តើពួកគេមានជំនឿអ្វី?
ពួកស្មរបន្ទាល់ព្រះយេហូវ៉ាជឿទៅលើព្រះដែលមានគ្រប់ព្រះចេស្ដា គឺព្រះយេហូវ៉ា ជាអ្នកដែលបង្កើតផ្ទៃមេឃនិងផែនដី។ វិជ្ជមាននៃរបស់អស្ចារ្យជាច្រើនដែលបានគូរប្លង់មកយ៉ាងស្មុគស្មាញនៅក្នុងសកលលោកដែលវិលជុំវិញមនុស្សយើង សម្ដែងយ៉ាងសមហេតុសមផលថា អ្នកបង្កើតដែលមានគ្រប់ព្រះចេស្ដាហើយដែលមានបញ្ញាដ៏ឧត្តមបំផុត បានបង្កើតរបស់សព្វសារពើទាំងនោះមែន។ ដូចកិច្ចការរបស់មនុស្សប្រុសនិងស្រីសម្ដែងគុណសម្បត្ដិរបស់គេ គឺយ៉ាងដូច្នោះដែរកិច្ចការរបស់ព្រះយេហូវ៉ាសម្ដែងគុណសម្បត្ដិរបស់ទ្រង់។ ព្រះគម្ពីរបានចែងប្រាប់យើងខ្ញុំថា៖ «អ្វីៗរបស់ទ្រង់ ដែលរកមើលមិនឃើញ តាំងពីកំណើតលោកីយមក ទោះទាំងព្រះចេស្ដាដ៏នៅអស់កល្បជានិច្ច នឹងនិស្ស័យជាព្រះរបស់ទ្រង់ នោះឃើញច្បាស់វិញ ដោយពិចារណាយល់របស់ទាំងប៉ុន្មាន ដែលទ្រង់បានបង្កើតមក»។ ថែមទៅទៀតនោះ ដោយគ្មានសំឡេងឬក៏ពាក្យសំដីអ្វីឡើយ «ផ្ទៃមេឃសំដែងពីសិរីល្អនៃព្រះ»។—រ៉ូម ១:២០; ទំនុកដំកើង ១៩:១-៤
មនុស្សមិនមែនសូនធ្វើឆ្នាំងពីដីឥដ្ឋឬធ្វើទូរទស្សន៍ហើយកុំព្យូទ័រដោយគ្មានបំណងអ្វីឡើយ។ ផែនដីហើយរបស់ដែលបានបង្កើតនៅលើនោះ គឺរុក្ខជាតិហើយសត្វលោក មានភាពអស្ចារ្យយ៉ាងក្រៃលែងជាងវត្ថុទាំងនោះទៅទៀត។ គ្រោងរូបរាងកាយមនុស្សដែលមានកោសិកាច្រើនសែនកោដិ គឺពិតជាហួសពីសមត្ថភាពនៃការយល់របស់មនុស្សយើង—សូម្បីតែខួរក្បាលដែលយើងប្រើដើម្បីគិត ក៏អស្ចារ្យក្រៃលែងដល់ម្ល៉េះដែលយើងមិនអាចយល់ដែរ! បើសិនជាមនុស្សលោកមានគោលបំណងក្នុងការកសាងនូវតក្កកម្មដ៏តូចតាចរបស់គេដែលមិនសូវសំខាន់នោះ ព្រះយេហូវ៉ាពិតជាមានគោលបំណងដែរចំពោះរបស់ដែលទ្រង់បានបង្កើតមកដែលមានភាពស្ញប់ស្ញែងណាស់! សុភាសិត ១៦:៤ បានសម្ដែងថាទ្រង់ពិតជាមានរាជបំណងមែន៖ «ព្រះយេហូវ៉ាទ្រង់បានធ្វើគ្រប់របស់ទាំងអស់ ឲ្យសមនឹងប្រយោជន៍នៃរបស់នោះឯង»។
