ប្រអប់សំនួរ
▪ តើអ្នកបានប្រុងប្រៀបហើយសំរាប់គ្រាអាសន្នឬទេ?
នៅក្នុងពិភពលោកទំនើបនេះ មាន«គ្រានិងព្រឹត្ដិការណ៍ដ៏មើលមិនឃើញជាមុន» ហើយជាច្រើនដងទាំងពីរនេះរួមបញ្ចូលគ្នាអាចតម្រូវឲ្យមានការព្យាបាលក្នុងគ្រាអាសន្ន ដែលរួមបញ្ចូលការបង្ខិតបង្ខំឲ្យទទួលនូវការបញ្ចូលឈាម។ (សាស្ដា ៩:១១, ព.ថ.) ដើម្បីឲ្យយើងអាចប្រុងប្រៀបមុនពេលមានរឿងបែបនេះកើតឡើង ព្រះយេហូវ៉ាបានប្រទានឲ្យនូវជំនួយតាមវិធីជាច្រើនតាមរយៈអង្គការរបស់ទ្រង់ ក៏ប៉ុន្តែទ្រង់តម្រូវឲ្យយើងទទួលខុសត្រូវខ្លះដែរ។ មានចំណុចទាំងប៉ុន្មានដែលយើងគួរពិនិត្យមើលនៅខាងក្រោមដូចតទៅនេះ។
• ចូរកាន់ឲ្យជាប់នឹងខ្លួនជានិច្ចនូវប័ណ្ណថ្មីៗនេះ ជាកាតកត់ទុកជាមុននូវសេចក្ដីបង្គាប់ជូនគ្រូពេទ្យឬការធ្វើឲ្យគ្រូពេទ្យបានរួចពីទោសវិញ។
• ធ្វើឲ្យបានប្រាកដថាកូនរបស់អ្នកក៏កាន់ប័ណ្ណសម្គាល់ថ្មីៗនេះ។
• ពិនិត្យសារឡើងវិញនូវសន្លឹកបន្ថែមក្នុងឯកសារកិច្ចបំរើព្រះរាជាណាចក្រយើង ខែកញ្ញា ឆ្នាំ១៩៩២ (ភាសាអង់គ្លេស) ដោយហាត់និយាយនូវរបៀបវែកញែកជាមួយគ្រូពេទ្យនិងពួកចៅក្រម ដែលស្តីអំពីការព្យាបាលកូនរបស់អ្នក។
• ពិនិត្យសារឡើងវិញនូវអត្ថបទអំពីការផ្សំរួមដោយភាគល្អិតនៃឈាម និងជម្រើសផ្សេងទៀតក្រៅពីឈាម។ (បានអនុសាសន៍: ទស្សនាវដ្ដីប៉មយាម ថ្ងៃទី១ ខែតុលា ឆ្នាំ១៩៩៤ ទំព័រ៣១; ថ្ងៃទី១ ខែមិថុនា ឆ្នាំ១៩៩០ ទំព័រ៣០-៣១; ថ្ងៃទី១ ខែមីនា ឆ្នាំ១៩៨៩ ទំព័រ៣០-៣១; ទស្សនាវដ្ដីភ្ញាក់រឭក! ថ្ងៃទី៨ ខែធ្នូ ឆ្នាំ១៩៩៤ ទំព័រ ២៣-២៧; ថ្ងៃទី៨ ខែសីហា ឆ្នាំ១៩៩៣ ទំព័រ២២-២៥; ថ្ងៃទី២២ ខែវិច្ឆិកា ឆ្នាំ១៩៩១ ទំព័រ១០; និងសន្លឹកបន្ថែមនៅក្នុងឯកសារកិច្ចបំរើព្រះរាជាណាចក្រយើង ខែកញ្ញា ឆ្នាំ១៩៩២ និងខែវិច្ឆិកា ឆ្នាំ១៩៩០ (ភាសាអង់គ្លេស)។ ចូរទុកដាក់ក្នុងស្រោមមួយ ដើម្បីឲ្យអាចយកមកមើលបានភ្លាម)។
