Anmase
Sizesyon pour konmans Konversasyon dan Predikasyon
Konman pour servi sa Sipleman
Laplipar sa bann prezantasyon i aparet dan nou bann ansyen nimero Nou Minister Rwayonm. Esey lakantite ki ou swete dan ou aktivite predikasyon, e vwar ki rezilta ou gannyen. Anmas sa sipleman, e servi li kan ou pe prepare pour al predikasyon.
Ou kapab revey lentere en dimoun dan Parol Bondye si ou fer en lapros bref. Poz en kestyon spesifik, apre lir larepons bref dan en verse Labib. Ou kapab esey sa bann sizesyon:
“Kan ou regard lavenir, eski ou annan lespwar oubyen dout? [Les sa dimoun reponn.] Labib ti anons bann levennman enkyetan ki nou vwar pe arive ozordi e i fer nou vwar kimannyer tousala pou fini.”—2 Tim. 3:1, 2, 5; Prov. 2:21, 22.
“Denozour i annan en kantite kozri konsernan swen lasante. Eski ou konnen ki Bondye in promet ki i pou rezourd tou problenm lasante?”—Iza. 33:24; Rev. 21:3, 4.
“Eski ou ti konnen ki Labib in predir ki lemonn antye pou ganny dirize par en sel gouvernman?”—Dan. 2:44; Mat. 6:9, 10.
“Konman ou panse bann kondisyon ti pou ete si Zezi Kri ti diriz later?”—Pson. 72:7, 8.
“En kantite dimoun i vin viktim diskriminasyon akoz zot sèks, relizyon oubyen ras. Dapre ou, ki Bondye i panse konsernan tel prezidis?”—Akt 10:34, 35.
“Nou konnen ki Zezi Kri ti fer en kantite mirak dan son lepok. Si ou ti kapab demann li pour fer enn an plis, ki ou ti pou swazir?”—Pson. 72:12-14, 16.
“En kantite dimoun in fatige tann koz lo problenm. Zot anvi tann koz lo solisyon. Me kote nou kapab trouv vre solisyon pour nou bann problenm?”—2 Tim. 3:16, 17.
“Eski ou konnen kisisa sa Rwayonm ki ou priye dan lapriyer Notre Père?”—Rev. 11:15.
Bann Lentrodiksyon
Sa bann kestyon swivan i sorti dan bann topik dan liv Comment raisonner, i montre nimero paz dan sa liv kot sak larepons i trouve, sa let E i vedir nimero paz dan liv an Angle, sa let F dan liv an Franse:
Akoz nou vin vye e mor? (98 E) (253 F)
Ki kondisyon bann dimoun ki’n mor? (100 E) (255 F)
Eski nou annan bon rezon pour krwar dan Bondye? (145 E) (106 F)
Eski Bondye i vreman enterese avek nou? (147 E) (107 F)
Eski Bondye i en personnaz reel? (147 E) (108 F)
Eski tou bann bon dimoun i al dan lesyel? (162 E) (61 F)
Eski nou bezwen al dan lesyel pour konn vre boner? (163 E) (62 F)
Akoz i enportan pour nou konn non personnel Bondye e servi li? (196 E) (200 F)
Eski Zezi Kri i Bondye? (212 E) (205 F)
Ki Rwayonm Bondye pou fer? (227 E) (336 F)
Pour ki bi nou la lo later? (243 E) (434 F)
Kwa ki kapab ede pour amelyor en lavi maryaz? (253 E) (229 F)
Eski Bondye i aksepte tou larelizyon? (322 E) (310 F)
Konman ki nou kapab idantifye vre larelizyon? (328 E) (316 F)
Eski Satan i egzers en gran pouvwar dan sa monn aktyel? (364 E) (368 F)
Akoz Bondye i permet soufrans? (393 E) (375 F)
Akoz i annan en kantite mesanste lo later? (427 E) (237 F)
Lekel ki diriz sa monn aktyel, Bondye oubyen Satan? (436 E) (250 F)
Bann Sizesyon pour prezant Brosir Ekspekte
“San dout ou pou dakor ki en kantite dimoun i krwar dan Bondye. Tou dimoun ki krwar dan li i dakor ki Bondye i ekspekte serten keksoz avek zot. Sa ki dimoun pa kapab dakor lo la se ki Bondye i ekspekte nou fer?” Apre sa, prezant brosir Ekspekte, vir lo leson 1, e diskit sa leson.
