Ներկայացումի նմոյշներ

Օգոստոս ամսուան առաջին շաբաթ օրը՝ Աստուածաշունչի ուսումնասիրութիւններ սկսելու համար

«Վերջերս, հրեշտակներու նկատմամբ մարդոց մէջ հետաքրքրութիւն մը արթնցած է։ Կը խորհի՞ք թէ իրապէս հրեշտակներ գոյութիւն ունին։ [Թոյլ տուր որ պատասխանէ։] Նկատի առէք թէ ասիկա ի՛նչ կ’ըսէ»։ Տանտիրոջ տուր Դիտարան–ի 1 օգոստոս թիւը, ու միասնաբար նկատի առէք էջ 16–ի առաջին ենթավերնագրին նիւթը եւ առնուազն մէկ համար։ Պարբերաթերթերը առաջարկէ եւ վերադառնալու կարգադրութիւն մը ըրէ՝ յաջորդ հարցումը քննարկելու համար։

Դիտարան 1 օգոստոս

Կարդա՛ Սաղմոս 65։2, ապա ըսէ. «Շատեր կը համաձայնին թէ Աստուած ‘աղօթքի լսող’ է, անոր համար ամէն օր կ’աղօթեն։ Իսկ ուրիշներ հարց կու տան. ‘Եթէ Աստուած գոյութիւն ունի, ինչո՞ւ աշխարհի մէջ այսքան խնդիրներ կան’։ Դուք ի՞նչ կը խորհիք։ Կա՞յ Աստուած մը, որ մեր աղօթքները կը լսէ։ [Թոյլ տուր որ պատասխանէ։] Այս պարբերաթերթը կը քննարկէ Աստուածաշունչին պատասխանը հետեւեալ հարցումին. ‘Աղօթք Լսողը ինչո՞ւ կը թոյլատրէ տառապանքը’»։

Զարթի՛ր օգոստոս

«Այս օրերուն շատեր կը վախնան առանձին տունէն դուրս ելլելու, մանաւանդ մթննալէ ետք։ Կը խորհի՞ք թէ կարելի է ձեւով մը այս աշխարհի վայրագութիւնը նուազեցնել։ [Թոյլ տուր որ պատասխանէ։] Այս պարբերաթերթը նկատի կ’առնէ կարգ մը կէտեր, որոնք բոլորս կրնանք ընել ուրիշներուն հետ աւելի խաղաղ ըլլալու համար։ Ատիկա նաեւ կը քննարկէ թէ ինչպէ՛ս հետեւեալ քաջալերական մարգարէութիւնը պիտի կատարուի»։ Կարդա՛ Սաղմոս 72։7։