ព្រះយេហូវ៉ាបានបង្កើតផែនដីដើម្បីបំពេញគោលបំណងមួយ ដូចទ្រង់បានមានបន្ទូលទៅមនុស្សមួយគូទីមួយនោះថា៖ «ចូរបង្កើតកូនឲ្យចំរើនជាច្រើនឡើង ឲ្យមានពេញពាសលើផែនដីចុះ ត្រូវបង្ក្រាបផែនដីហើយមានអំណាចលើត្រីសមុទ្រ សត្វហើរលើអាកាសនឹងជីវិតផងទាំងឡាយដែលកំរើកនៅផែនដីផង»។ (លោកុប្បត្តិ ១:២៨) ដោយព្រោះតែគេបានក្លាយទៅជាមនុស្សមិនស្ដាប់បង្គាប់នោះ មនុស្សមួយគូនេះមិនបានបំពេញផែនដីដោយគ្រួសារដ៏សុចរិត ដែលនឹងថែរក្សាផែនដីនិងរុក្ខជាតិហើយសត្វលោកដោយសេចក្ដីស្រឡាញ់នោះទេ។ ក៏ប៉ុន្តែ សេចក្ដីបរាជ័យរបស់គេនោះ មិនធ្វើឲ្យព្រះយេហូវ៉ាគ្មានជោគជ័យចំពោះគោលបំណងរបស់ទ្រង់ឡើយ។ រាប់ពាន់ឆ្នាំក្រោយរឿងនេះ បានត្រូវសរសេរមកថា៖ «ព្រះយេហូវ៉ាដែលបានបង្កើត . . . ហើយប្រតិស្ឋានផែនដី ក៏តាំងឡើង មិនមែនបង្កើតមកឲ្យនៅទទេទេ»។ ទ្រង់ក៏«បានជបសូនបង្កើតឲ្យជាទីអាស្រ័យនៅ»។ ផែនដីនេះមិនត្រូវបំផ្លាញឡើយ ពីព្រោះ «ផែនដីស្ថិតស្ថេរនៅជាដរាប»។ (អេសាយ ៤៥:១៨; សាស្ដា ១:៤) គោលបំណងរបស់ព្រះយេហូវ៉ាចំពោះផែនដីនឹងត្រូវបានសម្រេចឡើង៖ «គំនិតសំរេចរបស់អញនឹងស្ថិតស្ថេរនៅ អញនឹងធ្វើតាមបំណងចិត្តអញគ្រប់ប្រការ»។—អេសាយ ៤៦:១០
ហេតុដូច្នេះហើយ ពួកស្មរបន្ទាល់ព្រះយេហូវ៉ាជឿថា ផែនដីនឹងស្ថិតស្ថេរនៅដ៏អស់កល្បជានិច្ច ហើយថា គ្រប់មនុស្សទាំងអស់ ទាំងមនុស្សនៅរស់និងមនុស្សដែលបានស្លាប់ទៅ ដែលនឹងសុខចិត្តធ្វើស្របនឹងគោលបំណងរបស់ព្រះយេហូវ៉ាចំពោះផែនដីដែលនឹងត្រូវបានលាងស្អាតជាទីអាស្រ័យនៅ អាចរស់នៅលើនោះដ៏អស់កល្បជានិច្ចបាន។ គ្រប់មនុស្សទាំងអស់បានទទួលភាពមិនល្អឥតខ្ចោះពីអ័ដាមនិងអេវ៉ា ហើយដោយហេតុនេះ គ្រប់គ្នាជាអ្នកកំបាប។ (រ៉ូម ៥:១២) ព្រះគម្ពីរចែងប្រាប់មនុស្សយើងថា៖ «ឈ្នួលរបស់អំពើបាប នោះជាសេចក្ដីស្លាប់»។ «មនុស្សដែលរស់ គេដឹងថាខ្លួននឹងស្លាប់ជាមិនខាន តែមនុស្សស្លាប់ឥតដឹងអ្វីឡើយ»។ «ឯព្រលឹងណាដែលធ្វើបាប គឺព្រលឹងនោះឯងនឹងត្រូវស្លាប់វិញ» (រ៉ូម ៦:២៣; សាស្ដា ៩:៥; អេសេគាល ១៨:៤, ២០) បើអញ្ចឹងមែន តើដោយរបៀបណាដែលពួកគេអាចមានជីវិតរស់ឡើងវិញបាន ដើម្បីឲ្យមានចំណែកក្នុងពរទាំងប៉ុន្មាននៅលើផែនដីនេះ? ដោយសារតែវិធីមួយនេះឯង គឺយញ្ញបូជាតម្លៃលោះរបស់ព្រះយេស៊ូវគ្រីស្ទ ដ្បិតទ្រង់មានបន្ទូលថា៖ «ខ្ញុំជាសេចក្ដីរស់ឡើងវិញ ហើយជាជីវិត អ្នកណាដែលជឿដល់ខ្ញុំ ទោះបើបានស្លាប់ហើយ គង់តែនឹងរស់ឡើងវិញដែរ»។ «អស់ទាំងខ្មោចនៅក្នុងផ្នូរ នឹងឮសំឡេងទ្រង់ ហើយនឹងចេញមក»។—យ៉ូហាន ១១:២៥; ៥:២៨, ២៩; ម៉ាថាយ ២០:២៨