“Avek sitan kantite problenm dan lavi fanmiy ozordi, eski ou’n deza demande ki sa sekre pour atenn boner familyal?” Apre ki sa dimoun in reponn, eksplike ki dan Labib Bondye in revel sa vre sekre pour boner familyal. Lir Izai 48:17. Apre ouver brosir Ekspekte lo leson 8, e get serten verse Labib ki’n ganny site ki donn gidans pratik pour sak manm fanmiy. Lir sa seri kestyon ki’n ganny poze okonmansman sa leson. Demann sa dimoun si i ti a kontan lir larepons.
“Sa brosir i kontyen en kour konplet ki kouver bann lansennyman debaz dan Labib. Lo sak paz, ou pou trouv larepons bann kestyon ki’n trouble dimoun pour plizyer santenn lannen. Par egzanp, Kisisa lavolonte Bondye pour later?” Vir lo leson 5, e lir bann kestyon okonmansman sa leson. Demann sa dimoun ki kestyon ki enteres li plis, e apre sa lir sa paragraf ki annan larepons sa kestyon, e get bann verse apropriye. Eksplik li ki i kapab fasilman trouv larepons satisfezan pour lezot kestyon parey sa enn. Propoze pour ou retourn ankor pour diskit en lot kestyon.
“Akoz ou krwar i annan tou sa bann vyolans dan bann lekol? Eski sa in arive akoz en mank formasyon delapar paran? Oubyen eski i en lot rezon, tel konman lenfliyans Dyab?” Les sa dimoun reponn. Si sa dimoun i dir ki akoz lenfliyans Dyab, lir Revelasyon 12:9, 12. Fer resorti rol Satan pour entansifye troub dan lemonn. Apre sa, ouver brosir Ekspekte dan leson 4 e demann sa dimoun si i’n deza demann son lekor kote Dyab i sorti. Kontinyen par lir e diskit sa de premye paragraf. Si sa dimoun i krwar ki “en mank formasyon delapar paran” i lakoz vyolans dan lekol, lir 2 Timote 3:1-3 e fer resorti bann tre ki evidaman kontribye pour sa problenm. Apre ouver brosir Ekspekte lo leson 8, lir paragraf 5, e kontiny sa diskisyon.
“Eski ou panse ki i rezonnab pour ekspekte ki Kreater pou donn nou sa konnesans ki nou bezwen pour reisi batir en lavi fanmiy?” Apre ki sa dimoun in reponn, ouver brosir Ekspekte lo leson 8, e eksplike ki i kontyen bann prensip ki sorti dan Labib pour tou manm lafanmiy. Ofer pour demontre konman pour servi sa brosir ansanm avek Labib pour ganny plis benefis.
“Lefe ki nou bezwen fer fas avek en kantite problenm dan sa lavi modern, eski ou panse ki lapriyer i kapab vreman ed nou? [Les sa dimoun reponn.] En kantite dimoun i dir ki lapriyer i donn zot lafors. [Lir Filipyen 4:6, 7.] Kantmenm sa, en dimoun i kapab santi ki son lapriyer pa ganny egzose. [Ouver brosir Ekspekte lo leson 7.] Sa brosir i eksplike konman nou kapab benefisye atraver lapriyer.”
“Nou pe koz avek nou vwazen konsernan akoz i annan en kantite larelizyon diferan dan sa monn. Pourtan, i annan en sel Labib. Dapre ou, akoz sa konfizyon relizyon i egziste? [Les sa dimoun reponn. Ouver brosir Ekspekte lo leson 13, e lir bann kestyon ki okonmansman.] Si ou lir sa leson ou pou resevwar bann larepons satisfezan.”
Apre ki ou’n plas en magazin Latour Veyer oubyen Réveillez-vous! avek en dimoun, demann li si ou kapab lir en pti paragraf avek li. Si i permet ou fer sa, ouver brosir Ekspekte lo leson 5. Lir bann kestyon ki okonmansman sa leson, e demann li pour ekout larepons pour sa premye kestyon anmezir ki ou lir sa premye paragraf. Apre ki ou’n lir sa paragraf, demann kestyon e les li reponn. Ofer sa brosir, e si i aksepte, aranze pour retournen pour ganny son larepons lo sa lot de kestyon lo sa lalis.
