Mga Tigom sa Pag-alagad Alang sa Oktubre
Semana sa Oktubre 4-10
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian.
15 min: “Unsay Atong Palamposon Sulod Niining Tuiga sa Pag-alagad?” Pakigpulong uban ang pakig-ambit sa mamiminaw. Dumalahon sa nagadumalang magtatan-aw. Repasoha ang miaging tuig nga pag-alagad sa kongregasyon ug dasigang tanan nga magplano alang sa mauswagong kalihokan sa 1994 nga tuig sa pag-alagad.
20 min: “Gamitag Maayo ang mga Magasin.” Pangutanag tubag nga pagkobre. Magmapositibo sa pagdasig sa mga igsoon sa pagtanyag sa suskrisyon sa Pagmata! Kon wala kuhaa ang suskrisyon apan ang tawo nagapakitag diyutayng interes, dasigang mga igsoon sa pagsugod ug ruta sa magasin: hupti ang maayong talaan sa pagbalaybalay; pukawa ang interes sa umaabot nga mga gula pinaagig paglakbit sa mosunod nga mga artikulo; ipatungha ang mga pangutana nga gitubag sa mga artikulo; unya paneguroang makabalik uban sa sunod nga mga gula.
Awit 108 ug paniklop nga pag-ampo.
Semana sa Oktubre 11-17
10 min: Lokal nga mga pahibalo. Ilakip ang taho sa kuwenta ug mga balos-pasalamat sa donasyon. Dayega ang kongregasyon tungod sa mahinatagong suportar sa lokal nga panginahanglan ingon man sa tibuok-kalibotang buluhaton sa Sosyedad.
20 min: Palig-ona ang Inyong mga Anak sa Eskuwelahan. Pakigpulong uban ang mga interbiyu ug pasundayag. Ang Kristohanong mga batan-on karon nagaatubang sa mga suliran nga dili gani mahanduraw sa daghan sa kongregasyon. Ang mga ginikanan ilabina ang kinahanglang masayod pag-ayo bahin niining mga hagita aron mapalig-on ang ilang mga anak sa pagsagubang sa mga pagsulay sa integridad. Interbiyuha ang tulo ka batan-on nga nagkadaiya ang edad. Unsa man ang pipila ka espisipikong pagpiot sa eskuwelahan nga kinahanglan nilang atubangon adlaw-adlaw? Unsay nakatabang nila sa paghupot sa ilang maayong relasyon kang Jehova? Hikayang pasundayag sa usa ka pamilya nga dungang nagatagad sa mga parapo 2 ug 3 sa panid 11 sa School nga brosyur. Ang mga anak mitug-an nga sila gitamay ug mibating sinalikway tungod sa paglaban sa hataas nga mga suntoan sa Bibliya sa moralidad. Ang ulo sa pamilya nagadasig sa mga anak pinaagig pagpahayag sa iyang kalipay sa ilang panig-ingnan ug mipahinumdom kanila nga si Jehova mapahimut-an ug maayo sa ilang panggawi. (Prov. 27:11) Ang igsoon nga nagadumala sa bahin nagatiklop pinaagig pagdayeg sa mga batan-on sa kongregasyon sa ilang maayong mga buhat ug magamaymay kanila sa pagpakigsulti sa ilang mga ginikanan aron sila malig-on sa espirituwal niining tibuok nga tuig sa pag-eskuwela.
15 min: “Tun-i ang mga Librong Mabuhing Walay Kataposan ug Nahiusa sa Pagsimba.” Human nga marepaso ang artikulo sa mamiminaw, ipapasundayag sa nangandam pag-ayong magmamantala kon unsaon pagbalhin gikan sa pagtuon sa librong Labing Bantogang Tawo ngadto sa librong Mabuhing Walay Kataposan.
Awit 17 ug paniklop nga pag-ampo.
Semana sa Oktubre 18-24
10 min: Lokal nga mga pahibalo. Ipatugbaw ang mga artikulo sa kinabag-ohang mga magasin nga ikapaila niining semanaha sa pagsangyaw.
20 min: “Bug-os nga Pagkuhag Kaayohan Gikan sa 1993 ‘Balaang Pagpanudlo’ Distritong Kombensiyon”—Bahin 1. Panaghisgot sa mamiminaw sa mga parapo 1-15. Ang mga magmamantala kinahanglang maghisgot ug tukmang mga puntos uban sa ilang mga estudyante sa Bibliya nga gidapit sa pagtambong sa kombensiyon.
15 min: “Pagsugod ug mga Pagtuon sa Bibliya sa Balay.” Pangutanag tubag. Human sa parapo 4, ipaila ang buhing pasundayag sa usa ka balikduaw nga ang Bibliya lamang ang gigamit, apan ipasukad diha sa mga bahin sa librong Mabuhing Walay Kataposan o Nangatarongan, ingon sa gisugyot.
Awit 84 ug paniklop nga pag-ampo.
Semana sa Oktubre 25-31
10 min: Lokal nga mga pahibalo. Teokratikanhong mga Balita.
20 min: “Bug-os nga Pagkuhag Kaayohan Gikan sa 1993 ‘Balaang Pagpanudlo’ Distritong Kombensiyon.”—Bahin II. Panaghisgot sa mamiminaw sa mga parapo 16-18 ug maampingong repasohon ang “Distritong Kombensiyong mga Pahinumdom” segon sa itugot sa panahon. Ilakip ang tukmang mga pahinumdom nga gipasukad sa impormasyon diha sa Bantayanang Torre sa Hunyo 15, 1989, mga panid 10-20, o dasigang mga grupo sa pamilya sa pagrepaso sa mga puntos niining mga artikuloha una pa motambong sa kombensiyon.
15 min: “Buligi ang Karnerohong mga Tawo sa Pagtukod ug Malig-ong Sukaranan.” Hisgoti uban sa mamiminaw. Ipatugbaw ang panginahanglang mangandam sa matag balikduaw. Hikaya ang takos nga magmamantala sa pagpasundayag sa paghimog balikduaw sa tawo nga mikuha sa miagi ug librong Mabuhing Walay Kataposan, nga magagamit sa impormasyon sa parapo 3 o 5.
Awit 21 ug paniklop nga pag-ampo.
Semana sa Nobyembre 1-7
10 min: Lokal nga mga pahibalo.
15 min: “Hatagig Kaayohan ang Uban Pinaagig Paggamit sa mga Magasin.” Pakigpulong uban ang mga pasundayag. Ipatugbaw ang bili sa bug-os nga paggamit sa kinabag-ohan ug daandaang mga gula sa mga magasin. Ipakita ang duha ka pasundayag, ang usa magapaila sa bag-ong magasin ug ang usa nagapakita kon unsaon paggamit ang daandaang gula aron mapahaom sa espisipikong panginahanglan sa tagbalay.
20 min: Hain man ang Atong mga Minahal nga Nangamatay? Panaghisgot sa pamilya. Nga maggamit sa piniling materyal gikan sa librong Nangatarongan sa mga panid 102-4 (98-100 sa Ingles), ang ulo sa pamilya mihisgot sa pagkamatay sa usa ka suod nga higala sa pamilya. Iyang gitumong ang pagtabang sa iyang mga anak sa pagsabot sa panglantaw sa Bibliya. Siya nagasuknag mga pangutana sa pagseguro nga sila makasabot kon unsay kahulogan sa kamatayon ug makahimo sa pagpahayag sa ilang kaugalingon nga tin-aw sumala sa ilang edad. Usab, siya nagapakita kanila kon unsaon nila paggamit ang librong Nangatarongan sa paglipay sa uban.
Awit 15 ug paniklop nga pag-ampo.