ជួយអ្នកដទៃស្វែងរកការសម្រាលទុក្ខ
១ មនុស្សជាច្រើនធុញទ្រាន់ឮអំពីមហន្តរាយ សង្គ្រាម បទឧក្រិដ្ឋ និងការឈឺចាប់។ ការសម្រាលទុក្ខ ថ្វីបើគ្មាននៅក្នុងរបាយការណ៍សព្វថ្ងៃនេះ គឺជាអ្វីដែលមនុស្សជាតិត្រូវការជាខ្លាំង។ ការសម្រាលទុក្ខគឺមានន័យថា «ផ្ដល់កម្លាំងនិងសេចក្ដីសង្ឃឹម» និង «សម្រាលការទុក្ខព្រួយឬបញ្ហា»នៃអ្នកឯទៀត។ ជាស្មរបន្ទាល់ព្រះយេហូវ៉ា យើងមានសមត្ថភាពជួយមនុស្សជាតិតាមរបៀបនេះ។ (កូរិនថូសទី២ ១:៣, ៤) សៀវភៅស្តើងនានាដែលមានមូលដ្ឋានលើព្រះគម្ពីររបស់យើង ដែលយើងនឹងប្រើក្នុងខែកក្កដានិងសីហា មានសារដ៏សម្រាលទុក្ខនៃសេចក្ដីពិត។ (រ៉ូម ១៥:៤) នេះជាយោបល់ខ្លះដែលអាចប្រើក្នុងកាលៈទេសៈផ្សេងៗ៖
២ ពត៌មានដ៏ខ្លោចផ្សាមួយអាចហុចឲ្យឱកាស សំរាប់ផ្សាយហើយជួយសម្រាលទុក្ខអ្នកដទៃ ប្រហែលជាអ្នកអាចនិយាយបែបនេះ៖
▪ «ពេលដែលមានសកម្មភាពទាំងនោះកើតឡើង អ្នកខ្លះឆ្ងល់ ថាតើមានព្រះពិតឬក៏យ៉ាងណា ហើយប្រសិនបើមានមែន ថាតើទ្រង់ពិតជាខ្វល់ខ្វាយនឹងយើងទេមើលទៅ។ តើអ្នកគិតយ៉ាងណាដែរ? [អនុញ្ញាតឲ្យគេឆ្លើយ] របៀបមួយដែលអាចកត់សម្គាល់ថាតើមានព្រះ គឺដោយអនុវត្តតាមគោលការណ៍ដែលបានស្ថាបនាយ៉ាងជាក់ស្តែងនេះ»។ សូមអានហេព្រើរ ៣:៤ ដែលបង្ហាញយ៉ាងច្បាស់ថារបស់របរនៅជុំវិញយើងត្រូវការអ្នកបង្កើត។ រួចនិយាយទៀតថា៖ «ខ្ញុំមានសៀវភៅស្តើងមួយដែលខ្ញុំដឹងថា អ្នកនឹងអាចទទួលការសម្រាលទុក្ខបាន។ គឺមានចំណងជើងថា តើព្រះពិតជាស្រឡាញ់យើងមែនឬ? [សូមអានសំនួរនៅលើក្រប] គឺជាភស្តុតាងដ៏គួរជឿថា ព្រះមិនគ្រាន់តែមានពិតទេ ប៉ុន្តែទ្រង់នឹងបញ្ចប់សភាពអយុត្ដិធម៌ដែលយើងជួបប្រទះសព្វថ្ងៃនេះ។ តើអ្នកចង់ទុកមើលទេ»? រៀបចំការត្រឡប់ទៅជួបវិញ។
៣ ពេលត្រឡប់ទៅជួបវិញ អ្នកអាចនិយាយថា៖