Bann Sizesyon pour prezant Liv Konnesans
Avek Labib dan lanmen, konmans par dir: “Nou pe partaz en verse Labib avek tou dimoun lo semen ozordi. I dir . . .” Lir Zan 17:3, e apre demande: “Eski ou’n remarke kwa ki’n ganny promet si nou annan sa bon konnesans? [Les sa dimoun reponn.] Kote ki en dimoun pou trouv en tel konnesans?” Apre ki sa dimoun in reponn, montre li liv Konnesans, e dir: “Sa liv i koz lo konnesans ki anmenn ver lavi eternel. I fer sa par reponn bann kestyon ki dimoun i demande lo Labib.” Montre li konteni, e demann li si i’n deza mazin lo okenn sa bann size.
“Eski ou’n deza demande si Bondye i vreman konsernen avek lenzistis ek soufrans ki nou vwar otour nou oubyen menm sa ki nou pe eksperyanse? [Les sa dimoun reponn.] Labib i donn nou lasirans ki Bondye i kontan nou e ki i pou ed nou dan bann moman difisil.” Lir bann ekstre dan Psonm 72:12-17. Ouver liv Konnesans lo sapit 8, e montre ki i donn en larepons rekonfortan pour en kestyon ki plizyer milyon dimoun in demande, Akoz Bondye i permet soufrans? Si i posib, diskit serten panse Biblik ki ganny kouver dan paragraf 3 ziska 5, oubyen fer li pandan en retourn vizit.
“Laplipar nou, nou’n perdi en dimoun ki nou kontan dan lanmor. Eski ou’n deza demande si nou pou vwar zot ankor? [Les sa dimoun reponn.] Zezi in prouve ki sa bann dimoun ki nou kontan i kapab reganny lavi. [Lir Zan 11:11, 25, 44] Menm si sa ti arive en bon pe letan pase, i montre ki Bondye in promet pour fer pour nou.” Ouver liv Konnesans kot sa portre lo paz 85, lir sa not anba portre. Apre sa montre li sa portre lo paz 86, e fer komanter lo la. Poz en fondasyon pour prosenn vizit par demande: “Eski ou ti a kontan konn rezon akoz imen i vin vye e mor?” Retournen pour diskit sapit 6.
“Eski ou’n deza demande akoz dimoun i anvi viv pli lontan?” Apre ki sa dimoun in reponn, ouver liv Konnesans lo sapit 6, e lir paragraf 3. Rezonn avek li lo sa bann verse ki’n ganny site. Par servi sa de kestyon alafen sa paragraf, demann sa dimoun si i ti a kontan konn larepons. Si sa dimoun i dakor, diskit sa bann paragraf ki swiv.
“Nou pe demann bann dimoun si zot krwar sa . . .” Lir Zenez 1:1, e apre demande: “Eski ou dakor avek sa deklarasyon?” Si sa dimoun i dakor, alor dir: “Mon osi mon dakor. Me, eski ou panse ki si Bondye in kree tou keksoz, i osi responsab pour mesanste?” Apre ki sa dimoun in reponn, lir Eklezyast 7:29. Ouver liv Konnesans lo sapit 8 e lir paragraf 2. Si i pa dakor avek Zenez 1:1, ankouraz li pour egzamin levidans ki Kreater i egziste.—Vwar liv Comment raisonner, paz 84-6.
“Etan donnen ki valer moral pe sanz sitan vit ozordi, eski pa ou dakor ki nou bezwen en gidans ki nou kapab vreman depan lo la dan lavi. [Les sa dimoun reponn.] Menm si Labib i pli vye liv, i donn bann konsey pratik ki aplikab pour nou letan e pour en lavi fanmiy ere.” Apre sa, vir lo sapit 2 dan liv Konnesans, e lir paragraf 10 ek premye fraz dan paragraf 11, enkli 2 Timote 3:16, 17.
“Eski ou ti a kontan konnen ki lavenir i rezerve pour nou e pour later? [Les sa dimoun reponn.] Labib i fer en rezimen lo konman lavenir pou ete dan en mo—Paradi! I sa landrwa kot Bondye ti met sa premye koup imen kan i ti kree zot. Regard sa deskripsyon lo konman sa paradi ti devret ete.” Ouver liv Konnesans lo paz 8, e lir paragraf 9, anba soutit “Lavi dan Paradi.” Apre diskit bann pwen dan paragraf 10, e lir sa teks Labib ki’n ganny site, Izai 55:10, 11. Sizere pour retournen pour kontinyen avek sa diskisyon lo konman lavi dan Paradi pou ete e egzamin paragraf 11-16.
