កម្មវិធីប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១០ ខែតុលា
ចំរៀងលេខ៧៧
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ បើសមនឹងតំបន់ផ្សាយរបស់ក្រុមជំនុំ សូមបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែវិច្ឆិកា ដោយប្រើយោបល់ទីមួយនៅទំព័រទី១២។ ក្រោយនោះ ចូរលើកបញ្ជាក់ពីលក្ខណៈល្អនៃការសំដែងនោះ ហើយប្រាប់ពីអត្ថបទបន្ថែមណាដែលមនុស្សក្នុងតំបន់ផ្សាយប្រហែលជាចាប់អារម្មណ៍។
១៥ នាទី: តើអ្នកធ្លាប់សួរសិស្សរបស់អ្នកអំពីអ្នកឯទៀតដែលចង់សិក្សាព្រះគម្ពីរដែរឬទេ? សុន្ទរកថា។ អ្នកផ្សាយខ្លះបានចាប់ផ្ដើមការសិក្សាថ្មីដូចតទៅនេះ: ក្រោយបានសិក្សាជាមួយអ្នកចាប់អារម្មណ៍ម្នាក់អស់មួយរយៈហើយនោះ អ្នកផ្សាយសួរគាត់ថាតើស្គាល់មិត្តភក្ដិ បងប្អូនញាតិមិត្ត ឬមនុស្សណាម្នាក់ដែលប្រហែលជាចាប់អារម្មណ៍ចង់សិក្សាព្រះគម្ពីរដែរឬទេ? ធម្មតាសិស្សនឹងប្រាប់ឈ្មោះមនុស្សបីបួននាក់។ ក្រោយមក ចូរសួរសិស្សថា «បើខ្ញុំទៅជួបបុគ្គលនោះ តើខ្ញុំអាចប្រាប់បានទេថាខ្ញុំបានឈ្មោះនេះមកពីអ្នក?» នៅពេលដែលទៅជួបបុគ្គលទាំងនោះអ្នកអាចនិយាយថា៖ «(ប្រាប់ឈ្មោះរបស់សិស្សអ្នក)ចូលចិត្តសិក្សាព្រះគម្ពីរណាស់ ហើយគាត់គិតថាអ្នកប្រហែលជាចង់សិក្សាព្រះគម្ពីរផងដែរ។ យើងមានកម្មវិធីបង្រៀនព្រះគម្ពីរដោយឥតគិតថ្លៃ»។ ធ្វើដូច្នេះ អ្នកអាចមានការត្រឡប់ទៅជួបជាច្រើននាក់ដែលប្រហែលជានឹងក្លាយទៅជាសិស្សព្រះគម្ពីរដែលរីកចំរើន។ រួមបញ្ចូលបទពិសោធន៍មួយឬពីររបស់អ្នកផ្សាយដែលបានរកឃើញអ្នកចាប់អារម្មណ៍ឬចាប់ផ្ដើមការសិក្សាតាមរបៀបនេះ។
២០ នាទី: «ចូរបន្តផ្សាយព្រះបន្ទូលដោយចិត្តក្លាហាន»។a អញ្ជើញអ្នកស្ដាប់ឲ្យប្រាប់ពីកាលៈទេសៈណាដែលនាំឲ្យពិបាកប្រមូលភាពក្លាហានដើម្បីធ្វើបន្ទាល់។ តើអ្វីបានជួយឲ្យពួកគេប្រមូលភាពក្លាហាន?
