Sálmur
Til tónlistarstjórans. Við „Liljurnar“. Ort til áminningar. Söngljóð eftir Asaf.+
80 Hirðir Ísraels, hlustaðu,
þú sem leiðir Jósef eins og hjörð.+
2 Sýndu mátt þinn+
frammi fyrir Efraím, Benjamín og Manasse.
Komdu og bjargaðu okkur.+
3 Guð, veittu okkur nýjan kraft.+
Láttu auglit þitt lýsa yfir okkur svo að við getum bjargast.+
4 Jehóva, Guð hersveitanna, hve lengi verður þú reiður og hafnar bænum fólks þíns?+
5 Þú gefur því tár í stað brauðs
og lætur það drekka tár sem aldrei þrjóta.
6 Þú lætur nágranna okkar rífast um okkur,
óvinir okkar hæðast að okkur eins og þeim sýnist.+
7 Guð hersveitanna, veittu okkur nýjan kraft.
Láttu auglit þitt lýsa yfir okkur svo að við getum bjargast.+
8 Þú sóttir vínvið+ til Egyptalands.
Þú hraktir burt þjóðirnar og gróðursettir hann.+
9 Þú rýmdir til fyrir honum
og hann festi rætur og fyllti landið.+
10 Skugginn af honum huldi fjöllin
og greinar hans sedrustré Guðs.
13 Villisvín skógarins skemma hann
og dýr merkurinnar naga hann.+
14 Guð hersveitanna, snúðu aftur.
Líttu niður af himni og sjáðu!
16 Vínviðurinn er brenndur í eldi,+ höggvinn niður.
Fólkið lætur lífið við ávítur þínar.
17 Megi hönd þín styðja manninn þér til hægri handar,
mannssoninn sem þú hefur styrkt þér til heiðurs.+
18 Þá snúum við ekki baki við þér.
Leyfðu okkur að lifa svo að við getum ákallað nafn þitt.
19 Jehóva, Guð hersveitanna, veittu okkur nýjan kraft.
Láttu auglit þitt lýsa yfir okkur svo að við getum bjargast.+