Eskediul iti Gimong ti Serbisio
PALAGIP: Mangrugi iti daytoy a ruar Ti Ministeriotayo iti Pagarian, ti Eskediul iti Gimong ti Serbisio ket ramanenna ti balabala para iti umuna a Gimong ti Serbisio iti sumaganad a bulan. Naaramid daytoy a panagbalbaliw tapno adda mausar no kas pagarigan ta maladaw a sumangpet Ti Ministeriotayo iti Pagarian kadagiti kongregasion. Kasta met, inyeskediulmi ti gimong ti serbisio iti kada lawas kabayatan ti panawen ti kombension, isu a masapul a mangaramid iti lokal a panagbalbaliw dagiti kongregasion tapno makatabunoda iti “Naimpadtuan a Sao ti Dios” a Kombension Distrito sa kalpasanna iyurnosda ti 30-minuto a panangrepaso kadagiti tampok ti programa iti Gimong ti Serbisio iti sumaganad a lawas. Ti repaso ti inaldaw a programa ti kombension ket maituding koma a nasakbay iti tallo a kualipikado a kakabsat, a mangipamaysa kadagiti naisangsangayan a punto a naadal iti kombension.
Lawas ti Disiembre 6
10 min: Lokal a pakaammo. Dagiti napili a Pakaammo iti Ministeriotayo iti Pagarian.
15 min: “Tuladenyo ti Di Panangidumduma ni Jehova.” Saludsod ken sungbat. Ilawlawagyo ti kaipapanan ti di panangidumduma, no kasano ti panangipakita ni Jehova iti dayta, ken no kasanotayo a maipakita daytoy iti ministeriotayo.—Kitaenyo ti Insight, Tomo 1, panid 1192, parapo 4-7.
20 min: “Saan Aya a Nangngegtay Dayta Idin?” Palawag ken pagsasaritaan ti tallaong. Pagkomentuenyo ti tallaong no kasano a ti panangulit-ulit natulonganna ida a mangtarus ken mangapresiar nga ad-adda pay iti kinapudno.—Kitaenyo Ti Pagwanawanan, Hulio 15, 1995, panid 21-2, ken Agosto 15, 1993, panid 13-14, parapo 10-12.
Kanta 218 ken pangserra a kararag.
Lawas ti Disiembre 13
10 min: Lokal a pakaammo. Report ti kuenta. Mangipaay kadagiti singasing no kasano a sungbatan a nataktika dagiti kablaaw a mainaig iti nailubongan nga okasion. No adda stock ti kongregasion a libro a Katan-okan a Tao wenno Naindaklan a Mannursuro, ipakita no kasano ti nasayaat a panangusar kadagita iti ministerio kabayatan ti Krismas.
15 min: “Ti Teokratiko nga Eskuelaan ti Panagministro Para iti 2000.” Palawag ti manangaywan iti Teokratiko nga Eskuelaan ti Panagministro. Repasuen dagiti sumaganad a panagbalbaliw iti eskediul para iti baro a tawen. Ti Paset Num. 3 ket maibatay iti “Dagiti Topiko ti Biblia a Pagsasaritaan” a masarakan iti New World Translation wenno iti suplemento ti Oktubre a Ministeriotayo iti Pagarian. Ti Paset Num. 4 ket agtultuloy a saklawenna dagiti karakter ti Biblia iti Insight on the Scriptures ken maibatayto dayta iti “Dagiti Topiko ti Biblia a Pagsasaritaan” kabayatan ti maudi a tallo a bulan ti tawen. No agparang ti marka ti numero (#) iti daytoy a paset, nasaysayaat no kabsat a lalaki ti mangiparang iti dayta.
20 min: “Ania ti Ibagayo iti Maysa nga Ateista?” Saludsod ken sungbat. Paidemostra ti maysa wenno dua nga ababa a parang. Para iti ad-adu pay nga impormasion, kitaenyo ti libro a Panakirinnason, panid 113-19, ken ti Panangbiruk ti Sangatauan iti Dios, kapitulo 14.
Kanta 220 ken pangserra a kararag.
Lawas ti Disiembre 20
10 min: Lokal a pakaammo.