ចំរៀងលេខ២១៧ និងសេចក្ដីអធិស្ឋានបញ្ចប់
សប្ដាហ៍ចាប់ផ្ដើមថ្ងៃទី១៧ ខែតុលា
ចំរៀងលេខ៦៥
១០ នាទី: សេចក្ដីជូនដំណឹងតាមតំបន់។ ចូរលើកចំណុចមួយឬពីរមកពីសន្លឹកបន្ថែមក្នុងកិច្ចបំរើព្រះរាជាណាចក្រយើងខែកញ្ញា ឆ្នាំ២០០៥ ស្តីអំពីរបៀបប្រើបទគម្ពីរដោយប្រសិទ្ធភាពពេលបង្រៀនសិស្សព្រះគម្ពីរដែលមានក្នុងភាគទី៣។
១៥ នាទី: ការសម្រាលទុក្ខនិងការលើកទឹកចិត្ត ជាត្បូងដែលមានមុខច្នៃជាច្រើន។ សុន្ទរកថាថ្លែងដោយអ្នកចាស់ទុំម្នាក់ ដែលមានមូលដ្ឋានលើទស្សនាវដ្ដីប៉មយាម ថ្ងៃទី១ ខែមេសា ឆ្នាំ១៩៩៦ ទំព័រ៣០-៣២។
២០ នាទី: «ចូរយកចិត្តទុកដាក់យ៉ាងស្មោះចំពោះអ្នកឯទៀតដោយក្ដីសប្បុរស»។b អញ្ជើញអ្នកស្ដាប់ឲ្យរៀបរាប់អំពីរបៀបយើងអាចបង្ហាញសេចក្ដីសប្បុរសចំពោះអ្នកដទៃក្នុងកិច្ចផ្សព្វផ្សាយ។ របៀបផ្សេងទៀតដែលយើងបង្ហាញការចេះគិតដល់អ្នកឯទៀតពេលដែលផ្សព្វផ្សាយនោះ នឹងត្រូវពន្យល់ក្នុងកិច្ចបំរើព្រះរាជាណាចក្រយើងនៅខែផ្សេងទៀតនាពេលខាងមុខ។
ចំរៀងលេខ១០០ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៤ ខែតុលា
ចំរៀងលេខ២៧
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនីព្រមទាំងអានសំបុត្រដែលបញ្ជាក់ថាបានទទួលវិភាគទាន។ ចូរធ្វើការសំដែងមួយអំពីរបៀបជូនឧបករណ៍ផ្សាយសំរាប់ខែវិច្ឆិកា ដោយប្រើគំរូអំពីពាក្យផ្សាយមួយពីសន្លឹកបន្ថែមក្នុងកិច្ចបំរើព្រះរាជាណាចក្រយើងខែមករា ឆ្នាំ២០០៥ ឬវិធីឯទៀតដែលសមសំរាប់តំបន់ផ្សាយរបស់អ្នក។—សូមមើលកិច្ចបំរើព្រះរាជាណាចក្រយើង ខែមករា ឆ្នាំ២០០៥ ទំព័រ៨ វគ្គ៥
១៥ នាទី: សេចក្ដីត្រូវការតាមតំបន់។
២០ នាទី: ចូរធ្វើតាមខ្នាតតម្រារបស់ព្រះក្នុងការស្លៀកពាក់សំអិតសំអាងខ្លួន។ អ្នកចាស់ទុំម្នាក់ថ្លែងសុន្ទរកថានិងពិភាក្សាជាមួយអ្នកស្ដាប់ ដោយមានមូលដ្ឋានលើទស្សនាវដ្ដីប៉មយាម ថ្ងៃទី១ ខែវិច្ឆិកា ឆ្នាំ២០០២ ទំព័រ១៥-១៨។ អញ្ជើញអ្នកស្ដាប់ឲ្យប្រាប់ពីរបៀបដែលការស្លៀកពាក់សំអិតសំអាងសមរម្យអាចហុចឱកាសឲ្យធ្វើបន្ទាល់។
ចំរៀងលេខ៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣១ ខែតុលា
ចំរៀងលេខ១៥
១០ នាទី: សេចក្ដីជូនដំណឹងតាមតំបន់។ ចូររំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែតុលា។ បើសមនឹងតំបន់ផ្សាយរបស់ក្រុមជំនុំ សូមប្រើយោបល់ទី២នៅទំព័រទី១២ ដើម្បីបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែវិច្ឆិកា។
