Notum blöðin öðrum til gagns

¹ Við gleðjumst í hvert sinn sem við fáum ný tölublöð af Varðturninum og Vaknið! Okkur þykir vænt um tækifærið til að lesa þau eins fljótt og hægt er svo að við megum hafa sem mestan hag af efni þeirra. Auk þess að hafa augun opin fyrir efni sem getur hjálpað okkur persónulega er það góð hugmynd að leita að atriðum sem nota má til að bjóða blöðin. Ef til vill munum við vilja merkja við það sem við teljum að muni höfða vel til manna á starfsvæði okkar eða jafnvel skrifa athugasemdir á spássíuna til að minna okkur á viss umræðuefni og hvernig við getum kynnt þessa grein í blaðinu.

² Tímaritin okkar halda vel gildi sínu. Þó að við munum kynna einkum nýjustu blöðin er engin þörf á að fleygja eldri tölublöðum vegna þess að efni þeirra sem slíkt úreltist ekki. Hafðu nokkur eldri tölublöð í starfstöskunni til þess að geta gripið til þeirra þegar á þarf að halda. Gömlu blöðin geta komið að góðum notum ef í ljós kemur að efni þeirra fellur vel að þörfum húsráðandans. Þegar við skiljum eftir gamalt blað er allt í lagi, ef aðstæður leyfa, að minnast stuttlega á það að fólki gefst kostur á að leggja eitthvað fram til alþjóðastarfsins. Með því að koma bæði nýjum og eldri tölublöðum í hendur fólks notum við þau öðrum til gagns.