តើរឿងទាំងនេះនឹងកើតមានឡើងតាមរបៀបណា? រឿងនេះបានត្រូវពន្យល់ក្នុង «ដំណឹងល្អនេះ ដែលសំដែងពីនគរ» ដែលព្រះយេស៊ូវបានចាប់ផ្ដើមប្រកាសក្នុងកាលដែលទ្រង់គង់នៅផែនដីនេះ។ (ម៉ាថាយ ៤:១៧-២៣) ប៉ុន្តែសព្វថ្ងៃនេះ ពួកស្មរបន្ទាល់ព្រះយេហូវ៉ាកំពុងផ្សាយដំណឹងល្អនេះ ដោយវិធីយ៉ាងពិសេសណាស់។
[តារាងនៅទំព័រ១៣]
ជំនឿជាច្រើនរបស់ស្មរបន្ទាល់ព្រះយេហូវ៉ា
ជំនឿ មូលហេតុពីព្រះគម្ពីរ
ព្រះគម្ពីរជាបន្ទូលរបស់ព្រះហើយ ២ធី. ៣:១៦, ១៧; ២ពេ. ១:២០, ២១;
ជាសេចក្ដីពិត យ៉ូន. ១៧:១៧
ព្រះគម្ពីរជាប្រភពដែលអាចពឹងទៅ ម៉ាថ. ១៥:៣; កូល. ២:៨
លើបានជាងប្រពៃណីទៅទៀត
ព្រះនាមរបស់ព្រះគឺជាយេហូវ៉ា ទំនុក. ៨៣:១៨; អេសា. ២៦:៤;
៤២:៨, និក្ខ. ៦:៣
ព្រះគ្រីស្ទជាព្រះរាជបុត្រនៃព្រះ ម៉ាថ. ៣:១៧; យ៉ូន. ៨:៤២; ១៤:២៨; ២០:១៧;
ហើយជាអ្នកក្រោមបង្គាប់ទ្រង់ ១កូ. ១១:៣; ១៥:២៨
ព្រះគ្រីស្ទជាអ្នកដែលព្រះបានបង្កើត កូល. ១:១៥; វិវរ. ៣:១៤
មុនគេបង្អស់
ព្រះគ្រីស្ទបានទទួលមរណភាពដោយគេ កា. ៣:១៣; កិច្ច. ៥:៣០
ព្យួរនៅលើបង្គោលឈើ មិនមែននៅលើឈើឆ្កាងទេ
ជីវិតខាងមនុស្សរបស់ព្រះគ្រីស្ទ ម៉ាថ. ២០:២៨; ១ធី. ២:៥, ៦;
បានត្រូវចំណាយជាតម្លៃលោះសម្រាប់ ទីត. ២:១៤; ១ពេ. ២:២៤
មនុស្សដែលស្ដាប់បង្គាប់
យញ្ញបូជាតែមួយគត់របស់ព្រះគ្រីស្ទ រ៉ូម ៦:១០; ហេ. ៩:២៥-២៨
ជាការគ្រប់គ្រាន់ហើយ
ព្រះគ្រីស្ទបានត្រូវប្រោសពីមរណភាព ១ពេ. ៣:១៨ពថ; រ៉ូម ៦:៩;
ជាបុគ្គលវិញ្ញាណដែលមានជីវិតអមតៈ វិវរ. ១:១៧, ១៨
វត្តមានរបស់ព្រះគ្រីស្ទត្រូវកើតឡើង យ៉ូន. ១៤:១៩; ម៉ាថ. ២៤:៣;
តាមវិញ្ញាណ ២កូ. ៥:១៦; ទំនុក. ១១០:១, ២
រាជាណាចក្រនៅក្រោមព្រះគ្រីស្ទនឹងគ្រប់គ្រង អេសា. ៩:៦, ៧; ១១:១-៥;
ទៅលើផែនដីដោយសេចក្ដីសុចរិត ដា. ៧:១៣, ១៤; ម៉ាថ. ៦:១០