▪ «យើងបាននិយាយអំពីភស្តុតាងនៃវិជ្ជមានរបស់ព្រះ ពេលដែលខ្ញុំបានឲ្យសៀវភៅស្តើងតើព្រះពិតជាស្រឡាញ់យើងមែនឬ? ប្រហែលជាអ្នកបានចាប់ភ្លឹកនូវចំណុចនេះ ក្នុងទំព័រ៧។ [បង្ហាញរូបភាពហើយសង្ខេបវគ្គ១៥] នេះគឺគ្រាន់តែជាឧទាហរណ៍មួយ ថាព្រះដែលមានព្រះទ័យខ្វល់ខ្វាយ គឺពិតជាមានមែន។ [សូមអានវគ្គ២៧ នៅទំព័រ៩] ការសិក្សាព្រះគម្ពីរផ្ទាល់ខ្លួន បានជួយខ្ញុំដោះស្រាយបញ្ហានៃជីវិតដែលមានរាល់ថ្ងៃ ពីព្រោះនេះផ្ដល់នូវទស្សនៈរបស់ព្រះចំពោះរឿងទាំងឡាយ»។ បង្ហាញនូវរបៀបដែលយើងបង្រៀន។
៤ ការផ្សាយតាមទូរស័ព្ទអាចធ្វើទៅបាន ដោយប្រើសៀវភៅស្តើង «តើអ្វីជាគោលបំណងនៃជីវិត—តើអ្នកអាចរកឃើញយ៉ាងដូចម្ដេច»? ក្រោយពីជំរាបសួររួចហើយ អ្នកអាចនិយាយថា៖
▪ «ខ្ញុំទូរស័ព្ទមកអ្នក ដោយមានសារដ៏សំខាន់មួយ ពីព្រោះខ្ញុំមិនអាចទៅជួបអ្នកដោយផ្ទាល់ខ្លួនទេ»។ សូមអានវគ្គទីមួយនៅទំព័រ៤ពីសៀវភៅស្តើង អានដូចជាអ្នកនិយាយធម្មតា។ សួរគាត់ថាតើគាត់គិតយ៉ាងណាដែរ ហើយអនុញ្ញាតឲ្យឆ្លើយ។ «ខ្ញុំបានបើកព្រះគម្ពីររបស់ខ្ញុំទៅអេសាយ ៤៥:១៨។ ខនេះបង្ហាញថា ផែនដីដែលបានត្រូវបង្កើតមក គឺសម្រាប់យើង។ តើចង់ឲ្យខ្ញុំអានជូនអ្នកបានទេ»? ក្រោយមក ចូរពន្យល់នូវគោលបំណងនៃសៀវភៅស្តើងនេះ ហើយសួរពីរបៀបដែលអ្នកអាចយកសៀវភៅស្តើងនេះទៅឲ្យគាត់។
៥ នៅពេលត្រឡប់ទៅជួបលើកក្រោយ អ្នកប្រហែលចង់ប្រើរបៀបនេះដើម្បីចាប់ផ្ដើមការសិក្សា៖
▪ «ខ្ញុំចង់បន្ថែមលើការសន្ទនាដែលបានពិគ្រោះពីលើកមុន ដោយបង្ហាញពីអ្នកណាដែលអាចប្រាប់យើងអំពីគោលបំណងនៃជីវិត។ [ចូរបង្រួមវគ្គ១និង២នៅទំព័រ៦ ក្នុងសៀវភៅស្តើងគោលបំណងនៃជីវិត] វិវរណៈ ៤:១១ ពន្យល់ថា ព្រះយេហូវ៉ាជាអ្នកបង្កើតយើង។ [សូមអាន] ទ្រង់ពិតជាមានមូលហេតុណាមួយហើយពេលបង្កើតយើងមក។ មនុស្សជាច្រើនដែលបានដឹងនូវមូលហេតុនេះ បានសិក្សាបន្ទូលរបស់ព្រះ ព្រះគម្ពីរ។ ខ្ញុំចង់ផ្ដល់ឲ្យឱកាសនេះដល់អ្នកដែរ»។ ចូរពន្យល់ពីរបៀបសិក្សាតាមផ្ទះដោយឥតគិតថ្លៃ ហើយរៀបចំដើម្បីចាប់ផ្ដើមការសិក្សា។
