Ọ́bá Akwụkwọ Anyị NKE DỊ N'ỊNTANET

Jenesis 49:9

Baịbụl Nsọ—Nsụgharị Ụwa Ọhụrụ nke Akwụkwọ Nsọ
- 9 Juda bụ nwa ọdụm.+ Nwa m, ị ga-esi n’anụ oriri bilie. Ọ makpuuru n’ala, ọ gbatịrị onwe ya dị ka ọdụm, dịkwa ka ọdụm, ònye ga-anwa anwa kpọtee ya?+

Ọnụ Ọgụgụ 24:9

Baịbụl Nsọ—Nsụgharị Ụwa Ọhụrụ nke Akwụkwọ Nsọ
- 9 O huuru ehuru, ọ makpu dị ka ọdụm,
  Dịkwa ka ọdụm, ònye ga-anwa anwa kpọtee ya?+
  Ndị na-agọzi gị bụ ndị a gọziri agọzi,+
  Ndị na-abụ gị ọnụ bụ ndị a bụrụ ọnụ.”+

2 Samuel 1:23

Baịbụl Nsọ—Nsụgharị Ụwa Ọhụrụ nke Akwụkwọ Nsọ
- 23 Sọl na Jọnatan,+ ndị a hụrụ n’anya, ndị bụkwa ndị ọma n’oge ha dị ndụ,
  E kewaghịkwa ha n’ọnwụ.+
  Ha na-efe ọsọ karịa ugo,+
  Ha dị ike karịa ọdụm.+

Aịzaya 31:4

Baịbụl Nsọ—Nsụgharị Ụwa Ọhụrụ nke Akwụkwọ Nsọ
- 4 N’ihi na nke a bụ ihe Jehova gwara m: “Dị nnọọ ka ọdụm, bụ́ nwa ọdụm tojuru etoju,+ si aba mba mgbe ọ nọ n’elu anụ ọ dọgburu, mgbe a kpọkọtara ndị niile na-azụ atụrụ ka ha wakpo ya, ọ gaghị atụ ụjọ n’agbanyeghị iti mkpu ha, ọ gaghịkwa agba ọsọ n’agbanyeghị mkpọtụ ha na-eme; otú ahụ ka Jehova nke ụsụụ ndị agha ga-agbadata ka o buo agha n’ihi Ugwu Zayọn nakwa n’ihi ugwu nta ya.+