សូមឲ្យមានចិត្តរីករាយក្នុងការធ្វើបន្ទាល់ឲ្យបានហ្មត់ចត់
១ យើងគ្រប់គ្នាចូលចិត្តធ្វើអ្វីដែលយើងធ្វើបានល្អ។ ម៉ាកុស ៧:៣៧ ចែងថា បណ្ដាមនុស្សបានប្រកាសស្តីអំពីព្រះយេស៊ូថា៖ «លោកបានធ្វើការទាំងអស់សុទ្ធតែល្អ»។ ដូច្នេះហើយបានព្រះយេស៊ូមានព្រះទ័យដ៏រីករាយក្នុងការធ្វើតាមព្រះហឫទ័យរបស់ព្រះយេហូវ៉ា! (ប្រៀបធៀប ទំនុកដំកើង ៤០:៨) ដោយពិចារណាមើលយោបល់ជាលំដាប់នេះ យើងក៏មានអំណរដែរ កាលដែលធ្វើតាមសេចក្ដីបង្គាប់របស់ព្រះយេស៊ូ«ឲ្យប្រកាសប្រាប់ដល់បណ្ដាជនទាំងឡាយ ហើយឲ្យធ្វើបន្ទាល់សព្វគ្រប់»។ (កិច្ចការ ១០:៤២) ក្នុងខែមករា យើងនឹងផ្ដល់ជូនសៀវភៅ ព្រះគម្ពីរ—បន្ទូលនៃព្រះឬក៏ពាក្យនៃមនុស្ស? តើតាមរបៀបណាដែលយើងអាចប្រើសៀវភៅនេះ ក្នុងការធ្វើបន្ទាល់ឲ្យបានហ្មត់ចត់នោះ?
២ ពីព្រោះមនុស្សតែងមានចិត្តខ្វល់អំពីរឿងសុខភាព អ្នកប្រហែលនិយាយដូចនេះ:
▪ «ទោះជាមានស្នាដៃដ៏សំខាន់ក្នុងវិស័យនៃថ្នាំក៏ដោយ គឺនៅមានការរងទុក្ខវេទនាច្រើន ដោយសារជម្ងឺ។ ក្នុងគំនិតរបស់អ្នក ហេតុអ្វីក៏មានដូច្នេះ? [អនុញ្ញាតឲ្យគេឆ្លើយ] ព្រះយេស៊ូគ្រីស្ទមានបន្ទូលថា រោគរាតត្បាតនឹងជាលក្ខណៈមួយនៃថ្ងៃជាន់ក្រោយបង្អស់។ (លូកា ២១:១១) ប៉ុន្តែ ព្រះគម្ពីរក៏បានរៀបរាប់អំពីគ្រាក្នុងកាលដែលជម្ងឺនឹងលែងមានទៀតដែរ។ [អាន អេសាយ ៣៣:២៤] សូមកត់សម្គាល់នូវរបៀបដែលសៀវភៅនេះ បណ្ដាលឲ្យមានសេចក្ដីសង្ឃឹមក្នុងការបង្រៀនដ៏សំខាន់ក្នុងព្រះគម្ពីរ»។ សូមរើសយកចំណុចសំខាន់ក្នុងសៀវភៅដែលអ្នកនឹងបង្ហាញ ហើយសូមផ្ដល់ជូនសៀវភៅ។
៣ នៅពេលដែលធ្វើបន្ទាល់ក្រៅផ្លូវការនៅជិតមជ្ឈមណ្ឌលលក់ដូរ អ្នកអាចជំរាបសួរគេ ហើយសួរថា:
▪ «តើអ្នកគិតថារបស់របរកាន់តែថ្លៃឡើងៗសព្វថ្ងៃនេះ ដែលពិបាករកប្រាក់ខែបានគ្រប់គ្រាន់សំរាប់បង់សោហ៊ុយឬទេ? [អនុញ្ញាតឲ្យឆ្លើយ]។ តើអ្នកគិតថា នឹងមានគ្រាដែលធ្វើឲ្យមានសន្ដិសុខខាងសេដ្ឋកិច្ចដ៏ពិតឬទេ»? អនុញ្ញាតឲ្យឆ្លើយ។ រួចមក សូមបង្ហាញបទគម្ពីរស្តីអំពីចំណុចនេះ ដែលស្រង់ចេញពីសៀវភៅដែលអ្នកកំពុងផ្ដល់ជូន។ រួចបន្តដោយនិយាយថា៖ «សៀវភៅនេះបង្ហាញនូវរបៀប ដែលតាមរយៈព្រះរាជាណាចក្ររបស់ទ្រង់ ព្រះនឹងដោះស្រាយបញ្ហាទាំងឡាយដែលធ្វើឲ្យជីវិតដ៏ពិបាកសព្វថ្ងៃនេះ»។ សូមផ្ដល់ជូនសៀវភៅ។ អ្នកប្រហែលអាចនិយាយថាអ្នកចូលចិត្តការសន្ទនាខ្លាំងណាស់ ហើយសួរថា៖ «តើមានផ្លូវណាដែលយើងអាចបន្តការសន្ទនានេះពេលផ្សេងទៀតបានទេ»? តាមរបៀបនេះ អ្នកប្រហែលជាអាចទទួលលេខតេឡេហ្វូនឬអាស័យដ្ឋានរបស់បុគ្គលនោះ។—ដើម្បីរកផ្លូវដ៏មានប្រសិទ្ធិភាពផ្សេងទៀត ក្នុងផ្ដល់ជូនសៀវភៅបន្ទូលនៃព្រះ សូមមើលទំព័រក្រោយនៃកិច្ចបំរើព្រះរាជាណាចក្រយើង ខែធ្នូ ១៩៩៧:
៤ នៅពេលត្រឡប់ទៅជួបអស់អ្នកដែលបង្ហាញការចាប់អារម្មណ៍ អ្នកអាចខំប្រឹងដើម្បីបង្កើតឲ្យមានការសិក្សាព្រះគម្ពីរមួយ ដោយនិយាយបែបនេះ:
▪ «កាលដែលយើងបាននិយាយពេលមុន អ្នកបានធ្វើការសង្កេតមើលដ៏ចាប់អារម្មណ៍មួយ។ [រៀបរាប់នូវអ្វីដែលបុគ្គលនោះបាននិយាយ] ខ្ញុំបានគិតអំពីរឿងនេះដែរ ហើយខ្ញុំចង់បង្ហាញនូវលទ្ធផលនៃការស្រាវជ្រាវខ្លះ ដែលខ្ញុំរកឃើញលើប្រធាននេះ។ [បង្ហាញប្រាប់បទគម្ពីរស្តីអំពីចំណុចនេះ]។ យើងផ្ដល់ជូនការសិក្សាព្រះគម្ពីរដ៏ឥតគិតថ្លៃ ដែលបានជួយមនុស្សរាប់លាននាក់ឲ្យស្វែងរកសេចក្ដីបង្រៀនព្រះគម្ពីរដ៏សំខាន់ ក្នុងរយៈពេលដ៏ខ្លី។ ការពិនិត្យមើលបែបនេះ អាចស្ថាបនាការទុកចិត្តលើសេចក្ដីសម្រេចដ៏ប្រាកដនៃសេចក្ដីសន្យារបស់ព្រះ»។ សូមបង្ហាញនូវសំនួរខ្លះដែលនឹងត្រូវបានឆ្លើយប្រាប់។ ប្រសិនបើបុគ្គលនោះមិនចង់សិក្សាព្រះគម្ពីរទេ សូមពន្យល់ថាយើងក៏មានមេរៀនដ៏ពិសេស ដែលមានរយៈតែ១៥នាទីក្នុងមួយអាទិត្យ សំរាប់១៦អាទិត្យ។ សូមបង្ហាញសៀវភៅស្តើង តម្រូវ បើកទៅមេរៀនទី១ ហើយសូមបង្ហាញនូវរបៀបដែលអ្នកអាចចាប់ផ្ដើមបង្រៀនមេរៀនទីមួយ។
៥ សូមចងចាំប្រើប័ណ្ណកម្មវិធីប្រជុំ: គឺអាចប្រើដ៏មានប្រសិទ្ធិភាពក្នុងការផ្ដើមនិយាយរបស់អ្នក ដើម្បីទាក់ទាញចិត្តលើរឿងខាងវិញ្ញាណ ឬអាចផ្ដល់ជូនប័ណ្ណកម្មវិធីប្រជុំនេះ បើគេមិនទទួលយកឧបករណ៍ទេ។ បើមានគេចាប់អារម្មណ៍ សូមប្រើសារនៅខាងក្រោយប័ណ្ណកម្មវិធីប្រជុំ ដើម្បីលើកទឹកចិត្តគេឲ្យទទួលការសិក្សាព្រះគម្ពីរតាមផ្ទះ ហើយមកឯកិច្ចប្រជុំរបស់យើង។
៦ សូមឲ្យមានការប៉ិនប្រសប់ក្នុងកិច្ចការរបស់អ្នក នោះអ្នកនឹងមានចិត្តដ៏រីករាយ។ សូមយកចិត្តទុកដាក់ជានិច្ចក្នុងការធ្វើបន្ទាល់ឲ្យបានហ្មត់ចត់ ហើយឲ្យមានចិត្តរីករាយក្នុងការប្រកបកិច្ចផ្សាយទាំងអស់ឲ្យបានល្អ។—ធីម៉ូថេទី១ ៤:១៦