ហើយសន្ដិភាព
ព្រះរាជាណាចក្រនាំមកស្ថានភាពនៃជីវភាព ទំនុក. ៧២:១-៤;
ដែលល្អបំផុតដល់ផែនដីយើងនេះ វិវរ. ៧:៩, ១០, ១៣-១៧; ២១:៣, ៤
ផែនដីនេះនឹងមិនដែលត្រូវបំផ្លាញចោល សាស. ១:៤; អេសា. ៤៥:១៨;
ឬក៏លែងមានមនុស្សអាស្រ័យនៅទាល់តែសោះ ទំនុក. ៧៨:៦៩
ព្រះទ្រង់នឹងបំផ្លាញរបបសម័យនេះក្នុងសង្គ្រាម វិវរ. ១៦:១៤, ១៦; សេផា. ៣:៨;
នៅឯអើម៉ាគេដូន ដា. ២:៤៤; អេសា. ៣៤:២
មនុស្សអាក្រក់នឹងត្រូវហិនវិនាសអស់កល្បជានិច្ច ម៉ាថ. ២៥:៤១-៤៦, ពថ; ២ថែ. ១:៦-៩
មនុស្សដែលសព្វព្រះហឫទ័យព្រះនឹងទទួល យ៉ូន. ៣:១៦; ១០:២៧, ២៨; ១៧:៣;
ជីវិតអស់កល្បជានិច្ច ម៉ាក. ១០:២៩, ៣០
មានផ្លូវតែមួយគត់ដែលនាំទៅឯជីវិត ម៉ាថ. ៧:១៣, ១៤; អេភ. ៤:៤, ៥
ឥឡូវនេះយើងរស់នៅក្នុង«គ្រាចុងបំផុត» ម៉ាថ. ២៤:៣-១៤; ២ធី. ៣:១-៥; លូ. ១៧:២៦-៣០
សេចក្ដីស្លាប់របស់មនុស្សជាលទ្ធផលពីអំពើ រ៉ូម ៥:១២; ៦:២៣
បាបរបស់អ័ដាម
នៅពេលស្លាប់នោះ ព្រលឹងមនុស្សឈប់មាន អេសេ. ១៨:៤; សាស. ៩:១០;
វិជ្ជមានទាំងអស់ ទំនុក. ៦:៥; ១៤៦:៤; យ៉ូន. ១១:១១-១៤
ស្ថានឃុំព្រលឹងមនុស្សស្លាប់[នរក]គឺជា យ៉ូប ១៤:១៣; វិវរ. ២០:១៣, ១៤
ផ្នូរទូទៅរបស់មនុស្សលោក
សេចក្ដីសង្ឃឹមសម្រាប់មនុស្សដែល ១កូ. ១៥:២០-២២; យ៉ូន. ៥:២៨, ២៩; ១១:២៥, ២៦
ស្លាប់ទៅគឺជាដំណើររស់ឡើងវិញ
សេចក្ដីស្លាប់ដែលមកពីអ័ដាម ១កូ. ១៥:២៦; វិវរ. ២១:៤;
នឹងត្រូវឈប់មាន អេសា. ២៥:៨; ១កូ. ១៥:៥៤
មានតែហ្វូងតូចដែលមានចំនួន១៤៤.០០០នាក់ លូ. ១២:៣២; វិវរ. ១៤:១, ៣;
ប៉ុណ្ណោះ ដែលទៅស្ថានសួគ៌ដើម្បីសោយរាជ្យ ១កូ. ១៥:៤០-៥៣; វិវរ. ៥:៩, ១០
ជាមួយនឹងព្រះគ្រីស្ទ
ពួក១៤៤.០០០ត្រូវកើតជាថ្មីជាបុត្រាវិញ្ញាណ ១ពេ. ១:២៣; យ៉ូន. ៣:៣; វិវរ. ៧:៣, ៤
របស់ព្រះ
កិច្ចសន្យាថ្មីបានត្រូវធ្វើជាមួយនឹងជនជាតិ យេ. ៣១:៣១; ហេ. ៨:១០-១៣
អ៊ីស្រាអែលខាងវិញ្ញាណ
ក្រុមជំនុំរបស់ព្រះគ្រីស្ទត្រូវកសាងនៅលើ អេភ. ២:២០; អេសា. ២៨:១៦;
អង្គទ្រង់ផ្ទាល់ ម៉ាថ. ២១:៤២
សេចក្ដីអធិស្ឋានត្រូវថ្វាយទៅតែព្រះយេហូវ៉ា១ យ៉ូន. ១៤:៦, ១៣, ១៤;