15 min: Panangsungbat Kadagiti Posible a Panggupedda iti Saritaan. Pagsasaritaan a kadua ti tallaong ken demostrasion. Basaenyo ti “Dagiti Komento” iti panid 15 ti libro a Panakirinnason. Mangpili iti dua wenno tallo a “panggupedda iti panagsasarita” manipud iti panid 16-20, wenno mangusar iti sabsabali pay a masansan a masarakan iti teritoriayo. Idemostra iti apagbiit ti sumagmamano kadagita. Awisenyo ti tallaong a mangisalaysay kadagiti sungbat nga us-usarenda a nasayaat ti resultana.
20 min: Awatek Ngata ti Trabaho nga Adda Pakainaiganna iti Narelihiosuan nga Organisasion? Palawag ti panglakayen, a naibasar iti Abril 15, 1999, a Pagwanawanan, panid 28-30. Addada indibidual a nangawat iti kasta a trabaho ket idi agangay naammuanda a ti ar-aramidenda ket di maitunos kadagiti prinsipio ti Biblia. Repasuen dagiti saludsod a masapul nga usigentayo no agdesisiontayo maipapan iti sekular a trabaho nga adda pakainaiganna iti relihion. Paregtaen ti amin a surotenda ti kurso a mangipasigurado iti nasayaat a takder iti imatang ni Jehova.—2 Cor. 6:3, 4, 14-18.
Kanta 109 ken pangserra a kararag.
Lawas ti Disiembre 27
10 min: Lokal a pakaammo ken ti “Baro a Programa ti Asamblea Sirkito.” Palagipan ti amin nga itedda dagiti reportda iti Disiembre.
15 min: Lokal a kasapulan.
20 min: Panagitukon Kadagiti Dadaan a Libro iti Enero. Palawag ken demostrasion. Ipakita ti libro a Nagkaykaysa iti Panagdayaw wenno dua wenno tallo a dadaanen a 192-panid a libro a naipablaak sakbay ti 1986, nga adda iti kongregasion, ket paregtaen dagiti agibumbunannag a mangalada iti usarenda iti pangasabaan. (No awan, isalaysay ti sabali a tukon iti Enero sigun iti Pakaammo nga adda iti panid 7.) Ilawlawag no apay nga epektibo pay laeng dagitoy dadaan a publikasion a panggutugot ti interes iti Biblia. Iti kada libro pagminaren dagiti mapagsasaritaan a punto ken ilustrasion a mausar a pangirugi iti saritaan. Idemostra ti maysa wenno dua a presentasion.
Kanta 224 ken pangserra a kararag.
Lawas ti Enero 3
8 min: Lokal a pakaammo. Repasuen ti “Baro a Programa iti Aldaw ti Espesial nga Asamblea.”
12 min: Ammuenyo No Kasano ti Sumungbat. (Col. 4:6) Palawag ken pagsasaritaan ti tallaong. Ti libro a Panakirinnason ket nakaskasdaaw a tulong tapno maiburaytayo ti kinapudno iti Biblia kadagiti sabsabali. No supiaten ti bumalay ti maysa kadagiti patpatientayo, nalabit mabalintayo nga usaren ti paset a “No adda Agkuna—” iti ngudo ti seksion a mangilawlawag iti dayta a pammati. Pagsasaritaan dagiti komento maipapan iti Biblia a naipakita iti panid 75-8, ket usigen no apay nga epektibo dagiti naisingasing a sungbat.
25 min: “Usarentayo a Nainsiriban Dagiti Literaturatayo.” Idauluan ti Manangaywan iti Serbisio ti saludsod ken sungbat a panangsaklaw iti artikulo ti suplemento. No usigen ti parapo 3 agingga iti 5, paidemostra iti maysa wenno dua a parang no kasano nga ilawlawag kadagiti bumalay ti urnos a panagdonar. Ipaganetget a nupay awan ti makiddaw nga espesipiko a gatad iti panagiwaras kadagiti literatura, kaskasdi a dakkel ti magastos iti panagaramid ken panagiwaras kadagita. Ti kasta a panagaramid iti literatura ket paset ti sangalubongan a trabaho, ket nasken ngarud nga awatentayo amin ti indibidual a responsabilidadtayo a mangsuporta a naimpusuan iti dayta babaen kadagiti kontribusiontayo.
Kanta 56 ken pangserra a kararag.