Kan pe fer retourn vizit kot bann dimoun ki ou ti kit Latour Veyer ek Réveillez-vous!, ou kapab dir sa:
“Dernyen fwa ki mon ti rankontre ou, mon ti tre kontan pour kit en kopi magazin Latour Veyer avek ou. Petet ou ti remarke ki son tit antye i Latour Veyer pe anons Rwayonm Zeova. Ozordi mon ti pou kontan eksplik ou kisisa sa Rwayonm e ki i sinifye pour ou ek ou fanmiy.” Apre sa, ouver brosir Ekspekte lo leson 6, lir e diskit otan pwen ki sa dimoun i annan letan disponib pour fer li.
“Mon ti vizit ou resaman e mon ti kit bann kopi Latour Veyer ek Réveillez-vous! Sa bann magazin i fer dimoun annan plis respe pour Labib ek son bann gidans moral. Lefe ki mon santi i enportan pour tou dimoun konpran Parol Bondye, mon’n retournen pour montre ou en keksoz ki pou ed ou fer sa.” Entrodwir brosir Ekspekte oubyen liv Konnesans, e ofer en letid Labib.
Kan pe ofer okenn liv 192 paz, ou kapab esey sa prezantasyon:
“Bokou lanfaz in ganny mete lo nesesite pour en bon ledikasyon. Dapre ou, ki kalite ledikasyon ki en dimoun i devret pourswiv pour asir pli gran boner ek reisit dan lavi? [Les sa dimoun reponn. Apre lir Proverb 9:10, 11.] Sa liv [dir tit sa liv ki ou pe ofer] i baze lo Labib. I endik sa sel sours konnesans ki kapab anmenn ver lavi eternel.” Montre en legzanp spesifik dan sa liv, e ankouraz sa dimoun pour lir li.
Lezot Piblikasyon
Ou kapab trouv plis sizesyon lo konman pour prezant bann liv ek brosir dan Watch Tower Publications Index anba:
Presentations
List by Publication
Lapros direk
Pour konmans en letid Labib, esey servi enn sa bann lapros direk:
“Eski ou ti konnen ki dan zis detrwa minit, ou kapab trouv larepons en kestyon dan Labib? Par egzanp, . . .” Apre, poz en kestyon ki okonmansman enn sa leson dan brosir Ekspekte ki ou panse pou enteres sa dimoun.
“Mon’n pas kot ou pour montre ou nou progranm letid Labib ki gratwit. I pran zis senk minit. Ou annan senk minit?” Si larepons i wi, servi leson 1 dan brosir Ekspekte pour montre konman sa letid i deroule, lir enn oubyen de verse. Apre sa, demande: “Kan ki ou pou annan 15 minit pour nou kapab kouver sa lot leson?”
“En kantite dimoun i annan en Labib, me zot pa konnen ki i reponn bann kestyon enportan ki nou tou nou demande konsernan nou lavenir. Avek led [brosir Ekspekte oubyen liv Konnesans] ou kapab ganny en konnesans debaz lo Labib dan detrwa mwan selman, pour apepre enn er-d-tan par semenn. Mon ti pou kontan montre ou konman nou fer sa.”
“Mon pe vizit ou pour propoz ou en Letid Labib gratwit kot ou lakour. Si ou permet mwan, mon ti pou kontan montre ou pour detrwa minit konman ki dimoun dan anviron 200 pei i diskit Labib kot zot an fanmiy. Nou kapab servi nenport sa bann topik pour diskit lo la. [Montre konteni dan liv Konnesans.] Ki sapit ki enteres ou partikilyerman?” Esper sa dimoun swazir enn. Vir kot sa sapit ki i’n swazir, e konmans etidye premye paragraf.
“Mon donn bann leson gratwit lo Labib e mon annan letan pour plis etidyan. Nou servi sa liv. [Montre liv Konnesans.] Sa kour i dire pour detrwa mwan selman e i donn larepons bann kestyon tel parey: Akoz Bondye i permet soufrans? Akoz nou vin vye e mor? Ki i arive avek bann defen ki ti pros avek nou? Konman ou kapab apros Bondye? Eski mon kapab montre ou en leson?”
Si ou servi en prezantasyon e ou trouve ki i efikas, kontinyen servi li dan nenport lokazyon! Zis adapte li avek sa piblikasyon ki pe ganny ofer sa mwan.