១៥ នាទី: បណ្ដុះចំណាប់អារម្មណ៍តាមរយៈការផ្ដល់ទស្សនាវដ្ដីជាទៀងទាត់។ សុន្ទរកថានិងការពិភាក្សាជាមួយនឹងអ្នកស្ដាប់ដោយមានមូលដ្ឋានលើកិច្ចបំរើព្រះរាជាណាចក្រយើង ខែឧសភា ឆ្នាំ២០០៥ ទំព័រទី៨។ តើយើងអាចរកឃើញមនុស្សដែលចង់ទទួលទស្សនាវដ្ដីជាទៀងទាត់យ៉ាងដូចម្ដេច? (វគ្គ១) តើយើងអាចរៀបចំបទគម្ពីរមួយចំនួនដើម្បីពិភាក្សាជាមួយពួកគេម្ដងមួយៗជាលំដាប់លំដោយយ៉ាងដូចម្ដេច? (វគ្គ៣) ហេតុអ្វីយើងត្រូវធ្វើច្រើនជាងដោយគ្រាន់តែអានបទគម្ពីរដែលបានជ្រើសរើសនោះ? (វគ្គ៤) តើការត្រឡប់ទៅជួបដើម្បីផ្ដល់ទស្សនាវដ្ដីអាចក្លាយទៅជាការសិក្សាព្រះគម្ពីរមួយបានយ៉ាងណា? (វគ្គ៥) ចូរធ្វើការសំដែងអំពីអ្នកផ្សាយម្នាក់កំពុងតែពន្យល់បទគម្ពីរមួយដល់ម្ចាស់ផ្ទះដែលទទួលទស្សនាវដ្ដីជាទៀងទាត់។
២០ នាទី: យុវជនយុវនារីដែលកាន់ជំហរមាំមួនតែក៏បង្ហាញការគោរពដែរ។ អ្នកចាស់ទុំម្នាក់ថ្លែងសុន្ទរកថា ដែលមានមូលដ្ឋានលើទស្សនាវដ្ដីប៉មយាម ថ្ងៃទី១ ខែមេសា ឆ្នាំ២០០៣ ទំព័រ៣០-៣១ ក្រោមចំណងជើងថា«កុំចូលរួមតែបង្ហាញការគោរព»។ សុំប្អូនយុវវ័យម្នាក់ឬពីរនាក់ទុកជាមុន ឲ្យប្រាប់អំពីការពិបាកដែលពួកគេធ្លាប់មាននៅសាលារៀន ហើយអ្វីដែលបានជួយឲ្យពួកគេប្រឈមមុខបញ្ហានោះដោយជោគជ័យ។
ចំរៀងលេខ២២២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៧ ខែវិច្ឆិកា
ចំរៀងលេខ១៨០
៥ នាទី: សេចក្ដីជូនដំណឹងតាមតំបន់។
២០ នាទី: របៀបប្រុងស្មារតីឲ្យបានប្រសើរជាង នៅកិច្ចប្រជុំនីមួយៗ។ សុន្ទរកថានិងការពិគ្រោះជាមួយនឹងអ្នកស្ដាប់ដោយមានមូលដ្ឋានលើទស្សនាវដ្ដីប៉មយាម ថ្ងៃទី១ ខែធ្នូ ឆ្នាំ២០០២ ទំព័រ២៥-២៦ វគ្គ១១-១៤។ ចូរប្រាប់ពីយោបល់ដែលមានក្នុងអត្ថបទនោះ ហើយអញ្ជើញអ្នកស្ដាប់ឲ្យប្រាប់ពីអ្វីដែលជួយឲ្យពួកគេបានប្រយោជន៍ច្រើនបំផុតពីកិច្ចប្រជុំក្រុមជំនុំ។
២០ នាទី: «ចូរបណ្ដុះនូវបំនិនក្នុងការវែកញែកជាមួយអ្នកឯទៀត»។c ជ្រើសរើសអ្នកផ្សាយខ្លះៗទុកជាមុនដើម្បីរៀបរាប់អំពីរបៀបពួកគេបានវែកញែកជាមួយនឹងមនុស្សពីមជ្ឈដ្ឋានផ្សេងៗក្នុងតំបន់ផ្សាយ។
ចំរៀងលេខ១៨៧ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។