukunjikatisha ku kuboko kwenu ukwa ku kulyo.+

 9 Lelo abafwaya ukulofya umweo wandi*

Bakatentemukila panshi ya calo,

10 Bakabepaya ku lupanga;

Bakaba ifya kulya fya ba mumbwe.

Onse uulapila mwi shina lyakwe akaanga,*

Pantu akanwa ka balanda ifya bufi bakakacilika.

 2 Ncingilileni ku fyo ababifi bampangila mu bumfisolo.+

Ncingilileni kwi bumba lya bacita ifyabipa.

 3 Banoona ululimi lwabo kwati lupanga;

Batoonta amashiwi yabo ayabipa kwati mifwi,

 4 Pa kuti balase uwa kaele ninshi nabafisama;

Balamulasa mu kupumikisha kabili tabatiina.

 5 Batwalilila fye ukupanga ukucita ifyabipa;*

Balalanshanya ifyo bengafisa ifiteyo fyabo.

 6 Balafwaya inshila shimbi isha kucitilamo ifyabipa;

Mu bumfisolo balapanga amapange ya bucenjeshi;+

Ifyo batontonkanya ne fyaba mu mitima yabo takuli uwingafishiba bwino bwino.

 7 Lelo Lesa akabalasa;+

Mu kupumikisha umufwi ukabacena.

 8 Ululimi lwabo lukalenga bakawe;+

Bonse abakalabamona bakalapukunya imitwe.

 9 Lyena abantunse bonse bakekatwa umwenso;

Kabili bakabilisha ifyo Lesa acita,

Bakeluka ne milimo yakwe.+

10 Umulungami akasekelela pa mulandu wa fyo Yehova akacita kabili akooba muli ena;+

Bonse aba kaele mu mutima bakaanga.*

65 Mwe Lesa, bakamulumbanya mu Sione;+

Tukafikilisha imilapo twalapa kuli imwe.+

 3 Ifilubo nacita nafinasha,+

Lelo mulafimba pa membu shesu.+