• ចូរសម្រេចចិត្តតាមមនសិការខ្លួន ថាតើអ្នកនឹងអនុញ្ញាតឲ្យគេប្រើម៉ាស៊ីនដែលបូមឈាមខ្លួនក្រៅពីរូបកាយ? ឬក៏តើអ្នកអាចទទួលការព្យាបាលដែលមានការផ្សំរួមដោយភាគល្អិតនៃឈាមឬ? (ប្រសិនបើអ្នកបំពេញលិខិតប្រគល់សិទ្ធិអំណាចឬឯកសារប្រទានសិទ្ធិ ដែលរួមបញ្ចូលការទទួលខុសត្រូវខាងសុខភាព ដែលគួរនឹងរៀបឡើង នោះអ្នកនឹងឃើញថាមានកន្លែងនៅលិខិតនោះ ដើម្បីឲ្យអ្នកប្រកាសនូវសេចក្ដីសម្រេចដោយចំណេះដឹងរបស់អ្នកអំពីវិធីព្យាបាល)។
• មុននឹងទៅមន្ទីរពេទ្យ បើអាចធ្វើទៅបាន សូមឲ្យពួកអ្នកចាស់ទុំដឹង ដើម្បីឲ្យពួកគាត់អាចគាំទ្រអ្នក និងទាក់ទងគណៈកម្មាធិការខាងសម្ព័ន្ធការពេទ្យ (HLC) បើត្រូវការនោះ។ ត្រូវសូមពួកអ្នកចាស់ទុំឲ្យប្រាប់គណៈកម្មាធិការខាងសម្ព័ន្ធការពេទ្យភ្លាម បើក្នុងករណីក្មេងឈឺ។
ធ្វើឲ្យគេយល់ច្បាស់លាស់នូវការបដិសេធរបស់អ្នកខាងឈាម: សេចក្ដីរាយការណ៍បង្ហាញថា បងប្អូនប្រុសស្រីខ្លះរង់ចាំរហូតដល់ចុងក្រោយបំផុត ទើបប្រាប់គ្រូពេទ្យដែលកំពុងព្យាបាលនោះ ថាគេមិនចង់បានឈាមទេ។ ធ្វើបែបនេះគឺមិនសមទេ ដល់ពួកបុគ្គលិកខាងមន្ទីរពេទ្យ ហើយបណ្ដាលខ្លួនអ្នកក្នុងព្រឹត្ដិការណ៍ដែលងាយបញ្ចូលឈាមផងដែរ។ ប្រសិនបើពួកគ្រូពេទ្យដឹងពីជំនឿស៊ប់របស់អ្នក ហើយសេចក្ដីប្រាថ្នារបស់អ្នកបានត្រូវគាំទ្រដោយឯកសារដែលបានចុះហត្ថលេខា ដែលចែងប្រាប់នូវសេចក្ដីបង្គាប់របស់អ្នកយ៉ាងជាក់លាក់ នោះនឹងជួយគេឲ្យធ្វើការព្យាបាលដោយឥតពន្យារពេល ហើយច្រើនតែឲ្យគេនូវជម្រើសថែមទៀត ខាងវិធីព្យាបាលដែលមិនប្រើឈាម។
ដោយព្រោះការតម្រូវឲ្យព្យាបាលក្នុងគ្រាអាសន្នអាចមានឡើងនៅពេលណាក៏បាន ហើយធម្មតានៅពេលដែលអ្នកមិននឹកគិតជាមុនថានឹងកើតឡើង នោះចូរចាត់វិធានការឥឡូវនេះ ដើម្បីការពារខ្លួនអ្នកនិងកូនរបស់អ្នកពីការបញ្ចូលឈាម។—សុភាសិត ១៦:២០; ២២:៣