អង្គដោយព្រះគ្រីស្ទ ១ធី. ២:៥
មិនត្រូវប្រើរូបាអ្វីឡើយក្នុងការធ្វើសក្ការៈ និក្ខ. ២០:៤, ៥; លេវី. ២៦:១;
យើងត្រូវតែស្អប់នឹងចៀសវាងពីអសុរនិយម ចោទិ. ១៨:១០-១២; កា. ៥:១៩-២១;
អារក្សសាតាំងជាអ្នកគ្រប់គ្រងដែលមើលមិន ១យ៉ូន. ៥:១៩; ២កូ. ៤:៤;
ឃើញរបស់លោកីយនេះ យ៉ូន. ១២:៣១
ជនគ្រីស្ទានមិនត្រូវមានចំណែកអ្វីឡើយ ២កូ. ៦:១៤-១៧; ១១:១៣-១៥;
ជាមួយនឹងចលនាសាសនាខុសៗពីគ្នា កា. ៥:៩; ចោទិ. ៧:១-៥
ជនគ្រីស្ទានត្រូវញែកខ្លួនចេញពីលោកីយ យ៉ា. ៤:៤; ១យ៉ូន. ២:១៥;
យើងត្រូវតែស្ដាប់បង្គាប់ច្បាប់ទាំងអស់របស់មនុស្ស ម៉ាថ. ២២:២០, ២១;
ដែលមិនប្រឆាំងនឹងច្បាប់របស់ព្រះ ១ពេ. ២:១២; ៤:១៥
បញ្ចូលឈាមទៅក្នុងរូបកាយតាមមាត់ឬក៏តាម លោ. ៩:៣, ៤; លេវី. ១៧:១៤;
សរសៃឈាមជាការប្រឆាំងនឹងច្បាប់របស់ព្រះ កិច្ច. ១៥:២៨, ២៩
ត្រូវតែស្ដាប់បង្គាប់ច្បាប់របស់ព្រះគម្ពីរខាង ១កូ. ៦:៩, ១០; ហេ. ១៣:៤;
សីលធម៌ ១ធី. ៣:២; សុ. ៥:១-២៣
ព្រះបានបញ្ជាឲ្យតែជនជាតិយូដាអនុវត្តតាមថ្ងៃ ចោទិ. ៥:១៥; និក្ខ. ៣១:១៣;
ឈប់សំរាកហើយបញ្ញត្តនោះបានត្រូវបញ្ចប់ រ៉ូម ១០:៤; កា. ៤:៩, ១០;
ជាមួយនឹងក្រិត្យវិន័យរបស់លោកម៉ូសេ កូល. ២:១៦, ១៧
ថ្នាក់បព្វជិតហើយឋានន្តរពិសេស ម៉ាថ. ២៣:៨-១២; ២០:២៥-២៧;
ជាការមិនត្រឹមត្រូវទេ យ៉ូប ៣២:២១, ២២
មនុស្សលោកមិនមែនមានវិជ្ជមាន អេសា. ៤៥:១២; លោ. ១:២៧
ដោយវិវត្តន៍ទេ ប៉ុន្តែបានត្រូវបង្កើតវិញ
ព្រះគ្រីស្ទបានសម្ដែងគំរូដែលយើងត្រូវតែ ១ពេ. ២:២១; ហេ. ១០:៧;
យកតម្រាប់តាមក្នុងការបំរើព្រះ យ៉ូន. ៤:៣៤; ៦:៣៨
ពិធីបុណ្យជ្រមុជទឹកជានិមិត្តរូប ម៉ាក. ១:៩, ១០; យ៉ូន. ៣:២៣;
ចំពោះការឧទ្ទិសថ្វាយខ្លួន កិច្ច. ១៩:៤, ៥
ពួកគ្រីស្ទានត្រូវតែប្រកាសប្រាប់ រ៉ូម ១០:១០; ហេ. ១៣:១៥;
នូវសេចក្ដីពិតខាងព្រះគម្ពីរ អេសា. ៤៣:១០-១២
[រូបភាពនៅទំព័រ១២]
ផែនដី . . . បង្កើតដោយសារព្រះយេហូវ៉ា ថែរក្សាដោយមនុស្សលោក . . . ជាទីអាស្រ័យនៅដ៏អស់កល្បជានិច្ច
[អ្នកផ្ដល់សិទ្ធិ]
NASA photo