៦ របៀបនេះប្រហែលជាមានប្រយោជន៍ដល់អ្នកណាដែលខ្លាចមនុស្សស្លាប់៖
▪ «មនុស្សនៅជុំវិញយើង មានជំនឿថាមានជីវិតរស់ក្រោយពីស្លាប់។ មនុស្សជាច្រើនជឿថា វិញ្ញាណដែលចេញពីរូបកាយពេលស្លាប់ ប្រហែលជាទៅស្ថានសួគ៌ឬអបាយភូមិ។ អ្នកខ្លះខ្លាចវិញ្ញាណបែបនេះ ហើយខំបណ្ដេញវាចេញ។ អ្នកខ្លះទៀតខំប្រឹងទាក់ទងជាមួយវា។ តើអ្នកគិតយ៉ាងណាដែរ តើវាអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? [អនុញ្ញាតឲ្យឆ្លើយ] ដើម្បីឆ្លើយសំនួរទាំងអស់នេះ សៀវភៅស្តើង វិញ្ញាណនៃមនុស្សស្លាប់ នេះបានរៀបចំមក។ [ចូរបង្ហាញរូបភាពនិងចំណងជើង នៅទំព័រ៦និង១២] ដើម្បីឲ្យអ្នកជឿពិតប្រាកដចំពោះរឿងទាំងអស់នេះ ចូររៀនពីមូលហេតុទាំងឡាយដែលបានចែងប្រាប់ក្នុងសៀវភៅស្តើងនេះ។ អ្នកអាចទទួលសៀវភៅស្តើងមួយក្បាលសំរាប់ខ្លួនអ្នក ដោយផ្ដល់វិភាគទានតែបន្ដិចបន្តួចប៉ុណ្ណោះ»។
៧ ពេលដែលអ្នកត្រឡប់ទៅជួបវិញ អ្នកអាចបង្ហាញរូបភាព នៅទំព័រ៦ម្ដងទៀត នៃសៀវភៅស្តើង «វិញ្ញាណនៃមនុស្សស្លាប់» ហើយនិយាយថា៖
▪ «ខ្ញុំជឿជាក់ថា ក្នុងពេលដែលអ្នករៀនពីសៀវភៅស្តើងនេះ អ្នកនឹងដឹងនូវមូលហេតុដែលយើងបានដឹងជាប្រាកដថា មនុស្សស្លាប់មិនអាចធ្វើទុក្ខឬក៏ជួយយើងបានឡើយ។ ប៉ុន្តែ តើអ្នកចាប់ភ្លឹកនឹងរូបភាពនៅទំព័រ២៩ទេ? [បើកទៅទំព័រ២៩ ហើយពន្យល់សង្ខេបពីរូបភាព រួចហើយអានយ៉ូហាន ៥:២៨, ២៩ពីសៀវភៅស្តើង] ប្រសិនបើអ្នកមានចិត្តចង់ជួបបុគ្គលដ៏ជាទីស្រឡាញ់របស់អ្នកម្ដងទៀត សូមឲ្យខ្ញុំជួយអ្នកឲ្យមានសេចក្ដីសង្ឃឹមលើដំណើររស់ឡើងវិញ»។ សុំសិក្សាព្រះគម្ពីរតាមផ្ទះជាមួយគាត់។
៨ សូមឲ្យយើងខំប្រឹងអស់ពីសមត្ថភាពក្នុងខែខាងមុខនេះ ដើម្បីយកត្រាប់តាមព្រះយេស៊ូ ដោយ‹សម្រាលទុក្ខនៃអស់អ្នកដែលកាន់ទុក្ខ›។—អេសាយ ៦១:២